ام بكر. اي بس عم اعملك لفحة مشان ما تبردي
تولين. يالله منك ما قلتلك مافي داعي
ام بكر. هسس ولا حرف سمعي الكلمة يا بنت
تولين. هههه خلص امرك بس بتشتغلي كل يوم بس نص ساعة
ام بكر. امرك تولين خانوم
ساد الصمت بيناتنا للحظة ما حسيت الا تيتا صارت تحكي
ام بكر. تولين ..دخلك
تولين. اي تيتا شبك
ام بكر. مرقتي عالمحامي اليوم مشان أخوكي
تغيرت تعابير وشي وارتسمت ابتسامة صغيرة عوشي بس الله اعلم شو في وراها هالأبتسامة
تولين. اي تيتا مرقت عالمحامي
ام بكر. اي ولقيتي شو صار شو حكيتو
تولين. قلي في يأمنلنا زيارة بعد أسبوعين بس رح تكلف شوي
ام بكر. اي بدفع مافي مشكلة بس ما قلك ازا في قرار افراج او هيك شي
وبدون ما فكر تولين. تيتا كيف بدك ياهون يفرجو عن تاجر مخدرات بهالسهولة وهو اصلاً ما صرلو غير سنة بالسجن
كان الحزن واضح بعيونا ام بكر. بعرف هالشي تيتا بس قلت الا ما يكون في امل😔
طبطبت عأيديها تولين. تيتا فهميني كيف بتقدري تحملي كل هالقلب الكبير كيف بتقدري تسامحي اخي بعد هالعملة انا اصلاً مو طايقة اسمع صوتو بس عم بعمل كل هالشي مشانك
ام بكر. تيتا اخوكي مالو غيرنا انا واياكي انا متأكدة في شي غلط بالموضوع اخوكي مو معقول يعمل هيك بعدين انا مين الي غيركون وانتو مين الكون غير بعض
تولين. معك حق بس النا انتي وبيكفي وبيوفي ما بيهمني بابا بعد ما تركنا وسافر وما بقى سأل عنا حتى وماما الله يرحما ما الها ذنب بس انتي موجودة انتي معنا تيتا
ام بكر. طول ما انا عايشة انا معكون تيتا بس بدك توعديني ما تفكري بهالطريقة عن اخوكي يمكن تكوني ظالمتي يمكن في غلط بالموضوع
تولين. تيتا ما بقدر ..ما بقدر كون متلك هو غلط غلطة كبيرة وما بتوقع اني سا
قاطعتني. لاء...لاء مو هي تولين الي بعرفا رح تسامحي انا متأكدة من هالشي
تولين. تيتا كيف كيييف؟؟
كيف رح سامحو
ام بكر. خلص تولين بيكفي تحكي انتي اصلاً بطلتي تفكري بهالحكي الي عم تحكي روحي ريحي حالك وفكري منيح انتي مانك حقودة
تركت تيتا وفتت عغرفتي ما بعرف ازا عنجد متل ما عم تقول تيتا انو ممكن سامحو بعرف الايام كفيلة لتغير كل شي ولتقلب كل المسارات وانا عم فكر رن الهاتف وقطعلي سلسلة أفكاري
تولين. الو
م. مو دائماً تستعملي السواد الي جواتك خلي مكان للبياض حتى لو كان مالح لأنو الملح هو طعم الحياة
وراح الصوت تولين. بس مين معي الوو..الو
فجأة سمعت صوت م. انا..انا المجهول
فصل الخط بسرعة بس بعدا حسيت براحة غريبة ما بعرف شو السبب وما لحقت نزل السماعة الا بترن مرة تانية
تولين. الو..انت المجهول؟؟
شكراً..شكراً الك
عمر. اي مجهول شو عم يصير معك انا عمر
تولين. عععمر
عمر. اي ععععمر اكيد نقزتك متل كل مرة وما توقعتي انو كون انا كمان بعرف
تولين. ههههه خلص عرفتني
عمر. بس مين هاد المجهول؟؟
تولين. ههه من شوي دقلي رقم غريب وانا كنت متدايقة شوي فقلتلو المجهول
عمر. بس شكراً على شو بالزبط
تولين. آااه انا قلتلو شكراً اي اي هو قلي جملة ريحتني شوي وبعدين فصل الخط وما قبل يقلي مين هو
عمر. غريب بس اكيد بالغلط ولما سمع صوت غريب فصل
تولين. ما بعرف بس توغوشت
عمر. ههههه مين بدو يكون يعني مجنونة
تولين. آااه!
عمر. أسف بس لما كنتي صغيرة كنت متعود قلك هالكلمة والهيئة ضلت معلقة براسي
تولين. ههه ولا يهمك
عمر. اي بالمناسبة دقيتلكون لانو امي عازمتكون عسهرة
تولين. اوك هلق بقول لستي
عمر. اوك سلام
تولين. سلام
سكرت الخط وقمت من التخت رفعت شعري ورحت لعند تيتا عغرفة القعدة
تولين. تيتا انا اسفة عالحكي الي قلتو نتو ما كان بقصدي
ام بكر. هوس ولا حرف بس ما بدي اسمع هالحكي مرة تانة
تولين. هههه خلص أمرك يالله هلق قومي حضريلي حالك بدنا نروح نسهر
ام بكر. نسهر؟؟
تولين. اي شبك جارتنا ام عمر عازمتنا عسهرة
ام بكر. اها يعني كانت ام عمر عالهاتف من شوي
تولين. لاء تيتا كان عمر😊
ام بكر. عمر!
تولين. لك خلص قومي حاج تسألي
ام بكر. انتي روحي لبسي انا جاهزة
تولين. ماشي امرك
فتت عغرفتي طلعت تيابي ولبست ما لحقت حط الحجاب عراسي الا بيندق الباب طرت عالباب لأفتحو
تولين. مين هادا انت!!....#يتبع
#نبض_الحياة_بقلم_رومانتيكا
الجزء الثالث........
تولين. مين...هادا انت!!
شال الدبوس من تمي عمر. ازا بدك تقولي نقزتك
تولين. ههه لا خلص ما نقزتني
أشر عالدبوس الي بأيدو عمر. هاد لا بقى تحطي بتمك بلكي بلعتي
تولين. لا تخاف ما بيصير شي
ام بكر. عمر هادا انت الف الحمدلله عسلامتك
عمر. الله يسلمك خالتي
ام بكر. والله والك وحشة والله فقدنالك ماشاءلله صاير زلمة شو كبران
بصوت واطي عمر. ليش شو كنت😅
تسلمي خالتي
ام بكر. فوت خالتي فوت ليه لساتك واقف عالباب
عمر. لا خالتي اجيت لجيبكون قلت مو منيح تطلعو لحالكون بهالليل
ام بكر. يكتر خيرك بس ما كان في داعي دائماً منطلع لحالنا وانتو جيرانا الباب عالباب يعني
عمر تلبك عمر. بسسس ..بس هلق انا موجود وعم بسمع بكتير قصص بتخوف عم تصير بالليل
ام بكر. ا