#الحلقة_الرابعة 4

البيت كان مطل على ساحة كبيرة كلها شجر .. ونحنا قبال الباب تبع البيت .. كان مفتوح وجواته باين إنه البيت مستقل بس بره في قعدة عربية .. الورقتين دخلو لجوا البيت .. وأنا نصدمت وقلتله كيف بدنا ندخل نجيبهم .. قلي استني أنا رح أدخل وأحاول أجيبهم .. ?زم اليوم نروح .. دخل لجوا وأنا بقيت برا بتطلع عليه .. الورق كان بطير لنفس الناحية .. وكأنه في شي بمشيه .. شفته بتطلع عليه نظرات غريبة وأنا ماعرفت شو قصده .. وفجأة دخل لجوا .. دخل على البيت ..! عرفت إنهم طارو لجوا البيت .. بقيت بستناه عشر دقايق .. حسيته تأخر .. صرت أنادي عليه بصوت واطي بس ماكان يرد .. قلت شو صرله .. دخلت لجوا الساحة وصرت أقرب من البيت .. تطلعت من الباب لقيته مفتوح .. ناديت أيهم ! ؟ .. مارد عليه .. قربت من باب البيت ودخلت .. صرت أمشي بالبيت .. كان كبير وغريب ومافي و? أي صوت .. دخلت للغرفة يلي جوا .. لقيت قبال وجهي واحد مرمي على ا?رض ومقتول .. وباين إنها جثة شخص .. عيونه كانت قبال عيوني وكأنه بتطلع عليه .. وفجأة حد حط إيده على راسي وغمى عيوني وجرني لمكان .. وصرت أصرخ .. كانت الغرفة عتمه .. حطني فيها وأنا حاسه بإيد قوية لزلمه عم تشدني .. وإيده مانعيتني أتكلم .. وثواني وضوا الضو .. شفت قبالي واحد جهم طويل وشكله بخوّف .. قلي شو دخلكم لبيتي؟ .. تطلعت قبالي لقيت أيهم مربط وعلى تمه شاشة .. حكيناله بالصدفة كان الباب مفتوح ودخلنا لنجيب شغلة طارت من الهوا يلي برا .. حكا وشو هالشغلة؟ .. قلتله صورة .. قال داخلين تسرقو البيت؟ .. ربطّني مع أيهم وحط بتمي شاشة وتركنا لحالنا بالغرفة .. بقينا بنطلع ببعض بدون مانتكلم لحد ماسمعنا في صوت و
را البيت .. كانت صوت الشرطة .. سمعنا الصوت برا .. وعم بحكو عن الجثة يلي لقيوها .. ونحنا مصدومين .. وفجأة دخل شرطي لعنا وقال سيدي في تنين مربطين جوا .. دخلو الشرطة لعنا وفكونا .. حكولنا مين انتو ؟ .. حاولنا نفهمهم بس مافهمو علينا .. اخدونا للمغفر وقلنالهم على يلي صار .. وانه في شخص ربطنا واتهمنا بسرقة بيته .. ونحنا ما إلنا دخل بالشخص المقتول كل يلي كنا بدنا ياه جزئين الصورتين يلي طارو لهالبيت .. الشرطة ماصدقت وماكان السبب مقنع لدخولنا البيت .. ل?سف ورطنا نفسنا .. أتصلت مع خالتي وأجت تسأل عنا .. بكت كتير وبطريقة غريبة .. وقالت مستحيل تتركنا وفي محامي بتعرفه إسمه أيمن .. هوه رح يتكفل الموضوع ليطلعنا من القضية .. الشرطي قلها إنه همه كانو بمكان جريمة وطبيعي يكون مشتبه فيهم .. ومابصير نطلع إ? لتبين نتيجة البصمات ونتيجة الطب الشرعي للقتل .. بقينا يوم بالمغفر ونحنا مو عارفين ليه ورطنا نفسنا هيك .. أجا المحامي يلي أسمه أيمن وطلب يحكي معنا
يتبع ..

