#رحيل_بلا_وداع
#قصة_واقعية
#الجزء_الأول
#بقلم_فتاة_من_ورق
هي جميلة .. لم يكن جمالها ينبع من أيّ جمال خارجي مؤقت ... كان جمالها ينبع من اعماق روحها .
_________________________________________
((1995))
مروة : اي امي احكيلي اجو مبارح الخطابين ؟
ام احمد : اي اجو و طلبوها لاختك .
مروة : شو مواصفات الشب احكيلي بالتفصيل .
ام احمد : عمرو 29 سنة و دارس هندسة و طلبو تكون البنت حلوة و ملتزمة وخلاقها عالية ولقو طلبن عنا هيك قالت امو .
مروة : شو وضعهن المادي ؟
ام احمد : قال وضعهن كتير منيح ابوه للشب و عمو مسافرين برا البلد من زمان و مستقرين برا بس عندهن كتير املاك هون وهو الشب عندو بيت باسمو هون .
مروة : شو قلتيلهم ؟
ام احمد : قلتلهم تفضلو بعد 4 ايام لنردلكن الخبر .
مروة : يعني ليلى رح تتزوج على غربة .
ام احمد : اذا صار نصيب .
ليلى : هي القهوة صارت جاهزة .
مروة : يسلمو ايديكي يا عروس .
ليلى : هههه عروس ! لسا ما صرت عروس .
مروة : اي رح تصيري ، ما قلتيلي امي شو رأيو ابي ؟
ام احمد : ابوكي عم يسأل عن الشب بس ما عاجبتو شغلة الغربة .
رؤى : بصراحة ماما وانا كمان ما بدي اختي ليلى تسافر .
مروة : خلوها تسافر و تشوف هالدنيا بعدين اذا الشب منيح لشو توقفو بطريقها .
ام احمد : الله يقدم يلي فيه الخير .
ليلى : امين .
مروة : امين .
* اختي مروة عمرها 26 سنة متزوجة و عندها ولد وبنت ، اختي رؤى عمرها 23 سنة متزوجة و عندها بنت و انا ليلى عمري 20 سنة الصغيرة بين اخواتي البنات اخدت البكلوريا وما كملت دراستي بسبب ظروف اهلي المادية و عقلية ابي يلي رافض مبدأ الجامعة من اساسو ، اخي الكبير احمد عمرو 27 سنة و اخي الصغير ايهم عمرو 19 سنة ... عيلة اهلي ملتزمة بالدين و ربونا على هالشي ابي ما عندو املاك ولا عندو اراضي بس عندو سمعة متل المسك وكل الناس بتمدح منو .
#بقلم_فتاة_من_ورق
_________________________________________
ام سعيد : البنت حلوة و مؤدبة متل ما طلبت .
مصطفى : الحمدلله ان شاء الله يقبلو .
ام سعيد : ان شاء الله ، اخترتلك ياها كحلة بما انك انت اشقر .
مصطفى : الله يخليلنا ياكي امي ، انا هلأ لازم سكر ان شاء الله بعد اسبوع بنزل و الله يقدم يلي فيه الخير .
ام سعيد : امين ، الله معك حبيبي .
_________________________________________
بعد مرور 3 ايام ...
ام احمد : شو قررت ابو احمد ؟
ابو احمد : كل الناس يلي سألتهن عن عيلة الشب مدحولي منهن ومن اخلاقهن .
ام احمد : اي والنعم معناها موافق .
ابو احمد : مع انو سمعتهن طيبة بس ما بدي ابعتها عالغربة بدي خليها قدام عيني متل خواتها .
ام احمد : شو نعمل يا ابو احمد اذا الشب عايش بالغربة و شغلو بالغربة بعدين خليها تطلع و تشوف الدنيا يمكن تنسعد اكتر من خواتها .
ابو احمد : الله يخترلها الخير .
ام احمد : شو يعني خبرهن انو موافقين ؟
ابو احمد : اي .
#بقلم_فتاة_من_ورق
باليوم التاني ...
ام سعيد : والله الي من يوم يلي شفت ليلى وانا عم ادعي انها تكون من نصيب ابني مصطفى .
ام احمد : الله ييسرلهن و يسعدهن .
ام سعيد : ان شاء الله بكرا جاي مصطفى من السفر منزوركن و منحدد موعد الخطبة .
ام احمد : يوصل بالسلامة يا رب .
