#الجزء_السادس #انتهت
#حلم_الياسمين
#بقلم_الكاتبة_نرجس

هيام: عمتي معقول تخليني اتزوج هداك الندل معقول اعيش كل حياتي مع انسان انا بكرهوو
سارة: لأ حبيبتي مارح خليكي تتزوجيه خلص بس طولي بالك علي بدي اخدك عالدكتور هلا
هيام: لشو الدكتور عمتي
سارة: بدي خليه يكشف عليكي بدنا نتأكد
هيام: لا تزيديلي مواجعي عمتي كرمال الله
سارة: بلا حكي قومي جهزي حالك يلا
رحنا عند الدكتورة وانا بالطريق منهارة بعرف ومتأكدة باللي صار
وصلنا عند الدكتورة واجى دوري وفتنا لعندها
سارة: مرحبا دكتورة
دكتورة: تفضلو كيف فيني ساعدكن
سارة : جايين نكشف على بنت اخي بدنا نعرف أذا لساتها بنت
دكتورة:ممممم
سارة: ناتخافي دكتورة ماحدا رح يقتلها قصتها طويلة بس احكيلنا الحقيقة الله يخليكي
دكتورة: تفضلي معي يا بنتي
هيام: .....
سارة: ماتخافي هيام يلا
وبلشت تفحصني وصرت عم حس على ملامحها الصدمة
دكتورة: يا اختي مادام البنت مو عاملة شي ليش جايين تكشفو عليها
هيام: شو شو شووو قصدك دكتورة
سارة: يعنييي ....
دكتورة: البنت ماحدا مقرب عليها ولا فيها شي
سارة: الله يخليكي متأكدة دكتورة طمنينا الله يطمن بالك
دكتورة: اي متل ماعم قلك البنت مافيا شي
ماكنت عم صدق يلي حكتو الدكتورة حسيت الله سمع دعائي وطالعني من يلي انا فيه
صارت عمتي تسحبني من ايدي كانت مبسوطة اكتر مني
فورا صارت تتصل بأبي
سارة: ااااخي نحن جايين هلا بس قبل ما نحي رح توعدني وتحلفلي برحمة ابوك وامك مارح تعمل لهيام شي بنتك مو عاملة شي بحياة ولادي يا اخي
بابا: ....
سارة : وعدني اخي مارح نجي قيل ماتوعدني
بابا: خلص اختي بوعدك بس اقسم بالله اذا تمون عاملة شي بدي اتبرا منها دنيا واخرة
سارة: خلص اخي نحن جايين
واخدتني عمتي فورا محل قطع تذاكر و اخدنا اول بولمان نازل ع المدينة الي اهلي فيها
طول الطريق انا مبسوطة وخايفة من نفس الوقت صرت افكر باسوء الحالاات صرت فكر انو يمكن الدكتورة حكت هيك خوفا انو يعملولي شي اهلي
كان فمرة تاخدني وفكرة تجيبني لحتى وصلنا
وصلنا عالبيت وكان أبي كأنو إنسان تاني كأنو كبران شي عشر سنين كان بعيوني نظرة قهر كسرتني
مارضي ابي يطلع بوجي او حتى يحكيني
ركضت امي وحضنتني وصارت تبكي وتقلي
ليش هيك عملتي يا بنتي ليششش
هيام: والله يا أمي ماعملت شي والله
سارة: خلص هيام فوتي لجوا بدي اعرف احكي مع ابوكي وامي


سارة : اخي شو صار معك حكيت مع الشب
بابا: اي حكيت معو وطلبت منو يجي لعندي اليوم ويكسر قدامي كل شي فيو صور رح خليه يحلف عالقرأن
سارة: اخي تمام بعد ما يعمل هيك قلعوو وبهدلو
بابا: بس اختي
سارة: اخي بنتك مو عاملة شي و قبل ما نجي لهون اخدتها عالدكتورة واالله العظيم مافيا شي
بابا: عنجد عم تحكي
سارة: اي اخي متأكدة اذا بدك رح نرجع ناخدها عند دكتورة هون
بابا:بس هداك الحقير عمل هيك كرمال يتزوجها بخاف يعملنا فضيحة
سارة : مادام بنتك مو عاملة شي ليش لتخاف
