قصة جديدة: #أرجوان
.............
قراءة ممتعة🦋💙"
#ⴅÂÐЄĦÂ

#أرجوان
#الجزء_الأول
#بقلم_فتاة_من_ورق
Telegram:@rwayate
*بهاللحظة شفت الموت بعيوني ...
الدكتورة : خدي نفس خدي نفس البيبي بيموت .
ليلى : يا ربيييييي .
*ما قدرت اخد نفس و كأنو اختفى الاوكسجين ...
الدكتورة : خدي نفس .
*سمعت الجهاز يلي بقيس نبض الجنين صار يزمر .. حسيت وقتها انو عادي يموت الجنين بس انا لازم عيش كرمال ولادي التلاتة .. ولدت .. الدكتورة اخدت البيبي و طلعت من الغرفة بس لمحتو لونو ازرق قلت اكيد مات .

بعد ساعة...

الدكتورة : مبروك يا ليلى جبتي بنت حلوة كتير .
*غمضت عيوني و نمت ما تطلعت على بنتي من تعبي .. صحيت بعد ساعتين .. سرير بنتي جنب تختي مديت ايديي و حملتا صرت ابكي بهاللحظة ...
ليلى : ليش اجيتي على هالدنيا ؟ رح تتعذبي متلي رح تعيشي اصعب اللحظات متلي .. يا ريتك خلقتي صبي .
*بلشت اتأمل ملامحها الناعمة و ابتسامتها و خدودها المايلة للون الارجواني .. حبيتها كتير ضميتا لصدري و غفيت ...

علاء : ما تطالعو صوات بالمشفى و تجنو في كتير ناس مرضى ما بصير نزعجهن .
سعيد : حاضر بابا .

*حسيت على ولادي التلاتة فوق راسي ...
سعيد : الحمدلله على سلامتك ماما .
حمزة : اشتقنالك ماما ارجعي عالبيت .
خالد : ماما نيميني جنبك .
علاء : خلص يا ولاد لا تزعجو امكن و تذكرو شو اتفقنا .
ليلى : ههه و انا اشتقتلكن حبايبي بكرى برجع عالبيت .
خالد : يعني انا رح نام بدونك .
ليلى : اي حبيبي بس اليوم .
*سعيد عمرو 9 سنين ، حمزة 6 سنين ، و خالد 3 سنين ولادي متعلقين فيي كتير بحكم انو عايشين بغربة ...
علاء : شو حلوة هالبنت يا ليلى .
خالد : ما حلوة خليا تموت .
ليلى : لا خالد حرام هي بيبي و بتحبك .
علاء : في اسم ببالك ؟
ليلى : ارجوان حسيت هالاسم بيلبقلا من لون خدودها .
علاء : خلص معناها ارجوان .

*بلشت تكبر ارجوان و تزيد شقاوتها .. بأغلب الاوقات البنت الوحيدة بتكون هادية و لطيفة بس ارجوان كانت خالية من هالصفات تماما ...
Telegram:@rwayate
ليلى : يا ولاد وين اختكن ليش ماعم تلعب معكن ؟!
سعيد : ما منعرف ماما ما شفناها من ربع ساعة .
ليلى : هاد يلي بأمن فيكن .. ارجوااااان .
سعيد : كل واحد يدور بغرفة .
*بلشت عمليات البحث عن ارجوان يلي ما بتختفي الا وفي وراها مصيبة...

خالد : ماما لقيتها .
ليلى : وين ؟
خالد : بالمغسلة .
*ركضت و بالفعل لقيت ارجوان بالمغسلة .. حجمها الصغير كان بيساعدها تختفي او تقعد بأصغر الاماكن ...
ليلى : شو عم تعملي بالمغسلة ايمتا بدك تعقلي جننتيني اخواتك الصبيان ما عملو عمايلك .
Telegram:@rwayate
و بعد دقايق اختفت ارجوان مرة تانية كلنا راحنا نشوفها اذا بالمغسلة بس المفاجأة انو هالمرة لقيتا بالمجلى ..

كبرت ارجوان و صار عمرها 7 سنين ...