#الحلقة_الرابعة 4

حسيت بعيونه انه مو مصدق .. معقول انا عم أكذب عليه .. وبدي أعمل لحالي جو بالجامعه .. بس أنا باين عليه الخوف واني صادقه .. حكالي رح نعرف كل شي بعد شوي .. وصلت بيته .. كانت مرته على الباب واقفه وفتحته بسرعه كأنها عارفه بوجودنا .. تطلعت عليه من تحت لفوق وكأني شحاده جايه لعندها اترزق .. وقالت هي هيه اللي قلتلي عنها .. قلها ايوه اعمليلنا شي نشربه .. قالت انا مجنونه اخليكم لحالكم واروح اعملك شي تتزهرموه .. نادت على ابنها وقالتله روح اعمل شاي .. الدكتور جحرها بعينه وهيه صارت تصرخ عليه .. وكأنه بقلها كيف تحكي ?بنك الصغير يروح يعمل شاي .. بس ماقالها بصوته .. عرفت انه بخاف منها .. في شي ماقدرت افهمه .. شو سبب هالخوف وليش؟ ! دخلت معهم لجوا .. كانت غرفتهم .. وهيه ضلت تتأفأف وتقول حضرتك رح تنيمها على تختي؟ ! قلها هون اريح وأهدا غرفه ولو ضليتك عم تعملي هيك مارح يزبط شي .. بترجاكي خلص ..! قالت رح اخرس بس اتركني احط شرشف او شي .. شو بعرفني من وين جايه وشو على تيابها .. ناقصني جراثيم أنا ..!!! حطت شرشف وقلها اهدي بترجاكي .. البنت مو متحمله واعصابها تلفانه .. سكتت .. وقلي نامي .. نمت على التخت .. كان فع?ً مريح .. والغرفة هاديه ومنطقتهم كتير هاديه .. حكالي رح تشوفي بإيدي شي قبال عينك ركزي عليه كتير منيح .. وأنا رح أكون أحكي قريب من أذنك .. بدي تركزي بكل كلمه بدي احكيها .. وعيونك ماتغيب عن أصابعي .. وفجأة حط إيده على وجهي .. وصار يقرّب من أذني ويحكيلي أسترخ .. اهدي .. ومرته عيونها عم تقدح شرار .. غمزها وقلها اطلعي .. ماقبلت .. وبعد دقيقه نادا ابنها عليها .. قالت يمكن عمل عمله عديم هالترباية .. راجعه أنا .. طلعت وتركت الباب
مفتوح وسمعناها بتصرخ عإبنها .. والدكت

ور صار بهاللحظة يغلط عليها ويقول الله يلعنك .. راح سكّر الباب وصوتها وصوت بكا ابنها صار يختفي .. وهوه إيده لسه عجبيني .. وحاطط قبال عيوني مسبحه خرز طويله .. عم تمشيها شمال ويمين .. وعيني عليها مع صوته الخافت والهدوء اللي بالمكان .. جسمي كان عم يتخشّب شوي شوي .. وعيوني عم تقلب .. كنت بحالة وعي و?وعي مع بعض .. شايفه الدكتور قبال وجهي بس جسمي هادي وعم بروح لمكان بعيد .. شفت نفسي عم بتحرك وبمشي بمكان أنا بعرفه كتير منيح .. كان بيتنا القديم بالحي اللي كنا ساكنين فيه زمان جنب بيت جدي قبل ليتوفى مع ستي .. كنت واقفه جنب البيت وشايفه السيارات عم تمشي .. دخلت على بيتنا وكأنه جسمي عم بخترق الحيطان بدون ما أفتح البواب .. شفت حالي عم بلعب مع كرم بالمرجيحه اللي جنب البيت .. كان في مزرعه صغيرة حولين البيت وكنا نضل نلعب فيها ورابطين مرجيحه فوق شجرة زيتون كبيرة .. شفت و?د كتير دخلت تلعب معنا
يتبع ..

#قصة_حب_بالحرب 💔

#الحلقة_الرابعة 4️⃣👉🏻

احلام .. ليش هيك زعلتا لأختك
علاء .. عادي بتزعل شوي وبتتعود
مهند .. اعطيها الموبايل بدون نت
علاء .. مشان بعد يومين تصير تبكي وتقول رجعولي النت اما هيك لا موبايل ولا نت

وسوزان كانت تسمع حكي علاء وكانت مقهورة من طريقة كلامو وبعد شوي بدها تنفتح فيه بس صبرت حالها

ميساء .. انا مع علاء انو لساتها صغيرة خليها تلتهي بشي تاني

سوزان .. بس حرام تاخدو منا موبايلا اذا مابدكن نت اعطوها ياه بدون نت يعني فيو اللعاب وفيو برامج وصور بسلوها

