📚قصص||روايات||منوعة📚

rwayate

[4]
@rwayate
يطرق الباب باستمرا ينهض بتثاقل وكأنه لا يريد الحياة بعد وفاتها يذهب بخطوات متثاقلة ويفتح الباب يتفاجىء عند رؤيته ولا يصدق ما رأته عيناه
عبدالله : زين ... زين الدين
زين بحزن : اها ياجدو انا زين (وارتمى بأحضانه)
..
دلفوا إلى الداخل
عبدالله بشيء من السعاده: شو هالمفاجئه الحلوة يا زين
زين: خلص ياجدو انا صفيت شغلي وجيت هون أفتح شغل
عبدالله: وأخيرا يا زين بعد هالسنين قرت ترجع
زين بحزن: يا جدو أنا فقدت أول اشي أختي مي مابعرف هي عايشة ولا ميتة بعدها فقدت إمي وأبوي وكملت بالآخر فقدت ميس حبيبت قلبي.. وانا كنت باعد عنها كثير ... جيت ياجدو أضل عندك
عبدالله: الله يرحمهم يارب.. ومايحرمني منك يارب.. شو ناوي تعمل
زين: بدي أفتح مكتب هندسة خاص اللي ومن بكرى بدي أدور على مكتب مناسب بعدها بعلن عن وظيفه
عبدالله: ربنا ييسرلك أمورك يابني
....
تطرق عليها الباب وتدخل .. وتكون مستلقيه على سريرها تفكر
سجى بمرح: مراااحب
تنتبه لها تنظر لها وتتذكر من تكون
سجى: شو مافي تفضلي
رنيم: اهلا اهلا .. مهو انتي تفضلتي بدون ما اقول
سجى تجلس بجانبها: وانا بقول لما شفتك بالمشفى شكلها اتغيرت بتضلك طول عمرك رنيم
رنيم: شو بدو يغيرني
سجى: بس شو يابنت محلوة
رنيم: أصلي حلوة ما بدي أوخذ رأيك ع فكرة
سجى: يارلي لسانك طولان بزيادة
رنيم: شو عامله
سجى: هيني عايشه تركت بنتي تلعب مع ابنك
رنيم: بنتك؟!
سجى: اها شو نسيتي اني عندي بنت بعمر ابنك
رنيم بانتباه: لأ لأ بس استغربت انك تركتيها مع احمد.. شو رأيك ننزل نشوفهم
سجى: يلا اه صحيح شو هاللبس اللي لابستيه مش بالعاده بتكوني بالتفريعة ع الآخر
رنيم بارتباك تحاول ان تخفيه: يا سجى يعني انا كل جسمي ملزق تلزيق من الجلد اللي زرعولي اياه لسا ما التأم مزبوط
سجى: وراسك
رنيم: شو ناسيه انو راح كل شعري ولسا ما لحق يطول فشكلي مثل حسن صبي
سجى باستغراب: معقول رنيم تكون مهزوزة بنفسها
رنيم بحده: شو يابت انت جاي تعملي تحقيق يلا مشي قدامي
....
مرّ يومان
تدخل عزيزة عندها
عزيزة بحده: مالك يا رنيم شو قصتك طول الوقت حابسة حالك بالغرفة ما بتطلعي مثل قبل
رنيم بجديه: شو الخطوه القادمة اللي بدنا نعملها
عزيزة: مستعجله على ايش
رنيم: بدي عيش حياتي واخلص من هاي العيلة
عزيزة: مفكرتيني مبسوطة بالقعدة معهم ..(واكملت ساخرة) وطبعا عشان ارتاح منك خلص زهقتك من 23 سنه وإنت معي خلص قربت مهمتنا على النهاية
