📚قصص||روايات||منوعة📚

ركان : ماشي
سامي :سلام
ركان : الله معك
دلال : اي قلي شو القصة
حط ايدو عكتفا ومشي هو واياها وقلا القصة يا حبيبتي انو.....
_______________________
المسا الكل كان مجتمع عند لونا .. من اهل سامي واهل ركان
الاء : شو كنا خايفين عليكي هالفترة
لونا : مرقت عخير
الكل : الحمد لله ع سلامتك وتنذكر وماتنعاد
لونا : امين .. وبالنهاي كنا عم نخدم البلد ههههه
الكل :هههههه
ركان : صحي لونا كيف كانت فترة حجزك عند المقدم حازم "وغمزها
لونا : شو غليظ هههه ... والله لاخر نفس لحتى عرفت انو ضابط .. كان عطول عم يمثل علي دور المجرم
سامي : كنت خايفة
لونا :هههه انا من زمان مابخاف من شي .. يعني بالعكس اذا متت بفرح
سامي : لا تحكي هيك .. نحنا كلنا بحاجتك
لونا : صرلي فترة مختفية .. وانتو ماتغير عليكن شي .. وما أثرت ع حدا .. وعايشين حياة طبيعية
ركان : لونا شبك رح تقلبيها نكد
لونا : ماقصدي والله ... بس يعني اذا صرلي شي بتزعلو يوم يومين وبعدين بتنسو
ركان : خلص شيلونا من هالسيرة
لونا :اي والله ... وانا مشتاقة لهل الازعر الصغير
قامت وحملت ابن الاء
لونا : تقبر قلبي ما الزلك... شو الاء قومي تلحلحي شوي وجيبلنا شي نشربو
الاء : ههههه بأمرك ست لونا
لونا :يامية اهلا وسهلا عنجد شوفتكن بترد الروح
خلصت السهرة وراحو الكل ... فاتت لونا تمددت ع تختا .. وصارت تتذكر حازم ..
لونا : وليش عم فكر فيه ... تضربي يالونا
_____________
واقف ع البلكون .. اجت صبية من وراه وحطت عكتافو جاكيت وكانت العتمة مغطاي وجها
_الجو بارد
حازم : شكرا
_ قلي اخي شبك مانك ع بعضك
حازم : لا ابدا مافي شي
_ كأنك مانك مبسوط لانك خلصت مهمتك
حازم : والله ياريم هي المجرمين مابتخلص واذا الواحد بضل طول عمرو عم يلقط فيهن بتضل البلد مليانة
اجا ع وجها ضو القمر وهية نفسا ريم الممرضة
ريم : طيب شو المشكلة
Telegram@rwayate
حازم : مالل كتيير .. مالل من كل حياتي .. لحد هلأ ماعملت شي
ريم :كل هالشي يلي عم تعملو وماعملت شي
حازم :قصدي ع حالي .. انا شو عملت لحالي .. شيلك عن المصاري والشهرة والجاه بدي شي الي خاص فيني
ريم : قصدك تكون عيلة
حازم ::هيك شي
ريم :طيب اخي ما تتزوج انت صرت منيح وبصراحة حاجتك .. وكمان لاتنسى نص بنات البلد بتتمناك
حازم : مابقدر اتزوج قبل ما اتخلص من سلبياتي
ريم :قصدك ع النسوان
حازم :اي .. خايف يلي بدي اتزوجا اظلما .. او خونا
ريم :صدقني اذا بتحبا وهية بتحبك رح تغنيك عن نسوان الدني كلا ... وبصرااحة انا قلبي حاسسني "اشرت عقلبو " انو هاد بلش يدق
حازم ::ههههه شو هالتخبيص .. انا بدي حب ومين بدي حب
ريم : انت مانك ملاحظ اخر فترة معد طلعت مع ولا بنت ولا جبتن لعندك ..
حازم :اي مو عطول كمان
ريم: لا مو هيك بس لانو قلبك وعقلك عم يشتغلو
حازم:هاه .. وبمين بدون يشتغلو
ريم : شو رأيك نقول مثلا ..مثلا ها ... لونا
حازم :شووو لونا ... ومالقيتي غير هي
ريم :حازم حارتنا ديقة وبنعرف بعض
حازم : لا لا مستحيل فكر بلونا وبعدين ما من ستايلي
ريم :شو ستايلك حبيبي
حازم :انت مطولة هوون ... روحي من وجهي
ريم ::طيب تصبح على خير
حازم :وانت بخير
راحت ريم وهو رجع يتصفن بالسما وصار يبتسم

يتبع ..........

تركتن ورحت ع غرفتي وانا عم ابكي .. وضلي هيك اسبوع وانا مكتئبة .. بس لما كنت شوف التفجيرات والقذائف يلي بلشت تصير بسوريا وكم مدرسة تفجرت اعتبرت حالي منون ... وكنت متألمة انو ان شاء الله تخلص هالازمة والسنة الجاي برجع بسجل .. وكنت واسي حالي على طول وقول عسى ان تكرهو شيئا وهو خيرا لكم .. وبيوم من الايام انا كنت قاعدة بغرفتي عم العب ع الكومبيتر ... حسيت انو في ضجة بالبيت وكأنو عنا ضيوف بس ما عطيت اهيمة للموضوع .. بعد شوي بينفتح باب غرفتي وبفوت عمر
عمر : مروة قومي عمليلي كاسة شاي وجيبها على غرفة الضيوف
مروة : ليش مين عندك
عمر : صهيب .. يلا قومي
مروة :يلا رح اعملك الشاي واندهلك انت تاخدا
عمر : انا قلت انتي فوتيها
مروة : ليش من ايمت نحنا بنقدم الضيافة للضيوف
عمر : من اليوم .. يلا
قمت وانا متأكدة انو في طبخة عم يحضروها من ورا ضهري .. بس ما حزرو ..
رحت عملت شاي واخدتا لعندي ع الغرفة كانت فاطمة
مروة : فاطمة قومي فوتي الشاي انتي
فاطمة : مادخلني وماسمعتي عمر قال انتي ...
مروة : حبابي والله ممغوصة كتير وبدي روح ع الحمام
فاطمة : ما دخلني
مروة : لك مشان الله والله معد استحمل .. وهلأ بتبرد الشاي الله يخليكي
فاطمة ؛ طيب هاتي
Telegram@rwayate
اخدت الشاي فاطمة وانا رحت لاتسمع شو رح يصير
اول مافاتت عمر تفاجى فيها وقلا وينا مروة
فاطمة : اااه .. تعبانة شوي وماقدرت تجيبا هية
عمر : طيب روحي ... يسلمو ..
صهيب : انا بالاذن
عمر : ع وين معلم لسه ماشربنا الشاي
صهيب : مشروبة ..
انا رحت هربت ع غرفتي فاتت فاطمة .. وبعد شوي اجا عمر
عمر : وليه ليش مانقبرتي فوتي الشاي انتي
مروة : ليش شوفيها انا وفاطمة واحد ...
عمر : لأ ما واحد
مروة : مافهمت انت ليش مصر انو انا فوت الشاي
عمر : لأنو ...
مروة : كمل لأنو شو .
عمر : ماوقتو ..
طلع عمر وقالتلي فاطمة : اي الجحش فهم وانتي مافهمتي ..
غشمت حالي وقالتلا عن شوو
فاطمة : انو صهيب بدو اياكي واجا اليوم لحتى يشوفك .. وشكلو حكيان مع اخواتك مشان هيك طلب عمر منك انو انتي تفوتي الشاي
انا هون شي شعل جواتي .. هو اكتر من شعور كره ... مابعرف شو هو هالشعور بس ابدان مانو حب او شعور حلو ..
مروة : ههه بس انا ماني موافقة عليه لو بموت
ابتسمت فاطمة ابتسامة سخرية بوجهي و برمت وجها ع تاني جهة ... ماكنت فهمانة شو قصدا من هالابتسامة
مر يومين والاوضاع بالبيت كتير هادي .. وهاد كان الهدوء ما قبل العاصفة ...
المسا كنت نايمة يعني نمت من المغرب وفقت ع اذان العشي .. ماشفت غير الباب اندق ... انا صرت اتطلع من شباك غرفتي ... وفاات وفد كبير كلا من كبارية الضيعة والمختار والشيخ وشفت صهيب معن .. وكان بأستقبالن اخواتي وابي ..انا ابدا ماخطر عبالي انون جايين يخطبوني .. اتطلعت حولي مالقيت حدا .. قمت ورحت ع المطبخ وكانت هنيك امي واختي .. كانت ارض المطبخ وع المجلي سفاط حلو وصناديق فواكه وامي واختي مهموكين وعم يحطوهن بجوط الضيافة
انا : امي شو عم يصير .. نمت ساعة فقت لقيت الدني مخروبة
امي الابتسامة ماعم تفارق وجها ضحكت وقالت : هههههه قال عاملة حالك مامعك خبر
مروة : ع شو ماني فهمانة
امي : رح امشي معك انو عاساس مابتعرفي شو عم يصير وقلك انو هدول جايين يطلبوكي لصهيب
كانت اكبر صدمة بتلقاها بحياتي : شووووووووو
امي : اي .. واخيرا رح افرح فيكي ... لك دخيلا العروس
مروة : بس انا ماني موافقة
زورتني امي وقالت : اي هلأ قولي هالحكي لابوكي
مروة : اي بقلو .. بكلشي فيكن تغصبوني الا بهي الشغلة
رحت قعدت بغرفتي وانا هاد البركان يلي جواتي ما عم يطفي ..وكل شوي قوم اتطلع من الشباك وشوف اذا راحو ... بعد شي ساعة سمعت انو راحو .. وطبعا لازم يصير اجتماع للعائلة والشي الاكيد انو يستدعوني لهاد الاجتماع يلي نهايتو محسومة ...
فتت ع غرفة الضيوف والكل كانت الضحكة على وجوه الكل
ابي : بنتي تعي لحدي
رحت قعدت حدو ... وطبعا رح يحكيلي الموشح انو البنت بس تكبر لازم تتزوج ومن هالحكي .. وبالفعل حكي نفس الحكي
ابي : يا بابا سمعيني الزواج سنة الكون .. وكل بنت لما تكبر لازم تتزوج وتنستر وانتي يابنتي الظاهر اجا نصيبك
مروة : بابا انا صغيرة
Telegram@rwayate
ابي : لا حبيبتي مانك صغيرة مزال بلغتي يعني مانك صغيرة ...
مروة: بابا انا اصغر وحدة بهاد البيت وكمان كل عمري ١٦
ابي : اي يابنتي صح بس اوقات بنتطلب الصغيرة قبل الكبيرة ومالازم نتقطع بنصيبا
مروة : بس انا مابدي اتزوج عطوه فاطمة
ابي : هههههه يا ابي هو طالبك الك مو طالب فاطمة
مروة : اي طلبني وانا ماني موافقة
خضر : اي لانو يصحلك واحد متل صهيب
دمعو عيوني وقلتلن : بس انا مابدي اتزوج شو الشغلة غصب وكمان هاد صهيب انا مابطيقو وكمان اكبر مني
ابي : يابنتي الشب ما بعيبو شب و فكري من هون لبكرا .. بس لاتسوديلي وجهي قدام الجماعة لانو قلتلن عطيتكن اذا الله عطاكن
مروة : لك كيف بتوافق وانت ما اخدت رأيي