ميساء .. انتي محدا اخد رئيك
سوزان .. اسفة
احلام .. ميساء شو قلة هالزوء كيف بتحكي مع البنت هيك
ميساء .. عمتي هي ليش لتتدخل يعني مو شايفة اخواتا شباب قاعدين ليش لتحكي هيي

احلام .. وانتي ليش حكيتي اذا كان الموضوع بين اخت واخواته !
سوزان .. خلص لا تعملو قصة مشاني عادي انا ماكان لازم اتدخل
مهند .. لا سوزان انتي ماحكيتي شي ميساء اعتذري من سوزان
ميساء .. شو
مهند .. اعتذري منا هلأ وفورا
ميساء .. طيب سامحيني سوزان
سوزان .. ولا يهمك انتي سامحيني

علاء ماعجبتو طريقة كلام سوزان انو ليش لتتدخل
وميساء حقدت ع سوزان بسبب تصرفاتها

وبعد ما خلصو فطور وقعدو بالصالة

احلام .. من شوي اتصلت عمتكم ام خالد وعازمتنا ع الغدا مشان تجهزو حالكن
علاء .. انتو روحو انا مابدي روح
احلام .. كيف يعني اذا العزيمة كلا لأنك رجعت من السفر مابصير ماتروح
علاء .. طيب والله ماني فاضي اتواعدت مع رفقاتي بدنا نطلع سوا

احلام .. رفقاتك بيتأجلو
علاء .. مو حلوة اجلهم انتي اعتذري من عمتي او روحو بدوني
احلام .. يا علاء لا تخجلني والله بزعل منك
علاء .. انتي بتعرفيني اني ما بحب العزايم
احلام .. بس هالمره مشاني انا
علاء .. طيب تكرمي
احلام .. الله يكرمك

ميساء .. يعني عمتي ايا وقت نجهز حالنا
احلام .. يعني بعد شي ساعة
ميساء .. لكن رح روح شوف شو بدي البس
مهند .. وانا رايح جيب دخان

احلام .. وانتي يا سوزان روحي مشان تجهزي حالك
سوزان .. عمتي انا مابدي روح
احلام .. ليش مابدك تروحي مابصير
سوزان .. عمتي هنن مابيقربولي كيف بدي روح مو حلوة
احلام .. ووين بدك تضلي
سوزان .. بضل هون
احلام .. ما اشطرك تضلي لحالك
سوزان .. عادي بقفل الباب ع حالي
احلام .. مستحيل والله رجلي على رجلك

علاء .. يعني انو تضلي بالبيت لحالك لا تفرحي فيها

سوزان في بنفسا وانت شو دخلك عامل حالك زعيم بكل شي شايف حالك ومو مسدء

احلام .. يعني مره انتي ومره علاء لاتخلوني بطل هالروحة كلها خلص روحي جهزي حالك وقولي لدلع تجهز حالها
سوزان .. طيب رايحة

احلام .. علاء يا حبيبي طول بالك ع هالبنات وخففلي شوي من عصبيتك احكي معهن بهدوء بسمعن منك اكتر من وقت تصيح عليهن
علاء. . ليش شو عملت انا خلص اذا بدك معاد افتح تمي بكلمة
احلام .. لا ياحبيبي مو هيك قصدي بس يعني شوي شوي عليهن متل دلع هي اول يوم الك وزعلتا
علاء .. اي بتستاهل
احلام .. يا امي ياحبيبي هي اختك

ودخل منير لصغير
منير .. علاء عأساس جبتلي هدية معك
علاء .. لك صحيح والله نسسيتهن بالشنتة ليش ماذكرتني تعال نروح نجيبهن

في غرفة دلع
سوزان .. يلا يا دلع قومي بلا دلال يلا الكل ناطرك
دلع .. وهي تبكي ماني رايحة يعني ماني رايحة
سوزان .. قومي كرمالي
دلع .. مابدي روح لحتى يرجعولي الموبايل
سوزان .. هلأ روحي وبس نرجع انا بحكي مع عمتي وبخليها تحكي مع علاء
دلع .. انتي لسا مابتعرفيه لعلاء اذا حكا كلمة مستحيل يتراجع عنها
سوزان .. لك حتى انا هلأ قلت لعمتي مابدي روح قام قلي هوا مافي تضلي لحالك بالبيت

