#على_أرجوحة_الأمل_بقلمي_راما_الخطيب
#الجزء_السادس
@rwayate
( انتي حتا زواج ما بتتزوجي اذا ضليتي هيك )
(مين معي )
(انا مجد )
ضليت صافنة بلحكي وافكر احكي ولا لا ... احكيه ولا ما احكيه
مجد : ووين رحتي ؟؟
قمر : انا معك ..
مجد : 😍 وينك مو شايفك
ضحكت وتسطحت وصرنا نحكي سوا ...
مجد : تلعبي لعبة ...
قمر : شو هيي
مجد : لعبة الاسئلة .. انتي بتسأليني سؤال وانا بسألك سؤال
قمر : اممممم طيب بس انا ببلش
مجد : طيب
قمر : انت بتلعب لعبة الاسألة مع كل وحدة بدك تتعرف عليها 🤔
مجد : هههههههه لا بس معك 😜 يلا هلق دوري رح بلش بلاسألة الخفيفة ..( شو اكتر لون بتحبيه )
قمر : بحب اللون الاحمر ( وانت شو اللون يلي بتحبو )
مجد : بحب اللون الاصفر
وصرنا نسأل بعض اسألة عادية عن الاكلات والمشروبات والاماكن يلي منحبها
مجد : طيب هلق تلعبي لعبة ...
قمر : شو هيي كمان .
مجد : لا هيي اللعبة احلى هيي طلب ...
قمر : وشو بدك تطلب ؟
مجد : طيب اذا اللعبة رح تلبش مني رح اطلب ثالث صورة بلاستديو
( بعتلو الصورة وكانت صورة عادية )
قمر : يلا انا رح اطلب نفس الطلب
بعتلي صورة مكتوب فيها ( ماذا افعل كلما اشتقت اليك
‎
صفنت بلصورة شوي وبعدا بعتلي
مجد : يلا خلينا نرجع على اللعبة الاولى وانا رح بلش
(شو مشاعرك اتجاهي ...)
ضليت عم اطلع بلسؤال وقلبي رح يطلع من مكانو ...ما بعرف شو بدي جاوب كان كل جسمي عم يرجف اول مرة بحس بهيك شعور حلو وغريب وفيه نكهة خوف
مجد : ما تجاوبي ..
قمر : انا يلي حابة اسألك هل سؤال
مجد : ههههههه يعني بدك انا جاوب على سؤالي
قمر : تقريبا ...
مجد : طيب انا بحبك بحبك قمر من اول ما شفتك كنت بدي الك وهلق رتحت
سكتت سكرت الوتس وصرت اطلع على الموبايل ارجع شوف الرسالة انو انا ما عم احلم انو حقيقة وصرت ما بعرف شو بدي اكتب تلبكت وماعد عرفت شو اعمل طلعت وفتت على وتس شي عشر مرات ....
مجد : وانتي ؟؟ دورك تجاوبي
قمر : وانا
مجد : لك وانتي شووو
قمر : وانا كمان ❤️ ب ❤️ ح ❤️ب ❤️ك ❤️
مجد : ايه هااااا واخير
بهيي الليلة انا ما نمت من الفرحة وضلينا نحكي ونبعت صور واغاني لبعض لطلعت الشمس وقفت وتمطيت من النعس والبست كنزة سودة فيها سحاب على جنبها ذهبي وبنطلون اسود وبوط روك اسود وربطة شعري دنب حصان وطلعت بدون ما أفطر وكنت كتير مبسوطة فتت على شغل وصرت اشتغل واغلب وقتي صافنة وكأني بغير دنيا حتا كل رفقاتي بلشغل حسو عليي اني عشقانة وكتير تحايلو عليي ليعرفو مين بس ما خبرت حدا وانا طالعة من المحل لقيت مجد واقف بعيد مع ندا وسالي اجيت بأتجاهن وانا مبسوطة
قمر: مسا الخير شو عم تعملو هون
تطلع فيني مجد وغمزلي : اول مرة بشوفك عم تضحكي
حمرو خدودي لانو هيي اول لقاء بينا بعد ما عترفنا لبعض بحبنا
سالي : جاين ناخذك لانو اليوم مجد عازم عليتي وعيلتك على المطعم يلي رحنا عليه وقت المشاوي
تطلعت بمجد وبتسمت وانا عم العب بأصابعي من التوتر كنت عم امشي معهن واجري عم يضربو ببعض ..