بابا: إنشاء الله خير
وبنفس اليوم اجى كرم لعند اهلي وصار يكسر موبايلو و لاب توب ويحرق الصور
بعد ما خلص صار ابي يبهدلو
بابا: انت واحد حقير شو صدقت اني زوجك بنتي ماتحلم تشوف اصبع من اصبعها
كرم: شو كبران راسك عمي والله رح افضحكن والله
وعصب ابي وبلش بدو يتهجم على كرم وصار عمتي و امي بحاولو يمسكووه
راح من هون كرم و بلشت عمتي تحكي مع زوجها الي بيشتغل بالأمن طبعا هو بيعرف كل القصة
طلب منا انو اذا ما وقف نرفع عليه قضية كرمال يوقفوه عند حدو
تاني يوم بلش كرم يبعت ناس يهددو ابوي و يزعجوه ويقولولو انو عند كرم صور تانية و يعايروه انو كيف بنتك عايبة و مابدك تستر عليها
من كتر ما ابي عصب شفت لأول مرة دموع بعيونو تمنيت اموت بلحظتها ابي الي كان يشوف الموت بعيونو ليعشنا ولا عمرو نزلتلو دمعة انا الي خليتو يبكي
بلشنا رفعنا عليه قضية و صار في تحقيق وشي ياخدونا ويجيبونا كان كل شي لصالحي
بلشو اهلو يترجو ابوي انو يتنازل عن حقو كرمال ابنن مايفوت الحبس بس ابي ضل مصر كان يقلن حق بنتي بدي رجعو لو بدي موت
مع انو ابي من اول مارجعت ماكان يحاكيني ولا حتى يطلع فيني
مرقت الأيام وكل مالها القضية عم تكبر وصارت الناس بتعرف وكرم كل يوم بيعملنا مشكلة جديدة
لحتى اجى يوم وصدر قرار انو ينسجن سنة كاملة
بيومها حسيت انو صار في أمل الدنيا تضحكلي
بنفس اليوم اجى ابوه وجايب معو ناس اجو ليقنعو ابوي انو يسقط حقو مقابيل يخلو ابنن يطلع يسافر برا البلد
وصار يترجوه ترجي
كان اول مرة بيحكي معي ابوي بيومها
بابا: هيام انا قلبي مكسور منك كتير بس بتضلي بنتي وشقفة من روحي يدي اسالك وجاوبيني بدك تتنازلي عن حقك او لا جاوبيني ولا تخافي
هيام: لا بابا مابدي اتنازل عن حقي ابدا لو بيصحلي اخليه ينسجن مدة اطول مو بس سنة وح

#الجزء_الثاني
#حلم_الياسمين
#بقلم_الكاتبة_نرجس

بعد ما حسيتن تركو ايدي كنت حاسة انو مغمي علي من الخوف ماكنت استرجي افتح عيوني كان كل جسمي متشنج
حسيت حدا عم يصحيني فتحت عيوني لقيت كؤم فوق راسي وخايف كتير شكلو
كرم:هيام انتي منيحة احكي اي شي لاتخوفيني
هيام: انا انا .. وبلشت بكي
كرم :لا تبكي هيام خلص راحو بس ردي علي عملولك شي هدول قليلي الشرف
هيام(وهي تبكي):لا ماعملو شي لو ما لحقتني ماكنت بعرف شو رح يساوو
كرم : خلص لا تبكي ماصار شي ليش لتجي من شارع فاضي
هيام: مابعرف مابعرف
مشيت بسرعة بدي ارجع ع البيت كرم حاول يوقفني كتير ويهديني ماكان في فايدة بس ضل لاحقني لوصلت عالبيت
فتت عالبيت و انا عم بلعث عم جر نفسي جر
اجت امي مفزوعة
ماما:شوفي هيام شو صاير معك ليش هيك مقطوع نفسك
هيام:مافي شي امي مافي شي
ماما: لك امي شلون مافي شي وانتي هيك لونك مخطوف
هيام: ماما مافي شي بس اجيت ركض لانو كانها بدها تمطر انقطع نفسي
ماما : طيب يا بنتي فوتي غسلي بدي حط الغدا تعي ساعديني
هيام : تمام ماما
