📚قصص||روايات||منوعة📚

rwayate

📚قصص||روايات||منوعة📚

rwayate

الجزء الثاني عشر..
@rwayate
((اتشتت تفكيري وماعدت اقدر جمع فكرة وحدة براسي الافكار اداخلت في بعضها ...

#منال:-امي هاي حماتك على التلفون ...

((اجا ع

لى بالي سوا انو رهف انكشفت وانو الامور سبقتني وفلتت من ايدي وماعاد اقدر استحكمها ..ماخطر على بالي انها عم تطلب مني اجي اخد تيابي ..لانها صارحتنا بجواز ابنها ..

#منال:-شوفي ام تيسير نحنا مابدنا كم قطعة تياب كبيهن ..بس اذا ابنك اتجوز الله معو يترك البنت تشوف حياتها لاهي بيتها متل ما الله شرع ولا هي مطلقة شو هالعيشة هاي والله ربنا مابرضاها..

#ام تيسير :-انا اللي عليه عملت هيك طلب ابني مني وبعدين اذا بتريدي هالتياب تعي خديهن لبنتك انا ابني اخر الاسبوع هاد جاي..

#منال:- لا يا اختي..

#جمانة :-امي قليلها اي جاي ...

#منال :-حبيبتي احنا مابدنا شي منهن..

#جمانة :-قليلها دخيل عينك امي لح خبرك...

#منال:-اي ام تيسير ماشي رح شوف سيارة واجي اخدهن سلام الله معك..بنتي ليش بدك اياهن..

#جمانة :-مابعرف امي لازم تساعديني انتي..

#منال:-بشو اساعدك شو قصتك امي جيتي من برا ودغري على غرفتك صاير معك بالشغل ماخبرتيني..

#جمانة :-مارحت امي على الشغل ..اسمعي امي تعي احكي معك بغرفتي..

#منال:-اها الله يستر وجهك مابتفسر..

#جمانة :-امي انا اليوم مارحت شوف الشغل بس رحت لعند هاي رجاء ....

#منال:-لعندها..

#جمانة:-لا لا اسمعيني امي مو عندها رحت للمكان يلي بتعيش فيه ..وقفت اتفرج علي بيتها مابعرف الفضول امي ..شافني الخضرجي وبلشت يحكي معي واحافظ على شرفي ومن هالحكي..وانا ضليت احكي معو لعلى وعسى اعرف شي حد من اهلها لنقدر نحكي معو عنها..شفت رهف..

#منال:-رهف مين هاي..

#جمانة :-اخت تيسير..

#منال:-اها اتذكرت شو مالها وين شفتيها ..

#جمانة :-شفتها طالعة من البناية نفسها تبعت رجاء الا الرجال بقول ليكها طلعت انا ركضت وراها اسالها شو جابك لهون..لهي ارتبكت وتوترت من شافتني و حاكتني بطريقة متعجرفة وبتقلي امي مجهزة التياب وبتخبرني عن زواج تيسير..

#منال:-اها يصطفل هو واهلو مشان هيك اتصلت خبرتها اكيد انها شافتك ..

#جمانة :-المهم مو هون امي..المصيبة انو الرجال ابو صالح تبع المحل بيعرفها لرهف ولالها علاقة برجاء وشكلو صاير معها مثل اختي..

#منال:- يمه يمه شو بتحكي ياجمانة..

#جمانة :- والله يامو مثل ماسمعتي هيك صار .اذا مابدك تسدقيني باخدك لعندو..

#منال:-مسدقك شو صار كملي..

#جمانة :-المصيبة الثانية انو رهف هي يلي كانت تسرق تيسير..

#منال:-شوووووو

#جمانة :-بقلي ابو صالح انو سمع صراخ طلع ليشوف شو في سمع رجاء بتضرب برهف وبتقلها اذا ماجبتي المصاري رح تنشر صورها..ابو صالح بقكر انو رجاء بتشتغل بالدعارة...بس من خبرتوا انو الموضوع اكبر من هيك وانها بستغل البنات لشي مقرف انصدم وقلي انخبر الشرطة..بس شو بدنا نحكي للشرطة امي ونورجيهن صورة اختي اكيد بدهن ادلة..مصيبة هاي..وهاي اخت تيسير..