الدنيا رمضان كانت امي تقعدني جنبها مشان ما اعمل مصايب ، وبعد متابعة المسلسل الخليجي يلي نص مقاطعو شب بيحط مخدرات و بيشمها .. عجبتني الفكرة و قررت روح و طبقها ...

ليلى : ارجوان لوين رايحة ؟
ارجوان : على غرفتي بدي العب بألعابي .
ليلى : بس كل شوي تعالي و طمنيني عن حالك انا بدي بلش طبخ ما فاضيتلك .

رحت على غرفة اخواتي اخدت علبة البودرة رشيت منها على الطاولة يلي بغرفتي رجعت العلبة على غرفة اخواتي و رجعت على غرفتي صرت شم البودرة و اسعل .. من عادة ابي كل ما اجا عالبيت يبوسني اول شي بعدين يسلم على اخواتي ..

علاء : ارجوانتي وينك بابا .
ارجوان : اي .
كان انفي كلو بودرة و عيوني نازل منهم دموع التفتت على ابي كان واقف عند باب غرفتي ..
علاء : شو عم تعملي لك شو هاد ؟
ارجوان : مخدرات .
علاء : م مخدرات ! من وين جبتيهن ؟ ردي من وين ؟
اشرت على غرفة اخواتي و بلشت قلد حركات بطل المسلسل بعد ما يشم المخدرات .
علاء : شو جبتيهن من غرفة اخواتك ؟؟
ارجوان : اي .
Telegram:@rwayate
علاء : سعيييييد .
سعيد : نعم ابي .
*وقتها ابي ضربو كف لاخي سعيد صوت الكف ما بقدر انساه اكتشفت انو عملت مصيبة بدون ما اعرف شو هي وشو يعني مخدرات اصلا .. ابي ضرب سعيد لانو هو الوحيد المشكوك بأمرو بما انو الكبير و عمرو صار 16 سنة .
سعيد : شوفي ابي ؟
علاء : شوفي عم تسال شوفي هلأ بدك تحكي كلشي من ايمتا بتتعاطى و مين يلي بيعطيك ياهن يلا احكي كلشي .
سعيد : عن شو عم تحكي ابي والله ما فهمت عليك .
*حرق قلبي اخي لما صار يحكي و الدمعة بعينو و خاصة انو انا...
علاء : ارجوان روحي جيبي المخدرات من غرفة اخوتك .
*ركضت جبت علبة البودرة و رجعت ...
علاء : هي المخدرات ؟
ارجوان : اي .
علاء : من وين تعلمتي تعملي هيك ؟
*اشرت باصبعي على امي و قلت ...
ارجوان : من مسلسل ماما هيك بيعمل جاسم كل حلقة بجيب بودرة و بصير بشما بس بقول عن البودرة مخدرات .
علاء : الله يلعن ابوكي على ابو جاسم روحو من خلقتييي .
Telegram:@rwayate
*كل واحد فينا راح على غرفتو بس اكتر شي زعلني يومها انو ما فطرنا اول ما ادن وانا جعت كتير .

#أرجوان
#الجزء_الثاني
#بقلم_فتاة_من_ورق
Telegram:@rwayate
بعد هالقصة ضل أخي سعيد زعلان مني اسبوع انا ما كنت اتعاقب على أي تصرف الوحيدة و المدللة .. معاملة أبي و امي الي خلوني اوثق بنفسي و حس انو انا احلى بنت بالعالم و حس انو كلشي لازم يكون الي انا و بس .. وقت صرت بعمر ال8 سنين بلشت الغيرة عندي...

أرجوان : وين كنتو مبارح بالليل ؟
علاء : بالبيت وين بدنا نكون .
أرجوان : انا صحيت بالليل ما لقيتكن .
ليلى : اي حبيبتي كنا عند الدكتور .
أرجوان : الدكتور بياع الكنادر ؟
ليلى : شو ما فهمت !
أرجوان : استنو .
*رحت على غرفة أمي طالعت علبة الكندرة الجديدة و رميتها بالارض ...
أرجوان : هي شو ؟
ليلى : كندرتي .
أرجوان : هي الكندرة جديدة انتو مبارح رحتو اشتريتوهاااا .
علاء : لا يا حبيبتي هي قديمة .
أرجوان : هي جدييييدة انا بعرف كل كنادر اميييي انا هلأ بدي كندرة متلا .
ليلى : بس هي للكبار من وين بدنا نجبلك متلا .
أرجوان : بدييييي متلاااااااا .
*قعدت بالارض و صرت ابكي .. وما سكتت لحتى اخدوني على السوق و اشترولي كندرة بتشبه كندرة امي .
Telegram:@rwayate
علاء : لوين طالعة ؟
أرجوان : لعند بنت الجيران ما بطول .
*طلعت ركض لعند بنت الجيران هي قدي بالعمر ...