فتت والاحداث عم تدور براسي وكلما اتذكر اللحظة جسمي بيرجف وبينتفض حمدت ربي الف مرة انو كرم لحقني
الي شغلني اكتر كيف شافني وكيف لحقني حاولت اتناسى الي صار وكون طبيعية مع اهلي خفت احكيلن
خفت اخكي و من خوفن يمنعوني من دراستي كان دراستي اهم شي عندي كان الي طموح كبير وكنت بسعى لحققو يمكن كرمال اعوض اهلي على التضحية الي بيضحوها كرمالي
مابعرف كيف مرق هداك اليوم كنت بتقلب بفرشتي طول الليل كلما بغفى بشوف كابوس بفيق مفزوعة صورة الشبين ماكانت تروح من بالي
فقت الصبح رحت ع مدرستي وانا عم امشي واطلع حوالي من الخوف و ركبي عم ترجف كلما مرق حدا من حدي
سمعت صوت عم يناديني التفتت شفت كرم كان شكلو كأنو مو نايم
كرم:هيام معليش توقفي شوي وتحاكيني
هيام: شوفي شو بدك
كرم: بدي اطمن عليكي مبارحة مشيتي وماعد رديتي علي
هيام: انا منيحة
كرم: طيب عالقليلية اشكريني بالاخير انا انقذتك
هيام:شكرا الك ماتواخذني من الخوف مابعرف شو صرلي
كرم: ولا يهمك لا تخافي خلص راح بس ماعد تمشي بشوارع فاضية لحالك مو كل مرة فيني الحقك
هيام: صحيح انت كيف عرفت بمكاني
كرم بتلبك: انا كنت مارق من هنيك صدفة
هيام:غريب مع انو انت بهل وقت لازم تكون بالمحل مو
كرم: اي اي بس صدفة
هيام: طيب بتشكرك كمان هلا لازم امشي يلا باي
كرم:الله معك
مشيت بس ما اقتنعت بجوابو انو طلع من هنيك صدفة حسيت في شي ورا حكيو
مرقت الايام وكرم ماكان يروح من بالي او يمكن هو ماكان يخليني انساه كنت بحسو لاحقني وقت اروح وارجع من المدرسة بس ما اعطيت اهتمام لهل ذي قلت يمكن عم يوصل اغراض بحكم انو عندن محل للجملة والمفرق كمان وكانو بياخدو طلبيات للبيوت

مرقت الأيام ومرقت سنة على هل حال ضل ملاحقني ضبح وضهر ما تعب ولا مل وضار الشغلة عندي عادية
خلصت الحادي عاشر وطلعت الاولى عالمدرسة كالعادة متل كل سنة
كان اهلي ما عطين فرحتن لحدا وكان ابي عطول يقلي نجاحك و تفوفك بيخليني انسى تعبي الي بتعبو مشانكم
وهاد كان يخليني اتعب على حالي اكتر واكتر
خلصت العطلة الصيفية كالعادة كنا نقضيها انا واخواتي بالضيعة عند دار جدي كرمال نخفف مصرفونا و نوفرو قبل ما تبلش موسم الدراسة و المدرسة
بلشت السنة الجديدة كنت بكلوريا الحمل زاد ولخوف زاد
كنت فرع علمي طبعا
كان صعب ما بنكر هل شي بس طموحي انو وصل لهدفي كان بيتلاشى هل خوف شوي
بلشت السنة الجديدة بعزم واصرار كان المرحلة الفاضلة بالنسبة الي
بلشت وكنت نسيانة كل شي صار معي من السنة ااي راحت حاطة ببالي بس دراستي كان كتير بنات بصفي بيسموني معقدة وكتير صفات تانية بس ما كنت بهتم بحكين
يمكن لهل الشي ماكان الي رفقات
كنت ناسية كرم تماما ولا كان ببالي
بيوم كنت راجعة من المدرسة لمحتو فكرت بيني وبين حالي معقول من هديك السنة ولسا عم يلحقني
رديت شلت الفكرة من راسي
تاني يوم شفتو جاي قبالي حسيتو جاي بحكي معي توترت كتير مابعرف ليش
