قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
Link
0
4.2k
16:162017/11/17
قصة اليوم: #أيام_الفزع ..... قراءة ممـتعه💙✨" #ⴅმძ
بـدايـة الـقـصـة..🎈✨
Link
0
4.5k
16:162017/11/17
Link
0
4.3k
18:182017/11/18
قصة اليوم: #عليك_لعنه_الف_عام_من_العشق

.....
قراءة ممـتعه💙✨"
#ⴅმძ3Һค
Link
0
4.5k
18:182017/11/18
#عليك_لعنة_ألف_عام_من_العشق
#قصة_واقعية.. فيها تعديلااات يعني فيها شوية إضافات ...هدا النوع من القصص شفناه بأفلام ومسلسلات ..وقصص من خيال كتاب بس للأسف كل يوم عم يصير بواقعنا..في الألاف من سارة عانو من مجتمع متخلف ...بيعمل الضحية مجرمة ويحاسبها
(الجزء الأول)
رح تحسو الأحداث مختصرة ...هدا لأن البنت إحتفظت بعض التفاصيل إلها ...وانا بنيت الأحداث على الكلام يلي قالتلي يااه
الجزء الأول
كان كل جسمها عم يوجعها من الضرب ...كانت عطشانة وبردانة ...ضمت ركبها وسندت راسها عليهم ...وبكيت ..بكيت كتيير ...لحتى وصل صوت شهقاتها لبرا وسمعت صوت حركة عند الباب ...وبعدها صوت امها. يلي كان واضح انها عم تبكي ..
ام جمال: ياعمري يابنتي ...ياريت لو فيني ساعدك
اجا صوت جمال من بعيد
جمال: لك امي بعدي عن الباب وإلا والله بفوت بقتلها لهل المغضوبة ...الكلبة وطت راسنا وانت لساتك عم تشفقي عليها
ام جمال: اختك مظلومة ياموو
قامت سارة بسرعة وبلشت تضرب على الباب
كانت عم تبكي وتصرخ: والله مظلومة ياجمال ...لك ما إلي ذنب افتحولي والله مظلومة ...ياجمااال ...بردانة ..ياخي ...عطشانة ....لك مظلومة انا إفتحوليييي
بس ماحدا كان عم يرد عليها
قعدت على الأرض وغصت بدموعها
هلئ المفروض كنت عروس ببيتو ...كان المفروض اليوم صباحيتي ..وانو انا عروس والدنيا مو سايعتني من الفرحة ...ليش هييك ..بين يوم وليلة انقلبت حياتي من الجنة انرميت بالنار
_ذكريات__
كنا واقفين بنص الشارع ...جنب الجامعة....قرب لعندي ومسك إيدي
وائل: سارة انا بحبك ..ومارح اتخلى عنك لو شو مصار
سحبت إيدي بسرعة كنت خايفة ليشوفنا حدا وحكيت بخجل: خلص رووح بعدين منحكي
وائل: إيمتا. .انت كل ماتشوفيني بتتهربي. ...ليكون بطلتي تحبيني؟
توردو خدودها: لا طبعا انا بحبك ..بس خايفة واحد من اخواني يشوفنا مع بعض
وائل بعصبية: وخليهم يشفونا ...لحتى قلهم اني بحبك وبدي ياكي ...
مشينا ..كنت سابقتو بخطوتين وهو عم يحكي وانا عم دووب ...غاب عني شوي وبعدين نط قدامي ومدلي شكولا ...النوع يلي بحبو ...
