📚قصص||روايات||منوعة📚

تمزحي …الشركة لجدي وانا المدير العام فيها…فعادي متى ما بدي بداوم ومتى ما بدي بقعد

اسراء:عمران ما تجنّني …انت من متى بتعطل عن شغلك أإأذأإأ ما في اشي طارئ

عمران ~تنهد~:امي بصراحة قررت ما اروح لحتى اعرف شو صار بخصوص لايا وتيم

اسراء:جدك منع لايا تروح عشغلها لترضى ترجع لتيم…وطبعاً انت بتعرف كيف لايا متعلقه بشغلها

عمران~لمعوا عيونه~:يعني لايا ما رح ترجع لتيم؟

اسراء:هبك الظاهر…وحملت فرد وعرضت عتيم يقتلها لانه هي ما بدها تكون اله

عمران~ضحك~:حلو كتير هلأ احلوت اللعبة

اسراء:عمران ما تتصرف تصرف غبي

عمران~وقف~:بدي اروح لعند جدي واحكيله اني بدي لايا وشاريها

اسراء~هبت بسرعة~:لأ عمران اوعى تعمل هيك …رح تشعل النار بالعيلة ورح تعمل مشاكل بيني وبين جدك وخالك وتيم ولايا…ابني البنت مو الك اقتنع بنصيبك خلص


عمران~توجه لعند الباب~:انا رح احاول ما رح اترك لايا بسهولة

اسراء:عمران ارجع وما تتصرف تصرفات عواقبها وخيمة

عمران:انا حسمت امري …بخاطرك امي

طلع عمران واسراء دب الرعب بقلبها …لانها عارفه ابنها وقت يصر بده الشغلة مستحيل يوقف عن المحاولة ليكسبها…ما كان عندها خيار غير انها تطلع وتلحقه قبل ما يتهور

"'"'"'"'"'"'"'"'"'"'"'"'""'"'""'"'""""'"'""'"''"''"''"'"''"'"
اسراء
عمرها 46 سنة ارملة م̷ـــِْن سنين طويلة عندها بنت وولد

عمران
شب مسؤول وواعي عمره 24 سنة وهو المدير العام بشركة من شركات جده


عند قاسم ..
وصلوا عالفيلا بعد ما طلعوا من بيت لايا ..
تفرقوا كل واحد على بيته وفات قاسم وفاطمة ونسمة عالفيلا ..

نسمة: بابا

قاسم: نعم نسمة

نسمة : بابا انت غلطت باللي عملته

قاسم : نعم؟

نسمة : قلتلك غلطت لما منعت لايا من شغلها بس لانها رفضت تيم ..
معها حق .. يلي بمد ايده ع انثى اكيد رح ترفضه ..

قاسم : جاية تعلميني شغلي ولي

نسمة.: لا بابا مو هيك قصدي .. بس هي حياة مو لعبة ..

قاسم : انقلعي من وجهي نسمة .. بسرعةةة

نسمة : ليش انقلع بابا ليش ؟ لاني حكيت كلمة حق ؟
مو انت ربيتنا نحكي كلمة الحق لو على قطع رقبتنا .. انت غلطت بابا..

ما حست غير بحرارة على وجهها من اثر الكف يلي اكلته ..

نسمة : عم تضربني بابا .. عم تضربني

قاسم : ماعاش يلي بده يرفع صوته على صوتي ويرد جواب ..

طلعت نسمة على غرفتها عم تبكي وحكت فاطمة : حسبي الله ونعم الوكيل. لك من متى انت بتمد ايدك على اولادك يا قاسم

قاسم : هي طلعتني عن طوري ..

فاطمة : طيب روق روق .. حسبي الله ونعم الوكيل ..

طلعت فاطمة لعند نسمة ودقت الباب

اجاها صوت نسمة الباكي من جوا .. فتحت الباب وتوجهت لعندا وضمتها ..
: لا تبكي امي الله يرضى عليك

نسمة : امي انا ! ابي يضربني كرمال تيم ؟
لك بعمره بابا ما مد ايده علي، هلأ لانه حكيت انه غلط بتصرفه بيضربني؟

فاطمة : وانت ما بتعرفي ابوكِ ؟
واديش لايا بتهمه وما بده ياها تطلع من تحت جناحه .. بكفي اخوك راح وتركهن ..

نسمة : لك امي ليش ؟ اتركوا البنت تختار حياتها ..
ما بكفي انا كل عريس اجاني ترفضوه ؟ هي صار عمري 35 وماعاد حدا دق بابي .. كله منكم ..

فاطمة : يا بنت....

نسمة : امي بدي ضل لحالي .. لو سمحت ..

طلعت فاطمة وهي عم تدعي لنسمة بهداة البال

*-*-*-*-*-*-*-*-*-*-*-*
نسمة
عمرها 35 سنة …دارسة رياضيات بس ما بتشتغل…ما تزوجت لانه ابوها كان يرفض كل عريس يجيها…بعد ما مات ابن عمها اللي كان خاطبها م̷ـــِْن سنين بحادث سير

~°~°~°~°~°~°~°~°~°~°~°~°~
ببيت تيم

فات تيم هو واهله عالبيت وركضت عليهم نوران وحكت : شو صار معكم؟

تيم : جدك منع لايا م̷ـــِْن الشغل بالمكتب.. لنشوف هلأ شو رح تعمل .. رح تركض لعند صرمايتي .. هههههههه

عمار : تيم .. تأدب ..

تيم مسك ضحكته وامه طلعت وهي مو عاجبها وطلعت وراها نوران : شو هدا امي ؟

من متى جدي وتيم هيك ؟ والله ما بصير

سناء : هو انا بعرف، شو بعرفني انا التانية لو تشوفي لايا اديش بكت .. لدرجة طلعت سلاحها وقالت لجدك يقتلها ..

نوران : والله هالبنت طيبة وما بصير هيك يعملوا فيها ..
يعني اذا انا غصبني جدي هيك بترضوا انتو ؟ تيم بيرضى؟ بابا بيرضى؟

سناء: اكيد لا

نوران : لكن كيف رضيانين هالشي على لايا امي؟

سناء : انا مالي رضيانة نوران

نوران : طيب عملي شي ومنعي جدي ..

سناء : شو بيطلع بايدي لك امي .. اذا لايا حفيدته المدلله هيك عم يغصبها ..
شو بدنا نقول احنا ..

نوران : انا رايحة ..

سناء : لوين ؟

نوران : بدي روح زور شجن ووسن

سناء : اسألي ابوك

نوران : هفف حاضر

نزلت نوران بعد ما لبست وكانو عم يحكو تيم وعمار بخصوص لايا ..

نوران : بابا

عمار : عيونه

نوران : فيني روح لعند شجن ووسن؟

عمار : لا بابا .. هلأ الأمور متأزمة مو منيح تروحي ..

نوران : اف بابا بس لبست !
وبعدين منه بشوف لايا وبسلم عليها ..

لمعت عيون تيم وحكى: اي معلش بابا خليها تروح بتتسلى خطي ..

نوران دبلت عيونها : اي بابا

عمار : طيب روحي .. بس

في مشكلة .. دائما احنا منروح لعنده ..

وسن : ماما شكلها مو طبيعي .. كأنها بكيانة كتير ..

شجن : بعدين تيم كيف ترك لايا بهالسهولة؟ ويا ترا جدو عنده علم ..

*ترن ترن ترن*

شجن: هي نوران عم تتصل ..

شجن : الو كيفك نوري ؟

نوران : قلتلك سبعمية مليون مرة لا تقوليلي نوري .. ما بروح فكري غير على العريف نوري .. المهم ..

شجن : اي قوليلي المهم

نوران : تيم طلق لايا ..

شجن : اي عرفنا .. هلأ اجينا عالبيت، بس ما عرفنا شي تاني ..

نوران : اممممم

شجن : شو في نوران؟

نوران : هاد تيم الله يصلحه .. قال لامك مو من قليل عمي ترككم وراح ..

