#من_النظرة_الأولى#بقلم_أسماء_بكيرة#الجزء_الثانيفادي. منعمل اي شي المهم نساعدها ترجع طبيعية
لانا. لك شو بدك بوجع الراس خلص شو بدنا فيها اصلا أنا كرهانتها هالفترة وماعم حب ضل معها زيادة
فادي. يعني مارح تساعديني
لانا. يعني مقرر وخالص
فادي. طبعا
لانا. ماشي قلي شو اعمل انا
فادي. أنا مالي عرفان اذا رح تزبط وحتى مو خاطر ببالي شي هلأ بس ممكن نخليها تتعرف على أصدقاء شباب وهيك هيك بتصير
لانا. هههههه لك شو هالخطة اصلا مابترضى تتعرف على اي شب
فادي. طيب خليها تتعرف علي اول شي ومنصير منقعد سوا وهيك بتاخد عالفكرة
لانا. اخ منك طيب بشوفها
حاولت كتير مع لانا حتى قبلت بالآخر طبعا أنا كان بدي يصير هالشي حتى نادين تحبني متل مابحبها وإحسن نام الليل بلشنا بالخطة شوي شوي طبعا نادين ماكانت متقبلة فكرة صداقتنا بس شوي شوي صارت تاخد علي وصرنا رفقات تعذبت كتير انا ولانا حتى غيرناها شوي وهيك ارتاحت نفسيتي.
بعد شهر من العناء مع نادين صرنا نحكي مع بعض وازدادت صداقتنا وحتى صرنا أحيانا نقعد برات الجامعة ومع هيك ماكانت لانا تفارقنا.
نادين. هلأ معقول تكون دراسة الحقوق أسهل من الصيدلة
فادي. هههههه والله ضحكتيني لك طبعا أسهل الله لا يورجيكي الصيدلة صعبة كتير
نادين. كنت حابة ادخلها بس ماجبت علامات عالية
فادي. ليش شبها الحقوق حلوة
نادين. اي بعرف بس هيك كنت حابة صيدلة
لانا. اوووووف على حديثكن شو ممل خلصونا بقى لسا مابتحكوا غير عن الدراسة مللتوني ياه انا رايحة
فادي. الله يسامحك يا لانا
نادين. وين رايحة
لانا. عالبيت اليوم عاملين جمعة للعيلة عنا بقى رح روح
نادين. مع السلامة
بعد ماراحت لانا تلبكت كتير لانو هي أول مرة بقعد أنا ونادين لحالنا
نادين. اي وين صفنت
فادي. لا ولا شي عادي يعني
نادين. فادي كم اخ عندك
فادي. ولا اخ
نادين. وانا كمان وحيدة
فادي. صعب علينا انو نعيش بلا اخ
نادين. مو كتير عادي يعني انا متعودة ومريحة بالي وخاصة انو اهلي مدلليني كتير وبحبوني ويمكن لوكان عندي اخوات مارح كون مبسوطة
فادي. نادين انت حاملة شي مادة
نادين. اي حملت مادة وحدة
فادي. هههههه الحمد لله انا ماحملت
نادين. ليش عم تضحك العمى شو انك غليظ
فادي. اي روقي ماحكيت شي باقيلي سنة وبتخرج وبريح بالي بقى الله وكيلك مليت
نادين. يعني انت هلأ عمرك 22
فادي. اي 22 سنة
نادين. اكبر مني بسنتين أنا لهلأ لساتني سنة أولى
فادي. بدي اسألك سؤال
نادين. اسأل
فادي. في بحياتك حدا
نادين. معليش أنا مابحب احكي بهالقصص يلا سلام
فادي. لك وين رايحة اقعدي (اي والله ماحكيت شي)
رجعت عالبيت تحممت وغيرت تيابي قعدت مع أمي شوي وفتت ادرس دق تلفوني
لانا. هاي فادي
فادي. اهلين لانا
لانا. كيفك
فادي. ماشي الحال
لانا. عندك شي الليلة
فادي. دراسة متل العادة
لانا. تطلع نتعشى برا بدي احكي معك بموضوع
فادي. موضوع!! بخصوص شو
لانا. بس تجي بتعرف شو بتطلع
فادي. طيب ماشي وين
طبعا اعطتني لانا العنوان ماكنت حابب اطلع مع لانا بس رح اطلع حتى ما زعلها كملت دراستي دق تلفوني
براء. شوووو زمان ماعدت حكيت معنا وين غاطت يا زلمة
فادي. دراسة حبيبي الله وكيلك
براء. اي يلا قوم تعال سهار معنا مو حلوة السهرة بدونك
فادي. والله مابقدر عندي موعد الليلة
براء. ياسلام لك اسمعوا شباب فادي عندو موعد هههههه
فادي. براء بلا غلاظتك
براء. طيب قلي حلوة
فادي. براء خلينا رفقات
براء. اي خلص متل مابدك والله وصرت يافادي وماحدا ادك
طبعا نهيت المكالمة ورحت محل ماتواعدنا انا ولانا كانت كتير مكركبة بالبداية وضلينا فترة ساكتين حتى بعدين حكت
لانا. فادي احكيلي الصراحة
فادي. صراحة!! صراحة شو
لانا. انت بتحبني
فادي. بحبك ؟!! شو خطرلك يعني شو هالسؤال
لانا. فادي جاوبني قلي انت بتحبني لا تلف وتدور
فادي. لانا انت فهمانة غلط نحنا رفقات وبس
لانا. شو يعني
فادي. يعني نحنا رفقات عاديين مع حبيبين وهيك
لانا. شووو يعني عم تضحك علي
فادي. عم اضحك !!! انت شو صايرلك نحنا رفقات وبس يعني ماعندك انو شب وبنت يكونوا رفقات
لانا. بس أنا بحبك
فادي. عادي يعني الرفقات يحبو بعضهن
لانا. لا مو عادي هاد مو حب رفقات انا بحبك عنجد
فادي. ......
تركت لانا قاعدة بعد ما انصدمت من كلامها ماكنت متوقع أبدا منها انو تحبني أنا صح تقربت منها بس مو لاني بحبها لاني بحب رفيقتها نادين تكركبت انا كمان بس مو كتير حطيت ببالي خفت من لانا وردة فعلها بس بالآخر رح تتقبل هالشي ضليت تاني يوم بالبيت ما رحت عالجامعة ماكنت حابب اتقابل انا ولانا
الساعة 3 ونصف الظهر
دقتلي لانا خفت بالأول انو رد بعدين استغبيت حالي ورديت عليها
لانا. شو وينك
فادي. بالبيت
لانا. ليش مااجيت عالجامعة
فادي. تعبان
لانا. لأ مو تعبان انت مابدك تشوفني
فادي. لك لا عنجد انا تعبان
لانا. طيب تعال بكرى
فادي. لانا ارجوك انسيني انا بحب وحدة غيرك
لانا. شووو ومين هي
فادي. مابقدر قلك
لانا. اي لاتخاف عرفتها
فادي. عرفتيها
لانا. اي ليش في غيرها
فادي. مين هي. ؟!!
