#الجزء_السادس #انتهت
#حلم_الياسمين
#بقلم_الكاتبة_نرجس

هيام: عمتي معقول تخليني اتزوج هداك الندل معقول اعيش كل حياتي مع انسان انا بكرهوو
سارة: لأ حبيبتي مارح خليكي تتزوجيه خلص بس طولي بالك علي بدي اخدك عالدكتور هلا
هيام: لشو الدكتور عمتي
سارة: بدي خليه يكشف عليكي بدنا نتأكد
هيام: لا تزيديلي مواجعي عمتي كرمال الله
سارة: بلا حكي قومي جهزي حالك يلا
رحنا عند الدكتورة وانا بالطريق منهارة بعرف ومتأكدة باللي صار
وصلنا عند الدكتورة واجى دوري وفتنا لعندها
سارة: مرحبا دكتورة
دكتورة: تفضلو كيف فيني ساعدكن
سارة : جايين نكشف على بنت اخي بدنا نعرف أذا لساتها بنت
دكتورة:ممممم
سارة: ناتخافي دكتورة ماحدا رح يقتلها قصتها طويلة بس احكيلنا الحقيقة الله يخليكي
دكتورة: تفضلي معي يا بنتي
هيام: .....
سارة: ماتخافي هيام يلا
وبلشت تفحصني وصرت عم حس على ملامحها الصدمة
دكتورة: يا اختي مادام البنت مو عاملة شي ليش جايين تكشفو عليها
هيام: شو شو شووو قصدك دكتورة
سارة: يعنييي ....
دكتورة: البنت ماحدا مقرب عليها ولا فيها شي
سارة: الله يخليكي متأكدة دكتورة طمنينا الله يطمن بالك
دكتورة: اي متل ماعم قلك البنت مافيا شي
ماكنت عم صدق يلي حكتو الدكتورة حسيت الله سمع دعائي وطالعني من يلي انا فيه
صارت عمتي تسحبني من ايدي كانت مبسوطة اكتر مني
فورا صارت تتصل بأبي
سارة: ااااخي نحن جايين هلا بس قبل ما نحي رح توعدني وتحلفلي برحمة ابوك وامك مارح تعمل لهيام شي بنتك مو عاملة شي بحياة ولادي يا اخي
بابا: ....
سارة : وعدني اخي مارح نجي قيل ماتوعدني
بابا: خلص اختي بوعدك بس اقسم بالله اذا تمون عاملة شي بدي اتبرا منها دنيا واخرة
سارة: خلص اخي نحن جايين
واخدتني عمتي فورا محل قطع تذاكر و اخدنا اول بولمان نازل ع المدينة الي اهلي فيها
طول الطريق انا مبسوطة وخايفة من نفس الوقت صرت افكر باسوء الحالاات صرت فكر انو يمكن الدكتورة حكت هيك خوفا انو يعملولي شي اهلي
كان فمرة تاخدني وفكرة تجيبني لحتى وصلنا
وصلنا عالبيت وكان أبي كأنو إنسان تاني كأنو كبران شي عشر سنين كان بعيوني نظرة قهر كسرتني
مارضي ابي يطلع بوجي او حتى يحكيني
ركضت امي وحضنتني وصارت تبكي وتقلي
ليش هيك عملتي يا بنتي ليششش
هيام: والله يا أمي ماعملت شي والله
سارة: خلص هيام فوتي لجوا بدي اعرف احكي مع ابوكي وامي


سارة : اخي شو صار معك حكيت مع الشب
بابا: اي حكيت معو وطلبت منو يجي لعندي اليوم ويكسر قدامي كل شي فيو صور رح خليه يحلف عالقرأن
سارة: اخي تمام بعد ما يعمل هيك قلعوو وبهدلو
بابا: بس اختي
سارة: اخي بنتك مو عاملة شي و قبل ما نجي لهون اخدتها عالدكتورة واالله العظيم مافيا شي
بابا: عنجد عم تحكي
سارة: اي اخي متأكدة اذا بدك رح نرجع ناخدها عند دكتورة هون
بابا:بس هداك الحقير عمل هيك كرمال يتزوجها بخاف يعملنا فضيحة
سارة : مادام بنتك مو عاملة شي ليش لتخاف
بابا: إنشاء الله خير
وبنفس اليوم اجى كرم لعند اهلي وصار يكسر موبايلو و لاب توب ويحرق الصور
بعد ما خلص صار ابي يبهدلو
بابا: انت واحد حقير شو صدقت اني زوجك بنتي ماتحلم تشوف اصبع من اصبعها
كرم: شو كبران راسك عمي والله رح افضحكن والله
وعصب ابي وبلش بدو يتهجم على كرم وصار عمتي و امي بحاولو يمسكووه
راح من هون كرم و بلشت عمتي تحكي مع زوجها الي بيشتغل بالأمن طبعا هو بيعرف كل القصة