#منال :-شوفي امي الله بدو ينصرنا عما قريب ان شاء الله وينصرك ..بس اهم شي مانسكت عن حق..رهف لازم لاقي طريقة انخبر اخوها فيها.. واتركي موضوع اختك عليه المهم جاي لعنا جارة هلاء ..قومي كلي وقفلي عن الموضوع لان عم تنكشف شوي شوي...

(( السكوت يلي كان يصيبني انا وامي ماكان يطمني ..كنت عم دور على الفرصة لاثبت براءتي قدام تيسير وانو هو خسرني ..

#منال :- جاهزة امي نروح ناخد التياب..

#جمانة :-امي ومرام...

#منال:-بنروح وبنرجع قبل دوامها بنمر ناخدها من هونيك..

#جمانة :-شلون رح نحمل الاغراض..

#منال:- ابن جارتنا ام هيثم جاب سيارة تساعدنا ..اهم شي امي نحكي بالوقت المناسب لاتخافي رايحين نحكي اللي بقلبنا..وبعدين هلاء بكون تيسير بالبيت ..

#جمانة :-بس هني مابعرفوا انو نحنا جايين..

#منال:-ما انا ليش نطرت ومارحت اخدهن قبل رجعت تيسير..لاني عم دور على الفرصة المناسبة..رفيف رح تسبقنا هونيك..

#جمانة :-حكيتي لرفيف..

#منال:-اي لان الحكي راح يطلع منها بطريقة اقوي هي خبرتني انو ياسمين مع ابوها طالعة وجوزها بالبيت لحالو مع امو هيك فهمت منها..

.........

#هيثم :-خالتي ام جمانة هون ما..

#منال:-اي ابني يعطيك العافية الله يرضى عليك..

#هيثم :-تسلمي يارب انا ناطركم برا اذا صار شي دقولي...

((بعد ما انزلنا لقينا تيسير بوجهنا ..اتفاجأ فيني ..بحلق عيونو وكز على شفافو وبانت علامات الانزعاج على وجهو .. مثل يلي غار بوجود هيثم..

#تيسير :-جمانة شو جابك لهون..

#منال :- والله امك اتصلت قالت تعو خدو تياب بنتكن..لان اسمعنا رح اطلقها ..

#تيسير :-مين قال هالحكي..

#منال :-انا ..بنتي ماتفكر انو مالها اب او سند يقدر يجيب حقها ..لا في لاتقلق امها موجودة اسمع تيسير طلق بنتي وخليها تشوف نصيبها العرسان عم ينطروها..

((رفع عيونو اتجاه هيثم يلي كان واقف وايديه على سطح السيارة ..

#تيسير :-اها العريس جاي معكم بشووف..

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الثالث عشر..
@rwayate
#منال:- هلاء شو دخلك بالعالم انت مو اتجوزت والله حيو ومبسوط وعايش حياتك اتركلي بنتي تعيش حياتها ..

#تيسير :-وليش ماتحكي هي ولا لسانها اكلو القط..وبعدين انا مين قال بدي طلق انا بدي خليها

على ذمتي ..

#منال:-ومرتك الجديدة ..

#تيسير :-اها شو عرفكن انتو..

#رفيف :-مابدها معرفة صهري ..مافي شي بضل مخبى كل شي ببان..

#تيسير :-مرت عمي ..

#رفيف :-ماشاء الله عندك اتنين حماوات ..بس وحدة غشيمة والتانية مابتعرف شي عن كذبتك..

#تيسير :-مرت عمي سدقيني انا كنت بدي طلقها بس..

#رفيف :-بس شو ..يعني شو ذنبها هالبنت لتعمل فيها هيك وشو ذنبها بنتي لتكذب كذبتك عليها..اسمع هلاء هي مع ابوها وانا خبرت ابوها بكل شي..يا اما بطلق بنتي . يا اما بطلق بنت الناس..لان لابنتي بتقبل تخرب بيوت ولابنت الناس قبلاني تعيش هالعيشة..

#تيسير :-انا ما عملت هيك في جمانة الا بسببها لو صانت بيتها بدون ماتسرق جوزها ماتصرف هالتصرف...

#منال:-مافشرت تكون بنتي هيك..

#رفيف :-اهدي شوي ام جمانة شو رح انضل واقفين بالشارع ..انلم علينا العالم..

#تيسير :-اعوذ بالله فوتو ...ياامو تعي ..

#رفيف :-وياريت اختك رهف كمان..

#تيسير :-شو دخل اختي رهف..