دلع .. اي لسا ماشفتي شي من عقلو
سوزان .. ههههه انا شو دخلني انا ما الو عليي شي بس هلأ يلا قومي البسي
دلع .. قلتلك مالي رايحة حتى يرجعلي الموبايل
سوزان .. لكن انا رايحة قول لعمتي
دلع .. قوليلها

راحت سوزان لعند عمتها كانت لحالها بالصالة
سوزان .. عمتي دلع مو راضية تروح معنا زعلانة بتقول مابتروح الا حتى علاء يرجعلها موبايلها
احلام .. ياربي دخيلك كل واحد عندي راسو ايبس من التاني هلأ اذا سمع بسيرة الموبايل بنجن ليش هو راضي يعطيها ياه الي ساعة احكي معو

دخل علاء ومنير ومعهن الهدايا
منير .. امي شوفي علاء شو جبلي
احلام .. اي حلوة قلتلو يسلمو لأخوك
منير .. اي امي
علاء .. منير روح اعطي هدول لمهند ومرتو
وامي هدول الك
احلام .. الله يسلمك ايديك

علاء ماكان يعرف انو سوزان عندهم بس كان معو قنينة بارفان

علاء .. لسوزان تفضلي هي الك
سوزان .. يسلمو ايديك

سوزان .. عمتي شو مشان دلع
احلام .. هلأ بحكي معها بس حبيبتي اعمليلي فنجان قهوة خلي راسي يصحا شوي
سوزان .. اي تكرمي بس شوي وبكون عندك
علاء .. وانا احسبي حسابي
سوزان .. اي ماشي

احلام .. علاء اختك زعلانة ومو راضية تروح معنا روح راضيها
علاء .. بالله شو وعم بتدلل كمان
احلام .. ياحبيبي هي هالأخت الك ما الك غيرها قوم مشاني الله يرضا عليك خدلا هديتها وروح حرام من مبارح

#الجمعة: ٣-١-٢٠١٠م، ٩-٥-١٤٤١ه‍.
#منتدى_يقظة_فكر
#لقاء_اليقظة²
#الحلقة_الرابعة
#الضيف_الكاتبة_زينب_الحداد.
#إعداد_وتقديم: أ.مروة صالح.
#إشراف_فريق_يقظة_فكر.




https://t.me/yaqizt_faker2/224867

#داء_وَ_دواء
#الحلقة_الرابعة
#ياسمينة .
..
..
..
#طلع يمان ووقفت فتون ع المراية تزبط شعرها وفجأة سمعت صوت رصاصة ركضت وفتحت الباب شافت يمان واقف وبايدو المسدس وكان عم يتطلع ع الارض .. تطلعت هيي لقت في واحد ميت ع الارض صرخت وركضت لعندو
- يمان : تركيه وقومي
- فتون : كيف بدي قوم
- يمان : اكيد رح يجو لهون .. هلأ بيقتلونا
- فتون : بس لسه في نفس ممكن اساعدو
- يمان : فتون عم قلك رح يجو لهون قومي بسرعة
#كانت فتون عيونها ع الشب وبدا تساعدو مسكها يمان من ايدها وشدهااا
- يمان : لازم نمشي
- فتون : بس ..
#ركض يمان بالغابة وكان ماسك ايد فتون .. اما فتون فكانت عيونها لورا لسه وعقلها عندو وبدا تساعدوو .. بعد شوي سمعو صوت رصاص
- يمان : قلتلك رح يجو ولو كنا هنيك كنا هلأ متنا
- فتون : طب ممكن نستريح شوي انا تعبت ..
- يمان : رح نوصل تحملي شوي
#ضلو يركضو لحتى وصلو للطريق
- يمان : تعالي هي وصلنا عند السيارة
#قربو ع السيارة لقوهن مخربين الدواليب
- يمان : الله يلعنكم
- فتون : وهلأ شووو ؟؟ اكيد جاين ورانا
- يمان : مافينا نعمل شي غير انو نركض
- فتون : بس اذا لحقونا ح يقتلونا فورا هالطريق لا فيه سير ولا فيه دنيا
- يمان : ح ندخل بالقسم التاني من الغابة .. طريق مختصر لبيتنا
- فتون : يعني لفيت ودرت ورجعت لعنكن
- يمان : شو بدك تعملي نصيبك هيك
#فاتو بالجهة التانية من الغابة وبلشو يركضو لحتى وصلو للبيت .
- يمان : هنن وراي ع الاغلب تصرفوا
- حاضر معلم
#تفركشت فتون ووقعت
- فتون : اااخخ رجليي
- يمان : انتي منيحة ؟
- فتون : ع الاغلب التواء
- يمان : تمام شوي شوي
- فتون ؛ مو قادرة وقف عليهاا
- يمان : خلص اهدي ..
#حملها يمان ومشي .. دخلو ع البيت كان الكل قاعد وفات وهو حاملها وحطها ع الكنباية
- يمان : جيبي شي قطعة متلجة لهون
- فتون : انا منيحة
- جليلة : شو صار
- يمان : التوت رجلها ووقعت
#نور كانت واقفة وساكتة .. شايفة كيف عم يهتم فيها .. اول مرة بتشوف يمان هيك كتير انقهرت وتذكرت يلي حكاه يوسف مبارحة