طلب منا انو اذا ما وقف نرفع عليه قضية كرمال يوقفوه عند حدو
تاني يوم بلش كرم يبعت ناس يهددو ابوي و يزعجوه ويقولولو انو عند كرم صور تانية و يعايروه انو كيف بنتك عايبة و مابدك تستر عليها
من كتر ما ابي عصب شفت لأول مرة دموع بعيونو تمنيت اموت بلحظتها ابي الي كان يشوف الموت بعيونو ليعشنا ولا عمرو نزلتلو دمعة انا الي خليتو يبكي
بلشنا رفعنا عليه قضية و صار في تحقيق وشي ياخدونا ويجيبونا كان كل شي لصالحي
بلشو اهلو يترجو ابوي انو يتنازل عن حقو كرمال ابنن مايفوت الحبس بس ابي ضل مصر كان يقلن حق بنتي بدي رجعو لو بدي موت
مع انو ابي من اول مارجعت ماكان يحاكيني ولا حتى يطلع فيني
مرقت الأيام وكل مالها القضية عم تكبر وصارت الناس بتعرف وكرم كل يوم بيعملنا مشكلة جديدة
لحتى اجى يوم وصدر قرار انو ينسجن سنة كاملة
بيومها حسيت انو صار في أمل الدنيا تضحكلي
بنفس اليوم اجى ابوه وجايب معو ناس اجو ليقنعو ابوي انو يسقط حقو مقابيل يخلو ابنن يطلع يسافر برا البلد
وصار يترجوه ترجي
كان اول مرة بيحكي معي ابوي بيومها
بابا: هيام انا قلبي مكسور منك كتير بس بتضلي بنتي وشقفة من روحي يدي اسالك وجاوبيني بدك تتنازلي عن حقك او لا جاوبيني ولا تخافي
هيام: لا بابا مابدي اتنازل عن حقي ابدا لو بيصحلي اخليه ينسجن مدة اطول مو بس سنة وح

#الجزء_الثالث_فارس_الأحلام
#بقلم_الكاتبة_نرجس

دقائق و مشي هو رجعت بدي اسال هديل شوفي ما ردت علي قلت مابدو شي بس شكلو معجب
انقهرت كتير رجعت ع البيت من صدمة لصدمة
رجعت شفت امي مجهزتلي فستان مشان استقبل بيت حماه لاخي
ريم:ماما مشان الله اعملي شي انا مابدي ياه
ماما:شو بدي ساوي يا بنتي هيك ابوكي بدو
ريم:امي رح موت والله رح موت حالي
ماما:بنتي هدي بالك هاد نصيبك يلا قومي جهزي حالك
رحت فتت ع غرفتي وذلت الموبايل و بلشت اتصل بفراس اول مرة مارد علي ضليت اتصل عليه كتير
لحتى شفت بعتلي رسالة
ليكي انتي ابدا لاعاد تتصلي فيني انتي وحدة كذابة
رديت بعتلو
مشان الله فراس بس حاكيني اسمع مني بالاول
فراس :انسي واحد اسمو فراس ولاعاد تتصلي خلصصصص
كملت لبس وانا دموعي عم تنزل يالله ليش هيك عم يصير معي ووالله انا ماكان قصدي كذب عليه بس هو اعجب بجمال صديقتي
خلصت لبس وفتت لاضيف القهوة وانا قلبي من جوا عم يبكي ع حظي
فتت شفتن قاعدين
الشب كان متوسط الجمال مو دارس شي ابدا كان جايين يشوفوني و بعدين نتفق
هني راحو من هون وانا فتت و سكرت ع حالي الباب و بلشت ابكي
ضليت ادعي لربي انو تخرب هل جازة و فراس يصدقني
تاني يوم صبح شفت اجتني رسالة
فراس :بتعرفي انك وحدة كذابة وثقت فيكي كتير و كنت جاية ا عرف عنوان بيتك لاجي اخطبك بس الحمد لله كشفت كذبك لك حتى اسمك مو حقيقي

قريت الرسالة من هون وانهرت من البكي من هون يا الله شو عم بيصير معي كان بدي اقلو كل شي انو هو السبب انو هو الي انغر بجمال صديقتي
بس قررت اسكت واسلم امري ل الله واتناسى
فقت ورحت ع مدرسة مع رفقاتي لاحظت هديل عم تبعد عنا كتير و متغيرة بكلامها معي كنت مقررة اسكر ع الموضوع كلو
وقت رجعتنا هديل خبرتنا انو بدها تروح لحالها لان اخوها بيستناها استغربت كتير اول مرة بتعمل هيك
ونحن عم نتمشى لمحتها مع فراس انصدمت كتيرر
معقول عم يعمل هيك ليحرقلي قلبي
وينتقم ..