مسكتها بين ايدي واطلعت فيه حط ايدو على إيدي وابتسم ...بس فجأة ماعد حسيت بشي ...غير الوجع اجى اخي يمان مابعرف من وين وبلش يضربني بنص الشارع وهو عم يصرخ ويسب ..كنت عم شوف وائل وهو عم يبعدو عني .. وعم يضربو بعض ...وبعدها وقعت على طرف الرصيف وفقدت الوعي ...وماعد حسيت على شي
بعد يومين طلعت من المشفى ...كان الجو متوتر ببيتنا ...والكل ماعم يحكو معي ...ومنعوني اطلع وروح على الجامعة ...وائل ...كان عم يدرس ادب فرنسي سنة ثالثة ...يومها هو اكل يلي فيه النصيب من اخي ...وكان الأمر رح يوصل للشرطة بس العيلتين قررو يحلو الأمر ودي ...ووائل حبيبي ماتخلى عني ...واجى وخطبني. ...واهلي وافقو _لحتى يدارو فظيحتهم على حد قولهم_انا كان جسمي مكسر ...بس الدنيا ماساعتني من الفرحة ..... تمت الخطبة واتحدد العرس بعد شهر .. وبلش الثلج يدوب بيني وبين اهلي وصار مسموحلي اطلع لكمل جهازي ...كنت كتيير مبسوطة لحد هداك اليوم
____
سارة: ماما أنا طالعة
ام جمال: لوين بنتي
كانت عم تلبس البوت...: رح روح قيس فستان العرس ..واذا كانت لقياسات زابطة بحيبو ...وباقي كم غرض بشتريه وبرجع
طلت ام جمال من المطبخ : ضروري تروحي اليوم مو شايفة انو الدنيا عم تشتي برا؟ ....بعدين لسا معك وقت بنتي ..
قربت لعند امها وباستها: مو باقي وقت كلو اسبوع ..مارح لحق شي يادوب كمل تحضير يلا مع السلامة
طلعت واخدت نفس عمييق واتمشت تحت المطر كان الجو كتيير حلو المطر عم ينزل بهدوء وريحة التربة ...وقفت تكسي ...وعطتو العنوان وحطت سماعات وشغلت موسيقى ..عبالي حبيبي ...
بعد شوي وصلت للمحل ...وكان فستانها جاهز ...قاستو ...وطلع عليها بياخد العقل ...وقفت قدام لمرايا واتخيلت وائل جنبها ...صورت حالها وبعتتلو الرسالة وابتسمت
صاحبة المحل: ماشاءالله طالعة بتأخدي العقل
سارة: شكراا كلك زووء ...سمعت صوت المسج ..قرتو وابتسمت ...وخطيبي هيك قلي لما شاف الصورة
صاحبة المحل: ليش بعثيلو صورة ...بيقولو فال مو منيح لما العريس بيشوف عروستو بالأبيض قبل العرس
سارة: لااا ..هدا كلو تخريف
طلعت من المحل وهي حاملة فستانها ...وفرحتها كل احلامها وامالها معلقة مع الفستان ...وائل حب الطفولة يلي كبر وصار عشق ..اتحملتو مشانو كتيير وبكيت مشانو
Link
0
4.3k
18:182017/11/18
Link
0
1.9k
18:182017/11/18
الجزء الثاني
واتعذبت اكتر ...ضمت فستانها وضحكت ...ورن موبايلها
سارة: أهلين حبيبي
وائل: ياعمري يسلملي هالصوت ...وينك؟
سارة: هلئ طلعت من المحل ...وعم بستنى تكسي ...رح ارجع على البيت ..
وائل: مو مسدء ايمتى ...رح نجتمع ببيت واحد ...اشتقتلك وليي
هههههههه وانا كمان ...يلا مع السلامة وصل التكسي والتليفون رح يفصل شحن
وائل: حبيبي ديري بالك على حالك ...بحبك
سارة: بحببك وماخلصت كلامها وانطفى الموبايل
كان المطر بلش يشتد والشارع صار فاضي ...والدنيا بلشت تعتم بسبب الغيوم ..ركبت بسرعة قبل ماينبل فستانها جوات الكيس ...
السواق: لوين؟
عطتو سارة العنوان وهي عم تسعل بسبب ريحة الدخان يلي ملت المكان فتحت الشباك واتنفست بصعوبة ...وطلعت ايدها واتحسست حبات المطر وشردت ..بذكرياتها مع وائل مو معقول انو باقيلهم كم يوم ويجتمعو بعد كل شي
حست بأنو الطريق اخد وقت اطلعت حواليها كان الطريق مهجور وخالي من الناس والمباني ودنيا عتمت
سارة: لك لوين رايح عطيتك العنوان موو
السواق: لا تقلقي هدا طريق مختصر لأن الطريق العام زحمة كتيير
كان مبين انو الوضع مو طبيعي حاولت تشغل تليفونها بس عبث ...