حطينا الفطور ع الطاولة بالصالون وابي واخواتي وصهيب طلعو ليفطرو ... انا رحت جيب الشاي .. ولما رجعت لقيتن تاركين كرسي فاضي حد صهيب
مروة : مرحبا
صهيب وبدون ما يتطلع بوجهي : اهلين
وصرنا ناكل .. وحسيتو عم يتجاهلني ..
ابي : اهلين بالصهر والله .. نورت
صهيب : تسلم عمي هاد نورك
انا اكلت لقمتين وقمت .. ورحت ع المطبخ وانا مقهورة .. مابكفي ماني طايقتو ولا عم يتجاهلني كمان ع شو شايف حالو ... بس مايكون زعلان من مبارح ... لا ما انا اعتذرت منو ... بس شكلو مانو طايقني .. ليش لحتى يخطبني
سمعت ابي عم يندهلي .. رحت لعندن بس مالقيت صهيب
ابي : بنتي خطيبك بغرفة الضيوف فوتي اقعدي معو شوي
مروة : اي يلا ..
دقيت الباب وفتت .. قعدت مقبالو وماحكيت ..
صهيب : عفكرة انتي كتير حلوة
مروة : اي بعرف ... بس انت هلأ برا ماكنت عم تحكيني ولا تطلع فيني وهلأ عم تتغزل فيني
صهيب : مابحب بين قدام اهلك انو مهتم فيكي .
مروة : وليش بقا
صهيب : هيك
مروة : اممم ... بتحب تشرب شي
صهيب : لا ..بدي قوم روح اليوم فايق بكير
مروة : ليش اي ساعة فايق
صهيب : ٨
مروة : ٨ وبكير
صهيب : اي بكير لانو نايم الساعة خمسة
مروة : طيب ليش فايق بكير
صهيب : مشان اجي اتصبح بهالوجه الحلو
بصراحة خجلت كتير من حكيو ومارديت
صهيب : انا قايم بدك شي
مروة : لا سلامتك
قام ومشي وانا مشيت وراه .. وصل ع الباب وقبل ما يفتحو مسكني من ايدي وقربني منو .. وباسني بوسة على تمي .. انا هون حسيت كل شعر جسمي وقف ... بعد عني وانا ملخبطة كتير بين خجل وتوتر .. لمسني ع خدي وقلي رح اشتقلك ... فتح الباب وطلع ودع اهلي وراح .. انا بعدني واقفة مكاني .. وبلشت حس بتأنيب الضمير وكأنو عملت شي حرام لانو باسني ... مابعرف شو هاد الشعور بس كتير تدايقت ... طلعت لعند اهلي
امي : شو حكيتو ..
وانا : ولا شي
وصار يمر يوم ورا يوم وصهيب كان يجي لعنا ساعة زمان باليوم .. وانا كنت حاول ضل ع طول بعيدة عنو مشان مايقرب علي مرة تانية ويوسني ... طبعا خلال الاسبوع كنا عم نجهز لحفلة الخطبة ... انا كنت عطول حاول انو كون مبسوطة او ابسط حالي .. بس جواتي كان وجع كبير وانو مكاني مالازم يكون هون .. لازم كون عم قدم الامتحانات .... واجا يوم الخطبة
Telegram@rwayate
كنت قاعدة ع منصة العرسان وانا لابسة فستان احمر كان عاكس جمالي لانو انا جسمي ابيض .. وعتمي الصغير كان لون احمر من لون فستاتي وبصراحة كل الموجودين كانو متفاجئين فيني ... حتى امي قال جابت شوي ملح ملفوفين بكيس نايلن صغير وحطتلي اياهن بصدري قال مشان العين .. واشتغلت هالاغاني وبلشو هالبنات يرقصو وامي طالعة فايتة ."" مابقولو اذا حدا يفوت ويطلع بقولو شبك متل ام العروس هههههه " وهي امي فايتة وطالعة .. وانا قاعدة اجت لعندي وحدة من زميلاتي بالصف وبعرفا هي بتصيب بالعين .. لانو ضلت تقلي نيالك انتي اشطر وحدة بالمدرسة .. وياريت صير متلك لحتى تركت المدرسة وهلأ الله يستر مدري شو بدا ..
عبير ؛ مبروك .. مبروك .. طالعة بتجنني قمررر
مروة : الله يبارك فيكي وعقبالك يارب
عبير : ان شاء الله بس مارح يجيني متل نصيبك اخدتي احلا واحد بهل الضغية وكمان اكتر واحد رجال
بقلبي : تضربي منك الو ... يلا بركي بتطرقو عين وبطير ههههههه
عبير : اي قوليلي شو شو شعورك
مروة : هههه والله شعور مابينوصف
عبير بقهر : ايه .. الله يهنيكي
تركتني وراحت .. وبلش يصير ضجة وصارو يقولو اجو اهل العريس
انا تلبكت كتير وكمان كان فستاني مكشوف .. خجلت كتير وصرت دور حولي على شي شال حطو على كتافي .. بس مالقيت .. بلشو يفوتو الناس اجت امو تسلم علي واول ماشافتني مسكتني وبلشت فيني تبويس وتصلي ع النبي .. واجت اختو ومرت اخوه وعماتو وخالاتو ونسوان عمومتو الكل سلم علي ... طلعت امو لبرا وفوتت معها صهيب وفات مع صهيب اخواتي .. اخواتي باركولي وطلعو .. وصهيب باركلي وباسني على خدودي وقعد جنبي وصارو اهلو يرقصو .. وهو قرب من ادني وهمس : تخيلتك انك تطلعي حلوة كتير بس ماتخيلت لهل الدرجة
انا خجلت كتير وحسيت برعشة بجسمي حتى بين هالشي على اديي كيف برغلت 😅😅😅
صهيب : بردانة ؟
مروة : لا .. بس متوترة شوي
صهيب : اي بنرجع لموضوعنا
مروة : اي موضوع
صهيب :عن العيون الحلوة .. ولهل البشرة البيضة يلي متل التلج ... ولا النعومة متل الاطفال .. ولا شو بدي احكي عن التم متل حبة الفريز ويلي انا مشتهي اكلها
يا الله كلامو شو دوبني من خجلي ...
صهيب : شبك ليش هيك حمريتي
مروة : بكفي حاج تتغزل فيني والله دبت من خجلي
صهيب : لا شو تدوبي .. خلص معد احكي
برم وجهو وصار يتطلع ناح المعازيم ... اتطلعت عليه اشقد كان حلو واشقد انعجبت فيه .... انا صار فيني متل عيني فيه وتفو عليه هههههه
اجت امو قومتنا مشان نرقص .. وقمت صرت ارقص معو وكنت عم اتطلع فيه وابتسم متل الجدبة
خلصت الحفلة .. وهو وصلني ع البيت بسيارتو
ساعدني لحتى نزلت
وفتنا ع البيت