شجن : شووو

وسن : شوفيي؟

شجن : هوسس وسن .. عفوا نوران ليش ليقول لامي هيك ؟

نوران : يلي فهمته انه عمران بحب لايا وتيم عرف وحكى هيك

شجن : اخوكِ كتير حقير على فكرة ومنيح انه تركها للايا .. سلام ..

نوران : لك .. انا شو دخلني .. اوف فصلت ..
طيب شو دخلني انا .. والله انا نوران مو تيم ..

___•°•___________
وسن: شوفيي شجن؟

شجن: هاد الحقير تيم قال لماما مو من قليل تركك عمو ..

وسن : يااه عنجد حقير ..
وانا عم قول شومالها ماما هيك وجهها احمر ..

شجن : الله يخزيك يا تيم شو انك حقير

وسن : خلص قومي نغير تيابنا ونطلع لبرا

شجن : يلا ..

>
فات قاسم عالفيلا هو وفاطمة؛؛

قاسم : فاطمة وين نسمة!

فاكمة : بغرفتها ..

قاسم : انا طالع لعندها ..

فاطمة : الله يجبر خاطرك لا تعصب عليها ..

قاسم : طالع اراضيها فاطمة مو عصب عليها

فاطمة : الله يخليلي اياك ويجبر بخاطرك ان شاء الله..

دق دق دق

نسمة : تفضل ..
فات قاسم وسكر الباب وراه ..
تطلعت عليه نسمة ورجعت دارت وجهها ..

قاسم : كيفها بنتي الحلوة ..

نسمة : الحمد لله ..

قاسم : لساتك زعلانة مني؟

نسمة : لا .. ليش لازعل ؟ ليش انت عملت شي يزعلني ..

قاسم : نسمة مو بقصدي ضربتك .. انت استفزيتيني وانا كانت طالعة خلاقي على لايا وتيم ..

نسمة : مشان تيم ولايا بتضربني الي؟

قاسم : الله يخزي الشيطان ..
هي لايا وتيم تطلقوا ..

نسمة تجلست : عنجد؟

قاسم هز براسه

نسمة : يعني ماعاد رح تزوجهم غصب ؟

قاسم : لا ..

نسمة : وشو اللي غير رأيك ..

قاسم : تصرفات تيم ما عجبتني ..

نسمة : .......

قاسم : ما رضيتِ على ابوك يا بطة ؟

نسمة لوت تمها من كلمة بطة وهو ضحك ..

قامت لعنده وباست ايده : انت يلي بترضى علي بابا مو انا ..

قاسم مسد على شعرها : الله يرضى عليك يا نسمة ويبعتلك ابن الحلال ..

دمعت عيونها ورجعت على تختها بمحاولة تخبي دموعها بس ما قدرت...

قرب منها قاسم وحكى : هلأ شو صار ؟

نسمة : يلي صار انه اذا بدك تضل عم ترفض العرسان يلي عم ييجوني .. بعمري مارح اتزوج ..

قاسم : وانت مفكرة اني عم ارفضهم هيك بدون ما اسأل عنهم واعرف بالضبط لشو جايين؟

نسمة : ش شو قصدك!

قاسم : قصدي انه كل يلي عم يجو طمعانين بالأملاك مو فيكِ .. انا آسف نسمة بس هي الحقيقة .. وبس يجي الشخص المناسب أكيد مارح ارفضه ..
بالنهاية بدك تروحي .. ولا حتضلي قاعدة على قلبي ..

نسمة ضحكت وخبت وجهها ..

قاسم : الله يرضى عليك يا نسمة .. يلا بدك شي ؟

نسمة : سلامتك بابا


ببيت اسراء فاتت تاج على البيت بعد مارجعت من عند سيلين ..
طلعت على غرفة عمران ودقت الباب ..

عمران : فوت

تاج : عمران

عمران : اهلين تاج .. شبك شوفي جاي هادية

تاج : بدي البشارة ..

عمران : اممم شو بدك

تاج : بتتذكر الموبايل يلي..

عمران : شفناه هديك المرة وعجبك كتير وقلتيلي جبلك ياه وقلتلك ماعملتيلي شي محرز لجبلك ياه ..

تاج : هههه لك ولعية اي بدي ياه..

عمران : هاتِ يلي عندك

تاج : اول بتوعدني تجبلي ياه

عمران : يااختي بوعدك جبلك اياه اذا الخبر عجبني

تاج : تيم ولايا انفصلوا ..

عمران : هه خبرك بايت

لوت تاج تمها وحكت : وانت شو عرفك

عمران : ما العيلة مطروشة..

تاج : مستحيل كيف لحقوا ؟ سيلين قالتلي لا تقولي لحدا

عمران.: قصدك ! اليوم؟؟؟

تاج: لك اي شو عم احكي لكن ..
انفصلوا عالاخير بأمر من جدك ..

عمران : لك يسعددددددددددددد
وقف وحمل تاج وبلش يدور فيها

تاج : لك نزلني رح توقعني نزلني ولك عمران

فاتت اسراء عالغرفة وحكت : ولك شوفي هون

زت عمران تاج عالتخت وركض لعند امه وبلش يرقص معها

تاج : اخخ

اسراء : ولك جن الولد شو قلتيله يا تاج لاخوك

تاج : انكسر حوضي الله لا يعطيك العافية يا عمران على هالزتة

عمران : امي تيم طلق لايا

اسراء. : شوو

عمران : متل ماعم قلك .. وحزري شو كمان ..

اسراء مصدومة : شو!

عمران : بأمر من جدي ..

اسراء : لك انتو من وين بتجيبو الاخبار بس .. شوف ولا عمران
هون حفرنا وهون طمرنا .. ما بتطلع كلمة من هون قبل ما نتأكد

عمران : 🙊🤐

اجت اسراء لتطلع من الغرفة بس صرخت تاج: امي .. خديني معك الله يوفقك مو قادرة قوم

اسراء : تعي تعي .. الله لا يعطيك العافية يا عمران معقول هيك بتزتا لاختك

لكن على بركة الله

قاسم : مبارك

مراد : الله يبارك فيك عمي..

قاسم : بكرة بنتفق على كل شي..
وياريت الخطبة ما تطول

مراد : ان شاء الله..

قمر : مبارك اخي

مراد : الله يبارك فيكِ يا عمري..

لايا بضحكة : مبارك خالو

مراد : عقبالك يا روح خالو

لايا : اذا بدو يصير عريسي احمر وأصفر متلك مارح اقبله هههههه

مراد : انضبي هههههه

~

ايين عالطريق..

دخلت نسمة وسط ذهول الكل، كانت متل الملكة وجنبها مراد وقاسم وفاطمة وقمر..

قعدوا نسمة ومراد بمكانهم المخصص وبلشوا الكل يسلموا عليهم.

راحت لايا لعند امها : ماما ما تكوني غلطتِ وحكيتِ قدام حدا اشي

قمر :لا ما تقلقي

مشت لايا شوي بس في إيد مسكتها.. تطلعت ورجعت دارت نظرها : فيك تترك ايدي؟.

عمران : لا..

لايا بنظرة تهديد : عمراان..

عمران : طيب خليكِ

لايا : اترك ايدي اول

عمران : هي تركتها..

لايا : شرّف.. شو بدك...

عمران : بدي اياكِ

لايا : اووف عمران اووف، انا نسيت هالمواويل من زماان..

عمران : بس انا ما نسيت ولا ممكن انسى

لايا : هالشي برجعلك.. بس بنصحك تنسى، وما تتعب حالك بالتفكير الزايد..

عمران : طالعة حلوة كتير..

لايا :عمران اطلع من راسي..

عمران : والله أحلى من نسمة

لايا : هلأ منشوف رأي خالو وجدو

عمران : لا لا يستر على عرضك خلينا مبسوطين..

لايا :امشي من خلقتي معناته..

عمران : لك لايا والله تعبت حسي فيه..

لايا : انا قلتلك الحقني؟

عمران : لا بس انت مغرو....

