📚قصص||روايات||منوعة📚

(زعلنا كتير وبين علينا الزعل والشب زعل علينا)
الموظف:ليكو خليكون شوي (اجو جماعة قطعو عن الحكي) اهلا وسهلا مدام تفضلي اهلين استاذ تفضل نورتونا (فاتو) ليكو خليكون هون شوي هلق بطلبلكون وجبتين ع حسابي

بعرف انو منيح الشب وانو موقف رجولي منو بس حسيت بالإهانة وغصيت

جوري:كتر خيرك مابدنا ناكول مالنا جوعانين وﻻ شحادين
الموظف: ﻻ والله ماقصدت هيك
جوري: وﻻ يهمك يسلمو عزبناك معنا

اجينا لنمشي

نغم:ءءء بس بدي اسألك نحن هون بإنو منطقة
الموظف:انتو بالجادة الرابعة جادة الزهور
نغم/جوري: جادة!!!
جوري:ءء هههه شكرا شكرا عزبناك

(مشينا وبعدنا شوي)
نغم:شو قال اسمها جادة؟ ههه
جوري: اي جادة بعرف هالمنطقة سمعانة عنها هنن يمكن شي 20 جادة ورى بعض هدول نحن هلق بالرابعة هي المشوة يلي طرقتينا ياها حضرتك
نغم: لك شو يعني جادة؟
جوري:بحياة دينك بعمرك مو سمعانة فيها
نغم:ﻻ والله جد مو سمعانة
جوري:هلق انا سمعانة بالمسلسلات بس مابعرف شو يعني يمكن الجادة نفسها الحي يعني بس ﻻنو راقي سمو جادة!
نغم: مابعرف بس ليش صرتي بدك تمشي فجأة
جوري: لأنو البنت لما أجت قالتلو قلعهن ....
.....................
الساعة 8 المسا
كان ليث قاعد ع تختو وبحضنو الاب توب وقدامو جوالو وكل شوي عم ياخد نظرة ع الجوال ويرجع يشتغل ع اللاب
لحد مارن جوالو مسكو فورا بلهفة كبيرة بس ماطولت لهفتو لنفخ ورد بملل

ليث:هاد انت خير
محمود:ليث ليث مشان الله تعى لعني
ليث:خير خير محمود شبك
محمود:مشان الله سيارتي بتصليح ودقيت للاسعاف خايف يطولو بسرعةةةة ليث
ليث:قايم يلا بس مين شوفي
محمود:أبي أبي ياليث رجعتلو اعراض الازمة القلبية مشان الله بسرعة تعى واذا اجيت ولقيتنا رايحين ع المشفى لحقنا
ليث: فورا يلا

باقل من دقيقتين كان ﻻبس ونازل وماشي بسرعة كبيرة ليلحق ابو رفيقو
................
نغم:تعي جوري ليكي هي استراحة تعي نرتاح فيها شوي
جوري:تمام يلا
نغم:ليكي بركي منام هون
جوري:يسلقو بدنك هون مو متل احيائنا دغري بقلعونا وغير هيك منصير فرجة للعالم
نغم:اي ووين بدنا نلاقي بناية نام فيها؟!

قعدت وصرت ابكي ع حالنا قعدت نغم وبكيت متلي
جوري:نغم انا تعبت خلص؛ معد فيني حيل أتنفس خلص ...... بدي أهلي
#يتبع🌍🌸

(زعلنا كتير وبين علينا الزعل والشب زعل علينا)
الموظف:ليكو خليكون شوي (اجو جماعة قطعو عن الحكي) اهلا وسهلا مدام تفضلي اهلين استاذ تفضل نورتونا (فاتو) ليكو خليكون هون شوي هلق بطلبلكون وجبتين ع حسابي

بعرف انو منيح الشب وانو موقف رجولي منو بس حسيت بالإهانة وغصيت

جوري:كتر خيرك مابدنا ناكول مالنا جوعانين وﻻ شحادين
الموظف: ﻻ والله ماقصدت هيك
جوري: وﻻ يهمك يسلمو عزبناك معنا

اجينا لنمشي

نغم:ءءء بس بدي اسألك نحن هون بإنو منطقة
الموظف:انتو بالجادة الرابعة جادة الزهور
نغم/جوري: جادة!!!
جوري:ءء هههه شكرا شكرا عزبناك

(مشينا وبعدنا شوي)
نغم:شو قال اسمها جادة؟ ههه
جوري: اي جادة بعرف هالمنطقة سمعانة عنها هنن يمكن شي 20 جادة ورى بعض هدول نحن هلق بالرابعة هي المشوة يلي طرقتينا ياها حضرتك
نغم: لك شو يعني جادة؟
جوري:بحياة دينك بعمرك مو سمعانة فيها
نغم:ﻻ والله جد مو سمعانة
جوري:هلق انا سمعانة بالمسلسلات بس مابعرف شو يعني يمكن الجادة نفسها الحي يعني بس ﻻنو راقي سمو جادة!
نغم: مابعرف بس ليش صرتي بدك تمشي فجأة
جوري: لأنو البنت لما أجت قالتلو قلعهن ....
.....................
الساعة 8 المسا
كان ليث قاعد ع تختو وبحضنو الاب توب وقدامو جوالو وكل شوي عم ياخد نظرة ع الجوال ويرجع يشتغل ع اللاب
لحد مارن جوالو مسكو فورا بلهفة كبيرة بس ماطولت لهفتو لنفخ ورد بملل

ليث:هاد انت خير
محمود:ليث ليث مشان الله تعى لعني
ليث:خير خير محمود شبك
محمود:مشان الله سيارتي بتصليح ودقيت للاسعاف خايف يطولو بسرعةةةة ليث
ليث:قايم يلا بس مين شوفي
محمود:أبي أبي ياليث رجعتلو اعراض الازمة القلبية مشان الله بسرعة تعى واذا اجيت ولقيتنا رايحين ع المشفى لحقنا
ليث: فورا يلا

باقل من دقيقتين كان ﻻبس ونازل وماشي بسرعة كبيرة ليلحق ابو رفيقو
................
نغم:تعي جوري ليكي هي استراحة تعي نرتاح فيها شوي
جوري:تمام يلا
نغم:ليكي بركي منام هون
جوري:يسلقو بدنك هون مو متل احيائنا دغري بقلعونا وغير هيك منصير فرجة للعالم
نغم:اي ووين بدنا نلاقي بناية نام فيها؟!

قعدت وصرت ابكي ع حالنا قعدت نغم وبكيت متلي
جوري:نغم انا تعبت خلص؛ معد فيني حيل أتنفس خلص ...... بدي أهلي
#يتبع🌍🌸

قعدو كلهن بالصالون وحكى ليث كل شي من اول القصة ﻵخرها

أم محمد: مسكينة
عدي: على شو مسكينة
ليث:لك ليش هالقد مو طايقها للبنت بتعرفها يعني؟ شايفا قبل هلق
عدي: ﻻبعرفا وﻻ بتعرفني من ايمت بدي اعرف هالاشكال انا
ام محمد: يعني لو كنت بدال ليث كنت تركتا!
عدي: اي شو هالضمير الصاحي هاد الله يبعتو لكل مشتهي
لك خالتي مشان الله نحن بوقت في حرب مابتعرفي المنيح من يلي عامل حالو منيح
بنت مابتعرفو اصلها من فصلها مفوتينا لعنكون ﻻ وبدكن ادورو ع رفيقتها
اصلا هنن اساسا يعني ليش ليطلعو من البيت بوقت متأخر هالقد؟!
ام محمد:أكيد الهن ظروفهن
بعدين ماسمعت ليث شو قال البنت رايح صوتا على قد مو مصرخة
(وقف ليث بنفاذ صبر)
ليث: خالتي هاد مابيتناقش هاد بينحط تحت اﻷمر الواقع
يلا قوم معي ندور ع التانية
عدي: لك انا شو الي علاقة بكل هالقصة
ليث: قوم خلصني
......................

طلعو علي وعدي ليدورو ع نغم
وبهاﻷثناء كان وجع راسي دابحني صحيت وصرت ابكي قمت خايفة وانا عم طلع يمين ويسار وضامة حالي

جوري:وين أنا..... لكك ويين انا

انفتح الباب وفاتت منو امرأة بعمر ال50
وجهها كتير حلو ومريح
شعرا اسود والشيب موجود فيه
مقدرة وحترمة وابتسامتها بتجنن
فاتت لعندي مبتسمة قعدت معي ومسكت ايدي

ام محمد:طولي بالك حبيبتي ابني شافك بالحديقة مغمى عليكي وجابك لهون
جوري: حديقة شو؟ أنتو مين؟!
ام محمد: ناس عاديين وكنتي بالحديقة برى مالك متذكرة؟! ابني لقاكي كان مغمى عليكي وجابك لهون
جوري: نغم.... نغم نغم وينا نغم
بعديلي بدي روح
ام محمد: يابنتي الله يرضى عليكي حالتك الصحية صعبة انت تعبانة كتير وبعدين ﻻزم تاكلي وانا عم جهزلك العشا
جوري: عشا مين بعدي بدي رفيقتي
ام محمد: متل مابدك

بعدت انا قمت وقت قمت بسرعة دخت فورا ووقعت ع الارض سندتني ورجعت سطحتني بكيت وانا عم قول نغم
كان وجع فظيع وكان من الجوع غالبا

ام محمد: معلش حبيبتي كلو بيتصلح معلش ﻻ تاكلي هم

تركتني وراحت لتحضر العشا
وانا عقلي كلو عند نغم وشو ممكن يكون صار فيها
.........................
عدي: متل يلي عم يدور ع ابرة بكومة أش
ليث: معقول يكون صرلها شي؟!