مروة : صهيب قال ماعم ياخد راحتو ع التخت
ليلى : لا هاد جن ع الخالص انا رح احكي معو
مروة : لا مشان الله لاتجيبلو سيرة بس عطيني حرام انتي وماعليكي وماعم استرجي اطلب من امك
ليلى : يلا رح جبلك من غرفتي بدون ماتنتبه امي .. بس انا رح احكي مع صهيب مشان ننزل انا واياكي ع السوق نشتريلي شوية تياب
مروة : مافي داعي
ليلى : شو مافي داعي انتي عروس
مروة : اذا وافق
ليلى : معو ع كيفو ... يلا انا رح جبلك الحرام وروح
...................
Telegram@rwayate
عند العصر ..
طلعت من الحمام .. وانا خجلانة .. هاد الشي ماكنت حاسبة حسابو ... وهية دورتي الشهرية ... رحت لعند مرت عمي مشان اطلب منها تجبلي محارم نسائية ... بس كان التوقيت ابدا مانو مناسب لانها كانت حاقدة علي من الضهر
مروة : مرت عمي بدي محارم نسائية
حماتي : ليش
مروة : مرت عمي فهمك كفاي
حماتي : وجاي تطلبي مني وبكل عين وقحة بعد الشي يلي عملتيه معي الضهر
مروة : بس والله انا ماحكيت شي هاد معاذ
حماتي : اي روحي انقبري ماني جابيتلك شي
مروة : كيف يعني ... مافيني ضل هيك
حماتي : تصطفلي دبري حالك ... وكمان عدورنا ماكن في محارم ولا بطيخ .. روحي استخدمي شي خرقة
رحت ع غرفتي وانا عم ابكي ... لك وصلت لعلبة المحارم ... قعدت ابكي وفكر شو اعمل ... ومالقيت حل الا قوم واعمل متل ماقالتلي .. قمت قصيت شقفت قماشة من كنزة قديمة لالي ...
بس ماكنت مرتاحة ابدا وكل شوي فوت ع الحمام وغيرا .. وقررت لحتى يجي صهيب قلو لانو هو زوجي ومجبور يشتريلي اجا عند المغرب ..
بدل تيابو مشان ينام شي ساعة قبل ما يروح ع الشغل
مروة : صهيب بدي اطلب منك طلب
صهيب : نعم .. نعم .. ومن ايمت بتطلبي انتي
مروة : والله متطرة عليها
صهيب : شو هي
مروة : علبة محارم نسائية
صهيب : تضربي انتي وهالشغلة .. وانا شو عرفني بهيك شغلات روحي قولي لامي تجبلك.. العما بقلبك شو بهيمة... شايفتني جاي تعبان وبدي نام عم تطلب وكمان شغلات انا مابفهم فيها .. روحي من خلقتي الله ينزع مساكي
طلعت وانا مجروحة ومكسورة ... ورحت ع المطبخ وصرت ابكي ...وقلت بقلبي خلص معد بدي شي يضربو هنن واياها كل هالمصاري يلي معن وبخلو علي بعلبة محارم حقا خمسين ليرة
فاق بعد ساعة صهيب وراح ع شغلو .. واول ما راح .. رحت مديت فرشتي وحرامي وتمددت لحتى نام .. بس ماكنت مرتاحة ابدا وكنت كل شوي فوت ع الحمام .. حسيت عليه لما اجا ع الساعة وحدة ... وامنت عليه لحتى نام قمت رحت ع الحمام شوي شوي مشان مايحس وكل خمس دقايق روح .. ويمكن هو حس علي طالعة فايتة
تجلس وصرخ فيني : شبك طالعة فايتة ماعم تخلي حدا ينام
مروة : خلص اسفة معد ازعجك
صهيب : عوين عم تطلعي
مروة : ع الحمام
صهيب : وشو عم تعملي بالحمام
خجلت ومارديت
صهيب : عم اسألك ردي
مروة : عم غير القماشة كل شوي مشان ضل نضيفة
Telegram@rwayate
صهيب : ليش ماطلبتي من امي تجلبك علبة محارم
مروة : مارضت تجبلي .. وانت كمان مارضيت .. وانا شو اعمل بحالي يعني وصرت ابكي
حسيتو انقهر علي .. بس ماطالع بأيدو يعمل شي ..
صهيب : نامي هلأ وبكرا انا بتصرف
مروة : اي
نمت وانا عم ابكي .. وعم قول بقلبي شقدكن ظالمين .. شلون بدكن تواجهو ربكن ...
................
فقت الصبح وكالعادة بلشت بشغل البيت .. وانا بالمطبخ سمعت صوت باب غرفتي تسكر .. رحت مالقيت صهيب
مروة : مالو بالعادة يفيق بكير .. ابصر وين راح
بعد شوي رجع وفات ع الغرفة ..
رحت لعندو قلتلو جهزلك الفطور
صهيب : لا رايح مشوار .. تركني وطلع
وشفت كيس اسود محطوط على الكومانيدا .. وعرفت انها علبة محارم.. بس ماقربت عليه لانو مابدي منون شي
الكل فاق وحضرنا الفطور
حماتي : تعي كلي لاتعمليلي مشاكل مع صهيب
مروة : ماني جوعانة صحة
حماتي : ماعلى كيفك تعي
قعدت اكلت شوي وقمت
.............
حماتي :مروة ... يا مروة
مروة : اي مرت عمي
حماتي : انا رايحة جيب شوي غراض للبيت .. انتبهي ع البيت
مروة : حاضر
طلعت وراحت .. حسيت هم وانزاح عن قلبي لانو طلعت من البيت .. مشان حس شوي بالحرية
فجأة صار يندق الباب
مروة : اكيد بتكون نست شي ..بس انا مابقدر افتحلا ... اي معاذ هون رح قلو يفتح الباب
رحت ع غرفة معاذ كان عم يدرس
مروة : معاذ الباب عم يندق قوم فتحو .. كنت فتحتو انا بس
معاذ : لا تكملي بعرف .. يلا قايم افتحو ..
طلع وانا صفنت بكتبو يلي كان عم يدرس فيها والغصة بقلبي
سمعت عم يقول : اي موجودة تفضلي
طلعت وكانت اختي فاطمة .. بصراحة ماكنت طايقة شوف حدا .. وكمان هي اول مرة بشوف حدا من اهلي بعد ما فتت عهاد البيت
فاطمة : شو مافي تفضلي
مروة : لا اكيد تفضلي ..
دخلتا ع غرفتي ....وانا عم اتعامل معا ببرود
فاطمة : شبك مروة
مروة : لا ماشبني شي
فاطمة : كيفك
مروة : من الله بخير
فاطمة : ليش هيك ضفانة كتير ووجهك شاحب
مروة : كيف خطرت عبالك

حماتي : يلا قومي عنا شغل بلاوي
قمت معا انا غصب وحالتي كانت اسوء من قبل وقمت ما عم شوف شي .. وحرارتي يمكن صارت ٥٠ .. طلعت خطوتين برات الغرفة معد اقدر كمل نزلت ع الارض وضميت حالي
مروة : مشان الله ماقدرانة اعمل شي
حسيتا خافت علي .. وراحت تفيق صهيب .. انا هون حسيت عحالي قلبت وراسي عم يخبط بالارض ومعد حسيت على شي ..
............
فقت كنت بالمشفى .. معلق بأيدي كيس سيروم وحدي صهيب وحماتي
مروة : شو صار
حماتي : قلبتي بأرض الدرا ومعد صحيتي .. وجبناكي انا وصهيب لهون .. كانت حرارتك ٤٥
صهيب : الحمد لله عسلامتك
مروة : الله يسلمك .. شقد صرلي هون
صهيب : صرلك ساعتين ... انتي بعدك تعبانة
مروة : اي بس مو متل قبل
فات الدكتور ومعو ممرضة
الدكتور : لو سمحتو لبرا
طلعو واجا قعد حدي .. هاد الدكتور انا بعرفو وهو بيعرفني لانو عطول اهلي بيجيبوني لعندو .. وهو كتير حباب
الدكتور : شو مروة كيفك هلأ
مروة : منيحة دكتور
الدكتور : لك انا لما شفت جوزك حاملك وفايت تفاجئت وقلت اي والله هي مروة .. لك ايمت تزوجتي
مروة : رح يصرلي قريب الشهر
الدكتور : وعشو مستعجلة بعدك صغيرة
مارديت
الدكتور : حبيتيه
مروة : لا
الدكتور : اهلك ؟
Telegram@rwayate
مروة : اي
الدكتور : وعشو مستعجلبن اهلك ...في فاطمة اكبر منك
مروة : مابعرف
الدكتور : يلا نصيبك .. وكيفك على هالجازة
مروة : منيحة
الدكتور : هالمنيحة ماعجبتني
مروة : هههههه
الدكتور : والله اهلك بدن قتل ههههه ... بس مبين زوجك بحبك .. كان شكلو خايف عليكي .. وكمان مين مابدو يحب هالوجه الحلو ... يلا حطيلي ميزان الحرارة بتمك
حطيتو وكانت حرارتي ٣٨
الدكتور : منيح عم تنزل
مروة : بقدر اطلع ع البيت
الدكتور : لا هي الليلة بدك تضلي عنا ... يلا عسلامة
مروة : الله يسلمك
فات صهيب وحماتي
صهيب : شو طلع صوتك مع الدكتور
مروة : كنت عم تتسمع علينا
صهيب : لا بس سمعانك صوتك عم تحكي .. اي عن شو كنتو عم تحكو
مروة : هاد الدكتور اهلي بجيبوني عليه عطول وهو بيعرفني من لما كنت صغيرة
حماتي : ليش انتي بتمرضي عطول
مروة : اي لانو ماعندي مناعة .. يعني اذا رشحت بدي مشفى
حماتي برمت بوزا وقالت كمان معلولة
صهيب : امشي امي وصلك ع البيت
حماتي : ومين بدو يضل عندا
صهيب : انا برجع
مروة : مابدي حدا صرت احسن وهون في ممرضات اذا بدي شي بندهلن ... خلص روحو وارجعو الصبح انا رح نام
صهيب : يلا برجع بطمن عليكي بعد شي ساعة .. جبلك شي معي
مروة : لا شكرا
طلعو .. وانا مستغربة من تغيرن المفاجئ .. بس يمكن عم يعملو هيك لاني مريضة .. ولما ارجع ع البيت رح يرجعو يعاملوني متل قبل يعني ما اتأمل ع الفاضي انو تغيرو .. رجعت نمت لانو السيروم في مسكن ومنوم .. وماحسيت الا الصبح ع صوت الدكتور وصهيب
صهيب : مروة ... مروة .. قومي
فقت واتجلست
الدكتور : شو مروة كيفك هلأ
مروة : منيحة ..
الدكتور : عم يوجعك شي
مروة : لا
الدكتور : بسبب المسكن بس انتي لسه ماطبتي منيح .. بس رح خرجك
مروة : يعطيك العافية دكتور
الدكتور : الله يعافيكي .. والحمد لله ع سلامتك .. طلع وضلت الممرضة .. حطتلي سيروم جديد وحطتلي فيه ادوية
الممرضة : هاد مسكر بس بالبيت بتشغلوه .. وهي الروشتة بتجيبوها من الصيدلية
صهيب : ماشي .. شكرا الك
ساعدني صهيب لحتى قوم ومسك السيروم وساعدني لحتى اطلع بالسيارة .. وصلنا ع البيت وفوتني ع الغرفة كانت فرشتي بعدا بالارض .. قربت لحتى نام عليها .. بس صهيب قبل ما اقعد مسكني من ايدي وقعدني ع التخت
صهيب : نامي هون
مروة : لا خليني نام بفرشتي احسن .. لانو بدي قوم نام عليها المسا
صهيب : لا معد تنامي عليها لا هلأ ولا بعدين
مروة : وين بدي نام لكن
صهيب : ع هاد التخت
مروة : وانت
صهيب : جنبك
مروة : بس انا مابدي دايقك
صهيب : لا ما بتدايقني
يلا تسطحي لحتى شغلك السيروم
مروة : لا بدي قوم ع الحمام بالاول
صهيب : ساعدك
مروة : لا مافي داعي انا منيحة .. حملت السيروم وجيت بدي اطلع
صهيب : تعي فوتي ع هاد الحمام
مروة : وانت ..
صهيب : شبني انا .. خلص فوتي لهون .. وكمان بتصير تستخدميه عطول ..
فتت ع الحمام وانا مقهورة ليش هيك عم يعاملني بلطف ... انا مابدي هيك يعاملني وصير حسو انو منيح .. هو حقير وانا بكرهو كتير ... بكرهو وبكره كل عيلتو
طلعت وهو ساعدني لحتى تسطحت وشغلي السيروم
صهيب : رح جبلك شي تاكليه
مروة : مابدي شي
صهيب : ماعلى كيفك
راح جبلي صينة عليها مناقيش زعتر وجبنة وشاي
صهيب : يلا كلي
مروة : مين جايب مناقيش
صهيب : انا ..
مروة : بس عنجد ماني قدرانة
صهيب : مو على كيفك ... يلا
قعد حدي وصار يطعميني بأيدو
صهيب : يلا كلي هي من ايدي
اكلت منو ... وانا عم اكل انفتح الباب وكانو اهلي
حسيت انكب علي سطل مي باردة .. ويعني هلأ بفكرو انو كلشي حكيتو لفاطمة كذب .. والواضح انو صهيب عم يدللني ..
صهيب : اهلا .. اهلا عمي اهلا مرت عمي تفضلو .. تفضلو