سارة : اهلين ارجوان .
ارجوان : شوفي البابا شو جبلييي .
سارة : شو جبلك ؟
ارجوان : كندرة متل الكبار شوفي شو حلوة .
سارة : ما حلوة .
ارجوان : حلوة بس انتي غرتي منييي يلا باااي .

ليلى : بنتك عايشة مشان تجاكر الناس .
علاء : بيطلعلا اميرة ابوها .
ليلى : لشوف دلالك لوين بدو يوصلها .
علاء : خلص سكتي اجت ما تزعليا .
ارجوان : شوفوني متل الاميرة و انا لابسة كندرة بكعب .
علاء : ما متل يا ابي انتي اميرة اصلا .

*من بعدها كل قطعة تشتريها امي الها تجبلي متلها مشان يتفادو شري ...
Telegram:@rwayate
علاء : كل عام وانتي حبيبتي .
ليلى : الله يخليلي ياك من ايام الخطبة ما هديتني شي بعيد الحب .
علاء : وهلأ حبيت رجعلك ايام الخطبة وهي وردة و فستان الك على عيد الحب .
ارجوان : وانااااا شو جبتلي بابا .
*تطلع فيني ابي نظرة صدمة ...
علاء : حبيبتي جبتلك هي الوردة و الفستان لأمك .
ارجوان : ليش وردة ما فستان متل الماما ؟
علاء : ما لقيت فستان يليق بالاميرة ارجوان مشان هيك جبتلك وردة حطيها على شعراتك .
ارجوان : طيب .
*اخدت الوردة و حطيتا على شعري و طلعت لعند سارة ...

ارجوان : ابوكي ما جبلك وردة تحطيها على شعرك ؟
سارة : لا ما جبلي .
ارجوان : يا حرام شوفي الوردة يلي جبلي ياها البابا شو حلوة .
سارة : اي و شوفي انتي التياب يلي جبلي ياهن البابا مبارح لونهن اصفر انتي عندك تياب لونهن اصفر ؟

*نزلت ركض من عند سارة ...
ارجوان : هلأ خدنيييييي عالسوق جبلي تياب لونهن اصفرررر .
علاء : بس يا حبيبتي الساعة 10 الدنيا ليل .
ارجوان : والله ما رح نام ليصير عندي تياب لونهن اصفر متل تياب ساااارة .

*وطبعا ما نمت الا وانا لابسة تياب جديدة لونهن اصفر .. تعودت انو احصل على كلشي بدي ياه ومافي انسان بالكون كلو احسن مني او عندو شي ما عندي ياه ..
Telegram:@rwayate
ليلى : والله رح تجنني يا مرت عمي هيك و عمرها بس 9 سنين .
ام علاء : بتتذكري وقت قلتيلي صورتي و طلع معك بنت .
ليلى : اي .
ام علاء : وقتها قلتلك معناها رح يصير عندك ضرة .
ليلى : اي بتذكر .
ام علاء : في قصة بتنقال انو مرة حلوة كتير عندها 4 صبيان كل يوم توقف قبال المراية تمشط شعرها و تقول (الحمدلله يا ربي ما عندي ضرة) زوجها مل 5 سنين وهي بتعيد نفس الجملة راح تزوج و قال خليني اكسر راسها و ما اسمعها كل يوم بتقول ما عندي ضرة و بصباحية عرسو راح يشوف مرتو توقع تكون عم تبكي بس نصدم لما شافها قبال المراية و عم تقول (الحمدلله يا ربي ما عندي ضرة) و هيك لوقت ولدت هالمرة و جابت بنت دخل لعندها زوجها عالغرفة لقاها عم تبكي سألها شبك ؟ قالتلو صار عندي ضرة .
ليلى : اي والله يا مرت عمي بنتي تقولي ضرتي علاء ما بجبلي شي الا يجبلها متلو .
Telegram:@rwayate
ليلى : ارجوان روحي حبيبتي جيبيلي علبة الخياطة من غرفتي .
ارجوان : اي حاضر ماما .
*رجعت بعد 10 دقايق ...
ارجوان : ما لقيتها ماما .
ليلى : اي لانك ما دورتي عليها .
ارجوان : دورت .
ليلى : واضح من الحمرة يلي عشفافك و من ريحة العطر يلي عبت الغرفة هلكتي و انتي عم تدوري .