سارة: بسرعة شوي لو سمحت تأخرت كتيير
بعد لحظات وقف السيارة ونزل وفتح الباب يلي جنبها وشدها من ايدها
سارة: شو عم تعمل ..اترووك ايدي ياحيوووان بعد عني ...
سحبها بكل قوتو ...كان مبين انو متعاطي شي ...كانت اضعف من انها تقاومو ...سحبها لوصو اهداك البيت المهجور ...فوتها بالغصب ضربها بوحشية ...صرخت وبكيت واترجتو ...بس ماكان حاسس فيها رغبتو الحيوانية كانت اكبر شقلها تيابها ورامها على الأرض واعتدى عليها ..... بكل وحشية ...اغمى عليها ...وهو حملها بسيارتو ورماها بجنب الطريق ..ولما نزلها شاف فستانها جوات السيارة رمااه جنبها ، هو شنطتها وراح وتركها بالشارع وتحت المطر ..يلي كان عم يغسل جسمها من قرفو ...كان جسمها مشوه ولبسها مشقوق ..وروحها مكسورة ...من هديك اللحظة انتهت كل احلامها ...ودمر مستقبلها ..بسبب شهوة حيوانية ...لذئب بشري ..هو راح ...ويمكن كمل حياتو عادي ولا كأنو صار شي ...بس هي مستحيل تقدر ...تكمل اي شي ...
_
كانو قاعدين حولين طاولة العشا ...
جمال: وينها ...ليش ما اجت تاكل معنا؟
دق قلبها بسرعة وتوترت ام جمال: ااا هي ...هي
يمان: امي وينها ..؟
ام جمال: بصراحة هي طلعت بعد العصر لتجيب فستانها بس تأخرت كتيير اتصلت فيها وتليفونها مغلق...
ضرب جمال الملعقة على الطاولة وحكى بعصبية: اميي شو معناتو مغلق ..لوين بدها تروح ااه ..شو هالبنت مارح ترتاح لحتى تفضحنا؟
ام جمال: والله مابعرف .. اتصلت برفقاتها قالو انهم ماشافوها ...
جمال: ايوواه ولوين بدها تروح؟
يمان: هلئ بتصل بوائل وبسألو ....قام ليحكي معو جوا
ام جمال: يارب خايفة يكون صاير معها شي؟
جمال: شو بدو يكون صاير معها ...أكيد عم تضيع وقت بشي مكان مع هداك الدب.... حسابها معي عسير لما ترجع
اجى يمان من جوا وحكى: قال ماشافها وائل كمان قال انها حكت معو لما طلعت من المحل وقالتلو انها راجعة على البيت ...وهو رجع اتصل فيها بس تليفونها مغلق هي حكتلو انو رح يفصل شحنو ...
علي صوت جمال وامو عم نحاول تهديه ويمان عم يسب عليها ويتوعدها ...رن تليفون ام جمال مسكو يمان بسرعة واطلع فيهم : رقم غريب ...ألووو
كانو عم يطلعو فيه ومركزين
يمان: شوو ... كيف؟ شبها؟ ...إيمتى ؟ وينها ؟ بأي مشفى؟
ام جمال: مشفى؟ ... بنتي شو صرلها؟ ...
_
فاتو على غرفتها ...كانت نايمة بفعل المهدئ وشا شااحب ... مشوه ...كان في مرا قاعدة معها ...
قربت ام جمال لعند بنتها واتحسست جسمها كان بارد ...
ربتت المرا على كتفها وحكت: الحمدالله على سلامتها الله يكون معها ...وينتقم من يلي عمل فيها هيك
ام جمال نزلو دموعها : ياعمري ..ياروحي ...شو صرلك ...
وقبل ماتكمل جملتها سمعت صوت صريخ برا ...كان صوت جمال ويمان ...فاتت ممرضة بسرعة وسكرت الباب ..
الممرضة: ياخنوم اطلعي لبرا وهدي الأساتذة برا مابيصير هيك نحنا بمشفى....
