📚قصص||روايات||منوعة📚

#الحاسة_رقم_سبعة_قصص
#الحاسة_رقم_سبعة_3 #الحاسة_رقم_سبعة
@rwayate
الحلقة الثالثة
ما عدت اوثق بأي شخص بحياتي مين ما كان يكون .. بعد ما سمعت كلام صعب من عيلتي والكل بعلق أغلاطي على المشكلة اللي بعاني منها في نظري.. وبالآخر اتهموني أني سرقت أختي بس الغباء الأكبر كان مني أني اعترفت بهالشي بس ماقدرت وقتها أحكي عن المره اللي دخلت بيتنا واللي أمنتلها ماما وخلتها تدخل على غرفنا ورشت شي على التخوت وخرمشت بإيدها على الصور اللي على الحيط.. كل واحد بالعيلة صار يطلع عليه بطريقة سيئة أني حاولت أسرق وأني مش عارف اشتغل حتى خواني الصغار.. تاني يوم الصبح وبعد ماطلعو خواني على المدرسة وخواني الكبار على جامعاتهم وشغلهم .. حكيت لماما خلينا نروح نزور المرة اللي أجت زيارة لعنا .. خلينا نعرف مين هيه .. وقتها سألتني شو بهمك لتعرف مين هيه ؟؟؟ حكيتلها إحساسي بحكيلي أنه في شي سر وراها.. حكتلي أنت دائماً بتحكيلنا إحساسك وبطلع غلط .. بس أنا وعدتها بزيارة وهيه حكتلي وين ساكنه ووصفتني البيت .. حكيتلها شو إسمها؟؟ حكتلي ميرفت أم عامر.. حكيتلها طيب بعد شوي خلينا نروح ندور عليها.. لبست وطلعت معها ومعنا اختي هبه الصغيرة.. وصلنا المكان اللي وصفتنا عليه وعنفس البيت بالزبط.. كان في برا ولد صغير بلعب حكيتله وين ماما.. دخل وصار يبكي .. طقينا جرس الباب طلعتلنا الخدامة .. حكينالها وين المدام؟؟ حكت أي مدام ؟ حكيتلها مافي حدا نحكي معاه هون .؟ دخلنا على البيت طلعلنا شب بعمري .. لسه قبل ما أسأله عن أمه شفت صورة معلقة بغرفة القعدة لنفس المرة اللي اجت عنا وعليها شريطة سودة من جنب .. توفت !!! .. سألته أمك توفت ؟ حكالي اه من شهر تقريباً.. حكيتله شهر ؟! كيف شهر ؟! مبارح أمك أجت لعنا .. حكالي انت بتهلوس وين أجت ؟! أمي بهالوقت صار رح يغمى عليها وجابلنا الولد ميه شربناها .. سألته شو اسمه حكا عامر.. قلي أمي متوفية من شهر حكيتله طيب كيف؟ حكالي انت شكلك مضيع او مشبه .. قلت إحساسي بمحله أكيد في شي صار كيف توفت من شهر وهيه اجت عنا مبارح ؟ حكالي كيف شكلها حكيتله هاي المرة اللي بالصورة هيه اللي اجت عنا .. اتهمني بالجنون وحكالي نحنا مش متحملين لسه مش متعودين على فقدانها ومع السلامة.. طلعنا أنا وأمي من البيت وعلى وجهنا علامات استفهام وقتها ماكنا عارفين شو اللي صار بالزبط.. حكتلي ماما مش مصدقة كيف هيك لعاد مين اللي اجنا عنا مبارح .. يعني ياهدول بكزبو علينا يا أنه اللي اجت عنا اعوذ بالله.. بس كيف حكينا مع روحها ؟ وشو غرضها لتيجي عنا .. شو بدهم يا امي انا خايفة.. حكيتلها امي انا من أول ما اجيت على البيت وحاسس رح يصير اشي وانتي بتكذبي احساسي .. أنتي لما نزلتي تجيبيلها مي كانت بترش اشي على تخوت خواتي وخرمشت بأصابعها على الصورة.. وانا ما كنت بدي اسرق كنت بفتش على الشي اللي حطته تحت الفرشات .. بس اجت هديل واتهمتني بالسرقة وخبرت بابا ولو نحكيلهم على الشي اللي صار ماحدا رح يصدقنا.. لهيك انا سكتت .. حكتلي طيب خلص يا ابني أنا وياك رح نكشف الموضوع اللي صار بس ما تخبر خوانك ماحدا منهم رح يصدقك وماحدا شاف المرة غيرنا وانت بتعرف العيلة بكذبو كل شي ..لازم نعرف شو اللي صار.. روحنا على البيت وصرنا نشوف الأماكن اللي قعدت فيها .. امي كبت فرشات خواتي ورمتهم برا البيت .. وحاولت تحرقهم كمان.. وكبينا كل الفناجين اللي شربت فيهم.. ومسحنا كل مكان دعست عليه.. بس ماكنا بنعرف شو حنستفيد لو عملنا هيك لأنه مش عارفين شو اللي صار!!.. رن التلفون فجأة رحت أرد طلعلي واحد بحكيلي هون بيت أبو غسان حكيتله اه تفضل حكالي إسمعني.. لازم تعرف إنه في ناس عايشين معكم بالبيت وأنا واحد منهم.. وسكر الخط!! وقتها نشفت رعبة وصرت أحس إنه الشي اللي صار ورا الثلاجة مش من قليل.. مارضيت احكي لأمي مين على الخط وشو حكا.. صرت احكيلها واحد غلطان حكتلي كيف غلطان وحكالك بيت أبو غسان.. ماتخبي عليه واحكي.. حكيتلها مابخبي يا امي بس ناس تانين مش إحنا يعني مافي غيرنا بيت أبو غسان.. مين الناس اللي عايشين معنا ؟؟ شو الي عم بصير؟؟ والمرة اللي اجت عنا طلعت ميته.. حكيت لأمي إحنا لازم نقنع بابا انه نرجع نطلع من هالبيت.. صدقيني إحساسي قوي وبحكيلي انه البيت رح يجيبلنا وجع راس للكل .. لازم نطلع منه بأسرع وقت.. حكتلي أبوك شراه بمبلغ منيح كيف بدك يانا نطلع منه .. حكيتلها خلينا نحاول نقنعه بأي طريقة المهم نطلع منه ..أجو خواني من المدرسة والجامعه وهديل من البنك .. صارت تحكي إنه في شي صار معها غريب بالبنك.. حكينالها شو.. حكت اليوم أجت عندي مرة وصارت تسأل عني وكأنها بتعرفني .. وصارت تحكيلي إنك رح تتزوجي واحد مش منيح والمرة بتعرفنا كلنا وصارت توصفني أشكالكم .. انا مرعوبة وخايفة .. كنت أول مرة بشوف هديل مكسورة وتعبانة وخايفة لهالدرجة .. حكيتلها كيف شكل هالمرة ؟ صارت تحكي لابسة طاقية وجكيت اسود وعمرها قريب من عمر ماما..