وماخاب ظني
كرم:هيام كيفك
هيام: هلا كرم الحمد لله شو اخبارك انت
كرم: منيح الحمد لله كيف دراستك
هيام: دراستي تمام في شي كرم
كرم: لا مافي شي بس حبيت اسلم عليكي ماكنتي مبينة طول عطلة الصيف
هيام: مممم كنا بالضيعة
كرم: طيب مابدي اخرك عالبيت يلا سلام
هيام:سلام الله معك
ضل كل يوم وانا راجعة يجي و يحكي معي كل يوم بحجة شكل ومابعرف ليش كنت مبسوطة لهل الشي
ضلينا كتير هيك لحتى تعودت عليه
كان كرم بعيني شب ولا كل الشباب كنت بحسو صادق وشفاف معي
يمكن لانو ماكنت بعرف اي شب من قبلو او يمكن كنت مراهقة وشافت شوية اهتمام فكرت انو هاد هو الشب المطلوب
كنا ماشين متل العادة ونحن بنقرب عالبيت قلي بدي قلك شي هيام
كرم: هيام بدي قلك شي وفكري فيه منيح
كرم: هي

#الجزء_الثالث_الرابع
#حلم_الياسمين
#بقلم_الكاتبة_نرجس
من بعد الكف حسيت كل شي تافه قدام كرامة الانسان الحب الغرام كل شي تافه قدام الكرامة
الكرامة اهم شي بيملكو الانسان اذا خسرها بيخسر كل شي
مشيت وماعد تطلعت وراي
ضل كرم لاحقني وبدو يحكي معي ماعرفت شو بدو يحكي او كيف فيو يطلع بعيوني بعد الي عملو
صحيح نحن وضعنا المادي كان سيء بس بابا كان مريينا ع الكرامة و لا مرة مد ايدو علينا ولا مرة اهانا قدام حدا
رجعت عالبيت حسيت الدنيا اسودت بعيني
معقول الانسان الي حبيتو ووثقت فيه هيك بيعمل وعلى شو على سبب حتى انا مابعرف شو هو
تخربط كل نظامي ماعد عرفت ادرس او اكل
ضليت يومين مريضة بالفرشة مافيني قوم لا بروح مدرسة ولا بحكي مع حدا
كان روحي هو المريض مو جسدي من كبر الخيبة الي تعرضتلها
تاني يوم قررت انو انا لازم اكون اقوا ومستقبلي اهم من بعد حكيو وتصرفو تمسكت بدراستي اكتر واكتر
من بعد يومين رجعت داومت بالمدرسة
متل العادة اول ماشفني كرم حاول بدو يحكي معي كنت بعمل حالي ما بسمعو ومابشوفو بس قررت ارجعلو موبايلو الي عطاني اياه اصلا هو جابه الي كرمال حاكيه وهلا خلص كل شي انتهى
وقفت لأحكي معو التفتت لناحيتو شفتو واقف والدمع مليان عيونو
بصراحة هل منظر وجعلي قلبي اول مرة بشوفو هيك
بس قويت قلبي و قلتلو
هيام: كرم خد موبايلك
كرم:هيام انا اسف
هيام: خلص كرم نحن عقلنا ما بيتطابق خلص انت من طريق وانا من طريق
كرم: كيف بهون عليكي
هيام:متل ماهنت عليك ترفع ايدك علي اذا هلا هيك بكرة كيف
كرم: كانت لحظة غضب والله العظيم انا ندمت لاتعملي فيني هيك هيام
هيام: قلتلك خد موبايلك وامشي خلصنا
كرم:اعطيني فرصة معقول نسيتي كل شي كرمال لحظة غضب
هيام: مشان الله كرم تركني بحالي خلص
كرم: طيب كرمال العشرة الي كانت بينا خلي الموبايل معك خليو ذكرة او اي شي اعتبريه كرمال كل فترة وفترة اطمن عليكي
هيام: لا مابدي شي بيذكرني فيك
كرم: معقول بموقف واحد صرتي تكرهيني
هيام : انت الي عملت هيك
كرم: طيب كرمال الحب الي كان بينا خلي موبايل معك انا ماعم بطلب منك شي تاني
هيام:...

