#لايا#بقلم_شامة_ويمنى_عفيفالحلقة الثانية والثلاثون
حكى : مين كنتِ عم تستني غيري؟
ورد : ل..لا ولا حدا.. بس انت شو بدك مني تيم؟
تيم : ورد لا تلفي وتدوري.. سيلين اتصلت فيه وقالتلي انك طلعتي بسرعة وما حكيتِ لوين وانا كنت جاي اصلا ولحقتك..
مين عم تستني!
ورد : اووف.. ما بعرف.. صراحة ما بعرف مين عم استنى..
ايمن : كيف يعني..
: عم تستناني الي..
ورد : يمكن اي.. حكيت هيك بعدين شهقت والتفتت لورا بسرعة.. وحكت بصدمة : ي.. ياسر!!!
ياسر : ياسر يا عيونه لياسر..
رمت حالها عليه وبلشت تبكي بصوت عالي هي وضاميته.. كل هالمشهد كان ماشي قدام تيم المصدوم.. لسا مبارح عرف انو ياسر انقتل.. وهلأ ياسر قدامه..
طيب معقول شبح؟ والا عنجد ما انقتل؟
لكن وين كان مختفي..
قطع حبل افكاره صوت ورد : تيم.. تيمممم
تيم : ها.. نعم
ورد : ياسر رجع.. رجع والله رجع.. مو ميت
تيم : وينه.. مو شاييفه
ورد : راح يجيب شنتته ويجي.. فيه يجي معنا؟
تيم : اي.. يعني.. طيب اي.. يجي لنشوف الحكاية
ورد : ها اجا..
حبيبي بدك تيجي معي على بيت لايا.. هنيك بدي تحكيلي كلشي..
غص ياسر لما سمع باسم لايا وحكى : اه.. ان شاء الله حبيبتي ان شاء الله..
بفيلا قاسم
____
واقف وفاتح البوابة…ماسك جاسم من ايده وبصرخ:براااا..
هلأ جييت بعد سنييين وانت تاارك مررتك وولااادك
اجت فاطمة من بعيد ومسكت ايد قاسم وحكت:قاسم بكفي خليه يدخل إلي سنين مشتاقة أشوفه واحضنه…هاد ضناك كيف بدك تطرده
قاسم:ابعديييييي فااااطمة
فاطمة:ما رح أبعد
بعد نص ساعة من صراخ قاسم وحكي فاطمة وجاسم اللي الدمعة واقفة بعينه حكت فاطمة: اذا طلع من هالبيت انا رح اطلع معه فبقى انت حر
قاسم: ما بعرف كيف عم تدافعي عه بعد كلشي عمله.. لك ترك بناته كل وحدة قد كف ايدي..
ترك ابنه يربى بدونه..ترك مرته الراكزة العاقلة وراح تزوج وحدة قد بنته..
هلأ رجع وانت مشتاقة تضميه؟
فاطمة: افهم علي.. شوف شو صار فيه.. هي خسر تنين من ولاده مو واحد.. تعلم من غلطه والا ما كان رجع..
قاسم : على بيتي ما اله فوتة
جاسم:خلص امي.. انا رايح عبيتي
قاسم:هه بيت مين؟…البيت باسم قمر…اذا رضيت تخليك منيح بس اذا ما رضيت رح احترم قرارها..
فاطمة:والله مش بكيفها هاد بيت ابني
قاسم:فاطمة!…بلاش تخليني أحكي وافتح الدفاتر القديمة حكيي بده يتنفذ وانتهى
ما عجب فاطمة الحكي ودخلت جوا…اما جاسم طلع لبيته او لبيت قمر زي ما حكى أبوه...
عند راجح
_____
قاعد بمكتبه وراسه بالملفات.. عم يدقق قضية مهمة كتير..
اجاه اتصال.. رفع راسه وحط التلفون على ادنه بدون ما يشوف المتصل..
: الو؟
: الو.. راجح
راجح : باباا
: بابا اي
راجح : كيفك بابا شو اخبارك طمني عنك
: يكتر خيرك سألت عني والله
راجح : حقك عليي والله بس الشغل بفوق راسي.. سامحني مقصر معك.. ليس ما اجيت مع عمي؟
: عندي شغل هون ما خلصته..
راجح : بعين الله.. شو عم تعمل هنيك مين عم يساعدك
: ولاد الحلال كتار يا ابني.. بس بضل انا مشتاق لليوم يلي تكون انت جنبي ومعك مرتك وولادك
راجح ضحك : ان شاء الله يابي ان شاء الله
: يعني في شي اخبار جديدة
راجح : منقول ان شاء الله
: لحقتو؟
راجح : يعني.. صرلي فترة طويلة بعرفها بالنهاية..
عم تتعود علي شوي شوي
: معك حق.. عاشت بغربة وبعدت عنك انت وولد وهلأ رجعت بعد زمان.. اكيد بدها وقت لتتعود
اختفت الابتسامة من على وجه راجح وحكى : بابا عن مين عم تحكي انت
: عن لونا بنت عمك
راجح : هه. ههههه
بابا انا عم احكي على غير حدا..
عم احكي عن حب مراهقتي وشبابي
: شووو.. والك عين تحكي.. ليش ما بتعرف انه بنت عمك الك من هي وصغيرة
راجح: نعم؟ مين حكى هالحكي هاد!
: انا وعمك.. والا نسيت
راجح : بابا انا بموت ولا باخد لونا.. متعجرفة شايفة حالا مغرورة متكبرة متملقة
: لو ما عذبت حالك كلهم نفس المعنى
راجح: باباا
: كلامي واضح راجح.. بنت عمك الك..
ولعلمك.. انا جاي عن قريب..
سكت شوي وحكى : ويلي ما بتعرفه انه انا مريض.. مريض كتير
راجح : ك كيف يعني؟ شبك بابا
: انا مريض بالسرطان
راجح : شوووو.. كيف ما بتخبرني هيك خبر
: ما حبيت تقلق علي وتترك شغلك
راجح : بابا انا بترك الدنيا كلها مشانك..
جاي لعندك
: قلتلك انا جاي.. وياريت من هون لوقت يلي اجي.. تكون تعودت على بنت عمك.. مشان اول ما اجي اطلبلك ياها
راجح : بابا شو عم تحكييي
: والا.. بغضب عليك...ولا انت ابني ولا انا ابوك
راجح : بابا شو هالحكي.. انا رجال كبير ما فيك تغصبني ع زواجي من حدا ما بحبه
: لو مالنا قايلين من الصغر انكم لبعض كان فيها وما فيها بس ما في شي بغير الحكي القديم
راجح : بابا انا آسف.. لبيتك بكل شي قبل.. بس بهالشغلة أنا آسف.. انا يلي حاتزوج مو انت..
: خليك ع موقفك وشوف يا راجح..
سكر ابوه الخط وقعد راجح يهز برجله وهو معصب : مستحيلل.. كيف هيك.. كيف لما قررت اعترفلها انقلب كلشيي كيييف كييييييف.