#الحاسة_رقم_سبعة_قصص
@rwayate

الحلقة الخامسة
طلعت أنا وهديل عالغرفة فوق عندي بعد ما سمعت صوت الولد بالمطبخ.. حسيت الشي غريب لدرجة لا يمكن تصدق.. حكتلي احكيلي كل شي شو سمعت تحت أنا سمعتك بتحكي مع حدا.. حكيتلها في ولد صغير عايش معنا هون بالبيت.. وعلى ما اظن هوه روح .. توفى مع والده ووالدته والمرة اللي شفناها توفت معهم!! .. أكيد في علاقة بتربطهم وقوية كتير وأنا سمعتها بتحكي مع ماما بس اجت عنا.. ومستحيل يكون غير هيك لأنه على حسب حكي ابنها هيه متوفية من شهر.. نحنا لازم نعرف كيف توفت!! .. حكتلي كيف بدنا نعرف قلتلها اليوم بنحاول مع ابوكي نقنعه أنه البيت ما لائمنا لازم نعمل شي انا وياكي حتى نطلع منه لازم!!.. حكتلي شو لازم نعمل.. حكيتلها خلينا نخرب البيت .. نخرب أماكن الصرف الصحي ونخرب الحيطان وكل شي عشان يقتنع انه البيت على وشك الإنهيار أو شي متل هيك.. يا بنأذي البيت وبنطلع منه يا أما نحنا بنتأذى كلنا.. انتي بترضي انك تتأذي وتضل علينا لعنة كلنا أنا وانتي وخوانك وأمك وأبوكي ؟ حكتلي أكيد لأ.. قلتلها طيب خلص لكن امشي معي وخلينا نخرب البيت بكرا الصبح حاولي تعطلي من البنك وياريت ماتروحي حتى نباشر بمهمتنا.. في شي تحت كمان بالمطبخ أنا صرلي حاسس عليه من لما سكنا.. ورا التلاجة في حيط بلوك عم بتحوّل الحيط لملمس متل الفلين خفيف وأظن انه في شي وراه.. لازم بكرا الصبح نحاول نعرف بس اللي محيرني أنه مابطلع هالشي غير بالليل.. أنا حاستي السادسة بتحكيلي أنه بكرا بالذات رح يصير شي كتير قوي.. حكتلي شو حاسس؟؟ حكيتلها واحد منا يا هديل رح يتأذى .. ممكن أنا .. ممكن أنتي .. ممكن أمك .. ممكن خوانك .. المهم لازم نخرب البيت ونخلي أبوكي يقتنع انه خطر علينا بأي شكل من الأشكال.. ولازم مانحكيله شي على قصة الأرواح اللي فيه أو عن المرة .. مابدنا مشاكل انتي بتعرفي ابوكي ما بآمن بهالأمور شو ماصار ومابدنا يصير مشكلة مع بيت المرة اللي اجت عنا خصوصاً انه هيه متوفية وبيتها قريب منا.. فهمتي؟ حكتلي فهمت وطلعت من الغرفة .. وبهاللحظة أنا ضليتني أفكر شو ممكن أعمل وكيف ممكن أتصرف بكرا خصوصاً انه حاسس رح يصير شي كتير قوي.. طلع الصبح وكل واحد من خواني راح على مدرسته وشغله .. افطرت مع امي وضليتني أتفحص البيت شوي شوي.. عرفت وين منفذ الصرف الصحي والأماكن اللي ممكن تخرب علينا عيشتنا بالبيت .. هديل ماراحت على شغلها واتفقنا نخرب البيت.. بس للحظة رن تلفونها كانت صاحبيتها بالبنك بتحكيلها لازم تيجي عالشغل بسرعه في شغلات ضايعة ومش لاقيتها ومافي غيرك ممكن يلاقيها.. حكتلها بس انا اليوم تعبانة ومش قادرة.. اقنعتها تروح وبالفعل تركتني بالبيت وراحت على شغلها وضليت لحالي أخرب بالبيت.. كانت امي بتشتغل بالمطبخ وفجأة المي فاضت عليها بهاللحظة ماكنت بعرف اذا هالشي رح يجيب نتيجة واصلاً بده وقت حتى يقتنع بابا فيه.. حكتلي ماما كيف بدي اشتغل هلأ وكل شي خربان بالمطبخ حتى طبخ مش عارفة أطبخ.. حكيتلها طيب شو رأيك توخدي طبختك وتروحي عند جارة من الجارات بما انك تعرفتي على ناس كتير.. حكتلي ممكن معك حق.. طلعت من البيت واخدت طبختها وضليتني لحالي بالبيت.. أول شي حاولت أحكي مع الناس اللي بالبيت معنا.. قلتلهم فرجوني حالكم اذا انتوا موجودين.. أنا لحالي وبدي أواجهكم.. يا ولد يا صغير انت ياللي حكيت معي مبارح بالليل.. اطلع فرجيني حالك انا لحالي.. ماكان حدا برد عليه وفجأة اطلت بالمراية ورايه شفت وجه مغبّش لولد وكان يبكي.. لفيت راسي ماشفت حدا.. حكيتله انت هون ؟؟ شو ببكيك ؟؟ حكالي بابا زعلني.. حكيتله ليه شو صار احكيلي انا جنبك وبساعدك.. فجأة اختفى الصوت .. وصرت أخرب بالبيت أكتر بكل شي بقدر عليه.. طلعت من البيت وحكيت لازم أطلع أراقب بيت المرة اللي حكولنا توفت .. لازم أتوصل لشي.. طلعت وضليتني اراقب بيتهم من بعيد ماكنت بشوف شي ملحوظ.. رجعت على البيت بعد ساعه من المراقبة كان بابا بالبيت ومعه اختي هبه..وماما رجعت من عند جارتنا.. وصلوا خواني من المدرسة ولقيت بابا بحكي بصوت عالي مع اخوي غسان وامي.. بحكيلهم التحاليل بتحكي انه البنت نعطالها منوّم قبل ما يصير الشي معها .. معناته في حدا معطيها اشي وعمل معها هيك .. انتوا متأكدين انه ماحدا دخل على البيت .. اخوي صار يحكي الشي اللي صار غريب وليه حتى يأذو بنت صغيرة شو بدهم منها.. ومين الي بده يكون عمل هيك.. كانت هبه فاقدة الذاكرة تماماً وحاولوا يفرجوها المطبخ والمكان اللي كانت رح تموت فيه وأكتر من مكان بالبيت حتى تتذكر.. العابها ووجه ماما .. بس ماكانت متذكرة اشي وبس بتطلع بوجوهنا يا أما بتضحك يا أما بتبكي.. روحوا خواتي شذى وأفنان ودعاء من المدرسة بركضو على البيت وببكوا كلهم حكينالهم شو مالكم شو في؟ حكولنا في مرة مسكتنا برا وصارت تحكيلنا انه احنا رح نموت وانها بتعرف اهلنا وبتحكيلنا لازم نطلع من البيت .. كان بابا موجود صار يحكي شو الي بسمعه ؟؟ مين هاي المرة..

#سر_جثة_نتالي_قصص
#سر_جثة_نتالي_3 #سر_جثة_نتالي
الحلقة الثالثة
(( @rwayate ))
حكتلي ستي شو بدك؟ قلتلها بدي أعرف نتالي مين ووين؟ قالتلي انا رح البس واتخفى ورح اقابل ثائر.. رح نلعب لعبة مع عيلة الجن هدول.. ورح نوصل للي بدك ياه بس انت خليك بعيد.. ولو صار شي عليه خليه يصير انا صرت مرة كبيرة ومش سائلة عن شي.. بس بدي أريحك وأعرفلك المجهول ولو بده يلحقني أذى.. حكيتلها متى رايحه؟ قالتلي بعد شوي.. اعطيني عنوانه.. اعطيت العنوان لستي حتى تروح تقابل ثائر بالشغل.. وطلبت مني أني ما الحقها ولا أروح وراها .. حكيتلها ماشي بس خبريني شو بصير معك واول ما تطلعي احكيلي وين انتي عشان اجي اجيبك.. طلعت وأنا ضليت مع ماما.. وحكيتلها ستي شو ممكن تعمل؟ حكتلي ماتخاف عليها هيه بتحس وبتعرف الشي السيء لما بده يصير وغير هيك هوه مابعرفها وهيه رايحه مكان عمله فهاد الشي بخليه مايشك فيها أبداً.. أنا كنت بدي أروح عند أم نتالي بس ماما منعتني وحكتلي هاي المرة ممكن تأذيك لا تنسى الشي اللي شفته منها اخر مرة.. لأنها فعلاً ممكن تكون جن.. مابدي يصير عليك شي.. ستي تأخرت وبقيت ساعتين وأنا أستناها.. ماما حكتلي ماتطلع وخلينا نستناها.. بابا ماكان عارف شي ولا عارف اللي بنعمله وحتى ماعنده خبر.. بس أنا كان بدي أتأكد من الشي اللي بدي ياه من خلال ستي وبعدين بحكيله.. يمكن كان غلط اني اخبي عليه بس حسيت انه ممكن يكون هيك احسن.. بعد ما تأخرت كتير قررت اني اطلع بالسيارة استناها أو أمشي بإتجاه العنوان من بعيد لتطلع.. وبالفعل طلعت.. وبقيت بالسيارة بمشي بالشوارع.. وكل ما ارنلها ماترد.. خفت كتير يكون صار معها اشي.. وقررت خلص اني اروح مكان شغله واللي بده يصير يصير.. وأنا ماشي بالطريق صار في أزمه.. وبنص هاي الأزمه رنت ستي.. بس اللي شفته قبالي خلاني أطنش رنتها وما ارد عليها.. لأني غبت عن التفكير بالتلفون للحظة أول ما شفت نتالي ماشية بالشارع.. وكانت بتقطع الإشارة وانا واقفة سيارتي عالضو الأحمر.. وقبل لاتصير الإشارة خضرة.. طلعت من سيارتي وتركت تلفوني بالسيارة ولحقتها وسيارتي واقفة بنص الشارع وبنص الأزمه والإشارة فتحت والسيارات تزمر.. بس أنا طلعت بنادي نتالي وبركض وراها.. كانت هيه وأول ما شفتها نصدمت ولحقتها.. لابسة اسود وبتمشي بشكل سريع.. ولسه بلحق فيها صار ازمه أكتر وسيارات وناس وهيه قطعت الجهة التانية.. ولسه بنادي عليها سمعت صوت حادث ورايه.. اتطلعت للحظة لقيت سيارتي ومجموعة سيارات خلفها ضربوها.. والحادث كبير بسبب تركي للسيارة والاشارة مفتوحه.. طنشت القصة وما اهتميت لسيارتي لأني شفت نتالي بعيوني.. ولما رجعت راسي لقيتها اختفت.. صرت أحكي مش معقول راحت!! وتلفوني بالسيارة!! يالله شو بدي أعمل شو عملت بحالي.. أنا مش معقول بتوهم أنا شفتها ورايه.. وبعد ما فقدت الأمل.. اتطلعت قبالي لقيتها ركبت بتكسي.. وطلعت واجت عيونها بعيوني.. وقبل ما تهرب مني.. ركبت تكسي تاني وحكيتله الحق هاد التكسي بسرعه.. حكالي شو اللي بدك ياه من البنت؟ اذا الموضوع في شي سيء أنا ما بدي ألحقها.. حكيتله بعطيك قد مابدك مافي شي سيء ماتخاف بس الحقها.. ولما حسيته طمع فيه وصار يبطأ بالسرعة.. اختفت السيارة وأنا صرت احكيله انه الموضوع مهم ومسألة حياة أو موت.. بس صاحب التكسي كان خايف والسيارة رجعت ظهرت وشفت نتالي فيها مرة تانية.. ضربته على وجهه وقلتله اركن هون.. ولما ركن نزلت سحبته من السيارة وضربته واخدتها وطلعت وهوه صار يصرخ ورايه ويقول حرامي سرق السيارة.. وبهاللحظة حسيت في سيارة بتلحق فيه بعد ما قال هالجملة.. بس ماخفت من شي وضليتني بلحق بالسيارة لحد ما وصلت للمكان اللي وقفت فيه السيارة.. ولما وقفت نزلت من التكسي وصرت اصرخ نتالي انتي جوا السيارة! انزلي! ولما نزلت.. كانت بنت تانية.. بنفس الملابس بس مش نتالي.. حكتلي انت مجنون ليش معترض الطريق هيك وليش بتصرخ بنص التكسي؟ شو بدك مني ومين نتالي؟ حكيتلها انا ما كنت بتخيل.. انا شفت نتالي.. وين نتالي وين؟! حكتلي روح من هون قبل لأجبلك الشرطة.. بهاللحظة بطلت استوعب اللي صار.. أنا ماكنت بتوهم وهالشي اللي صار حقيقة مش خيال.. وين نتالي؟! ولسه انا بحكي مع البنت كان في سيارة ورايه فيها صاحب التكسي ومعاه واحد وبقله هاد الحرامي.. وأنا هربت وصرت اركض والشب اللي معاه بلحق ورايه.. حاولت افلت منه بس وقعت بالأرض ومسكني.. حكالي لازم تروح معي عالشرطة بسرعه.. حكيتله أنا ماكان بدي أسرق السيارة بس مرتي كانت بالتكسي وفكرتها هيه لأنها ضايعه حتى سيارتي تركتها لأخد التكسي.. ارجوك أنا بورطة والموضوع مش متل ما انت متخيل.. قلي انا مابفهم هالكلام لازم انت تروح عالشرطة.. حكيتله انت بتعرف صاحب التكسي؟ قلي لأ بس حبيت اساعده بعد ما سرقت سيارته منه! حكيتله طيب تعال افهمك ورح اعطيك قد مابدك لتتركني بحالي.. وبعد ماحكيتله القصة..

#سر_جثة_نتالي_قصص
#سر_جثة_نتالي_4 #سر_جثة_نتالي
الحلقة الرابعة
(( @rwayate ))
انا رح اروح على بيت اهلها وانتي بتروحي عند ثائر مرة تانية وطبعاً بخطة.. وبهاللحظة دخلت ماما علينا وحكت أنا سمعت بالصدفة اللي حكيته.. انت مين؟. وشو يعني اللي حكيته ..كيف يعني أهل نتالي جن!!؟ واطلعت عليه وقالتلي انت لسه بدك تروح عندهم؟,. هالشي مستحيل فاهم.. ماما عارضت فكرة اني اروح عندهم وكانت بدها ياني انسحب من الموضوع تماماً وما اتدخل.. بس هيه ماكانت تستوعب انه نتالي لسه على ذمتي وانها اختفت جثتها واحنا لسه متزوجين.. ويمكن ماتكون فعلاً ماتت.. بس فهمتها انه خلص الموضوع محسوم وكل واحد فينا بده يعرف الحقيقة وشو مخبين اهلها.. طلبت من يعقوب انه ينزل معي وستي تفهم ماما شو لازم نعمل لأنها صارت تصرخ وبطلت قادرة تسمعني.. نزلت معاه.. وحكيت معاه بالسيارة.. حكالي خدني على بيت أهلها.. أنا رح أعرف وأخبرك.. طلب مني مصاري واعطيته.. ووصلته عند بيت اهل نتالي.. بالرغم اني سألته كتير بس ماكان يجاوبني وضل يحكيلي انا رح اعطيك من الآخر بس استنى مني ولا تسألني.. ضليت بستناه بالسيارة.. تأخر كتير وصرله أكتر من ساعه وانا ماقدرت اعرف شو اللي عم بصير فوق.. وبهاللحظة قررت اطلع العمارة بس هوه قلي ماتنزل أبداً.. ولما طلعت فوق صرت اسمع اذا في صوت من الباب بس ماكان يطلع صوت.. رنيتله على التلفون فصلّي وبعتلي بعد دقيقة واتسب.. اذا انت ورا الباب انزل بسرعه..كنت مستغرب انه كيف عرف.. بس أنا مانزلت وصرت أشك بالموضوع انه كل هالوقت شو بعمل جوا.. ام نتالي مستحيل تستقبل حد مابتعرفه وكل هالوقت.. شو عمل حتى قدر يفوت عندها ويقعد كل هالوقت.. وخصوصاً انه ممكن تكون لحالها.. ضليت استنى ورا الباب وطنشت رسالته وبعد عشر دقايق طلع وماكان معاه حدا.. حكالي مش انا حكيتلك تنزل؟! شو عم تعمل هون.. حكيتله شو عملت فهمني ليش تأخرت كل هاد جوا شو ساويت؟! قلي ام نتالي يمكن ماتت.. حكيتله شو بتحكي قتلتها !! قلي لأ.. المره هاي فعلاً فيها جن.. أنا خدرتها بطريقتي وحكيت مع الجن اللي مستلبسها.. كان رح يأذيني ويحرقني.. الجن اللي فيها قوي كتير وماقدرت اتعامل معاه.. حاولت اطلعه منها او افهم منه نتالي وين بس ماقدرت.. ولما قررت اضربها لأعذبه حسيت حالي قسيت عليها وخنقتها.. بطلت تحكي ووقعت.. خلينا نمشي بسرعه.. طلعت انا وياه ونزلنا على السيارة وصرنا نمشي بالشوارع.. حكالي مابدي حد يعرف اللي صار فاهم! ماتحكي لستك ولا لأمك.. انا كنت لابس كفوف على ايدي وقت خنقتها والشرطة مارح تعرف بصماتي ولا اثار اظافري اللي عجلد رقبتها.. بس بضل في خوف.. حكيتله نحنا ما اتفقنا على هيك.. انا سألتك وانت ماجاوبت ودخلت عندها وماحكيتلي شو بدك تعمل

#سر_جثة_نتالي_قصص