النظرة اللي نظرتله اياها خلته يقطع حكيه..: ي.. يعني ما بتعطي مجال لحدا..

لايا : لإنه ما بدي من العيلة، يلا سلام رايحة انبسط..

عمران : طيب آخر سؤال..

لايا : وبعدين!

عمران : اذا جاوبتيني وكانت الاجابة ايجابية ما برجع قرب عليكِ

لايا ~بملل~: تفضل

عمران : في حدا بحياتك..

صفنت وصفنت وبالآخر حكت : اي..

عمران : 🥺🥺 طيب الله يهنيكم..

لايا : عقبالك..

راحت لايا لعند البنات :يا ربي

نوران : شوفي

لايا: ولا شي.. كيف صرتِ سيسي

سالي : أولا انا اسمي سالي مو سيسي يا ست لايا.. تانيا منيح سألتِ يعني صرلي واقعة فترة منيحة..

لايا : ولك آخ، اعتبي عالكل الا علي، اللي صار مو قليل

سالي : عم امزح عم امزح..

سيلين : اي كيفه المز

الكل سوا: اي مز!

تاج : فرطتت

سيلين : هشش

تاج : قصدها.. ههههههههه.. قصدها.. تيم

تطلعت عليها لايا باستغراب، بعدين فتحت تمها وضحكت..

شجن : بسم الله شبك اختي جنيتي

وسن : لايا شبك شو صار معك..

لايا : هههههههههه .. احم احمم...
انت بتحبي تيم يا بنت!

سيلين خجلت : والله لأموتك يا تاج

تاج ~بتضحك~: اي شو حكييت

لايا : روحي الله يهنيكِ، ان شاء الله بتتزوجوا وبتجيببوا صبيان وبنات

نبأ : كإنك تحمستِ شوي لايا؟

لايا : يمكن

الكل : ههههههههههههههه

نبأ : بنات بنات
هاي عمتو جيهان عم تتصل فيديو

سيلين:؛ يااي هاتي نحكي معها..

نوران : بتكون بدها تحكي مع عمتي نسمة انتِ شو دخلك

سالي : ههههههه

سيلين ~بتقلد فيها~ :بتكون بدها تحكي مع عمتي نسمة انتِ شو دخلك.. ننننن

طلع الصوت من عندها :شو هالحلاوة هاي؟

لايا : حبيبتي عمتي.. كيفك يا روحي

جيهان : الحمد لله مشتاقيتلكم..

حامد : مرحبااا بنات..

الكل : هلاا

ماجد : ورجوني عمتي

نوران : اهلين سيد ماجد..

ماجد : مرحبا الكم كمان قصدي ههههه
ورجوني عمتي يلا

اخدت نبأ التلفون ومشت فيه لعند نسمة..

ماجد : كيفك نبأ..

نبأ بدون نفس :الحمد لله من الله منيحة

ماجد : طيب ليش هيك عم تحكي معي؟… ومن وقت ماحكيت معك لما كانت لايا بالحبس ما بتردي علي

نبأ : تفضل هي عمتي..

عطت التلفون لنسمة وراحت عالطاولة..
_______
عند البحر
_______

كان واقف تيم قدام البحر وبرمي حجار فيه ومستمتع بصوت طشّتها..
مش عارف شو بده يعمل ولا شو بده يشتغل، عالعرس ما راح.. وثائر اختفى..

مرت من جنبه بنت صغيرة بتركض، نادتلها امها بصريخ : لانا تعي لهون

تذكر فجأة .. لانا ..
فتح تلفونه واتصل عليها..

______
عند جاسم
______
قاعد هو ولانا عم يتفرجوا عالتفزيون، وقت رن تلفون لانا..

شافت الاسم وحطته صامت بسرعة..

جاسم : مين حبي؟

لانا : ولا حدا.. رفيقتي..

جاسم : ليش ما رديتي؟

لانا:مو مهم..

حاسم : بركي في شي ضروري؟

لانا : اووف جاسم هلأ بشوفها.. شو رأيك تجيب اكل من برا.

جاسم : ليش ما نروح عالمطعم ناكل؟.

لانا : مو عبالي اطلع.. بس جاي عبالي بيتزا.

جاسم : بنطلع مناكل برا

لانا : لا يا عمري مناكل هون بس جبلي ييتزا حباب جااسم

جاسم : خلص نازل، بدك شي تاني؟

لانا : بيبسي..

جاسم : تكرم عيونك..

بس نزل جاسم فورا مسكت تلفونها ورنت على تيم..

تيم : ليش فصلتيلي؟

لانا : جاسم كان هون..

تيم : اممم، خايفة منه؟

لانا : تييم.. احترم حالك..

تيم : محترم حالي.. شو صار باللعبة!

لانا : انا ... فكرت... بدي اطلع من اللعبة

تيم : ليش ما اجاكِ شي منها!

لانا : لا.. اجاني شي؟
لا الاملاك صارت الي ! ولا قمر ماتت

تيم : لحظة لحظة.. انت شو عرفك انو قمر كانت حتموت؟

لانا : لا.. يعني .. ياسر اخي قلي..

تيم : لااانا.. ياسر مختفي والله اعلم وينه.. على مين عم تكذبي..

لانا توترت: لك مو هيك، هي ديانا كانت عم توصلي الاخبار وقالتلي انو الصقر بعت رجاله ليقوصوا عليها..

تيم بعدم تصديق : وهلأ

لانا : انا بدي انسحب، ياسر مختفي وانا ما ا

ل بساطة بتحكيها…فهميني انت لوين بدك توصلي؟

اليانا:بدي اوصل لابني وارجع حقي

نايا:الياااانا!!؟…انت بتعرفي ابنك وين؟…او حتى ابوه وين؟ …حطي عقلك براسك وبلا هبل …هلأ تذكرتِ ابنك بعد 11 سنين
اليانا:رح رجعه لو كلفني الموضوع حياتي…الايام بينا وحتشوفي يا نايا..

تيم : احم احم

نايا : ولا حرف

تيم : الحمد لله عالسلامة

اليانا : الله يسلمك

سيلين بجدية : ممكن نعرف ليش هربتي وشو هداك المكان

تطلعت اليانا بنايا وزورتها..

نايا : احم احم هداك المكان ولا شي..
اي يعني.. بيتنا القديم.. بحارة عتيقة كتير كلها شباب وسخة..
هيك يعني.. لهيك قلت .. انا يعني.. مشان هيك

تيم : طيب ليش متوترة؟ ريلاكس..

اليانا : هههه هي هيك اختي بتضل متوترة مو هيك نايا

نايا : اي اي.. انا كتير بتوتر صح..

تيم : طيب رح نترككم ترتاحوا

نايا : يعطيكم العافية

طلع تيم ووراه سيلين : ما اقتنعت

سيلين: ولا انا.. في شي ورا هالشي..

تيم : بنكشتفه عاجلاً ام آجلاً..

سيلين : ان شاء الله.. يلا انا عن اذنك.. بس سؤال

تيم : تفضلي

سيلين : لما رحت مع مين حكيت ؟

تيم : عفواً؟!

سيلين: ههه لا ولا شي سلامتك
يلا بالإذن بالإذن

تيم : اذنك معك، راقبها لاختفت من قدامه.. زفر وحكى: والله حنروح فيها

_________
بعد مرور ثلاث أيام..

ببيت مراد
_____
مراد بهمس :يعني ضروري تشتغلي، اي لسا ما صرلنا اسبوع متزوجين..

نسمة : هاد شغل حبيبي.. اشرتله بإيدها وحكت : والشغل.. ما بيتأجل..

مراد : ياربييي.. يعني عم تقوليلي روح على شغلك؟

نسمة:انا .. لا ابدا 😁

مراد : فهمت عليكِ.. بس مالي رايح ههههه..
لك انا اخدت اجازة اسبوع بكرة بتخلص لازم اقعد معك...

نسمة : انا صرلي آخدة اجازة شهر.. وخلصت..

مراد : اووف نسمةة..