رحنا على بيت مجد وكانو مجتمعين ومجهزين مكسرات والاراكيل والفواكه وعدة القهوة كرمال السهرة ..
ركبنا بلسيارات وركبت بلسيارة يلي سايقها مجد انا وسالي وندا وآم مجد شغل مجد السيارة وحط غنية (ناطر منك خبر على فيس وعلى تويتر ...لحسام جنيد ) وحكا بصوت عالي سمعيها شو حلوة قمر ....

#على_أرجوحة_الأمل_بقلمي_راما_الخطيب
#الجزء_الاول_الثاني_الثالث_الرابع_الخامس_السادس
@rwayate
واقفت قمر على مراية وعم تتأمل تيابها وعم تسأل حالها : يا ترى مناسبين اوووه يلا شو انا رايحة اتزوج( مواصفات لبس قمر لابسة بنطلون جنز بسيط وكنزة موردة بألوان فاتحة لفوق الركبة بشوي ورابطة شعرها ورافعتو لفوق بشكل بسيط )
ام قمر :يا قمر يا ندا وينكن ما جهزتو رح نتأخر على الجماعه اذا رح تتأخرو اكتر بينتزع المشوار
قمر : اي ماما انا جاهزة بس الست ندا لازم تعدل وجهها قبل ما تطلع على ايا مشوار
مدت راسها ندا من الغرفة مواجيه مو قاعدة قمر وصارت تحكي من راس منخيرها : انا بحب اطلع احلى من الكل
قمر : ماما انتو لهلق ما قلتولي مين هدول يلي رح نطلع معهن نتغدا
ام قمر : حبيبتي هدول رفيقتي واولادها كتير رح تحبيهن وعندها بنت من عمرك كمان
اجت ندا لعند قمر وصارت تشرحلها عنهن : عندن بنت اسمها سالي حبابة كتير وبتحب المزح وانا وياها كتير كتير صرنا صحبة وحكيتلها عنك وانو بس تشوفك مارح تهضمك ابدا (مع ضحكة بسيطة)
قمر بسخرية : هه انا يلي ما بنهضم ولا انتي يلي ما بتنحملي
اجت ام قمر ووقفت قدام قمر : ليكي ماما من هلق حاولي تبتسمي ما عم الك تعملي شي مستحيل نحنا طالعين مشانك انتي مشان تغيري جو حاج مقضيتيها شغل طول نهار ...
ضحكة ندا ضحكة صفراوية : هه شي مستحيل لازم اذا التقت بناس جداد تخوفهن منها دغري
عصبت قمر من حكيهن ووقفت : انا مشكلتي ما فيني اخذ وجه على ناس ما بعرفها من اول مرة كيف بدي احكي واخذ واعطي معهن ....
ام قمر : حبيبتي لا تاخذي وتعطي بس بكفي انك ما تفرجيهن زورتك
( بطلت قصتنا اسمها قمر بنت طيبة وصافية من جواتها عيونها بني فاتح وشعرها اسود لنص ضهرها وبتحب لناس بس عندها اقتناع انو البنت يلي ما بتضحك .وبتحكي بس الحكي الضروري هيي يلي بيحترموها الناس مع انو هيي بلحقيقة طفولية واوقات بتلعب مع لصغار وكأنها قدهن اما اختها ندا عكسها تماما بتحب تدخل بلناس وتتقرب منهن من اول مرة وهيي كتير مهضومه دغري الناس بتقبلوها وهنن الاختين الوحيدتين هربو من الحرب متلهن متل كل هل ناس وطلعو على لبنان مع امهن اما ابوهن ما قدر يطلع وضل بسوريا كتير تعبو لحتا اسسو حالهن وامهن فتحت خياطة وقمر توظفة بمحل ملابس فخم كتير )
واقفت ندا عم تنطر السيارة ولما اجت السيارة ندهت لامها واختهأ : ماما ..قمر .. اجت السيارة وصارت تحت البيت يلا خلونا نطلع
أجت سيارة أجرة لون فضي على طلب اخذتهن وطلبت ام قمر من الشوفير يوقف عند بيت رفيقتها يلي رايحين معهن بلسيران حتا تتأكد انهن خلصو ومن بعيد شافت قمر شب لفتلها نظرها بوقفتو وطولو وكيف عم يطلع فيهن
وقفت السيارة قريب من الشب وطلعت ام قمر رأسها من الشباك وندهتلو : شو صار معكن خلصتو ...