#سر_جثة_نتالي_5 #سر_جثة_نتالي
الحلقة الخامسة
(( @rwayate ))
احترت بالموضوع اللي حطيت نفسي فيه.. وطلبت من يعقوب يخلصني من القصة.. وخصوصاً بعد ما الشرطة شكت بالموضوع والأدلة بتقول انه مش ثائر اللي عمل هيك.. كنت معاه بالسيارة بنحكي وحكالي رح يلاقي حل سريع بخرجني من الورطة اللي حطني فيها.. وفجأة رن تلفوني.. وطلبتني الشرطة مرة تانية للتحقيق.. رجعت على البيت بعد ماحكالي انه رح يتصرف ورح يحكي معي.. حكيتله بس أنا مش موافق على موضوع قتل ثائر.. مش ممكن اشاركك بهيك قصة لو شو مايصير.. حكالي بدك توافق وغصب عنك.. لأنه انا ساعدتك وعملت كل هالشي عشانك انت لازم توافق.. وقلي هوه متأكد انهم رح يطلعوا ثائر ورح تكون فرصة يقتلوه بخطة مدروسه.. حكيتله مستحيل واني ماطلبت منه يقتل حماتي وهوه عمّل هالشي عشاني.. وفجأة تغيّر معي وصارت لهجته قوية وشديدة وقلي رح يأذيني لو ما وافقت.. ورح يسلّط عليه جن من اللي بتعامل معهم لو ما مشيت بالموضوع معاه.. وهددني وأنا سكتت وطلعت من السيارة وفوراً رحت على البيت.. بابا كان بستناني وحكالي شو بتعرف عن قتل حماتك.. شو اللي صار.. حكيتله مابعرف.. قلي أمك حكتلي انك بتعرف واحد اسمه يعقوب.. مين هاد وسمعتكم بتحكوا عن موضوع غريب وستك ماشية فيه كمان.. انتو شو عملتو! وقتها عرفت انه ماما حكت كل شي سمعته وقت ما كنا نحكي وقبل لأواجهها واعاتبها كان بابا بده محاصرني بأسئلته وبده ياني أجاوبه مين هاد وشو اللي صار.. ولو هوه عرف رح يعمل مشكلة كبيرة.. حكيتله القصة كلها واني شفته بعد ماسرقت التكسي وأنا الحق بنتالي.. واني بشوفها بكل مكان وبتخيلها.. انا صرت مجنون فيها وبدي أعرف وينها وكيف اختفت جثتها.. ولو ماعرفت مارح ارتاح.. وستي من اول يوم رحنا فيه عليهم وحاسه شي.. وكملت كلامها بإنه هالعيلة فيهم جن وملبوسين ومش لازم اتزوج منهم وبعد ماتزوجت كملت معي وصار اللي صار.. وصرت متأكد انه حماتي فيها جن من لما كنت معها بالشقة لحالنا.. هالعيلة فعلاً مسكونين.. وفي سر بموضوع إختفاء الجثة.. يعقوب طلب يساعدني لأنه بتعامل مع الجن وبهالقصص وأنا وافقت ورضيت.. بس ماكنت عارف انه هيك رح يعمل! .. حكالي شو عمل؟ قتل حماتك مش هيك! هوه اللي عمل هيك! حكيتله اه هوه.. سكت دقايق وبطّل عارف شو بده يحكي.. قلتله بس نحنا لفقنا القصة على ثائر وهوه بالسجن هلأ.. وبكرا انا مطلوب للشهادة وحاسس انهم عارفين القصة بس رح يستجوبوني بكرا.. أنا خايف كتير احكيلي شو بدي اعمل ولو حكيت عن يعقوب.. خايف يأذيني او يسلّط عليه روح شريرة او شي متل هيك وبكون أنا ما استفدت شي وماعرفت نتالي وين.. صار يصرخ عليه ويحكيلي مابدنا نعرف وين راحت ومابدي افتح هالموضوع مرة تانية معاه.. رحت على غرفتي وفجأة ستي دخلت عندي وحكتلي انها سمعت ماما بتقول لبابا عن الموضوع.. بس هيه رح توقف معي وتساعدني.. وحكيتلها على كل شي وانه يعقوب هددني.. تاني يوم رحت على الشرطة وحكيت اللي عندي.. حكولي انهم شاكين اني انا ورا اختفاء نتالي.. عصبت كتير وقلتلهم هاد الشي اللي مافيه شك ومستحيل اتقبله.. انتو كيف بتفكرو هيك.. أنا بدي الاقيها واعرف وين اختفت.. بتروحو بتتهموني اني انا خطفت جثتها.. ليش وأنا بحبها ومقهور على اللي صار من وقت الحادث!! حكولي انه ابوها قدم شكوى فيه وبتهمني كمان بقتل مرته وانه ثائر مابعمل هيك شي.. ورح يطلعوه ويدخلوني على السجن.. حكيتلهم كيف بس مافي دليل على هالكلام وانا ماعملت شي.. بس فعلاً ثائر اجا على القسم ومحل ما انا موجود وصار يحكيلي.. انت تزوجتها وكنت نحس عليها.. لو كانت معي كنت حافظت عليها اكتر منك.. اتطلع عليه نظرات قوية وطلعوه..وانا بقيت بعد مادخل ابو نتالي وسمعني كلام جارح وقلي اني انا ماحبيتهم ولأني الوحيد اللي كنت ادخل عبيتهم واضل لحالي مع مرته.. انا حكيت للشرطة بعد ما راح اني سمعتها بتحكي تلفون وبتحكي كلام غريب وفيه لغز.. حكيتلهم اني شاكك انه العيلة هاي تكون متفقة على اختفاء بنتهم.. وبدهم يلبسوني ياها.. حكيتلهم انه امه بتدافع عن ثائر وابوه نفس الشي.. لهيك في لغز وشي ناقص مش قادر افهمه.. الشرطة حكت رح يتحفظوا عليه لينتهي التحقيق بالجريمه.. ضليت عندهم واجوا اهلي زاروني وستي حكتلي انها حاسة في شي سيء رح يصير واحسن لألي اني اضل هون لأنها حاسه في شي رح يصيرلي.. قلتلها شو؟ حكتلي مابقدر احكي بس في شي مش قادر يوضح معي.. بابا قرر يلاقيلي محامي كويس وانا ضليتني يومين بالسجن لحد ما اجا الخبر اللي صدمني.. وانه ثائر نقتل.. الشرطة استدعوني وحكولي شو تعليقي عالموضوع.! حكيتلهم انا هون ومابعرف شو اللي صار.. اللي قتل ثائر نفسه اللي قتل ام نتالي.. بهاللحظة كان بدي احكي عن يعقوب.. بس خفت كتير من اللي مخبيلي ياه ومن كلام ستي.. هوه ورط نفسه بهالقصة عشان بعرف انه ثائر عارف الموضوع ورح يكشفني..وانا رح اكشفه.. صرت افكر بكلام ستي.. واني الأحسن اضل بالسجن..

#سر_جثة_نتالي_قصص
#سر_جثة_نتالي_6 #سر_جثة_نتالي
الحلقة السادسة
(( @rwayate ))
بعد ما طرد بابا يعقوب من البيت وهددني.. ما شفته باليوم التاني أبداً.. ونظرات أهلي لإلي كانت كلها سيئة بعد ما اخدت الذهب والمصاري من غرفتهم.. حسيت شعور غريب ماكنت عارف شو هوه بالزبط ودخلت على غرفتي ونمت فوراً بعد ماحسيت بشعور كئيب اجاني بشكل مفاجئ.. اتصل ابو نتالي علينا وقللنا انه الشرطة مش رح تترك الموضوع لتكشف انه انا القاتل ورح يرجعوا يستدعوني للتحقيق.. بس انا كان عندي شعور انه رح يصير شيء سيء جديد وما كنت عارف شو هوه.. اللي صار بعدين انه ستي راحت عند ابو نتالي وانا نايم.. وما قالت لحد انها طالعه لعنده بعد مارن التلفون وحكى هوه.. الصدمه اللي صارت بعد ماصحيت من نومي اني سمعت صوت صراخ بالبيت.. قمت من النوم بسرعة ورحت جوا.. شفت الشرطة عنا.. وماما بتبكي وبابا نفس الشي.. حكيتلهم شو في إحكولي!! قالولي الشرطة بتحكي انه ستك انقتلت مع ابو نتالي بالبيت.. عرفو هالشي بعد ما لقيو هويتها بشنتتها وكانو جايين يستدعو ابو نتالي للتحقيق كمان مرة.. نصدمت وصرت ابكي بهاللحظة كنت متأكد انه يعقوب ورا هالشي.. رحت مع الشرطة وحكيت مع الضابط.. قلتله في شخص ظهر بحياتي فجأة اسمه يعقوب.. بعد ما شفت بنت بتشبه مرتي المختفية نتالي.. وبعد ما مر الوقت وقلتلهم على كل شي.. حكولي انه في