ام جمال: شو صاير؟
الممرضة : بدهم يفوتو يقتلو الأنسة بعد ماعرفو انها تعرضت احادث إغتصاب
ام جمال: اغتصااب ..ولي ولي على قامتيييي
____
صباح الخير
عمر: صباح النو رياست الكل
ام عمر: ليش تأخرت امبارح؟
عمر: الله استحليت القعدة مع الشباب وما حسيت بالوقت...اييه شو عملتي امبارح كيف كان يومك؟
تنهدت ام عمر وسكبت القهوة بالفناجبن : لو تعرف شو صار؟
اخد رشفة قهوة وحكى: خير؟
ام عمر: لما كنت راجعة من عند خااتك زهرة .. شفت من شباك السيارة ..حدا مرمي على طرف الطريق ...وقفت السواق وطلعت لشووف ...وشفتلك هديك الشوفة ...كانت بنت ومغمى عليها وشا مشوه ...مبين انها متعرضة لضرب...اخدتها لبمشفى وهنيك حكو انها متعرضة للإغتصاب ...طالعت رقم اهلها من شريحة موبايلها واتصلت فيهم ولما اجو عرفو الحقيقة جن جان اخوانها ..وامها اغمى عليها وارتفع ضغطها. ..مسكينة ...الله لايوفق يلي كان السبب الله ينتقم منو
غص
Link
0
1.6k
18:182017/11/18
Link
0
1.5k
18:182017/11/18
الجزء الثالث
عمر بالقهوة
كح كح
مدتلو امو كاسة المي؛ خير ابني شبك؟
عمر بتوتر: ازعجني يلي حكتييه ...ايه مسكينة ...كمان اخوانها معذورين!
ام عمر : عم فكر روح شوفها بعد شوي ...
عمر: شو بدو ياخدك لهنيك؟
ام عمر: صعبت علي كتيير حسيتها قطعة من روحي ...
قام عمر وبوس امو: يلا مع السلامة طالع على شغلي
ام عمر: الله معك ...الله يوقفلك ولاد الحلال . ويرزقك يااحق
_
طلع بسيارتو ...وهو عم يمسح عرق جبينو مع انو الدنيا شتا ؟ شغل السارة مشي تجاهل يلي كانو عم يأشرولو ليوقف ...لساتها صورتها وهي عم تقاومو قدام عيونو ..دموعها يلي غسلو خدودها ودعواتها علييه ...قشعر بدنو حاول ينسى ويركز بشغلو ويكمل حياتو عادي

لما فاقت سارة من تأثير المهدءى...رجعت تبكي بصوت مكتوم..لما فاقت. أول مرة بكيت بحض امها لتورمو عيونها ..خاصة بعد موقف اخوانها السلبي كانو عم يحطو الحق عليها وكأنها اختارت هدا الشي لهيك صابتها نوبة صراخ هيستيرية بعد ماتوعدها جمال بالقتل لهيك عطوها مهدء مرة تانية ...كانت امها واقفة عند الباب عم تحكي على التليفون ...
سارة: ماما
إلتفتت لعندها : نعم حبيبتي
سارة: اعطيني التليفون....
ام جمال: ليش؟
سارة: بدي احكي مع وائل
إتلبكت ام جمال : لا ياعمري ...خليها لبعدين
رفعت صوتها: لك امي ضروري احكي معو لازم يعرف شو صار معي ...
ام جمال: لك يابنتي مو موقتو خلص
سارة: مبلا وقتو ...لازم مايعمل متل اخواني ...لازم يعرف اني بريئة .....أمي عرسي لازم يتم مو لازم ينقص شي ..
نزلو دموع ام جمال وقربت لعند بنتها حضنتها ومسحت على شعراتها : ياعمري ..والله مابتستاهلي يلي جرالك...