رجعت ع البيت و حاسة كل شي مسكر بوجي ومشان الله يكملها معي اجت امي خبرتني انو الجماعة موافقين وبدن يتفقو ع الخطبة والامور التانية
سكتت وخبيت دمعتي
وكل يوم صرت المح فراس و هديل مع بعض
#يتبع

#الجزء_الرابع_فارس_الأحلام
#بقلم_الكاتبة_نرجس
و بعد فترة حددو يوم خطبتي
و بلشنا نجهز انا وامي و انا قلبي مكسور
وكل يوم رفقاتي بيحكو معي يواسوني بس شو بينفع الحكي ضيعولي حياتي و دراستي ومستقبلي
كان الكل بيحكي معي الا هديل ما حكت معي
حطيت ع الجرح ملح واستمريت بالمسايرة
وبلشو يحجزولنا بالصالة مشان حفلة الخطبة واكتملت كل التجهيزات ماحكيت مع خطيبي بنوب مع كل محاولاتو انو يحكي معي وانا كنت بعمل انو مشغولة بالتجهيزات حجة مشان اتهرب منو
قبل حفلة الخطبة بيوم قررت قوي قليي و ابعت رسالة لفراس احكيلو كل شي بقلبي لانو هيك وهيك خلص الموضوع ماكنت حابة تضل بالو فكرة اني كذابة
يمكن يغفرلي
كتبتلو رسالة :اي
فراس كيفك مارح اسألك ليش عم شوفك مع هديل ومارح اسالك كمان اذا هاد انتقام مني او لأ بالأخير هاد أختيارك
أنا كنت صريحة معك بكل شي مع انو ولا مرة خبرتني بمشاعرك أتجاهي و لا انا حكيت بس كنا نفهم ع بعض من الحكي
كذبت عليك بأسمي لانو بوقتها ماكنت بعرفك وماكنت بثق فيك
و انا ما كذبت عليك بشكلي انت اخترت جمال صديقتي وقت اجيت قلتلك انو رح تعرفني انت اخترت الاجمل انغريت بالجمال كيف رح قلك لا هاد مو انا وانت حبيت شكلها خفت اخسرك بعد ماتعلقت فيك
بعرف مارح يفيد الحكي بشي بالاخير كل واحد منا اخد نصيبو بتمنالك السعادة بحياتك ومارح قلك لني مبسوطة بخطبتي لانك بتعرف اني مغصوبة بس يمكن رضيت بقدري ..