كرم: اذا بيوم حبيتيني ولو شوي بتخليه معك
هيام:طيب باخدو بس بشرط
كرم: الي بدك اياه بيصير
هيام: بتبطل تلحقني و تحاول تنساني حتى
كرم: تمام بوعدك ماعاد ازعجك
صارت بعدا حياتي شبه طبيعية مابنكر انو ما قدرت ولا بأي شكل انسى كرم كنت ضل فكر فيه
وكنت بحس اني بتراجع بدراستي من ورا تفكيري فيه
حاولت اعوض او اني شيلو من تفكيري
بس يمكن كرم كان قدري
بعد فترة صار يبعتلي رسايل على الموبايل بحجة يطمن علي
وبيعمل اي حجة ومابعرف كيف صار قلبي يحن وصرت ارد عليه هيك هيك
لحتى يوم قررت سامحو واعطي فرصة لحبنا
ورجعنا متل قبل
بس كنت بحس تغيبر من ناحيتو كان بيغار متير امتر من الطبيعي مع انو انا لا كان عندي لافوتات و لا طلعات ولاحتى رفقات يمكن لهيك كنت بشوفو مخرجي الوحيد
تغيير كتير لدرجة اذا حدا اطلع علي لو تطليعة عادي بيعصب علي انا و بيصير يضرب ايدو بأي مكان لحتى تنزف
كنت بخاف كتير من عصبيتو
وكانت تقرب امتحاناتي وبيزيد الضغط علي كتير
مرة حكيتلو
هيام: كرم انا خايفة قربت امتحاناتي
كرم: لا تخافي انتي قدها هيام بدي اسالك شغلة
هيام: تفضل اسأل
كرم: إذا تقدمتلك هلا بتوافقي
هيام: بس انا عندي امتحانات هلا ولسا قدامي الجامعة بعدين ابوي مارح يوافق ابدا بدو ياني اسس مستقبلي اول شي
كرم: بخليكي تدرسي عندي ومشان ابوكي انا بقنعو
هيام: خلينا اهلص امتحاناتي اول شي بعدين بنحكي
كرم: هلا امتحاناتك اهم مني
هيام: مو هيك القصة بس مابدي اتوتر و يتلخبط نظامي هلا
كرم: مممم
حسيت بيومها انو كرم مصر كتير ماكنت بعرف سبب اصرارو مع انو كنت بعرف وضعو مو وضع زواج هلا ولا الو قدرة يفتح بيت صحيح وضعن المادي ماشي حالو بس مو لدرجة الزواج وهو كان الاخ الكبير بالعيلة
بعد كم يوم سمعت امي عم تقلي انو في حدا جاي يخطبني وانو بابا رفضهم مشان ما يجو عالفاضي
ماعملت قيمة فكرت متل اي بنت ناس جاي تخطبها ولا حتى اعطيت اهتمام
تاني يوم شفت كرم كان معصب كتير
هيام: خير كرم شبك ليش معصب
كرم: يعني ما بتعرفي
هيام : لا والله شوفي
كرم: ابوكي رفض حتى قبل ما يشوفني
هيام: شو هو الي رفضو مافهمت
كرم: خليت اهلي يحكو مع اهلك مشانك بس ابومي رفض حتى قبل ما يشوفني قلي انو بنتي عم تدرس
هيام: انت كنت يالله منك كرم قلتلك اجلها هلا مو هيك اتفقنا
كرم: لا مو هيك انتي الي ماعم تفهمي هل شي بدك تجننيني
ومشي وتركني انا فكرت بيني وبين حالي قلت يمكن من حبو هيك عم يعمل وخلص بابا رفضو اكيد رح يأجل الموضوع
بس لا كرم ما استسلم بنوب صار كل يومين بيبعت حدا عند ابوي و ابوي يرفض يقل مستخيل ازوج بنتي هلا ومستحيل ازوجها

#الجزء_الخامس
#حلم_الياسمين
#بقلم_الكاتبة_نرجس

كرم: هيام انا بحبك والله بحبك من حبي الك هيك عملت والله صدقيني
هيام: مستحيل انت تحب حدا غير حالك انت واحد ندل واطي فكني بدي قوووم
كرم: ماشي رح فكك بس حاج تبكي خلص ما انا رح اتزوجك ليش زعلانة
هيام: انت مرررريض
فكني بعدها وكان حاسب حسابو حتى جايبلي تياب معو رجعنا عالسيارة وانا عم ببكي دم وعم فكر شو بدي ساوي مين بدي خبر معقول بعد الي عملو فيني اتزوج واحد ندل وحقيرر ياربي ساعدني
رجعت عالبيت مكسورة ماقدرت احكي مع حدا من اهلي رحت فتت ع فرشتي ونمت ماقدرت فيق الصبح بنةب ضلت امي تحاكيني وتسألني شبني ماكنت قادرة حتى ارد او احكي مفكرتني مريضة