رد الشب وهوي لسا واقف مطرحو : اي خلصنا نحنا رح نمشي قدامكن وانتو امشو ورانا ....
ام قمر : امشي يا اخي وراهم دغري حتا ما نضيعهن .....
نكشت قمر اختها ندا بخفت : مين هاد ؟؟
تطلعت ندا مع ابتسامة خبيثة : هاد اخوها لسالي ...
اندارت قمر على شباك وحاولت ما تعطي اهتمام للموضوع ..
وقفت سيارة رفيقة ام قمر قدام مطعم كبير وفيه شجر بأشكال متنوعة والحشيش اخضر معبي الارض ومحاوطو نهر حلو المنظر وقفت السيارة يلي راكبين فيها قمر واهلها ورا سيارة رفيقتها ونزلت تتأمل المنظر الجميل وهيي عم تهمس بهدوء (شو أنو المنظر بنعش الروح ) وبعدها نزلت ندا ركضت على رفيقتها سالي وسلمت عليها وعلى اهلها..
وقمر قربت لعندهن وسلمت على سالي
مدت سالي ايدها برحب : اهلن قمر واخيرا تعرفت عليكي
ابتسمتلها قمر : اهلن فيكي
سالي : تعي اعرفك على باقي عيلتي
اخذتها لعند امها وعرفتها عليها (امها مبين عليها الاحترام ومبينة كبيرة بلعمر شوي ولابسة حجاب )
ام سالي : اهلين يا بنتي مشالله عليكي متل ما بتحكيلي عنك امك بلضبط متل القمر ...
وبعدها سالي مسكت ايدقمر وقربتها لعند اخوها لتعرفها عليه : هاد اخي

#على_أرجوحة_الأمل_بقلمي_راما_الخطيب
#الجزء_الثاني
@rwayate
وبعدها سالي مسكت ايدقمر وقربتها لعند اخوها لتعرفها عليه : هاد اخي مجد
تأملت مجد بتفصيلو عيونو العسلي يلي بتجبرك تتأمليهن وشعرو البني وطريقة تسريحة شعرو ضليت اتأملو حوالي الدقيقتين والكل عم يطلع فيني وبعدين لنتبهت على حالي سلمت عليه بسرعه ومشيت بسرعه على طاولة يلي ختاروها اهلي
قمر : حلو الموقع يلي خترتو جنب النهر و البحرة لصغيرة ..
شفت ولد جنب طاولتنا قربت عليه وسألتو : حبيبي انت ابن مين ...
ضل ساكت وعم يطلع فيني واشرلي على ست مبين عمرها ب ٣٠ سنة سلمت عليها وعرفتني على حالها : انا اخت مجد وسالي اسمي غادة
ابتسمتلها ابتسامة لطيفة : تشرفت فيكي غادة بدي اسألك شو اسم ابنك الحلو ..
غادة : اسمو فادي
قمر : ممكن اخذ فادي على البحرة القريبة لاعبو بلميي هونيك كل الاولاد عم يلعبو ومبسوطين
غادة : خديه البي على حسابك
ابتسمتلها واندرت على فادي وقعدة على اجري وسالتو : حبيبي نروح نلعب بلمي هونيك
فادي : اي خاله انا كتير بحب الميي
فتلت راسي وكنت عم دور بعيوني عليه وشفتو جاي من بعيد هوي واختو درت راسي ومسكت بأيد فادي ورحت على البحرة الصغيرة ونزلت فادي يلعب معلولاد وانا قعدة على طرف البحرة وعم اعمل حالي عم العب بلميي وانا عم اطلع فيه بطرف عيني كان الكل عم يتشاركو بتجهيز الطاولة اما مجد فكان عم يجهز لشوي اللحمة
درت راسي على اتجاه الميي وصرت شوف انعكاسي بلميي وافكر معقول حبيتو .. ااوه يا ربي ليش كل هلقد لفتلي انتباهي وصرت كزب حالي انو كيف بدي حبو وانا ما بعرف عنو شي ..واول لقاء هاد لالنا .لا لا مو معقول
وقفت زبطت تيابي وناديت لفادي نرجع على طاولة وقفت جنب كرسي ماما وعم اطلع بلكل كيف مبسوطين وصرت اتذكر جمعاتنا بسوريا مع العيلة ومشوار المشاوي الحلو تنهدت ومسكت الكرسي يلي جنب ماما وقعدت عليه ..