خوف على حياتي كتير كبير ولازم اخد احتياطاتي حتى يلاقوا يعقوب.. انا اعطيتهم رقمه وكل شي بتعلق فيه بس من بعد ماطلع من بيتنا وهوه اختفى تماماً وانا بهاللحظة بلشت تيجيني هلوسات مش طبيعية.. بعد موت ستي وابو نتالي الرعب سكن جواتي.. نتالي صارت تظهرلي بكل مكان.. لمّا اكون لوحدي أكتر الأوقات.. وقبل لأنام.. بحس بوجودها وبشوفها واقفة بزوايا الغرف.. أول مرة تكررت معي هالحادثة بنفس الليلة اللي رجعت فيها من المغفر.. خلص عزاء ستي وروّح الناس.. انا كنت لسه مصدوم من اللي صار.. كان عزاء النسوان بالغرفة التانية.. وتقريباً كنت شايف بعض النسوان من طرف الباب.. شفت نتالي من بين النسوان.. تهيأتلي مرة تانية وشفتها موجودة.. اقتحمت الغرفه خارج إرادتي.. وصرت انادي عليها.. ماما حكتلي وين داخل انت نجنيت.. حكيتلها شفت نتالي هون.. حكتلي انت تعبان فوت جوا بسرعة.. دخلت بعد ما اتفحصت وجوه النسوان وحدة وحدة وماكنت الاقي نتلي بينهم.. ونظرات التعجب والخوف كلها شفتها على وجوههم.. اعتذرت ماما منهم وحكتلهم انها نفسيتي تعبت من بعد اختفاء مرتي وموت ستي.. بس اللي صار يتكرر معي ماكان طبيعي.. وكان يزيد كل ليلة.. بعد ما راحوا نتالي ظهرتلي مرة تانية بزاوية الغرفة بالعتمه.. كانت منزلة راسها وبتتطلع عليه ولما رفعت راسها أنا صرخت نتالي

#سر_جثة_نتالي_7 #سر_جثة_نتالي
الحلقة الأخيرة
(( @rwayate ))
زادت الهلوسات عندي بشكل كبير.. بطلّت قادر أنام ولا أرتاح ولا أكل ولا أشرب.. حياتي صارت أشبه بالخيال أو بكابوس مش راضي أصحى منه.. صرت أشوف نتالي بكل مكان بالبيت.. أشوفها بتطلع عليه بالزوايا وعيونها بعيوني.. وفجأة تختفي.. صار عندي يقين انه يعقوب عاقبني بهالشي.. إني أشوف نتالي قبالي وما أقدر أوصللها وما أقدر أعرف اذا وجودها حقيقي ولا خيال.. صحيت أهلي بنص الليل وصرت أصرخ بعد ما شفت نتالي بزاوية الباب بنتهدلي أصحى.. تامر إصحى أنا هون.. صرخت نتالي تعالي بدي ياكي.. لا تتركيني أرجوكي.. واهلي صحيوا ودخلوا غرفتي وأنا ببكي وبنادي عليها.. بس كلهم حكولي انت بتتوهم.. لازم بكرا نوديك على دكتور نفسي.. حكيتلهم أنا مش مريض أنا بشوف نتالي بكل مكان.. وحاسس انها قريبة مني كتير.. هيه قريبة مني وبتظهرلي وأنا حاسس بوجودها وما بكذب صدقوني.!! قعدوا معي بالغرفة وماما صارت تهديني وتمسح عراسي.. حكيت لبابا مين كان يتوقع انه ستي يطلع منها كل هاد!! ستي تخربلي حياتي وتدمرلي كل شي وأنا ما أعرف.. إحكولي ليش عملت هيك.. شو المبرر الوحيد اللي بخليها تعمل هيك.. حكولي صدقنا نحنا مصدومين متلنا متلك ومش قادرين نعرف ليش عملت هيك وليش خربت الحفل وفجرّت الصالة.. مصدومين باللي عملته ومش قادرين نتصور انها ممكن تفكر بشكل إجرامي هيك.. حكيتلهم ستي طلعت عدوتي.. خربتلي حياتي وقتلت نتالي.. عملت المستحيل واللي مابخطر على بال حدا حتى تقتلها.. أنا لازم أعرف ليش عملت هيك! لازم أعرف.. وجود نتالي بعذبني.. حاسها بتنتقم مني عشان ستي عملت فيها هيك.. عم تعذبني كل ما بتظهرلي.. أنا خايف أضل لوحدي.. وبهاللحظة صرت ابكي.. ماما حكتلي مش رح نتركك حبيبي.. بكرا الشرطة رح تفهمنا على كل شي.. بدعي يمسكوا المجرم بأسرع وقت.. انا عارفه انه السر عنده!.. طلع الصبح وطلبونا الشرطة.. حكولي توصلنا لمكان يعقوب.. هوه متخبي بمغارة قريبة من صحرا.. هناك في فندق صغير بمنطقة قريبة من الحدود.. والمغارة قريبة من الفندق.. قدرنا نحدد المكان من الخط اللي كان معاه واللي مسجّل بإسمه.. والظاهر باقي نايم بالفندق ليلة وطالع منه من الخوف لحتى ينمسك.. الشرطة بالطريق للمغفر وجابوه من المغاره.. بهاللحظة حسيت بإطمئنان كبير.. وحسيت اني رح أسمع منه الحقيقة اللي ماقدرت تنيمني ليالي طويلة.. السر والجزء الناقص من التسجيل.. انتظرنا ساعه لحد ما وصلوا الشرطة.. ودخل يعقوب منزل راسه ومش قادر يتطلع فينا.. دخل على غرفة التحقيق.. وأنا كان بس بدي أدخل جوا.. حكولي لازم تضل هون لنعرف شو بده يقول جوا.. بعد وقت طويل.. اخدوه ونزلوه للحجز وكل شي صار واضح.. اعترف انه هوه قتل ستي وأبو نتالي وثائر كمان.. أربع جرائم بدم بارد.. طلبوني أنا وأهلي لجوا لنعرف شو قال.. الصدمة الجديدة اللي تلقيناها من الشرطة إنه يعقوب كان على علم بستي من قبل لأعرفه ويظهر بحياتي.. كيف هيك..! ستي قررت تخرب العرس من أول ماعرفت بإنه العروس هيه نتالي.. وهالشي الكل عرفه من أول مارحنا نطلبها.. بس ماكان في سبب عندها إلا إنها حاسه انه هالعيلة مسكونه وملعونه ورح تجيبلنا الخراب.. بس اللي ماكان حدا يعرفه انه هالعيلة كانت تعرفهم من قبل لأخلق أنا عالدنيا.. وكانت على علاقة بأبو أم نتالي.. وهالعلاقة بلشت بعد ما توفى زوج ستي بخمس سنين.. كانت لسه بأول الأربعين من العمر.. وكانت ناوية تتزوجه.. بابا كان عنده علم بالموضوع وكان يعرف الزلمه بس ماكان يعرف مين أهله.. بنته أم نتالي! عارضت القصة عشان ماكانت متقبله قصة انه أبوها يتزوج بعد وفاة أمها.. ولازم يضل مخلص لإلها طول العمر.. ضلت وراهم وخربت القصة لحد ما انفصلوا.. ستي مانسيت الموضوع.. وعشان شغلها بالحجابات قررت انها تسلط عليها جن يخربلها حياتها طول العمر.. بعد فترة أم نتالي تغيرت ومرضت وتعبت.. ستي انتقمت منها وطلعت من حياتهم.. وبعد عذابها طول هالسنين.. مرت السنوات وشاء القدر أني أحب بنتهم عشان القدر يلعب لعبته مرة تانية.. ماكانت بدها الزواجة تتم بأي وسيلة.. وعشان هيك قررت تخرب العرس بإتفاق مع يعقوب اللي كان يساعدها بقصص الحجابات بس ما كانت خبرته متلها وكان بس صبي يجيب مواد خاصة لخراب بيوت الناس لستي والنسوان اللي بتعرفهم.. طلبت منه ستي يظهر بحياتي فجأة باللحظة اللي راحت فيها عند ثائر عشان تقنعني انها عرفت انه فيه جن.. هوه كان سليم ومافيه شي.. وطلبت من يعقوب يلحقني ويقلي انه بعرف بالسحر وممكن يساعدني.. اعطته مصاري كتير وحكتله اخرب الصالة واحرق المولدات بطريقتك.. يعقوب دخل الصالة وعمل حاله عامل فيها وخرب المولدات بطريقة خاصة بعد ما عطل الكاميرات ليزرع فيهم المتفجرات ليصير الحريق والإنفجار.. ستي كانت عندها نية بقتل نتالي.. عشان هيك طلعتني من الصالة وصارت تصرخ لأطلع معها.. وبس طلعت صار الأنفجار.. ماتت نتالي بعد ما اخدوها على المستشفى.. نتالي نحطت بغرفة الأموات..