قربت امي وبوستني وقرب ابي باسني من راسي
صهيب : هاتي الصينية عنك حبيبتي
حبيبتي 😱😱😳😳😳
اخدا وطلع .. وانا بقلبي عم قول والله عم يمثل والله 😭😭😭
امي : كيفك مروة
مروة : منيحة الحمد لله
ابي : شو يلي حكتو مبارح فاطمة .. كأنو عم تكذبي
مروة : لا ماني عم اكذب .. وليك فرشتي بعدا بالارض .. بس يمكن لاني مريضة عم يدللوني
وهاد صهيب واحد كذاب عمل هيك قدامكن وبس
امي : يعني مانك مبسوطة
مروة : بعمري مارح انبسط بهاد البيت ... وكمان كيف خطرت عبالكن لو مافتت ع المشفى مابتجو
ابي : ليش هيك عم تحكي معنا ... وكأنو مانك مبسوطة لانك شفتينا
مروة : لا ماني مبسوطة .. بتعرفو ليش فتت ع المشفى من القهر والزعل ونمت ماكلة قتلة غير شكل .. وكلو بسببكن
امي صار تبكي
مروة : ليش عم تبكي .. مو هاد يلي بدكن اياه
ابي : هاد انتي جبتيه لنفسك
مروة : ماجبت شي وانتو اصلا يلي ظلمتوني من لما بطلتوني من المدرسة وزوجتوني لابن هالحرام .. حتى لوماهربت هي معاملتي ماكنت رح تتغير هون ... وعفكرة انا ماني مسامحتكن
ابي : طولان لسانك يابنت
صرت ابكي وقلتلو : ماعم تعيشو يلي عم عيشو .. انا قلبي محروق .. وعم احكي هيك من حرقة قلبي ... وانا تصلا ماني طالبة منكن شي .. روحو خلص انا نسيت انو عندي اهل
امي عم تبكي وتقول : مشان الله لاتحكي هيك ...
Telegram@rwayate
مروة : اذا بدكن سامحكن .. بتخلو صهيب يطلقني غير هيك بعمري مابسامحكن
ابي : وعمرك ماتسامحي .. خليكي هون مقبورة الله لا يقيمك وشو ماعملو فيكي مابقصرو ... امشي يامرى .. امشي
امي : مروة حبيبتي ...
ابي سحبا من ايدا وطلعو
شكلو يلي عم خطتتلو مارح يظبط .. عأساس كنت مفكرة استعطف اهلي ويطلقوني من صهيب بس قلوبن حجر ... بس انا مارح استسلم وبهل البيت مارح ضل ..
فات صهيب وقلي : شبن اهلك شو حكيتو لحتى طلعو مقهورين
مروة : هدول مانن اهلي
نزلت بالفرشة وغطيت راسي وصرت ابكي
المسا فات عمي سلم علي هو ومعاذ اصلا هدول احسن الشي بهل بالبيت ... فات صهيب ولما شاف معاذ عندي بالغرفة حسيتو اتدايق
صهيب : معاذ قوم ع دراستك
قام بدون مايحكي شي لانو هو كمان بخاف من اخوه
صهيب : السيروم خلص .. هاتي ايدك لشيلو
مروة : انا بشيلو خلي عنك
مسكلي ايدي وسحبا وبرملي وجهي بأيدو ع تاني جهة ... سحب الابرة وحط قطنة ولزق مكانها
عمي : حمد لله عسلامتك يابنتي ..
مروة : الله يسلمك عمي
طلع عمي وصهيب قام سكر الباب ..
صهيب : اي قوليلي شبن اهلك
قصدي اقهرو مشان استفذو مابدي يكون معي حنون بدي يكون معي حقير مشان يا بيقتلني وبرتاح يا اما بيوصل الخبر لاهلي وبطلقوني منو وحكيت : قلتلن انو انا ماني مسامحتن عكلشي عملوه معي ... وانو ما بسامحن لحتى يطلقوني منك
ضل صافن فيني وما حكي
مروة : انا قايمة نام محلي .. لانو بعرف رح تغير رأيك وترجع تعاملني متل اول
صهيب : لا خليكي .. صح رح غيرا بس للأسوء وعطريقتي وعفكرة يلي عم تخطتيلو مارح يصير وطلاق انا مابطلق ووقت الجد بقتلك هون وما بطلقك
مروة : طيب قتلني انا كل يوم بدعي انو موت .. موتني وريحني
صهيب : هئ مو هلأ .. ويلا هلأ قومي تحممي من ريحة المشفى وتعي نامي حدي لانو مشتقلك
مروة : شو نسبت انو معزورة
صهيب : لا مانسيت بس انا حكيي واضح( نامي حدي )
مشان استفزو قلتلو : مابدي ..
بدي اياه يعصب وبدي استفزو .. بدي شوف صهيب الشرير بس هو بكل برود قلي : طيب ماشي انا بحممك لكن
مروة : شو انت مجنون شو تحممني ماتحممني
صهيب : ليش شوفيها ما انا زوجك ...
مروة : لا خلص انا بتحمم لحالي
صهيب : شطورة يلا قومي ..
شكلو فهم خطتي وعم يعمل عكس يلي بدي اياه .. ياربي لك ليش مافي شي عم يظبط معي .. فتت تحممت ولبست بجامة بكمام وقبتها عالية ولافة شعري بمنشفة
وقفت ع المراي لحتى نشف شعري ع الستشوار
وهو قاعد وعم يتطلع علي
مروة : ماعندك شغل اليوم
صهيب : لا
مروة : ليش
صهيب : مادخلك
مروة : شو يلي غيرك فجأة
صهيب: هاد انا ما بتغير ... بس الشخص شو بكون بدو بصير عاملو بالعكس
مروة : قصدك علي
صهيب : تماما
خلصت تشيف شعري وقمت قعدت حدو ع التخت بصراحة كنت كتير خجلانة هي اول مرة بنام انا واياه جنب بعض
صهيب : شو ناطرة .. طفي الضو ونامي
طفيت الضو ونمت ع حفة التخت ... ماحسيت غير سحبني لعندو ونيمني بحضنو .. حاولت بعد .. بس هو ثبتني بأيده .. كنت كتير كرهانتو وكرهانة قربي منو ..
تاني يوم الصبح فقت لقيت حالي منيحة قلت لقوم اشتغل هالشغلات .. فتت ع المطبخ لقيت حماتي عم تجلي
مروة : مرت عمي ليش عم تجلي انتيج بجلي عنك
حماتي : صرلي ٣٥سنة عم اشتغل بهل البيت ..ومحدا ساعدني ولاتفكري انو انا بحاجتك .. صح اشتغلتي كم يوم بس هي بعتبرا اجازة الي .. وهلأ رجعي نامي جنب جوزك لسه الوقت بكير ..
العما شو يلي غيرن هدول فجأة .. معقول متفقين علي

حماتي : انا صح قسيت عليكي .. بس بعدين تندمت وقلت كل عمرك ١٦ سنة ويلي عملتيه كان تصرف عادي بالنسبة لعمرك لانو مابتعرفي شو كنتي عم تعملي وشو عواقبو ... ونحنا الغلط منا انو نعاقبك ... المهم يلا رجعي نامي لسه بكير
بصراحة كلامها اثر فيني كتير ... ودغري كل الكره يلي كان جواتي تجاها راح وسامحتا من كل قلبي
مروة : طيب خليني ساعدك
حماتي : لا انتي لسه ما طبتي منيح ... يلا روحي نامي
Telegram@rwayate
رجعت ع غرفتي وانا مصدومة منها ... صرت فكر لو انها امي.... ماكانت عملت معي يلي عملوه اهلي ... بس الله يسامحن اهلي ...انا معد احقد ع حدا .. خلص رح عيش حياتي بهدوء وشوف القدر شو مخبيلي
حس علي صهيب
صهيب : شقد الساعة
مروة : ٦
صهيب : بكير .. رجعي نامي
والله وانا ما كذبت خبر رجعت نمت للعشرة 😅
__________
بعد يومين ..
كنت بالمطبخ عم ساعد حماتي .. اندق الباب وكانت ليلى .. فاتت معا كيس كبير
ليلى : مروة تعالي شوي
رحت معا وفتنا ع غرفتي
فتحت الكيس وكان كلو قمصان نوم عرايسية وفساتين سهرة
مروة : شو هدول
ليلى : بصراحة طلبت من صهيب نطلع انا واياكي ع السوق مشان تشتري تياب بس هو رفض ... قلي انتي جيبيلا .. بصراحة انا مابعرف قياسك مشان هيك جبتلك بس هدول
مروة : اي بس انا مافهمت شي ليش هدول
ليلى : شو ليش هدول ... هدول الك تلبسيهن ... ولا نسياني انك عروس
مروة : لا لا مستحيل البس هيك
ليلى : بلله شو .. انشالله بدك تقضيها بالبجامات بعدين اخي بمل منك
بقلبي : يمل بكون احسن
مروة : طيب تركيهن هون .. يسلمو هالادين
ليلى : عم تضحكي علي مو هيك
مروة : لا .. رح البسن
ليلى : مابعرف ليش ماني مصدقتك .. بس مارح خليكي ع كيفك
مروة : شو يعني
ليلى : اليوم انا بدي جهزك وساويكي احلا عروس ... قال عروس وعم تنام بالبجامة ... وكمان اخي بصير يحبك اكتر وانتي ابقي بمعرفتك فتحي معو موضوع التياب بركي بخلينا ننزل انا واياكي
مروة : اي يعني لاي ساعة بدك تضلي عنا .. اخوكي هلأ بيجي بالسهرة شي ساعة وبروح ع شغلو الله اعلم ايمت بيرجع
ليلى : اي بالسهرة .. واصلا اذا شافك مظبطة حالك كرمالو بضل .. ماضروري يروح ... اصلا انتي لو بتحسيسه انك بحاجتو جنبك ع طول مابيتركك ولا ثانية بس انتي جدبة عطول قالبة خلقتك فيه
بقلبي : لاني مابطيقو ... ياربي شو جابا هي هلق بكرا بتفتح علي بواب انا بغنى عنها .. اووووف
مروة : طيب ماشي بنشوف
قرب وقت جية صهيب
ليلى نقتلي فستان سهرة احمر
ليلى : بصراحة عجبني كتير لانو احمر .. مابنسى شكلك يوم الخطبة كنتي طالعة بتفلجي
مروة : والله كل هاد مالو داعي
ليلى بمزح : حبيبتي اذا انتي مانك مهتمة بأخي انا بدي خليكي تهتمي وغصب عنك ههههه
بقلبي : الله يخلصني منك ومن اخوكي
عملتلي المكياج ولبست الفستان وشعراتي تركتن مفرودين ع ضهري
ليلى : قمررررر
مروة : تسلمي
ليلى : ليكي انا رايحة جيب العشا لهون مشان ماتطلعي انتي ... والباقي عليكي
بقلبي الله يستر انا بدون لبس ومكياج مابخلص منو كيف هلأ
جابت العشا وقالتلي بدي اخي يكون مبسوط هاه وطلعت ..
اتطلعت عحالي بالمراي : مابدو يقول عني مجنونة اذا شافني لابسة هيك ... ولا بفكر قاتلة حالي عليه .. لا لا مارح ضل لابسة هيك شي فتحت الخزانة مشان دور على شي البسو .. فجأة سمعت باب الدار انفتح
مروة ،: ولي .. ولي .. هاد اكيد هو ..معد الحق ..
لقيت كامينو بسرعة لبستو .. وانا عم اربطو انفتح الباب
فات وهو صافن فيني
Telegram@rwayate
انا قربت شوي شوي ع الطاولة واخدت ربطة شعرة وربطن
صهيب : شو كنتي عم تعملي
مروة : لا ولا شي بس مشطت شعري وعم اربطو
صهيب: وهاد المكياج يلي ع وجهك
مروة : بس كنت مالي قلت بتسلى
صهيب : طلعتي ع ارض الدار وانتي متمكيجة
مروة : لا لا .. من شوي عملتو
اتطلع فيني منيح .. كان كتفي مبين منو شوي .. اتطلع على رجلي كانو مبينين وانو ماني لابسة شي
صهيب ،شو لابسة تحتو
بقلبي : اكلنا هوا
قرب مني وسحب الشريطة وانفتح الكامينو
كنت خجلانة كتير وراسي بالارض ..
مروة :هي ليلى... عملت فيني شيك
صهيب وهو عيوني علي : ليش ... مشاني
مارديت
برم لوراي وشالو عن كتافي ... وسحب ربطة الشعر وانفرد شعري
صهيب : يعني انتي الك تلتين الخاطر
ماسترجيت قلو لأ
نزل ع رقبتي وصار يشمها حسيت روحي طلعت مني
مروة : مابدك تتعشا
صهيب : لاحقين ع العشا ... قلتلك انو الاحمر عليكي بشل
سحبني التخت ................ ..
بصراحة هي المرة كانت غير كل مرة .. كان كتير رومنسي ولطيف ... غير عن القبلون كنت حسو يقرب علي لحتى يقهرني ويزلني .... عنجد حسيت حالي عروس بين اديه .... بس مع هيك ماكنت بحمل اي حب تجاهو .. هو صار شي من يومياتي بس مابظن وصلت لمرحلة الحب