بعتت الرسالة و سكرت تلفوني وقررت اغير الخط واتناسى كل شي صار وارضى بقدري
تاني يوم صبح فقت مشان جهز حالي اخدت فستاني ورحنا انا وامي عند الكوافيرة
كان قلبي جمر من جوا
وكنا عند الكوافيرة ماشفت غير اجا اتصال لامي
كان رقم غريب قلها انو من قبل زوجها لازم ترجع ع بيت فورا وسكر الخط
امي ارتعبت وبلشت تتصل بابي وماكان يرد
قلتلي انو رح تروح تشوف شوفي وترجع يمكن لاسمح الل اخواتي صايرلن شي
هي راحت من هون وشفت فراس فات لجوا انصدمت وتلبكت
فات وكان عيونو متل الدم كأنو بكيان كتير
فات واجى لعندي مسكني من ايدي وقلي امشي معي
ريم: لك شو عم تعمل شو فوتك لهون
فراس :عم قلك امشي معي مارح خلي هل خطبة تتم بدك تجي معي
ريم:هلا خطرلك تحكي معي مو ع اساس لازم انسى واحد اسمو فراس شو تغير هلا
فراس : انا ما نغريت بجمال رفيقتك هديل بس انتي كذبتي علي
ريم:انا ما كذبت بس انت اخترت الي عجبتك خلص تركني هلا بتجي امي روح بدي كمل تجهيزي
فراس :لك لا تجننيني قلتلك مارح خلي هل خطبة تصير انتي الي و بس
ريم:فراس مشان الله بلا مشاكل خلص هاد نصيبي
فراس: انا تعلقت فيكي و ماعاد فيني عيش بدونك تنيناتنا غلطنا بحق بعض اعطيني فرصة عالاقل لاصحح هل خطأ
ريم:تأخرت كتير
مسكني من ايدي و سحبني لبرا سحبت ايدي من ايدو وقلتلو
ريم: فراس ما بنكر اني حبيتك وتعلقت فيك ولحدا هلا قلبي عك بيوجعني عليك بس انت غلكت وانا غلطت لازم نتحمل ثمن غلطتنا خلص فراس
فراس:ريم لسا مو صاير شي اهربي معي و بعدين بنرجع بنخلي الكل يرضى
ريم: معقول بتقكر انو افضح اهلي بهل طريقة هاي صحيح هني غصبوني ع هل جوازة بس بيضلو اهلي مافيني ساوي هيك شي سامحني
قلت هل كلمة شفتو تركلي ايدي و طلع بعيوني و بلش يبكي وانا ابكي دار ضهرو ومشي
وبلشت الحفلة و انا عم ارسم ضحكتي و قلبي عم يبكي
شفت رفيقتي اية اجت لعندي وحطت موبايلها بأيدي
شفت رسالة من فراس
كاتب
ريم انا مارح اتخلى عنك لو بدي حارب الدنيا كلها
ماعرفت شو صرلي ماعرفت اضحك ولا ابكي و لا عرفت كيف وصل ل أية كل هل اسئلة كانت براسي

#يتبع

#الجزء_الثاني
#حلم_الياسمين
#بقلم_الكاتبة_نرجس

بعد ما حسيتن تركو ايدي كنت حاسة انو مغمي علي من الخوف ماكنت استرجي افتح عيوني كان كل جسمي متشنج
حسيت حدا عم يصحيني فتحت عيوني لقيت كؤم فوق راسي وخايف كتير شكلو
كرم:هيام انتي منيحة احكي اي شي لاتخوفيني
هيام: انا انا .. وبلشت بكي
كرم :لا تبكي هيام خلص راحو بس ردي علي عملولك شي هدول قليلي الشرف
هيام(وهي تبكي):لا ماعملو شي لو ما لحقتني ماكنت بعرف شو رح يساوو
كرم : خلص لا تبكي ماصار شي ليش لتجي من شارع فاضي
هيام: مابعرف مابعرف
مشيت بسرعة بدي ارجع ع البيت كرم حاول يوقفني كتير ويهديني ماكان في فايدة بس ضل لاحقني لوصلت عالبيت
فتت عالبيت و انا عم بلعث عم جر نفسي جر
اجت امي مفزوعة
ماما:شوفي هيام شو صاير معك ليش هيك مقطوع نفسك
هيام:مافي شي امي مافي شي
ماما: لك امي شلون مافي شي وانتي هيك لونك مخطوف
هيام: ماما مافي شي بس اجيت ركض لانو كانها بدها تمطر انقطع نفسي
ماما : طيب يا بنتي فوتي غسلي بدي حط الغدا تعي ساعديني
هيام : تمام ماما
فتت والاحداث عم تدور براسي وكلما اتذكر اللحظة جسمي بيرجف وبينتفض حمدت ربي الف مرة انو كرم لحقني