#يتبع 🌍🌸

عدي:إن شالله ﻷ ﻻ تتشائم بس كمان لحالنا مارح نقدر خلينا ناخد اسمها ومواصفاتها وقول لرفيقك يعمملك ياهن وخلصنا
ليث:أنا شفتا بعرفا
عدي:شوفو النظررر شوفو
من نظرة وحدة بصمتا للبنت وينك يا ﻻنا وينك
ليث: لك خرااس وﻻه هههه
...............
دورو كتير بس مالقوها

رجع ليث ع البيت بس مو فاقد للامل ابدا بانو يلاقيها لنغم

ام محمد:طمني
ليث:مالقيتا خالتي مالها أثر
ام محمد: ان شالله تكون هربانة ومتخبية بشي مكان
ليث: ان شالله والصبية يلي فوق شلونا!
ام محمد: مارضيت تاكول وﻻ لقمة كل يلي ع لسانها كلمة نغم وبدي ﻻقي نغم
ليث:معناها هديك البتت اسمها نغم
ام محمد:اي هاد الواضح نغم
ليث: ﻻتضغطي عليها خالتي خليها ساكتة اذا مابدها تحكي بس ضروري تاكول مبينة انو ماعم تاكل
....................
تاني يوم فقت الصبح بكير كتير كانت الساعة 6 الصبح
قعدت وانا تعبانة حتى من البكي
وانتبهت انو الغرفة كتير نضيفة بس تيابي كانت متوسخة هالشي كتير خجلني كتير
اجيت لقوم حسيت بدوخة وشفت سفرة الاكل لساتها كانت سفرة العشا يلي جابتلي ياها ام محمد من كم ساعة بس انا مااكلت منها
كنت جوعانة كتير قمت وقعدت قدام السفرة واكلت
كنت عم اكل وعم اتذكر نغم بكل شي
يارب ماتكون تركتني وراحت
يارب ماتكون انأذت وﻻ يكون صارلها شي

بعد مااكلت حسيت اني تحسنت شوي قمت شوف الغرفة ولقيت متل ماتوقعت حمام صغير فيها
فتت واتحممت وغسلت اواعيي
ماكنت عم اشبع من المي السخنة وﻻ من ريحة الشامبو البتجنن
المهم خلصت وطلعت اخدت الاواعي وعم حاول نشفهن فتحت الشباك فاتت الشمس وعبت الغرفة
كانت الساعة صارت 8 الا ربع
انا عم دور ع مكواية نشف فيها اواعيي يلي نشفو نص ع نص

ماكنت عم ﻻقي مكواية بهالغرفة يلي مرتبة ترتيب رهيب
قعدت ع التخت وتنهدت
شلت المنشفة يلي ع شعري وصرت نشف فيها شعري
واخدت مشاطة الشعر وسرحت فيها شعري
كانت الشمس بلشت تصير حدة ونشفو الاواعي
لبستهن واطلعت ع حالي حسيت رجعت جوري القديمة
لما شفت شكلي اتذكرت حياتي القديمة هيك كنت
بهالشعر الاسود الحلو يلي واصل ﻻخر ضهري
وعيوني السودة وبشرتي البيضة وكل شي فيني بالرغم من التعب والارهاق وقلة الغذاء الواضحة بس لساتني حلوة او يمكن انا هيك بشوف حالي مابعرف

رفعت شعري لفوق وطلعت من الغرفة لقيت درج بلشت انزل عليه لسمعت صوت ام محمد

ام محمد:يعني ليش جبتها اصلا
ليث: خلص قطعيها وحطيها بالتلاجة
ام محمد: اي كبيرة شو قطعها لحالي لو صغيرة مافي مشكلة
ليث: خالتي والله مو فاضي
ام محمد: ياابني كبرت ومابقى فيني حيل وﻻ عزم لاقطع هيك

قلبي بلش يرجف لعمى هدول عصابة ماهو اكيد مافي شي لله وكل شي إلو تمن كنت غبية وقت حطيت ثقتي فيهن والله كنت غبية غبية

#يتبع🌍🌸

نغم: شو هالمعهد هاد بيفتح التفس للدراسة
جوري: اي بربي
قعدنا قدام بعض طبعا وبلشنا نتعرف ع البنات يلي معنا وقبل ماتبلش الحصة ببلشو الشباب يفوتو
جوري: في شباب معنا؟
رنا: اي ليش مابتعرفي مختلط نحن
جوري: ممم شو عنا هلق؟
رنا: فلسفة رح اعطيكن البرنامج
...................
عدي: محلاكن وتفطرو بدوني يعني قال استنيناك قال
ليث: هههه من يوم يومك بتعرف تقلب الطاولة علينا قعود يلا ح يوصل الاكل
محمود: عم يقلي ليث انكن سجلتو البنات بكلوريا
عدي: بمعهد المستقبل الكادر تبعو ممتاز جدا ع فكرة -مسك كاسة المي وشرب-
محمود: اي بس مختلط والبنات مبين عليهن مو من بيئة فيها اختلاط

اتشردق عدي وصار يسعل قام ليث ودق ع ضهرو
ليث: شبك شبك ع مهلك هالئد عطشان
عدي: لك شلون راح عن بالي اسأل اذا مختلط لك بس ماشفت شباب فيه والله ماشفت
محمود: بنكون فتت بوقت الحصص او ماكان دوام او يمكن تغير مابعرف بس يلي بعرفو انو مختلط
ليث: خلص بس يجو منفهم منهن
محمود: انت من لما فتت لعندك حاسك مصفر شبك مرضان شي
ليث: ﻷ ابدا
محمود: مدايق طيب؟ شبك
ليث: منيح منيح

قام ليث وطلع مسك الجوال وعم يبعت رسائل

محمود: شبو!
عدي: ﻻنا في غيرها
محمود: لك بنت تافهة وسطحية وفاضية وكلا من فوق لتحت تركيب ومتصنعة ع شو حاببها بس
عدي: منزلا من السما بأفة وتعى حكيلو بيجن ﻻبدو ينتصح وﻻ يفهم وﻻ يستوعب ﻻ وفوق كل هاد مادية
محمود: اي كتير مادية وهو مو حاسس ع هالشي
عدي: لك حمار هاد مو مالو حاسس قال كل البنات ماديات فرقت كتير انو ﻻنا مادية زيادة عنن شوي
محمود: ها!
عدي: اي والله هو امو كانت هيك والعيلة حوليه كلن راكدين ورى المصاري وبتعرف انت البنات بشكل عام بحبو الماركات وهالقصص
محمود: بس والله في بنات حلال وبيرضو بالقليل
عدي: تعى بقا قنعو انو ف-فات ليث- انو جوعانين يارجل جعنا طول الاكل محمود ما
محمود: طول طول شو ليث وينو الاكل
ليث: ليكن وصلو وين الشاي ياممدوح
عدي: كأني بقهوة مو بصيدلية لك احترم مريولك قال وين الشاي ياممدوح
ليث: اي ﻻتتزهرم شاي مع الاكل غص موت
........................
(بهمس)
جوري: افففف داق خلقي
نغم: وانا متلك صرلو ساعة وربع عم يلعي ومالي فهمانة شي والله كنت حب الفلسفة انا ليش هيك صارت صعبة
جوري: وشو هالقصص الي عم يفتحا هي شو دخلنا ب ابن خالتو نحن وقت اتسمم من المايونيز تبع المطعم شو هالمسخرة ماحبيتو
نغم: بس شخصية هههه
جوري: في شب بأول مقعد أكلك بعيونو
نغم: بملح وﻻ بلا ملح 😂
جوري:😂 زنخة
نغم: عم يطلع عليكي انتي ياحولة
جوري: ﻷ أنت ياهبلة
نغم:لك والله انت
جوري: تجي نسألو هههه
نغم: هههه ﻻ خلص ضراير
الاستاذ: ماخلص حديثكن انتو التنتين انتو جداد مو
نغم: ءء اي جداد ءء اي بس كنت عم قلا
الاستاذ: مابدي اعرف ماسألتك اصلا بس ﻻعاد تقعدوا قدام بعض ابدا مفهوم
نغم: حاضر استاذ

كملت الحصة يلي كانت مدتها ساعة ونص وخلصنا طلعنا ع الفرصة لنتنفس شوي
نغم: شو عنا هلق ياترى
جوري: مابعرف ان شالله عربي اشتئت للقصائد
نغم: اي سكتي الي بيسمعك بصدق
كنتي تقضي الصيفية كلا لتحفظي القصائد هههه
#يتبع 🌍🌸

جوري: هههه يالله ع هديك الايام اس الله ولو كان عمري 13 سنة بوقتا اووف عمر والله يانغم ماشوه هالاحلام البريئة الا زواجي من سامر
نغم: الله ياخدو وين مادار وجهو
جوري: حرام ﻻتدعي عليه ليكي كان منيح وكان يحبني بس ايدو طويلة
نغم: اي كنتي ﻻتطلقي طالما كان منيح وبحبك
جوري: فهمتي غلط طبعا انا بكرهو وطلافي كان بإرادتي بس الغلط الاول مو منو الغلط من اهلي هنن يلي غصبوني الله يسامحن ويرحمن

خيم الصمت علينا واتذكرنا كتير شغلات بينا وبين حالنا ماقدرنا نحكيها ﻻن اذا حكيناها ح نبكي فورا

فتنا ع الحصة الي بعدا وانا سارحة عنجد وعم فكر
بوقتا كان أول مرة إلي بفكر فيها بليث
جوري:(انو شب بجنن وجنتل مان وشهم وحلو وزوئو بشل بس يالله خاطب لك مو بس خاطب بموت عليها لدرجة مامنعرف اسما ع حبيبتي وروحي وشريكة حياتي ومسميا ع التلفون اكسجيني اوف يا والله عم غار منا وانا مابعرفا اصلا طب ليش يعني يالله انا ﻻزم اعمل stop لهالمشاعر هي شو هالهبل هاد ياجوري الزلمة خاطب ويمكن بإي لحظة تكوني عم تشتري بدلة لتحضري فيها عرسو ...... لك ﻷ انا تانية بدلة وعرس ليش هيك الافلام مأثرة ع راسي انا كمان اصلا مارح احضر عرسو حتى لو عملو وانا كنت لسى بحياتو )

اﻵنسة: انكشيها لرفيقتك شاردة كتير
نغم: جوري
جوري: ءءء اي
اﻵنسة: خليكي معي القاعدة مهمة كتير
....................