#رفيف :-هلاء بتعرف ..

#ام تيسير :-هاا اهلين بنسيبتنا دكتورة رفيف..

#رفيف :-اهلين ام تيسير نسيبتك التانية مابدك ترحبي فيها ولا شايفتيها مو قد المقام..

#ام تيسير :-اها اهلا وسهلا ..اتفضلو..

#منال:-اهلين على قولك رفيف يمكن خافت تقلك نسيبتها وتخجل من النسب او لهلاء مافكرت انك صرتي تعرفي كذبتهن على العموم .وينها رهف

#ام تيسير :-شو دخلها رهف..

#رفيف :- ياريت تجي هلاء ..

#تيسير :-وينها امي اختي..

#ام تيسير :-هلاء بتجي راحت لعند رفيقتها ليكها اجت..افتحلا الباب..

#جمانة :-لحظة انا بفتح لالها..

#رفيف :-روحي بنتي..

#رهف :-انتي شو جابك لهون عم تطلعي لالي بكل مكان ..

#رفيف :-فوتي رهف ..وين كنتي بنتي..

#رهف :وشو دخلك تسأليني..

#ام تيسير :-عيب امي ..شو ابني شو السيرة فهمني..

#منال :- بنتك يا ست ام تيسير هي يلي كانت تسرق اخوها ..

#رهف :-شو هالافتراء احترمي حالك جاي تتهميني بسرقة اخي في بيتنا..

#منال :-لا ست رهف بس بنتي بريئة من القرف يلي كنتي تعمليه..احنا عرفنا حقيقتك من رجاااء ذاكرتيها..

#ام تيسير :-شو هالحكي مين رجااء..

#منال:-رجاااء عيد ام تيسير ..

#ام تيسير :- رجاء بنت ابو جبر ماغيرها..

#جمانة :-اي هي نفسها يلي كنتي تعزميها على اعراس ابنك تيسير..

#ام تيسير :-شو مالها هاي..

#رهف :-بترجاكي خلص خلص لاتحكي شي..

#تيسير :-شو في بدي افهم..

#رهف :-اخوي انا يلي سرقت المصاري خلص سامحني بترجااك..

#تيسير :-مصاري يلي تهمت جمانة فيهن..

#رهف :-اي هني خلص بترجاكو روحو ليكني اعترفت..

#منال:-اها شفتو ليكها اعترفت انو بنتي مالها ذنب بس فيكن تسألوها لمين سرقتهن وليش خايفة كل هالقد..

#تيسير :- رهف اللي بحكوه صح

#رهف :-اي اخي والله اي ..جمانة مالها ذنب..خلص روحي جمانة روحي منار خلص ليكني اعترفت..

#ام تيسير :- يا مصيبة وشو دخل بنت جبر بالموضوع..

#جمانة :-اسألو بنتكن هي بتعرفها منيح..

#رهف :- كنت اعمل معها جمعية مشان مشروع بس هي خسرت المشروع ..

((تيسير من اللي سمعو ماوقف ضرب في رهف مثل المجنون صار يضرب فيها همست لالي امي وقالت خلينا نطلع ..

#منال :-امي خلينا نروح احنا عملنا اللي علينا مادخلنا بالباقي الله يستر عليها ويستر على اختك ..اذا هي اعترفت بلسانها تصطفل ..المهم براءتك..

#جمانة :-لحظة امي..تيسير لو سمحت طلقني هون قبل لنطلع..

#تيسير :- اسمعي جمانة انا ماكنت بعرف بالشي هاد لو بعرف ماعملت فيكي هيك..

#جمانة :-فاتك القطار سواء كنت انا مذنبة او بريئة هالامر مارح يفيدني اذا كنت تحب ياسمين وانت مجوز ..لهيك الطلاق لالنا احسن شي..

#تيسير :-بس انا مابدي طلقك..

#رفيف :-يبقى طلق بنتي تيسير ..

#تيسير :-شوووو..

#رفيف :-مثل ماسمعت خلينا نمشي منال..معك يومين يا اما بتصل منال ورقة طلاق بنتها يا اما بتصلني لالي ورقة طلاق بنتي..