#أيام_الفزع_قصص
@rwayate
#أيام_الفزع_5 #أيام_الفزع
الحلقة الخامسة
حكيتلهم المره ماقالتلي شي بس حكتلي تعالي انتي وياهم مرة تانية حتى اشوفكم واحكيلكم على كل شي.. همه خافو وماعادو يعرفو شو بدهم يعملوا متلي تماماً بس أنا ضليتني خايفه حكيلهم شي يخوفهم يخليهم يرفضو انهم يساعدوني لأنه الخلاص بإيدهم ولو ما وافقوا انا رح اموت وأكون ضحية كل شي عملوه بابا وماما مع هاد الزلمه.. قلت لماما بدي أروح عندها معهم لأنها هيه اللي خلصتكم زمان.. هلأ بدي أعرف شو بدها تحكيلي.. كل وحدة فيهم كانت خايفة وحاطة ميت سؤال براسها.. وطول الوقت بالسيارة ساكتين.. كنا بسيارة سجود والكل كان ملتزم الصمت لحد ماوصلنا البيت.. منظر البيت من برا كان بخوف.. ومن قبل ليشوفوها كانو عارفين انه رح تطلب شي غير معقول.. يمكن الكل حس بهالشي.. دخلنا على البيت.. دخلتلنا شاي.. شربنا بس سجود ماشربت يمكن لأنها كانت خايفه بس أنا استغربت من تصرفها.. رؤى وهيا ضلهم يتطلعوا على المره بشكل غريب.. ويمكن انتبهت عليهم.. قالتلهم انتوا خايفين مني.. أنا مابخوف.. بالعكس أنا الناس بيجو من عندي من بلاد بعيدة بس لحتى أحللهم مشاكلهم والله معطيني هالقوة بس لحتى أفيد البشر.. حكيتلها ياريت تحكيلنا اللي لازم يعملوه صاحباتي وبسرعه لأنهم على أعصابهم.. قالت متل ماحكيتلك انتي عم تتعاملي مع روح ميته من زمان.. وهالروح كانت سيئة وأذت أمك وأبوكي وبالمقابل أبوكي وأمك أذوها.. والضحية للشي اللي صار هيه انتي.. لأنك بنت هاد الشخص.. حكتلي كل شي شفتيه بالحلم رح يتحقق.. أبوكي رح تشوفيه بالقبر ويمكن أنتي تدفنيه بإيدك.. ورح يشهدو صاحباتك على موتك ويحضرو عزائك.. متل شفتي تماماً.. واللي حيسيطر عليكي هيه روح هاد الشخص اللي رح تخلص عليكي تماماً.. وبوجود صاحباتك.. حكيتلها انتي خوفتيني.. يعني مافي شي ينعمل وخلص أنا رح اموت!!! حكتلي لأ أنا بدي أخلصك وأحكيلك شو لازم تعملي حتى تخلصي من هاللعنة القديمة اللي ما الك ذنب منها.. حكيتلها تفضلي.. قالت بهيك قصص.. الأرواح بتكون منشئها المكان اللي أنتهت وماتت فيه.. انتي لازم تواجهي هاد المكان حتى تقنعي هالروح ما تأذيكي.. لأنها عم تتحكم فيكي من بعيد وانتي مابتشوفيها الا بأحلامك.. بس بالحقيقة هيه موطنها المكان اللي نقتلت أو انتهت فيه.. حكيتلها مافهمت وضحي أكتر.. حكتلي تذكرت اليوم اللي اهلك اجو حكولي عن اللي صار معهم.. وانه روح هالشخص ماعم تتركهم..وقتها حكيتلهم ارحلوا من القرية والمدينة كلها لأنه روحه رح تضل بالمكان.. وهمه عملوا شو حكيت.. بس الظاهر انه الروح لحقتهم وطلبتك انتي.. بدليل الأحلام اللي شفتيها.. حكيتلها كلامك كله الغاز ومافي شي مفهوم.. حكتلها هيا طيب هلأ نحنا شو لازم نعمل حتى نبعد هالروح عنها.. قالت هاد اللي بدي احكيه.. زبدة كلامي كلها.. هيه انه لازم تروحوا كلكم على المكان اللي انتهت فيها هالروح وتواجهوها.. هاد اللي فسرته من حلم مايا.. انتو التلاتة لازم تروحو على بيت زوج أمها وتعيشوا فيه.. روح هاد الزلمه رح تلاقيكم هناك.. رح تطلعلكم ورح تحكو معها ! وتقنعوها ما تقتل مايا.. انتوا بس بتقدروا تعملوا هيك.. هاد هوه تفسير الحلم.. يا أما رح تموت مايا.. وقبل لتموت رح تشهد على موت أبوها زوج أمها وعلى دفنه ويمكن أمها نفس الشي.. لهيك انتوا لازم تنقذوها وتنقذوا عيلتها قبل ليصير كل هالشي.. رؤى وهيا خافوا وصار وجههم مابتفسر.. ورفضوا فوراً.. قالوا نحنا مابنقدر نعمل هيك شي.. اسفين مايا.. مستحيل نخاطر بحياتنا ونحط نفسنا بهيك موقف ومكان.. حكيتلهم بتتخلوا عني !! ماتوقعت ردة فعلكم تكون هيك.. حكتلي هيا وأنا ماتوقعت يكون طلب المره هيك!!.. ماتوقعت انه تطلب منا نعيش فبيت مهجور وشاهد على جثث وشغلات كانت تصير انتي بتعرفيها منيح! حكيت للمره مافينا نغير المعادلة ونعمل شي تاني يقدر يخلصني من هالورطة.. حكت للأسف مافي.. رؤى وهيا طلعو.. وسجود ضلت ملتزمه الصمت حكيتلها ماعبرتي عن رأيك ليه ساكته! قالت أنا موافقة.. حكيتلها عنجد بتحكي! قالت موافقة ومستعدة أعيش بهالبيت حتى أنقذك.. حكيتلها حبيبتي انتي أكتر وحدة طلعتي صادقة فيهم.. ماتوقعت ردة فعلهم هيك تكون.. نحنا عشرة عمر وعشنا مع بعض من الطفولة على الحلوة والمره.. عارفين اني ممكن اموت والخلاص بإيدهم ومع هيك تركوني بهالمحنة وانتي الوحيدة اللي وقفتي جنبي.. أنا بتشكرك وكل عمري مارح اقدر واوفيكي غرضك.. انا فرحت وقلت للمره خلص الحمد لله مو مهم رؤى وهيا.. بيكفيني سجود وافقت وانا وهيه رح نتحدى الخوف بس لأنقاذ حياتي.. حكتلي للأسف مابزبط.. لازم انتي والتلات بنات تكونوا بالبيت.. قلتلها كيف بدي اقنعهم !! حكتلي حاولي.. بس ماتنسي انه الوقت ضيق ويمكن بنهاية هالشهر يكون أبوكي انتقم منكم.. طلعت عم ببكي من عندها ومافي شي قادرة أحكيه.. شو بدي أعمل ؟! كيف بدي أقنعهم! طول الطريق كنت بقنعهم وبترجاهم.. انا حياتي بإيدكم.. أرجوكم..

#الغريب_5 #الغريب
@rwayate
الحلقة الخامسة
حسسوني اني مجنونة والشي اللي عم بشوفه نتيجة للضغوطات اللي مرت معي بهالفترة.. بس أنا ما كان بدي اثبتلهم اني مجنونة .. طلع الصبح واتصلت على لما.. حكتلي مابنقدر نعطل اليوم على الجامعه لأنه عنا امتحان.. حكيتلها بنقدم الأمتحان وبنطلع فوراً لعند ام فارس.. حكتلي ماشي.. قدمت الأمتحان وماكنت دارسه شي.. وطلعت نتيجتي اني راسبة بنفس اليوم.. وهالشي ما زعلني لأنه كل اللي بدي ياه الاقي هالشخص مرة تانية لأنه بقيلي سبعة وعشرين يوم .. رحنا لعند ام فارس وحكتلي الزلمة الختيار هاد بكون ابو الزلمة صاحب الصورة أكيد.. لأنه الصورة اللي شفتيها بغرفة النوم اثبتت كل شي.. وخصوصاً رقم البيت.. اذن السر عند هاد الختيار لازم ترجعي تشوفيه مرة تانية.. وهوه حكالك انه ابنه توفى.. حكيتلها اه وما لحقت أسأله ولا عن تفصيل لأنه دخلت لأعمل الشاي وصار اللي صار.. برغم اني كنت محضرة أسئلة كتير لأسئله ياهم.. حكتلي اذا فعلاً ابنه المتوفي نفسه صاحب الصورة فإنتي هيك بتكوني نحطيتي بمأزق قوي.. حكيتلها شو هوه .. حكتلي المفروض تشوفي الشخص اللي عملك الحجاب أو حطه .. واذا هاد الشخص ميت .. فالمفروض عليكي تفتحي قبره وتشوفيه شخصياً !!! حكيتلها شووو !؟!!؟ شو عم تحكي انا مستحيل اعمل هيك شي.. مابقدر انا بني ادمه وهالشي حرام.. حكتلي اذا بدك تموتي انتي حره عشان قصة حرام وقصة خوف.. بس انتي لازم تشوفي الشخص اللي عملك الحجاب او الروح اللي بتطلعلك عشان تبطلي مفعول الحجاب وترجعيله ياه .. واهم شي لازم تعرفي كم صارله متوفي.. لو من مدة قصيرة فهاد أحسن لأنه بتكون جثته لسه ما تحللت.. وهيك فيكي تفتحي القبر وتعطيه الحجاب.. وعشان حياتك خاطري.. حكيتلها ماشي رح اعمل هيك.. بس بدي اعرف مين هاد بما انه مافي حدا من عيلتي بعرفه مين هاد !! .. مين هالشخص الغريب وليش عمل هيك ليش بدي اعرف.. حكتلي هاد اللي رح نعرفه .. وهلأ روحي مرة تانية لبيت الختيار واعرفي منه تفاصيل عن ابنه.. حكيتلها رح اعمل المستحيل لأعيش.. انا لسه ماتزوجت وماخلفت وعندي احلام وطموحات مابدي تكون نهايتي بعد كم يوم مابدي.. رحت انا ولما مرة تانية على بيت الختيار.. دقينا الباب ماحدا رد .. دقينا مرتين ماحدا جاوب.. اخر شي طلعتلنا مرة شكلها غريب كتير وحكتلنا تفضلو شو بدكم.. حكينالها بدنا نشوف الزلمة اللي جوا.. صرخت بوجهنا وحكتلنا مافي زلام هون أنا لحالي يلا نصرفوا .. حكتلي لما هاي شكلها مرة ابنه