مرق يومين متل السم علي كنت حاسة حالي ضايعة كنت خايفة شو بدي ساوي اذا لازم خبر اهلي او لا اهملت دراستي اهملت كل شي لدرجة فكرت حتى بالأنتحار
بس كان الخوف من الله اول شي وتاني شي كنت خايفة على اهلي
بعد يومين حاولت ارجع على طبيعتي واترك امري ل الله وشوف شو رح يصير معي
رجعت داومت بالمدرسة اسبوع كامل ماشفت كرم بنوب وكنت بحمد الله اذا مرق يوم وماشفتو وماتعرضلي
بعد اسبوع رجع ورجعت مشاكلو معو
رجع يطلبني من ابوي وهلا مرة خفت كتير يحكي لأهلي شي
صرت احكي لأمي انو تخلي ابوي يوافق بس حتى امي كانت رافضة الفكرة تمام
كنت مقررة اقبل فيه وارضى بقدري
ضل يعمل مشاكل لأهلي ماضل حدا و ما اجى حكى مع ابوي الي صار يعند اكتر و اكتر
بيوم كنت قاعدة شفتو بعتلي رسالة كاتب فيا
كرم: بكرة اخر يوم لأبوكي اذا ما وافق رح ابعتلو الصور
وبلش يبعتلي صوري بلا تياب
هون انا طار عقلي وماعرفت شو ساوي فكرت فكرت
قررت اهرب من البيت قبل ما يبعتلن شي لانو صرت اتوقع كل شي منو
خفت اهلي يقتلوني مع انو ما الي ذنب بلي صار غير اني صدقتو ووثقت فيه
كنت مجمعة شوية مصاري معي و رحت فورا بعت الموبايل الي معي صار معي شوية مصاري
قررت سافر عند عمتي واحكيلها يلي صار كلو يمكن هي تساعدني
كانت عمتي بغير محافظة وطول عمرها حنونة علينا و كان وضعها المادي ممتاز
تاني يوم الصبح رحت قطعت تذكرة وسافرت فورا بدون ما خبر حدا بشي
طول الطريق انا قاعدة ابكي على حظي وعلى مستقبلي الي ضاع وعلى اهلي شو رح يصير فين يمكن غلط اني هربي وطلعت من بيتي بس الخوف بيجر احيانا الإنسان للغلط
طول الطريق وانا ادعي لربي انو يساعدني ويطالعني من الي انا فيه
وصلت عند عمتي سارة اول الي اول ما شافتني انصدمت انو كيف جاية لحالي ومية سؤال سألتني
حكيتلها كل شي صار معي بالتفصيل
سارة : ولي عليكي يا هيام شو عملتي فينا
هيام: والله يا عمتي مو ذنبي اقسم بالله مو ذنبي
سارة: انتي الي كنا نقول عليكي رح ترفعي راسنا وبشطارتك واجتهادك اخ ياربي
هيام: ابوس ايدك حاج تبكي من غير شي عم موت انا كرمال الله ساعديني
سارة : خلص خلص الي صار صار لازم هلا نفكر بحل بس اول شي لازم نتصل بابوكي ونشوف اذا هداك الحقير حاكي شس او لا
بلشت تحكي تتصل مع اهلي اول شي عملت حالها مابتعرف شي ولا الها خبر
سارة: مرحبا اخي كيفك شو اخبارك
بابا: اهلين اختي اهلين
سارة : شبك اخي شو صاير معك شبو صوتك
بابا: اخ يا اختي خليها بالقلب احسن
سارة: كرمال الله لاتخوفني احكيلي شوفي فين شي الولاد
بابا: هيام يا اختي هيام كسرتلي ضهري ووطت راسي بين العالم
سارة: شيها هيام شو عاملة
بابا: اليوم الصبح كان في ظرف حدا حاطتو قدام الباب و فيها صور هيام مع واحد حقير بوضع بيخزي يا اختي رحت لجيبا من المدرسة لقيتها هربانة يا اختي
طبعا رح تهرب عملت عملتها وهربت والله لأشرب من دمها والله
سارة: معقووول لا هيام مابتعمل هيك اخي يمكن بدو يتبلاها واصلا في مية طريقة ليزبطو الصور
بابا: لا اختي عملتها لو ماكانت عاملة شي ماكان الشب بيصير انو يتزوجها لهل الدرجة
سارة : طول بالك اخي استهدي بالرحمان