ام مجد : حبيبتي انتي اديش عمرك ..
قمر: انا عمري ١٦ خاله
ام مجد : مشالله عليكي
غادة : اي شايفة ماما مشالله عليها ربي يحميها
قمر : تسلمو الله يخليكن
وقعدو دردشو شوي عن الشغل وعم الامور العائلية بس انا ما كنت معهن ابدا ما بعرف ليش نحصر تفكري فيه
خلصنا تجهيز الاكل ورحنا انا والصبايا جهزنا الطاولة للغدا وقعدنا وصرنا ناكل وبس خلصنا انا وغادة ضبينا الطاولة والباقي راحو غسلو ايديهن
غادة : قمرر....
قمر : نعم رغدة ...
ابتسمت بوجهي :شو رأيك بأخي
....

#على_أرجوحة_الأمل_بقلمي_راما_الخطيب
#الجزء_الثالث
@rwayate
ابتسمت بوجهي :شو رأيك بأخي ....
فتحت عيوني على وسعهن : شووو ..
ضحكت ضحكة طويلة : لك عم امزح معك .. اصلا يصحلك شوفي هل جمال مشالله عنو
تطلعت بلارض وانا وعابسة : اي الله يخليلكن ياه يا رب
رغدة : تسلميلي يا البي ...
اجو الكل بعد ما خلصو غسيل ايديهن والصحون يلي كنا عم ناكل فيهن ورحت انا لغسل ايدي دورة على الحمامات بس ما لقيتهن لفيت ورجعت على طاولة ..
قمر : ندا يا ندا
قاعدة مع سالي على طاولة وحدة ومشغولين بلحكي :نعم شو بدك ....
قربت منها وحكيتلها بصوت خفيف : قومي بدي غسل ايدي بس ما لقيت الطريق
نفخت بتذمر وقالت : خلي حدا غيري يدلك
ونادت لامي بصوت عالي : ماما ممكن تدلي قمر على حمام حتا تغسل ايدها
انا نزلت راسي وخجلت كتير من الموقف وقالت رغدة قبل ما تقوم ماما من الكرسي ...
رغدة : خلص خالت مجد بياخذها
اتطلعت بأمي وفتحت عيوني على وسعن وكنت بدي وصلها عن طريق عيوني انو تمانع بس ردت عليها بموافقة ....
قرب مجد لعندي وهوي كل ما يقرب خطوة حس قلبي طلع من محلو كان هيي اول مرة بجرب هل الاحساس
مجد : تفضلي اوصلك مطرح ما بغسلو الايدين
تكركبت وهزيت براسي بمعنا اي ومشيت جنبو وعيوني بلارض ما قدرت ارفهن ولا ثانية لانو اكيد رح يلاحظ عليي اديش خجلانة لانو وجهي كان شبه البندورة ...
مجد : تفضلي هدول المغاسل لحتا تغسلي ايديكي ..
تشركرتو وراح بس رغم كل مشاعري وحاولت كون مسيطرة على حالي قد ما بقدر
رجعت على طاولة وقعدو شوي وشغلو الاراكيل وبس قربت تغرب الشمس رجعنا ضبينا لغراض ختا نروح على بيت ...
ام مجد : يا ام قمر والله لتجو تكملو السهرة عنا
ام قمر : والله ما بصير خلص غير مرة ...
ام مجد : خلص لا تخجليني ومنو بتساعديني بلحلو لانو قرب يجي ابني علي من السفر ..
ام قمر : عنجد نشالله الف مبرووك خلص اذا هيك من عيووني ...
قربت لعند امي وحاولت احكيها بدون ما حدا ينتبه : ماما انا بكرة عندي شغل ولازم روح بكير ...
