@rwayate
ممنوع الاقتراب .. الجزء الأول
مع طلعة طلاب المدارس وزحمة الشوارع والدنيا شوب هون بتكون ماشي شهد ودانا بنات صف عاشر ومبين علين قديشن مندمجات بالحكي وضحكتن على وجهن هون دانا بتطلب من شهد يروحو على المكتبة مشان بحث العربي وبتوافق وبتروح معها
شهد :ي الله من دروس العربي وغلاظتا وك لما كنا بالتاسع ماناخد هيك ولا نحفظ هيك هفف يا ..
دانا : هه شاطرة مفكرة حالك بالتاسع لك صرتي عاشر يعني أكيد رح يعطونا أكتر بس الله يستر
فاتو على المكتبة واشترو الاوراق اللازمة واخدت شهد دفتر مزكرات صغير ملون ورجعو فاتو على بقالية جنب المكتبة واشترو أكلات طيبي و هنن ماشين شهد .. يااااااخ دانا
دانا : شبك جدبة شو في
شهد : ليكي هالسيارة ملياني العاب هههه تقولي سيارة بابا نويل بس بتعرفي انا شايفي هالسيارة بس مدري وين وهي عم تتلفت بتلاقي شب طويل حنطي عيونو بينيات ومعاه رفيقو وبيطلع فيها وبتطلع فيه هون بتنكشها دانا وبيكفو
دانا : لك شبك عم تبحلقي بالشب هيك كأنو مانك شايفي غيرو
شهد : لك لان طلع جارنا صاحب السيارة واناعم اتمسخر عليه وبعدين هوي بجنن
دانا : اي اطلعي قدامك مشان ماتجني
شهد : معقول سمع كلامي وانا عم احكي عليه
دانا : ويسمع عن جد سيارتو ملياني العاب يلا هي وصلتك على زاوية يلا كفي وانا رايحة بشوفك بكرا
شهد : ماشي دندن وينك حاكيني اليوم المسا مشان حل وظيفة الكيما
ماشي سلام
كان بيوتكن قراب على بعض والزاوية هي مفترق طريق كل وحدي وكملو على بيوتن بس شهد خافت بالاول من جارن يكون سمع حكيا بس بعدين قالت ويسمع شو رح يعمل يعني بس جد شخصيتو وحضورو بجننو يا ترى وين كان ولي ما كنت شوفو من قبل يلا رح أعرف بعدين كل شي
#الكاتبة_ضحى_محمد
المسا بتحكي شهد مع دانا وبضلو على كر وبينسو قصة الوظيفة كلا وبيتفقو انو تمرق دانا لعندا الصبح وسكرت ورجعت شهد تساعد أمها ووتفرج على التلفزيون من مسلسل ل مسلسل وعم تضحك هون بتقلها أمها ..
الام : مو حاج تتلهي صرلك 6 ساعات من جيتي ما شفتك مسكتي الكتاب قومي أدرسي
شهد : اي يلا أمي شوي ورح قوم
الام : هلء بدك تقومي تدرسي
شهد : يا الله قايمة وفاتت على غرفتها وبلشت تدرس جهزت البحث العربي وبلشت تكتب وظيفة الكيما وبعد ما خلصت خطر هداك الشب ببالها وأعدت تبتسم وحاطة أيدها على خدها وعم ترسم بخيالا أماني واحلام شوي وبتوقع ايدها وبترجع للواقع
بتضب كتبا بالشنتة وبتروح بتنام
....
وهي نايمي بتسمع صوت شهد يلا قومي على مدرستك شهد حاج خمخمة قومي لشوف
شهد :ايي ي ام يي صب يي
الام : صباح الخير بس تخلصي متاوبة أحكي
يلا لشوف يادوب تلحقي على المدرسة
شهد : طيب طيب صحصحت هااا
بتقوم شهد لتغسل وتلبس تياب المدرسة وتطلع بالمراية انها مرتبة وكلو تمام وبتنزل ل تحت على باب البناية لتستنى رفيقتا دانا ..
وهي عم تطلع بالساعة وبترجع تطلع خايفي تتأخر على المدرسة بينزل جارها وبصير يطلع فيا وهي خجلت وماعاد تعرف شو تعمل
وصارت تطلع عليه بالسرقة بس هون صار شي مو متوقع ومانو مفهوم ل شهد ..