اللي حكالك عنها.. لازم ندخل بالزوق.. رجعنا طقينا الجرس.. وماحدا جاوب.. صرت اصرخ واحكيلها افتحي الشغلة فيها حياتي ياعديمة الزوق.. طلعت وصرخت بوجهي وحكتلي اذا مابتروحي من هون رح اطلبلك الشرطة.. حكتلي انسي هاد العنوان وماتقربيه ابداً ولو حاولتي ترجعي رح تشوفي شي عمرك ماشفتيه.. انا استغربت الشي اللي عملته وما قدرت اعرف ليه هيك تصرفت.. حكتلي لما يمكن الختيار حكالها كل شي وانه انتي دخلتي على الغرفة وسكّر عليكي الباب وفكروكي سراقة.. يعني انتي خربتي عحالك كل شي بس دخلتي على غرفة النوم.. حكيتلها لو مادخلت ماكنت عرفت انه بكون ابو الزلمة الغريب صاحب الصورة.. حكتلي طيب تعالي نشوف البيت اللي جنبه.. مش هوه حكالنا المرة الماضية انه هاد البيت رقم سبعمية وأربعة وعشرين.. حكيتلها يالله.. حاولنا ندخل بس كان الباب الأمامي مسكر .. قلتلها بدي أنط عنه واروح اشوف شو جوا.. نطيت عن الباب ولما نفس الشي.. دخلنا لقينا بيت صغير وبابه الرئيسي مسكّر وكأنه مهجور من زمان .. اتطلعت من الشباك لقيت في شغلات جوا البيت بتتحرك وكأنه في حدا جوا.. قلتلها انا شايفه في حدا جوا البيت.. حكتلي مستحيل البيت مبين مهجور شوفي الغبرة اللي على الباب .. وهدوء ومافي حدا.. حكيتلها طيب شوفي حطي راسك.. دخلت راسها جوا الشباك وشافت في اجسام بتتحرك بس مش ملحوظة.. حكتلي اه والله في متل ناس جوا.. شو هاد هيك ؟! مين ممكن يكون!! .. معقول البيت مسكون !! .. صارت تتعوذ وتقرأ ادعية وشغلات وتحكي خلينا نروح أنا خفت كتير.. حكيتلها انا ماعاد اخاف من شي اذا الموت قريب مني من شو بدك اخاف مافي شي اخاف عليه وبدي اكسر الشباك وادخل جوا البيت.. حكتلي انتي مجنونة ابصر شو في جوا.. شكله مسكون اسمعي في اصوات كمان طالعه من جوا البيت.. حكيتلها مابهمني ولازم اعرف شو في جواته .. مسكت حجر كبير ووجهته ناحية الشباك .. لما هربت لآخر الباب الصغير الحديد.. وأنا لسه بدي ارمي الحجر على الشباك طلعلي الختيار من بيته اللي جنب هاد البيت وحكالي تعالي وماتعملي شي .. اتطلعت على لما وحكيتلها امشي معي.. رحنا لعنده ودخلنا .. كانت مرة ابنه عم تتطلع علينا نظرات غريبة وكأنها بدها تقتلنا .. حكالي الزلمة مين انتي وشو بدك ؟؟ طلعت الصورة وحكيتله مين هاد الزلمة !! .. حكالي شو جاب صورة ابني لعندك ومين انتي ! .. حكيتله ابنك ؟! وينه احكيلي عشان احكيلك مين أنا .. حكالي ابني توفى من فترة قصيرة

#معزوفة_الموت_قصص
#معزوفة_الموت_8 #معزوفة_الموت
الحلقة الثامنة
Telegram:@rwayate
أنا بس شفت المسج تدمرت نفسياً وصرت أبكي .. وأخدت أرقام المهرجان وكسرت الخط نهائياً وضليتني فزعانه وخايفة ومش عارفة شو بدي أعمل .. يعني معقول اللي بصير مش بسبب روح شريرة وفي جد شخص عم يراقبني وعارف أنا شو بدي أعمل.. طيب مين بده يكون وليش ؟! ليش هيك عمل ؟! وكيف عرف انه انا وزوجي دفنا ولاء.. معقول هاي نفسها المره الشريرة وعم تنتقم .. اوهمت نفسي بهالشي وقلت مستحيل الشرطة تعرف لأنها هاي مرة ميته والشرطة خلص ماحتعرف بالموضوع.. ضليتني أبكي ودخلت عليه ماما بتحكيلي ليش بتبكي؟ حكيتلها انتي اللي وصلتيني لهون .. في واحد بعتلي مسج بحكيلي انه بعرف وين ولاء ووين ندفنت وبعرف انه كنت بدي أحرق البيت .. مين بعرف كل هاد مش بس أنا وانتي ؟ يعني انتي اللي بتعملي فيه هيك ؟؟ حكتلي يا خسارة تربايتي فيكي.. هاي اخرتها يا تاليا ؟؟ بتتهمي أمك انها بدها تأذيكي .. أنا بدي أعمل هيك وأأذيكي وأأذي زوجك وبنتك ؟؟ وبنت الناس اللي ما إلها ذنب؟؟ طيب ليش فهميني ؟؟ ليش أعمل هيك أنا ؟؟ أنا قلتلك انه هاي الروح الشريرة للمره لأنه متأكده من كلامك وباصمة بالعشرة إنها هيه من لمّا أجت عندك على البيت ودخلتي على المطبخ تجيبيلها مي وساعتها حطتلك حجاب.. حكيتلها طيب هلأ شو أنا رح أموت وبنتي ؟؟ مهوه البيت انحرق!! .. حكتلي نحنا لسه ما إتأكدنا إنه البيت لسه ضايل فيه حجابات تانية.. ممكن حطت تنين بس مابتعرفي .. بس ضلي صلي وإدعي إنه مايصير معك شي.. وإتأكدي انه الله رح ينجيكي .. حكيتلها ما شاء الله على الإيمان.. كلك إيمان.. انتي اللي وصلتيني لهون أنا مارح أغفرلك أبداً شو ماصار فاهمة .. وأنا بكرهك بكرهك .. دخلت كاتيا فجأة شافتني عم بحكي لماما أنا بكرهك وصارت تبكي وتحكي وأنا بكرهكم انتو التنين.. بكرهكم كتير وأنا حكيت للشرطة إنك انتي قتلتي ولاء لأني بكرهك لأنك قتلتي صاحبتي وبكره بابا كمان.. كانت وقتها صدمتي كبيرة جداً بس سمعت إنه بنتي بتكرهني لهالدرجة.. ولدرجة إنها مفكرة انه امها قتلت صاحبتها ..ولدرجة إنها تبلغ الشرطة عن أمها وما يهمها موت أبوها أبداً.. دخلت بسرعه على غرفتها وانا ضليت واقفة مكاني وحكيت لأمي شو بدنا نعمل ؟؟ الشرطة صارت تعرف انه البنت نقتلت وندفنت عنا بالبيت.. والحوش ماصارله شي وما تأثر بالنار اللي صارت.. إحكيلي شو بدي أعمل طلعيني من القصص اللي كنتي سبب فيها .. حكتلي إسمعي مش اللعبة أخدتها أم البنت اللي نقتلت ؟ حكيتلها اه اخدتها .. حكتلي طيب اصبري ورح السحر اللي جواتها يخلص عليها ويجننها لأنها بتملك هاي اللعبة اللي فيها الحجاب وهيه مابتعرف .. وبجنانها اللي حيصيرلها الشرطة رح تشك إنها هيه قتلت بنتها.. حكتلي إسمعي مش اللعبة أخدتها أم البنت اللي نقتلت ؟ حكيتلها اه اخدتها .. حكتلي طيب اصبري ورح السحر اللي جواتها يخلص عليها ويجننها لأنها بتملك هاي اللعبة اللي فيها الحجاب وهيه مابتعرف .. وبجنانها اللي حيصيرلها الشرطة رح تشك إنها هيه قتلت بنتها.. حكيتلها انتي كيف بتجيكي هالأفكار ؟؟ بس كيف بدي أستنى والشرطة عرفت وبنتي اعترفت واكيد بكرا الصبح رح يروحو يفتشو الحوش أكيد ولأنه الدنيا ليل خلوها لبكرا وحكوا لكاتيا ماتحكي انها اعترفت لحتى ما افكر اهرب او شي متل هيك.. وبكرا رح يوخدوني ومارح اقدر اشارك بالمهرجان اللي بعد كم يوم ورح يتدمر حلمي وتخرب حياتي وكله عشان شو ؟؟ عشانك انتي وبسبب امك .. الله ينتقم منكم يارب.. مش راضية عنكم.. حكتلي امي لو شو ماحكيتي هاد شي صار من سنين وخلص.. وبعد ما صار عندك بنت صار فيها هالروح الشريرة تنتقم منك ومن بنتك .. بس اجت ببنت الناس مش ببنتك احمدي ربك واشكريه على هالنعمة.. ما قدرت افكر شو بدي اعمل طول هالليلة وما نمت أبداً.. تاني يوم الصبح صبّحت جاية عنا أم ولاء.. أجت عم تبكي وتحكيلي ساعديني أبوس إيدك ورجلك .. حكيتلها شو في ؟ قالتلي مش عم بعرف انام ولا ارتاح بدون بنتي وكل يوم عم بشوفها حواليه وصارت تتهيألي وبشوفها كل يوم بدها تنتحر وبركض وراها .. أنا ندمانه على كتير شغلات .. وزعلانه على حالي وعاليوم اللي قبلت اوديها تنام عندكم.. ابوس ايدك لو بتعرفي وينها احكيلي .. ريحي قلبي والله متت وروحي طلعت بغيابها وأبوها مش سائل ولا حاسس فيه وبتعبي وبالتهيئات اللي بتيجيني كل يوم وكل ليلة فيها.. قلتلها انا مابعرف وينها صدقيني.. هيه طلعت من البيت لأنه حكتلنا انه اجانا اتصال منك وحكينا هالشي اكتر من مرة .. بس جد أنا مش عارفة شو احكيلك.. للحظة شفقت عليها وشفت الحزن بعيونها كيف على فقدان بنتها وتترجاني وتبوس ايدي وتنزل عند رجلي وأنا أشد إديها وارفعها حتى ما تنذل لألي .. بس اللي استغربته انه حكت ابوها مش سائل .. كان هالشي غريب بالنسبة لإلي.. برغم اني شفته بصرخ وقت ما اجا عنا على البيت يدور عليها بكل مكان .. وبلشت تحكي وتخبص بدون وعي وشكلها بخوف لدرجة اني خفت منها وهيه بتحكي..