لايا : يااا نسمة .. عمتو .. يلا حبيبتي مر خمس دقايق على موعد الدرس..
يلا هلأ بتأخر على مكتبي..

نسمة: ها.. هي لايا عم تنادي، يلا مراد روح اعمل شي
او قلك.. تعال تعلم معنا..

مراد : جد!

نسمة : لك اي تعال..

طلعوا من غرفتهم وفاتوا على الغرفة يلي خصصوها لدروس الصوف:مرحبا يا طالبات اليوم انضم النا طالب جديد واسمه مراد

الكل : هههههههههههه..

مراد : عجبك هيك، عملتيني مضحكة

شجن : عمتي ليش معنا شباب احنا ما بنرضى كلنا هون بنات

مراد : ها.. برافو عليك شجن.. يلا نسمة انا هربت

نسمة : ولك..
مراد..
راح.. يلا معلش هههههههه
كان بدي يطلع مشان ناخد راحتنا..
اي صبايا ورجوني آخر شي اشتغلتوه..

لايا : انا ما لحقت اكملها عندي كتير قضايا، بس عكلّ ٍ هاي هي

نسمة : واو بداية بلوزة حلوة..
بس شوفي هون مخربطة بهاي القطبة.. لازم قطبتين عادي وقطبة من هي..

لايا : ييي ما انتبهت..

نسمة : ركزي..
يلي بعده..

نوران:عمتي عمتي.. شوفي شو عملت.. لفحة

نسمة : واوو بنت.. انتِ مبدعة..
تطلعت نوران على لايا ولاوقتها..

نسمة : بس لمين هاي؟

نوران : ااه؟ ولا لحدا.. يعني .. لاميري المستقبلي..

الكل : ههههههههه

نسمة : انضبي يا بنت..
سيلين؟

سيلين :انا عملت هاد الكف..

شجن : يلفك لف

لايا : شجنن

سكتوا الكل بعدين فرطوا ضحك..

نسمة : يي عليكِ يا شجن..
اي نورينا تاج ..

تاج : انا عملت طاقية.. شوفي ما أحلاها صغيرةة

نسمة: بتجنن.. لمين هاي؟

تاج : هي الك خالتو..

نسمة : الي انا.. بس بتطلع صغيرة..

شجن: يارببب صبرني.. يعني للبيبي للبيبي 😉

مسكت نسمة الطاقية وزتتها على شجن : ولك لايا اختك لمين طالعة هيك..

شجن : ههههههههه

نسمة : احم احم.. اي سالي..

سالي : انا ماعم يزبط معي شي..

نسمة :ورجيني

سالي: كنت عم جرب اعمل الكف التاني لسيلين.. بس ماصار

نسمة: لانك عم تشدي ايدك كتير عم تنشد القطبة وهيك ما بصير.. بس ارخي ايدك بتزبط..

سالي :ها.. ما خطرلي

نسمة: معك معك بتصير.. وسن!

وسن: انا عملت هاد الخُف..

نسمة : يا سلاام بجنن.. لمين هاد؟

وسن : لشجن 😍

شجن : الييي!!
يااااي.. يا توأمتيي .. بحبكك

نسمة : هههه وانت نبأ

نبأ : انا .. لا تضحكو بس عملت ليفة للحمام

نسمة : ليش بدنا نضحك ورجيني.. يا سلاام بتجنن
ايييي ومنجي لعند الست شجن لنشوف شو عملت..

شجن طلعت كيسها وطالت من جواه فستان زهري والكل صار وجهه هيك 😮😮😮

نسمة: شجن.. متأكدة هاد شغلك؟

شجن ~بثقة~ : 😌ولوو

نسمة:سبقتِ معلمتك يا بنت..
اي ما قلتيلنا لمين هاد

شجن : هاد.. لبنت لايا المستقبلة..

بزقت لايا المي من تمها: اح اح اح اح .. اح اح اح.. اح اح اح...

الكل ضحك على لايا.

نسمة : شو صرلك المستقبلية المستقبلية ههههههه

لايا : احم.. لا ولاشي.. تشردقت بالمي..

نسمة : اي قلتيلي..
يلا خلونا نبلش درس اليوم..
رح نتعلم كيف نعمل جرابات شتوية.. تمام؟

الكل : تمام...

______________
بشركة قاسم

قاسم : وبعدين هدول الاسهم مستحيل نعطيهم وانت بتعرف ليش..

براء : اي جدو.. وهيك بصير الهم اسهم اكتر من اسهمنا..

اندق الباب وفات عمران..

وبراء لما شافه وقف ليطلع..
بس

وقفه صوت قاسم : براء..

اخد نفس ودار لعند جده : نعم جدو

قاسم : خليك..

رجع لمكانه وهو عم يقص عمران بنظراته قص..

قاسم : شوفي؟

براء : مشكلة عائلية جدو ما تهتم..

قاسم : يعني عم تقول لا تتدخل..

براء : لا جدو حاشاك عم قول لا تهتم لانه شي سخييف..

قاسم : طيب.. مارح اهتم.. بس رح اطلب منك تهتم..

براء : انا! بشو؟

قاسم : بإبن عمتك.. قلتلك قبل فترة والتهيتوا كتير.. بدي ايك تعلملي اياه كل شي هون...لانه زي ما بتعرف هو مجاله غير عن المجال اللي بتشتغل فيه انت

عمران عصب: جدي لهيك ناديتني!

قاسم : اي لهيك.. لمتى رح تضل داير عحل شعر راسك؟ اهدى عاد..

عمران ابتسم وقعد براحة وعيونه بعيون براء: طيييب.

براء: بس جدي انا عندي دراسة و...

قاسم ؛ معلش براء.. كل يوم ساعة ما بتاخد من وقتك شي..

براء: متل ما بدك جدي..

قاسم : الله يرضى عليكم…

__________
عند جيهان

جيهان : ماما جهزتوا كلكم؟

ايمن مسك ايد اريج واجو: ماما احنا جاهزين نركب الطيارةة

جيهان : ههههه حبايبي المتحمسين.. اي وين السيد ماجد؟

ماجد : هيني هيني..

جيهان : يلا ماما هلأ بتروح علينا الطيارة

ماجد : امي طولي بالك الطيارة بدها لسا خمس ساعات ومن بيتنا للمطار ساعة وكالعادة بنقعد هنيك اربع ساعات نستنى الطيارة بنتكسر وبنرجع نعيد الكرة تاني مرة

جيهان : لك ولعية ماجد.. شو بالع راديو ؟

ماجد : لا بس عم اشرحلك .. بابا طلع؟

جيهان : ابوك مو جاي!

ماجد : ليش؟

جيهان : ما بيقدر يترك شغله هون عنده شغل هالكم يوم بس يخلص بيلحقنا..

ماجد : طيب الله ييسرله..
حامد اجا؟

سمعوا صوت زمور من تحت..

ماجد : ها هي اجا..

ايمن : اذكر الجحش.. بيطحش طحش

جيهان:ولكك ولدد.. شو هالحكي هاد

ايمن : ليش؟ هيك شفتها بالمسلسل

جيهان : عيب ماما تحكي هيك هاد اخوك الكبير لانه..

ايمن : هاا.. اوك

جيهان : يلا ننزل؟

ماجد : ننزل..

___________

قاعد راجح بمكتبه ومافي بعقله غير لايا.. لايا.. لايا.. لايا يلي احتلت تفكيره وبالأخص بعد آخر موقف..

رن تلفونه.. وقت شاف اسمها فكر حاله عم يهلوس.. فرك عيونه وشاف.. طلع اسمها..
فتح الخط والابتسامة شقت وجهه..: لايا

لايا متوترة : ايي.. راجح!

راجح : اي.. راجح!

لايا: شو بدي قول.. انا عندي درس.. في موكلة هلأ رح تجي.. ديانا.. حكيتلك عنها.. فيك تعطيها ملفاتها وهيك..

راجح : اوك..بس.
درس شو عندك؟

لايا :صوف.. اي صوف.. عم اتعلم صوف..