ام قمر : حبيبتي منقعد شوي وبعدين منقوم
سكتت وطلعنا بلسيارات ورحنا على بيتهن وقفت على باب البيت كان شكلو كتير حلو فيه برندا خارجية وفيها زريعة خضرة ومن جوا 3 غرف مرتبين وشباك المطبخ بيطل دغري على البرندا قعدنا على برندة وبنتها غادة راحت على بيتها ..
قعد مجد تقريبا مواجيهي وحط الاركيلة قدامو وصار يزبطها وهوي عم يسألنا : شو صبايا بتأركلو ...
رديت عليه ببرود وبدون ما اعطيه ايا اهتمام : لا شكرا
(رفع راسو وطلع فيني نظرة غريبة وكأنو رح ياكلني بنظرة عيونو )
توترت وصرت اهرب بعيوني وحاول اطلع بأي شي مجود على برندة ...
وخلصو امي ام مجد وماما الحلو واجينا لنرجع على بيت بس وقفنا مجد : ستنو انا بوصلكن ....
ام قمر : مافي داعي البيت قريب نحنا منروح مشي
(وبطبع مجد مهضوم كتير وحكياتو حلوين )
مجد : ليش خاله بتحبي تنخطفي ...بهل الليل مافي غير الزعران مو نصيحة تمشو 3 صبايا مثل القمر لحالكن ...
وافقت امي على توصيلت ونزلنا كلنا على سيارة ماما طلعت من قدام وانا وندا طلعنا من ورا ووصلنا على بيت بدون ما يحكي ولا كلمة
نزلنا وكان يوم جدا ممتع بلنسبة الي وكان هاد اول مرة بحس هل الاحساس يلي حسيتو وانا عم اتطلع بمجد ...
طلعت على غرفتي غيرت تيابي ولبست كنزة فسفوري حفر وبنطلون بجامة كحلي وسرحت شعري وزتيت حالي على فرشة وحطيت سماعات وصرت اتسمع على غنية (شو واثق بحالو شو قلبو قوي .لنانسي عجرم ) وصرت اتذكر مواقفي معو لحتا غفلة
ثاني يوم فقت على صوت ماما عم تندهلي ...
ام قمر : يا قمر يلا تعي فطري لحتا تروحي على شغل رح تصير الساعة 9
زتيت الحرام من فوقي وقمت متل المجنونة : تأخرررررة
صرت طالع ايا شي البسو من الخزانة لحتا لحق ...
قمر : اوووف يا ماما ليش ما فيقتيني ابكر ..
ام قمر : وانا كمان يا ماما فقت هلق ..
ركضت على خزانة الاحذية ولبست واحد كيف ما كان واخذت الشنته وركضت على محل ...
وبس وصلت فتت كان صاحب المحل عم يراقبني من ورا البلور ومو مبين عليه علامات الرضا كان جدا مزعوج مني
صاحب المحل : ليكي يا قمر هيدي اخر مرة بتتأخري فيه على المحل فاهمي (بلبناني 😜)
نزلت راسي وعتذرت منو وفتت على قسمي (لان المحل كان جدا فخم وبيحتوي على اكثر من قسم على شكل طوابق .طابق للاطفال .طابق للرجال . طابق للنساء ) وانا كنت موظفي بطابق النساء وكنت حب شغلي كتير
فتت على مطبخ الخاص بلقسم وشغلت الميي للنسكافيه ونظفت فسم من الارض ورتبت يلي مو مرتب وحملت كاست النسكافيه وقعدت اشربها وهيك اكتر الايام بعمل ومر النهار بشكل سريع خلصت شغل وودعت اصدقائي بلشغل ورجعت للبيت )
قمر : ماما انا جيت وكتير جوعااانة شو طبختو يا ماما (كنت نادي وما حدا يرد علي طلعت ندا من الصالة وحطت اصبعها على تمها بمعنى نوصي صوتك )
ندا : هوووووس
قمر : شو فيي مين عنا
ندا : هون ام مجد وولادها ..

#على_أرجوحة_الأمل_بقلمي_راما_الخطيب
#الجزء_الرابع
@rwayate
قمر : شو فيي مين عنا
ندا : هون ام مجد وولادها ...
