تعمل يلي انت ماعملتو وكانت الي السند بالوقت يلي كنت مقضيها ضرب وتجبر فيني
ع كل حال كل شي بينا انتهى
واوعك تفكر مجرد تفكير ترجع تحكي معي ﻻن ح قول ﻻبي وهو بيتصرف معك
مشيت انا ونغم ورسمت ابتسامة خفيفة على وجهي وهو ضل واقف متل الهبيلة ورايي يمكن كان عم يلعن حالو ليش اجى وحكى معي
نغم:شايفتك مبتسمة شووو يابعدي!
جوري:ﻷني ارتحت ﻷنو حسيت انو بهالكم كلمة استرديت جزء من كرامتي
وﻷنو كتير عم يخطر ببالي إني أنتقم
نغم:منو؟ ﻻ ﻻ جوري خلص اتركي القصة كلها وحمدي ربك خلصتي منو
جوري:اممم الحمدلله
جوري:خفي رجلك يلا بتكون سبقتنا دﻻل
المهم مشينا لوصلنا للبيت وعينكون ماتشوف الا النور
بعد ربع ساعة بس من قعدتي عند نغم صارت الاشتباكات برا
وضرب الرصاص صار بشكل هستيري
والطرفين عم يستخدمو دوشكا وراجمة
يعني اشتباك محترم
صرت ابكي كتير كتير
وحتى في رصاص فات لعنا
انا من خوفي ركدت وطلعت من البيت ونزلت لروح ع بيتنا وقفني عسكري وطلعني
جوري: بس هون مو بيتي بدي روح لبيتي
العسكري:لك أختي ﻻتشغلينا فيكي هلق عم قلك طلعي ع البيت الي كنتي فيه بسرعة
جوري: لك بس
العسكري:بسسرعةةة
طلعت ع البيت ورجعت فتت لعندهن
قعدت انا ونغم ودﻻل وام نغم واخوها الصغير بغرفة غميقة بالبيت وسدينا الشباك بالخزانة
كانت لحظات خوف ورعب مو طبيعية
كنت عم ابكي وادعي الله يحمي اهلي
حملت الجوال وولمرة العاشرة حاولت دق بس للاسف ماكان في وﻻ برج بالشبكة الشبكة كانت منتهية
ضل الاشتباك حوالي الساعة ونص
بعدين هديو ومعد في صوت
بدي روح ماخلتني خالة ام نغم
نطرنا كمان نص ساعة لتأكدنا كل شي هدي وبعدا رحت
فتت ع البيت ولقيت امي عم تبكي ووقت شافتني ضمتني دغري وصارت تحمد رب العالمين كتير انو رجعت سالمة
وبلش طبعا موشح شفتي وقلتلك والدنيا حرب ومالها أمان ووو...الخ
خلص هالنهار يلي كان كابوس فعلا
بسامر وشوفته
وبالخوف يلي كنت بعيشو لتاني مرة خلال هالحرب البشعة
طبعا طلعت اشاعة هون انو المدارس سكرت وكزا
وع الحالتين حتى لو ماسكرت العالم رح تخاف تبعت وﻻدا
تمينا 3 ايام معطلين انا ونغم ودﻻل بعدين دقيت المدرسة للبيوت الطلاب وصارت تطمن الاهالي انو مافي شي والوضع استتب وبعتو الطالبات
رجعت روح ع المدرسة
وﻻختصرلكون احداث طويلة بفترة اسبوعين
رجعت شوف سامر ويوقف كل يوم بعد المدرسة وماكنت متوقعة منو هالانخساف المفاجئ بشخصيتو
سامر:عم قلك مشان الله لك والله بحبك ياجوري والله بحبك اشتقت لصوتك ولضحكتك ولاغانيكي ولكل تفصيلة فيكي
نغم:يفصلولك هالراس الاهي حل عنا للبنت مو طايئتك
سامر:جوري!
جوري:ليش عم تذل حالك كرامتك هي وينا!
طبعا لو كنت لساتني بضعفي وقلة حيلتي والبكى كل يوم ماكان رجع
رجع لما شافني رجعت لجمالي ولطبيعتي ولحبي للحياة ولصوتي وللاغاني ولكل شي
رجع لما شافني رجعت لحياتي قبلو وﻻ كأنو موجود
بس ننساهن بيركدوا لعنا ليرجعونا مو حباً فينا بس لأنو بتقتلهن وبدمرهن فكرة أنو كيف قدرنا بلاهن ...
وبالمدرسة الاستاز نصر صار كل مرة يخليني غني غنية ع زوئو ومايبلش الحصة قبل الغنية
نصر:بدي أسمع قال جاني بعد يومين
جوري:هي صعبة استاز
نصر:حاولي يلا
جوري: طيب، أحم اممممم قال جاني بعد يومين يبكيلي بدمع العين
يشكي من حب جدبد يحكي وانا ناري تئيد وسمعتو وفكري
شريد وسكت وقلبي شهييييد
وانا الي كنت فاكرة انو هيشتكي من بعدي فاجئني ف قصة تانية ضيعت الحلم الوردي
وانا الي كنت فاكرة اني لوحدي الي فقلبوو
أتاري وحدة تانية جت ف ثانية خطفت قلبو قواااااااااااااااااام
زفقولي كتير
خلصت السنة وطلعت النتائج ونجحت بالتامن
🌸..........................🌸
يلي قرأتو ويلي حسيتو فيه هلق هو ملخص حياتي ب عمر ال13 سنة
وخليني اعطيكون لمحة عن اني صح ماكنت معروفة بمدرستي اني مطلقة ولكن بين العالم والجيران كنت معروفة
ماركزت ع هالنقطة ﻻنو بتوجعني كتير كتير
نظرات العالم ونظرات وﻻد جيرانا والي ماكان مسترجي يحكيني صار يحكيني وياخد وش باعتبار اني مطلقة وصغيرة
اجاني عريسين من طرف جارتنا ورفضت وسمعت منا كلام كتير مجرح وقاسي
ماركزت ع نقطة مو بس ﻻنو حساسة بالنسبة الي وﻻنو كمان رسالتي الكون عدم زواج القاصرات وهي الاهم بالنسبة الي
ياريت تغيرو نظرتكون للمطلقة
وياريت تطلعولها بعين رأفة وتحنو عليها ﻻنو ماطلع شريك حياتا الانسان المناسب ﻻلها ولك خليها تكون هي الغلطانة
معلش تخلوها تحمل مسؤلية خطأها واختياراتها لحاﻻ معلش تتركوها لحاﻻ وبحاﻻ وﻻ تتعرضولها ﻻ بنظرات وﻻ بحكي؟!
ملخص وشريط حياتي هاد يلي وقف بعد 5 سنين لما صار عمري 18 سنة
5 سنين اتزوج فيهن سامر وحل عني
اتقدملي أ.نصر وانا عطيتو مهلة لحتى فوت ع الجامعة ولو اول سنة وبعدين منشوف شو ح يصير معنى
تماما ب 6 حزيران من دون ذكر السنة ﻻنها مارح تفرق من بين سنين الحرب السودا يلي اكلتنا اكل
صار شي ماكنت متوقعتو ابدا
#يتبع 🌍🌸