الي شغلني اكتر كيف شافني وكيف لحقني حاولت اتناسى الي صار وكون طبيعية مع اهلي خفت احكيلن
خفت اخكي و من خوفن يمنعوني من دراستي كان دراستي اهم شي عندي كان الي طموح كبير وكنت بسعى لحققو يمكن كرمال اعوض اهلي على التضحية الي بيضحوها كرمالي
مابعرف كيف مرق هداك اليوم كنت بتقلب بفرشتي طول الليل كلما بغفى بشوف كابوس بفيق مفزوعة صورة الشبين ماكانت تروح من بالي
فقت الصبح رحت ع مدرستي وانا عم امشي واطلع حوالي من الخوف و ركبي عم ترجف كلما مرق حدا من حدي
سمعت صوت عم يناديني التفتت شفت كرم كان شكلو كأنو مو نايم
كرم:هيام معليش توقفي شوي وتحاكيني
هيام: شوفي شو بدك
كرم: بدي اطمن عليكي مبارحة مشيتي وماعد رديتي علي
هيام: انا منيحة
كرم: طيب عالقليلية اشكريني بالاخير انا انقذتك
هيام:شكرا الك ماتواخذني من الخوف مابعرف شو صرلي
كرم: ولا يهمك لا تخافي خلص راح بس ماعد تمشي بشوارع فاضية لحالك مو كل مرة فيني الحقك
هيام: صحيح انت كيف عرفت بمكاني
كرم بتلبك: انا كنت مارق من هنيك صدفة
هيام:غريب مع انو انت بهل وقت لازم تكون بالمحل مو
كرم: اي اي بس صدفة
هيام: طيب بتشكرك كمان هلا لازم امشي يلا باي
كرم:الله معك
مشيت بس ما اقتنعت بجوابو انو طلع من هنيك صدفة حسيت في شي ورا حكيو
مرقت الايام وكرم ماكان يروح من بالي او يمكن هو ماكان يخليني انساه كنت بحسو لاحقني وقت اروح وارجع من المدرسة بس ما اعطيت اهتمام لهل ذي قلت يمكن عم يوصل اغراض بحكم انو عندن محل للجملة والمفرق كمان وكانو بياخدو طلبيات للبيوت

مرقت الأيام ومرقت سنة على هل حال ضل ملاحقني ضبح وضهر ما تعب ولا مل وضار الشغلة عندي عادية
خلصت الحادي عاشر وطلعت الاولى عالمدرسة كالعادة متل كل سنة
كان اهلي ما عطين فرحتن لحدا وكان ابي عطول يقلي نجاحك و تفوفك بيخليني انسى تعبي الي بتعبو مشانكم
وهاد كان يخليني اتعب على حالي اكتر واكتر
خلصت العطلة الصيفية كالعادة كنا نقضيها انا واخواتي بالضيعة عند دار جدي كرمال نخفف مصرفونا و نوفرو قبل ما تبلش موسم الدراسة و المدرسة
بلشت السنة الجديدة كنت بكلوريا الحمل زاد ولخوف زاد
كنت فرع علمي طبعا
كان صعب ما بنكر هل شي بس طموحي انو وصل لهدفي كان بيتلاشى هل خوف شوي
بلشت السنة الجديدة بعزم واصرار كان المرحلة الفاضلة بالنسبة الي
بلشت وكنت نسيانة كل شي صار معي من السنة ااي راحت حاطة ببالي بس دراستي كان كتير بنات بصفي بيسموني معقدة وكتير صفات تانية بس ما كنت بهتم بحكين
يمكن لهل الشي ماكان الي رفقات
كنت ناسية كرم تماما ولا كان ببالي
بيوم كنت راجعة من المدرسة لمحتو فكرت بيني وبين حالي معقول من هديك السنة ولسا عم يلحقني
رديت شلت الفكرة من راسي
تاني يوم شفتو جاي قبالي حسيتو جاي بحكي معي توترت كتير مابعرف ليش
وماخاب ظني
كرم:هيام كيفك
هيام: هلا كرم الحمد لله شو اخبارك انت
كرم: منيح الحمد لله كيف دراستك
هيام: دراستي تمام في شي كرم
كرم: لا مافي شي بس حبيت اسلم عليكي ماكنتي مبينة طول عطلة الصيف
هيام: مممم كنا بالضيعة
كرم: طيب مابدي اخرك عالبيت يلا سلام
هيام:سلام الله معك
ضل كل يوم وانا راجعة يجي و يحكي معي كل يوم بحجة شكل ومابعرف ليش كنت مبسوطة لهل الشي
ضلينا كتير هيك لحتى تعودت عليه