راجح : هاا.. حلو .. طيب تكرمي بس ليش بدها تاخد الملفات خلصت قضيتها؟

لايا : لا.. هددوها وانسحبت

راجح : شووو

لايا : اي والله.. اكيد الصقر وراها.. يعني ثائر

راجح : الصقر انكشف؟

لايا:اي.. يوم عرس عمتي وخالي...

راجح : شوو.. ككيف ما بتحكيلي.. وينو هلأ!

لايا :تصاوب واخدوه..

راجح :كماان

لايا :شبك!؟

راجح: كان فينا نسلمو للعدالة لايا..
لو انعرف انه هو ورا كلشي صار معك وانه خبر موته كذب كان بروح فيها مؤبد اذا مش اعدام

لايا : كلشي صار بسرعة..
هلأ الكل بيعرف مين هو..

راجح: مين اطلق عليه؟

لايا : تيم..

راجح: وتيم وينه؟

لايا:مما بعرف.. من يوم العرس مو مبين.. حتى عالعرس ما اجا..

راجح :يا حلاوة.. وبلكي خطفوه او قتلوه..

لايا : شوووو.. مستحيل..

راجح: شو خفتِ عليه؟

لايا : رااجح..

راجح : طيب.. في حدا جنبك ممكن يعرف وينه..

لايا: لا.. اي .. لحظة..

طلعت لايا من الصالون عالغرفة: سيلين .. تعالي شوي

سيلين : ليش

لايا : وك تعالي هلأ

سيلين : اجيت تفضلي

لايا :تيم وين؟

سيلين: نعم! شبعرفني انا وين..
بعدين ليش عم تسألي عنه؟

لايا : مو لسواد عيونه طبعاً(هالجملة ضحّكت راجح يلي عم يسمع كلشي)
بس بدي اعرف لانو صرله من يوم العرس وقبل مختفي..

سيلين : لا مو مختفي.. شفته بالمستشفى مبارح وكل يوم عم شوفه

لايا : جد .. الله يبشرك بالخير..

سيلين : آمين..بس ليش فرحتِ كل هالقد

لايا : قلتلك بدي اعرف بس..
بعدين .. بعرف انك بتحبيه يعني تطمني من ناحيتي..

سيلين خجلت : ايي خلص.. تضربي يا تاج انت ويلي بدو يحكيلك..

لايا : هههههه يلا روحي روحي

راحت سيلين ولايا حطت التلفون على ادنها: اي سمعت حكيها

راجح : سمعت.. طيب انا باخد الملفات وبحاول آخد منها معلومات

لايا: اذا قدرت..

راجح : انا راجح ولو

لايا؛ ايي.. يلا راجح.. لازم سكر..

راجح : انتبهي عحالك

لايا :وو انت كمان..

سكرت لايا التلفون ولفت لترجع عغرفة القعدة سمعت صوت نبأ وراها:مين هاد اللي وهو كمان

لايا حطت ايدها عقلبها:بسم الله الرحمن الرحيم …انتِ من متى هون ؟

نبأ بتقلد بلايا:من وقت … يلا رااجح

لايا:ما ابردك

نبأ:صحيح من متى مرفوعة الكلفة بيناتكم وبتحكيله راجح

لايا:طلعت بالغلط مني مش اكتر

نبأ:حكيتيلي بالغلط…رفعت حاجب وكملت:بس شو اللي حكيتيله عليه وانت كمان؟


لايا:مع انه ما دخلك بس رح احكيلك…في قضية مهمة كتير حكالي بلشي اشتغلي عليها حكيتله وانت كمان

نبأ:اييه الله يوفق لنصفق..

لايا بثق

جد : اي لايا يعني انت ما عندك شغل اليوم؟

لايا : لا اليوم عطلة..

ماجد بخباثة : لكن كيف قالت شجن عالفطور انه نبأ متحمسة وفايقة بكير لانه رح تروح معك عالمحكمة؟

التفت الكل على نبأ يلي كانت مصدومة بماجد يلي عم يحاول يوقعها.. بس قبل ما تحكي طغت ريحة عطر تقيلة عالمكان..

نبأ: اوووووووف شو هالريحة، مين هاد يلي كابب نص قنينة العطر على حاله هيك.. اووف اختنقت.. شبكم عم تطلعوا علي؟
لا تقولوها!
هو وراي صح؟ بربكم لا تقولوها!
وقفت لتهرب هي ودايرة وجهها بس تفركشت ووقعت عالأرض..
كل يلي بالكافيه عليت صوت ضحكاتهم الا لايا وماجد ركضوا عليها.

ماجد : فيك شي يا قلبي صرلك شي، في شي عم يوجعك..

تجاهلته نبأ وتطلعت بلايا : اختي ساعديني لوقف..

ساعدتها وراحت معها..

نبأ: خلص اختي ارجعي انا بخلص وبجي..

لايا: ببقى معك!

نبأ: والله مافي داعي روحي شوفي الاستاذ راجح بلا ما يضل لحاله بين كومة ذئاب

لايا : هههههههههههه فرطت ياربي.

نبأ: يلا روحي.. وهاد ماجد حسابه بعدين معي

لايا : لك والله هو حكى عن حسن نية! لانه بحبك

نبأ: لا خجلني قدام الكل هيك معلش!

لايا : ليش انت بتسمحيله يشوفك لحالك؟

نبأ: امم معك حق، يلا روحي انت..

لايا: طيب.. بس تخلصي اطلعي لا تخجلي من راجح ما بدقق

نبأ: تمام..

___________

عند الشباب..
رجع ماجد عالطاولة وزورهم مشان يسكتوا، الكل سكت ووقف ضحك، التفت الكل على راجح يلي متأنق آخر اناقة..

ماجد : اهلا وسهلا استاذ...؟

راجح: راجح.. اسمي راجح.

تيم بهمس : فكرت مرجوحة هههههههههههه

زوره راجح وحكى: وين راحت الاستاذة لايا؟

اجا ليحكي بس اجت لايا..
راجح: لو مخبرتيني استاذة لايا انه طالعين رحلة عائلية كنت أجّلت موعدنا..

عمران : مو مشكلة ما صار شي..

زورته لايا وحكى راجح بنرفزة: معلش يا سيد بس مَوعدي مهم..

تيم : مو هلأ حكيت كنت اجلته..

براء : خلصنا!!
احم استاذ راجح، انا براء اخ لايا..
مد ايده وسلم.. ابتسم راجح وحكى: تشرفت فيك اخ براء..

لايا : راجح.. يعني استاذ راجح.. هي وسن وشجن خواتي التوأم، ماجد وحامد ولاد عمتي.. كانوا بامريكا اليوم اجو، سيلين وسالي وامير.. اخوة.. ولاد عمو انور..
محمود وسالم وجود، ولاد عمو عُدي، وهاد تيم ونوران.. والهم اخ اسمه علي بس مسافر حالياً بكونوا ولاد عمو عمار.. وو السيد عمران وتاج.. ولاد عمتي..

راجح: تشرفت فيكم جميع..
وفرصة سعيدة..

الكل الا عمران وتيم: واحنا اسعد!.

راجح: احم.. استاذة لايا فينا ناخد طاولة لنحكي عن القضية!

لايا : اه... اوك..

وقفت لايا ونظرات عمران عم تتبعها.. اما سيلين فتطلعت
بتيم بغيظ وكبت عليه كاسة المي: اوووه مو بقصدي تيم.. عنجد عنجد آسفة كتير آسفة..

تيم : اووف شو عملتي سيليين يااا

سيلين : مو بقصدي عنجد سو سوووري..

تيم : شباب حدا معه قميص زيادة؟

سيلين : انا معي..

تيم : ههههههه بدك ياني البس جكيت نسواني؟

سيلين: لا هو احمر كاروهات يعني مو مبين انه نسواني!

امير : يا بنت انت وزنك يا دوب بيطلع ٦٠ كيف هاد الحيط بدو يلبس قميصك هههههه

براء: معه حق والله.. مرة لبستو من عندي رجعلي ياه ممزوع

تيم : اناااا!

براء: اي 😒

تيم : خلص سيدي لا تعطوني، بينشف لحاله..

شوي واجت نبأ..
حكى ماجد بسرعة: انت منيحة

نبأ: منيحة شكراً، لتطلع من الجو حكت شو تيم شكلك نازل بالمسبح وطالع..

تيم عصب على سيلين: عجبك هيك!

شيلين: يي قلتلك مو بقصدي يووه..

نوران : عمران عشو عم تتطلع.. هوو عمران..
تطلعوا كلهم مكان ماعم يتطلع.. كان مركز نظره على لايا..
وقف محمود وحكى: يا جماعة شو رأيكم نلعب لعبة؟

الكل: موافقين

جود: بدون ما تعرفوا شو هي

الكل : موافقين

سالم: مجانين 😂😂 لو كنت مكانكم ما بوافق بهالسهولة..

محمود: طيب.. حكى بهمس: جنت على نفسها براقش...

تيم : شو اللعبة؟

محمود : صراحة او تحدي..

نوران : واااو حماسس..

تطلع فيها وابتسم..

وهي خجلت وقعدت مكانها..

_________
عطاولة لايا وراجح..

لايا : اي راجح.. شو صار معك؟

راجح: ديانا لما اجت لعندي وبعد تشديدي عليها اعترفت انهم هددوها.. وكتبتلي على ورقة لانه حاطين جهاز تنصت..

لايا : والله كنت بعرف وحاسة

راجح: وشو رح تعملي؟

لايا : انت شورأيك؟

راجح: برأيي لازم نبلش بحملتنا عالصقر!

لايا : وبرأيي كمان.. انا لقيت دليل..

راجح: جدددد

لايا : اي.. فتحت شنتتها وطلعت ورقة.. تطلع بطرف عينه وشاف كيف عمران عم يتطلع عليهم..
ابتسم ومسك الورقة من ايد لايا وقرأها، وبعدين قرب وجهه كتير من وجه لايا : هاد دليل ممتاز بأكد انه هو الصقر اذا لسا في حدا مو مصدق..

لايا : ورجيته لخالو وقلي انه دليل مو كافي .

راجح: مشان هيك احنا رح نبحث عن ادلة اكتر صح؟

لايا : صح..

راجح: تطلع بالشباب وقال للايا : مين من الشباب بيعرف بقصة الصقر؟

لايا : تيم.. ونبأ.. ماجد..

راجح: وهداك الطايش؟

لايا : عمران؟ يمكن بيعرف اي... وشاكة انه سيلين بتعرف..

راجح: ا

تها وطلعت برا مكتبها.. مرت على قسم العمليات

سيلين : تيم ممكن شوي؟

تيم : اي سيلين

سيلين : عطرف.. بس شوي..

راحوا على زاوية ووقفوا بعيد

تيم : اي شوفي؟

سيلين : في شي كتير خطير يا تيم..

تيم : شوفي شلشتيني؟

سيلين : بتتذكر انايا.. الانا.. اوف شو كان اسمها

تيم : النايا؟

سيلين : لا.. اليانا.. اليانا..

تيم : اي يلي هربت؟

سيلين : هي

تيم : شبها!

سيلين : حاسة انها مع عصابة.. وممكن تكون بتخص هاد الصقر يلي حكيتلي عنه

لايا اجت : الصقر!!!

سيلين : لايا!

لايا : آسفة سمعت بالغلط.. شوبتعرفي عن الصقر؟

سيلين : يعني تقريباً.. كلشي..

اتطلعت لايا على تيم واعطته نظرة ماشاء الله مو مخلي شي..

لايا : طيب هلأ شوفي؟

حكت سيلين كل القصة للايا وتيم..

لايا : طيب انا بعرف حدا ممكن يرجع الرسائل المحذوفة..

سيلين : ممتاز..

تيم : وهي انيالا شو وضعا؟

سيلين : اليانا اليانا

تيم:يلي هي..

سيلين : لازم نخليها تحت المراقبة..

تيم : تمام مين حيراقبها

سيلين : انا لازم روح مع لايا وشوف الرسائل

تيم : انا عندي شغل وبدي ضل جنب الشباب

لايا : عندي فكرة..

سيلين : يلي هي؟

لايا : برأيي خلونا نشكل فريق..

تيم ضحك : فريق؟

لايا : هلأ بلا ضحك.. اسمعوا فكرتي..
انا وانت وسيلين منعرف بالقصة، نبأ وماجد بيعرفوا.. وعمران بيعرف كم شي كمان..
و... راجح.. يعني الاستاذ راجح بيعرف..

تيم : 😒😒

لايا : هيك منشكل فريق.. واذا اشتغلنا كلنا سوا.. منقدر نوصل لشغلات أكبر..

سيلين : طيب منيح.. ناديهم..

لايا : تعالوا انتو احنا أقل..

رجعوا لعند الشباب ووقفوا متوترين..
تيم : ايي.. حامد.. اغلبك تروح تشوف عمتو اذا فاقت؟

حامد : طيب..

راح حامد وبسرعة قربت لايا وحكت : شباب.. الحقوني على حديقة المستشفى في شي مهم كتير..

نزلت ونزل الكل وراها.. قعدوا على طاولة دائرية والكل عم يستنى لايا تحكي..

لايا : احم احم..

الكل هون بيعرف بقصة الصقر.. ويلي ما بيعرف مين هو بكون ابن عم عمتو نسمة.. يعني ابن اخوه لجدو

: شووووو

لايا: كان خاطب عمتو نسمة من قبل.. عاساس مات بحادث سيارة.. بس منكتشف قبل فترة انه عايش وعم يدبرلنا مصايب ومكايد.. يوم عرس عمتو ظهر..
كان رح يقوصها او يقوص خالو مراد..
بس بآخر بحظة...
قوصه تيم..

عمران : شوووو.. كيف ما بتحكولنا هالشغلات..

نبأ : وانا عم قول ليش ما اجا عالعرس

سيلين : واسبوع ماكان يظهر..

لايا : المهم.. عدونا والكل بيعرفه.. الصقر.. انا اقترحت انه نأسس فريق او.. عصابة ههههه
نسميها عصابة الصقر..

ماجد : متل المسلسلات وقت بيعملوا عملية استخباراتية بسموها باسم العدو

نبأ : صح هههه

لايا : طيب.. الكل موافق صح؟

راجح : انا معك أكيد

عمران : 😒

مدت لايا إيدها لنص الطاولة.. حط راجح ايده فوق إيدها، رجفت وتطلعت بعيونه والتقت نظراتهم سوا..
ثانية وحطت سيلين ايدها، وفوقها نبأ وماجد وعمران وآخر شي تيم.!.

لايا : ممتاز.. بنتعاهد انه كلشي يكون سري.. وأي حدا عنده معلومة يحكيها.. وما حدا يسرب أي شي حتى ولو لأهله.. وانه نكون ايد وحدة متل هلأ.. تمام؟

الكل : تمام..

اجا حامد من بعيد : ماشاء الله عشو عم تتفقوا

سحبوا ايديهم وسكتوا..

حامد : ايي؟ لشو مشكلين هالعصابة..

تطلعوا كلهم ببعض بخوف انه كيف عرف انهم شكلوا عصابة؟

حامد ضحك : لك قلتها هيك عالسياق.. انه شكلكم متل العصابة يلي عم تتفق عشي..

لايا ضحكت بتوتر : اي هيك شي هههه.. يلا سيلو نمشي؟

راجح : لوين؟

لايا : مشوار صغيّر..

راجح : وصلكم؟

لايا : اذا فاضي ليش لا..

راجح : تمام تفضلوا

سيلين : يلا سلام..
غمزت تيم.. يبقى تطمن عمرضاي

تيم : تمام..

