قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
Link
0
3.3k
21:212018/08/19
قصة بقلم صديقة القناة (ميس قباني) بعنوان: #قصة_عشق
بـدايـة الـقـصـة..♥✨
Link
0
3.7k
21:212018/08/19
Link
0
3.4k
17:172018/08/20
قصة اليوم: #القلادة

.............
قراءة ممتعة🦋💙"
#ⴅÂÐЄĦÂ
Link
0
3.6k
17:172018/08/20
#القــــــــــــــــــــــــلادة
@rwayate
#الجزء_الأول

مية مرة التلكن هالموضوع لاتفتحوا قدامي ماني حاطتو ببالي ولا لح حطو مابدي اتجوز ولا بدي فكر في هالموضوع

مرح : لك نوصي حسك بالطريق نحن .. طيب فكري بس هالمرة الزلمة مابينرفض وبعدين يصحلك

حبيبة : ياستي مو يصحلي .. صاححلي وانا مابدي

مرح : ليش هالتناحة هي اه؟ حاج تفكير بلا طعمة هي تخرجتي من شي شهر وصارت شهادة الصيدلة بإيدك .. و كل بنت نهايتها لبيت زوجها.. ليش هيك عم تتئلي حالك

حبيبة : لا ياعمري مو تتقيل حال ولا تناحة انا رافضة القصة قطعياً ومالح فكر فيها لا هلأ ولا بعدين

مرح : وليش بقى طيب ممكن افهم؟!

حبيبة : لأنو بصراحة مابدي عيش تحت رحمة رجال هي من الاخير بدي ابقى حرة عاجبتني هالحرية

مرح : يحروا بدن يهودك تضربي انتي واللي بيتناقش معك بشغلة
/بهالأثناء كان مارئ شخص من وراهن بدون ماينتبهوا وسمع كلمتين من النقاش كلو/
______________________________

/فاتت حبيبة عالبيت وهي معصبة من هالموضوع يلي ماكان حدا يمل من فتحو .. لحشت شنتايتها ع ايد الصوفاية دغري بتنكيت وشافت امها اعدة بآخر الصالون لابسة اواعي الصلاة و عم تفرم خضرا/

حبيبة : السلام عليكم .. كيفك امي

هند : اهلين امي فوتي .. شبك ليش معصبة .. شو بدها منك مرح

/فاتت لجنب امها واعدت عالكنباية بعصبية وهي عم تشلح المانطو/

هند : كالعادة .. عريس /كملت بطريقة استهزاء/ بتحلم فيه كل بنت ها ها .. شو سئيلة هالنكتة صارت

هند : وشبك هيك عم تحكيها كأنو شي مصيبة واقعة فوق راسك

حبيبة : يا امي مو مصيبة ماشي بس انا رأيي صار اشهر من نار على علم بهالموضوع والله حلكن تحفظو ..
اكتبو ع ورقة وعلقو ع جبيني حتى ماعاد تنسوا؟؟

هند : عم تتظارفي ؟ لا لاتكتبي شي بس حاج عنادة على شو شوفة هالحال ؟؟ دراسة وخلصتي .. كنا ساكتين مشان الدراسة .. صار عمرك 23 .. ماعدتي صغيرة لتقولي مابدي ..

حبيبة : امي وبعدين ؟ في الف قصة ببالي ساويهن وفوت بمجالات الحياة والله مو كلشي الجواز مابيصير شي اذا ما تجوزت .. اعدة ع قلبكن؟
بكرا اذا كملت دراستي وصرت دكتورة بالجامعة ودرست شغلات تانية وعملت كلشي بتمناه مو احسنلي؟
اذا تجوزت بقدر كمل شي؟ ولابس لح يجيني رجال يقلي مافي روحة ومافي جية ولا تعلي صوتك ولا تحكي ولا تشكي ولا تتنفسي ولا تعطي رأيك والكلمة الاولى والاخيرة الو .. وبس هو بيحقلو يعصب وانا لازم ابتسم وروح دلل فيه بعد كل هاد .. عبيد لانو نحن ..
من الاخير ... انا مو تبع هيك حياة مابتناسبني نهائياً

هند: يارب تطول بالي على هالبنت ..

( نفتح باب البيت بهالأثناء و فات اخوها ل هند)
هند : ها هي اجا خالك حمزة خلي هو يلاقيلك حل ..