صارت الساعة 5 المسا ورن الجرس اﻷخير
جوري: واخيرا بقا
نغم: حفظتي طريق الرجعة؟
جوري: ﻷ بس هلق منسأل عادي
نغم: تمام معناها ح نرجع ع البيت الساعة 6 ان شالله
جوري: هههه اي
نغم: جوج اذا لسى معك مصاري منشتري جوال بس مشان نحكي فيه شو رأيك
جوري: مامعي مصاري كتير مابظن يكفو حق جوال يعني (طلعنا من المعهد)
نغم: مو ضروري يكون تقيل وحديث

زمرلنا ليث ﻻنتبهنالو كتييير انبسطت مابعرف ليش وركبنا معو
ليث: نورت نورت
نغم: بوجودك
جوري: ليش عزبت حالك كنا رح نسأل ونرجع مشي
ليث: شلون مشي الساعة 5
نغم: مابأثر لسى الدنيا ضاوية مارح نلبكك انت وعدي رح نحفظ اطريق ونروح مشي ونجي مشي
ليث: ﻷ معلش عزابكن راحة انتو درسو وماعليكن بالتوصيلة وبالوقت يلي مارح نكون فيه فاضيين بتروحو مشي ﻻتاكلو هم

كان واضح انو عم يسايرنا مسايرة وكل مرة كنت عم شوف فيه الرجال يلي بتحلم فيه اي بنت عم شوف فيه رجل شرقي بجنن عم شوف شرقية حلوة ومعنى تانية للشرقية مابعرف ليش بس كل شي فيه كان إلو معنى تاني

ليث: صحيح قلولي معهدكن مختلط شي؟؟
-سكتنا شوي-
نغم: اي مختلط
ليث: ممم بيزعجكن هالشي؟ انقلكن ع معهد تاني؟
جوري: ءءء ﻷ مافي داعي منيح المعهد بعدين نحن بحالنا وهنن بحالن ماحدى بيدخل بحدى
ليث: طيب انا خايف تكونو مزعوجين من وجود الشباب اذا انتو مو متعودين ع الاختلاط يعني

كملنا الطريق ووقفنا عند الصيدلية
نزلنا
نغم:طيب نحن رح نسبقك ع البيت
ليث: ﻷ ﻷ استنو منروح سوا تعو فوتو شوي

فتنا وكانو لسى عدي ومحمود
نغم / جوري: مسالخير
محمود:مسالنور اهلا
عدي: اهلين صبايا كيفكن -كان عم يطلع ع نغم-
جوري: تمام مناح
#يتبع 🌍🌸

جوري: هههه يالله ع هديك الايام اس الله ولو كان عمري 13 سنة بوقتا اووف عمر والله يانغم ماشوه هالاحلام البريئة الا زواجي من سامر
نغم: الله ياخدو وين مادار وجهو
جوري: حرام ﻻتدعي عليه ليكي كان منيح وكان يحبني بس ايدو طويلة
نغم: اي كنتي ﻻتطلقي طالما كان منيح وبحبك
جوري: فهمتي غلط طبعا انا بكرهو وطلافي كان بإرادتي بس الغلط الاول مو منو الغلط من اهلي هنن يلي غصبوني الله يسامحن ويرحمن

خيم الصمت علينا واتذكرنا كتير شغلات بينا وبين حالنا ماقدرنا نحكيها ﻻن اذا حكيناها ح نبكي فورا

فتنا ع الحصة الي بعدا وانا سارحة عنجد وعم فكر
بوقتا كان أول مرة إلي بفكر فيها بليث
جوري:(انو شب بجنن وجنتل مان وشهم وحلو وزوئو بشل بس يالله خاطب لك مو بس خاطب بموت عليها لدرجة مامنعرف اسما ع حبيبتي وروحي وشريكة حياتي ومسميا ع التلفون اكسجيني اوف يا والله عم غار منا وانا مابعرفا اصلا طب ليش يعني يالله انا ﻻزم اعمل stop لهالمشاعر هي شو هالهبل هاد ياجوري الزلمة خاطب ويمكن بإي لحظة تكوني عم تشتري بدلة لتحضري فيها عرسو ...... لك ﻷ انا تانية بدلة وعرس ليش هيك الافلام مأثرة ع راسي انا كمان اصلا مارح احضر عرسو حتى لو عملو وانا كنت لسى بحياتو )

اﻵنسة: انكشيها لرفيقتك شاردة كتير
نغم: جوري
جوري: ءءء اي
اﻵنسة: خليكي معي القاعدة مهمة كتير
....................

صارت الساعة 5 المسا ورن الجرس اﻷخير
جوري: واخيرا بقا
نغم: حفظتي طريق الرجعة؟
جوري: ﻷ بس هلق منسأل عادي
نغم: تمام معناها ح نرجع ع البيت الساعة 6 ان شالله
جوري: هههه اي
نغم: جوج اذا لسى معك مصاري منشتري جوال بس مشان نحكي فيه شو رأيك
جوري: مامعي مصاري كتير مابظن يكفو حق جوال يعني (طلعنا من المعهد)
نغم: مو ضروري يكون تقيل وحديث

زمرلنا ليث ﻻنتبهنالو كتييير انبسطت مابعرف ليش وركبنا معو
ليث: نورت نورت
نغم: بوجودك
جوري: ليش عزبت حالك كنا رح نسأل ونرجع مشي
ليث: شلون مشي الساعة 5
نغم: مابأثر لسى الدنيا ضاوية مارح نلبكك انت وعدي رح نحفظ اطريق ونروح مشي ونجي مشي
ليث: ﻷ معلش عزابكن راحة انتو درسو وماعليكن بالتوصيلة وبالوقت يلي مارح نكون فيه فاضيين بتروحو مشي ﻻتاكلو هم

كان واضح انو عم يسايرنا مسايرة وكل مرة كنت عم شوف فيه الرجال يلي بتحلم فيه اي بنت عم شوف فيه رجل شرقي بجنن عم شوف شرقية حلوة ومعنى تانية للشرقية مابعرف ليش بس كل شي فيه كان إلو معنى تاني

ليث: صحيح قلولي معهدكن مختلط شي؟؟
-سكتنا شوي-
نغم: اي مختلط
ليث: ممم بيزعجكن هالشي؟ انقلكن ع معهد تاني؟
جوري: ءءء ﻷ مافي داعي منيح المعهد بعدين نحن بحالنا وهنن بحالن ماحدى بيدخل بحدى
ليث: طيب انا خايف تكونو مزعوجين من وجود الشباب اذا انتو مو متعودين ع الاختلاط يعني

كملنا الطريق ووقفنا عند الصيدلية
نزلنا
نغم:طيب نحن رح نسبقك ع البيت
ليث: ﻷ ﻷ استنو منروح سوا تعو فوتو شوي

فتنا وكانو لسى عدي ومحمود
نغم / جوري: مسالخير
محمود:مسالنور اهلا
عدي: اهلين صبايا كيفكن -كان عم يطلع ع نغم-
جوري: تمام مناح
#يتبع 🌍🌸

عدي: هي جوري وهي نغم
محمود: اتشرفنا
عدي: رفيقنا محمود
جوري/نغم: تشرفنا

ليث فات لجوا وكان عم يدور ع شي
نحن وقفنا نحكي مع عدي وضحكنا وبعدين عدي اقترح علينا انو ننزل نجيب لوازم ناقصتنا من الاقلام والاوراق وهالقصص انا رفضت ﻻن كنت تعبانة بس نغم ضلت ساكتة كانت حابة تشتري كم غرض ماوفر ابدا الفرصة عدي وألح عليها
عدي: أمشي نغم يلا منقضي المشوار ومنرجع
نغم: طيب

طلعو نغم وعدي اطلعت بليث لقيت ماعجبو الوضع بس سكت قعدت شوي بعدين قمت لعندو لقلو اني رايحة
مشيت ووقفت قدامو تماما
جوري: ءءء ليث
اندار لعندي وترك الورق
ليث: قليلي

بس قبل ماقلو انطفت الكهربا فجأة وبس انطفت جنيت ضميتو فورا وصرت ابكي كتير
جوري: ليث قلن يشعلوها ..... مشان الله ليث عتمة كتير أمانة ﻷ ....
ليث ماعاد عرف شو يعمل تفاجئ كتير ضمني بقوة وحاول يهديني
ليث: اهدي جوري اهدي مافي شي محمود شغل جوالك
محمود: لك عم دور عليه ماعم ﻻقيه
ها ليكو

شغل محمود الفلاش بس ضليت خايفة عطا الجوال لليث
نزل ليث راسو لعندي
ليث: هي ضو جوري مسكي بإيدك خدي ليكي مافي شي ابدا نحن هون معك خدي

هديت شوي بس لسى عم ارجف اخدت الجوال ومسكتو وبعدت عن ليث بس ضليت متمسكة بكنزتو كتير خجلت من حالي وانو ماكان ﻻزم قرب عليه بس انا لسى خايفة

اطلع ليث بمحمود ومحمود هزلو براسو وقلو
محمود: انا طالع شوف ممدوح بركي بشغل المولدة
وقت طلع
رجع ليث ضمني وانا من ﻻشعور ضميتو كمان صار يهديني ويقلي مافي شي والعتمة متل الضو وهو معي ومارح يتركني ورجع طلع جوالو وشغل الفلاش مشان يقوى الضو أكتر
مسحت دموعي واعتذرت منو

ليث: ﻻ تعتذري وﻻ يهمك
جوري: مو بإيدي هي العتمة صارت فيها كتير شغلات بشعة بهي العتمة كتير ماتو ناس وكتير تعرضت ﻷذى ولمواقف بشعة ولسرقة ولكتير شغلات مابقدر اتحكم بإعصابي بخاف من العتمة بتذكر شغلات مو حلوة بخاف كتير

كان زعلان عليي كتير
متل زعل عدي ع نغم تماما يلي فقدت اعصابها متلي وهداها كتير طلعها ع سيارتو وشغل الضو مسحلا دموعا هو وخايف عليها وضل ماسكلا إيدا وعم يمسح عليها

عدي: أنا معك نغم شبك خايفة هيك انا معك ﻻ تخافي
نغم: قضينا شهر كامل مشردين انا وجوري شفنا فيه كتير شغلات بشعة
حاولنا نفوت ع مدارس او ملاجئ او حدايق كنا نرفض ماكنا نعرف وين نام (بكيت كتير) بالليل كانو يفكرونا مو مناح او لما نام ع درج شي بناية يطلعو يقلعونا....... كل شي بشع كان يصير معنا بالعتمة ....... حتى لما نقصفنا وطلعنا وراحو اهلنا كان الصبح بكير كتير ومن كتر الدخنة والغبرة كان عتمة ..... ماتو اهلي ....واهلا لجوري.... وقعت.....وقعت البناية ع راسن ......