_________________________________________
*بعد اسبوعين صارت خطبتي كان شهر 10 سنة 1995 ... مصطفى دخل قلبي من اول مرة شفتو كان حلو و واثق من نفسو و اخلاقو عالية بالمختصر هو رجل احلام كل بنت .
مصطفى : يا ريت فيني ضل شهر كمان و كل يوم زورك .
ليلى : تروح و ترجعلي بالسلامة .
مصطفى : انتبهي على حالك .
ليلى : وانت كمان انتبه على حالك .
*بعد الخطبة باسبوع سافر مصطفى ... بكيت كتير يومها ، بكيت وكأني الي بحب مصطفى سنين وهلأ قرر يبعد عني .
رؤى : هههه بدك تضلي عم تبكي .
ليلى : انتي شو جابك ؟
رؤى : اجيت شوفك و واسيكي بما انو سافر خطيبك ، ولي جدبة كلها 5 شهور و بتصيري عندو بالبيت ما بدا كل هالبكي ، معقول لحقتي تحبيه ؟
ليلى : بتعرفي حبيتو من اول مرة شفتو .
رؤى : ايوا حب من اول نظرة .
ليلى : ههههه اي .
رؤى : ههههه يلا قومي غسلي وجهك و بدلي تيابك بدنا ننزل عالسوق نبلش نجهزك .
ليلى : حاضر ، صحي وين بنتك ؟
رؤى : تركتا عند مروة ، يلا قومي .
ليلى : اي حاضر .
#بقلم_فتاة_من_ورق
_________________________________________
*بما اني الصغيرة ببيت اهلي عشت مدللة كتير والكل يخاف على مشاعري ...
*بشهر 3 سنة 1996 ... نزل مصطفى و عملنا العرس ... كان عرسي فخم كتير وكل العالم حكو فيه ...
* بعد اسبوع من العرس ... وصلت لاصعب لحظة هي لحظة توديع اهلي لسافر ... امي و خواتي كانو عم يبكو بس لما وصلت لعند ابي تفاجأت بدموع عيونو تفاجأت لانو اول مرة بشوف ابي عم يبكي ابي الصلب رغم حبو النا حضني و كأنو عم يقلي لا تسافري ... التفت على مصطفى وقلو ...
ابو احمد : بنتي بأمانتك يا مصطفى .
مصطفى : ولو عمي ليلى بعيوني .
#بقلم_فتا
#قصة_واقعية
#الجزء_الأول
#بقلم_فتاة_من_ورق
هي جميلة .. لم يكن جمالها ينبع من أيّ جمال خارجي مؤقت ... كان جمالها ينبع من اعماق روحها .
_________________________________________
((1995))
مروة : اي امي احكيلي اجو مبارح الخطابين ؟
ام احمد : اي اجو و طلبوها لاختك .
مروة : شو مواصفات الشب احكيلي بالتفصيل .
ام احمد : عمرو 29 سنة و دارس هندسة و طلبو تكون البنت حلوة و ملتزمة وخلاقها عالية ولقو طلبن عنا هيك قالت امو .
مروة : شو وضعهن المادي ؟
ام احمد : قال وضعهن كتير منيح ابوه للشب و عمو مسافرين برا البلد من زمان و مستقرين برا بس عندهن كتير املاك هون وهو الشب عندو بيت باسمو هون .
مروة : شو قلتيلهم ؟
ام احمد : قلتلهم تفضلو بعد 4 ايام لنردلكن الخبر .
مروة : يعني ليلى رح تتزوج على غربة .
ام احمد : اذا صار نصيب .
ليلى : هي القهوة صارت جاهزة .
مروة : يسلمو ايديكي يا عروس .
ليلى : هههه عروس ! لسا ما صرت عروس .
مروة : اي رح تصيري ، ما قلتيلي امي شو رأيو ابي ؟
ام احمد : ابوكي عم يسأل عن الشب بس ما عاجبتو شغلة الغربة .
رؤى : بصراحة ماما وانا كمان ما بدي اختي ليلى تسافر .
مروة : خلوها تسافر و تشوف هالدنيا بعدين اذا الشب منيح لشو توقفو بطريقها .
ام احمد : الله يقدم يلي فيه الخير .
ليلى : امين .
مروة : امين .
* اختي مروة عمرها 26 سنة متزوجة و عندها ولد وبنت ، اختي رؤى عمرها 23 سنة متزوجة و عندها بنت و انا ليلى عمري 20 سنة الصغيرة بين اخواتي البنات اخدت البكلوريا وما كملت دراستي بسبب ظروف اهلي المادية و عقلية ابي يلي رافض مبدأ الجامعة من اساسو ، اخي الكبير احمد عمرو 27 سنة و اخي الصغير ايهم عمرو 19 سنة ... عيلة اهلي ملتزمة بالدين و ربونا على هالشي ابي ما عندو املاك ولا عندو اراضي بس عندو سمعة متل المسك وكل الناس بتمدح منو .