((مثل جبل ومن قلبي وانزاح اول مرة اشوف امي من بعد يلي صار معنا اخر شي بتضحك ..ويافرحة ماتمت..اول ماوصلنا البيت اتذكرنا انو نسينا اختي بالمدرسة 😢😢 ..وانو رح علينا موعد اخذها..طلعنا بالسيارة مع هيثم دغري على المدرسة يلي لقيناها مقفلة ..نط هيثم من فوق السور وشاف بواب المدرسة وبلشو يدوروا بالصفوف مالقو حد..هالشي كان صدمة اكبر..نطرنا للمسا واختي مارجعت ..

#منال:-البسي بسرعة..

#جمانة :-لوين امي..

#منال:-لعند هاي الوسخة رجاء..

((ماكان بإيدينا غير هالشي اطلعنا لعند رجاء ودقينا الباب ..

#رجاء :-مين انتو ..

((دفشتها امي بإيدها ودخلنا انفتش بالبيت مالقينا اختي..

#رجاء :-تعوو هون هي سايبة هيك مين انتو وشو دخلكن على بيتي ..

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الرابع عشر..
@rwayate
#منال:-نزلي ايدك من عليه ..النجاسة عم تشر منك شر..

#رجاء:-لااا هيك زودتيها كتير..

#منال:-هههه ضحتيني بعدك ماشفتي شي مني..عارفة ليش لهلاء ساكتة عليكي..

#رجاء:- ياعيني وبتهدد في بيتي قولي يا ستي ليش لهلاء ساكتة..

#منال:- لأني اطهر من اني احكي مع وح

دة مثلك ..

#رجاء :-لااا انتي بدك ضرب بجد...

#منال:-مافشرت ايدك تترفع عليه. مفهوم..

#رجاء:-اووف شو قوية قدرتي تنزلي ايدي ...

#جمانة :-اختي وين ست رجااء...

#رجاء:-بعبي تعي خديها اخت شو هاي يلي جاي تفتشو عنها في بيتي شو شايفتيني خطافة خوات..ههااااي ضحتيني..

#منال:-شوفي خنزيرة ..ياويلك من الله على القرف يلي بتعمليه ..لك شو ماحصلتي على عقاب بالدنيا مارح يتجاوز عقاب ربك..اسمعي بنتي اذا ماطلعت من هون ورب الكون لافضحك بكل الشوارع ..

#رجاء:-هههههه اي وحدة بنتك بدي اعرف لان البنات يلي بحبوني كتير..

#منال:- مرام بنتي مرام...

#رجاء:-هههههه يعني جايين تدفعو اللي عليها مقابل الصور ماهيك..

#منال:- شوفي بمحادثاتك يلي عملتيها والصور هاي برسلك للمريخ لجهنم الحمرا..

#رجاء :-اي محادثات اللي باسم امراة نارية ولا نور الشمس..ولا امراة من ورق..ولا جواهر لبيع مواد التجميل ولا سحر لبيع الملابس الداخلية ههههه ماعرفاني اي حساب نسياني لان الزبائن كتار مافيني لحق عليهن ...

((امي وقتها ماحسنت تكمش حالها من كلام رجاء الاستفزازي انا مسكتها من شعرا وامي بلشت تضرب فيها رغم انو نحنا تنتين بس كانت قوية فوق ماتصوروا...كان صراخنا معبي العمارة لوقت ماندفش الباب ..

#تيسير :-حااجي خلص...فوتي ولي ...

((كانت تيسير ومعو اختو رهف ووجها كتير مبربق والنزيف من تمها عم يشر ...

#رهف :-هي هاااي

#تيسير :-شو جابك جمانة هون..

#رجااء :-اتركيني هيك..شو اجتمعو الحبايب هوون..

#تيسير :- اسمعي ولي رجااء..لانك من العيلة ماراح اقتلك واخلص عليكي بس رح اعلمك درس بعمرك ماتنسيه..

((ماشفنا الا تيسير كمش رجاء وصار يضربها مثل المجنون...

#منال:-امي بسرعة خدي موبايلها ..واللاب توب تبعها...

#جمانة :-امي عندك كمان موبايل هاتيه...

#رهف:-انتو السبب الله يلعنكم..

#تيسير :-شوووفي بضلك بنت خالة امي وكرمالها مابدي بلغ الشرطة بس شووفي صور اختي كلها بتطلع هلاء ...

#رجاء:-والله طيب خلص هلاء بطلعهن...

#الشرطة :- ماحد يتحرك من مكانو..

#منال:-العما امي اجت الشرطة رحنا فيها ..

#رجاء :-الحقني ياسيدي اتهجمو عليه وضربوني..