شدتها سارة وحسها قلبها انو في شي: امي وائل ما إجى ليشوفني اتصلتي فيه خبرتيه شوصار معي
ام جمال: اييه يابنتي ..خبرتو
سارة: وينو؟ ليش ما إجى؟
ام جمال: ولا رح يجي ...وائل إتخلى عنك ولغى العرس ...كل شي انتهى
سارة: لا مستحييل وائل مابيتركني ...وائل مابيعملها ..وقول هييك وائل رح يجي ...رح نتزوج ماما هو مارح يتركني
_عمر___
ياربي ...صورتها ماعم تفارق خيالي ...يمكن لأن أول مرة بعمل هيك ؟ ..الله لايوفقك يا جاسم انت السبب ...انت يلي عطيتني جرعة الكوكايين ...انا بعمري ماكنت هيك لك انا صرت مجرم دمرتها للبنت ...شو رح اعمل ...أكيد مارح تقبل إعتذاري ..لك كيف اصلا رح اقدر واجهها هي وأهللها ..رح يقتلوني ...ياالله ساعدني
كانت الشمس متخبية ورا لغيوم ..والجو بارد والدنيا بلشت تعتم ...سمع عمر صوت أذان المغرب ...حسها كأنو رسالة من الله ...نزل وتوضا وفات على المسجد ...قشعر بدنو ودقاتو كانو رح يكسرو ظلعو ...صلى بخشوع 28 سنة ...وبحسرة وندم ...بكى وشهق لحتى اختنق ...
لما فات على البيت ..سمع صوت امو عم تناديه من المطبخ
ام عمر: اجييت ياعمري
عمر: ايه ياست الكل
ام عمر: غسل وتعا إشرب معي كاسة شاي
فات غير تيابو وغسل ...ولحق امو بالمطبخ ...كانت محضرا الشاي. . وقاعدة عم تستناه ..
قعد ورشف من الشاي
عمر: يسلموو نهفة هالشايات ام عمر
ام عمر: خير ياموو ليش وشك هيك اصفر ومخطوف؟
تلبك عمر: لاا مافي شي بس من التعب
ام عمر: اييه الله يريحك ياقلبي
عمر: شو عملتي اليوم؟
ام عمر: اخخخ يا أمي لو تعرف شو شفت اليوم....رحت لزور البنت يلي حكيتلك عنها الصبح ...يالطييف الله يجيرنا ...منظرها بيقطع القلب مسكينة دمرت حياتها بسبب واحد كلب وبلا اخلاق ...خطيبها اتخلى عنها قبل ايام على عرسهم ...واخوانها عم يتوعدوها بالقتل ...
غص بالشاي : احم كح كح ...ااا و و كيف هيك ماعرفو مين يلي عمل معها هيك؟
ام عمر: لا والله أهلها ماقدمو شكوة ..لأن مابدهم فضايح أكتر ...
عمر: شو رح يصير فيها؟
ام عمر: مابعرف بس مبين انو نهايتها قربت للمسكينة
لمع قطرات عرق بجبين عمر ...إلتفت هون وهنيك ...
طق اصابيعو ...وتنفس بسرعة
ام عمر: ييي شبك ابني خير
عمر: بصراحة ...أنا ....أنا بصراحة ..امي ... رح قلك شي وبتمنى تهدي وتسمعيني. ..وتفهميني منيييح
بعد ماحكيت لإمي ...ضريتني وبكيت. ..وبكيت معها ...بس حسيتو حمل وانزاح من على قلبي ...واتخذت اصعب قرار بحياتي ...تالت يوم اتصلت برفيقي سليم ....وحيتلو كل شي وطلبت منو انو يروح معي لأهل البنت ..لأطلبها....كلكم رح تقولو مجنون ...بس بجنوني هاد رح انقذ البنت ...وقبلها رح انقذ حالي من عذاب الظمير
طبعا هما ما استقبلوني برحابة صدر بس سليم كان محاور بارع ....لما هجمو علي اخوانها ..حكالهم انو ..هيك عم يإذو حالهم ...اذا صرلي شي اختهم رح تشيل العيب طول عمرها ...وانو انا ندمان وجاي صحح غلطي ...ولو واحد غيري ماكن إلتفت وراه وكمل طريقو عادي
جمال اخوها طلب مني انو يتم كل شي بسرعة قبل ماتنتشر الفضيحة بشكل أسرع ...
وبالفعل حددنا العرس الأسبوع الجاي
يالله قبل يومين بس ماكنت عم فكر بالزواج ...واليوم بيتحدد عرسي ...
طلبو مني جيب أمي كنوع من الشكليات ...وما اشترطو أي شي المهم كان اني اتجوزها للبنت
أمي كانت شبه مقاطعتني ..
Link
0
1.5k
18:182017/11/18
Link
0
1.5k
18:182017/11/18
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com