رنيم: طيب شو بدنا نعمل
عزيزة: بدك تلحلحي حالك شوي وتشوفيلك شب تزبطيه بطريقتك المعتادة
رنيم بانتباه: وبعدين
عزيزة: مالك بتسألي كثير شو بعدها تجيبي على المشفى ونعمل فيه مثل اللي قبلوا
ميس في سرها: يخربيتك انت ورنيم انا قلت اذا بدها توصل لتجارة مخدرات طلعتوا بيع اعضاء
عزيزه: وين سرحت
رنيم: لا معاك بس بقول كيف بدنا نوقعهم همي
عزيزة: هاي الشغلة عملتها هو الافندي مشغول بيكي بالمشفى
رنيم: كيف
عزيزة: دخلت ع مكتب جوزك وأخذت أوراق موقع عليهن وصورتهن
رنيم بانتباه: وبعدها
عزيزة: زبطت الاوراق عند مبرمج حاسوب وخليت الأوراق فاضية بس خليت توقيعه وختمه اللي موجود.. وكتبت كل اشي بدينهم انهم همي اللي بتاجروا بالأعضاء
رنيم: وهيك يعني متأكدة إنك رح توقعيهم
عزيزة: طبعا وغير هيك بدنا نفضحه بالمؤتمر اللي بدو ينعمل بعد شهر
رنيم: اي مؤتمر
عزيزة: مؤتمر طبي كبير على نطاق واسع رح نعرض جميع الوثائق اللي بتدينهم
رنيم: أوباااا عنجد إنك شيطان يا عزيزة
عزيزة ضحكت : هههههه بس بدي همتك.. وصوني الجماعه بدهم كمان واحد حتى يقبضونا حقنا
عزيزة وانتبهت لجوالها الذي يرن: اسكتي اسكتي
عزيزة: أهلين يا باشا.. لا كلو تمام.. تحت أمرك نحنا كلو حسب الاتفاق خلال شهر بتكون الاعضاء عندك ولا يهمك..مع السلامة
رنيم: مين بحكي معك
عزيزة: الباشا
رنيم: مين هاد الباشا
عزيزة: شو نسيتي الباشا برهان المسؤول الكبير عن التجارة
رنيم: اه اه هو انا بقدر انساه .. بدي اشوفوا
عزيزه: ليش
رنيم: بدي اتفق معاه بصراحه خايف يضحك علينا ويوخذ حقنا
عزيزة: لا لا ما بعملها
رنيم : ليش ما بقدر يعملها واحد مثل برهان بعمل أبوها
عزيزه: يعني بدك تهددي
رنيم: طيب اقولك وين هو بتواجد يعني سكنوا
عزيزه: ما بقدر احكيلك محلفني
رنيم: يعني خايفه مني انت اللي ربتيني بس انا خايف على مصلحتنا لأنه اذا حاول ما يعطينا حقنا اعرف اتصرف معاه
عزيزه: معاك حق.. هو عندو عددت بيوت (وقامت بذكر الامكان) وعندو مخزنين واحد في.... والثاني في....
رنيم: اها هيك تمام
عزيزه: طيب انا طالعه
رنيم: لوين
عزيزه: بدي أزهزه حالي شوي وإنت ما بدك تيجي
رنيم: لأ
عزيزه: طيب
...
بعد فتره تنزل إلى حيث يجلسون وتجلس معهم ولكنهم يتجاهلونها
زينب: بكرى بدنا نفيق بكير يا امل
آلاء: طبعا لازم نفيق مش هي العروسة
رنيم: بكرى العرس
آلاء: اها عندك مانع ست رنيم
رنيم: مبروك يا امل الله يهنيك
استغربوا من طريقتها فاستدركت ما قالت
رنيم قالت بلهجه سخريه: عقبالك يا آلاء