#أرجوان
#الجزء_الثالث
#بقلم_فتاة_من_ورق
Telegram:@rwayate
لما كبرت اكتر صارت امي رفيقتي المقربة ماعاد غرت منها ولا من أي حدا و أشياء البنات ماعاد تهمني .. صرت اتعامل مع اخواتي كأنو انا اخوهن الرابع ...

ارجوان : يلا خالد جيب الشدة .
خالد : شكلك جاهزة للخسارة .
ارجوان : ارجوان ما بتخسر .
سعيد : قلتيلي ما بتخسر مبارح مين صار يبكي من الخسارة ؟
حمزة : ارجوان .
ارجوان : عفوا ! ما بتذكر هيك شي ابدا .
سعيد : حمزة .
حمزة : ايوا .
سعيد : شوف اخي شوف والله حلوة هالممثلة .
حمزة : تقول ملاك مو بنت عادية .
*تطلعت فيهن بطرف عيني و رفعت طرف شفتي...
ارجوان : احم احم .
خالد : طبعا يعني بس ما احلى من اختنا .
حمزة : اي اي ما بتجي نقطة ببحر جمال اختنا حبيبتنا .
ارجوان : فتو الشدة ولا تطلعو عالتلفزيون كتير بتوجعكن عيونكن .
سعيد : يا حنونة بتخافي على عيوننا .
ارجوان : اي طبعا ولو انتو اخواتي .
Telegram:@rwayate
بصباح اليوم التاني سرقت كرة القدم من غرفة اخواتي و رحت عالمدرسة .. اخر سنة الي بالمدرسة صرت بكلوريا و زاد جناني بدال ما اعقل .

ارجوان : رهف شوفي المديرة بغرفتها ؟
رهف : اي بغرفتها .
ارجوان : يلا يا بنات قبل ما تجي المعلمة .
*هربنا من الصف و صرنا نلعب كرة قدم ...
ارجوان : الله يقطع البنات ويلي بيلعب مع البنات .
مايا : ليش انتي شو ؟
ارجوان : انا بنت بس بعرف العب ما متلكن بتخافو من الكرة لا تخبط فيكن .
*شوي شوي بلشت شوف رفقاتي عم يقل عددهن هيك لحتى ما بقي غيري .. التفتت و شفت المديرة واقفة ورايي .
المديرة : برافو حلو كتير .
ارجوان : انا انا
المديرة : انتي شو مفكرة حالك بملعب ؟ المعلمة الها نص ساعة بالصف و انتي هون متل الصبيان عم تلعبي بالكرة !
ارجوان : والله كلن كانو معي ما بس انا .
المديرة : ارجوان عيب هالتصرفات انتي صرتي صبية اعطيني الكرة و ارجعي عالصف و ما بدي هالشي يتكرر .
ارجوان : حاضر .
Telegram:@rwayate
*نص الحصص ما كنت احضرها يا متقلعة لانو عم احكي يا اما هربانة و قاعدة بالساحة مع رفقاتي المقربات رهف و سمر .. بلشت الامتحانات و انا مو دارسة شي .. حاولت غش بس ما قدرت لانو المعلمة بعدت الكراسي عن بعض ...