بابا: ماشي اختي ماشي سكري هلا بدي شوف لاقي حلة لهل مصيبة او لازم اقتلها لهل حقيرة
سارة : طول بالك اخي وبكرة برجع بحكي معك بشوف شو صار
بابا: الله معك اختي
هيام :عمتي شو قال ابي مشان الله احكي
سارة: هيام اهدي شوي لنعرف نفكر
مرق يومين وانا متل الميتة لا باكل ولا بشرب طول الوقت دمعتي ماعم تنشف
بعد يومين اجت عمتي لعندي وسألتني
سارة : هيام بدي أسألك سؤال حاولي تتذكري منيح .. انتي متأكدة انو عملك شي يعني ماعدتي بنت ؟
هيام: شفت دم يا عمتي بس مابعرف شو صار لانو عطاني مخدر ما حسيت بشي
سارة: مممم طيب
هيام: لشو عم تفكري عمتي
سارة: استني هلا بدي ارجع اتصل مع ابوكي واشوف شو صاير
سارة : مرحبا اخي
بابا: هلا اختي
سارة: طمني اختي شو صار معك
بابا: ماصار شي اختي عم دور ع مقصوفة الرقبة بدي اشرب من دمها
سارة : اخي طول بالك وفكر بالمنطق
بابا: ليش خلت فيني من

قصة جديدة: #حلم_الياسمين
............
قراءة ممتعة🦋💙"
#ⴅÂÐЄĦÂ

#حلم_الياسمين
#بقلم_نرجس
#الجزء_الأول

كل شي الو بداية ببلش بلحظة و بينطفي وبينتهي كمان بلحظة او بموقف
حتى الحياة بتمر كأنها لحظات حزن وفرح و دموع وضحكات
اما انا كانت حياتي دموع وخيبات كتيرة
تربيت و كبرت بعائلة عادية
عائلة كأي عائلة انا الكبيرة واخ صغير واختين الي كمان كانو صغار
انو تكون اكبر واحد بالعيلة بيكون الاعتماد والعين كلو عليك بس هل شي ابدا ماكان يزعجني
وضعنا المادي كانت وسط او تحت الوسط كنا عايشين برحمة الله
يوم ابي بيشتغل بالتعتيل ويوم ما يكون في شغل
كنت عم شوفو عم يفنى عمرو كرمالنا كرمال مانحتاج لحدا وهل الشي الي كان يخليني اتمسك بدراستي اكتر واكتر
من انا وصغيرة كنت متفوقة كتير بدراستي ودائما من الأوائل
خلصت الإبتدائي بمعدل ممتاز او اكتر من الممتاز حتى والإعدادية كمان نفس الشي
وصلت للصف الحادي عشر بلشت قصتي من هون
صح كنت صغيرة يمكن هاد الشي الي دمرني اكتر اني كنت جاهلة بأمور الحياة ماكان لا عندي رفقات و لا شي ماكنت بحب الاختلاط كتير
بيوم كنت رايحة عالمدرسة كالعادة وانا ماشية
شفت شلة شباب عم يتخانقو بالطريق
حاولت اتجنبن بس ماكان في مجال حارة ضايقة وكانو مسكرين الطريق مشيت عجنب الرصيف ما شفت غير شب وقع ع طرفي ووقعني معو
ماشفت حالي غير صرت عالارض
انضرب راسي عطرف الرصيف
شفت واحد من الشباب اجى عندي
الشب: شو يا انسة صرلك شي انتي منيحة هاتي ايدك فيكي توقفي
هيام: اي منيحة مافيني شي بقوم لحالي
الشب: انا اسف كتير مابعرف كيف صار هيك ماتواخذينا شباب عم يتخانقو عم نفك بيناتن
هيام :مو مشكلة معلش تبعد مشان امشي تأخرت على مدرستي
الشب: برجع بعتذر منك .. او شو هاد راسك عم ينزف
هيام:مافيو شي مجرد جرح صغير خليني امشي
الشب: لا مابيصير راسك انكسر لازم اخدك عالمشفى
هيام:قلتلك مافي شي بعد هيك
يومها عصبت كتير وضليت ماشية بس شكلو جرحي كان غميق شوي لانو بعدا مشيت خطوتين ودخت وماعد حسيت ع شي
فقت لقيت حالي بالمشفى والشب قاعد عندي بالغرفة
هيام: شو عم ساوي هون كيف اجيت لهون
الشب : طولي بالك يا انسة انتي وفعتي بالشارع وانا اسعفتك مافيكي شي بس الدكتور قال لازم تضلي تحت المراقبة يوم كامل
هيام : اهلي انا لازم خبر اهلي
الشب : خدي احكي معن من موبايلي
هيام:بس ...