📚قصص||روايات||منوعة📚

rwayate

آلاء تابعت بسخريتها: لما نخلص منك الأول يارب
زينب: خلص يابنات
يدخل احمد ويذهب عند جدته
احمد: تيتا بدي العب
زينب: طيب العب يا حبيبي
احمد: بدي العب مع حدا
زينب: مش فاضيين يا حبيبي بدنا نطلع روح عند دادا فاطمه
احمد بزعل: مابدي
رنيم: تعال يا احمد نعلب انا واياك
زينب وامل والاء 😵 😵 😵
رنيم: مالكن بضل ابني
الاء بتهكم: ماشاء الله عنك هسا عرفتي انو ابنك
رنيم تجاهلتها وذهبت الى احمد: تعال يا أبوحميد نعلب سوا بالحديقه
احمد: بدك تلعبي معي
رنيم بابتسامه: اها يلا @rwayate
خرجت رنيم واحمد الى الحديقه ولعبت مع احمد... اما ثلاثتهن كن في وضع الصدمة ولكنهن قلن في النهاية مزاجها متقلب ليس أكثر
يأتي موعد العرس وينتهي اما ميس تقرر عدم الحضور ففسروها بالتكبر ولكنها لم ترد ان تذهب حتى لا تنكشف
اليوم التالي للعرس خرجت لأول مرة من البيت لم يراها احد ذهبت إلى مركز عملها.. وطلبت الدخول إلى اللواء عزالدين فأذن لها بالدخول القت التحيه ودخلت
ميس: حضرتك مستغرب مين بكون
عز: عرفينا
ميس: لو سمحت بدي تسمعني للآخر بعرف يمكن بالبداية صعب تصدق
عز: اتكلمي بعدها بحكم
ميس: تتذكر ياحضرة اللواء الانفجار اللي حصل بالطياره قبل حوالي أربعه شهور
عز: طبعا
ميس: تمام في المقدم ميس بتعرفها
عز بنبرة فيها أسى: الله يرحمها كانت افضل من اي راجل بمكانها
ميس ابتسمت: بس ميس ما ماتت
عز: انت عم تتمسخري
ميس: طبعا لأ.. (وقفت وقفتها المعتاده التي اعتادت عليها بعملها وقالت:) ياحضرة اللواء عز الدين اللي امامك بتكون المقدم ميس رؤوف
عز بصدمه: شو عم تحكي
ميس: حضرة اللوا لما نقلونا على المشفى ميزونا فقط من اماكن جلوسنا صح
عز: صح @rwayate
ميس: تمام وانا كنت قاعدة مو بمكاني
عز: كيف لقينا شارتك موجوده على مقعدك
ميس: لأنه كنت حاطه الجاكيت وبداخله الشارة على كرستي.. الا انه اللي قعدت جنبي طلبت نبدل الأماكن
عز : طيب اذا افترضنا اني صدقتك كيف انت متغيره مع انو في شبه بالشكل والاهم بطريقه الكلام نفسها.. وين كنت مختفية وليش أخفيتي شخصيتك
ميس: هاد اهم اشي بدي احكيلك اياه
عز: احكي
ميس: لما كنت بالمشفى بعد ما بلشت افيق دخلت علي وحدة (قصت عليه ما سمعته من عزيزة وما حدث معها بالتفصيل)
عز بشك: وانا شو بأكدلي انو كلامك صحيح
ميس اخرجت جوالها من حقيبتها: انا مسجلة حواري مع عزيزة ولما اتكلمت عن برهان (وشغلت له التسجيل)
اراد أن يتكلم إلا انها قالت
ميس: وإذا حضرتك مش مصدك اني ميس بنقدر نعمل تحاليل وتبين كل اشي
عز وقف لها وادى لها التحيه: انا مش عارف كيف بدي أكافيكِ على اللي عملتيه
ميس: وقفتك هاي ياحضرة اللوا بتسوى كل اشي
عز: طيب إنت مش خايفه على حالك
ميس: لأ مش خايف يا حضرة اللوا .. بس بضل شغلة
عز: شو هي @rwayate
ميس: كيف بدي ادبر شخص
عز بعد تفكير: من خلال شرطي بتنكر انك تعارفتي عليه وقدرتي تلفي عليه .. فبوخذوا على المشفى حتى يوخذوا أعضاؤه
ميس: بس ما بدنا ضحايا
عز: طبعا مابدنا ضحايا نحنا بنكون مراقيبن المكان ومتجهزين وبتقبض عليهم متلبسين
ميس: ممتاز.. حضرت اللوا مابدي حد يعرف اني عايشة غيرك
عز: طبعا ما حد رح يعرف ورح نضلنا ع تواصل
ميس: يمكن ما رح اقدر آجي عندك بخاف حد يراقبني.. بنبقى على اتصال افضل.. وياريت ما تتصل فيني انا بتصل عليك وبخبرك بالتفاصيل شو بدهم يعملوا
عز: تمام

