#نَِّسمَأّتّ_عٌشٍقِ,,,,,
#بّقَلَمِـيـﮯ_HajarSh
#الجزء_الخامس ...

بنفس الليلة كان أيسر عم يتئلب بالتخت وموجايي نوم وهو عم يفكر بـ اروئ ... ❤
أيسر :وبعدييين حاج تفكر فيهااا لك شو عملتلك هالبنت يا أيسر !!

وئف وطلع من الغرفة وراح عالمطبخ عمل فنجان ئهوة وئعد بالصالون بالعتمة وهوة عم يشرب فنجانو والتفكير ماعم يخلي ينام ....

وأخيرا غفي مكانو وصحي عصوت باب غرفة انفتح ...
كان نظرو مغبش لسا وعم يحاول يشوف مين يلي برا غرفتو بهالوئت...

وشاف خيال حدا مشي من ئدامو وراح عالحمام وطلع بعد فترة قصيرة وعرف انها أروئ..

ورجعت راحت عالمطبخ ...لحئها وشافها عم تشرب كاسة مي ورجعة غسلت الكاسة ورجعتا وفتحت باب البرندا وطلعت...

فات عالمطبخ بخطوات بطيئة وشافها كيف كانت ئاعدة وعم تبكي لحالها بالعتم ...وماكان فيه غير ضو الئمر يلي ضاوي سواد هالليل... 🌙

ضل عم يرائبها من بعيد وئلبو معد ئدر ينطر لحتا يحكي معها...

ئرب عليها بخطوات بطيئة لحتا وصل وراها مباشرة وئال :شو يلي مصحيكي لهلء ؟
انتفضت اروئ من مكانها ورجعت لورا من رعبتها لدرجة انها لزئت بسور البرندا...
أيسر :شو صرلك ؟
أروئ :والله ولاشي ....بـ بس كنت متدايئة ومخنوئة ئلت بشم شوية هوا
أيسر :وليش خايفة ؟
أروئ :مـ موخايفة أنتة بس فاجأتني 😦
أيسر :ليش عم تضلي تبكي ؟ ياترئ شو عم تستفيدي لما تبكي ؟
أروئ :ماعندي طريقة تانية لحتا فرغ الهم اللي بئلبي 💔
أيسر :في مليون طريقة غير البكي ،روحي كسري ..صرخي. .. او ئلك صلي لربك خلي ياخدلك حئك من اخوكي ومرتو
أروئ :أنا آسفة
أيسر :ليش عم تتأسفي ؟
أروئ :لأني... عم ببكي
أيسر :انتي ..مجنونة شي ...!في بعئلك شي ؟ في حدا بيتاسف لانو عم يبكي ؟
اروئ :....

ئرب أيسر علئ أروئ ومسكلا زندا بئوة ...
ايسر :اروئ لاتكوني ضعيفة .. ئوي ئلبك ئسييي شوي لاتورجي ضعفك لحدا ولا تتاسفي علئ شي انتي ما ارتكبتي
أروئ :خـ خلص متل مابدك 😢
أيسر :مووو متل مابدييي ...انا ماعم بأمرك انا عم بنصحك وبكيفك تتقبلي النصيحة وللا لا ... أروئ انتي لسا صغيرة و الحياة ئدامك طويلة ورح تتزوجي ورح يكون عندك ولاد ...اروئ ازا ماكنتي ئوية وئد حالك مارح تئدري تربي أجيال

ضلت أروئ صافنة بعيون أيسر وهوة عم يطلع فيها... ورجعت غضت بصرها وئالت :ممكن تتركلي ايدي. .. انا بدي فوت نام

أخد أيسر نفس وترك ايد أروئ وئال :طيب فوتي نامي وياريت تكون هي آخر مرة بدي شوفك عم تبكي فيها اتفئنا !؟
هزت أروئ براسها ورجعت فاتت لجوة وأيسر كان لسا وائف مكانو ...
أيسر :لو إني بئدر خفف شوي من عزابك ...

((« رغم مقياسه في الحب... ورغم كبريائة وكل قسوته التي أظهرها أمامها ...إلا أن قلبه كان مليئ بالشوق الواضح في مقلتيه.... ❤»))

تاني يوم الصبح صحيت ماسة علئ صوت أروئ ..
ماسة :صباحووو ام الرور
أروئ (مع ابتسامة):صباح الورد .شورأيك نطلع انا واياكي لحتا نجهز الفطور لأخواتك ئبل ما يصحو وتنعجئي متل عادتك
ماسة :اي اي يالله ئايمة 😴

طلعت ماسة وغسلت وبلشت تجهز الفطور وأروئ تساعدها ...
ماسة :اي ركبي مكرج الشاي مشان ياسين والئهوة لأيسر والنيسكافيه لـ يامن
جهزت أروئ كلشي وفات ياسين بالأول ..
ياسين :صباحو صبايا
ردو :صباح الخير
ياسين :ميسو شفتيلي وين حطيت موبايلي مبارح رجعت ضيعتو 😅
ماسة :لا والله
أروئ :شفتك حطيتو عالمكتبة بالرف التالت مبارح
ياسين :جد ! اي يسلمو أنسة اروئ ..
أروئ :تفضل ماك الشاي
ياسين :من ايدين مانعدما

اخد الكاسة وطلع ورجع فات يامن عالمطبخ وئال :مااسةةة وين النسكافيه
أروئ :تفضل ...
يامن :يسلمون
وطلع ...
ماسة :والله يا اروئ نيالي علئ هيك رفيئة 😂
اروئ :ليش ؟
ماسة :لك بالعادة بكونو معجوئين وأصواتون طالعة الصبح ...بس اليوم حاسة انو امي يلي بالبيت
اروئ :لو بتصحي ابكر من وئت اخواتك كنتي رح تلحئي كلشي
ماسة :ئولتك ...كيف ماخطر عبالي ...بس شو بدك بالحكي انتي مكسب كبييير ✌😂

كانو البنات عم يحكو ويضحكو لما فات أيسر عالمطبخ وشاف أروئ أول مرة عم تضحك ... ❤
صفن بوجها وهوة مبهور من جمال ضحكتها وحس بئلبو معد ئدر يتوازن بس شافها...

أخيرا انتبهو عليه البنات ...واروئ نزلت راسها من الخجل
ماسة :يي أيسر انتة من ايمتا هون ؟
أيسر :هـ هلء فتت .. ماسة وين فنجان الئهوة ؟
ماسة :ليكا أروئ عم تجهزا ..اروئ اروئ
اروئ :اي
ماسة :ممكن تناولي الفنجان لأخي أيسر لبين ما عبي صحن اللبنة
أروئ :اي يالله...

طالت أروئ فنجان وعبتو ئهوة وحملتو بإيديها يلي كانت عم ترجف لدرجة انها كبت من الفنجان عالصحن و ناولتو لأيسر وبس مسك الفنجان لمس ايدها وهية انتفض جسما كلو بعدا .. وسحبت ايدها بسرعة ..

أيسر :يسلمو ايديكي أروئ ❤
أروئ :الله يسـ يسلمك

وطلعت من المطبخ بسرعة ...
ماسة :يي شبها !😕
أيسر :.....
ماسة :يالله اشرب ئهوتك ونادي للشباب لحتا يجو يفطرو

فطرو وخلصو وطلعو الشباب أخيرا متل العادة كل واحد علئ وجهتو ...

وصل ياسين عالشركة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه

المجموعات و القنوات

Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com