مشيو هنن التنين وكانت الدنيا زحمة وعجقة كتير هجم حدا وكمش سما من معصم ايدها التفت لؤي بقوة ليشوف مين
سما:لينا ...اهلين
لينا:كيفك...شفتي هالصدفة شو حلوة...قلت لانزل واتمشى دايق خلقي من ضغط الشغل...كيفك استاذ لؤي
حكا حالو لؤي
(هلء وقتك...كنا عم نمشي وما احلانا)
سما:لؤي...عم تحكيك لينا
لؤي :اي الحمدلله تمام ...وانت؟
لينا:مشتاقتلك (عطتها ئرصة من ايدها سما)أصدي الحمدلله تمام
لؤي:دووم
دابت لينا بارضها لما سمعت لؤي عم يحكيها بالطريقة هي
لينا:لكن يلا نمشي مع بعض بما انو نازلة لحالي
سما:فكرة ولله
مشيو مع بعض وكان لؤي مبين عليه علامات الغضب وديقة الخلق من لينا
لينا:اخ...
سما:شبكي لينا خيرر؟؟
لينا:عم توجعني بطني كتير
لؤي:من كتر البوظة يلي اكلتيها
لينا:يا الله عم يزيد الوجع كتير
سما:لؤي شبك تحرك خود لينا عل شي حمام
لؤي:انا؟!!
سما:لكن انا ...مافي هون غيرك رجال معنا
لؤي:طيب يلا تفضلي لشوف قدامي
ضحكة لينا وحكت بسرعة
لينا:يلااا
لؤي:عل علمي كانت بطنك عم توجعك كتير ..شو جرى؟؟؟
لينا:عم توجعني ...لهلأ...وك يلا امشي عم يزيد الوجع
لؤي:وانت سما؟؟
سما:لا انا ضالة هون ..مو جاية عبالي فوت عل الحمامات
لؤي:بسس
سما:وك شبنا لؤي محد رح يا كلني ما تخاف
سمع لؤي كلامها ومشي مع لينا
ما صدقت سما انون بعدو شوي حتى ركضت واتصلت ل طارق
طارق:اي حبيبي ..وين صرتي؟؟
سما:بالمكان يلي اتفقنا علي
طارق:طيب شوي وبكون جمبك ...اعدي عل كرسي ملون بالاحمر مشان اعرفك فوراً
سما:ماشي
ركضت سما واول كرسي احمر شافتو قدامها استحلتو واعدت عليه
اجا واحد كبير بالعمر وضيفها عصير رفضت كتير وما قبلت لانو خافت لا يكون فيو شي وما تقدر بوقتها تشوف طارق
سما:ولله عمو انا ما بحب العصاير
العم:بس ما بصير تخجلي حدا بعمر ابوكي
اخدت غصب عنها وما مشي حتى شافها عم تشربو
بعد دقايق سما حست بدوخة وعيونها عم تغبش شوي شوي
اغمى عليها وما عادت حست بشي
بعد فترة
فتحت عيونها شوي شوي
لقت قدامها نفس الرجال يلي ضيفها العصير
سما بصوت خفيف:عمو شو عم تعمل هون؟؟...وين انا؟؟؟
العم:....
سما صرخت بقوة:وين انا عم حكيك ؟؟؟
دخل رجال طويل اسمر بعيون بنيات وبشعر مرتب ونظيف بعضلات ورتابة
لابس لبس اسود جلدي
جاب كرسي وساعدها حتى تقوم واعدها عليي
وجاب كرسي واعد مقابل لعيون سما مباشرة
كانت عيون سما كلها دموع
طارق:لا تبكي سمستي بعدين قلبي بحترق قدام عيونك الحلوين
سما صمدت للحظات وعيونها نشفو الدموع فيون
سما:مين انت؟؟...وليش عم دلعني؟؟...احكي مين انتتتت شو بدك مني يا حقير ؟؟...
طارق:ولا بعمري سمعتك عم تقوليلي حقير
سما:بس انا ما بعرفك !!!!
طارق:بس انا بعرفك عز المعرفة
سما:تركني منك...وطالعني من هون بدي شوف طارررق طالعوني
طارق:انت قدامو حياً يرزق
وقفت سما عن الحكي وطلعت في بغرابة فظيعة
سما:انت طاارررقق
طارق:وفي غيرو بحبك لدرجة هي
سما:بحبني لدرجة يخطفني ..وك طالعني من هون يا مجنون طالعني
ليش خطفتني شو بدك مني اه ه ه ..وك يا ريتو المختال هون حتى يانقذني منك ...
وصارت تبكي تبكي
قرب عليها ومسحلها دموعها
سما:طالعني ..ولله ابوي بموتك
طارق :سما حاج تحاولي طلعة من هون مافي..حتى ساوي يلي بدي ياه ...فهمنا؟؟؟....ولا كرر