ياسمين: حبيبتي هذا الحكي يوحي انك مو حافظة.
لارا: هاتي كتابك لشوف.
اخذت لارا الكتاب وصارت تقلب بصفحاتو..
لارا: اممم تعرفي..هذا الدرس لا تحفظيه مبين مارح يدخل بالامتحان..وهذا الدرس سهل لا تدرسيه..لك اييي هذا الدرس كتير صعب حتى اذا درستيه ما رح تنجحي فيه مشان هيك لا تعذبي حالك وتدرسيه..اممم اي هذا الدرس بس تتطلعي عليه مابدو تركيز..ع فكرة منهاجكن سهل.
لين: رح تخلي البنت ترسب.🤦🏻♀️
راما: حبيبتي انتي اذا درستي حدا رح ترسبيه اكيد..مشان هيك مابدي نصائحك هاتي.
ياسمين: ههههه..وينو همام؟
راما: ع البلكون.
ياسمين: قايمة اشوفو.
لارا: اي ام الرور شو رأيك ببرجي هالايام؟
راما: حظك يجنن بس المشكلة هالراس هو يلي مخرب حياتك.
لين: اي هالراس مليان مكياج😂
لارا: ننننن تضربوا انتي وياها😒
طلعت ياسمين ع البلكون كان همام قاعد ويلعب بلعبة ع الموبايلو..
همام يحاكي اللعبة: لك لااا تعي يا سيارة من هون..لا لا روحي عاليسار شوي..اوووف هون هون..
ياسمين: يا غبااااء تحكي مع لعبة.
همام: ااا..مو احسن ما احكي مع شخصية وهمية اسمها نور.😒
ياسمين: يييي لساتك زعلان مني خلص شبنا..نيالك ياسمين مزحت معك😌
همام: اي روحي روحي..علقتيني بشي فاضي..يعني هلأ انا عم اشتاق لرسائل نور.
ياسمين: ههههه خلص رح ابعثلك كل يوم رسائل من رقمي الثاني ع اساس نور..تمام😂
اجى صوات كرم ومهند من الصالون..
كرم: لك خاالي مو هيك تنلعب شبك رح ظلني علمك.
مهند: ولااا حترمني..عم العب معك لعماا.
كرم: خالييي لا تقلي لعماا هاا..
معند: شوف ولااا اترك اللعبة من ايدي واموتك هاا.
همام: خلص يكفي تتخانقوا..كرم بعثلي لؤي رسالة قال موسى بدو يانا يلا نروح.
كرم: يلا..رح ارجعلك مرة ثانية ورح خسرك ورح تشوف.
مهند: اي روح روح😒
شافتهم لارا طالعين من البيت..
لارا: كروووم لا تنسى تجي تاخذني..حابة اتمشى.
كرم: اي طلعي من مخي..خلصنا ولا غباء.
راحوا كرم وهمام..وظلوا البنات بغرفة راما ع اساس يدرسوها..هههه نصيحة مني صدقوا كلشي بس لا تصدقوا بنات يقعدوا ويدرسوا مع بعض😂
كنت قاعد انا ولؤي قدام الدكان يلي شتريت منو الصبح ونراقب البنت بلي طلعت ع البلكونها..واجوا لعندنا كرم وهمام..
كرم: هلأ افهم من حكيكم انو جايبينا لهون بس كرمال نقعد ننطر بنت ما نعرفها لتطلع ع البلكون ويشوفها موسى؟
موسى: ولااا..خالي موسى..خالك رح يتزوج عيب لسا تناديلو باسمو.
لؤي: هههههه يا خالي هلأ عنجد كرم معو حق واول مرة اتفق مع رأي كرم..شو رح نعمل نحنا.
همام: حزرتت..بدنا نستناها لتطلع وهو يشوفوها ويصيروا يتطلعوا ع بعض بحب ورومانسية ونحنا شغلنا انو نغنيلهم..
كرم: لك كل عمري بقول عنك حمااار..وكل مرة تثبتلي هالشي اكثر واكثر.
همام: كنت مفكر حالي ابن عمتك بس كتشفت اني ولا شي.
كرم: اي تضرب انت وكلشي.
لؤي: عيب عليكن يا شباب خالي موسى عشقان وذايب بالحب وانتو عم تتمسخروا.
موسى: لك يا شباب انا وقعت بالحب عنجد.
همام: من وين وقعت ولك عمي؟..من اي طابق؟
كرم: لك غبااااااء😤
موسى: لما شفتها حسيت انو في بستان ورد بقلبي وبدي اقطفلها وردة وقلها هذا حبي خديه.
همام: قصدك نغنيلها..لازراعلك بستان وروود..شاجرة صغيرة تفييكييي..👏🏻
كرم: لك همااام مشان الله خراس.
لؤي: والله يا خالي صاير شاعر..اي شو هذا؟😃
موسى: هذا وجع الحب يا اولادي.
كرم: اولادك؟..لاااا انا مستحيل اتحمل كمان..عن ازنكن انت كمل اشعار وهمام يكمل غنااء وانت لؤي تقعد تتسمعلهم..برافوو برافوو.
تركنا كرم وراح..يخرب بيتو ما شفت واحد خاين مثلو تركني باحلى يوم بحياتي..🥺😂😂
ظلينا قاعدين شي ربع ساعة وشربنا 6 علب عصير ونحنا قاعدين نستنى هالبنت..لحتى اخر شي طلعت ع البلكون..
موسى: لك طلعت طلعت😍
شافوها لؤي وهمام طار عقلهم لانو عنجد بنت حلوة😅..رحت وقفت تحت بنايتها وصرت الطشها واغازلها وهي بس تتطلع عليي..للحظة اجوا من ورايي 5 رجال مبينين صاحبين عظلات وهيك شي..
واحد منهم: هيييي انت..😤
لتفتت ورايي ولما شفتهم تحول قلبي من دقة الحب الى دقة الرعب...
موسى: نعم...؟😰
الزلمة: شو عم تعمل جنب البناية وتتطلع ع البلكون وتغازل خطيبتي؟😠
من الرعب بحس رجليي مابقى اقدر حركهم..بلعت ريقي..
موسى: خطيبتك؟
اجوا لؤي وهمام لعندي..
لؤي: شو عم يصير شو بدكن؟
موسى: لازم نهرب يا شباب.
همام: شووو؟؟
طبعا هربنا وركضنا فورا لانو عضلاتهم وعصبيتهم كفيلة لتخلينا نرتعب..و هم ركضوا ورانا..
لؤي: الله يسامحك يا خالي ورطتنا.
موسى: ركضوا ولا تتطلعوا وراكم.
همام وقف ولتفت..
همام: نحنا بني ادميين..يعني فينا قوة وما لازم نهرب..لازم نواجههم..نحنا رجال..جاهزين يا رجااال..💪🏻