طلعوا لايا وسيلين ورا راجح أما عمران حكى ليشتت حامد : فاقت خالتو؟

حامد : فاقت.. لهيك نزلت لقلكم.. سألت ممرض وقلي انكم هون..

تيم : انا طالع اتطمن على أيمن لكن ونفوت عمتي لعنده

نبأ: لكن لنطلع..

عمران : تمام..

وقفوا كلهم سوا وطلعوا لفوق لعند جيهان

________
بفيلا قاسم

واقف قاسم وجنبه براء ومراد.. قدام براء في لابتوب عم يشغل عليه تسجيلات الكاميرا..

فتحه وشغل فيديوهات كل الزوايا.. بس مع الأسف الزاوية يلي كان فيها ايمن ويلي هي بالحديقة خلف الفيلا كانت معطلة..

براء : معطلة

قاسم بعصبية :مقصودة لكن..

مراد : طول بالك عمي.. براء رجع على قبل ايام...

رجع براء فحكى مراد : ها شوف عمي.. من ايام معطلة مو من هلأ..

قاسم أخد نفس : طيب.. طيب..
بدي كلفكن بهالشغلة انتو.. بدي منكن انتو تلاقولي اياه/ا.. وين ماكان/ت يكون..

مراد : متل ما بدك عمي..

قاسم : بتنزلوا من الصبح على الشارع الخلفي وبتسألو كل حدا كان مار اكيد في حدا شاف اكيد

براء : حاضر

اندق الباب تلات دقات..

قاسم : تفضل

فاتت نسمة وبإيدها صينية عليها كاسات عصير
ضيفت ابوها وزوجها وبراء واجت لتطلع بس فاتت فاطمة مستعجلة..

قاسم : شوفي؟

فاطمة : الحمدلله.. أيمن صحي.. الحمدلله..

قاسم : الحمدلله الك ياااار

الحرباية مرته راحت... لانها كانت ببيت جدو

ماجد : كمااان!

نبأ: اي والله.. عم اتصل بس ماعم ترد.. قلقت عليها...وين ممكن تكون..

سيلين : هي عم اتصل انا بنسمة بس كمان ماعم ترد..

نبأ: لازم روح شوف وينها

سيلين:وانا باجي معك

ماجد : لا سيلين خليك هون انت مافي حدا غيرك.. لانو السيد عمران كمان طلع من شوي يشتري اغراض.. فما في حدا غيرك وبتعرفي انت.. منخاف حدا يفكر يهرب.. وتطلع على سامح بطرف عينه

سيلين : طيب بس بتطمنوني.. انا حأتصل على تيم شوف وينه

ماجد : تمام.. نبأ تجهزي لنطلع

ورد : والكيك

نبأ: ما الي نفس آكل صحة وهنا..

ورد:لكن رح شيله عالبراد هلأ..

راحت سيلين عالمطبخ.. فتحت تلفونها على رقم تيم واتصلت

______
بالفيلا
______
قاعدة فاطمة بطرف وقاسم بطرف .. حكى قاسم : اتصلي بنسمة تجي لعنا

فاطمة : اتصل فيها انت

قاسم : يعني انا ما بعرف ليش آخدة مني موقف.. لازم تاخدي موقف من ابنك يلي غايب سنين ولما اكتشف خيانة مرته رجع..

فطمة: المهم انو رجع

قاسم : لا ستي مو المهم انو رجع..
لو مرته الحرباية التانية مو خاينته كان بيرجع؟ فكري كان بيرجع؟
كان بأسس عيلة وبينسانا.. هه على اساس هو كان متذكرنا

فاطمة : عم تقسى عليه يا قاسم

قاسم : ماعم اقسى.. بس انت ماعم تشوفي الحقيقة

فاكمة: قلبك صاير متل الحجر...
ابنك هاد ابنك!!

قاسم : انا قلبي متل الحجر يا فاطمة؟
انا بعطي الدنيا كلها لولادي.. بس اللي بزت النعمة ما بيستحق يتواجد معي..

فاطمة: انا طالعة لفوق

قاسم : مع السلامة... كل هاد لانه قلنالك اتصلي بنسمة

فاطمة: لا مو مشان هيك.. بس هاد ابنك

قاسم :طيب قبل اتصلي وشوفي قمر.. قبلته ببيتها؟
اذا قبلته منشوف..

فاطمة طلعت تلفونها : ها.. هي رح اتصل

قاسم : لما قلتلك اتصلي بنسمة

فاطمة:يي عاد.. وليش قمر ماعم ترد كمان

قاسم : اتصلي بنسمة

فاطمة: اتصل انت

قاسم : امرك.. 🙂
طلع تلفونه واتصل : ونسمة كمان ماعم ترد

فاطمة : بلشت اقلق ها..

قاسم : ها.. هي عمار عم يتصل.. : الو.. اي عمار..
اي هي قعدت.. لك اي نشفت ريقي شوفي؟
شوووو.. بصلاة محمد عم تحكي جد

فاطمة: شوفيي

قاسم : استني شوي..
ايي.. وهي كيفها؟ الحمدلله الك يارب.. طيب طيب.. لا انا بخبرها.. مع السلامة..

فاطمة : شوفي؟

قاسم قلب وجهه : سلامتك

فاطمة : الله يسلمك بس شوفي

قايم : نسمة حامل

فاطمةة : عنجددد.. الحمدلله الحمدلله
وينهاا

قاسم :امممم.. بالمشفى

فاطمة : اي صح اكيد بدها تكون بالمشفى لانها حامل

قاسم : لا مو هيك بس

فاكمة: شوفي

قاسم : وقعت عن الدرج

فاطمة : شووووو.. ك ككيفها!!

قاسم : احسن الحمدلله.. قومي البسي لنروح

فاطمة : يلا يلا

________
عند تيم

قاعد على مكتبه وسارح بالفراغ..
مافي بباله غير سيلين.. رن تلفونه.. اول ما شاف اسمها رقصوا عيونه.. حكى بسرعة : اهلين قلبي

سيلين : اهلين في... لحظة.. شو حكيت!!!

انتبه على حاله تيم : هاا فكرتك شسمو

سيلين :شسمو؟ مين فكرتني

تيم : رفيقي.. اي رفيقي

سيلين : رفيقك بتقله قلبي😏

تيم : اه؟

سيلين : مو مهم هلأ بدي اسألك.. وينك انت؟

تيم : بالمشفى..
صار شي ليش؟

سيلين : اووف.. قول شو ما صار!
عمو جاسم رجع ونسمة عم نتصللها ماعم ترد.. ومرت عمو قمر عند بيت نسمة لانها شافت انه لانا عند بيت جدو وعمو جاسم راح لبيت مرته بس مو هي مو هنيك اولاده ما استقبلوه وبراء طلع من شوي وهلأ ما ونبأ حيطلعوا

تيم : اووووه.. كل هاد صاار

سيلين : اي والله

تيم : اليانا رجعت؟

سيلين : رجعت..

اندق الباب ودخل عمار

تيم : بس شوي سيلين.. اهلين بابا

عمار: اهلين فيك.. عم تحكي مع حدا؟

تيم : سيلين..

عمار: اها شو بدي قلك.. عمتك نسمة هون هي ومرت عمك قمر ومراد

تيم ؛ ليش في شي

عمار: عمتك نسمة وقعت عن الدرج

تيم :شوو

عمار؛ بس هي بخير هي والجنين

تيم:الحمدلله.. شوو.. الجنين!

سيلين : نسمة حاامل!

سيلين : الوو تيم

تيم : نسمة حاامل بابا؟

عمار : اي تيم.. ستك وجدك جايين لهون هلأ.. وانت خبر سيلين تخبر الكل وتفرحهم

تيم : تمام بابا تمام..

