بعد ماراحوا اهل فرح طلعت لغرفتها وهي حاسه بضيق م̷ـــِْن تصرف فاتن وبنفس الوقت حست بشعور غريب… احساس كله راحه وهي بتتزكر موقف عمار وهو محاوطها بين ايديه وكأنه درع الامان الها
تبسمت وحاولت تاخد نفس عميق لتنظم دقات قلبها وماحست بعمار وقت فات عالغرفه
عمار : ليش طلعتي عالغرفه
جفلت من صوته والتفتت عليه بفزغ
عمار : شبك هاد انا عمار
فرح : اسفه مانتبهتلك وقت فتت
قرب منها وحط ايديه عكتافها وحنى جبينه عجبينها
عمار: بشو كانت شارده مرتي الحلوه
فرح : و وللااا شي
عمار : ولا شي ولاشي
فرح : ايه ولا شي ولاشي
بقي صافن بزرقة عيونها المحتاره وشفايفها المرتجفه من لمسته
حاول يضبط نفسه ويمنعها من الاقتراب لكنه ماقدر ونزل ع شفايفها وباسها بشغف لتبعدو عنها وهي بتصرخ بهستيريا
فرح : قلتلللللك بعددد عنييييي لاتقرررررب منييييي
عمار : خلص خلص… مارح قرب منك الا ازا انتي سمحتيلي بس اهدي لو سمحتي
انتبهت ع وقاحة تصرفها معه وحست انها عم تجرح بقسوه بكل مره بيقرب منها…
قعدت عطرف التخت وغمرت وجهها بين ايديها وانفجرت بالبكي
عمار : ليش عم تبكي
فرح : انا اسفه عمار اسفه… انا بس محتاجه شوية وقت
قرب منها وقعد بحدها ومسكلا ايديها وقربهم ع صدرو
عمار : انا ابدا مو زعلان منك فرح انتي حبيبتي ومرتي .. مستعد انطرك العمر كله.. المهم تكوني معي
كلماته كانت متل البلسم نزلت عجروحها لداويها… وماحست بحالها الا وهي دافنه راسها بصدرو وعم تبكي بحرقه على حالها
فرح : شكرا عمار شكرا
عمار : بدك تقضيها بكي بدك اهلي يفكرو اني عم اضربك
اتزكرت فرح وقت حكتلا مرت عمها… شو عمل فيكي هالتور .. وبدون ارادتها ضحكت بصوت عالي
عمار : عليه العوض ومنه العوض
*╚══════ღღ══════╝
دخلت فاتن لغرفتها وطبشت الباب وراها بقوه وهي عم تغلي من القهر
رمت شنتتها وصارت تفتل بالغرفه روحه وجيه وهي عم تفرك ايديها ببعض
قاتن : اااخ ياقهري… انا .. انا شقفة بنت مفعوصه تعمل فيي هيك.. اي شو عليه اعملي وكتري يابنت بسمه و •اللّـہ̣̥ لطالعها من عيونكن عامص و •اللّـہ̣̥ 👌
بيقطع حديثها مع نفسها رنة جوالها وبسرعه بتفتح شنتتها وبتشوف المتصل وبتبتسم بخبث
فاتن : هه اجيتي بوقتك تمام
بتفتح خط وبتحكي بصوت حزين
فاتن : صفا ياروحي اهلين حبيبتي
صفا : اهلين فيكي عمه شبك لي هيك صوتك
فاتن (بتتنشوق وكأنها من ساعه بتبكي ) ولاشي حبيبتي طمنيني عنك كيفن امك وابوكي
صفا : مناح نحنا عمه بس كرمال •اللّـہ̣̥ احكيلي شو بك ليش عم تبكي لتكون حية التبن يلي عندك زعلتك بشي كلمه
فاتن : لا مو هيه…
صفا : لكن مين !!
فاتن :العروس
صفا (بصدمه) : شووو فرح !!! شو ساوت هالحقيره
فاتن : احكي شو ماساوت لك صغرتني قدام الكل وبكل عين وقحه بتقلي مرت ابي
صفا بقهر : الله يسامحك ياعمتي عهود على هيك جوازه وهيك عروس
فاتن : وياريت بس هيك
صفا : ليش شو صار كمان !!
فاتن : السيد عمار صار يحاميلا ووقف معها عالغلط
صفا بحزن : عمار هيك عمل 😔
فاتن بمكر : بعرف انه بعدك بتحبيه لعمار وصدقيني مارح يهنالي عيشل شوفك مرته
صفا : بعد شو ياعمه بعد ماتجوز وصار لغيري
فاتن ضحكت بشر : هههههه ليش انتي بتسمي جوازته من فرح جوازه
صفا : شو قصدك عمه ماعم افهم عليكي !!
فاتن : بعدين بفهمك بس هلأ بدي منك تتقربي من عمار قد مافيكي
صفا : وشلون بقى
فاتن : اطلبي من خالتك تحكي لجوزها يشغلك عندو بالشركه وبهيك بتظلي قريبه منه .. شو انا بدي علمك
صفا : اي و •اللّـہ̣̥ كيف فاتتني هي
فاتن : ولسه ياعمه مارح ارتاح الا لشوفك ببيت عمار وشوف بسمه وبناتها مزلولات تحت اجري
صفا : هههههه الله يقويكي عمه وهلأ شو اعمل
فاتن : اسمعيني منيح ونفذي يلي رح قلك عليه بالحرف… 😈
*╚══════ღღ══════╝
اجتمعوا سوا على طاولة السفره مع باقي أفراد العيلة
كان. الهدوء طاغي عالكل ومافي شي ينسمع الا قرقعة المعالق بقلب الصحون
وسيم : دايمه
عهود : ما اكلت منيح امي
وسيم (وهو بيمسح تمه وبيقوم عن السفره ) : شبعت امي يسلموا .. انا رايح اسهر عند رفقاتي خلي العرسان ياخدو راحتهم
طلال : لا تتأخر بالرجعه
وسيم : حاضر ابي يالله بشوفكم سلام
ردو الكل : الله معك
كانت فرح شاردة عن الواقع يلي حواليها وعم تتأمل ملامح عمار اللي ظهر عليها الإرهاق بوضوح… بمشاعر هائلة من الذنب والكره لنفسها.. فبعد مرور أكتر من عشرة أيام على عرسهم.. إلا أنه وضعهم ما تغير عن الليلة الأولى اللي ماعم تتزكر شي كتير من أحداثها.. الا أنها غمرت حالها ونامت لتفيق الصبح وتلاقي حالها نايمه بفستان العرس وعمار نايم على الكنبه الموجودة بصالة الجناح..
#فلاش_™̸̮بَََّـْْْـْْْbackـََْْـَّْْآَّڪَْْ∂⌣̶♥️يومها صحته بعد ما بدلت فستان العرس بفستان صباحي بسيط.. وسألته عالشي اللي صار ؟.. ولكنه بقي ساكت... رجعت تسأله:
فرح : عمار .. شبك لي ماعم ترد عليي؟..ليش تركتني أنام بفستان العرس؟.. وليش أنت نايم هون ؟؟..
اطلع فيه بارتباك وهو بيجاوبها بحذر:
