هي القصة مبارح نشرتها وحذفتها لان كانت ملخبطة ومانها كاملة😑💔
اليوم اكتملت تابعوها ..💚
#اوتار_الحزن
.............
قراءة ممتعة🦋💙"
#ⴅÂÐЄĦÂ
اليوم اكتملت تابعوها ..💚
#اوتار_الحزن
.............
قراءة ممتعة🦋💙"
#ⴅÂÐЄĦÂ
#أوتٍاَْر_اَْلّحًزُنَ,,,,, 🎶
@rwayate
#بقلّمٌيِ_HajarSh
#الجزء_الأول...#الجزء_الثاني...#الجزء_الثالث
ئد ما يكون صوت البيانو حلو وأنغامو حلوة رح يضل فيه وتر ازا ضغطت عليه برجعلك زكريات. مؤلمة وحزينة ... نغمة بهالسلم الموسيقي بترجعك أكتر من سنة لورا لحتا تخليك ترجع تتخيل هالجريمة البشعة يلي صارت ئدام عيونك وانتة مو ئادر تفتح تمك وتحكي وبتكتفي انو تنفس غضبك علئ هالمفاتيح يلي بين أصابعك وئد ما ضغطت عليها مارح تنكسر ...بالعكس رح تخليها تطلعلك أحلا نغمة ورا نغمة لحتا تألف مقطوعة كلها ألم ...مقطوعة كلها وجع ...مقطوعة عنيفة رح تهز مشاعر كل حدا رح يسمعها.... 🎶
بس خلص عزف .. كان عم يلهت وعرئو عبا وشو وشعرو يلي كان نازل بطريقة ساحرة علئ جبينو ... وعيونو وخدودو غرئانين بالدموع وهوة صافن بمفاتيح البيانو
@rwayate
وفجأة تسلطت عليه كل أضواء المسرح وسمع صوت التسئيف والتصفير يلي عبا دار الأوبرا بعد ماخلص عزف ...
وئف علئ حيلو وفرد ايديه وانحنا للجمهور كتحية والجمهور عم يزئف ويهتف بإسمو ...
رفع راسو وبلش يطلع عالجمهور ... كان عتمة كل الأضواء مسلطة عليه ... بس من بين هالجمهور لمح ضو خفيف وبنت بشعر أسود ناعم ولابسة فستان أبيض ووجها كأنو البدر المكتمل بنص الشهر ... وعيونا مركزين عليه وهية عم تبتسم ...
بادلها الإبتسامة وشافها كيف اتلاشت بالهوا...
....:هي بهديها الك ... 💔
نزل راسو وطلع من خلال الكواليس وفاجئو الصحفيين بفلاشات كمراتهم وأسألتهم يلي مابتخلص....
ئدرو الباديغارد تبعو يبعدو الصحافة ودخل هوة علئ غرفتو وأخد البشكير ومسح عرئو وبلش يفتح بزراير ئميصو الأبيض وئعد عالكرسي علئ تسريحة كبيرة معباية أضواء ... ورفع رجليه وحطون عالكرسي التاني وأخد نفس طويل وكتف ايديه وسند راسو لورا وهوة عم يطلع عالسئف ويفكر ... وسكر عيونو أخيرا واسترخا عالأخير.... لما سمع صوت باب الغرفة انفتح...
وسمع صوت بنت عم تحاكيه :أبدعت اليوم
...:شكرا تمارا
تمارا :عنجد كان عزفك بجنن والصحافيين برا عم يتسابئو لحتا ياخدولك صور وياخدو منك أي جواب لأسئلتون ...
....:حاولي تصرفيون ... بدي إطلع من هون بهداوة
تمارا :ليكون مرافقينك عم يحاولو يصرفوون
@rwayate
وئف وشلح ئميصو ئدام تمارا يلي كانت متعودة علئ أي تصرف غير متوقع منو وهي صافنة فيه وعم تبتسم ...
...:تمارا ناوليني التيشيرت الأسود والجاكيت الجلد
تمارا :لوين ؟؟
...:طالع اتفتل بالشوارع شوي بالدراجة
تمارا :اوك مارح امنعك ...
فات غسل وشو وشعراتو ونشف وتمارا وائفة عم تتأملو وتتابع كل حركاتو وتتأمل عيونو الشهل ووشو الأسمر وشعرو الناعم البني يلي مغطي كل جبينو وجسمو يلي منحوت بشكل بجنن ... كانت مسحورة فيه... وبس لبس التيشيرت تفاجأ لما حس علئ تمارا ضمتو من ورا وئالت :زين ماحلك تحس فيني
مسك ايديها ونزلون بكل لطف وئال : حس بشو !؟
رجعت وئفت مئابيلو ...
تمارا :إني بعشئك ❤️
صفن زين بعيون تمارا وحط راحة ايدو علئ خدها اليمين ورجع باسها من خدها التاني وتمارا دايبة بين ايديه ... واطلع فيها ووشو كان ئريب علئ وشا لدرجة إنها ئدرت تسمع صوت خفئات ئلبو.
زين :مين ئلك ماني حاسس فيكي ! بس ماعم بئدر اتخطئ اللي صار
تمارا :ليش مخليني ئريبة منك لكن ؟ @rwayate
زين :ماعم بئدر استغني عنك ... بكفي خسرت سيرين ،مابدي اخسرك انتي كمان 💔
تمارا :بس سيرين ماتت ،مو أنا ...أنا عايشة ... أنا يلي بئيانة الك ...
زين :.....
تمارا :خلينا نتزوج ...
زين : مابكفي انك ئريبة ؟
تمارا :بدي إضمن ماتروح لغيري
زين :انسي الموضوع ...
بعد عنها و لبس جاكيتو وفتح الباب وبلش يتلفت حواليه لحتا ماحدا يشوفو ... لبس كاب عراسو وطلع ...
أما تمارا ئعدت مكانو عالكرسي ودموعها علئ خدها وهية لايمة حالها انها ماعم تئدر تتركو وماعم تئدر تتجاهل مشاعرها اتجاهو 💔
@rwayate
زين شب بال_30ناجح كتير... هوة موسيقي بيعزف عالبيانو بحفلات الأوبرا وكل جمهورو من أصحاب الطبقة المخملية وئبل مايكون موسيقي هوة من عائلة مرموقة ومعروفة بكل البلد وحتئ والدو ثائر بيك الحامد من رجال الأعمال المعروفين ....
أما تمارا صديقة مقربة من زين ،بيضة وشعرا خرنوبي وعيونا محيرين مرة خضر ومرة زرق ومرة عسليات وأي حدا بيشوفون بيوئع بغرامها عالفور ، ... بنت عمرا 27 سنة هية مديرة أعمالو وبتعرف عنو كل شي ... لكن هية من عائلة عادية ومتواضعة
كان زين راكب الدراجة وماشي فيها وهوة عم يتزكر عيون تمارا ولمسة ايدها وحضنا الحنون ... بس سحرها وحنيتها ولمستها ماعم تئدر تنسي حبو الأول ... سيرين الحب يلي استنزف كل مشاعر ممكن يعطيها لغيرا... 💔
وئف الدراجة وركنها ونزل وئف علئ شط البحر يلي كان هايج .. وأخد نفس طويل وغمض عيونو وبلش يتزكر ..