📚قصص||روايات||منوعة📚

rwayate

📚قصص||روايات||منوعة📚

rwayate

[5]
@rwayate
عبدالله: شو صار معك يازين
زين: الحمدلله تيسرت معي وقابلت مهندسين وبدأنا بالشغل
عبدالله: ربنا يبيض دربك
**
تجلس العائلة في غرفة الجلوس وتكون معهم تدخل آلاء
زينب: يعطيكِ العافية حبيبتي
آلاء تجلس على الكنبه: الله يعافيك ياست الكل
منير: شكلك مبسوطة يا آلاء
آلاء بتشفي: اه مبسوطه كثير بهدلت واحد قليت قيمتوا
خالد: شو بتحكي
آلاء: قال انا ماشية إجى يتحركش فيني شو هالحلاوه مُزة ومن هاد الحكي طبعا انا ماقصرت في لميت عليه خلق الله شرشحته شرشحة
خالد بحدة: يعني هزأتي حالك كمان
آلاء: شو ياخالد يجي يتحركش فيني واسكتلوا
خالد: لأ ما تسكتيلوا بس إنك تعلي صوتك وتخلي ع رأيك خلق الله جميعهم يشوفوكي بكون أحسن برأيك
آلاء: بس ياخالد
خالد: مبسش يا آلاء إنت مانك صغيرة احكمي تصرفاتك مفهوم
رنيم بدون وعي: برافو عليكِ ياآلاء لازم تكوني هيك أخت رجال ما تسكتي عن حقك
الجميع بحلق فيها ونظرات استغراب لها... وعيّت على نفسها فقامت من مجلسها وذهبت لغرفتها دون أن تنطق ببنت شفة
منير باستغراب: اللي سمعته صح
آلاء بصدمه: مش عارف ...رنيم يطلع منها هاد الحكي
زينب:الله يهديها
آلاء: ما اظن اكيد زله لسان ذنب الكلب اعوج
منير: شو وين رايح يا خالد
خالد: طالع غرفتي
..لم يذهب إلى غرفته وإنما صعد إليها.. فتح الباب ودخل لم يجدها سمع صوت مياه في الحمام فجلس على الكرسي بجانب الباب
بعد مدة ربع ساعه تخرج ميس من الحمام ومحيطه نفسها بمنشفة فقط .. تخرج تدندن بعضا من الأغاني لم تراه .. جلست امام المرآة تسرح شعرها القصير تنظر من خلال المرآة فشهقت.. اقترب نحوها بخطوات بطيئه فقامت وبدأت تتراجع للخلف
ميس في سرها: يارب استرها معي يارب خليني اقدر أكمل
رنيم بارتباك: خالد شو دخلك غرفتي هيك بدون استئذان
خالد بعيون يتفحصها: مالك خايفة لسا جوزك انا على فكرة وبقدر أوخذ حقوقي
رنيم: خالد اطلع من غرفتي
خالد: بتفكريني بلمسك يا رنيم مستحيل .. بهاليومين رح ننفصل جهزي حالك
رنيم: بكون أحسن خليني أخلص منكم
خالد ضحك بسخريه: عنجد مثل ما بتقول آلاء ذنب الكلب طول عمروا اعوج مستحيل تتغيري (خرج)
تنهدت ميس وبسرعه أخذت ملابسها
*
في مكتب زين للهندسة تطرق عليه الباب
زين: اتفضل
...: بشمهندس زين خلصت تصميمي
زين ينظرله بتفحص وبإعجاب: ماشاء الله عملت واجتهدتِ فأبدعت يا آلاء
آلاء بابتسامه: شكرا لحضرتك
زين : بإمكانك تروحي ع مكتبك
اكتفت بهز رأسها
**
ميس تذهب إلى غرفة عزيزة في مغيبها وتقوم بالبحث لعلها تجد ما يفيديها.. لم تجد أوراق وإنما وجدت فلاشة أخذتها وخرجت ذاهبة الى الحاسوب الموجود بغرفتها وضعتها ووجدت ما تريد قامت بنسخ الموجود عليها على الجهاز وسريعا قامت بإرجاع الفلاشة الى مكانها
ميس مع نفسها: هيك كل اشي تمام ضايل يجي يوم المؤتمر ونمسكهم متلبسين .. بس وين بدك تروحي يا ميس هاي المدة لازم ماحد يعرفني حتى ما يغيروا الخطة اممم ربنا بحلها
قامت بالاتصال على اللواء عز الدين
ميس: السلام عليكم حضرة اللوا
عز: وعليكم السلام اها يا ميس خبري
ميس: كل اشي تمام (وقصت عليه ما عرفته وماسوف يقومون به)
عز: ممتاز .. وانا وكلت الضابط تيسير هو يكون الشخص اللي بدك ترافقيه ويروح ع المشفى
****
اليوم التالي في مكتب الهندسة تدخل آلاء عند زين بعد حديث عن العمل
زين: آنسة آلاء ممكن رقم والدك
آلاء: خير يابشمهندس بدر مني اشي لاسمح الله
زين ضاحكا: هههه هو إنت بمدرسة حتى تحكي هيك .. القصة وما فيها وبدون مقدمات بدي أتقدم لحضرتك
آلاء وجهها جاب ألوان الطيف: اي إ إ شو قلت
زين: بس إنت عطيني رقم والدك .. بدي اليوم آجي عندكم
قامت بإملائه رقم هاتف والدها وخرجت سريعا... اتصل على والدها واخذ موعدا بالمساء
...
ذهب عبدالله وزين الدين إلى عائلة آلاء
وتم استقبالهم أحسن استقبال
عبدالله: طبعا نحنا بشرفنا نسبكم يا دكتور منير
منير: ونحنا إلنا الشرف بس عندي سؤال والدك ووالدتك وين
زين: متوفين من فترة كبيرة
منير: الله يرحمهم يعني إنت وحيد
زين: كان عندي أختين
منير: توفوا كمان
زين: أختي ميس قبل حوالي أربع شهور توفت بحادثة الطياره اكيد سمعتوا فيها
منير: اها بنعرفها الله يرحمها يارب
تدخل آلاء متطأطأة الرأس تقوم بتفضيل القهوة وتجلس.. تدخل بعد فترة ميس كان عندها فضول للتعرف عليهم
وعند دخولها تطرح السلام
رنيم: السلام عليكم
يرد الجميع: وعليكم السلام (لم يلتفت اليها زين وعبدالله)
جلست وعندما نظرت إليهم انصدمت مما رأت
ميس في سرها: زين وجدو .. زين شو بتعمل بهالبلاد يا الله شو اشتقتلكم (ونزلت دموعها فجأة )
زينب: مالك يارنيم فيكي اشي
رنيم : هاا لا ولااشي بس دخل بعيوني اشي طالعه اوضتي
زينب: ماشي
وعند مسيرها وقف مقابلا لها زين
رنيم تحاول إخفاء وجهها قدر المستطاع: خير حضرتك عاوز اشي
زين بارتباك: هاا لا انا آسف بس شبهتك لأختي
رنيم: عن إذنك(وذهبت)
عبدالله: مالك يازين
زين: والله يا جدو بتشبه ميس
عبدالله: معك حق فيها شبه كبير منها