حبيبة : اي منيح اجا اصلاً ماحدا غيرو بيفهم عليي

حمزة : السلام عليكم .. شو ليش اصواتكن طالعة مافي بالعادة ..
(كان حمزة اقرب شي ل حبيبة عمرو 29 وبحكم الفارق البسيط وقرب عمرو من عمر حبيبة كانو رفقات واكتر شي يفهم عليها وعندو سعادتها بالدنيا .. بيحسها قطعة من روحو .. بس ...)

حبيبة : اهلين خالو .. تعا شوف كلهن عليي .. (رمت حالها بحضنو وشدت عليه) بدهن يخلصوا مني ماحدا عم يحترم شو بدي ..
(بعدها عنو بسرعة )

حبيبة: شبك خالو زعلان مني كمان ؟؟

حمزة (بارتباك ) : لا .. لا معقول ازعل منك حبيبة قلبو لخالو انتي وعندو زعلك بالدنيا بس .. بس انا كتفي عم يوجعني و .. وإيدي .. مافي شي يعني .. هلأ بحللك القصة انا (غمزها) ولا يهمك ..

حبيبة : (وهي عم تفك حجابها ونزل شعرها على ضهرها اسود متل الحرير واصل لتحت ضهرها بشبر) الله يخليلي ياك يارب (و باستو من راسو )

حمزة : ويحميلي ياكي يارب يلا روحي على غرفتك لاتفاهم مع امك ..

____________________________

( في مكتب إلياس )
إلياس : ادخل

أحمد : سلاااام

إلياس : ولك اهلا ابو حميد .. نور المكتب

أحمد : بعرف مافي داعي تخجلني

إلياس : تضرب شو غليظ .. بس يا اخي مافيني بلا غلاظتك .. تعا سلم

أحمد : ( سلم عليه ) شكراً لإطراءك بعرف مافيك بدوني .. اصلاً ماكنت وصلت لهون استاذ الياس

إلياس : لاتخليني اندم لأني أهلت وسهلت فيك .. دير بالك من الغرور الزايد مابينفع .. شو تشرب

أحمد : له .. الواحد بيقول شو تشرب .. بدال ماتقلي شو غديك يا عريس .. ياحيف

إلياس : شو تتسمم .. منيح هيك .. خلصني فاتحلك مطعم انا لأنو .. كتر خيري لح شربك شي

أحمد : ماشي لح مرقلك ياها هالمرة .. اطلبلي قهوة مشتاق للقهوة معك .. بس بـ وش ها كالعادة

إلياس : شحاد ومشارط .. ( رفع التليفون ) جيبولنا تنين قهوة

أحمد ( بهمس): بـ وش

إلياس : جيبولنا واحد بـ وش وزبطوها .. ( فتل لعند أحمد ) اي طمنا عن اخبارك .. كيف كان شهر العسل ؟

أحمد : ( قعد عالكرسي قدام المكتب ورفع رجليه عالطاولة) إييييه شغلة .. يا زلمة مافي احلى من الجواز

إلياس : نزل رجليك يا زلمة احترم انك بمكتب ضابط

أحمد : ها .. وهي احترمناك .. طمني عنك شتئتلك

إلياس : تشتئلك طيبة .. كيف
Link
0
3.5k
17:172018/08/20
ملاقي الحياة بعد الانتقال من العزوبية

أحمد : شغلة والله .. غير حياة وين كان رايح علينا كل هالدلال .. عقبالك ماتنتقل وتلحقني ويلين راسك شوي

إلياس : لا شكراً .. بيكفي انت تجرب وتتهنى

أحمد : لك شبك يازلمة .. قلت لحالي برجع بلاقيك مغير رأيك .. غيران مني ومقرر تلحقني

إلياس : لا عمي مابدي لاغير رأيي ولا الحق حدا مبسوط هيك

أحمد : بالله جد لإيمتا صار عمرك 30 سنة

إلياس : ويصير 50 .. مكيف هيك انا .. لا ورايي ولا قدامي ولا مسؤول عن حدا وبلا نق مابطيق نق النسوان انا بينقوا بشكل لا يطاق وانا مالي خلق ( اطلع فيه نظرة جانبية ) أنا انت ويادوب متحملك

أحمد : ( اطلع بنظرة تعالي فيه) يصحلك رفيق متلي

إلياس : حاج تأريئ .. هي اجت القهوة

______________________

(مشي حمزة لعند اختو
.. باسها من راسها و قعد مواجهها)