كان كرم بعيني شب ولا كل الشباب كنت بحسو صادق وشفاف معي
يمكن لانو ماكنت بعرف اي شب من قبلو او يمكن كنت مراهقة وشافت شوية اهتمام فكرت انو هاد هو الشب المطلوب
كنا ماشين متل العادة ونحن بنقرب عالبيت قلي بدي قلك شي هيام
كرم: هيام بدي قلك شي وفكري فيه منيح
كرم: هي

#الجزء_الثالث_الرابع
#حلم_الياسمين
#بقلم_الكاتبة_نرجس
من بعد الكف حسيت كل شي تافه قدام كرامة الانسان الحب الغرام كل شي تافه قدام الكرامة
الكرامة اهم شي بيملكو الانسان اذا خسرها بيخسر كل شي
مشيت وماعد تطلعت وراي
ضل كرم لاحقني وبدو يحكي معي ماعرفت شو بدو يحكي او كيف فيو يطلع بعيوني بعد الي عملو
صحيح نحن وضعنا المادي كان سيء بس بابا كان مريينا ع الكرامة و لا مرة مد ايدو علينا ولا مرة اهانا قدام حدا
رجعت عالبيت حسيت الدنيا اسودت بعيني
معقول الانسان الي حبيتو ووثقت فيه هيك بيعمل وعلى شو على سبب حتى انا مابعرف شو هو
تخربط كل نظامي ماعد عرفت ادرس او اكل
ضليت يومين مريضة بالفرشة مافيني قوم لا بروح مدرسة ولا بحكي مع حدا
كان روحي هو المريض مو جسدي من كبر الخيبة الي تعرضتلها
تاني يوم قررت انو انا لازم اكون اقوا ومستقبلي اهم من بعد حكيو وتصرفو تمسكت بدراستي اكتر واكتر
من بعد يومين رجعت داومت بالمدرسة
متل العادة اول ماشفني كرم حاول بدو يحكي معي كنت بعمل حالي ما بسمعو ومابشوفو بس قررت ارجعلو موبايلو الي عطاني اياه اصلا هو جابه الي كرمال حاكيه وهلا خلص كل شي انتهى
وقفت لأحكي معو التفتت لناحيتو شفتو واقف والدمع مليان عيونو
بصراحة هل منظر وجعلي قلبي اول مرة بشوفو هيك
بس قويت قلبي و قلتلو
هيام: كرم خد موبايلك
كرم:هيام انا اسف
هيام: خلص كرم نحن عقلنا ما بيتطابق خلص انت من طريق وانا من طريق
كرم: كيف بهون عليكي
هيام:متل ماهنت عليك ترفع ايدك علي اذا هلا هيك بكرة كيف
كرم: كانت لحظة غضب والله العظيم انا ندمت لاتعملي فيني هيك هيام
هيام: قلتلك خد موبايلك وامشي خلصنا
كرم:اعطيني فرصة معقول نسيتي كل شي كرمال لحظة غضب
هيام: مشان الله كرم تركني بحالي خلص
كرم: طيب كرمال العشرة الي كانت بينا خلي الموبايل معك خليو ذكرة او اي شي اعتبريه كرمال كل فترة وفترة اطمن عليكي
هيام: لا مابدي شي بيذكرني فيك
كرم: معقول بموقف واحد صرتي تكرهيني
هيام : انت الي عملت هيك
كرم: طيب كرمال الحب الي كان بينا خلي موبايل معك انا ماعم بطلب منك شي تاني
هيام:...

كرم: اذا بيوم حبيتيني ولو شوي بتخليه معك
هيام:طيب باخدو بس بشرط
كرم: الي بدك اياه بيصير
هيام: بتبطل تلحقني و تحاول تنساني حتى
كرم: تمام بوعدك ماعاد ازعجك
صارت بعدا حياتي شبه طبيعية مابنكر انو ما قدرت ولا بأي شكل انسى كرم كنت ضل فكر فيه
وكنت بحس اني بتراجع بدراستي من ورا تفكيري فيه
حاولت اعوض او اني شيلو من تفكيري
بس يمكن كرم كان قدري
بعد فترة صار يبعتلي رسايل على الموبايل بحجة يطمن علي
وبيعمل اي حجة ومابعرف كيف صار قلبي يحن وصرت ارد عليه هيك هيك
لحتى يوم قررت سامحو واعطي فرصة لحبنا
ورجعنا متل قبل
بس كنت بحس تغيبر من ناحيتو كان بيغار متير امتر من الطبيعي مع انو انا لا كان عندي لافوتات و لا طلعات ولاحتى رفقات يمكن لهيك كنت بشوفو مخرجي الوحيد
تغيير كتير لدرجة اذا حدا اطلع علي لو تطليعة عادي بيعصب علي انا و بيصير يضرب ايدو بأي مكان لحتى تنزف
كنت بخاف كتير من عصبيتو
وكانت تقرب امتحاناتي وبيزيد الضغط علي كتير
مرة حكيتلو
هيام: كرم انا خايفة قربت امتحاناتي
كرم: لا تخافي انتي قدها هيام بدي اسالك شغلة
هيام: تفضل اسأل
كرم: إذا تقدمتلك هلا بتوافقي
هيام: بس انا عندي امتحانات هلا ولسا قدامي الجامعة بعدين ابوي مارح يوافق ابدا بدو ياني اسس مستقبلي اول شي
كرم: بخليكي تدرسي عندي ومشان ابوكي انا بقنعو
هيام: خلينا اهلص امتحاناتي اول شي بعدين بنحكي
كرم: هلا امتحاناتك اهم مني
هيام: مو هيك القصة بس مابدي اتوتر و يتلخبط نظامي هلا
كرم: مممم
حسيت بيومها انو كرم مصر كتير ماكنت بعرف سبب اصرارو مع انو كنت بعرف وضعو مو وضع زواج هلا ولا الو قدرة يفتح بيت صحيح وضعن المادي ماشي حالو بس مو لدرجة الزواج وهو كان الاخ الكبير بالعيلة
بعد كم يوم سمعت امي عم تقلي انو في حدا جاي يخطبني وانو بابا رفضهم مشان ما يجو عالفاضي
ماعملت قيمة فكرت متل اي بنت ناس جاي تخطبها ولا حتى اعطيت اهتمام
تاني يوم شفت كرم كان معصب كتير
هيام: خير كرم شبك ليش معصب
كرم: يعني ما بتعرفي
هيام : لا والله شوفي
كرم: ابوكي رفض حتى قبل ما يشوفني
هيام: شو هو الي رفضو مافهمت
كرم: خليت اهلي يحكو مع اهلك مشانك بس ابومي رفض حتى قبل ما يشوفني قلي انو بنتي عم تدرس
هيام: انت كنت يالله منك كرم قلتلك اجلها هلا مو هيك اتفقنا
كرم: لا مو هيك انتي الي ماعم تفهمي هل شي بدك تجننيني
ومشي وتركني انا فكرت بيني وبين حالي قلت يمكن من حبو هيك عم يعمل وخلص بابا رفضو اكيد رح يأجل الموضوع
بس لا كرم ما استسلم بنوب صار كل يومين بيبعت حدا عند ابوي و ابوي يرفض يقل مستخيل ازوج بنتي هلا ومستحيل ازوجها

#الجزء_الخامس
#حلم_الياسمين
#بقلم_الكاتبة_نرجس

كرم: هيام انا بحبك والله بحبك من حبي الك هيك عملت والله صدقيني
هيام: مستحيل انت تحب حدا غير حالك انت واحد ندل واطي فكني بدي قوووم
كرم: ماشي رح فكك بس حاج تبكي خلص ما انا رح اتزوجك ليش زعلانة
هيام: انت مرررريض
فكني بعدها وكان حاسب حسابو حتى جايبلي تياب معو رجعنا عالسيارة وانا عم ببكي دم وعم فكر شو بدي ساوي مين بدي خبر معقول بعد الي عملو فيني اتزوج واحد ندل وحقيرر ياربي ساعدني
رجعت عالبيت مكسورة ماقدرت احكي مع حدا من اهلي رحت فتت ع فرشتي ونمت ماقدرت فيق الصبح بنةب ضلت امي تحاكيني وتسألني شبني ماكنت قادرة حتى ارد او احكي مفكرتني مريضة
مرق يومين متل السم علي كنت حاسة حالي ضايعة كنت خايفة شو بدي ساوي اذا لازم خبر اهلي او لا اهملت دراستي اهملت كل شي لدرجة فكرت حتى بالأنتحار
بس كان الخوف من الله اول شي وتاني شي كنت خايفة على اهلي
بعد يومين حاولت ارجع على طبيعتي واترك امري ل الله وشوف شو رح يصير معي
رجعت داومت بالمدرسة اسبوع كامل ماشفت كرم بنوب وكنت بحمد الله اذا مرق يوم وماشفتو وماتعرضلي
بعد اسبوع رجع ورجعت مشاكلو معو
رجع يطلبني من ابوي وهلا مرة خفت كتير يحكي لأهلي شي
صرت احكي لأمي انو تخلي ابوي يوافق بس حتى امي كانت رافضة الفكرة تمام
كنت مقررة اقبل فيه وارضى بقدري
ضل يعمل مشاكل لأهلي ماضل حدا و ما اجى حكى مع ابوي الي صار يعند اكتر و اكتر