📚قصص||روايات||منوعة📚

rwayate

آلاء: يمكن بالشكل بس اما بأخلاقها وتصرفاتها ما اظن
زين: كيف يعني
منير : لا ولااشي يابني ما توخذ ع كلامها
غيروا الموضوع وتحدثوا بأمور أخرى
****
تجلس ميس وتقول في سرها: شو كان نفسي

📚قصص||روايات||منوعة📚

rwayate

📚قصص||روايات||منوعة📚

rwayate

كمالة قصة((#أخلاقي_المهنية_جعلتني_أكذب))
#نـــورايـــة
الجزء(6)+(7)+(8)#انتهت
[6]
@rwayate
تجلس ميس وتقول في سرها: شو كان نفسي أوخذكم بحضني ياااه الدنيا الصغيرة يارب يعدي الشهر ع خير .. وتسامحوني اني خبيت عليكم .. والله يا زين ما خيبت ظني فيك اختيارك ممتاز
قامت فتحت الحاسوب وقامت بتصفح ما نسخته من الفلاشه.. بعد ساعة من البحث والاستطلاع
شهقت وهي تقرأ أسماء الذين قاموا بأخذ أعضائهم
ميس ببكاء: والله لأشرب من دمك يا عزيزة يا كلبة يعني إنتوا قضيتوا على أهلي
وانهمرت في بكاء شديد
اليوم التالي يدخل عليها خالد ويجدها جالسة شارده
خالد: شو بإيش بتفكري
رنيم: ولا اشي
خالد: كاينة تبكي
رنيم بكذب: لأ ما ببكي ... اه صحيح شو ما بدك تطلقني وتخلص يلا انا جاهزة كثر خيرك
خالد : يعني مستعجلة كمان.. طيب اجهزي خلينا نروح نعمل جميع الإجراءات
خرج من عندها
ميس في سرها: وين بدك @rwayate تروحي يا ميس عزيزة مش قابلة تروحي عندها البيت بعد ما خبرتيها انك بدك تطلقي.. امم وما بقدر اسحب مصاري من البنك لأنه حسابي مسكر لانهم بفكروني ميتة اووووف يلا بنشوف
مرّ الوقت سريعا قام بتطليقها واعطاها مؤخرها وتركها
ميس تسير في الشارع في سرها: منيح انو عطاني هالمصاري خليني ادبر حالي حتى يمضين هالأكم يوم ع خير.. بس رح ارجعلوا كل مصاري من وقت العمليه لحد الآن
تسير في طريقها وتذهب لإحدى الفنادق
تمرّ الأيام سريعا وتتم خطبة زين على آلاء
ويأتي يوم المؤتمر
تتصل آلاء بزين
زين: يا أهلا بآلاء
آلاء: زين مابدك تفشلني
زين: عيب على اللي بدو يفشلك خير يا حبيبتي
آلاء خجلت: اليوم في مؤتمر طبي بقاعة ....... بدهم يحكوا فيه عن انجازات مستشفى بابا وخالد وكمان يوقعوا اتفاقية حتى يفتحوا أفرع ثانيه بالاشتراك مع شركات اجنبيه وهاد المؤتمر على مستوى عالي يا زين وبدهم يعرضوا مباشر على التلفزيون
زين مستفزا لها: @rwayate طيب إنت شرحتيلي كل ها وانا شوأعمل
آلاء بغيض: زين يعني بدي إياك تيجي تحضر
زين: هههههه خلص ولا يهمك يا حبيبتي ما عاش اللي بدو يرفضلك طلب
آلاء: اذا بدك جيب جدو معاك كمان
زين: بسألوا وبشوف
********
تتصل عزيزة بميس
عزيزة بحدة: وينك يا رنيم ووين الأفندي اللي بدك تجيبيه
