ميس : اي احسن بس شفتي شو حلو الله يهنيكي فيه يا جوجي
جولي بخجل : اي بجنن وخصوصي عيونو وغمازتو ولييي على البي
ميس : يلا قومي ننام بكرا عنا شغل خير الله
جولي : يلا قومي بقومو بفوتو وبحطو راسهن وبنامو ميس بتنام بس جولي متسطحة وعم تفكر وتحكي بقلبها
جولي بقلبها : كيف عرف بيتي شلون يعني ولا اجا حتى يخطبني لك ايييي مو هو قلي بأول مرة شفتو فيها انو بدو ياني لك انا كيف وافقت بهالسهولة خرسي ولي جولي مالك تلتين الخاطر افففف خليني نام بكرا كتب كتابي على علوش هههههه جنيت الظاهر بعد ما حكت وفكرت بتروح بنوم عميق ....😴
بتشرق شمس صباح جديد بتصحى جولي على صوت ميلا
ميلا : جوج جوجي ياعروس عدي فيقها لعمتو ..
عدي : امتو يلا فيفي
جولي بنعس : صباحو بتاخد عدي وبتبوسو بوسة صغيرة على خدو
جولي لعدي : يأبرني هالصباح القشطة اي خالتو
عدي : عيد السر امتو جوجو وببوسها بوسة على شفافها
جولي : لا عمتو عيب تبوسني من هون بس من خدي بيرجع ببوسها واكيد منهرف انو عند الاطفال الممنوع مرغوب بتضحك جولي وميلا بتفيق ميس
ميلا : يلا جوج قومو نبلش شغل بالبيت
جولي : ليش اديش الساعة
ميلا : الساعة عشرة جولي انتي حضري الفطور وميس بتضب الغرفة وانا ضبيت غرفتي وحضب الصالون وهيك منخلص
وكونو مارح يصير حفلة خطبة لح نعملك حفلة صغيرة
جولي : اوك يلا بقومو وبيعملو متل ماقالت ميلا بيفطرو وبعدها بروحو عالشغل ابو اياد واياد ....
عالساعة 2 الضهر بتكون جولي طالعا من الحمام ومتحممة وخالصة كلشي بعدين بتحكي ميلا
ميلا : يلا جوج تعي نشفلك شعرك واهملك موديل لشعرك
جولي : ليش لح قيم الحجاب دغري
ميلا : اي لكان يلا تعي بتجي جولي بتنشفلها شعرها وبتعمللها موديل ناعم لشعرها الطويل وبعدين بتعمللها مكياج كتير حلو ومغري بتلبسها فستان احمر كتير ناعم وحلو طويل من عالصدر مفتوح شوي صغيرة مع حمالات رفاع على كتافها ومزين رقبتها طوق الماس ناعم بتطلع متل الاميرة بنعومتها وانوثتها طاغية كتير يتطلع حلوة بتخلص بكون باقي لكتب الكتاب ساعة بهالوقت بصيرو بيرقصو وبيعملو حفلة متواضعة وصغيرة بصير وقت كتب الكتاب بيجي ابو اياد واياد قبل بكونو مجهزين كلشي بيوصل سيارتين مفيمين تقال بينزل من اول سيارة علي بهيبة وشموخ ورجولة بكون لابس بنطلون اسود ساتان مع قميص رمادي معرق مفتوح زرين من عالصدر رافع شعرو بطريقة حلوة باخخ بارفان ريحتو بتجنن بتعبي الحارة كلها ومن السيارة التانية بتنزل ام اعلي وابو علي بكل اكابرية بكونو جايبين معهن الشيخ بيستقبلهن ابو اياد وبفوتهن جولي بتفوت بتقعد بالغرفة والكل برا قاعدين ببلشو كتب الكتاب بيكتبوه بيصفا اخد رأيي العروس بقوم الشيخ مع ابو اياد بتكون جولي واقفة ورا الباب و بيسألها
الشيخ : مرحبا يابنتي انتي جولي ****
جولي : اهلين شيخي اي انا
الشيخ : يابنتي بتقبلي الزواج بالشاب علي **** على سنة الله ورسوله
جولي : اي شيخي بقبل
الشيخ : الف مبروك يابنتي مين بتريدي يكون وكيلك
جولي : ابي هو وكيلي
الشيخ : اتكلنا على الله الف مبروك يا ابو اياد الكل بصير بزلغط والفرح بعبي المكان ببارك الشيخ وبيستأذن منهن وبروح بتحكي ام علي
ام علي : وين عروستنا
ام اياد : ليكها جوا شوي وبناديلها
ام علي : معلي اذا مافي احراج انا جيبها
ام اياد : له ولو تفضلي البيت بيتك بتاخدها على الغرفة بتفوت بتكون جولي واعدة لما بتشوفها بتوقف بتحكي
ام علي: ماشالله الله يحميكي على هالشعر والبياض ولله ابني صبر ونال الف مبروك يا عمري
جولي : الله يبارك فيكي مرة عمي ويخليلنا ياكي ويطوللنا بعمرك
ام علي : تأبريني على هاللسان الحلو يلا مابدك تجي تشوفي عريسك بتطلع جولي بأمها بتبتسملها
جولي بأبتسامة : اي مبلا
ام علي : معناتا يلا بتاخدها وبتطلع بيعرف علي انو اجت جولي بركز عيونو علباب بتفوت جولي بشوف كتلة من الانوثة جاية لقدامو بوقف وبينسحر بجمالها بيفرح كتير وقلبو بصير يدق بقوة بتقرب جولي وهي دايبة من الخجل
جولي : مرحبا بتمد ايدها
علي : هلا كيفك
جولي : تمام الحمدلله بتكون خجلانة كتير مو عارفة شو تحكي بتكون لح تقعد قدام امها بتوقفها ام علي
ام علي : وين رايحة بنتي قعدي قدام خطيبك يلا مابدنا نلبسكن المحابس
جولي : ها اي بتقعد قدامو وهي متوترة وخايفة وقلبها عم يدق بحط علي ايدو على خصرها بدون محدا ينتبه بترجف كلها وبتطلع فيه بيحكي
علي بهمس : طالعة بتجنني ماتوقعتك بهالجمال هاد ولا شعرك سحر البي سحر
واللون كتير لابق على جسمك
بتكون عم تسمع الكلام كلو وعم تدوب بكل كلمة مابترد عليه