رجع مسح دموعا عدي وهو مدمع وشد ع إيدا
عدي: أنا معك ---- مارح أتركك ﻻتخافي

.......................
#يتبع🌍🌸

#البارت الثامن
#نــــســمــة
🌸🌸🌸🌸🌸🌸

كان عيد ميلادا
كان النهار يلي من الصبح مافضي فيه

نغم: و وينو ليث مو مبين وﻻ صَبّح وﻻ شي
عدي: عيد ميلاد ﻻنا
نغم: مين ﻻنا؟
جوري: أوكسجينو
عدي: هههه انت قوية يابنت
جوري: ﻷ ماقصدت شي هو مسيفا أكسجيني
عدي: أكسجيني هه... والله ثاني أكسيد الكربون وكتير عليها .... هي أكسجين هي لك هي كيماوي
جوري: أوووف ولشو هالوصف الفظيع للبنت
نغم: بكفي تحترما ﻻنو بس خطيبة رفيقك
جوري: بعدين كيف لهلق ماشفناها وﻻتعرفنا عليها وﻻ حكالنا عنا ليث
عدي: -وقف السيارة- وصلنا ع المعهد شرفو يلا المسا برجع باخدكن انتبهو ع الدروس
جوري: مو قبل ماتجاوبني ع الاسئلة
عدي: بس تخلصو دوامكن منطلع ومنحكي بشي مكان عن هالموضوع
نغم: ليش حاسستك مو طايقها
عدي: اي والله البنت مابتنطاق هو انا اجماﻻ مابحب بهالسهولة ﻻنو حبي كتير تقيل
-كان عم يطلع بعيون نغم بآخر جملة-
نغم: ءء ءطيب يلا جوري منشوفك المسا
عدي: ههه ماشي انتبهو ﻻن ح سمعلكن

مابنكر الفرحة يلي انزرعت بقلبي ﻻنو سمعت عنها كلام هالئد سلبي
حسيت في أمل مابعرف ليش
وحسيت اني ﻻزم استغل هالفرصة وهاﻷمل هاد وأعمل شي لجيب ليث لعندي

بوقتا مابعرف كيف مرق النهار عليِّ بالمعهد كان طويل وتقيل كنت ناطرتو يخلص بس لشوف عدي وحاكيه

نغم: شبك شبك مدري شبو مخك اليوم
جوري: وﻻ شي بس كتير طول الدوام ياربي في 3 حصص لسى اختنئت
نغم: لك يلا هانت بعدين عنا حصة تاريخ بتحبيا كتير وديانة يعني هلق بتنبسطي فيهن مالك مجهزة التاريخ لتشاركي وتبهري الاستاذ كالعادة
جوري: لك امبلا بس اليوم مابعرف حالي ليش مشتتة ومالي مركزة
نغم: -اكلت من كيس الشبس يلي معهت بملل- لك بتكوني مو نايمة منيح ع الفيس بقى
جوري: فيس مين انت التانية ، لك بعدين تعي لهون مالك ملاحظة نظرات عدي إلك واهتمامو فيكي؟!
نغم: ملاحظة
جوري: أييي!!
نغم:-سحبت نفس عميق- جوري مالي قدرانة شوف بعيونو حب ماعم شوف الا الشفقة
جوري: اي غلطانة انا عم شوف لمعة حب بتاخد العقل
...............................
رن جرس الباب وقامت تاﻻ فتحت
شب: عفوا مو هون بيت الست ﻻنا
تاﻻ: صح هون
#يتبع 🌍🌸

تانياً مقاطع اهلو ومابحاكين
تالتاً مارح اتركك هيك اطمني بس خليني طول جرة هالعسل وآخدة ووقتا رح خليكي تتحممي بالعسل مو بس تلحسي أصابعك منو
(ايتسمت تالا وانبسطت)
.......................

كان حاجزﻻ بمطعما المفضل يلي دائما بتروح عليه هي وياه هو نفسو اول مرة شافا فيه واول لقاء كان فيه ماقدر يحجزو كلو لهيك حجزﻻ الطابق التاني فضولن ياه وحطولن طاولة وحدة فيه وحطوا شاشة اكبر من يلي كانت موجودة على طلب ليث وكان كل شي مجهز ع زوئو
وهو لبس وترتب والحمدلله الي انا ماكنت موجودة وشفتو ﻻن كنت يمكن دغري التلو بحبك او يمكن طقيت من قهري ع قد ماكان مزبط حالو ومركزلي بريستيجو والساعة والشعرات والبرفيوم وقصص بقا
ركب بسيارتو وراح ليشيك ع كل التفاصيل الصغيرة ويحط لمسة أخيرة ع ستايلو عند رفيقو كونو حلاق رجالي ويرجع ياخدها ويروحو يحتفلو
......................

انا كنت بآخر حصة ومركزة كتييير بالجرص ايمت بدو يرن وعم عد الثواني بالساعة وهالشي خلاه يطول عليِّ كتير كتير هالوقت

جوري: أنو عنجد طولنا لك الحصة طويلة طويلة كتير وآخر شي اﻷساتذةةبقلولك مالحقنا المنهاج
نغم: ههههه لك طويلة ﻻنك كنتي مركزة فيها وراسك كلو فيها انا ماحسيت
جوري: ههففف دقي دقي ل عدي وينو
نغم: هههه وصل وصل ليكو تعي نقطع لعندو
-قطعنا الشارع وركبنا بالسيارة-
عدي: اي شو هالمسا هاد
جوري: عدي مابدي أرجع ع البيت ح موت
عدي: بعيد الشر شبك ؟
جوري: مابعرف
عدي: شبها نغم؟؟
نغم: والله مابعرف ماقلتلي مدري شبا ضايجة من الصبح
جوري: لك مافيني شي بس كتير دايق خلقي يعني يمكن ﻻنو من زمان ماطلعت مشوار
عدي: اي مو تكرم عينك انت راكبة هلق مع سيد المشوير انا يلي رفقاتي بيركضوا عليِّ ركض وبقلولي يا عدي مشان الله طلعنا
نغم: ههههههه ليش رفقاتك قاصر كلن يعني ليترجوك اطلعهن
عدي: مو هنن القاصر مخك القاصر ، يامتعلمة يابتوع المعاهد لفظ مجازي بدل على انو انا سيد من ركب سيارة ودار دركسيون وراح مشوار

ماقدرت مااضحك مع عدي ﻻنو عنجد كان عفوي كتير ومهضوم كتير نزلنا
ومشان ماطول عليكن كتير
اخدنا ع منتزه كتير حلو حجزلنا طاولة وقعدنا وكنت ناطرة بقا ﻻعرف تفاصيل كل شي منو
.........................
وصل ليث تحت بيت ﻻنا وزمرلا
نزلت وكانت لعبة ، طلعت بالسيارة وقعدت

ليث: أهلا وسهلا بأميرتي
ﻻنا: اهلين فيك شو هاد الي عاملو هههه
ليث: لسى ماشفتي شي .... كنت متوقع يطلع عليكي حلو بس مو متوقع يطلع لهدرجة طالعة بتجنني اليوم

بس ﻻنا ضل محصور ذهنا بجملة (لسى ماشفتي شي) وطار عقلا فكرت قصص مادية وعم تستنى توصل لتشوف شوفي لسى

وصلو ع المطعم ونزلو
اتفاجئت بداية انو ليش بقلب المطعم وليش مو بمكان افخم بس سكتت
فاتت ولقت الجو طبيعي ومافي شي
بعدين طلعو ع الطابق التاني وكان مغلق حسب طلب ليث
فاتو
ﻻنا: لك ليش هيك عتمة شو الكهربا مقطوعة هون يعني
ليث: طولي بالك حبيبتي
ﻻنا: لك خايفة
ليث: من شو خايفة مو ماسك ايدك انا ﻻزم وقت كون ماسك ايدك تمشي معي ع الشوك

ﻻنا تنهدت ﻻنو ماعجبا الكلام مشيو ووقفو بالنص واشتغل الضو
...........................
#يتبع🌍🌸

نغم: ههههه مابعرف لهلق انت ليش بتكرها مثلاً انو في موقف شخصي بينك وبينا؟
عدي: بتاتاً اصلاً مابتعرفني
جوري: انت بتعرفا ؟
عدي: شايفا مرتين
جوري: طيب كمللنا
نغم: قبل ماتكمل كونا سطحية وتافهة ومو متعلمة يعني هالشي بيرجع ل ليث هي اختيارو مو ضروري انت تحبا وﻻ تتقبلا
عدي: لو هي المشكلة كنتي لقيتيني انا يلي مجهزلو تفصيل الحفلة اليوم كلا بس فوق كل هاد مادية وعم تستغلو واضح وضوح الشمس انها مابتحبو

مابخبي عنكن فرحتي بهالحكي بس كمان كان ﻻزم استغل كل شي لصفي انا
كل وحدة ﻻزم لما تحب دافع عن حبا ليضل مابعرف اذا بندرج او بحقلي اندرج تحت هالمقولة بس بجميع الاحوال انا بحب هالشب ولو كانت هي اكسجينو مؤذية ﻷلو لهالدرجة ف مارح اسمحلا تكمل
بلش عدي يحكي وانا شاردة بكلامو وماعم بتخيل كمية كرهي لهالبنت يلي مالو سبب واقعي ومقنع كتير.
.....................
مسك جهاز الشاشة وشغلا
كان جامع صورهن كلا من اول ماتعرفو ع بعض لهلق
وهنن زعلانين وهنن فرحانين وهنن عم ياكلو وعم يركضو وضامين بعض بكل حاﻻتن الحلوة هي
مع غنيتها المفضلة .......
ﻻنا ماعاد عرفت شو تعمل من جوا شعلت بركان بس من برا كانت هادية
قربا ليث وضمها
ليث: مابتتخيلي اديش بحبك ، تفاصيلك جمالك عيونك رموشك الحلوين نظراتك وحتى تقلك ودﻻلك كل شي فيكي بحيو كتير كل عام وانت وجودي بهي الدنيا كل عام وانت الخير بحياتي انا
ﻻنا: حياتي وانت بخير
ليث: شبك حبيبتي مزعوجة من شي
ﻻنا: هئ ابدا بس انو جايبني من بيتي لهون وبفستان حلو هالئد كرمال تورجيني صورتا يعني عندي ياهن واصلا كان ورجيتني ياهن بالبيت مافي داعي تعزبني وتعزب حالك يعني
-سحب ليث نفس وحاول يمسك اعصابو-
ليث: لسى ماخلصنا وماعطيتك هديتك عم نبلش لسى
ﻻنا: عادي بيبي اي كمل وين كنت ؟
.........................
عدي: عم نحاول نساعدو كتير انا ومحمود ماعم نقدر
-وبدون تفكير حكيت-
جوري:أنا بقدر
نغم/عدي: كيف
جوري: ليث عمل معي ومع نغم معروف اذا منموت ومنعيش مامننسالو ياه يلي عملو معنى شي كتير كبير فعليا ليث انقذنا وانقذ مستقبلنا يلي كان ضايع بكل ماتعني الكلمة
نغم: هالشي مزبوط واذا بقدر اعملو شي ﻻنقذو انا كمان مابتردد
-ابتسم عدي-
عدي: هاتو معناها شغلو التسس
جوري: هههههه