ارجوان : ااااخ بطني بطني .
المعلمة : شبك حبيبتي .
ارجوان : بطني عم يوجعني كتير .
المعلمة : طيب حبيبتي روحي لعند الممرضة خليها تعطيكي دوا .
ارجوان : و الامتحان ؟
المعلمة : بعدلك ياه بيوم تاني .
*طلعت من الصف و بلشت اضحك .. عنا ممرضة بالمدرسة اخدت من عندها دوا و رميتو بالزبالة و صرت اقطف ورد من حديقة المدرسة و ضيع وقت .

رهف : ارجوان شو عم تعملي هون ؟
ارجوان : عم اقطف ورد متل مو شايفة .
رهف : كيف صرتي ؟ لساتك موجوعة ؟
ارجوان : ههه من كل عقلك صدقتي ؟ حبيبتي هي كذبة بيضا لانو مو دارسة .
رهف : هههه يخربيتك والله انا اقرب الناس الك صدقتك .
ارجوان : اليوم مضيت قصة وجع البطن بكرى عنا عربي المعلمة غبية و انتي ذكية رهوفتي .
رهف : شو يعني انا ذكية .
ارجوان : يعني رح تغششيني متل الحبابة .
رهف : اي امرك انا ما بعرف ليش مرافقتك لهلأ بعمري ما استفدت منك بشي .
ارجوان : المهم انا استفيد منك .
رهف : امشي نرجع عالصف .
Telegram:@rwayate
اخر 3 شهور حبست حالي بالغرفة و بلشت الدراسة الجد و نجحت بمجموع وسط بس المهم نجحت .. و سجلت بالجامعة .

ليلى : اليوم جايكي خطابين .
ارجوان : اي شو اعملن ما بدي انخطب هلأ .
ليلى : حتى لو ما بدك تنخطبي لازم ترتبي حالك و تقعدي شوي و تطلعي يلا روحي رتبي حالك ما بعرف ايمتا بيجو .
ارجوان : اممم طيب رايحة .

*لبست فستان ناعم و مرتب و قعدت ساوي شعري ، صرت ساويه ببطئ مشان يجو وانا لسا ما مخلصة ... بعد نص ساعة سمعت صوت الباب عم يندق استقبلتهن امي و انا لسا ما خلصت شعري و عم اضحك ...
ليلى : لك يلا شو صار فيكي ضيفيهن القهوة .
ارجوان : اي امي شوي بس .
ليلى : الله يصبرني .
Telegram:@rwayate
بعد ربع ساعة .. ناديت امي من بعيد ...
ارجوان : ماما بدي كندرة من عندك .
ليلى : يعدمني ياكي روحي خدي من خزانة الكنادر .
*طلعت لقيت كندرة سودة كعبها عالي جنب الباب لبستها و جبت القهوة و ضيفتهن ياها و قعدت ... صارو يتطلعو فيني الخطابين و يضحكو .. وانا صرت اتطلع على حالي و ارجع اتطلع عالخطابين ومستغربة على شو عم يضحكو هدول .. كانت ام العريس و اختو و خالتو .

#أرجوان
#الجزء_الرابع_الأخير
#بقلم_فتاة_من_ورق
Telegram:@rwayate
اجا الوقت يلي رح اتعرف فيه على عبيدة .. ضيفتهن القوة و قعدت .. عبيدة شب طويل اسمراني جذاب و حلو كتير راكز و هادي زيادة عن اللزوم و هالشي انا ما بحبو ابدا .. طلب انو نقعد نتعرف على بعض ...

10 دقايق و الصمت معبي الغرفة .. قررت اكسر الصمت و احكي معو ...

ارجوان : بتعرف تلعب شدة ؟
عبيدة : اي .
ارجوان : بتفوز ولا بتخسر ؟
عبيدة : باغلب المرات بفوز .
ارجوان : اي من يوم ورايح بدك تصير تخسر .
عبيدة : عفوا ؟!
ارجوان : ولا شي اعتبرني ما قلت شي .
*رجع عم الصمت بالغرفة و قررت للمرة التاني اكسر الصمت ...
ارجوان : بتعرف تلعب دحاحل ؟
عبيدة : هههه اي .
ارجوان : في دوري دحاحل بدو يبلش يوم السبت تشارك فيه ؟
عبيدة : ههه بين مين و مين ؟
ارجوان : انا و بنات ام رامي و بنات ام سالم و
عبيدة : ارجوان .
ارجوان : اي .
عبيدة : انتي كل حياتك لعب ؟
ارجوان : تقريبا اي .
عبيدة : طيب خلينا نرجع نقعد مع اهلك .
ارجوان : اوكي .