#منال:-نحنا مادخلنا كنا ماشيين بالشارع اسمعنا الصوت واطلعنا لفووق...

#الشرطي :- اطلعي من هون..

#منال:-وبنتي ..

#الشرطي:-خديها معك..

#منال:-مشي يامو..

((اطلعنا بفضل الله من البهدلة وحداقة امي ..ونزلنا نركض فتنا لعند عمو ابو صالح..وشوي ونزلت الشرطة ومعهن رجاء وتيسير ورهف ..كان منظهرهن بخجل قدام العالم...

#ابو صالح :-والله قلت مارح ادووم ..

#منال:-حسبي الله عليها ونعم الوكيل..امي اخدتي اللازم والموبايلات...

#جمانة :-اي امي بس ياخوفي يعرفوا ونتبهدل..

#ابو صالح :- مو انتي يابنتي يلي حكيتي معي..

#جمانة :-اي عمو انا ..الله يعطيك الصحة الحمدلله بفضل الله ومن ثم فضلك الله برأني وقدرنا نساعد اختي..

((اتشكرنا ابو صالح بس يلي كان اكل همنا فقدنا لاختي مرام مابنعرف وين راحت .

#هيثم :-الو اي خالتو ام جمانة والله سألت بالمخافر والمستشفيات مافي اسم هيك او حالة مرت عليهن..

#منال:-ياويلي وين راحت البنت..

#جمانة :-امي الموبايلات مافيهن صور ..واللاب توب مافيو اي صور ..😢..

#منال:-شو يعني..

#جمانة :-لا لاختي ولا لاي بنت ..كل الصور شغلات عادية حتى حسابات الفيس مافي ..

#منال:-اتاكدي امي..

#جمانة :-خدي شوفي..

#منال:-العما على هالحكي ..يعني حتى الصور ماقدرنا ناخدهن..يامصيبة لتكون عاطيتهن لحد.

#جمانة :-الله يستر ..امي خلينا نروح عند دار عمي نسأل عن مرام يمكن رايحة هونيك لان اتصلت على كل رفقاتها نفو وجودها.

#منال:-لاتقوليها امي الا هالشي اذا اختك عند دار عمها يعني راحت لمقتلها بإيدها.

#جمانة :-ليش امي شو في..

#منال:-هو ابوكي ماغيروا هو اخدها ليلعب معي لعبتو الوسخة.

#جمانة :- امي خلينا نروح ..

#منال:-شلون رح نروح هني عم ينطروا اللحظة اللي اوصل فيها عندهن انتي مابتعرفي شي امي..

#جمانة :-شو يلي مابعرفوا امي قليلي شو هو يلي مخبياه عني دخيلك احكي.

#منار :-هاي رفيف بتتصل..الوو اي رفيف..

#رفيف :-انكشفت رهف اسمعتي بالخبر..

#منار :-اي كنا هونيك نحنا .طمنيني عن صهرك.

#رفيف :-ليكو عندي طلع.. هو قلي عن يلي صار وحالتو بالويل وعم يبكي مثل الولاد الصغار مش مسدق انو اختو هيك..

#منار :-وهاديك الوسخة.

#رفيف :-طلعوها ..صهري دافع لالها مصاري كرمال تتنازل عن القضية بس رجاء رجعت عم تهددو بالصور بدها مبلغ محترم عليهن.

#منار :-يقصف عمرها اخدنا الموبايلات وكمبيوترها مالقينا شي..

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الخامس عشر .
@rwayate
#رفيف :-هلاء صارحني بقلي بعتت لالي صور لاختي اتمنيت لو اقتلها وارتاح بس امي منعتني ..والمشكلة مو هون بقلي انو امي بتعرف انها كانت تسرقني .😔😔

#منال:- ياويلي شو هالحكي ..

#رفيف :-اي من بعد مانقل مصرياتو من البيت سارقة ذهب امها ..وامها عرفت بقيت ساكتة على كل شي ...

#منال:-

شو عملت امها من عرفت هيك مصيبة..

#رفيف :- شو بدو يصرلا اخدها على المشفى كانو بدو يصيبها جلطة قلبية..والبنت ايديها مكسورين..كسرهن لالها تيسير..انتي شو صاير معك صوتك مانو عاجبني..

#منال:-بنتي يا رفيف مارجعت على البيت ..نسيتها انا ماخلينا مكان الا دورنا فيه ..ومن رحنا لعند هالوسخة رجاء مالقيناها قلبي مشغول عليها..