الشب:ماعندكم تلفون صح
هيام: اممم لا ماعنا
الشب طيب هلا رح ابعت حدا من الشباب يخبرن باللي صار
هيام:ليش انت بتعرف بيتنا
الشب: انا جاركم بس ماسبق وتعرفنا على فكرة انا اسمي كرم انتي هيام صح
هيام :اي صح كيف بتعرف اسمي
كرم:ماقلنا نحن جيران اخواتك الصغار عطول بيضلو يلعبو مع اخواتي العتب عليكي انتي الي مابتطلعي وتشوفي العالم و الجيران طبيعي مارح تعرفين
هيام: ممممم
كرم:رح اتركك ترتاحي بطمن عليكي بعدين سلام
ضليت مصدومة على الشي الي صار فيني ومابعرف ليش كنت بفكر بكرم شوي و اجو اهلي
ماما(هي تبكي):يبعتلي حمى عليكي يابنتي شو صاير معك ليش هيك
بابا: شوفي يابنتي شو صاير مابعرف كيف تركت الشغل واجيت ركض
هيام:مافي شي بابا دهت ووقعت بالشارع ومابعرف مين اسعفني
ماما : انتي منيحة هلا بنتي احكي
بابا: انا رح روح شوف الدكتور
هيام: يا امي مافيني شي والله صدقيني
بابا : خلص ام هيام اطمني سألت الدكتور قال مافي شي بس خلها تحت المراقبة مشان يتأكدو انو مافيا شي
هيام : بابا الله يخليك قول لدكتور بدي اطلع هلا انا منيحة لازم روح عالبيت ادرس بكرة عندي فحص مهم
ماما:بس يا عمري انتي لازم نطمن عليكي
بابا: اي بنتي لازم نطمن
هيام:مشان الله مافيني شي عندي فحص مابدي يروح علي
بابا: طيب هلا بروح بشوف الدكتور كمان
راح بابا شوي ورجع خبرنا انو فيني اطلع بس على مسؤليتي وافقت وطلعنا رجعنا عالبيت
كان عم يدور براسي الشي الي صار معي ماعملت اهمية لشي
رجعت عالبيت و فتت فورا لأدرس ماكنت حابة ضيع ووقت
تاني يوم الصرح فقت كالعادة جهزت حالي لاروح عالمدرسة
رحت وانا بالطريق لمحت كرم عراس الشارع عملت حالي مو شايفتو وكملت مشي عالمدرسة
شفتو لحقني وحاول يوقفني
كرم :هيام معلش بس دقيقة
هيام : شوفي انا لازم امشي لو سمحت
كرم:انتي ليش طالعة من المشفى مو كان لازم تبقي
هيام: اي انا مافيني شي لهيك طلعت
كرم : بس
هيام: لازم امشي انا سلام
مشيت من عندو وكان قلبي يرجف اول مرة بحكي مع شب او يمكن اول مرة باخد وبعطي كتير مع شخص غريب علي
كنت صغيرة وجاهلة عا امور الحياة و على كتير شغلات
كنت كل يوم وقت اروح عالمدرسة وارجع منت بشوف كرم ماكان يشيل عينو عني
مااكنت اعطي اهتمام لهل الشغلة كنت مفكرة انو بيشتغل بمحل الي عالشارع لهيك ماعطيت اي اهتمام للشغلة
بس ما بنكر انو كان كلما بشوفو قليي يدق بسرعة ماكنت بعرف السبب وكان بيضل ببالي عطول

بيوم كنت راجعة من المدرسة قررت غير من طريقي كرما