مروة : اي والله ..
حماتي : لتكوني سمعانة غلط
مروة: لا .. وكمان خضر اكدلي هالشي
حماتي : ييي صهيب هلأ بكون معصب كتير
مروة : اي وتفشش فيني
حماتي : صهيب لما بعصب مابعود يشوف قدامو خلص تجنبيه هالفترة
مروة : وانا شو دخلني ... عصبي عصبي عحالو شو دخل يلي حاوليه
بس رجعت وفكرت فيها انو اكيد معصب ومقهور وانا لازم كون جنبو ...
ظبطت حالي المسا وقعدت انطرو وفرحو .. بس غفيت وما اجا ... حسيت ع الساعة خمسة لقيتو نايم حدي .. مارضيت ازعجو ورجعت نمت .. فقنا الصبح سوا
مروة : صباح الخير
رد بنشافة : صباح النور
مروة : صهيب بعرف انك مقهوروانا حاسة فيك بس لاتعصب مافي شي مستاهل
انفجر بوجهي وقال : مروة ماني ناقصك ... لسه انتي ماعطيتني محاضرات
مروة: بس ماحكيت شي
صهيب : مابدي تحكي نهائيا .. صوتك مابدي اسمعو عم تفهمي ...
قام ع الحمام وخبط الباب
حطيت ايدي عبطني وقلت : حبيبي لا تتفاجئ ابوك من يوم يومو حيوان ...
وضل جمعة ع هالحالة ما اعرف شو عم يصير معو ولا هو يحكيني .. وعطول خلاقو براس مناخيرو .. وانا اتجنبو وقوول طولي بالك يابنت ..
كنت لحالي بالبيت حماتي عند الجيران وعمي مابعرف وينو ومعاذ بالمدرسة ... رحت قعدت بغرفتي ..
سمعت باب البيت انفتح .. واجا فتح باب الغرفة
صهيب : راسي عم يوجعني كتير وبدي نام مابدي حدا يزعجني
مروة : اي
عصب وعيط : مااابدي حدا يزعجني .. يعني قومي انقلعي لبرا
قمت طلعت لبرا .. قعدت ع درجة من درجات السطح وصرت ابكي ..
شي نص ساعة صار الباب يندق وانا مابتسرجي افتح او قول مين .. ومافي حدا يفتح غيري
مروة : خلص ماني فاتحة ... بس يلي عم يدق ما عم يوقف ..
مروة : يمكن مرت عمي .. رحت فتحت الباب وكان شبين .. يا الله شو خفت وفكرت حااي عاملة شي عملة .. حسيتو صفنو فيني لثواني ..
_المعلم صهيب موجود
مروة : في شي ضروري
_اي كتير
مروة : هو نايم ومابقدر فيقو
_ لا ياريت تفيقيه بسرعة لانو الموضوع ما بيتأجل
مروة : ياربي شو بدي قول لصهيب
رحت فيقتو
صهيب : شبك
مروة ،: في تنين ع الباب بدون يشوفوك ضروري
قام وطلع وقلي عملي قهوة
مروة : الحمد لله يارب ما انتبه
طلعت بسرعة عملت قهوة .. ورحت دقيت عليه الباب وعطيتو اياها ورجعت عغرفتي ..
سمعت الباب انطبش وعرفت انون راحو ..
صهيب : مروة ... مروة
قمت لعندو . كان قاعد وشابك اديه ببعضن وصافن بالارض ... لما فتت رفع راسو
صهيب : مين فتحلن الباب
بلعت ريقي وقلتلو : انا
صهيب : ليش انتي ... انا شو منبهك
مروة : ماكان حدا بالبيت
صهيب : ليش مافيقتيني
مروة: ما كان بدي ازعجك .. (حبيت غير جو معووقلتلو) اي شوفيها يعني خربت الدني
صهيب : اي خربت .. انتي ليش راسك كبران ومانك عم تسمعي الكلمة
مروة: راسي مانو كبران ... وبصراحة انت زودتا كتير ..شو صرلك
ماشفت غير شي طرق براسي .. وطلع ضاربني بفناجن القهوةحطيت ايدي ع جبيني وطلعت بسرعة وسمعت صوتو من جوا ..لسا لسانك بدي قصو طلعت ع ارض الدار وانا عم ابكي منو ومن الضربة كانت كتير قوية ..حسيت شي عم ينزل على عيني .. رفعت ايدي ولا دم
مروة : دم !!!!
رحت ع المغسلة يلي حد الباب وصرت غسل راسي .. بس الدم كان قوي .. كتير اتطلعت بالمراي .. ولا جبيني مفتوح متل التم .. نزلت راسي وصرت غسلو وابكي .. وانا بخاف كتير من الدم .. انفتح باب الدار وكان معاذ
وشاف كيف المغسلة معباي دم
معاذ : مروة !! شبك ... من شووو الدم ...
مروة وانا عم ابكي : مافيني شي ..
معاذ : صهيب .. صهيب .. تعال شوف مروة مدري شبا
طلع صهيب واجا لعندي فورا برمني لعندو وشاف الجرح
صهيب : بسرعة جيب محارم ..
فات معاذ يجيب محارم .. وصهيب وصار يمسحلي وجهي وهو خايف ويقلي سامحيني .. سامحيني ياعمري
جاب معاذ محارم .. اخدن صهيب وحطلي اياهن ع الجرح وقلي كبسي منيح حطيت ايدي ع الجرح وكبست .. واخدني صهيب ع المشفى .. وكان نفس الدكتور يلي عالجني لما كنت مريضة ..
نيمني ع التخت وصهيب جنبي مبين عليه كتير خايف علي .. بس انا ماعطيتو اهتمام
بخولي مخدر .. بس متل قلتو .. وقعد يعقم الجرح وانا صيح وابكي
الدكتور : بشو مجروحة
مروة : كنت عم جيب صحن من ع الرف ووقع على راسي
الدكتور : يلا بسيطة .. يلا خدي نفس لانو بدو تقطيب الجرح .. منيح انو بجيبنك من فوق مشان مايبين
وبلش يقطبني وانا حس الابرة عم تغرز بقلبي
مروة : اااااااااخ ... مشاان الله يا دكتور عم توجعني ... اااخ .. معد استحمل دخيلك
الدكتور : يلا استحملي شوي بس اول قطبة بتوجع .. صهيب حاول تهديها ..
قرب صهيب ومسكلي ادي
وكل قطبة عبي المشفى عياط وبكي .. وقطبني اربع قطب .. عقمن وحطلي شاش ولزقن
الدكتور : خلصنا
كنت عم ابكي
الدكتور : ليش عم تبكي
مروة : كتير موجوعة ..
الدكتور : بعتذر منك .. بس هلأ رح اكتبلك عمسكن ودوا التهاب بخف الوجع وكل يومين تعالي لغيرلك عليه ..
مروة : وايمت بدي فك القطب
الدكتور : خمسة ايام
تجلست وقمت
مروة : شكرا دكتور
الدكتور : العفو