#رفيف:- استغفر الله وين راحت هالبنت.

#منال:-خايفة تكون راحت مع ابوها..

#رفيف:-لا ما اعتقد بتعملها مرام عاقلة..

#منال:-من وين عاقلة الله يستر من المخبى،

#رفيف:-لاتقلقي مارح يسير شي طمني بالك.

((بقينا ثلاث ايام ونحنا بندور مثل المجانين على اختي ..بالشوارع بالبيوت بالمشافي بالمخافر وحتى بالمدارس مالقينا لالها اثر..وبعدها امي رافضة تروح لدار عمي تسأل عنها..

#منال:- يامو انا قايمة اروح مشوار يمكن الله يوقف اولاد الحال ويعرفوا مكانها..

#جمانة :-اي بروح معك امي.

#منال:-لا خليكي هون بخاف ترجع اختك بأي لحظة..

((تفاصيل وجه امي وحركاتها والخوف يلي كان بعيونها ماكان عم يطمني بتاتا .لدرجة طلعت وهي مخبية شي معها..وانا من النوع الفضولي كتير ولازم اعرف شو امي مخبية ،طلعت امي من هون وانا حطيت على راسي حجابي وجاكيتي والحقتا ..

#جمانة :-خالتو ام هيثم .

#ام هيثم :-جمانة خير بنتي .

#جمانة :-خالتو اذا بتريدي رح اطلع عندي شغلة وامي مانها موجودة دخيلك ابقي في بيتنا بس لنرجع..يمكن اختي تجي وماتلاقي حد..

#ام هيثم :-تكرمي بنتي بتحبي نادي على هيثم يوصلك..

#جمانة :-لا لا بروح لحالي..

#هيثم :-انا جاهز اذا بتحبي..

#جمانة :-مثل مابدك ..

((كانت امي سابقتنا بخطوات كتير وانا عم حاول قد مافيني تبعها..كانت كتير عم تلتفت حواليها وهالشي ازعجي حسيتها رايحة لمكان كتير سري او ليش ولوين وشو البكيت يلي حاملتو بإيدها..

#هيثم :- وقفت ..

#جمانة :-اي شفتها ، بس مابعرف لوين هي جاي..كأنها عم ادق البيت ..

#هيثم :-اي هيك شي ...
......................................

#منال:-افتحي صفية افتحي ..

#صفية:-شو ذكرك فينا ..

#منال:-بنتي صفية بدي بنتي ..

#صفية :-بس بنتك مو عنا وشو بدو فيها عمها ..

#منال:-حاجتكن كذب عليه ..افتحي هيك ..

#صفية :-الظاهر جيتي للموت برجلك..فوتي اتفضلي هلاء بناديلك على ابراهيم. ابراهيم تعاا شوف ياجوزي مرت اخوك القديمة اجت لعندك برجليها ...

#ابراهيم :-هااا ياهلا والله مو قلت رح تجي شي يوم وتبوسي تراب رجلي..

#منال:- الظاهر انت بتحلم ..شوف ابراهيم خلينا نطلع من القصة بلا مشاكل وقرف ماضي واللي راح انطوى وخلص..اعطيني بنتي وبعدو عن حياتي..

#ابراهيم :-👏👏👏 صفقي معي صفية ..برافو برافو بارعة بالتمثيل..بالسهولة هاي .بعدين بنتك اجت برجليها مع عبد لهون يعني ماحد ضربها على ايدها..

#منال:-يعني بنتي هون.

#ابراهيم :-ماني متأكد 😂😂..شو يلي حاملتيه بإيدك اكيد الورق شاطرة بس جيتي متأخر بس على العموم هلاء مابسوى شي مقابل بنتك يعني بدك تدفعي قد عمرك مرتين لتقدري تساويهن😍😍..

#عبد :- ياعيني هون مجتمعين الحبايب..

#ابراهيم :-اكيد اخي ولو ..شو حكتلك مصيرها تغلط وتجي برجلها لهون..

#عبد :- اي بالرغم انها طولت كتير بس مو مشكلة كل تأخيرة وفيها خيرة وهالمرة مرام ..

#ابراهيم:- اسمي يااااا منال مارح صااارخ ولا رح قاتل ولا رح مد ايدي عليكي بس مارح اتنازل هيك بسهولة اللي لجمانة بتعطينا اياها من تم ساكت وبتاخدي مرام..وطبعا الاوراق..