راحو عبيدة و اهلو وانا بلشت اجلي و رتب و نضف ...
Telegram:@rwayate
ام عبيدة : شو رأيك ابني ؟
عبيدة : اخطبيلي ياها .
ام عبيدة : عجبتك ؟
عبيدة : كتير ، بتحسيا طفولية مزوحة مافي هم على قلبا .
ام عبيدة : الله يقدم يلي فيه الخير .

*ما كنت مفكرة انخطب بس النصيب لعب دورو و قلت موافقة على عبيدة ... و بعد الخطبة صار عبيدة كل يوم يجي يزورني ...

ارجوان : لك اهليييييين بأبو حسن تفضل اتسلى مع اخواتي لجهزلك الاركيلة قالتلي اختك انك بتأركل .
عبيدة : اهلين فيكي اي بأركل بس ما كتير .
ارجوان : اي معك معك بتصير بتأركل كتير .
*قررت طالعو من حالة الهدوء و الركازة يلي مسيطرة على حياتو بما انو بدو يصير زوجي لازم يصير مجنون متلي ...

ارجوان : خلونا نطلع نقعد عالبرندا .
خالد : اي تفضل صهر .
*قعدنا انا و اهلي و عبيدة عالبرندا بعد لحظات بلشو يختفو اهلي و تركونا انا و عبيدة لحالنا .
Telegram:@rwayate
عبيدة : بتعرفي شو يلي خلاني اخطبك بسرعة .
ارجوان : شو ؟
عبيدة : طفوليتك و مزحك حبيتن كتير و حبيت ضحكتك .
*عم اتطلع فيه و انتبهت انو في صرصور عم يمشي على شعرو ...
عبيدة : انا حبيتك من اول نظرة ارجوان .
*ماعاد استوعبت الحكي وانا عم اتأمل الصرصور بالأخير رفعت ايدي و خبطتو عراسو ...
عبيدة : شبك شو حكيت ؟!
ارجوان : صرصور طيار هبط على شعرك و صار يمشي .
عبيدة : طيب اعطي انذار اول انا عم غازلك و مدموج وانتي عينك عالصرصور .
ارجوان : ليش عصبت اترك الصرصور يسرح و يمرح عشعراتك الحلوين .
عبيدة : يا حبيبتي يا ارجوانتي تاني مرة اعطيني خبر .
ارجوان : خلص ولو بالله ضحاك .
عبيدة :......
ارجوان : عبودي عوعو بليييز ما تزعل مني .
عبيدة : عوعو ! في دلع اسمو عوعو !!!
ارجوان : مافي بس هلأ صار في .
عبيدة : طيب امري ل الله .
ارجوان : اي كمل اللحظة الرومنسية .
عبيدة : بس اي حشرات زاحفة او طائرة خبريني قبل ما تقتليا .
ارجوان : حاضر امرك .
عبيدة : عيونك و شعراتك .....

استمرت خطبتنا شهرين و بعدها صار العرس ...
Telegram:@rwayate
عبيدة : نورتي بيتك حبيبتي .
ارجوان : جوعانة .
عبيدة : طيب قولي بوجودك عالاقل .
ارجوان : ما بدي قلك غير جوووعاااانة .
عبيدة : طيب لا تعيطي خليني شوف شوفي بالبراد .
ارجوان : ما بدي من البراد بدي معكرونة .
عبيدة : معكرونة ؟! خلص بكرى بتاكلي معكرونة عالغدا .
ارجوان : بدي معكرووونة و هلأ يا اما بروح لعند اهلي باكل معكرونة .
عبيدة : لا شو تروحي خلص طبخي معكرونة .
ارجوان : ما بعرف اطبخ .
عبيدة : لعما على هالقصة من اولها هيك ، طيب انا رح اطبخلك ياها .
*شلت الطرحة من على راسي و قعدت بالارض و صرت فك رباطة البوط ....
عبيدة : حبيبتي شلون بتحبي المعك... شو هاد لابسة بوط !!!
ارجوان : اي لكن كندرة .
عبيدة : اي هيك لازم .
ارجوان : ما بعرف ارقص بالكندرة بس ليك البوط لونو ابيض ما بين تحت البدلة .
عبيدة : طيب الله يعيني عاللي جاي .
Telegram:@rwayate
*بلشت حياتي الزوجية و كمان ما عقلت .. خليت عبيدة يطبخلي معكرونة لحتى اختبر حبو الي و اديش ممكن يتحملني و كانت اطيب معكرونة باكلها بحياتي .. بعدها بلشت فاجئ عبيدة انو بعرف اطبخ كلشي ...