#بقلم_فتاة_من_ورق
_________________________________________
ام سعيد : البنت حلوة و مؤدبة متل ما طلبت .
مصطفى : الحمدلله ان شاء الله يقبلو .
ام سعيد : ان شاء الله ، اخترتلك ياها كحلة بما انك انت اشقر .
مصطفى : الله يخليلنا ياكي امي ، انا هلأ لازم سكر ان شاء الله بعد اسبوع بنزل و الله يقدم يلي فيه الخير .
ام سعيد : امين ، الله معك حبيبي .
_________________________________________
بعد مرور 3 ايام ...
ام احمد : شو قررت ابو احمد ؟
ابو احمد : كل الناس يلي سألتهن عن عيلة الشب مدحولي منهن ومن اخلاقهن .
ام احمد : اي والنعم معناها موافق .
ابو احمد : مع انو سمعتهن طيبة بس ما بدي ابعتها عالغربة بدي خليها قدام عيني متل خواتها .
ام احمد : شو نعمل يا ابو احمد اذا الشب عايش بالغربة و شغلو بالغربة بعدين خليها تطلع و تشوف الدنيا يمكن تنسعد اكتر من خواتها .
ابو احمد : الله يخترلها الخير .
ام احمد : شو يعني خبرهن انو موافقين ؟
ابو احمد : اي .
#بقلم_فتاة_من_ورق
باليوم التاني ...
ام سعيد : والله الي من يوم يلي شفت ليلى وانا عم ادعي انها تكون من نصيب ابني مصطفى .
ام احمد : الله ييسرلهن و يسعدهن .
ام سعيد : ان شاء الله بكرا جاي مصطفى من السفر منزوركن و منحدد موعد الخطبة .
ام احمد : يوصل بالسلامة يا رب .
_________________________________________
*بعد اسبوعين صارت خطبتي كان شهر 10 سنة 1995 ... مصطفى دخل قلبي من اول مرة شفتو كان حلو و واثق من نفسو و اخلاقو عالية بالمختصر هو رجل احلام كل بنت .
مصطفى : يا ريت فيني ضل شهر كمان و كل يوم زورك .
ليلى : تروح و ترجعلي بالسلامة .
مصطفى : انتبهي على حالك .
ليلى : وانت كمان انتبه على حالك .
*بعد الخطبة باسبوع سافر مصطفى ... بكيت كتير يومها ، بكيت وكأني الي بحب مصطفى سنين وهلأ قرر يبعد عني .
رؤى : هههه بدك تضلي عم تبكي .
ليلى : انتي شو جابك ؟
رؤى : اجيت شوفك و واسيكي بما انو سافر خطيبك ، ولي جدبة كلها 5 شهور و بتصيري عندو بالبيت ما بدا كل هالبكي ، معقول لحقتي تحبيه ؟
ليلى : بتعرفي حبيتو من اول مرة شفتو .
رؤى : ايوا حب من اول نظرة .
ليلى : ههههه اي .
رؤى : ههههه يلا قومي غسلي وجهك و بدلي تيابك بدنا ننزل عالسوق نبلش نجهزك .
ليلى : حاضر ، صحي وين بنتك ؟
رؤى : تركتا عند مروة ، يلا قومي .
ليلى : اي حاضر .
#بقلم_فتاة_من_ورق
_________________________________________
*بما اني الصغيرة ببيت اهلي عشت مدللة كتير والكل يخاف على مشاعري ...
*بشهر 3 سنة 1996 ... نزل مصطفى و عملنا العرس ... كان عرسي فخم كتير وكل العالم حكو فيه ...
* بعد اسبوع من العرس ... وصلت لاصعب لحظة هي لحظة توديع اهلي لسافر ... امي و خواتي كانو عم يبكو بس لما وصلت لعند ابي تفاجأت بدموع عيونو تفاجأت لانو اول مرة بشوف ابي عم يبكي ابي الصلب رغم حبو النا حضني و كأنو عم يقلي لا تسافري ... التفت على مصطفى وقلو ...
ابو احمد : بنتي بأمانتك يا مصطفى .
مصطفى : ولو عمي ليلى بعيوني .
#بقلم_فتا
