عم تركد وماشايفة بعيونها.....فجأة بتزحط رجلها و بتوقع بوادي كبير....بتتمسك بحفة الجرف...وايدا عم تنزل شوي شوي...وبلحظة بتفلت ايدها...وبنفس اللحظة بتنمد ايد بيضا بتمسكها....وبحركة بطالعها وبتصير فوق
وا
لذئب مقتول.....بتطلع بصاحب الايد بكون خالد وبيقلا
انا دايما معك
تنهدت...وحطت فنجان القهوة من ايدا...غمضت عيونها و حسمت قرارها...بدلت تيابها بسرعة و توجهت لمكتب خالد
وصلت عالمكتب ودخلت لعندو متجاهلة السكرتيرة يلي ركدت وراها وعم تناديلا
السكرتيرة:مدام....لحظةيامدام لحظة....لوسمحتي
فتحت باب المكتب ودخلت لعندو وهيه عم تطلع بعيونو بشكل مباشر
السكرتيرة:لو سمحتي مدام مابصير هيك!
خالد انذهل بشوفة رنيم عندو سكت لثواني و حكا مع السكرتيرة
خالد:مافي مشكلة...روحي لشغلك
السكرتيرة:حاضر استاذ
خالد:تفضلي رنيم...ارتاحي
رنيم:شكرا استاذ خالد
خالد:نورتي المكتب
رنيم:شكرا
خالد:فيكي شي؟
رنيم:انا بدي ارفع دعوى على زوجي
خالد(متفاجئ)ااحم...دعوى شو؟
رنيم:دعوى هجر....وظلم...وبعد...وخيانة.(دمعو عيونها)...وعشق
خالد:شو الاسباب؟
رنيم:انت المتهم....وانت رح تكون المحامي...وانت القاضي...
خالد:شو تهمتي؟
رنيم:قلتلك...تهمة الهجر...وتهمة الظلم...وتهمة البعد...وتهمة الخيانة..وتهمة العشق
خالد(ابتسم):طيب فيني دافع عن حالي
رنيم:تفضل
خالد:انا هجرتك لان لازم تكوني لحالك لتعرفي تقرري شو بدنا نعمل....و ظلمتك حتى تتعلمي تكوني قوية وتبطلي ضعيفة...وبعدت عنك لانك انتي بعدتيني
و الخيانة...انا ماخنتك...انا بحياتي ماحبيت غيرك
امل..كانت مصدر امل بالنسبة الي...كنت اوهم حالي اني بحبا...حتى اتناساكي...و تهمة العشق...انتي السبب فيها
يعني لازم تتحاكمي معي..لانك مشتركة بنص جرايمي
رنيم:وشو الحكم يلي منستحقو بنظرك؟...انا بطالب بأقسى الاحكام و اشدها
قام من ورا مكتبو وقعد جنبها ومسك ايديها
خالد:قوي قلبك اي الحكم صعب
رنيم:عم اسمعك
خالد:انا بدي احكم عليكي بالحبس المؤبد بين ضلوعي
و الاعمال الشاقة مدى الحياة...ب حبي...وعشقي..ودلالي
و بدك تجيبيلي اطفال كمان
رنيم(ابتسمت)و حكمك على حالك؟
خالد:انا حكمت على حالي بالاعدام حبا" حتى الموت
انتفضت من مكانها و حضنتو....عن مية سنة...عن الف دمعة....عن كل وجع الكون حضنتو...وهو شد عليها
حتى كاد يكسرلا ضلوعها بين ايديه
غمر وجهو بشعرها و ريحتو
و كأن ارواحن التحمت من جديد....لتصير روح وحدة
بيتقاسموها جسدين
رنيم:(همست)بحبك
خالد:وانا بعشقك