قمر : شو عم يعملو عنا بهل وقت ..
ندا : سهرانين
قمر : طيب انا رايحة على غرفتي بدي ارتاح شوي وعتذريلي منهن
فتت على غرفتي وغيرت تياب الشغل ولبست بجامة خفيفة ساتان وفيي بغرفتي شباك كبير كتير وتختي كان جنب الشباك تسطحت بلتخت وصرت راقب لنجووم كتير بستمتع بمنظرهن بيعطيني طاقة ايجابية بحس حياتي رغم الذل يلي نحنا فيه بلغربة ورغم اني ما شفت شي حلو بطفولتي بس كان عندي امل انو بكرا احلى ...
(دق الباب الغرفة )
قمر : فوووتي
نفتح الباب وفاتت سالي جلست حالي وتربعت على تخت وطلبت منها تقعد جنبي
قمر : اسفة فكرتك ندا
سالي : عادي البي مو مشكلة
وقعدت تسألني عن شغلي ووين مكانو وتسألني شوية اسألت خاصة ...
سالي : حبيتي من قبل ...
قمر : لا ..فيي شباب هنن حبوني بس انا ما فكرة ..
سالي : ليش ...
قمر : صغيرة انا هلق حاست انو مو وقتها ...
وضلينا شي نص ساعه نحكي عن امور عادية لوقت ما ندهتلها امها انو بدهن يروحو ..
طلعت من الغرفة وتركت الباب مفتوح وطلعو وقفو قدام الباب لحتا ودعو بعض وقف مجد قدام باب غرفتي وفتل راسو اتجاهي وصار يطلع فيي وابتسم ابتسامة عريضة
مجد : شو قمر متخبية منا خايفة ناكلك
وقفت وقربت لعندو سلمت على اهلو واعتذرت منهن لاني ما طلعت ...وتطلعت فيه وبتسمت مع رفعت حاجب حكيتلو بصوت هادي : انا ما بخاف من حدا (وسكرت الباب ورجعت على تختي وسمعت من برا انو اتسكر الباب الخارجي يعني راحوو رفعت راسي وصرت اطلع فيهن من الشباك وشفتهن انو راحو ورجعت زتيت راسي على مخدة ونمت .....
ومرو يومين بدون ما اسمع شي عنو ولا شوفو مع انو اهلي عم يروحو يزورهن هيي وندا بس انا كون بشغلي لانو ما بخلص الشغل للساعه 9 المسا وكانت تطلب مني اجي لانو شغلي قريب على بيتهن بس ما كنت اقبل لانو اخلص شغل وكون تعبانة كتير ..... وبعد شي 21 يوم كنت طالعة من شغلي نادتلي رفيقتي بلشغل وطلبت مني روح معها نجيب غرض من محل قريب وانا وافقة روح معها وبس خلصنا مشورنا
ودعتها ورجعت على بيت بسرعة وما عارفت يلي عم يستناني هونيك ....
فتحت باب البيت وكانو كل الاضوية مطفية ومافي ولا حس ولا ايا صوت وصرت حاول اشغل الضو ما شتغلو ما بعرف ليش نقز قلبي وصرت نادي لامي وانا عم اتحسس الحيطان لحتا احسن اوصل على صالة لجيب ضو ....
وبس فتت سمعت صوت جوا الصالة صرت اسأل : مين فيي هون مين فيي
وفجأة حسيت حدا مسكني من كتفي ...نقزت من مكاني وصرت اصيح وقعدت بلارض وانا خايفة كتير حطيت ايدي على عيوني حتا ما شوف شي يرعبني وبعد شي دقيقة من الصمت شتغلو الاضوية وكانو كل رفقاتي موجودين ومنهن سالي واختها وحكو بصوت وواحد (مفاجأاااة ....) وصارو يغنولي (سنة حلوة يا جميل )
انا كنت لسعتني مصدمة لحتا ستوعبت يلي صار وبعدها مسكت ايدي رفيقتي سوزي وهيي صديقتي بلشغل ورفعتني حتا وقف وعطتني كاسة ميي
صرت ارجف واحكي : هيي فكرة مين .....