حمزة : كيفك اليوم اختي ؟؟

هند : الحمدلله تمام .. انت كيفك

حمزة : الحمدلله تمام مفضلها الله

هند : شو مالك بالعادة تمرق لعنا بالنهار شو القصة؟

حمزة : والله دايق خلقي عم تم فوق بشقتي لحالي أغلب الوقت قليل لشوف حدا والعيادة بتسكر الساعة 6 هاد من عدا يوم العطلة ، قلت بمر بطمن عليكن وبغير جو

هند : أي .. ولإيمتا بدك تتم ميبس راسك هيك وماتجي تقعد معنا ؟

حمزة : شلون لك اختي .. كم مرة بدنا نحكي بالموضوع ، أنا هلأ مابعرف شلون اجيت وخصوصي انها اعدة بالبيت بعد ماتخرجت .. السلام عم حسو تقيل ماشفتيا شلون حضنتني اول ما شافتني .. ما بيجوز يا اختي .. إذا هي..... ( قطع صوتو دقة الباب بقوة )

هند : يالطيف شو هاد .. مين بدو يجينا ويدق علينا هيك؟

حمزة : آيم شوف مين انا ..

(اجت حبيبة ع صوت الباب وفتح الباب حمزة .. فاتوا تلاتة من الأمن .. ركدت حبيبة ع غرفتها لبست ع راسها ورجعت )
- مرحبا معك سامي من الأمن .. مو بيت الماهر هون ؟

حمزة : مبلى هون بيت الماهر .. خير؟

سامي : جايين بمهمة خاصة .. مين حضرتك ؟

حمزة : أنا حمزة الماهر أخوها لصاحبة البيت

سامي : امم يعني بتكون خالها للصبية اللي جايين مشانها

حمزة : حبيبة !!!
( شهقت حبيبة واطلعت فيه بصدمة) شو بدكن مني ؟!!

( قربت لعندو هند) خير يا ابني شوفي ؟ لشو بدكن البنت

( اطلع سامي بحبيبة ) بالفرع بتعرفي .. تفضلي معنا

حبيبة : لشو بدي روح معكن

حمزة : خبرنا بس شوفي شو عاملة البنت ؟

سامي : لو سمحتوا انا مابعرف شوفي معي امر جيبها وبس

حبيبة : طيب لحظة لألبس واجي

سامي : بسرعة لو سمحتي .. دقيقتين ما معك غيرهن

يتبع ......
Link
0
2.2k
17:172018/08/20
Link
0
1.8k
17:172018/08/20
#القــــــــــــــــــــــــلادة

#الجزء_الثاني
@rwayate
(فاتت عالمكتب)
سامي : .احترامي سيدي .. هي الانسة اللي بعتونا نجيبها

إلياس : يعطيك العافية .. تفضل مساعد سامي

سامي : احترامي سيدي

إلياس : اهلين بالآنسة حبيبة .. حلوة كتير زيارة الآنسات الصغار لعنا

حبيبة :شو عاملة انا ممكن افهم

إلياس: ماشاءالله كلكن هيك عينكن جئرة .. هلأ بتفهمي

حبيبة : عفواً سيادة الضابط ما قصدت بس أنا..... (قاطعها الضابط) انتي خليكي ساكتة وبلا لعي زايد .. تفضلي اقعدي لح عاملك بالحسنى

إلياس: لح بلش معك من الاول .. حضرتك وين كنتي اليوم

حبيبة : بالبيت

إلياس لح نبلش كذب .. غير البيت ؟

حبيبة: كنت مع رفيقتي بكفتيريا

إلياس امم وشو كنتو عم تحكو ؟

حبيبة : عفواً سيادة الضابط الموضوع خاص شوي

إلياس : خاص !! ولو كان خاص كنا جبناكي لهون نحن؟؟ احكي لشوف وبلاه هالوش الملائكي الكذاب .. مع مين متعاونة وعلى شو ناويين
( اطلعت فيه بصدمة وحست الدم نشف بعروقها .. "ولي على امتي شو هالتهمة")
إلياس : عم احكي معك .. شوو حابة تعذبينا ؟!

