يا بنتي عذبتي حالك .
حلا : ولو عمو مافي عذاب ولا شي .
ابو ضياء : يا سلاااام شو طيبة هالشاي من لما توفت الغالية ام ضياء وانا ما شربت هيك شاي طيب .
حلا : صحة و هنا ، الله يرحمها .
ابو ضياء : تعيشي و تترحمي .
حلا : عمو انت ما عندك ولاد ؟
ابو ضياء : عندي ابني ضياء الله يحميه عايش بفرانسا بيجي هو و عيلتو كل سنة بيزورني .
حلا : الله يخليلك ياه .
ابو ضياء : صحيح لحسن حظك اليوم الصبح وصلني نسخة من الكتاب يلي كنتي عم تقرأيه .
حلا : عنجد الحمدلله يا ربي هلأ هيك بقدر كمل قراءة وانا مبسوطة .
ابو ضياء : تفضلي ، بس بصراحة مبارح استغربت منك كيف بتعطي الكتاب للاستاذ حازم وانتي لسا ما خلصتي قراءة فيه .
حلا : والله ما بعرف حسيت انو هو موصيك عليه لهيك عطيتو ياه .
ابو ضياء : فعلا احساسك بمحلو هو موصيني عليه ، هالرجال بعرفو من عشر سنين تقريبا كل فترة بيجي بياخد كمية من الكتب و بيروح .
حلا : مبين عليه بيهرب من تعب الدنيا و همها للقراءة .
ابو ضياء : ههههه ما بتوقع هالزلمة تعبان او عندو هم .
حلا : اكيد بيكون عندو ولاد وامي بتقول هم الاولاد اكبر هم .
ابو ضياء : غلطانة يا بنتي ، الاستاذ حازم مو متزوج هو رجال بسيط جدا عايش مع امو الكبيرة بالعمر ، حياتو عبارة عن شغل و قراءة ، مرات بيجي عالمكتبة بيقعد فيها اربع ساعات يا دوب يحكي فيهن كلمتين .
حلا : اكيد صاير شي بحياتو خلاه ينعزل عن العالم .
ابو ضياء : الله اعلم .
حلا : رايحة كمل قراءة عن اذنك عمو .
ابو ضياء : اذنك معك .
___________________________________
#بقلم_فتاة_من_ورق_بسمه_السباعي

وفاء : صباح الخير حبيبي .
مراد : صباح النور .
وفاء : عامل قهوة وما حاسب حسابي .
مراد : لا حاسب حسابك جيبي فنجان و تعالي .
وفاء : ايمتا رجعتو مبارح ؟ ما حسيت عليكن .
مراد : شي الساعة وحدة ، رجعت لقيتك نايمة و هاني كان نايم ، حطيت هاني بتختو و نمت .
وفاء : نوم الهنا .
مراد : وانتي كيف كانت زيارتك ؟
وفاء : حلوة .
مراد : شو رأيك نطلع نقضي النهار برا بما انو اليوم جمعة .
وفاء : اي موافقة اكيد .
مراد : تمام معناها بعد ساعتين منطلع .
وفاء : صحيح تذكرت بدي رصيد .
مراد : تكرم عيونك هلأ لما نطلع ذكريني .
وفاء : حكيت انت و اهلك مشان عرس اخوك ؟
مراد : اي الجمعة الجاية شوفي مين حابة تعزمي عالعرس و اعزميه .
وفاء : ماشي .
___________________________________
#بقلم_فتاة_من_ورق_بسمه_السباعي

*وصلت عالبيت شفت وجه امي مبين عليه العصبية و التوتر ....

حلا : مرحبا ماما شبك ؟
فادية : ابوكي
حلا : شبووو ؟؟
فادية : ما فيه شي بس اتصلو فيه الشغل و راح لك حتى يوم الجمعة ما بيرتاح .
حلا : معلش ماما روقي اكيد ما بيتأخر كلها ساعتين و بيرجع .
فادية : اي ان شاء الله .
حلا : انا رايحة بدل تيابي و ارجعلك .
فادية : ماشي .

*رحت على غرفتي و صرت فكر بحكي العم ابو ضياء عن حازم ...
حلا : ليش عم تفكري فيه يا حلا هاد واحد مبين عليه معقد .

ميس : بسم الله عليكي عم تحكي مع حالك ؟
حلا : اه .. لا لا عم غني .
ميس : امممم اي غني ، ناس بتغني وناس طاقة .
حلا : لساتك طاقة من زينة ههههه
ميس : هي طاقة مني مو انا .
حلا : هههههه اي كتير ، بتعرفي حتى و انا طالعة عالدرج سمعتها عم تبكي و تصرخ و تقول لزوجها انا طاقة من ميس هههههه
ميس : تضربي شو غليظة .

بعد مرور ساعات

فادية : صارت الساعة خمسة ليش لهلأ ما رجع .
ميس : ماما انا متت جوع .
فادية : مافي تتغدو ليجي ابوكن .
حلا : انا برأيي نحضر السفرة لبين ما يجي .
فادية : هلأ بيبرد الاكل وهو لساتو بالشغل .
ميس : لحظة كأني سامعة صوت مفاتح عالباب .
حلا : مو قلتلك امي خلينا نحضر السفرة .
طلال : مرحبا .
فادية : الحمدلله عالسلامة .
طلال : الله يسلمك ، جوعان كتير ما بدكن تغودنا .
فادية : الغدا جاهز بس هي اخر مرة بترد عالشغل يوم الجمعة .
طلال : ههههه حاضر .

*بعد ما خلصنا غدا .. رحت على غرفتي كرمال اسقي زريعتي .. تطلعت عالشباك شفت حدا بيشبه حازم رايح عالمكتبة ، حطيت ابريق المي بالأرض و قربت من الشباك اكتر لإتأكد اذا هاد حازم او عم اتخيل ....

فادية : حلا !! على شو عم تطلعي ؟؟
حلا : ماما
#أوراق_من_هذا_الزمن
#الجزء_الرابع
#بقلم_فتاة_من_ورق_بسمه_السباعي

فادية : حلا !! على شو عم تطلعي ؟؟
حلا : ماما
فادية : اي شبك ؟
حلا : ولا شي ابدا مليت و حبيت اتأمل الشارع .
فادية : طيب تعالي ساعديني بترتيب المطبخ .
حلا : حاضر ماما .

*حطيت ايدي على قلبي كان عم يدق بسرعة .. يمكن لأني شفت حازم او يمكن لأني تفاجأت بأمي ....

حلا : ماما .
فادية : نعم .
حلا : بتسمحي بعد ما نخلص ترتيب المطبخ ننزل انا و ميس نتدرج ؟
فادية : اي بسمح .
حلا : الله يخليلي ياكي .

*بعد ساعة جهزنا حالنا انا و ميس و نزلنا لنتدرج ....

#بقلم_فتاة_من_ورق_بسمه_السباعي

فادية : طلال .
طلال : نعم .
فادية : ترك التلفزيون شوي و تطلع فيني خلينا نحكي .
طلال : حاضر هي طفينا