تركوني بالغرفة لحالي و طلعو ..
استسلمت لأني صرت بنت مجنونة ،
بقيت اعدة عالكرسي و انا ساكتة ..
الغرفة دافية كتير و انا جنب الصوبيا ..
شباك الغرفة بطل ع حديقة المدرسة ..
في شي شدني لاتطلع من هالشباك ..
شفت البنت نفسا يلي شفتا اول مرة .. البنت يلي شعراا طويل وحلو ..
كان شكلا بخوف كتير .
لون بشرتا ابيض شاحب ، بعيون سود غامقااا وشفايف زرق ..
شعرا اسود وطويل كتير مغطي تيابا ..
اتطلعت فيني من بعيد ، خفت منها.كتير بس حسيت انو بدي ضل واقفة ما لازم ابعد ..
ضليت عم اتطلع فيها ..
لحد ما اجت نسمة هواا قوية كتير .. انفتح باب الغرفة بسببو وبعدين اختفت البنت ..
اجت ماما اخدتني عالبيت ..
شكلي ماكان منيح ابداً ..
سواد تحت عيوني وعلى جفوني ..
وشعري طاير ومو مرتب ابداً ..
فتت ع غرفتي .. ارتميت ع تختي ونمت ..
ماعد حسيت ع شي ..
ضوووو ابيض جاي من بعيد ..
و صبية حلوة كتير كتير لابسة فستان ابيض ناعم .. وحاملة بإيدا ورد ..
قربت عليي زتت عليي الورد يلي تحول لشوك فجأة وتحوول شكلا لوحش بخوف كتير ، شكل هديك البنت يلي شفتا من الشباك ..
حسيت حالي مدفونة حوا تراب وماعم بقدر اطلع عم حاول ارفع التراب بس ماقدرت .. نفسي كان عم يقل و دقات قلبي عم تتسارع كتير ..
صحيت بلهفة من هالمنام ، وكأن هلإ رجعت ارتدتلي الروح كنت خايفة كتير و حسيت هلأ بدقات قلبي رجعت تنتظم ..
صرت ابكي كتير كتير ،
((( لك خلصصصص حلي عني حلي ، تركيني بحالي مشان الله )))
صار المسا وكنت كتير تعبانة ماني مصدقة ايمت يجي النهار ..
وقررت اني ماروح ع مدرستي مشان ارتاح شوي من هالمشاكل يلي عم تصير معي ..
اتصلت بنور بنت خالي مشان تجي تنام عندي بتونس فيها بغرفتي ومنتسلا شوي ..
و نور ما رفضت و صلا ابوها لعنا ونامت عندي ..
سهرنا انا وياها وحكيتلا شو صار معي .. كنت بوثق فيها كتير ...
#يتبع