حبيبة : عفواً سيادة الضابط ماني فهمانة عن شو عم تحكي
إلياس: كلكن بدكن تحكو نفس الكلمة اول شي بعدين بتكروا كلشي ع بساط الريح وبتطلعوا عاملين السبعة وذمتها ( اطلع فيها باستهزاء) هاد اذا ماكنتو السبب بثقبة الاوزون (رجع راسو لورا وضحك باستهزاء)
(ضحكت حبيبة غصب عنها)

إلياس : ياسلام ضحكتك حلوة على عيبك .. عكلن ماني عم ضحكك

(شدت حالها وحكت معو بصرامة)
حبيبة : عفوا سيادة الضابط لهلأ مافهمت على اي اساس تاهميني هالتهمة
إلياس : الله يصبرني على هالنهار .. طيب لح سايرك .. حضرتك شو كنتي عم تقولي للي كانت معك !!
(صفنت شوي شو بدها تتذكر من الحديث شي غلط .. قاطعها الضابط)
أنا بقلك لاتصفني كتير
كنتي عم تقوليلا بدي هالحرية وعاجبتني حريتي
بشو محررينك وشو عم يزرعوا براسك هاتي لشوف

( رجعت بذاكرتها لورا شوي وتذكرت الكلمة وصارت تضحك من قلب على قد ماكانت متوترة على قد ماقلب ضحك بالنسبة الها الموقف)
(خبط بإيدو بقوة عالمكتب وهية ارتعبت و سكتت )
إلياس : ماني جايبك تضحكي ولا فاتحلك سينما جاوبي عاللي سألتو لشوف

حبيبة : عفواً بس انتو فهمانين غلط مو هيك الموضوع ابداً .. انا صبية وصار عمري 23 سنة واهلي حابين يجوزوني وانا مو رضيانة كل مايجي عريس بقلن لا وهنن ساكتين كانو كرمال دراستي بس بعد ماتخرجت ماعاد في مجال لارفض ورفيقتي كانت عم تناقشني بالموضوع واحتد النقاش بيننا قلتلا انا مابدي هالقصة كلها من اساسها انا بدي تم حرة وقراري من راسي مابدي رجال يتحكم فيني عاجبتني حريتي ووضعي .. لو انو الموضوع خاص متل ما التلك ومحرج شوي بس هاد اللي صار
( اطلع فيها بتركيز) وانا مطلوب سدئك.. شوضمني ماتكوني عم تكذبي

حبيبة : فيكن تستدعوا رفيقتي وتسألوها اكيد مالحقت خبرها شي ولح تحكي الحقيقة
.
إلياس: هاتي عنوانها لشوف
(عطتو العنوان ونادى للمساعد)
يامساعد سامي
(فات المساعد وضرب تحية )
سامي :. احترامي سيدي

إلياس : بتاخد هي الورقة كتبتلك عليها عنوان وبتاخد دورية وبتجيبولي الصبية اللي هنيك (اطلع بحبيبة) شو اسمها رفيقتك ؟

حبيبة : مرح القادر اسمها
إلياس : تمام .. بتجيبولي الصبية مرح القادر
.
.
.

( بعد حوالي ساعة)

حبيبة: لإيمتى بدي تم هون أنا

(كان واقف إلياس عالشباك رافع البرداية وحاطط ايديه بجيبو وعاطي ضهرو لحبيبة يلي لساتا آعدة عالكرسي)

إلياس : لأنو كتير مبسوط بوجودك أنا ولا جايبك سيران مو أنتو مابتخلصوا مشاكل

حبيبة: يا حضرة الضابط حكيتلك شو صار اطلع فيني انا وشي وش هيك قصص

( اطلع فيها بنظرة استهزاء وصفن شوي)
إلياس : ياما تحت السواهي دواهي
( اندق الباب)

إلياس : ها ليكهن اجو هلأ اذا طلع صح حكيك بتتيسري ..
تفضل

سامي : احترامي سيدي .. هي الصبية يلي بعتونا نجيبا .. بتوصوا بشي تاني ؟

إلياس : سلامتك .. يعطيك العافية

(ركدت مرح لعند حبيبة )
مرح : حبيبة ... شو عم تعملي هون

إلياس : آنسة مرح اقعدي وبلا كتر حكي
(قعدت مرح عالكرسي مواجه حبيبة )

إلياس : يا آنسة مرح وين كنتو انتي وحبيبة اليوم ؟
وشو كنتو عم تحكو ؟

( حكتلو القصة كاملة متل ماحكت حبيبة وفهم منها انو هي حقيقة اللي صار)

إلياس : امم .. هيك قلتولي .. طيب تعالو وقعو عالضبط مشان تتيسروا

(وقعوا عالضبط وطلبو الأذن ليمشوا)

إلياس : فيكن تمشو وآسفين عالإزعاج بس مشان تعرفي تحسبي كلمتك يا آنسة حبيبة وخصوصي بأماكن عامة .. تفضلو فيكن تمشو ..