عبيدة : ارجوانتي وينك حبيبتي ؟
*لما سمعت صوتو ركضت تخبيت .. حجمي الصغير بيساعدني اتخبى بأي مكان .. ضل ساعة يدور عليي بعدين سمعت خبطة باب البيت ...

ارجوان : عبيدة عبيدة ارجاع .
عبيدة : شو هالتصرفات هي ارجوان وين كنتي .
ارجوان : متخبية .
عبيدة : اي بعرف متخبية بس وين .
ارجوان : ورا المكتبة .
عبيدة : ورا المكتبة انتي نملة شي ؟ كيف ساعك المكان !
ارجوان : ساعني ، المهم شو حسيت لما اجيت وما لقيتني ؟
عبيدة : خفت عليكي كنت رايح على بيت اهلك لا تعيدي هالحركات فكرت صاير معك شي ما منيح .
ارجوان : بتحبني ؟
عبيدة : هاد سؤال طبعا بحبك و بموت فيكي وهاد يلي مصبرني على افعالك المجنونة .
Telegram:@rwayate
بعد شهر بلشت حس بدوخة ...

عبيدة : شبك ؟
ارجوان : دايخة .
عبيدة : دايخة اكيد شامة شي لانو الك سوابق بشم البودرة هههه .
ارجوان : عبيدة ماعم اتمسخر عنجد دايخة .

وانتشر الخبر يلي مستنينو اهلي و اهلو انو حسن عالطريق .. جبت حسن و كمان ما عقلت و قت يبكي اقعد ابكي معو .. و وقت ياكل ....

ارجوان : يلا حسوني حبيبي انت كول من ايدي ، ما بدك تاكل خلص انا باكل والله طيب السيريلاك ما بعرف ليش ما بتحبو انت !
عبيدة : انا بجيب السيريلاك لحسن مشان تاكليه انتي ؟!
ارجوان : هو ماعم يرضى ياكل حرام ارميهن بالزبالة هي نعمة .
عبيدة : نعمة قلتيلي هاتي من ايدك و شوفي كيف بدو ياكل .
ارجوان : يا رب ما ياكلهن .
عبيدة : شو قلتي ؟
ارجوان : عم قول يا رب ياكلهن .
عبيدة : شوفي بلش ياكلهن بس انتي ما بدك ياه ياكلهن بالاساس .
Telegram:@rwayate
بعد مرور 8 سنوات ...

كنت راجع من شغلي سمعت صوت ارجوان و ولادي عم يصرخو فتحت الباب بسرعة .. شفت ولادي كل واحد حامل عصاية و ارجوان حاملة عصاية و عم يقتلو بعض ويضحكو تأكدت ساعتها انو ارجوان مستحيل تعقل خاصة بعد ما صار عندنا 3 مجانين صغار متل امهن .. وبنفس الوقت ما بنكر انو هي رغم جنانها و شقاوتها حنونة عليي و بتفهمني لما ازعل تراضيني و تترك التصرفات المجنونة بتخاف عليي من نسمة الهوا و هاد الشي يلي خلاني حبها بجنون و ما اقدر عيش ولا لحظة بدونها .
#أرجوان
#إنتهت
#بقلم_فتاة_من_ورق
Telegram:@rwayate
بالحياة منمر بكتير مواقف صعبة مافي حدا مرتاح بحياتو ومافي حدا عايش بدون هم بس انت بايدك و بابتسامتك بتغير حياتك عيش حياتك ببساطة و اسعد حالك و اللي حواليك صدقني بتنبسط
#فتاة_من_ورق