بلشت اشرح ل عدي فكرتي وهو متفاجئ كيف عم بقدر احبك الامور مع بعضا وعم بقدر جاوب ع كل اسئلتو يلي عم يسألني فيها طيب اذا مازبطت هالشغلة شو رح نعمل

كنت مركزة كتير وعم احكي الفكرة والنتيجة
خلصت شرح الفكرة يلي براسي

عدي: مابقدر أنكر ذكائك مابعرف ليش ماخطرتلي قبل هلق بس فيها مخاطرة القصة اذا مازبطت رح تصير مشكلة كتير كبيرة يمكن مانقدر نلمها ، وبوقتا انا اول واحد رح يحط اللوم عليكي
#يتبع🌍🌸

نغم: ليكو الخطة حلوة بس خلونا مانخاطر معلش منلاقي غيرا
جوري: شبكن خفتو؟ نحن ال3 مع محمود ح نكون مع بعض لنخلصو ﻻ تاكلو هم ح تزبط طالما عم تقول انو البنت هالئد مادية وعم تستغلو بشكل واضح بس هو معمي عن هالشي ....

وانا كمان كنت معمية ، مجرد مادق قلبي انعميت ، انعمى عقلي وتفكيري وكل شي فيني انعمى ....
كل تركيزي صار على ليث
كيف بدي جيبو؟
كيف بدي خليه يحبني؟
طب هو شو حابب فيها؟!
جمالها! ... هلق انا صح مو ع نفس قدر الجمال بس كمان انا حلوة ومكلتمة يعني عندي نسبة جمال منيحة ﻻبأس فيها
هضامتا! ... الله أعلم إذا مهضومة أصلا أما أنا فعلا روحي مرحة ومهضومة
أخلاقها! ... مبين ماعندا أخلاق أصلا من طريقة تصرفاتا معو وماديتا المفرطة ع حسب ماحكى عدي عنها
"هاد فعلا مو حابب فيها الا جمالها"
هي الجملة الي طلعت معي بعد كتير تحليلات لهالموضوع
............................
اما ليث يلي قرف من مادية واستغلال ﻻنا ﻷلو ﻷول مرة ، طبعاً ﻷنو لما عطاها الهدية الي جايبا انفردت معو اكتر وصارت تدللو أكتر وانقلبت معو فورا
كأنها عم توصلو فكرة انو ع قد مابتدفع ع قد مابتاخد ....
خلصت حفلتو معها ووصلها ع البيت
ودق ل عدي

عدي: ذكرو القط بيجي نط ...
نغم: هههه هاد ليث اي رد
عدي: اتصوري سكر بوشو ، الو اي حبيب
ليث: وينك انت؟! -كان صوتو تقيل-
عدي: انا ونغم وجوري ع الطريق للبيت
ليث: نغم وجوري معك ليش؟ وليش لهلق ؟لهلق برا البيت مخلين؟
عدي: طلعنا من المعهد ورحنا مشوار لنغير عن جو البكلوريا ماصار شي ليكنا ع الطريق ح نوصل ع البيت ماصار شي ، شبك انت ليش هيك صوتك
ليث: ﻻتحكي شي قدامن ، مخنوق ياعدي جبل على صدري ، لك انا ﻻعم اقدر آخد خطوة لقدام ، وﻻ عم بقدر ارجع من هالطريق ، ماعم بقدر ، مرة عم شوفا ملاك مرة عم قول لأ حكيك صح
عدي: اذا بدك ترجع وتترك هالدوا هاد يعني ماعاد تجيبو ع صيدليتك بتقدر بس بدها إرداة وأنا معك...
ليث: يبعتلك ئرفك على هالتمويه الغبي مشي الحال فكروني مدمن هلق لعمى مااغباك انقلع من وشي روح وقلن اني مدايق من ﻻنا معلش اهون مايفكروني مدمن يبعتلك اتلك شو حمار انقلع

عدي فرط ضحك وحط الجوال من ايدو ونحن صرنا نضحك ع الخفيف ع ضحكتو ووقت قلنا ضحكنا كتير
جوري: اتو عنجد تمويهك غبي
عدي: لك هاد اذا دل على شيء بدل على اني زلمة صريح مابعرف اللف وﻻ الدوران مباشر بتعاملي
...................
#يتبع🌍🌸

وصلنا ع البيت بعد شوي لقينا ليث موجود بالحديقة قعد عدي معو ونحن طلعنا لنبدل وننزل
بدلت نغم وخلصت وانا صرت بطئ او متل مامنقوﻻ بلهجتنا اتمهيص باللبس لتنزل نغم قبلي كان بدي ركز حالي اكتر وحط بخة مكياج خفيفة وارفع شعراتي شوي يعني مابدي يشوفني بنفس شكلي بالمعهد

نغم: شبك ليث من شو مدايق
ليث: ﻻ تشغلي بالك ضغط شغل مو اكتر
عدي: اي نغم قليلنا صوتك حلو متل جوري؟؟
نغم: هههه ﻷ أبداً صوتي مو حلو
عدي: اي غني لنحكم
نغم: لك شو غني مو حلو ابداً صحي خالتي أم محمد وينها
ليث: أخدت الدوا ونامت نطرتنا كتير بس طولنا كلنا قام نامت
نغم: اي منيح الي نامت خير ماعملت
عدي: وينا جوري
نغم: فوق هلق بتجي

كانو عم ينطروني بس مانزلت وقتا ﻻنو ليث الي طلع لعندي لما صرخت بشكل عالي وقت انطفت الكهربا فجأة وماكان في تقنين معين لهالطفي
نغم كانت قدام عدي يلي فوتها لجوا دغري مشان صوت البكا مايسمعو الجيران يحسبو شي يعني

نغم: برى أضوى من جوا مشان الله طلعني
عدي: بطلعك لتهدي بس الجيران رح يجو عم شغلك الفلاش اهدي
نغم : ياربي ....

ماكان عدي عم يضيع فرصة انو يكون قريب ع نغم كتير او ضامما وعم يهديها
متل ماانا كنت ناطرة ليث يوصل لعندي كنت قاعدة وضامة رجليي وعم هز وابكي ومسكرة عيوني
لما فات ليث شافني بنقس الحالة يلي كنت فيها بالحديقة قاعدة تحت الشجرة وبوقتا رفضت مساعدتو وصرخت عليه ورجعت لورى وخفت منو كتير بس هالمرة وقت نادى بإسمي ركدت عليه دغري وضميتو

هنن بلشو يتذكرو حكي محمود وانو شو ﻻزم يعملو وشو ﻻزم يحكو
عدي ماطلع منو الحكي كل يلي قدر يعملو انو يضما كتير ويطمنا انو هو معا ومارح يتركا وهي بقلبو وبعيونو ﻻنو بحبا ماكان قدران الا انو يوصلا هالمشاعر هي

ليث: اهدي جوري، سحبي نفس ليكي اتحمليها هلق بتجي
جوري: ..... ح موت والله ...... ح موت بهي العتمة طلعني لبرى شغل اي شي .....
ليث: بعيد الشر عنك ، طيب اهدي لنطلع لبرا في مولدة عندي لهيك مو مركب لدات ، المولدة تحت بالطابق الي تحت خلينا ننزل نشغلا شو رأيك

أتذكرت انو المولدة موجودة بغرفة صغيرة وديقة بآخر الممر تحت ف ضميتو اكتر رفضا للفكرة ﻻني بكره الاماكن الديقة بعكس نغم ﻻنو من الاساس بيجيني ديق تنفس منها
احتار ليث كيف يهدني ﻻن ماهديت
بس نغم هديت شوي عني

عدي: كل الشغلات الحلوة بتصير بالعتمة ع فكرة
نغم: انا ماصار معي شي بهالعتمة الا البشع
عدي: طيب هلق قعدتنا هي مو حلوة؟؟

كان عم نسيا العتمة بطريقة توصلا فكرة انو بحبا
بس ليث كان عم يشغل عقلو كتير بالعلم

ليث: طيب غنيلي شي غنية انت بتحبيها

قبل ماجاوبو وقلو انو اصلا صوتي مو طالع ونفسي متقطع خلقة أجت الكهربا....
الغريب اني ضليت بحضنو ﻻني ماحسيت فيه اصلا من خوفي من العتمة بس لما اجت واستوعبت الوضع حسيت احساس تاني اول مرة بحياتي بحسو

ليث: هي اجت الكهربا انبسطي ، ﻻزم ركب لدات
بعدت دغري عنو وكنت خجلانة هزيت براسي ومسحت دموعي

جوري: بعتذر منك بس مابتمالك حالي وقت كون بالعتمة
ليث: وﻻ يهمك ويعني معك حق هي العتمة مو حلوة وانا بديق خلقي منا كمان

بعتدت نغم عن عدي وهو ادايق وانقلب وجهو ونفخ
نغم: الحمدلله الي اجت الكهربا
عدي: اي
نغم: بدي اشكرك كتير انو لوﻻك عنجد كنت رح خاف اكتر
عدي: يعني بتحسي معي باﻷمان ولو كان نسبيا؟؟!