طلعنا انا وصهيب من المشفى وركبنا بسيارتو
صهيب : انا اسف
ماريت
صهيب : حقك تزعلي ... بس انا معد زعلك وعد
مروة : شو معد تزعلني ... انت واحد طايش وتصرفاتك طايشة ... يعني لونو الفنجان جاي بعيني وانعميت كنت فرحت فيك ... والله كل يوم عم اكرهك اكتر من يلي قبلو لسه مابقلو تغير وصار منيح .. بترجع متل اول واكتر .. انا خلص معد متحملة هالعيشية
صهيب : بدك طلقك
اول مرة مابريد الطلاق .. مو لانو حبيتو .. بس مشان ابني
مارديت
صهيب : رح اتركك تفكري منيح .. وشو بدك انا جاهز
انا ظلمتك كتير وانتي ما بتستاهلي واحد متلي .. بس بدي قلك شي انو انا بحبك .هي اول مرة بيعترفلي بحبو ..
مروة : اذا بتحبني وهيك كيف لو بتكرهني
صهيب : انا اخر فترة كنت متغير معك وكنا مبسوطين بس بتعرفي شو يلي صار وعكرلنا مزاجنا
مروة : وانا شو دخلني لحتى كنت عم تلومني الي
صهيب : يمكن حطيت الحق عليكي بس هو الحق علي انا اهملت الشغل وحطيت الحق عليكي ..
مروة : وكل هاد مشان المصاري يلعن ابو المصاري
صهيب : الشغلة ما شغلة مصاري.. الشغلة اكبر من هيك ..
مروة : طيب حكيلي
صهيب : واحد حقير كلب .. عم يتحداني .. وانا مابدي اعلق معو مشان مايصير دم .. بس لاني ساكتلو تمادا كتير وعم يحاول ياخد شي كبير مني
مروة : وشو هو
صهيب : انتي
مروة : شوووو انا ؟؟
صهيب : اي انتي .. فهمتي ليش عصبت عليكي لما عرفت انو انتي يلي فتحتي الباب
مروة : بس انا شو دخلني ..
صهيب : حقير واطي .. بدو يطعن بشرفي
Telegram@rwayate
مروة : ياربي دخليك .. بس انت نبهت علي من اول ماتزوجنا انو ما افتح لحدا .. يعني من وقتا
صهيب : لا .. انا بالاول كنت غار عليكي ... والضعية كلا عم تحكي انو صهيب متزوج وحدة حلوة كتير ومحرص عليها .. وهو لما سمع هيك عم يحاول يوصل لمرتي يلي انا محرص عليها .. بس انتي لاتخافي مارح خلي حدا يمس شعرا من شعراتك
مروة : طيب ليش هو هيك عم يعمل .. انت شو عاملو
صهيب : ماني عاملو شي .. بلشت الشغلة انو نضارب ع بعض .. بس هو ابن حرام بغار مني كتير وبدو يكسرني
مروة : انا خايفة كتير
صهيب : لا تخافي انا معك
وحط ايدو ع ايدي
مروة : طيب انت بلالك هالشغلة
صهيب : ماني مطول .. بدي العن ابو هالشغلة واتركا ويلي بدو يهرب يروح يهرب لحالو انا معد دخلني بحدا
وصلنا ع البيت وانا خايفة كتير .. بس قلبي ماراق اتجاه صهيب وضليت محاربتو ...

محاربتو ...
كانت حماتي ومعاذ
حماتي : شو صاير لمروة
صهيب : ولا شي .. جرح صغير
مروة بقهر : صغير بالنسبة الك .. بس الي كتير كبير وبوجع كمان
صهيب : طيب ياستي حقك علي واناواسف كتير
مروة : اعتزارك مانو مقبول
تركتو وفتت ع غرفتي
صهيب : ايه عملي وكتري يامروة ..
__________________
تاني يوم كنت بالمطبخ عم نجهز الغدا طلعت حماتي وضليت انا لحالي .. فات صهيب
صهيب : شو الحلو بعدو محاربنا ....
مروة : انت ما عطيتني فترة لحتى فكر .. وانا عم فكر
حسيتو زعل وقال : اي فكري عمهلك
مروة : لاتنسى انك وعدتني شو مابدي تعملي ... وكمان عم فكر فيها اذا اتطلقت ببطل حدا يهددك فيني
صهيب : تكرمي ... متل مابدك
ترك المطبخ وطلع .. بصراحة شفقت عليه كتير .. بس انا كمان بينشفق علي
صار المسا واجيت لحتى نام لقيتو جاي ينام حدي
مروة : شو مارحت عشغلك
صهيب : ماني رايح .. ان شاء الله الدني تخرب معد يهمني .. اصلا قرفان هالعيشي كلا .. لقمة مغمسة بالدم
مروة: تصبح على خير
صهيب : وانتي بخير .. كل واحد اخد زاوية من التخت ونام .
فقنا الصبح ..
صهيب : مروة
مروة : نعم
صهيب : عنجد بدك تطلبي الطلاق
مروة : مابعرف
صهيب : مين يلي بيعرف
مروة : مابعرف كمان ...
قلت بقلبي خايفة اتركك وخايفة ضل عندك .. ياربي ثبتني على رأي
صهيب : قومي خلينا نروح ع المشفى يغيرولك ع الجرح
رحنا ع المشفى .. واجا الدكتور لحتى يشوفو اذا ملتهب
رفع الشاشة وقلي لا منيح .. مافي شي الجرح .. اتطلع فيني وصفن الدكتور
الدكتور : مروة انتي ليش هيك مصفرنة
مروة : اناا لا مافيني شي
الدكتور : عم تتغذي منيح
مروة : اي عم اتغذا منيح ..
صهيب : في شي دكتور
صفن الدكتور شوي وقلي : حامل ؟
ماعرفت شو رد اتطلعت بصهيب ورجعت اتطلعت بالدكتور وقلتلو : اي حامل
حسيت صهيب حدا ضربو شي مية كف على وجهو .. اتطلع فيني وفنجر عيونو .. كان بدو يسألني بس خجل قدام الدكتور
غيرلي الدكتور ع الجرح وقلي : اليوم في دكتور نسائية مداومة اذا بتحبي تفوتي لعندا . وطلع
صهيب : مروة انتي حامل
هزيت برسي
دمعووعيونو وقال : عم تحكي جد
مروة : اي جد
صهيب : من ايمت
مروة : يوم يلي اخدولك السيارات يومتا عرفت .. وكنت كل مابدي قلك انتي تبهدلني وتسكتني .. وانا انقهر منك وبطل خبرك
حط اديه ع وجهو ومسح وجهو وقال دخيلك يا الله ما احلا هالخبر ...
ركع قدامي وانا قاعدة ع التخت ومسكلي ايد وقلي انا بحبك كتييير ... بحبك كتييرر.. مروة انتي بتجنني
يا الله شو فرحت ع فرحو .. ماشفت حالي غير رميت حالي بحضنو وصرت ابكي ... ضمينا بعض نحنا التنين وصرنا نبكي
صهيب : يلا تعالي نشوف الدكتورة ...
فتنا ع الدكتورة النسائية .. صهيب كان ماسك ايدي ومايرضا يتركا
الدكتورة : هههه صرلي عشرين سنة بجي ع هالمشفى هي اول مرة بشوف تنين ماسكين ايدن بعض وماعم يتركوها ..
نمت ع التخت وكشفتلي عن بطني .. وحطت الايكو ..
الدكتورة : مببن في حمل ... بس هلأ ماببين معي منيح رجعي بعد فترة بنتأكد من النبض ومن صحتو .. هلأ مطلوب منك تشربي هالدوا وتعملي تحاليل وترتاحي
طلعنا من عند الدكتورة عملت التحاليل ورحنا ع البيت .. كان صهيب بعيونو الفرح
فتنا ع البيت وصهيب بسرعة فات بخبر امو
صهيب : امي ... امي
حماتي : اي شوفي
صهيب : امي انا رح صير اب مروة حامل
حماتي : عنجد اي الف مبروك ياعمري .. الف مبروك يامروة
مروة : الله يبارك فيكن
حماتي : انا رايحة جهز الفطور
مروة : لحظة لحتى بدل تيابي وبجي بساعدك
حماتي : سماع مرتك شو عم تحكي
صهيب : انتي مجنونة .. من هون ورايح بدي تريحيلي حالك ع الاخر انا بدي اخدمك
مروة : بس
صهيب : مافي بس قدامي لشوف
رحت ع الغرفة وصهيب مشي واري
صهيب : حبيبتي شو مشتهية شو جاي عبالك
مروة : يعني لو ماني حامل بحياتي مابشوف هالدلال وهاد كلو لابنك مو هيك
صهيب : معك حق .. بس بالاخير مين يلي عم يتدلل
مروة : انا
صهيب : لكن لفينا اياها ام الرور
مروة : طيب ماشي ..
قرب صهيب من بطني ولمسلي عليه وقال : حبيبي يا بابا ناطرك .. تقبرني انت والماما ..
بلشت الايام تمر والكل كان يهتم فيني وكتير يدللوني .. وصهيب صرت حبو كتير لانو بقولو الحب بيجي من الاهتمام ..
كنت قاعدة ناطرتو اخر الليل وانا مقهورة ليش اتأخر ..
فات صهيب وقمت انا ضميتو .. وهو حملني وباسني على خدي
صهيب: شو مسهرك لهلق
مروة: كتير اتأخرت وانا شتقتلك
صهيب : حقك علي اسف
مروة : صهيب بترجاك اترك هالشغل
صهيب : والله رح اتركو انتي بس صبري علي
مروة : طيب ماشي
صهيب : حزري شو
مروة : شو
صهيب :بيتنا رجعت بلشت فيه شغل ..
مروة : عنجد
صهيب : اي جد .. يعني بالكتير شهر زمان وبنروح بنسكن فيه
مروة : اي والله ياريت ... .. اي قلي شو صار معك مع هاد يلي عم يتحداك
صهيب : ولا شي .. بس انا عطيت خبر للشباب انو بدي بطل ويمكن وصلو الخبر ومعد عمل شي
مروة : بصير يقول عنك انك خفت