طلع عمار وحط تيم التلفون على ادنه : اي سيلييين.. نسمة حامل

سيلين : يا الله الحمدلله.. اخيرا شي حلو وسط هالأشياء البشعة

تيم : اي والله.. لكن انت خبري ما جد ونبأ انه مرت عمو قمر هون كمان

سيلين : تمام تمام رح خبرهم قبل ما يطلعوا
سلام

تيم : سلام

طلعت سيلين من المطبخ : هاتوووا البشاااارة

ماجد : شوفي؟

سيلين : نسمة حامل

نبأ: جدددد... الحمدلله ياربي.. الحمدلله

ماجد : عنجد الحمدلله.. أخيراً شي حلو

سيلين : اي وصح مرت عمو قمر عندها كمان..

نبأ: جددد.. لكن لاحكي مع لايا وقلها

سيلين : تمام..

وقف ماجد وراح عالمطبخ (يلي صاير المكان السري للمكالمات 😂)

ماجد : مرحبا معلم، بدي تجهزلي طاولة على ذوقك... اي ... تمام يعطيك العافية..

خلص حكي وطلع لبرا

نبأ: اي وماما كمان بالمشفى.. تمام.. لا قاعدين احنا.. مع السلامة

اول ما س

سالة.. فتحتها لايا بسرعة ووقفت ووقف الكل معها..

فتحت الرسالة يلي وصلتها وقرأت ؛ زبطي حالك يا حلوة.. مشان نورجيك حبيبك..
تطلعت بالكل بصدمة وخجل..
اجا الاتصال.. اخدت نفس وفتحته..

الصقر : مرحبا مرحبا مرحبا للبنت يلي خالها اخد مرتي

لايا : مرتك؟ برأيي قص لسانك لانه اسمها عمتي.. ومرت خالي.. يا ثائر.. يا م ج ر م..

الصقر : أما انا برأيي لا تكبري حكي كتير.. لانه..
فتل الكاميرا على الشباب وقال ؛ بتعرفي قرة أعينكم هون..
بخاف يروحوا.. وتروح اعينكم..

لايا ؛ بكسر ايدك لو بتأذيهن..

قرب الصقر وضرب راجح بوكس على وجهه

لايا ؛ حقييييير..

عمران : شوبدك؟

الصقر : هاد الشي بتعرفه حضرتك..

عمران : انا؟

الصقر : اي.. مو انت اخدت ابني..

تطلع عمران بلايا وحكت : ابنك مين؟ ليش اصلا اليانا مو مشان ابنك عندك..
بعدين انت بدك اليانا ليش خاطفها خطيفة هي والشباب؟

الصقر : شوفوا لا تحطوني موضع الغبي..
اكيد رجالي كانوا ورا وليد لما هرب.. وشافوا عمران..
أما ليش خطفت اليانا والشباب فلهيك..

~فلاش باك~
وصل عالحديقة يلي ح يلتقي فيها مع اليانا...
شافها من بعيد.. وقبل ما يمشي اجته رسالة..
طنشها واجا ليمشي بس اجا مروان مستعجل عم يلهت.. فتح تلفونه وورجاه الرسالة...
"نص الرسالة؛ مروان قول لثائر يلحق بسرعة.. وليد هرببب.. هربته لايا وجماعتها.."

اول ما شافها عصب واجا ليصرخ بس مروان حط ايدو ع تمه بسرعة وأشرله ع اليانا..

~باك~

عرفتي يا ذكية..

لايا : بس وليد مو عنا..
وعمران ما جاب حدا..

الصقر : برأيي ما الكن فرصة تكذبوا كتير.. وإلا..
طلع فرده وحطه ع راس تيم: بتعرفوا شو بصير

سيلين : اتركهم يا حقييييييير..

الصقر ؛ من هون لساعتين..
بتجي انت يا سيد عمر..
بتجيب ابني وبتجي عالمكان يلي بقلك عليه... اوعك تخبر الشرطة.. اووعك..
لانه بتعرف... في اربعة معي.. ههههههههه
صرخ راجح : لايااا حبيبتي اوعكم تجوا او تجيبوا وليييد اووعكم...
اتصلوا بالشرطة..
تيم : اتصلوا بجدوووو لايا

ماجد : وبالشرطةةةة..

توت توت توت

الصقر : سكروا تمكن انتو التلاتة..

لايا : اووف ياا اوف.. شو بدنا نعمل..

ورد ؛ برأيي لازم حدا كبير يتدخل..

سامح : برأيي كمان..

سيلين : بس الشرطة لا.. بخاف يأذيهم 😭

لايا ؛ ح نحكي لجدو بس.. مع انه متوقعة البهدلة بس شو نعمل!
ما ضل حل تاني..

سيلين : طيب..

لايا : انا وانت حنروح هلأ وح اتصل ببراء كمان ليجي..

عمران بتضل هون مع سامح وياسر وورد ونايا.. احموا وليد منيح..

عمران : مارح تحكيه عالتلفون..

لايا: الوضع ما بينشرح عالتلفون..

سيلين : حتخبري خالك؟

لايا ؛ لا.. نسمة حامل جديد مارح خليه يقلق ويقلقها..

سيلين ؛ طيب لكن نطلع..

لايا: نطلع..

ورد : بأمان الله انتبهوا على حالكم

لايا: وانتو كمان..
______
طلعت لايا هي وسيلين، ركبوا السيارة وانطلقوا على الفيلا...
بالسيارة
اتصلت لايا ببراء وحكتله كل شي بالمختصر وقالتله يجي على الفيلا..
وصلوا ودقوا الباب..
فتحتلهم الخدامة بضحكة كبيرة..

لايا: شوفي؟

سيلين : ما بعرف.. ضحكينا معك

الخادمة : ههههه مافي شي.. السيد قاسم كان عم يضحك وضحكني..

لايا: يعني هو هون؟

الخادمة : اي

لايا: الحمدلله.. تعي سيلين..

طلعوا شوي شوي ودقوا الباب..

قاسم : تفضل..

لايا: مرحبا جدو

قاسم : اهلا اهلا بحفيداتي الحلوين..
خير..؟ كأنه مو رايقين..
شوفي؟
سيلين حبيبتي ليش عم تبكي..
لك صبايا شو في؟ شغلتو بالي ها..
احكوا..

سيلين ببكاء : جدو تيم وماجد وراجح واليانا انخطفوا 😭😭

قاسم : لحظة لحظة.. مين انيالا وراجح وكيف انخطفوا.. مين خطفهن؟؟

سيلين : اليانا اليانا.. يلي خطفهم هو

لايا: الصقر جدو..

قاسم قعد وقعدهم : ممكن تشرحولي مين الصقر ومين انيالا

سيلين ببكاء : اليانا

لايا؛ لك سيلين حتى بهالوقت..

التفتت على قاسم وحكت : أول شي جدو ح احكي كلشي باختصار.. بتمنى ابداً ما تعصب ولا تعطي ردة فعل مبالغة..

يلي صار انه من فترة...

__________
ببيت قمر..
وقف براء بعد ما اتصلت فيه لايا.. طلع من غرفته وحكى : نبأ انتبهوا على ماما.. انا عندي مشوار

نبأ: في شي؟

براء : بحكيلك بعدين..

نبأ: برااء.. في شي!

براء: في حبيبتي في.. يس هلأ مو وقت احكيلك..

نبأ: استناني جاية معك..

براء: لا ابقي جنب ماما

نبأ: في وسن وشجن.. لبست جاكيتها وطلعت قبله..

براء: لك نبأ.. استني..
وسن وشجن : ديروا بالكم على ماما منيح تمام؟

شجن : تمام بس شو في؟

براء: سلامتكم..

طلع ورا نبأ وكانت راكبة بالسيارة..
ركب جنبها وقال : على بيت جدو ما بدو سيارة

نبأ : ما عليك..
مشيت بالسيارة بقوة وهي عم تقول : عالسريع قوللي شو في..

________

قاسم : شووووووووووو

لايا: هاد يلي صار..

قاسم : حسابكم بعدين بس هلأ بدي اتصل بالشرطة

لايا: لا جدو لا..

قاسم : اصلا انا كنت ح اتصل.. لانا سارقة وراق من عندي

لايا: لانا؟

قاسم : اي

لايا: مهمين..؟

قاسم : هنن لعبة لا