#منال:-على جثتي عرفاان شوف حق مرام وجمانة رح يضلو معي ولاخر نفس فيني ..واحكي لاخوك انو مرتوا القديمة بعدها قوية ..وقد ماحاولت تسكر شوكتها مارح تنجح ..وبنتي رح تطلع معي هلاء..

#عبد :-😠😠..

((اتهجم عبد عليه ليضربني رجعو ابراهيم عني ))

#ابراهيم :-مو وقتو عبد مو وقتو..

#صفية :-خدي حالك واطلعي من هون واكسري الشر مصيرهن البنات لاهلهن واعطيهن حقهن ..

#منال:-هههه والله ضحكتيني لك انا منال الشر بذاتو ..ماتفكروني ضلع اعوج فيكن تكسروها لك انا يلي بقطع حالي قطع وبطعمهن لبناتي..

#ابراهيم :-اي فيلمك هاد على ابي بيمشي كان قبل ليموت بس علينا لاء..

(((قبل 17 سنة ))

((كذبة لو قلت بلشت حياتي من خيانة جوزي..لا لا حياتي بلشت من قبل هالشي بسنين ...من وقت ماكان عمي ابو ابراهيم بعدو عايش ..

#ابو ابراهيم :-اسمعي يابنتي انا اللي بقلك اياه هلاء لانك غالية عليه انتي وبنتك اللي بتكون بنت اغلا رفيق عندي شريكي ونصي الثاني بكل شي الله يرحمو مات وتركلا نص ورثتها ..

📚قصص||روايات||منوعة📚

rwayate

📚قصص||روايات||منوعة📚

rwayate

الجزء السادس عشر..
@rwayate
((سيف الدين كان هربان من حكم العسكر كان تاجر كبير واسمو مطلوب من قابلتو حكالي قصتو وانتي بتعرفي شغلتي بالجوازات والهوايا ..رحت اطلع لالو رقم جديد واسم جديد وضفتو لقائمة عيلتي وصار واحد من اولادي لاني كنت بدي احميه من الظلم يلي كان واقع عليه..كان معو قطع ذهب من تعبو بالتجارة اتشاركت انا وهو وبلشنا نجيب وناخد وصرنا قد حالنا بالبلد وبالتجارة كا

نت لالو الحصة الاكبر..بيوم طلب مني اجوزو لان رح يطبق 40 سنة وانا ماقصرت معو رحت خطبتك لالو كنتي حزينة لانو اكبر منك ب 15 سنة بس قلت يابنتي اصبري والايام الحلوة على الطريق. شفت فيكي كل خير ومالقيت منك الا سمعتك يلي مثل المسك..ولقيتك حابة ورضيانة بعيشتك معو..من كنتي حامل في بنتك جمانة..بتذكري طلع هو وعبد وابراهيم لتجارة ومارجع ..وهيك وصلنا الخبر ...

#منال:-الله يرحمو والله ينتقم من يلي كان السبب في مقتلو .

#ابو ابراهيم :-لهيك يابنتي انا سلمت امانتي قدام رب العالمين قبل لياخد امانتو وهيني على فراش الموت وهاي كل الاوراق بإسم بنتك جمانة وشوي بإسمك .لتحفظ لالها مستقبلها ..صح مات وماشاف بنتو بس قدام رب العالمين انا هالبنت كمان مارح اتركها يتيمه هيك..خدي هاي الاوراق ضبيها ..ونادي لالي على ابراهيم وعبد ويوسف..

#منال:-حاضر ..اتفضلو عمي عم يطلبكن لالو..

#يوسف :-اكيد مشان الورثة فوتوا شباب..

#ابو ابراهيم :-اسمعو يابي ..اخوكم سيف الدين ترك عنا امانة واحنا بدنا نحافظ عليها ..وبدي سلمها لالكم قبل لاموت..منال وبنتها بدي تحطوهن بعيونكم وقبل لاموت عندي طلب بدي حد منكم يخليها على ذمتو ويتزوجها..

#ابراهيم :-والله يابي صفية مابتقبل ومابدي اكسر خاطرها وعندي 4 اطفال ويادوب بقدر عيشهم..

#يوسف :-وانت عارف يابي انا خاطب جديد..

#ابو ابراهيم :-مافي غيرك يابي..