صهيب : يقول مابهمني .. يلي بهمني هو انتي وحبيبي يلي جاي ع الطريق ..
مروة : الله لايحرمني منك
اتطلع فيني وقال : كأنك حليانة
مروة : بجوز
غمزني وقال : مابجوز اكيد ههههه
كنت عم عيش احلا ايام حياتي معو ... لحتى صرت مهوسة بحبو واذا اتأخر شوي جن ...
صهيب ترك الشغل .. بس يلي بدو يشتغل ضل عم يشتغل .. ونصن صارو مع هداك يلي كان يهددو يلي انا مابعرف شو اسمو ...
سهرانين انا صهيب بغرفتنا
صهيب : مروة سامحيني
مروة : ع شو
صهيب : ع كلشي
مروة : الله يسامحك اصلا انا مسامحتك من زمان ...
صهيب : مروة انا بحبك كتير
Telegram@rwayate
مروة : وانا كمان بحبك كتير .. بس قلي شبك
صهيب : ولا شي .. بس حاسس هالكلمات لازم قولن ..
مروة : اي احكي يلي بدك اياه حبيبي
نزل لعند بطني وحط ادنو ع بطني وقال : حبيبي ايمت بدك تجي .. حاسك رح تطول كتير
مروة : لا ماكتير انت مستعجل ... كلا ٤ اشهر وبكون بين ادينا
صهيب : ماني مصدق ايمت تجي هاللحظة ...
مروة : ان شاء الله جاي ورح يملي علينا حياتنا
صهيب : بدي تولدي ببيتنا
مروة : ان شاء الله ..
صهيب : بتعرفي انو حابب اكل شي بس مابعرف شو هو
مروة : قلي شو هو
صهيب : صرلي يومين عم تعن ع بالي الشاكرية
مروة : اي بكرا بقول لامك تعملك اياها
صخيب : انتي مابتعرفي تطبخيها
مروة : لا .. بس خلص بكرا رح اقعد حد امك واتعلما
صهيب : اي ماشي ..
رن تلفون صهيب
صهيب : الوو ... اي شوفي ... انا ماني طالع دبرو حالكم ... لا اخر مرة ولا اول مرة ... ليش شوفي ... طيب اخر مرة وبس .. يلا انا رح شوف مين ضل من الشباب معنا
مروة : شووو
صهيب : طالع ع الشغل
مروة : ما عأساس بطلت
صهيب : مظبوط بس اخر نقلة هي لانو الجيش عم يعمل حواجز يعني بكرا بتسكر المنطقة ومعد حدا يقدر يهرب والشباب اصرو علي انو اخر نقلة اليوم
مروة : مشان الله لا تروح
قرب باسني على راسي وقال والله مارح طول .. بس مرقن واجي اصلا هي النقلي ما الي فيها شي
مروة : رح انطرك
صهيب : اي ماشي .. ادعيلي
مروة : الله معك ..
طلع صهيب وراح ... وانا قاعدة ناطرة .. بس ماني مطمنة ... اتأخر الوقت ومحدا اجا ...صارت الساعة وحدة .. تنتين ... تلاتة .. اربعة .. خمسة .. اذن الفجر .. صارت ستة وانا واقفة ع الشباك
مروة : ياربي ليش اتأخر .. انا بفرجيك يا صهيب حتى تجي ..
صارت الساعة سبعة .. حسيت حدا عم يدق ع الباب .. وصوت ضجة كبيرة برا .. طلع عمي فتح الباب .. انا تناوقت من شق الباب .. شفت اخي خضر ومعن كم شب ...وتيابن مغبرة ومنتفة .. وعم يبكو .. قلبي صار متل النار
عمي : شووووفي
خضر : عميي ...( وصار يبكي
عمي : شوووفي .. وينو صهيب
خضر : كنا جايبين سيارات المازوت وطلعت قدامنا دورية كبيرة .. وصارو يقوسو علينا
عمي : صهيب وينوو
خضر : نحنا قدرنا نهرب .. بسس
عمي : يعني صهيب مسكوه
خضر : عمي صهيب وعمر اخي قوسوهن ويمكن مااتو
انا طلعت متل المجنونة ... مسكت تياب خضر وقلتو شوو قلت
صار يبكي
عمي : خضر فهمني ماااتو ولا يمكن ماتوو
خضر .. شفناهن من بعيد بعد ما قوسوهن شحطوهن وحطوهن بالسيارة من ورا ... لو عايشين كانو اسعفوهن
مروة : لاااا ... لاااا ... صهيب قلي رااجع ... والله قلي راجع ... وعمرر .. عمر اخي مارح يموووت ..
طلعت حماتي ع صياحي .. ولما سمعت الخبر وقعت بأرضا ... طلع عمي عأساس رايح يتأكد .. ويسأل شي حدا ...
قعدت ع الدرج وابكي وقول والله قلي راجع .. والله .. قلتلو مشان الله لاتروح .. قلي اخر مرة ... اي والله طلعت اخر مرة ... ولاا اخي ااااه ياربي .. رحت لعند مرت عمي يلي يلي كانت مصدومة وماعم تحكي
مروة : قلي مشتهي الشاكرية ..
صرخت بوجهي وقالت خرسييي صهيب مامااات ...
اجت امي لعنا هي وفاطمة كانو عم بكيانين كتييير
ضمتني امي وقالتلي : عمرر يا مروة .. عمرر..
مروة : ااااه يا اميي ... اااااخ ... راحو الغوالي ..
رجع عمي بعد ساعةوجهو ما بيتفسر
مروة :عميي شووو
عمي : مااابعرف .. بس مالن اثر... حكيت مع واحد قال اذا عايشين بقلي وينن واذا ماتو رح يسلمونا الجثث ..
وعملنا مناحة... صارت العالم تجي وتعزينا .. نحنا اتأكدنا انون ماتوو لو ماماتو كان وصلنا خبر منون ..

فاطمة : مابعرف
مروة : احسن الشي
رجع بابا بعد شوي ..
مروة : شو بابا
ابي : خلص متل مابدك بصير
فرحت كتير وقلتلو : عنجد
ابي : اي عنجد .. بس من هلأ اذا بدك تتزوجي شي يوم بتنسي ابنك
مروة : ومين قلكن انو بدي اتزوج .. انا رايحة جيب غراضي وغراض صهيب
رحت جبت غراضي وقعدت عند اهلي .. بعد يومين اجو اهل العريس يلي جاين مشان فاطمة .. واهلي كانو سألين عنن وعطو الموافقة .. كنت واقفة بباب الغرفة وعم اتفرج عليهن وهن عم يقرو الفاتحة .. شفت بعيون فاطمة الفرح .. فرحتلا من كل قلبي ..
مروة : الله يهنيكي يافاطمة ..
رجعت لعند صهيب كان نايمة تمددت جنبو وصرت العبلو بشعراتو ...
بعد كم يوم .. كنت عم اجلي .. سمعت الباب انفتح .. وفاتت لعندي فاطمة
مروة : مين اجا
فاطمة : خطيبي
مروة : جاي تعملي قهوة يعني
فاطمة : اي
مروة : خلص انا بعملا وبفوتا ...
فاطمة : طيب ماشي .. وكمان مشان تتعرفي على اسامة
مروة : اي يلا
عملت قهوة وفوتا .. سلمت على اسامة كان شب كتير محترم وخجول
فاطمة : اسامة هي اختي مروة الصغيرة يلي حكيتلك عنا
اسامة : تشرفت
مروة : وانا كمان
اسامة : بصراحة زعلت كتير لما خبرت انك ترملتي وانتي صغيرة
مروة : هي حكمة الله
اسامة : الله يرحمو
مروة : تعيش
اسامة : وشو ناوي تعملي
مروة : ولا شي بدي ربي ابني وكبرو وافرح فيه
اسامة : بس انتي بعدك صغيرة ليش لحتى توفقي حياتك هون
مروة : لا تقلي تزوجي ههه
اسامة : اكيد لا .. بس انو كملي دراستك
مروة : وين هوون بلبنان .. لا مو ظابطة وكمان ما الي نفس لشي
اسامة : انتي لاي صف واصلة
مروة : كنت عم قدم عاشر
اسامة : طيب ماشي .. شو رأيك تدخلي دورة تمريض
مروة : تمريض
اسامة : اي بتدرسي سنتين بمعهد وبتصيري ممرضة
مروة : ممرضة ؟؟
اسامة : اي ليش لأ .. بكرا ستنين زمان ابنك بيكبر وبيدخل روضة وبعدا مدرسة .. وانتي شو بدك تعملي لحالك .. انا عم احكي مشانك والله ...
مروة : بفكر
اسامة : اي فكري .. بس لاتطولي لانو هلأ فتحو الدورات للتسجيل . وانا من المدربين
مروة : ان شاء الله خير .. يلا بالاذن خدو راحتكن
تركتن وفتت ع غرفتي وانا ع فكر .. تاني يوم اقترحت ع اهلي الاقتراح ما عترضو .. كمان اخدت رأي بيت عمي .. كمان ماعترضو .. بس شرطت علي حماتي انو صهيب بضل عندن طول ما انا بالدورة
__________________
ومرق اربع سنين .. اخدت شهادة تمريض من المعهد وتطوعت بمستوصف للسورين .. وبعد التطوع تثبتت وصرت موظفة وصرت اخد راتب وراتبي كان ٤٠٠ دلر .. كنت كتير مبسوطة بحياتي الجديدة ومبسوطة بشغلي كنت اتسلى كتير ..كنت اشتغل مع دكتورة نسائية .. كان يجيني خطابة كتير بس انا كنت ارفض لانو بصراحة قلبي كان ميت وماكنت مستعدة لا حب حدا ولا ارتبط بحدا .. كبرت وحليت 😅 وكنت قد حالي وماخلي اي مجال لحدا يقرب مني .. كنت بشغلي مع الدكتورة النسائية شوف كتير بنات صغار بأعمار ١٤ و١٥ و١٦ . جاين وحوامل ... كنت اتذكر حالي وكيف اهلي ظلموني وزوجوني صغيرة بس الحمد لله عندي ولد بالدنيا كلا .. وبالاخير كلو بأيد رب العالمين ..
___________
مروة : دكتورة خلصو ماضل حدا
الدكتورة : اوك .. يلا سلام لاهرب لكن ههههه
مروة : اي الله معك ههههه
ضبيت العيادة وقفلت الباب وطلعت قعدت مع الممرضة يلي بتسجل اسماء
نسرين : شو خلصو مرضاكن
مروة : اي .. بس كأنو اليوم عاجقة بالمستوصف شو القصة
نسرين : اي ع دكتور السنان
مروة : اممم .. انا قايمة روح بدك شي مني
نسرين : لك قعدي سليني شوي
مروة : لا بدي روح لحق حماتي شوف شو طابخة ههههه
نسرين : ااخ منك
مروة : يلا سلام
طلعت من المستوصف ورحت ع بيت عمي
دقيت الباب وفتحتلي ليلى
مروة : شو هون ام الول
ليلى : لك هلا بمروة فوتي فوتي
همست بأدنا وقلتلا سو طابخين اليوم
ليلى : ههههه فوتي داعمينها اليوم ..
مروة : عنجد .. شو المناسبة
ليلى : عازمين خطيبة معاذ ع الغدا
مروة : اممممم
ليلى : امممممممم هههه
مروة : وين ابني .. يا سوسو وينك ماما انا جيت
طلع ابني يلي متل القمر من المطبخ واجا لعندي وفاتح اديه .. نزلت لعندو وحملتو
صهيب : ماما انتي جيتي
مروة : شو شايف .. ليلى هلأ شوفي شو بيسألني
صهيب : ماما كنتي عند الدكتور
مروة :اي ههههههه ... كل يوم نفس السؤال
ليلى : لك دخيل قلبوو انا
مروة : حبيبي شو طابخة التيتي
صهيب : لز ( رز)
مروة : بس لز
صهيب : اي بس ..
مروة : تعال لنشوف
فتنا ع المطبخ وكانت حماتي وميس عم يجهزو الغدا وكانو عاملين كبسة وكبة وصفيحة
حماتي : هلا مروة .. منيح جيتي مشان تتغدي معنا
مروة : حماتي بتحبني ههههه
حماتي : اي والله بحبك ..
مروة : عذبكن صهيب
حماتي : يقبر قلبي .. لك اذا بكسر البيت على راسنا مارح نحكي ..
صهيب : ماما عطيني تلفونك اتفرج ع التيوب ( يوتيوب)
مروة : بس شوي اوك .. مشان عيونك
صهيب : اوك
عطيتو تلفوني وراح يتفرج هو ولاد عمو
ميس : مروة بكرا خديلي موعد عند الدكتورة
مروة : لا تقولي حامل
ميس بقهر : يمكن