سوزي : هيي فكرة ندا
عصبت وزورت ندا وصرت الحقها وهيي تركض بلغرفة وبس خلصت ركض ورا ندى طلبت مني ماما اروح على غرفة لحتا جهز حالي لانو عامليلي مفاجأة
وفتت على غرفتي كان مزينيلي ياها كلها بورد وحاطيلي على تختي علبة هدية كبيرة لونها احمر ومعلقين فيها ورقة مكتوب فيها (افتحي العلبة هلق ) وفتحتا وطلعت منها فستان احمر من فوق معجن وعليه حبات لولو متناثرين ومن تحت ساتان للارض سادة وسكربينة بيضة وتاج ناعم وعليه 3 حبات لولو حسيت بفرحة كبيرة وقت شفتهن كتير حلوين وناعمين وانا لوني المفضل الاحمر
لبست الفستان ولملمت شعري من الطراف وحطيتلو ملقط شعر من ورا وحطيت التاج ووقفت على مراية لشوف كلشي تمام وصرت افتل على جناب لاتأكد انو كلشي زابط : ااممم اي هيك تمام
وصارت تندهلي ندا من برا : شو صار معك يا عاروس
قمر : اي خلصت طالعت
فتحت الباب وطلعت
سوزي : تؤبشيني على هل جمال
ندا : هههه لا تحكي هيك لتصدق
رفعت حاجبي ومشيت باتجاه الغرفة الكبيرة واول ما فتحت الباب نصدمت من جمال المنظر كانت موزعين الزينة وحاطين الطاولة بلنص يلي عليها كل الحلويات يلي بحبها وقالب كاتو كبير عليه صورتي واول مرة بحس بهيك سعادة ورعب كمان
اجو الكل لعندي وصارو يعايدوني وشغلنا اغاني وصرنا نرقص ونغني وقطعنا الكاتو واكلنا وبس خلصت الحفلة وقفت سالي وقطعتلها من ألكاتو لحتا تاخذ لامها ولمجد وتقصدت اقطعلها قطعة الكاتو يلي عليها صورة عيني ...
راحو الكل وقعدنا انا وندا وصرنا ندردش شوي عن سالي واهلها وانا سألتها بشكل غير مباشر عن مجد ....
قمر : ندا هلق انتي بتعرفيه لمجد منيح ...
ندا :اي بعرفو هوي هلق عم يدرس وكل ما روح بمزح معو وبيمزح معي هوي كتير مهضوم ...
قمر : امممم خاطب ولا عزابي
ندا : لا بس سمعت مرا من امو انو كان بحب وحدة وتركو لان ابوها ما بدا يزوجها ...

#على_أرجوحة_الأمل_بقلمي_راما_الخطيب
#الجزء_الخامس
@rwayate
ندا : لا بس سمعت مرا من امو انو كان بحب وحدة وتركو لان ابوها ما بدا يزوجها ...
قمر : امم يعني طلبها هوي للزواج
ندا : اي طلبها
قمت ورحت على غرفتي وحطيت راسي ونمت لانو هاد النهار كان كتير متعب وثاني يوم رحت على شغلي لان بشغولي مافي ولا يوم اجازة حتا بلعطلة الرسمية السبت والاحد الكل كان يعطل الا نحنا وبس خلصت دوامي لقيت حدا عم يندهلي من بعيد قربت شوي لان كان الدنيا ليل ومو شايفة واقف مجد عم يندهلي
بس كان من العيب رد عليه بلطريق قدام الموظفين معي بلشغل بس هوي لحقني على باب البيت وصار يندهلي
مجد : قمر يا قمر
قمر : نعم مجد
مجد :شبك هيك معصبة بس امك عنا والتلي جيبك مشان ما تمشي لحالك بهل ليل
قمر : امي التلك هيك ..اذا بمشي لحالي اهون ما امشي معك
مجد : يعني شو هلق بدك تروحي لحالك بهل الليل
قمر : لا بدي فوت نام

عصب مجد وحط ايدو على بوابة البيت بقوة :اي خليكي انا الحق عليي يلي صرلي ساعة عم استناكي لتخلصي شغلك
تركني ومشي ضليت واقفت عند الباب وعم راقبو كيف ماشي بعصبية واجيت لطلع المفتاح مشان فوت على بيت ما لقيتو : يا الله وين المفتاح والله كان هون اووف شو بدي اعمل
تطلعت على مجد ولقيتو ما بعد كتير ركضت وصرت اندهلو : مجد يا مجد ستنا عندك بدي احكيك شغلة
وقف وصار يضحك عليي كيف عم اركض : اي شوفي نسيتي تحكي شي ..
