#الجزء_الرابع_عشر
Telegram:@rwayate
اتطلع قيس بلينا لئاها حاطا ايدها علئ بطنا وعم تبكي ...
قيس :الله لا يهنيني ازا رح هنيكون فيو 😠
ورفع المسدس علئ لينا ...
صرخت هبة :قيييييس لااا 😱
ركد ماهر وضم لينا لحتئ يحميها ويحمي ابنو من رصاصة قيس 😢💔
اما هبة بعدت ايد قيس بآخر لحظة عجنب واجت الرصاصة بفازة ورد....
اتطلع قيس بهبة بعصبية وئبل ما يحكي كانت لاسختو كف متل فراء الوالدين ..
طغا الهدوء فجأة بالمكان وقيس لسا فاتل راسو ومو مستوعب اللي عملتو هبة....
هبة :انتة شو....عم يئلك اختك حامل بدك تئتلا وتئتل يلي جواتا .... انا عنجد انصدمت فيك 😢
ماهر :قيس ...خلينا نفتح صفحة جديدة. ..
وئرب ماهر علئ قيس
ماهر :وحياتك عندي اختك مارح تنضام ...
لينا :اخي ...انا...
قيس :لينا لبئئ تئولي اخي ،انا رايح بس حسك عينك تفكري تجي تشوفي امك او رجلك تعتب البيت ... لوئت تموتي
لينا :...😰
قيس :انا متبري منك ليوم الدين ..
لينا :لا لا مشان الله اخي
Telegram:@rwayate
وطلع قيس من البيت ..اتطلعت هبة بماهر
هبة :دير بالك عليها ماهر 😢
ماهر :بحياتي مارح انسالك معروفك
هبة :اه صحيح ...فرح..اختك فرح صارت مرت اخي ازا حابب تعرف وينا يعني
ماهر :عنجد ريان اتجوزها ؟
هبة :اي ماهر ...وهية كمان حامل ادعيلها
ماهر :اي...الله يكون معها
طلعت هبة من البيت ونزلت من العمارة شافت قيس لسا ئاعد بالسيارة ومطلع كوع ايدو من السيرة وعم يعض عقببضة ايدو ...بلعت هبة ريئها
هبة :الله يستر...😥
طلعت هبة بالسيارة واتطلعت بقيس اللي كان وشو ما بيتفسر
هبة :قيس انا اسفة ...
قيس :ليش منعتيني ،ليش ماخليتيني اغسل عاري
هبة :اي عار ؟ قيس لينا تجوزت عسنة الله ورسولو وغير هيك عايشة مع جوزها ورح تخلف منو ،اختك عايشة حياة عادية متلا متل اي مرة بالدنيا ...😢
قيس :خلص ....بس معد اعترف فيها...
وشغل السيارة ومشي...
Telegram:@rwayate
==========================\
رجعت عالبيت فتحت الباب وفاتت وهية متدايئة ...ئعدت عالكنبة وبلشت تنفخ..وفجأه حست بحركة مو طبيعية بالبيت...
وئفت وصارت تتلفت حوليها
هبة :ممين في هون !؟ 😰
فتحت باب غرفتا وفجأة سمعت صوت حدا عم يحاكيها من ورا.:كيفك هبوش ...😏
فتلت لئت عماد ئاعد عالكنبة وحاطط رجل عرجل وفاتح البوم صورها وعم يئلب فيه...
هبة :عماد...كيف فتت لهون ؟
عماد :مو عماد اللي بينسئل هيك سؤال 😏
هبة: ششو ببدك 😰
عماد :جاي استفسر عن شغلة
هبة :شو هية ؟
سكر عماد الالبوم ورما عالطاولة وشبك ايديه ببعض واتطلع بهبة
عماد «بهدوء »:اخوكي ريان متجوز فرح ؟
هبة :اي ...
عض عماد عشفايفو : طيب ..
Telegram:@rwayate
ووئف ،حست هبة ئلبا وئف لما شافتو بلش يمشي لعندا ..وضلت تمشي خطوات لورا وهوة يئرب لحد ما تفركشت وكانت رح توئع عضهرا بس مسكها بآخر لحظة من خصرا ولزئها فيو
ارتعبت هبة وحاولت تفلت من ايدو اللي كانت لافة عضهرا مائدرت لأنو كان ائئوئ منها...
رفع عماد ايدو التانية ورفعلا خصلة شعرا اللي كانت وائعة عوشا وبلش يتأملا وعيونو عم تلمع
عماد :بتعرفي اكتر شي بعشئو فيكي شو هوة
هبة :شو ..!
عماد :كزبك عليي .. هبة كزبي كمان هالمرة وئليلي انك بتحبيني ❤️
ضل عماد صافن بعيون هبة وضايع فيون وهية نفسها عم تاخدو بصعوبة من رعبتها ،وئرب عليها بدو يبوسها ودفشتو هبة عنها وفاتت عغرفتا وئفلت الباب وراها وسمعت صوت عماد عم يضحك بصوت عالي ....وسمعت صوت الباب انفتح واتسكر ...ضلت فترة ئاعدة بغرفتا لحتئ سمعت صوت الباب انفتح وسمعت صوت ريان ...
فتحت الباب وركدت لعند ريان وضمتو وهية عم تبكي...
ريان :شبكي هبة؟
هبة :ريان انا خايفة كتير 😭
ريان :ئعدي احكيلي ...
هبة :عماد كان هون 😭
انصدم ريان وئال :كيف ؟هون هون متأكدة 😳
هبة :اي وسأل علئ فرح ،ريان هوة عرفان انكون متجوزين 😢
ريان :عملك شي ازاكي يعني...!
هبة :لا ...
وئف ريان علئ حيلو وهوة مزعوج
هبة :لوين رايح ؟
ريان :لعند فرح انا لازم احميها....
هبة :خدني معك لكن ..
وطلعو ريان وهبة من البيت ....
Telegram:@rwayate
==========================\
اما قيس كان عم يرائب بيت ريان من بعيد وفجأة شاف عماد من بعيد ...حمل موبايلو ودء بسرعة بـ عدي ...
قيس :عدي رح اعطيك عنوان بتجي عليه انتة والدعم بسرعة...
عدي :خير ..
قيس :عماد الزيبئ ....وئع..😏
عدي :بسرعة عطيني العنوان...
عطا قيس العنوان لـ عدي ...