رنيم: اسمعيني مثل ما إنت بدك تشوفي لحظة فضيحتهم وانا كمان
عزيزه: يعني شو بدك تعملي
رنيم: يعني رح أبعث تيسير على المشفى وانا رح اكون في المؤتمر
عزيزة: وكيف بدك تقنعي تيسير يروح ع المشفى يا فصحة
رنيم: هاي شغلتي
عزيزه: طيب تمام .. كل اشي رح نعرضوا قدام الجميع والعمليه رح تتم اثناء العرض حتى نبين فضاعة المشفى يعني عرض مباشر ههههه @rwayate
رنيم: بدي أسألك ليش ناقمة عليهم لهدرجه
عزيزة: غريبة اول مرة بتسأليني هالسؤال
رنيم: عادي قلت مادام اليوم آخر يوم النا فقلت اعرف سبب العداوه
عزيزة: يا ستي ما كان عندي بالحياه الا امي ابوي مطلقها من زمان خبطتها سيارة ونقلوها على مشفاهم اللي ما بتسموا ما رضيوا يعالجوها حتى ندفع التكاليف ماتت قبل ما يعالجوها وانا من يومها من عندي عشر سنين وانا ناقم على هاد المشفى
رنيم: إنت متأكدة انو منير هو السبب
عزيزه: مش منير اللي كان أبو كان واحد جشع واليوم رح أوخذ حقي منهم
رنيم: منيح اليوم بتوخذي حقك وزيادة
....
تتصل ميس على عزالدين وتتفق معه على الخطة التي سوف يقومون بها
يأتي موعد بدء المؤتمر وتبدأ النقاشات في العديد من الأمور الطبية ويحضر المؤتمر العديد من الشخصيات المهمة ... وكذلك جميع عائله خالد وكذلك زين وجده
@rwayate
في المشفى يدخل تيسير بحجة عمل تحاليل دم كطلب من رنيم على ذلك فابعتقداهم انه اخبرته بأن هذا المشفى قليل التكاليف يدخلونه إلى الغرفة التي سوف يقومون بها بعملهم الإجرامي اللاخلاقي... يبدأون بعمل الفحوصات من ثم قاموا بتخديره
أما في هذه الأثناء خلال المؤتمر فجأة يقومون ببدء عرض وثائق تدين المشفى وبتوقيع خالد .. الجميع في حالة ذهول وعائله خالد لا تدري ماذا تفعل اما عزيزة تجلس في مكان وتضحك بخبث .. تدخل قوة من الأمن مرة واحدة وتقتحم القاعة تتقدمهم بخطى واثقة رافعة الرأس ببزتها العسكرية واضعة نظارات على عيونها وخلفها العديد من رجال الأمن تعطي إشارات لبعضهم ليمسكوا بعزيزة
عزيزة بصراخ: ليش بتمسكوني روحوا امسكوا هذولاك المجرمين
تتقدم بخطاها نحو المايك وتتكلم
ميس بصوت يدل على قوتها: الرجاء الهدوء والكل يسمعني وخصوصا إنت يا عزيزة (وتشيل نظاراتها)
نظرات من الصدمه والدهشة والاسغراب من خالد ومنير وزينب وامل وآلاء وكذلك عزيزة اما زين وعبدالله لحد الآن لم يستوعبوا ماذا يحدث
ميس: بالأول خلينا نشوف شو في كمان بالعرض
يتم عرض مشفاهم ويحطيه عدد من العساكر من جميع الأماكن ثم تم عرض لحظة إمساكهم متلبسين الذين كانوا ملثمين حتى لا يعرفهم أحد ... من ثم تم عرض ذهاب قوات خاصة نحو منازل برهان وتم القبض عليه ..