(طلعو من القسم حبيبة ومرح وحكو عن اللي صار معهن)

حبيبة : يالطيف شو شايف حالو وشلون بيتنتور كتر خيرو اعتذر

مرح : بس يا أختي شخصية ولي على قلبي عهالطول وعهالجسم الرياضي والشعر الأسود مع العيون العسلي ولا لحيتو مااا يبلااا عهالشخصية
Link
0
1.9k
17:172018/08/20
حبيبة : اصلاً انتي هاد اللي بيهمك يبليكي بحمى ان شاءالله هاد وانتي مخطوبة وخطيبك حلو وهيك عم تحكي شلون لو ماكنتي مخطوبة او لو ماكان حلو خطيبك @rwayate مرح (وهية عم تطلع فيها بثقة ) ماكنت وافقت

حبيبة : لك تضربي شو فاضية امشي قدامي على هالرعبة هالنهار .. هي آخرة نقكن شفتي شو صار

مرح : اي انتي مخك حجر امشي قدامي تضربي بهالراس

حبيبة : ليكي هاد خالي حمزة واقف عالباب

(ركدت لعندو كأنها مابتحس بالأمان إلا معو )
حمزة : أهلين حبيبة الحمدلله ع السلامة شو صار معك قلبي متل النار عليكي

حبيبة : الله يخليلي ياك .. ولا شي سوء تفاهم
بس نحلو ركبي لنحل سوء هالتفاهم

حمزة : وليش طولتي كل هالقد

حبيبة : لبين ما جابو رفيقتي مرح وتأكدو من حكيي

حمزة : الحمدلله عسلامتكن .. يلا امشي امك قلبها متل النار عليكي

مرح : لكن أنا بستأذن

حبيبة : لا وين بدك تروحي امشي منوصلك بطريقنا خالي معو سيارة بعدين بيتك بنفس الحارة مو محرزة تروحي لحالك

حمزة : تفضلو طلعو ليكا السيارة منوصلك معنا
( ركبو بالسيارة وحكتلو عالطريق حبيبة لحمزة كل القصة لوصلو عالبيت )

حمزة : بيكون امك ماصفي فيها عقل لبين ماوصلنا

حبيبة : وأنت ماخفت عليي مو قلت لحالك خلصنا منها ومن نقها

حمزة : لا ماخفت بدليل اني كل هالساعات عم استناكي ع باب الفرع .. بعدين عندي وجودك بالدنيا أنا حتى نقك بحبو

حبيبة : الله لايحرمني منك يا أحلى خال

حمزة : يلا فوتي حاج لعي عالباب

( فتحو الباب وفاتو شافت حبيبة أمها عم تقرأ قرآن بالصالون .. ركدت عليها وعانقتها وحطت راسها بحضنها وصارت تبكي )

أم زيد : الحمدلله عسلامتك تؤبري قلبي ان شاءالله ماساوولك شي

حبيبة : لا كم سؤال سوء تفاهم ونحل

أم زيد : اي الحمدلله تنذكر وماتنعاد يلا قومي غسلي وغيري اواعيكي لبين مايجهز الغدا

( فاتت لغرفتها ..وكان حمزة لسا واقف بآخر الصالون وعم يطلع فيهن .. اطلعت فيه أختو وقالتلو )

ماتعبت من هالنطرة أنت كمان وين كنت قاعد

حمزة : ع باب الفرع شوي اقعد بالسيارة شوي وقف جنب الباب .. طار عقلي وقت شفتها طالعة

أم زيد : طار عقلك قلتلي .. يا أخي سماع مني خلينا نخبرها و....

حمزة : اختي الله يحن عليكي مابتزبط والله مو زابطة لاعاد تفكري فيها

أم زيد : وليش حتى ماتزبط ان شاءالله سدئت أنك خالها .. بعدين أنا بدي افرح فيك وشايفتك شلون اهتمامك فيها ونظراتك الها

حمزة : لا ماني مسدئ اني خالها ولا بحس انها بنتك وانتي بتعرفي اني سافرت بحجة الدراسة مع انو كان فيني ادرس هون كرمال كون بعيد عنها وماتتعلق فيني وأنا مو خالها وأنتي مو أمها وهية مافي حواليها رجال يحميها لا أنت عندك ولاد ولا زوجك موجود لتفكرو أبوها .. ما حتلاقي غيري يكون جنبها وأنتي بتعرفي أديش بتحبني من وقت ماوعيت عالدنيا

هند : وأديش أنت بتحبها

حمزة : يا أختي هية مابتشوفني إلا خالها .. وهاد الشي كافي ليخلينا نسكر عالموضوع
يتبع..
Link
0
1.8k
17:172018/08/20
Link
0
1.8k
17:172018/08/20
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com