#عبد :-بس يابي هي اكبر مني ب3 سنين ..

#ابو ابراهيم :-العمر مش فرق خذها وارضي الله ومن ثم ارضيني وخذ فيها وببنتها ثواب واهم شي تنقل اسمها على اسمك ..
#ابراهيم :-شلون بدو يصرف عليها..

#ابو ابراهيم :-انا قسمت املاكي وبعد ما اموت المحامي رح يعطيكم حصصكم.

((مرقت ايام وتوفى عمي ابو ابراهيم الله يرحمو بس قبل ليموت كان مكتوب عقدي على عبد يعني صرت مرتو بس هو بالغصب كان قبلان فيني وبصعوبة ليمرق اليوم معو..وماكنت بشوف يوم هنا ..حتى بنتي ماكان يتحملها .

#صفية :-سلفي عبد ..المحامي وصل وطلب جمعتكن ..

#عبد :-اها يالا ماشي...خلاص هانت وتروحي بسبيلك ..

#صفية :-وكمان منال تجي لان المحامي طلبها اول وحدة..

#عبد :-ليش

#صفية :-مابعرف هيك طلب مني

((انا كنت بعرف الاجابة وقتها ..جلست بيناتهن وبلش يحكي المحامي عن املاك عمي ابو ابراهيم يلي نصها كانت معي ل بنتي ..وكان معطيني ورقها من قبل ليموت والمحامي مجرد خبرهن بالوصية اما الربع فكان رايح لوجه الله صدقة عن مماتو الله يرحمو..والباقي كان مقسم بين عبد واخواتو ..يلي بالكتير ماطلع لالو حق الا بس البيت يلي ساكنين فيه...

#يوسف :-لا هاد نصب احنا انتصب علينا هاي الوصية مو صحيحة و ابي ما قال هيك..

#المحامي:-بعتذر هاد مكتوب بخط الوالد ومصدق عن اذنكم..

((من العصبية اتهجم عليه يوسف بس عبد بعدو عندي وكلو كان كذب ومصلحة))

#عبد :-لاتمد ايدك على مرتي ..

#ابراهيم :-هلاء صارتك مرتك والحكي الزفت يلي كنت تقولوا عنها ...شو بتحب بين لالها حقيقة زوجها الحبيب ..

#عبد :-مشي منال بسرعة..

((ارجعنا على البيت وانا متوترة من تصرف سلافي ..وخاصة بعد التهديدات يلي وصلتني ليقتلوني ويقتلو جمانة ..بس الشي الغريب وقتها انو عبد اتغيرت معاملتو معي وصار احسن حد بشوفوا حياتي حتى جمادتو مع بنتي جمانة اتغيرت كان حنون كتير عليها ويهتم فيها. كنت صغيرة ماكان يخطر على بالي انو الموضوع مصلحة مو أكثر..بعد فترة حملت في بنتي مرام وصار تعلقي بعبد كتير ..كان دائما يشكي لالي من وضعو ..

#عبد :-حبيبتي بدي بيع البيت ..

#منال:-لا ليش ونحنا وين رح نروح..

#عبد :-رح نتأجر بيت صغير على قدنا ونصرف من باقي المصاري..

#منال:-لا هاد البيت لاء ..انا بعطيك حصتي ..

#عبد :-لاء انا مافيني اخد حق حدا رح

اكتبلك البيت بإسمك ..

((لحظتها بلش يحس انو في عندي بوادر خير لاعطيه مصاري وشوي من املاكي..ومظاهر النخوة والمروءة بلشت تنخز عليه كان جايب المحامي وعاملي تنازل عن البيت ..وهاي كانت خطوتوا الاولى مثل مابيعتقد ليحصل على كل شي بملكو.. كتير ساهمت معو ليقدر يفتح مشروع وينجح فيه ..كنت على طول وبقد مافيني ساعدو ..رغم انو اخواتو كان حاقدين عليه بس وجودي معو كان مشجعو ..بس يافرحتو وماكملت لوقت ماشفتو عم يشتري ذهب لزوجتو الثانية سحر ..🙁..انا وقتها ماحزنت ولا حرك فيني ساكن حاولت استجمع كسرتي ورجع كل شي مثل الاول بس هو ماكان قدران يتخلى عنها ووقتها انا طلعتو من بيتي ..اطلعت على البنك وحجزت كل الاوراق يلي معي وحطيتها باسم جمانة ...