📚قصص||روايات||منوعة📚

rwayate

ميس: كلكم شفتوا طبعا علامات الاستفهام @rwayate على وجوه الكثير .. بدي أعرفكم عن نفسي أنا المقدم ميس رؤوف ماضي.. مش مثل ما بتعرف عيلة الراجح إني زوجة ابنهم المطلقة التي تدعى رنيم
(بدأت دوشه بالمكان)
ميس قالت بحزم: الرجاء الهدوء خليني أكمل كلامي مثل ما بتتذكروا حادثة الطيارة قبل خمس شهور الكل عرف إني انا اللي متت كلو بسبب إني قمت بتبديل الأماكن بيني وبين رنيم ... سبب إني ما أكشف شخصيتي الحقيقية انها دخلت عليّ هاي عزيزة (واشارت إليها) وقالت كلام خلاني أشك إنو في مصيبة وراها فقررت اكمل التمثيلية والحمدلله ما حد قدر يميز شخصيتي الحقيقية بسبب تغير شكلي بسبب الحادثه وكأنو في تشابه بيناتنا المهم بالموضوع بعد التقصي والبحث اكتشفت انو المدعوة عزيزة واللي اسمها رنيم بتشتغل مع عصابة لبيع الأعضاء البشرية وهاي العصابة مثل ما شفتوا قبل شوي قبضنا عليها .. كان أمل عزيزة اليوم انها تقضي على سمعة المشفى وعلى عيلة آل الراجح بأكملها .. في نهاية كلامي بقول للجميع اللي تعاملت معاه سامحوني اذا كنت تعاملت بفضاضة كلو بسبب إني أقدر أكمل مهمتي .. (نظرت إلى جدها وأخيها) سامحني جدو سامحني اخي زين الدين إني خبيت عليكم اني عايشة وعارفة شو سببتلكم حزن بس كل الاشي عملته من وازع أخلاقي المهنية... وانا الآن امام الجميع بقدم استقالتي.. اها يا جدو بقدم استقالتي الآن حان الوقت قلتلك لما @rwayate يحين الوقت المناسب رح اقدم استقالتي لأني اكتشفت مين قتل ابوي وامي وهيك انتهت مهمتي بهاد المجال شكرا الكم
الجميع يقف لها ويصفق تصفيقا حارا.. تخرج من جيبها شيك. . وتذهب لخالد
ميس: دكتور خالد هاد شيك بجميع المصاري اللي تكفلت فيهن بعلاجي وشكرا إلك
خالد لا يزال تحت تأثير الصدمه لا يجيب عليها وانما مازال ناظرا اليها بتعجب
ميس تضحك: مالك يا دكتور (وتشير اليه بحركه هوائيه امام وجهه)
خالد افاق: خلي معك اعتبري رد جميل على كل اشي اعملتيه معنا
ميس تبستم بهدوء: هاد مش جميل هاد واجبي يا دكتور (واعطته اياه وذهبت باتجاه جدها واخيها)
رمت نفسها بحضن جدها الذي رباها تبكي وتقول: سامحني يا جدو إني خبيت عليك ووجعتك بسببي
عبدالله يربت عليها بحنان: إنت فخر إلنا يا حبيبت جدو رفعتي راسنا
تنظر لأخيها الذي ينظر لها بشوق
زين: بهون عليكِ اشوفك عندهم وما تضميني
ميس ارتمت بحضنه: انا آسفة يا زين والله كنت بموت ميت موتة
زين: بس شو يا ميس طلعت جدعة وأخت رجال
ميس: الحمدلله( وقد افتكرت شيئا ابتعدت عنه) انا رايحة القسم
زين: شو بهالسرعه لسا هسا قدمتي استقالتك
ميس ضيقت عيونها: في ضايل اكم سؤال أسألهن لعزيزة وبدي أتأكد من الإجابة ( ثم اكملت ضاحكه) شو إنت ما صدقت استقيل لسا بدها وقت الاجراءات @rwayate
عبدالله: روحي يابنتي ونحنا بنسبقك على البيت
زين: شو نسبقها بنروح معها
ميس: لأ لأ يمكن اطول ما بعرف شو بصير معي .. يلا انا رايحه سلام
...
تخرج من القاعه بصعوبه بسبب تجمهر جماعة الصحافة حولها... تستقل سيارة أجرة وتنطلق
تدخل مكتب عزالدين الذي يقف يؤدي التحية لها ويهنيها على ما فعلته
عز: بس إنت ليش قدمت استقالتك ياميس
ميس: مثل ما قلت خلصت مهمتي الأساسية اللي كنت بسببها درست دراستي واشتغلت هاد الشغل.. بس عندي طلب لو سمحت قبل ما توقع استقالتي
عز: إنت بتؤمري
ميس ابتسمت: شكرا إلك.. بدي أحقق لمدة عشر دقائق مع عزيزة
عز: مع عزيزة؟! خير في اشي
ميس: في أمر بدي أتأكد منه
عز: ايه ماشي ... هي الآن بغرفه التحقيق بإمكانك تروحي
ميس بامتنان: شكرا إلك يا حضرة اللواء
@rwayate
تذهب ميس لمقابلة عزيزة تدخل وتجلس مقابلا لها
ميس بحزم: ضايل موضوع واحد بدي أستفسر عنه
عزيزة بانكسار: بهنيكِ ذكية ما توقعت انو مو إنت رنيم
ميس: خلينا بالمهم مين رنيم
عزيزة: وحدة ربيتها
ميس: من وين جبتيها
عزيزة: ليش بتسألي
ميس: ما إلك دعوة جاوبي
عزيزة بارتباك: من دار الأيتام
ميس وقفت @rwayate وضربت الطاولة بيديها: كذااابة.. احكي الحقيقه يا عزيزة افضلك
عزيزة بلعت ريقها: لقيتها بالشارع واخذتها
ميس جلست: يعني خطفتيها
عزيزة: اهاا
ميس: واسمها الحقيقي يا ترى شو.... مي مو هيك
عزيزة بارتباك: اها كي كيف عرفتي
ميس: ما إلك دعوة .. بدك تحكيلي كيف خطفتيها

