القانون بالعربية - خزانة الفوائد

#مساطر_قضائية
#المادة_الأسرية ⚠⚠
#معلومات_هامة ( شرح مبسط بالدرجة)

⛔?الفرق بين ثبوت النسب ولحوق النسب وثبوت الزوجية والتسجيل في الحالة المدنية ?⛔

الكثير من الناس كيتخلطولهم هاد المصطلحات وكيسحبليهم أنها متشابهة لكن كاين فرق كبير بيناتهم ولي كضيع فيه حقوق ليهما معرفينهاش ، خصوصا لي متعلقة بالأطفال.

المهم نبداو على بركة الله :
✔ _ #ثبوث_الزوجية ⚠ هي واحد الدعوى كان المستفيذ منها هما دوك الأزواج لي مزوجين بالفاتحة وكان كيتعذر عليهم يسجلو العقد ويوثقوه ديالهم ويسجلو ولادهم ، وهاد الطريقة كانت الوحيدة لي بامكانها تعدل الوضعية د الزوجين والأطفال دقة وحدة. لكن المشرع المغربي مبقاش كيخد بيها ويقبلها حيت #سالا_العمل_بها من شهر فبراير 2019 ، يعني لي مزال مزوجين بالفاتحة فراه ميمكن يديرو والو بالنسبة لزواجهم حيت دابا عقد الزواج هو لي دايز ( المادة 16 من مدونة الأسرة ) .

✔ _ لكن حرصا على حقوق الأطفال ليمعندهم تا ذنب فهادشي ، المشرع دار #احتياطات ⛔⛔ولي يمكن نهاد لي مزوجين بالفاتحة يسويو الوضعية دولادهم ويسجلوهم فالحالة المدنية ، وهنا كندخلو ف 2 آليات اما? #الإقرار من الأب ولي دابا بامكاننا نكتبوه عند العدول او المقاطعة ونكاليزيواه مهم يكون اقرار صريح بدري بدون ذكر نوع العلاقة ليكتجمعكم سواءا كانت شرعية اولا . او عن طريق ? #الشبهة لي فالمادة 156 م. ا و هادي ها حنا عنشرحوها من بعد فاللحوق.

✔ - دابا نجيو #نلحوق_النسب ⚠ وليهو بالدرجة اننا نسبو الدري لباه بالقانون ماشي نتبتوه وصافي. هنا المشرع دار 3 الطرق لا غير وربطهم بشروط وهما : ( المادة 152 من مدونة الأسرة) :

?#الفراش : ⛔⛔
وهادي هي الحالة الطبيعية 2 مزوجين بعقد و وفقا للقانون اذن اي ولاد نشأو أثناء العلاقة الزوجية راه ولادهم بقوة القانون ، بشرط يكون دري تولد مورا 6 شهور من بعد العقد حيت ميمكنش يكون الدري تولد قبل هاد الفترة راكم فاهمين. ( المادة 153 من مدونة الأسرة) .

? #الشبهة : ⛔⛔
وهاد الحالة دارها المشرع حيت كتوقع بزاف وحماية بحقوق الدري قالك ا سيدي اي جوج مخطوبين خطبة رسمية واشتهرت الخطبة ديالهم وحملات الخاطبة فديك الخطبة فالدري كيتنسب للخاطب ، واذا نكر فيمكن الخاطبة طلب خبرة ، غي هو راه هاد الشبهة كطي الشرعية للنسب ماشي للعلاقة. ( المادة 156 من مدونة الأسرة) .

? #الإقرار :⛔⛔
ولي هو ان الأب يقر بيه عند العدول او فالمقاطعة مهم يكون إقرار صريح منو بدون ذكر العلاقة وهذا كيستعملوه اغلب المواطنين ليمزوجين بالفاتحة او ممزوجينش فمرة بشرط ميدكروش نوع العلاقة فالاقرار وليكيتلحق النسب بيه كان الولد شرعي. ( المادة 160 من مدونة الأسرة) .

✔ - نجيو لنقطة ما قبل الأخيرة لي هي #ثبوت_النسب⚠ وماشي اللحوق هما وسائل حددها المشرع فقط باش تبث ان هاد الولد ولدك وماشي باش تلحقو ، ايبه #كاينة وسائل ليكتعتبر وسيلة لحوق واثباث فنفس الوقت بحال الفراش والاقرار #لكن شهادة العدلين وبينة السماع والخبرة في غير الفراش والشبهة وشي وسائل اخرى ها هما كيتبتو انه ولدك لكن ميمكنش تلحقوم ب باهم وبديك الطريقة من غير 3 د الأسباب لي ذكرت لفوق .( المادة 158 من مدونة الأسرة)

✔_ آخر نقطة #التسجيل_بالحالة_المدنية⚠
، هنا خصنا نفصلو شوية ونميزو بين 2 حالات : ⛔⛔

?#الحالة_الأولى : اذا تم الحاق الولد بالفراش او الشبهة او الإقرار فمكاين تا مشكل حيت راه ولد قانونا ولدك وتابث وملحوق بيك.

? #الحالة_الثانية هي ان الولد يكون ناتج عن علاقة غير شرعية او بالفاتحة فا هنا كاين 2 طرق اما ان الأب يقر بيه كما شرحنا فوق وديك الساعة كيولي ولدو قانونا بشرط ميذكرش نوع العلاقة ليكانت بيناتهم ، و اما ان الأم تسجلو فاسمها فحالة مبغاش او كان مجهول او لاي سبب آخر .

? #الجهة_المكلفة_بالتسجيل : اذا الولد كان مزال مفات 30 يوم على ولادتو فالجهة هي مكتب الحالة المدنية ، و اذا فاتت 30 يوم على ولادتو ديك الساعة خص يتسجل بحكم فقسم قضاء الأسرة دالمدينة ليتولد فيها.

?... قراءة ممتعة...?