نغم اتفاجئت بالسؤال وكانت ردة فعلها ضحكة
عدي: ليش عم تضحكي
نغم: تفاجئت من سؤالك بس
عدي: لا عادي مجرد سؤال يعني بحكم رفقتنا
نغم: اي بحس بالامان (سكتو ثواني وبعدين) انا قايمة شوف جوري

#يـــتــبـــع🌍🌸

رن جوال عدي وكانت نغم
رد وكان عم يقدر يسمع صوت جوري وهي عم تبكي

عدي: قليلي نغم شوفي؟
نغم: لا سلامتك بس ليث وخطيبتو كانو هون وشافت جوري واتخانقوا وهيك
عدي: عم تمزحي ما ؟ نحن أتأكدنا أنو ليث حاجز طاولة هون
نغم:اي حاجز صح بس هنن من الاساس متخانقين أجو متخانقين وبدن يكملو هون قام شافت جوري لانا
عدي: اي وتشوفا تتشرف بشوفتا أصلاً
نغم: اي مو هاد الي صار لان صوتها وصل لآخر الشارع وهي عم تعيط وانا لازم أعرف وإيمت كنت ناوي تقلي وحكي كتييير حكو
.......................
مادعستا السيارة ركضت بسرعة للطرف التاني وسمعت الشوفير عم يقلا : عميا عميااا

كان ليث قلبو بين رجليه عليها ركض لعندا وضمها كان خايف عليها وحتى صوتو عم يرجف ضمها بقوة وهي صارت تبكي وتبعدو عنها بس هو ضل ضامما دقيقتين لحد ماهديت

ليث: طيب تعالي مو نحن حاجزين لنتغدى بالمطعم؟مناكل ومنحكي لا تزعلي خلص أنا آسف

لانا: خلص ليث بدي أرجع ع البيت

ليث: لأ مارح ترجعي ع البيت هيك .... لك ماعندي أغلى منك والله ..... والله بحبك ، خلص تعي مناكول ومنحكي ع رواق

باسا من خدا ومشي معها ع السيارة وطلعوا فيها
.................
عدي: والمعنى نغم؟

نغم: معنى شو؟ خلص يعطيكن العافية مارح يجو

عدي: طيب خلص بشوفك المسا بدنا نقعد نحكي نحن ال3

محمود: ال4

عدي: ال4 هههه ماشي يلا انتبهي ع حالك وهديها لجوري مو مستاهلة القصة لرجلا قليلا ......... ماشي يلا ........ سلام سلام

محمود: شكلها فقست ....

عدي: وفقسة بخناقة يامعلم ..... تمشي ؟

محمود: منمشي ....

...........................
نغم: يعني وحدة صرماية متل هي تبكيكي والله مشكلة

جوري: نحن لازم نمشي من هون نغم

نغم: اي منمشي بس لوين؟ لك حتى الحي تبعنا لسى مافتحو أبداً

جوري: مابعرف مابعرف أنا حاسة حالي عم اختنق نغم عم اختنق

نغم: لا تخلي كرامتك تنأح عليكِ كتير ، لأنو عنجد ماعنا مكان نرحلو جوري ، مافي .... إلا إذا طلبنا من ليث أو عدي يطلعونا ببيت لحالنا .... وأكيد مارح نكلفهن أكتر من هيك

مابعرف ليش كنت حاسة أنو نغم بدها ضل عند ليث ومابدا تطلع من عندو أبداً بس سكتت ماكان بقدر أعمل إلا إني أسكت
.....................
طلبو الغدا وقعدو ياكلو

عدي: غدا طويل عريض اي كنا قمنا تغدينا سوا عندي بالبيت أهنى وأريح

محمود: أي شو أجينا ع الفاضي يا أخي بدنا ناكول ، كول خلصني

عدي: لأ أكيد مالي خجلان لا تخاف

بعد 5 د بس صار يسعل محمود عطا عدي كاسة مي شربا

عدي: طول بالك الأكل مارح يهرب

محمود: أجى ليث

عدي: بحياة دينك؟

محمود: وحياة الله شوف ليكو قعد ع طاولتو

عدي: أي شو يعني

محمود: شو شو يعني خلينا نفذ يلا

عدي: نفذ شو لك غبي متخانقين ال2 وشافت جوري شوف النكد لقدام هلق إذا بتمطر حجار رح تقلك جوري

محمود: أنا قايم سلم عليهن تصطفل أنت

قام محمود
واضطر يلحقو عدي ، زبط حالو وقام

#يتبع🌍🌸

رجعت لانا ع بيتا وهي مزعوجة بشكل مُلفت كانت عندا بنت عما سنا كالعادة ناطرتا
سنا: شبك ولا كأني هون شوفي فتي ع غرفتك لا سلام ولا كلام

لانا: سنا تركيني لحالي بليز لو سمحتي أنا مخنوقة ورح موت

سنا: لك شبك وليه والله خوفتيني عليكِ أحكيلي

لانا: سنا عم قلك طلعي لبرا

سنا: لا مالي طالعة وليكني قاعدة وعم أسمع يلا

تنهدت لانا وقعدت ماقدرت تمسك دموعا وحكت كل شي بإستثناء جزء عدي يلي احتفظت فيه لنفسها
سنا جنت عليها
...........................
نغم: يعني قدرتو تعملو القصة

عدي: اي قدر الأمكان فرجيتا إني مادياً أحسن بس بهرنا طبعاً محمود عملني بيك هههه

نغم: منيح يلا بتعرف شو متأكدة ح تكون زعلانة من ليث وحاملة عليه وح تجي تاني يوم لعندك متأكدة ح تجي

عدي: مابظن بكون راضاها بعد مارحنا بيعرف نقطة ضعفا

نغم: لعمى لهالدرجة مافي كرامة ضربها ع فكرة

عدي: شفت علام الكف ههههه والله بتستاهل ، نحن عملنا الي علينا نغومتي

نغم: امممم

عدي: شو أممممم؟

نغم: أسمي نغم زكاتك

عدي: أيواااا ، لا قلت بتسمعي كلمة نغومتي بصوت رجولي شوي بتكوني مليتي منها بصوت جوري بس ماقصدت شي يعني

نغم: _ضيعت الموضوع_ ع سيرة جوري لهلق زعلانة وعم تقلي لازم نطلع من هون

عدي: لوين؟؟

نغم: مابعرف

عدي: إذا بتحبو بيتي مفتوح والله وبتعرفي في أمي وأختي الصغيرة يعني مو لحالي وشو بدكن بيصير ، ولا تضل جوري مدايقة إذا زادت القصة كتير مارح أترككن أبداً لا تحط ببالا شي

نغم: لا تسلم مابتقصر والله ، بس مو هيك قصدي

عدي: بعرف بعرف لك والله انا بدي فاتحك وقلك تجي لعنا زيارة بتتعرفي ع أمي وأختي حكيتلن عنك بس المشكلة عندي الكهربا بتطفي كتير يعني

نغم: هههههه بالله شو؟ _كان بدا ماتضحك وتعطي وش ناشف بس ماقدرت _

عدي: أنو اي والله قلت لحالي بقلك يعني وهو انا معك 24 ساعة كهربا وبلا كهربا يعني مافي داعي للخوف بس قلت بخبرك معلش ....
................................
سنا: وانتِ طبعاً متل الحمارة راضاكي ب فستان وساعة؟؟

لانا: سنا هو غصب عني اشترالي ياهن ومو هون قصتي

سنا: لك وعم تبكي متل البنات الغبيات الضعاف يلي بيندعس عليهن وبيمشى فوقن كمان

لانا: سكتي سنا ، بنت غبية لو بتشوفيها مافيها شي ينحب لا شكل ولا شي مقعدها عندو هي ورفيقتا والله أعلم إذا مابتكون عم ترسم عليه هلق هي ولا العقربة التانية الي معها ح جن
سنا: هاد وعلى أساس مابحبو والله يخلصني
#يتبع🌍🌸

عدي: طليقك جوري؟؟

ليث: انتِ عنجد عم تحكي ماعم تمزحي ما

جوري: أكيد لو كان في عندي من عيلتي حدى ماكنت اضطريت نام ع درج البناية أنا ونغم ولا كنت رح اقعد هون وعيش عندك وتقل عليك هالئد
وهي الحقيقة انا كنت ضحية مجتمعي الفاشل وتزوجت زواج قصري بعمر صغير كنت فيه قاصر وانتهى النهاية المتوقعة بالطلاق وهلق بعد هالسنين كلا شفتو بالصدفة وكانت صدفة خير لتعرف نغم عن اهلها

عدي: ءء ونغم؟؟ (كان خايف نغم تكون متلي)

جوري: لأ نغم مو متزوجة من قبل ماانجبرت متلي لاتخاف ، حتى بالعكس طول مدة زواجي نغم كانت تجي لعندي ع البيت وتسليني وتخفف عني شوي وبعدين تروح ع بيتا بيت سامر كان قريب من المدارس لانو

ليث: شفتو عم يعطيكي شي

جوري: كرتو مشان حاكيه قال ونرجع نتواصل....

ليث: وح تحاكيه!!

جوري: مابعرف ...
-سكتو شوي-
جوري: طيب عن أذنكن أنا فايتة لجوا
..........................
مابنكر انو معو حق وانو عنجد صدمة كبيرة هالقصة عليه
بس لو ماكان بلش يحبني او يخبي مشاعر جواتو إلي ماكان همو الموضوع ولا انصدم فيه وكانت الامور رجعت طبيعية كتير بس هو ادايق وغار كتير هيك حسيت اووو هيك كنت عم حلل من راسي ومابعرف إذا عم أوهم حالي ولا عنجد هيك

ضبيت غراضي كلن وودعت خالتو أم محمد يلي الها فضل كبير كتير عليِّ وعلى نغم والصبح انزلت ماكان ليث موجود كان بالصيدلية من بكير

دقيت ل عدي
جوري: وينك ليث

عدي: انا عدي خانوم

جوري: ءءءء اي هههه قصدي عدي خربطت

عدي: اي ههه قليلي

جوري: فاضي تجي توصلني لعند نغم؟؟

عدي: ليش بدك تروحي لعندا؟؟

جوري: اي بدي روح مالي مكان من دونا

عدي: قلتي لليث؟

جوري: لأ ماقلتلو

عدي: طب دقيلو خبري مو حلوة روحتك هيك

جوري: حاسستو مدايق مني ومابدو يحاكيني لهيك عم دقلك

عدي: طيب خلص ليكي شوي وبكون عندك تمام؟

جوري: أي

.................
📱📱
ليث: يعني هي خبرتك بدها ترجع

عدي: أي

ليث: اي كنت متوقع

عدي: وهلق

ليث: خلص سكر أنت وشوف شغلك رايح لعندا أنا

عدي: طيب

......................
📱📱
نغم: هاين عليكِ فراق الحبيب

جوري: لك بلا حبيب بلا بطيخ رجع طلع سامر بحياتي الله ياخدوا ان شالله متل البوم بيلحقوا الخراب