📚قصص||روايات||منوعة📚

rwayate

عزيزة: كنا انا وجوزي في الحديقه العامة.. ونحنا ما بنخلف..شفناها عم تلعب مسكنها وأخذناها بدون ما حد يشوفونا
ميس: وربتيها على القسوة والكره وكل الصفات السيئة صح
عزيزه ساكته @rwayate
ميس: تعرفي شو انت لازم ما تنعدمي انت لازم تتعذبي على البطيء... يعني حاولت تنتقمي من والد الدكتور منير يمكن كان طماع بحبوا للمال وما دخل امك يعالجها بس هاد الاشي ما بخليكي تقتلي أرواح بريئه وتبيعي والتاجري بأعضاؤهم .. وتخطفي أختي
عزيزة بصدمه: اختك
ميس: اها أختي مي او رنيم مثل ما أطلقتِ عليها.. وغير هيك قتلتِ امي وابوي بدون ذنب وغيرهم وغيراتهم... حسبي الله ونعم الوكيل فيك يا عزيزة
تركتها ميس تفكر فيما فعلته واقترفت يداها من ذنوب تخرج ومصطنعة القوة ... تأخذها رجليها إلى الحديقة العامة تركن رأسها للخلف وتغمض عيناها وتبكي في صمت على أختها وعلى أهلها وما حلّ بهم

📚قصص||روايات||منوعة📚

rwayate