بيوم كنت قاعدة شفتو بعتلي رسالة كاتب فيا
كرم: بكرة اخر يوم لأبوكي اذا ما وافق رح ابعتلو الصور
وبلش يبعتلي صوري بلا تياب
هون انا طار عقلي وماعرفت شو ساوي فكرت فكرت
قررت اهرب من البيت قبل ما يبعتلن شي لانو صرت اتوقع كل شي منو
خفت اهلي يقتلوني مع انو ما الي ذنب بلي صار غير اني صدقتو ووثقت فيه
كنت مجمعة شوية مصاري معي و رحت فورا بعت الموبايل الي معي صار معي شوية مصاري
قررت سافر عند عمتي واحكيلها يلي صار كلو يمكن هي تساعدني
كانت عمتي بغير محافظة وطول عمرها حنونة علينا و كان وضعها المادي ممتاز
تاني يوم الصبح رحت قطعت تذكرة وسافرت فورا بدون ما خبر حدا بشي
طول الطريق انا قاعدة ابكي على حظي وعلى مستقبلي الي ضاع وعلى اهلي شو رح يصير فين يمكن غلط اني هربي وطلعت من بيتي بس الخوف بيجر احيانا الإنسان للغلط
طول الطريق وانا ادعي لربي انو يساعدني ويطالعني من الي انا فيه
وصلت عند عمتي سارة اول الي اول ما شافتني انصدمت انو كيف جاية لحالي ومية سؤال سألتني
حكيتلها كل شي صار معي بالتفصيل
سارة : ولي عليكي يا هيام شو عملتي فينا
هيام: والله يا عمتي مو ذنبي اقسم بالله مو ذنبي
سارة: انتي الي كنا نقول عليكي رح ترفعي راسنا وبشطارتك واجتهادك اخ ياربي
هيام: ابوس ايدك حاج تبكي من غير شي عم موت انا كرمال الله ساعديني
سارة : خلص خلص الي صار صار لازم هلا نفكر بحل بس اول شي لازم نتصل بابوكي ونشوف اذا هداك الحقير حاكي شس او لا
بلشت تحكي تتصل مع اهلي اول شي عملت حالها مابتعرف شي ولا الها خبر
سارة: مرحبا اخي كيفك شو اخبارك
بابا: اهلين اختي اهلين
سارة : شبك اخي شو صاير معك شبو صوتك
بابا: اخ يا اختي خليها بالقلب احسن
سارة: كرمال الله لاتخوفني احكيلي شوفي فين شي الولاد
بابا: هيام يا اختي هيام كسرتلي ضهري ووطت راسي بين العالم
سارة: شيها هيام شو عاملة
بابا: اليوم الصبح كان في ظرف حدا حاطتو قدام الباب و فيها صور هيام مع واحد حقير بوضع بيخزي يا اختي رحت لجيبا من المدرسة لقيتها هربانة يا اختي
طبعا رح تهرب عملت عملتها وهربت والله لأشرب من دمها والله
سارة: معقووول لا هيام مابتعمل هيك اخي يمكن بدو يتبلاها واصلا في مية طريقة ليزبطو الصور
بابا: لا اختي عملتها لو ماكانت عاملة شي ماكان الشب بيصير انو يتزوجها لهل الدرجة
سارة : طول بالك اخي استهدي بالرحمان
بابا: ماشي اختي ماشي سكري هلا بدي شوف لاقي حلة لهل مصيبة او لازم اقتلها لهل حقيرة
سارة : طول بالك اخي وبكرة برجع بحكي معك بشوف شو صار
بابا: الله معك اختي
هيام :عمتي شو قال ابي مشان الله احكي
سارة: هيام اهدي شوي لنعرف نفكر
مرق يومين وانا متل الميتة لا باكل ولا بشرب طول الوقت دمعتي ماعم تنشف
بعد يومين اجت عمتي لعندي وسألتني
سارة : هيام بدي أسألك سؤال حاولي تتذكري منيح .. انتي متأكدة انو عملك شي يعني ماعدتي بنت ؟
هيام: شفت دم يا عمتي بس مابعرف شو صار لانو عطاني مخدر ما حسيت بشي
سارة: مممم طيب
هيام: لشو عم تفكري عمتي
سارة: استني هلا بدي ارجع اتصل مع ابوكي واشوف شو صاير
سارة : مرحبا اخي
بابا: هلا اختي
سارة: طمني اختي شو صار معك
بابا: ماصار شي اختي عم دور ع مقصوفة الرقبة بدي اشرب من دمها
سارة : اخي طول بالك وفكر بالمنطق
بابا: ليش خلت فيني من