بترد عليه زوجته يلي خططت لكل هالعمليه وكانت عم تراقب ساره لحتى قدرت توقعها بالمصيده
سوزان بضحكه خليعه : هههههههه لحتى تعرف مرتك مو قليله ووقت حط شغله براسي بدها تصير
مراد : لك تسلميلي ياروحي
سوزان : ليك حبيبي انت هلأ لازم تغيب عن الانظار لحتى تهدا الامور
مراد : وين روح
سوزان : سافر لاي بلد وماتشغل ببالك بهيام انا رح ابقى معها
مراد بقلق : وازا كمشوني بالمطار
سوزان : ههههههههه انت اجدب شي…لكن ليش نبهت عليك ماتكتب كتابك عليها مو لحتى ماينعرف اسمك الحقيقي هنه رح يعمموا على شخص اسمه عمر محمود المحمد وانت اسمك مراد شاهين الشامي… بقى يروحو يدورا براحتهم انت بالسليم حبيبي…
ابتسم مراد بخبث واردف : طيب وبالنسبه لبتول… بعتقد اخدنا يلي بدنا ياه وبزياده
سوزان بحقد : ماحزرت… بعدني ماكسرت شوكة كرم
مراد : فهميني على شو ناويه
سوزان : تعال نقعد بالاستراحه لنشرب شي بارد لبين مايخلص الدكتور العمليه ورح فهمك كل شي
*╚══════ღღ══════╝
كرم : اي سفيان شو صار معك
سفيان : دورت بكل المشافي مافي الها اي اثر
لكم الحيط بقبضته والنار شاعله بقلبه
كرم : لكان وين بدو يكون اخدها .. اااااخ راسي رح ينفجر من التفكير
سفيان : حافظ على هدوئك اخي لحتى نعرف نفكر
كرم : لك انوووو هدووووء هاد… لازم اعتر عليه ب اي طريقه
سفيان : طيب انت لو محله وخاطف حدا لتسرق عضو من اعضائه رح تروح على مشفى ؟
لمعت عيون كرم وحس ببصيص امل : قصدك انه اخدها على شي عياده مطرفه
سفيان : اكيد اخي لانه مافي اي دكتور بيقبل يعمل هيك عمليه الا ازا كان بايع زمته
صفن شوي وكأنه تزكر شي وبعدا مسك موبايلو واتصل بصديقه اشرف
كرم : وينك اشرف
اشرف : بالبيت
كرم. : بتتزكر الدكتور يلي ساعد هيام لتتخلص من الولد يلي ببطنها
اشرف : مين هيام ؟؟
كرم : ركز معي يستر عرضك هيام اخت الكلب مراد
اشرف : اي اي تزكرتو شبو
كرم : بتعرف وين عيادته
اشرف : اي بعرف… بس فهمني شو في ؟؟
كرم. : جاي لعندك جهز حالك لتروح معي
سكر الخط ومسك ايد سفيان وسحبه معه
كرم : تعال معي اخي
سفيان : لوين
كرم : هلأ بتعرف
*╚══════ღღ══════╝
وصلت كوثر وبتول لبيت الست ماجده وفتحتلهم صبا وعيونها غايرين بوجهها من البكي
صبا : ممرت عمي 😢
كوثر ; طمنيني بنتي لقيوا ساره
رمت حالها بحضن حماتها وانفجرت بالبكي : ساره ضاعت منا ساره ضاعت يامرت عمي
مسحت ايدها عراسها … وكلي الله بنتي قل لن يصيبنا الا ماكتب لنا
صبا : ونعم بالله 😔
بتول : انتو ماسألتو عليه وقت اجا طلبها
صبا : خدعنا وحكا انه مقطوع من شجره وماعندو الا اخت وحده عايشه برات البلد
بتول : الله ينتقم منه شو ندل وحقير
صبا : والله ازا بيسير لاختي شي لموت حالي وصارت تضرب على وجهها… انا السبب انا السبب
كوثر : طولي بالك بنتي لاتفاولي عليها… بتول خديها على غرفتها لترتاح
صبا : مااابدي ارتاح بدي اختي بدي اختي… وركضت لغرفة ساره ورمت حالها عتختها لتشم ريحتها وتحس فيها : اااه يا اختي كسرتيلي ضهري وينك ياغاليه وينك ياحنونه
لحقتها بتول وقعدت حدها عطرف التخت
بتول ; ماتعملي بحالك هيك… ادعيلها احسن شي… هي هلأ بحاجة دعاكي
صبا : ياااااااارب تردلي اختي وتحميها ياااارب 💔
بتول : امين يارب… شو رأيك ساويلك كاسة زهورات تهدي اعصابك
صبا : مابدي شي بدي اختي 😔
بتول مو على كيفك تسطحي لشوف لحتى روح ساويلك كاسة زهورات اتهديكي
فتلت حالها لتطلع من الغرفه ووقع نضرها على برواز بقلبه صوره بتجمع فيها ساره وعمر
حملته بين ايديها وهي عم ترتعش وحكت بصوت مهزوز : ممين هاد يلي بالصوره مع ساره
مسكت صبا البرواز ورمته عالحيط لينكسر ويتحول لشظايا وصرخت : ابن الحرام الله لايوفقووووو الله ينتقم منووووو
بتول بخوف : مين هوه
صبا : هاد الكلب عمر يلي ضحك على اختي
حطت ايدها على تمها وشهقت بصدمه : عمر ؟؟؟؟؟؟؟؟
*╚══════ღღ══════╝
#يتبــــــــع
(◕‿◕✿)