نغم: طب خلص روقي هلق بس توصلي منحكي قايمة خبر امي وركز قعدة إلي وإلك

جوري: طيب ماشي أساساً ليث عم يزمرلي

نغم: ليث؟؟؟؟

جوري: لككك قصدي عدي عدي يلا روحي

نغم: ههه اي ليكي خلي يطلع معك ل عدي أي بيقعد ساعة زمان وبروح

جوري: ليش أمك بترضى؟؟

نغم: أي ماعندا مشكلة

جوري: ماشالله الأصول الفرنسية ح تغلب ع حياتي الفترة القادمة

نغم: يعدمني ههههه روحي

اطلعت من الشباك مالقيت حدى ، غريب مع إني سمعت صوت سيارة شكلا مو لحدى وانا خربطت
وقفت وسحبت نفس وارتكيت ع الشباك
فتح الباب ليث وفات

ليث: شو قال بدك تمشي

جوري: اي .... مننزل منحكي تحت

ليث: لا هون رح نحكي تعي

مسك ايدي وقعدني ع الكنباية وقعد جنبي

جوري: عادي يعني لازم أرجع

ليث: ليش لازم ترجعي حدى دايقك هون؟

_اطلعت فيه وسكتت ونزلت راسي كان واضح اني زعلانة منو_

ليث: أنا آسف ، كنت منفعل بس ، ومستغرب شلون عندك قرايب ومالك معهن

جوري: أكيد ماكنت رح قعد ع فكرة وعندي حدى بعرفو _قمت وقفت وبرمت ضهري وانا معصبة منو_

قام ليث وفوراً برر موقفو

ليث: جوري استوعبي الي عم أحكيه ، استغربت وحسيت انو قديش ما ظلموكي لحتى بتكرهين وفضلتي القعدة عندي ولا تكوني معن بس هاد مقصدي

جوري: أمم

ليث: خليكِ هون لو سمحتِ مو حلو البيت من دونك ومن دون نغم ، مابدي ياكِ تروحي ، كرمال خالتي ع الأقل ....
بعدين يمكن تطفي الكهربا هنيك مين يلي ح يشغلك المولدة ويكون معك بالعتمة؟

........................
أم نغم: تأخرت جوري

نغم: هلق بتجي -سكتت امها وفهمت نغم - ماما ح نشتغل أنا وجوري أي شي ومنصرف ع حالنا

أم نغم: لأ قعدي درسي وماعليكِ ، ح أعمل شاي ومنقعد بتكمليلي شو صار معك أحداث ، بعدين جوري شبها ؟ متغيرة كأنو

نغم: شلون متغيرة؟ من أنو ناحية؟

ام نغم: شكلياً ، يعني مابعرف كأنو مغيرة بحالها .....
الله يهديها
........................

كنت بحالة تأرجح بكل شي ، قفلت باب غرفتي وقعدت ع التخت فكر
عم فكر بكل شي عملتو من شهر لهلق وقبل كمان
مابعرف ليش اندلئت هيك وتغيرت هيك ، بتصدقوا كنت قرفانة من حالي كتير ، اول ماحسيتو تقرب مني حسيت حالي العكس حسيت انا الي نفرت ، حسيت انو كنت عم أعرض حالي لَ يلتفت

يالله شو ندمت ع كل شي عملتو
شو بكيت ع كل شي عملتو
انا شو عملت كيف هيك تصرفت
كيف غيرت لبسي مشانو
كيف اتراجعت بحياتي وبمبادأي كمان كرمالو
#يتبع 🌍🌸

#البارت (12) والأخير
#نـــســـمـــة
🌸🌸🌸🌸🌸🌸🌸
قرب مني وأخد الكرت وقرأو

ليث: هاد رقم سامر؟

جوري: أي _كنت عم اطلع بكل شي الا فيه_

ليث: اي خير؟

جوري: ........

ليث: بدك تتصلي فيه جوري

جوري: مابعرف

ليث: لسى عم تقول مابعرف ، لك هاد الواطي أخدلك أحلى أيام حياتك ، أحلى سنينك ، نزعلك برائتك وطفولتك ، وغير هاد ماطلع زلمة وماعرف يحافظ عليكِ وعطاكِ لقب مُطلقة وأنتِ بهالعمر هاد وبتقليلي مابعرف ، لسى عم تفكري تتصليلو؟

جوري: -تنهدت وغزلت الدمعة بعيني ونزلت راسي-

ليث: آمنت بالله ، لك ليش البكي هلق جوري ، مشان شو ؟؟

جوري: مشتتة .... ماعم بقدر آخد قرار ..... ضايعة ليث أنا كتير ضايعة ......

باللحظات قليلة كان شعورو عم يقوى وهالكلمات هي خلتو ينتبه ع كتير شغلات ، كنت أول مرة بحاكي هيك ، اطلع فيني وسكت شوي بعدين قال

ليث: طيب ، عندي طرق كتير لتلاقي حالك فيها وأول طريق منن _مسك الكرت وشقو 100 شقفة زتو ع الارض ودعس عليه_ هاد ، تعي ناكل ونقعد ندور عليكِ

جوري: هههه
..........................
أم نغم: مو جاية جوري؟

نغم: خالة أم محمد ماخلتها تجي

أم نغم: وليش هالئد متمسكة فيها يعني؟ شلون كنتو عايشين عندا؟

نغم: بتجنن أمي ، قلتلك قبل هلق كانت أم وأكتر ، ماحدى بياخد محل الأم طبعاً بس هي كتير حنونة حتى شغل بالزور لتخلينا نساعدها ، بقى اطمني ع جوري كتير بخير

أم نغم: والله لو الحالة ميسورة أكتر من هيك ل ما أرضى جوري تبات ليلة عندن ، بس شوفة عينك يا أمي مافي ، والبيت تلت ارباع الغراض فيه معفشة رجعت كم غرض لقيتن والباقي راحو الحالة مو متل أول ، إلا والله جوري بقلبي وعيوني قد ماكان بضل متل بنتي والله

نغم: بعرف أمي بعرف وماحدى عتبان عليكِ ، المهم ماقلتيلي وينو ابن جيرانا يلي بدك تحكي معو ليعطيني دروس _وكتمت ضحكتا_

أم نغم: لك والله مابعرف ماعم شوفو لا عم يطلع ولا عم يفوت بركي بتدرسيها لحالك بالبيت ........... خير ليش عم تضحكي؟

نغم: لأنو أمي مبينة أنو الشب بح طاير هـهـهـه قصدي مسافر يعني

أم نغم: اي فوتي درسي بلا مياعة

نغم: أمي البكلوريا مابتندرس بالبيت

أم نغم: لكن بتندرس بالمعاهد ....

نغم: أمي لكن بالبيت ، يعني ليش عملو المعهد ؟ لندرس بالبيت ؟

أم نغم: اي فوتي درسي خدي الشاي وفوتي
..............................
مرق كم يوم عادي ، وعم داوم بالمعهد لحالي من دون نغم كانت أمها لنغم لسى مالا مقتنعة تكمل بالمعهد
عدي: بدي روح حاكيها بقى

جوري: أي ياريت حرام يروحو الدروس ع نغم ح تخلص السنة يعني مابقَّى شي

عدي: انتبهي ع حالك أنت وع الدروس ماشي؟

جوري: لأ مابعرفك وأنت راكز

عدي: ههههه ، قومي نزلي وصلتي خانوم

نزلت ع المعهد وفتت ، كان عدي عم يفقد نشاطو شوي شوي يعني ماعاد متل أول كان واضح عليه حب نغم ....

أخدت الحصص والدروس وماكنت مبسوطة فيهن إلا حصة الديانة .....
كانت عم تعلمنا الآنسة عن 12 ركعة بالليل اسمها صلاة الحاجة ، وبتتصلى ع النية الي بدنا ياها شو ماكانت ، كانت عم تعطينا جرعة الأمل والتفاؤل المُعتادة يلي مناخدها منا ......
#يتبع 🌍🌸

خلص النهار وطلعت من المعهد ، مالقيت عدي ومادقيتلو قررت أمشي كان كتير دايق خلقي
مشيت شوي وبعدين بسمع أسمي من ورى ، وماكان الصوت غريب أبداً

............................
نغم: أمي مشان الله عم تروح عليِّ الدروس وبيفصلوني بعدين

أم نغم: اي وتنفصلي شو أخدك الطريق بدو ساعتين لهنيك ودوامك طويل وصعب كأنك مسافرة طول النهار بالمعهد نامي بفرد مرة فيه

نغم: أمي هاد المعهد ممتاز ، والكادر يلي فيه من الوزارة

أم نغم : نغم الحكي هاد حفظتو مابدي عيد وزيد مافي يعني مافي

نغم: أي ماشي ، أتأكدي أنك عم تروحيلي مستقبلي مشان ولا شي ، لك ياريتني متت وخلصت ، ومارجعت ، _فاتت ع الغرفة _ بضلو تقولو للبنت درسي ودرسي وكملي والشهادة سلاح ولا بتخلوها تدرس متل العالم ولا تختار فرعها متل العالم ، ع شو بدنا ندرس بالله

أخوها: ماما شبها نغم !!