#لعنة_المصنع_قصص
#لعنة_المصنع_3 #لعنة_المصنع
الحلقة الثالثة

طلعت ملك من المغفر وبقيت أنا مع ماما وبابا وبثينة .. اللي صدمني أكتر أنه بثينه اسقطت الحق وقالت نحنا مابدنا نشتكي الست خالده مابدها تشتكي على البنت.. بس لحتى نوخد حقنا رح تشتغل شغل اضافي بدون مصاري عشان توفي الدين اللي عليها بسبب الخراب اللي تسبب من ورا حريق المصنع.. والحمدلله مافي شي كتير تضرر بس نحنا خلص مابدنا نشتكي.. أهلي شكروها بس أنا ماوافقت وصرت اصرخ .. حكيتلها أنا مابدي أضل بالمصنع ومابدي اشتغل بدي أنحبس أحسن.. ماما حكتلي أنتي شو بتحكي ليه هيك بتقولي؟! أنا ماقدرت احكي اللي شفته هناك وما كان فيه أقول شو اللي صار لأنه ماحدا رح يفهمني.. بس ماما صارت تترجاني وتترجى الشرطي انه مايقبل الكلام اللي أنا بحكيه.. وبس شفتها نذلت كتير وافقت وقبلت اني اشتغل اضافي بدون مصاري بس لحتى ارد حقوقهم.. وطلعت من المغفر عم ببكي ومش عارفة شو بدي اعمل.. روّحت على البيت واتصلت بملك حكيتلها تعالي عندي بسرعه بدي أفهم منك شو الكلام اللي حكيتيه.. استنيتها لوصلت واجت عندي على الغرفه قلتلها احكيلي شو اللي صار.. قالتلي مبارح انا اجيت عندك وشفتك وحكيت معك بالوقت اللي مسكوكي فيه بالمغفر.. انا مش عارفه شو اللي صار!! قلتلها دخلتي عندي على البيت؟ حكتلي لأ مادخلت بس طلعنا برا وحكينا ورنيتلك وقبل ما ارن جرس بيتكم طلعتيلي وطلعنا وكنتي كتير طبيعية وماحسيت انه صاير معك شي.. حكيتلها شو حكيتلك ؟ قالت حكي عادي وبعدين قلتيلي انك تأخرتي وبدك تروحي! وماقبلتي اروح معك وانا استغربت .. اذا مبارح كنتي محبوسة بالمصنع بهاد الوقت إذن انا مين شفت ؟ أنا قلقت وبلشت أخاف .. حكيتلها مبارح كانت ليلة مرعبة وبلشت احكيلها على كل شي صار معك والمره اللي قالتلي انه هيه من عيلة من الجن والزلمة اللي حرق المكان حكتلي ملك انتي متأكده انه الي صار صحيح حكيتلها متأكده ونص.. المره رشّت عليه شي وأنا بعدها أغمى عليه أنا حاسه انها عملت فيني شي وانا حالياً مابعرف راسي بحس فيه خلل وما بجمع منيح ويادوب افهم الشغلة بسرعه .. خايفة تكون عملت فيني شي.. او سلطت عليه حدا.. وحلفتلها انه انا ماشفتها.. حكتلي ملك .. اللي شافتني مبارح جن على هيئتك !!! حكيتلها ممكن هالشي خافت ملك وصارت تبكي وتحكي بس اللي حكت معي مبارح شربتني شي منها وانتي عارفة انا مابقرف منك وبشرب من وراكي عادي.. اللي كانت معي مبارح خلتني اشرب من الميه اللي معها سألتني عطشانه حكيتلها اه وشربت.. ليه حكتلي هيك.. قلتلها اللي شفتيها مش أنا وأنا كنت محبوسة.. واللي شربتك ياه ممكن فعلاً يكون شي يضرك.. لازم نشوف حل ونرجع على المصنع عند الست خالده وبثينة أنا بدي أحاسبها على تصرفها.. اقترحت على ملك تيجي معي بالليل على الشغل الإضافي ونراقب سوا الشغلات اللي رح تصير بعد الساعه تمنية وبعد مافكرت منيح وافقت.. وصلنا على المصنع تاني يوم على الصبح وبلشنا نشتغل بشكل عادي.. نادتني بثينة وطلعت اشوفها حكتلي أنها رح تتركنا انا وملك بالليل وقت الإضافي وتروح بس رح يكون معنا بنت تانية تشتغل وهيه بتعرفها ورح تكون تشتغل وتشرف علينا بنفس الوقت حتى مانفكر نعمل شي.. خلصت أول فترة دوام وبلشوا العاملات يطلعوا.. الست خالده طلعت من مكتبها وقفلت الباب بمفتاحين كالعادة.. انا وملك استغربنا من تصرفها وسيدرا صاحبتي المتزوجة كانت موجودة وحكتلنا انها مستغربة ليه هيك بتعمل وانه عندها فضول تعرف شو جوا مكتبها.. انا حكيتلها مادخلنا وخلينا بشغلنا.. خلص وقت الشغل وبلش الإضافي اخدنا استراحه نص ساعة غدا ورجعنا نكمل .. بثينة طلعت بعد الست خالده وأنا وملك ضلينا لوحدنا نحكي بساعة الغدا عن المكان وبلشت اشرحلها كل شي صار معي ووين ووين !.. حكتلي انه هيه قلبها قوي واذا صار شي حابه تعرف من وين رح يبلش والبنت اللي معنا ضلت لحالها وتطلع علينا لأنه بثينة حاطيتها مراقبه.. ملك أصرّت انه نفتح مكتب الست خالده بعد ما لعبت براسها سيدرا وحكتلها لازم نعرف شو جواته.. أنا قلتلها كيف وهوه مسكر بمفتاحين .. حكتلي بكرا رح اعمل خطة اقدر اجيب المفتاح وبالنسبة لهاي البنت الحاطيتها معنا رح الهيها بطريقة ماتقدر تعرف شو بنعمل وبثينة بتتركنا عطول بالمصنع صارت الساعه تمنية وتعبت وأنا أطرز وأخيط.. رحت على الحمام وغبت شغلة ربع ساعه.. طلعت لصالة المصنع مالقيت ملك ولا البنت اللي معها ! .. صرت انادي عليهم وامشي بالصالة دخلت على الغرف مافي حدا .. صرخت وينكم !؟ احكولي أنا صفيت لحالي والجو هدوء وبلشت أخاف وين اختفيتوا.. اطلعت وراي لقيت نفس المره اللي شفتها وكانت ماسكه سكينه وجاي تقتلني صرت اصرخ بكل المصنع وهربت للطابق التاني لقيت بآخر الممر شب وعم بتطلع عليه وكان لابس اسود وعيونه بلمعوا من بعيد.. تركته وقلت بدي ارجع .. المره عم تلحقني بدها تقتلني وهاد واقف بتطلع عليه .. حكيتله مين انت ! .. ما جاوبني وضل واقف بتطلع عليه..