مروة : هههه لك شو صايرلك ماخدة مقطوع ..
ميس : بالغلط
مروة : ههههههه قلتيلي بالغلط
حماتي : دخيل الله مافي احلا من الولاد خليها تجيب وتملي البيت كلو ولاد
مروة : يلا ميس خلفي مزال في مين عم يربي
ميس : هيك قولتك
مروة : اي هههههه ... خلص بكرا انا ببعتلك ع الواتس اي ساعة تروحي مشان ماتنطري
فات معاذ ع المطبخ
معاذ : ماما كلو جاهز
مروة: هههه اي كلو جاهز اطمن ..
معاذ : لانو رح يوصلو
مروة : ياعيب الشوم عليك عم تشك يقدرات امك .. سامعة يامرت عمي
معاذ : مروة لا تحرينا
مروة : والله انا اذا ماحريت مابتهنا ههههه
حماتي : حبيبي كلو جاهز .. يلا رح ننقل الاكل على السفرة
نقلنا الاكل على السفره واجو المعازيم .. وتغدينا معن واخدت ابني ورحت ع بيت اهلي
امي : ليش اتأخرتي
مروة : كنت عم اتغدا عند بيت عمي
امي : يعني مانك جوعانة
مروة: لا صحة ..
امي : لكن نيمي صعيب وتعي لنشرب متة
مروة : اوكيي
نيمت صهيب وطلعت اقعد مع امي
مروة : وين بابا ما اجا ع الغدا
امي : اي اجا وراح قبل ماتجي
مروة : وخضر وفاطمة ماعم يجو
امي : لا ..
مروة : هدول من يوم ماتزوجو معد شفنا حدا منن
امي : كل واحد عندو هم كافيه
مروة : ليش صاير معن شي
امي : لا بس مافي حدا ماعندو هموم وكمان لاتنسي كل واحد عندو عيلة ولاد
صفت وقلتلا : اي والله محدا مرتاح
امي : اليوم اجوكي خطابة
مروة : ايي
Telegram@rwayate
امي : لا تعصبي قلتلن البنت مابدا تتزوج
مروة : منيح
امي : لايمت يابنتي بدك تضلي هيك .. بكرا ابنك بيكبر وبيتركك وانتي رح تضلي لحالك
مروة : هي الدباجة صرعتو سماي فيها انا مااابدي اتزوج ..واصلا كرهاني كلشي اسمو زواج
امي : والله مابعرف بس والله مشان مصلحتك
مروة : انا هيك مرتاحة ..
امي : ان شاء الله عطول
________________
تاني يوم .. وانا بالعيادة
اتصلت بميس
مروة : الو .. ميس تعالي اخدتلك موعد .. وليكي جيبلي صهيب معك بدي فرجيه للدكتور
ميس : ليش شبو صهيب
مروة : مبارح حسيت سخنان وكمان في دكتور اطفال جديد عم يقولو عنو شاطر بدي خليه يشوفو
ميس : يلا
اجو ميس وصهيب .. فاتت ميس ع الدكتورة .. وانا اخدت صهيب على الدكتور
مروة : نسرين مين في عند دكتور الاطفال
نسرين : في ولد .. تعالي لفوت معك وعرفك عليه
مروة : يلا
فتنا لعندو .. مبين عليه صغير بالعمر وحليوة ..
نسرين: دكتور يوسف هي مروة .. ممرضة معنا هون بالمستوصف هي الممرضة الوحيدة يلي لسه ماشفتا
يوسف : اهلا مروة .. تشرفت فيكي
مروة: تسلم دكتور ... دكتور بدي تشفلي هالبطل بليل لاحظت عليه شوية سخونة
يوسف : اخوكي ؟؟
مروة : ههه لا ابني
يوسف : ااه .. والله مامبين ... تعال يابطل ..
راح صهيب لعندو
يوسف : شو اسمك يا حلو
Telegram@rwayate
صهيب : صهيب
يوسف : اسمك حلو .. مين سماك هالاسم
اتطلع فيني صهيب
مروة : قلو للدكتور ماما
صهيب : ماما سمتني
يوسف : وع اسم مين .. ع اسم جدك يعني
صهيب : لا ع اسم البابا
اتطلع فيني الدكتور بستغراب
مروة : اي لا تتفاجئ اسمو ع اسم ابوه الله يرحمو
يوسف : اااه .. اي فهمت الله يرحمو
مروة : تعيش
فحصو وقلي : لا تخافي بس حلقو شوي ملتهب
مروة : اوك دكتور يسلمن
يوسف : مروة خلينا نشوفك
مروة : ههه هون انا وين بدي روح .. يلا بالاذن
رجعت ع العيادة النسائية
مروة: شو دكتورة بشري
الدكتورة : ههههه صرلا شهرين حامل والحمل تمام
مروة : مبروك ميس
ميس : الله يبارك فيكي
مروة حبيبي صهيب روح مع مرت عمو ع البيت وانا لما خلص بجي ماشي ياحلو
صهيب : ماشي ماما
_____________
مرق كم يوم عادي وانا بالمستوصف .. كنت شوف يوسف وسلم عليه عادي
المسا كنت بغرفتي .. وعم انقل اسماء المرضى على اللابتوب ..
طنطن تلفوني وكان واتس اب .. رقم
_ مسالخير
م_مسالنور مين ؟
_انا يوسف
م: يوسف ؟؟ مين يوسف
ي: الدكتور يوسف
م: ااه ... اهلين دكتور كيفك
ي: تمام بخير ...
م: قلي دكتور في شي
ي: اااه لا ابدا .. بس كنت بدي اتطمن ع ابنك كيف صار
م: لا منيح كتير ... عم اعطيه الدوا يلي وصفتلي اياه والحمد لله ارتاح
ي : اي كتير منيح ... انا بس حبيت اطمن عليه لاتواخذيني ع الازعاج
م: شكرا كتير لاهتمامك ... لا مافي اي ازعاج
ي: تصبحي ع خير
م : وانت من اهلو
حفظت رقمو عندي ورميت التلفون ع جنب
امي من برا : مروة .. تعالي هون اختك فاطمة وجوزا
مروة : جاي .. جاي
طلعت وسهرت معن فتحت التلفون وصرت اتفرج على الستوري بالواتساب .. طلع قدامي الستوري ليوسف
كان حاطط مقطع حلو رومنسي .. تفرجتلو وسكرت ..
قلت بقلبي : الكل عم يعيش قصص حب ههههه
تاني يوم .. اتصلت فيني الدكتورة انو ماسجلا مواعيد لانو مانها جاي .. رحت لعند نسرين
مروة : نسرين اليوم الدكتورة مانها جاي .. مشان ماتسجلي لحدا
نسرين : عندا شي ولادة ؟؟
مروة: اكيد
نسرين : لكن تعالي لحدي لنشرب فنجان قهوة
مروة : اي والله جبتيها
فتت قعدت حدا .. وكانت العيادة عم تضج بالولاد

عمي : اكيد .. يلا ..
راحو ونحنا كنا عم نبكي من الفرح ...
حماتي : انا قايمة صلي كم ركعة شكرر لله
قامت مرت عمي وفات ابني صهيب كان فايق من نومتو
حملتو وصرت دور فيه وصرت قلوو البابا عايش .. البابا عايش ورح يجي لعنا
وضلينا هيك قاعدين ع اعصابنا لحتى اجا عمي وسليمان
حماتي : شوو بشروو
عمي : اي والحمد لله عايش وصحتو منيحة
حماتي ،: الف حمد وشكر الك يارب .. الحمد لله يارب
مروة : انا قايم بشر اهلي
عمي : مروة
مروة : اي عمي
مروة : شوي شوي .. لانو لاتسي اخوكي عمر
مروة : والله ماني ناسيتو اصلا حاسة بغصة مشانو
____________________
مروة : امي ... امي ..
امي : شبك بنتي
مروة : في خبر بدي خبرك اياه
امي : شو هو
مروة: امي صهيب طلع عايش
تفاجئت امي : وقالتلي عنجد ... كيف هيك .. ومين خبرك ... طيب اخوكي عمر
مروة : عمر متوفي
خبت حزنا عني وقالت : بعرف .. كان عطول يجيني بالمنام ... اي المهم قوليلي عنجد جوزك عايش
انرسمت الابتسامة ع وجهي وقلتلا : اي .. وهو هلأ بالسجن
امي : والله فرحتلك من كل قلبي ... الله يفك اسرو .. عنجد شي مابيتصدق ... بس قوليلي كيف عرفتي
قعدت حكيتلا كلشي لامي
امي : الف حمد وشكر الك يارب ... الحمد لله جبر بخاطرك وفرحلك قلبك
مروة : عنجد يا امي الدنيا مانها وسعانتي .. بس ياريت كملت هالفرحة مع عمر
امي : لا تزعلي ع اخوكي .. اخوكي مبسوط وانا قلبي مرتاح تجاهو
مروة : الله يرحمو
امي : امين
تركتني وفاتت ع غرفتا يمكن تبكي .. بصراحة انا ماقدرت ازعل .. والله ماني انانية ومابكرهو لاخي ... بس كنت محتاجة هيك خبر ..
قعدت صهيب يلعب بالالعاب وانا رحت توضيت وصليت واشكر رب العالمين يلي فرجلي همي .. وجبر بخاطري وطلع زوجي عايش .. كنت اسجد وابكي
المسا لما اجا ابي حكيتلو .. واتصلنا بخضر وخبرناه ورحنا ع بيت عمي
__________€
ابي : يهنيكن السلامة
عمي : الله يهنيكن .. والله يرحم عمر
ابي وامي : امين
ابي : اي شو بدكن تعملو هلأ
سليمان : حكيت مع واحد صاحبي تعرفت عليه هو بلبنان.. قال بيعرف محامي كتير شاطر وخلال شهر بجيبو لعنا