أم نغم: أنبحتت

.......................
ليث: خالتي بتجي نغم لهون زيارة وهي هيك هيك ح تجي مشان المعهد مارح ضل المعطلة

أم محمد: قال أمها ماعم تخليها

ليث: أي بكرى بيحكي عدي معها وإذا اضطر الأمر أنا كمان بروح ، يومين كمان بتلاقي نغم بالمعهد إن شالله ، بتشوفا هون

أم محمد: أي يعني هلق جوري بدا تروح زيارة ، خلص ح أبعتها اليوم وبتجي بعد يومين

ليث: لا إله إلا الله ، مارح تروح لمكان ، ما ح تروح لا لعند نغم ولا لغيرا ، تقعد تلتهى بدروسا

أم محمد: يلا برضاي عليك

ليث: خالتي والله مو حابب أحكي ، رحت وشفت الوضع هنيك مو راكز ، وأمها لنغم الله يعينا حتى عفش بيتن واضح أنو مأخود ، الحي مافي عالم يعني بدهن شي بدن يطلعوا للأحياء التانية ليجيبو ، والحالة المادية صعبة ، وجود جوري ح يزعجن ، بس خلص إذا أنتِ كتير بدك عطي جوري مصاري وتروح يومين بس

أم محمد: مابترضى تاخد ، بتعزبني كتير والله

ليث: جوري؟ ليش عادي ، يعني أنتِ بترضى معك أنت بمقام أمها

أم محمد: كتير عفوفة دخيل البها ، ومؤدبة ، مابترضى تاخد

_سرح شوي ليث_
ليث: خلص خالتي مافي مجال ، وقت بدا بتروحي معا ساعتين وبتجو ، مافي مجال تنام هنيك

.............................
سامر: أبداً ، كنت مارق من هون بالصدفة وشفتك ماشية قلت بسلم عليكِ

ماحكيت معو برمت ضهري ومشيت

سامر: ماعم أطلب إيدك ع فكرة ، وقفي وحاكيني ، لكك _مسكني ما ايدي وفتلني لعندو_ عم حاكيكِ

جوري: شيل إيدك شوبدك خير؟

سامر: منقعد بشي مكان ومنحكي ع رواق

جوري: رواق شو أنت التاني، انا وحدة متزوجة ومابقدر حاكيك زوجي مابخليني

سامر: هـهـهـه متزوجة قلتيلي ؟ ومين سعيد الحظ

جوري: مادخلك مين متزوجة ، المهم تحل عني روح التهى بحياتك وبمرتك وولادك وطلاع مني

سامر: لك ااااه شو كنت غبي وحمار وأنا عم ضيعك مني ...... مافي وحدة متلك ياجوري ..... اشتقت لصوتك ، ولضحكتك ، ولهضامتك

عدي: جووووري _كان جاية باتجاهي_

سامر: هاد زوجك؟

جوري: ............ _وصل_

عدي: سامر بيك ، ماصحلي هديك المرة أتشرف بحضرتك أكتر ، اتمنيت شوفك مرة تانية من قلبي
#يتبع🌍🌸

سامر: وأنا حابب شوف زوجا لجوري كتيير

حكين ماكان بطمن ، ونظراتن لبعض نفس الشي

جوري: عدي خلينا نمشي

عدي: طلعي ع السيارة أنتِ ، رُوحِي

سامر: معناها مو أنت زوجا ، مين زوجا؟

عدي: مالو فاضي لأندال متلك

سامر: اه يعني أنت فاضي؟ هـهـه

عدي: لأ ، أنتو أختصاصي

ضربو بعض ، وانا واقفة وعم حاول معهن ليوقفو ، ماكنت فهمانة شو دخل عدي بالموضوع وليش ليضربو ، أجو كم واحد فضوها بينن ، كان عدي عم يهددو ويتوعدلو إذا شافو شو ح يعمل فيه
أشرلي اطلع ع السيارة وطلعت
بس بهالموقف حسيت بالسند ، حسيت أنو عدي أخدلي يلي ماقدروا أهلي ياخدولي ياه
ماكنت قدرانة أحكي مع عدي ولا كلمة كان معصب ومو منيح أبداً .....

عدي: شو مشيكي لهنيك

جوري: أنو مالقيتك أنت تأخرت قلت برجع لحالي

كتم غضبو وماحكاني شي ، كمل الطريق ع الساكت ، نزلني ع باب البيت وراح

أم محمد: شبك تؤبريني كأنك مو ع بعضك ؟

جوري: أجى سامر ع المعهد وشافو عدي واتضاربو

أم محمد: لا حول ولا قوة إلا بالله ، شو مارح يحل عنا هاد ؟

جوري: لأ مارح يحل طول ما أنا هون مارح يحل

طلعت ع غرفتي وأنا بقمة توتري ، دقيت لنغم وخبرتا

نغم: طولي بالك أنا أمي بلشت تقتنع يمكن بعد بكرى تلاقيني عندك ، وهاد الحيوان شو لسى بدو دخيلك ياربي والله الي استحوا ماتو

جوري: هاد سامر مصيبة نغم مصيبة ، ماشفتي كيف كان يلحقني من مكان لمكان ، ماحل عني الا لما اتزوج ، وهلق رجع العن من أول ، لعفى ما أوقحو

نغم: أنتِ قلتيلو إنك مزوجة كمان هـهـهـه

جوري: لك أي سكتي كيف بدي أخلص منو يعني ، قلتلو متزوجة لأخلص والله مو بشي

نغم: طيب تعي لعندي زيارة ولو مو ع أساس ح تجي لعندي ونقنع أمي سوا ونرجع نداوم سوا عم داومي لحالك

جوري: لك أي بدي أجي أكيد
..........................
ليث: مو الحق عليه ، الحق ع هديك المصروعة الي عم تتمشى

عدي: قال لأني تأخرت بدا ترجع مشي لك وأنا ما تأخرت دقيقتين ، لك ومعها تلفون مادق تشوفني وين صرت ، شي بفور الدم قسماً بالله

ليث: أنا هلق مضطر قعد عندي شغل وجرد وبدي أستلم أدوية وعندي مشوار ع المشفى ، بس أرجع بتفاهم معها ، بس يسلم أديك واللهِ إنك كفو وماقصرت

عدي: لأ أنت عم تحكي وعم تخبي الضحكة وانا خلاقي ب ...... هلق ، ليش عم تضحك ليش

ليث: هـهـهـهـه لك ماعم أضحك ، هلق ضحكتني

أجى ممدوح ومعو كاسة عصير ليمون وعطاها ل لعدي

ليث: شراب ليمون لتروق أعصابك ، وهي فتحنالك الصيدلية قهوة ، بس بالله رجاع عدلي هي جوري قالتلو أنو أنا زوجها؟

عدي: والله عرفان ياواطي والله ، هي النقطة الي علقت عندا أنت ، لك علقت معو رح ندمي بعض ، وانت راسك بجوري

ليث: لك والله ماقصرت وفضلت ع راسي وعطيتك نشرة حب التهاب وهلق بعطيك دوا للمغص وهي ظرفين حب مص بما أنك بتحبو مسيك
#يتبع🌍🌸

ماقدر عدي مايضحك

عدي: لك عالم زبالة ياربي هـهـهـهـه

ليث: أنا أوعك تفكر مشان جوري ، بس أنو كيف هيك بتقول عني ، مابصير شو الشغلة لعبة يعني

عدي: آه هاد على أساس قلبك ماعم يقول حق بق

ليث: _ابتسم ليث_ لك قوم من وشي مو فاضيلك عندي شغل _ورجع للاب توب_

عدي: لما قلي أنت زوجا قلتلو أي أنا زوجا خير ، عندك مشكلة مع مرتي

اطلع ليث نظرة تانية أنو كيف ؟ رجاع عيد الي حكيتو

عدي: هـهـهـهـهـه شفت أنك واطي وقلبك عم يقول حق بق

................................

كان ليث عم يعمل مقارنة بيني وبين لانا
وطالما في مقارنة بينا ف بشكل منطقي رح ترجح الكفة لألي ......

خلص هالنهار الطويل ع الكل وأجى ليث ع البيت
فات لابس وجه تاني غير وجهه ، فات وسلم علينا

أم محمد: رح حطلك أكل طبختلك اليوم مندي

ليث: أي خالتي يسلم أديكِ

جوري: ح أجي ساعدك

ليث: بدنا نحكي

راحت أم محمد وضليت واقفة أنا

ليث: وين بتحبي نحكي؟

جوري: عدي حكالك أكيد

ليث: ماجاوبتيني

جوري: هون

ليث: قعدي لكن ، شلون بتعملي هيك؟

جوري: واللهِ اضطريت قلو إني متزوجة وماقصدت حدى وماقلتلو أسم ، عملت هيك ليمشي بس

ليث: ماقلتيلو أسم

جوري: واللهِ أبداً

ليث: أي ماقصدي على هي ، شلون هيك بتمشي ومابدقي ل عدي مثلاً؟

جوري: ماعملت شي ....

ليث: بعرف أنا مو ضد أنك ترجعي مشي ، ضد أنك مانطرتي ولا اتصلتي لا ب عدي لا فيني وبتعرفي أنو نحن دائماً منجي مناخدك ، طب بركي كان صايرلو شي مثلاً ل عدي

استغربت من كلامو يلي ماكان بِدل على الوجه الي لابسو فكرت ح نتخانق ، بس أنو كان في تفهم بالكلام وللموقف كتير

جوري: بعيد الشر ، ح دق تاني مرة خلص ....

ليث: مافي شي أسمو تاني مرة ، مابقى تطلعي من المعهد لنجي نحن ، لنشوف كيف بدنا نتصرف مع سامر

جوري: مو منطق هاد الحكي ، شو بدي ضل طول حياتي عم أتخبى منو ، أنا بواجهو لحالي ، _رجف صوتي شوي وانا عم كمل حكي_ يعني الله من وين بلاني فيه ، كل مابكمل حياتي بيرجع بيطلع ليخربها من أول وجديد ، كل وصل لحياتي بيخربا ، والله تعبت منو ، مابقى رح أحسب حساب لشي أوف يا

خلصت وآخر شي شفتو كان ليث وهو صافن فيني وحاطت العقدة بس بنفس الوقت كان في ابتسامة مابعرف شلون ، أنا كانت ناقصتني هالنظرة وأنا أساساً حاببتو ، بس لما طفت الكهربا وأنا نسيانة أنها ح تطفي قعدت ع الكنباية وغمضت عيوني نطرتو يجي يشغل ضو او يحكيني بس ماعاد سمعت حركة عنجد خفت وفكرتو راح قام بكيت وناديلتو بصوت نايص

ليث: ليكني ، كنت عم شوفك صرتي ئبضاية ولا لسى

قعد معي وضمني لعندو ، بس هالمرة والله ماكانت متل مرة ، هالمرة رغم خوفي حسيت فيه

ليث: بضلي بالمعهد لنجي ، خلص مو قلتيلو انك متزوجة خلي زوجك يعرف يتصرف

جوري: ماقصدتك بكلامي ع فكرة

ليث: أنا الي قصدت حالي ، بدي أنطرك لتقصديني ؟ هَزُلت

والله ضحكني بعدت عنو وضليت مغمضة عيوني لبين مااحت خالتو ومعها ضو ، كان هالموقف من أحلى المواقف يلي عشتها بالعتمة بعد شهور من القسى فيها
#يتبع🌍🌸