وقفت قدامو وانا عم الهت من التعب : اي نسيت المفتاح
مجد : وين نسيتيه
قمر : وين بدي انساه يعني .. نسيتو بلبيت
مجد : اي بتستاهلي
تطلعت بلارض ومشينا انا وياه على بيتهن وطول الطريق حاول خبي وجهي مشان ما حدا يشوفني ....
مجد : شبك ليش هيك حاطة اللفحة على وجهك ... هلق بفكروكي ارهابية وبيسحبوكي ...
تطلعت فيه بمسخرة : هه والله
مجد : شبك انتي عطول عم تزوري ..شو مشكلتك
سكتت وما رديت عليه ولا بأي كلمة
مجد : صح كل سنة وانتي سالمة
قمر : وانت سالم ...
مجد : يعني هلق اديش صار عمرك
قمر : صار17
مجد : العمر كلو
وخلص الحكي هون وماعد حكا ايا شي لحتا وصلنا على بيت طلعت على برندا وكان الكل مجتمع وعاملين آراكيل وكان موجود ابن عم مجد وعمتو قعدت جنب امي وندا وسالي قاعدين جوا ..ضيفاني عمتو لمجد اركيلة اخذت منها سحبتين ورجعتلها بسرعة
عمتو لمجد : هي بنتك يا ام قمر مشالله عنها
ام قمر : اي هيي قليل ما تجي معي لانها بتشتغل
نط مجد وحكا : اي صاحب المحل يلي بتشتغل عندو بعرفو منيح هوي ما بينطاق
ما عجبني الحديث فقمت ووقفة على طرف البرندة وانا عم اتفرج على شارع وعلى سيارات يلي رايحة ويلي جاي وبعد ما خلصو حديثهن بخصوص المحل رجعت قعدة بس قدام مجد لانو الكراسي محجوزة
طول الوقت مجد يحاول يتقرب مني عن طريق اسألتو وبعد عشر دقائق فات على بيت وجاب كرتونة ملانة شيبس وصار يوزع للكل
عمتو لمجد.: شو مجد بمناسبة شو هيي
مجد : بمناسبة انو قمر صار عمرها 17 سنة
ضحكو الكل اي بعيد ميلاد سالي هيك ما عملت ...
ردت سالي : يلا بعد كم يوم عيد ميلادي رح شوف شو بدك تعمل
مجد : لك تكرم عيونك
انا ما عملت ولا ردت فعل وبعدها ناديت لماما مشان نرجع على بيت وطبعا مجد يلي بدو يوصلنا نزلنا وقعدت بلمقعد الخلفي جنب الشباك
ندا : ماما نسيت الجاكيت
راحت ندا وراحت ماما معها وضليت لحالي بلسيارة ومجد واقف جنبها وكل شوي يحاول يتغالظ عليي ( شوي يفتح الباب ويفتح الشباك....شوي يشغل الضو ... شوي يزبط الكرسي وكل هاد من جهت الباب يلي انا قاعدة فيه )
قمر : ليش شغلت الضو من هون ما تروح من باب الشوفير
حط ايدو على الشباك ومد راسو بأتجاهها : من هون اريحلي . ...... بدي ضل اضايقك لحتا تبطلي تزوري فيني .
قمر : وليش بقا ...
مجد : هيك .. هيك انا حابب
اجت امي وندا وركبنا بلسيارة ووصلنا على بيت انا وقتها طرت من الفرح ومن جواتي بعرف انو بحبو بس ما بعرف شو كان يمنعني اقرب منو او احكي معو ...
فتت على غرفتي غيرت تيابي وتسطحت على تختي ومسكت تلفوني وصرت اتفحص مين باعتلي وتس اب
لقيت رقم غريب كاتبلي (مرحبا)
( اهلين مين معي )
( حابت تعرفي مين معك )
( يا اما بتحكي يا اما بلوك )