#لايا#بقلم_شامة_و_يمنى_عفيفالحلقة الثامنة عشر
ابتسم باستغراب وبعد عن الباب : يا هلا
لايا : كيفك ؟
: تمام مشتقلك انتِ كيفك
لايا : انا أكتر حبيبي
: تشربي شي ؟
لايا : أنا بعمل قهوة لا تتغلب انت
: من ايدك أحلى يا كحلا
لايا : هههههه
□▪□▪□▪□
كان قاعد ببيته وحاط إيديه على راسه يلي رح ينفجر من يلي سمعه ..
//*__فلاش باك__*//
بغرفة لايا
قاعدين نبأ ولايا بحكو بمواضيع متنوعة شوي وحكت لايا:والله هالقعدة بدها فنجان قهوة بدي اروح اعمل قهوة تشربي نبوءة؟
نبأ:اه بشرب
راحت لايا لتعمل القهوة اما نبأ بقيت بالغرفة شوي ورن تلفون نبأ فتحت الخط واجاها صوت من الطرف التاني
: كيفك نبأ
نبأ : هلا ماجد تمام انت كيفك ؟
ماجد : الحمد لله تمام الحمد لله عسلامتك ومبارك نجاحك بالمؤتمر
نبأ : الله يبارك فيك يارب، كيف عمتي وعمو واخوتك كلهم؟
ماجد: كلهم بخير بسلمو عليكِ وبباركولك
هي ماما بدها تحكي معك
نبأ : تمام
: كيفك يا روح عمتك؟ …اشتقتلك كتير
نبأ : وانا أكتر يا عمري، والله اشتقنالك كتير، متى راجعين ؟
جيهان: ان شاء الله عالعطلة الصيفية مننزل، اذا الله راد ..
نبأ.: ان شاء الله يآرب.
جيهان: يلا بدك شي عمتي
نبأ : سلامتك يا عمري، سلمي على عمو وعلى كل ولادك ..
جيهان: بيوصل يا روحي ..
فاتت لايا عالغرفة ومسك ماجد التلفون ليكمل حكي بس انصدم من يلي سمعه
وعند لايا ونبأ
دخلت لايا ومعها القهوة بلشوا يشربوا
ولايا عم تحكي لنبأ عن كل شي مرت فيه من تهديدات وغيره؟
لايا : والتهديدات كلها عم توصل موقعة باسم الصقر.
نفّذ أول تهديد وأذى براء والله العليم مين حيأذي بعده ..
انا مو خايفة على حالي..
أنا خايفة عليكم..
نبأ : طيب شو القضية يلي بده اياكِ تتركيها؟
حكتلها لايا قصة ديانا كلها
نبأ : العمى، ليش ما قدمت ِبلاغ للشرطة شو عم تستني؟
لايا : ليش بدي اقدم بلاغ للشرطة؟
اذا كل حدا هدد بده يخوفني ببطل مهنتي نبأ…بعدين كنت ناوية احكي لسرى مشان احطها بالصورة بس صار اللي صار مع براء ونسيت الموضوع
نبأ : بس انا مو معك بهالقررا لازم الشرطة تعرف لانه مبين خطير وشكله عنده عصابة
سكّر الخط وهو مصدوم ..
وعم يفكر بالحكي ..
//*__باك__*//
يعني اللعبة يلي أنا رح ادخلها، هي ضد لايا؟
ويلي عم يهددها هو الصقر نفسه!
وأذاها ببراء !
لك انا كيف ما فهمت من الأول... كييف ..
لايا وبراء .. تيم ..
معقول ما خطرلي من قبل ..
ضرب ايده ع راسه وحكى: غبي ..
هدّا نفسه شوي وقال بابتسامة .. : بس رح ادخل اللعبة
: وانا كمان بدي لعبة
ماجد : بسم الله رعبتني، ايمن من متى انت هون؟
أيمن : انت وعم تحكي مع حالك
ماجد : همممم، طيب تعال احكيلك .. فتح الجرار وطلع شيبس : خد هاد حبيبي وانسى كل شي سمعته تمام؟
أيمن : يااي شيبس .. رايح جاكر أريج
ماجد : جاكرها بس بعدين طعميها تمام؟
أيمن بفرح : تمام تمام
-----------------
جيهان*عمرها*45*
سافرت من زمان على أمريكا مع زوجها، وجابت ولادها كلهم بالغربة..
قاسم ماكان راضي عن سفرها بس بما انه شغل زوجها ما قدر يمنعها.. بتنزل كل صيفية على البلد لعند أهلها هي وأولادها ..
بتشتغل بالشركة مع زوجها.
______
*طارق* *50*
بيشتغل بشركة كمبيوترات، تزوج جيهان وسافر هو واياها بعد سنة ..
بيعتمد على حاله وبمساعدة من مرته ربوا أولادهم عالإسلام لانه دينهم
______
*حامد* الولد الأكبر لجيهان عمره *24* متزوج من مرح، مسلمة بأمريكا وعنده بنت اسمها *سها*
بيشتغل بشركة مقاولات.
_____
*ماجد* تاني ولد لجيهان عمره*23*
بيشتغل استاذ فرنسي بمدرسة امريكية ومعجب بنبأ
_____
أصغر طفلين لجيهان همه *أريج* و *أيمن*
عمرهم *8* توأم ..
_____
________
بفيلا قاسم..
طلعت قمر لعند قاسم ودقّت الباب وفاتت بعد ما أذنلها
قمر : كيفك عمي
قاسم : أهلين قمر
قمر متوترة : عمي .. بدي .. امممم
قاسم : اي قمر عاوزة شي ؟
قمر. : لا هو ... يعني ..
قاسم : اي قمر؟
قمر : صراحة عمو بدون ما الف ودور .. أخي بده يخطب
قاسم بفرح : اي ان شاء الله الف مبارك.
كانت نسمة مارة بالصدفة ووقفت تتسمع ... ولما سمعت انه مراد بده يخطب حطت إيدها على قلبها..
قمر : بصراحة عمي... اخي حاب يخطب نسمة ..
قاسم ما أعطى أي تعبير بوجهه بس بداخله مشي إعصار..
قمر عم تفرك ايديها : مراد شاريها بالحلال وعلى سنة الله ورسوله ..
قاسم : نسمة؟
قمر : اي
قاسم : بقصد شو رأي نسمة؟
قمر : هاد السؤال لازم تسألها اياه انت ..
(مشت نسمة من عند الباب لغرفتها حطت ايدها عقلبها وصارت تضحك) ..
قاسم : مراد وين شافها ؟
توترت قمر من يلي بدها تحكيه بس قوّت حالها وحكت : عمو انت بتعرف انه مراد من زمان رايد نسمة وماصار نصيب ..
وبعد موت ثائر الله يرحمه .. خاف يتقدملها وترفضه هي او انتو .. بس هي كانت دايما بباله ..
خافت من ردة فعل قاسم بس كملت:
هو شافها مرة عندي ورجع لأيام