#الليلة_الماضية ..
- يوسف : عم فكر بشي يمكن يساعد لتعرفي اذا كنتي بتحبيه او حتى اذا كان هو بحبك
- نور : شو هو ؟
- يوسف : تتزوجيني ؟
- نور : شوو
- يوسف : منعلن خطبتنا وبوقتا يا بيرجعلك يمان يا اما بتلاقي حالك عايشة كتير منيح بلاه
- نور : يوسف انت عم تحكي جد ؟
- يوسف : اكتر مرة بكون فيها جدي .. فكري نور

#الحاضر
- يمان : صرتي احسن ؟
- فتون : ايي
#كانت جو العيلة متوتر من يلي عم يصير ومن انو عدوهن مو شايف قداموو ونور بس واقفة وعم تتذكر حكي مبارحة .. عم ينعاد ببالها
- نور : يمكن هالحكي ما وقتو بس ..
#التفت الكل عليها
- جليلة : بس شو بنتي ؟ شو صاير ؟
- نور : يعني الشي يلي بدي خبركم ياه انو ..
- انوووو ؟
#مشت نور باتجاه يوسف ومدت ايدها ومسكت ايدو
- نور : نحن قررنا نخطب
#الكل انصدم واستغرب وحتى يوسف كان مصدوم
- جليلة : شو هالحكي يلي عم اسمعو
- يوسف : صح انا مبارحة حكيت مع نور وقررنا نخطب
# الكل مصدوم مو عرفانين يفرحو ولا ينزعجو من تصرفن .. معروف نور ليمان كيف هيك بقررو يخطبو
- هاد الشي ممنوع بعيلتنا نحن كبار العيلة وقررنا نور ليمان ب اي حق بدكن تخطبو هلأ وما فكرتو بيمان
- يمان : انا ما عندي مشكلة
#تطلعت نور فيه وهي مصدومة توقعت يقول لا توقعت يركض ويبعدهم عن بعض ويقلها انتي الي
- يمان : يعني يوسف احسن مني بالف مرة ونور بتستاهل تتزوج حدا يحميها ويحبها ويصونها
- جليلة : بس نور انتي ...
- نور : كنت
#تطلعت بيمان وضحكت
- نور : انا ويمان ما النا نصيب مع بعض
#بعدها متأملة يمنعها ويقلا لا بس يمان رجع لعند فتون
- يمان : كيف صرتي
- فتون : احسن
#كل العيلة قعدت تباركلن وتهنيهن وقعدوا يحددو موعد الخطبة ونور عم تبتسم وتحاول تمنع حالها من البكي
- نور : عن اذنكم شوي
- جليلة : لوين بنتي
- نور : بدي ارتاح شوي بغرفتي
- الهام : تركيها خجلت عروستنا من حكينا
- نور : ستييي
- الهام : حكي غلط
#طلعت نور بدون ما ترد وقامت فتون وراها
الكل كان عم يخطط اما يمان ويوسف فكانو بالمكتب عم يفكرو بطريقة ليخلصو من عدوهن .
راحت فتون لعند نور وفتحت الباب كانت عم تبكي
- نور : مين سمحلك تفوتي كيف بتفوتي اصلا بدون ما تدقي الباب انقلعي انقلعي برا
- فتون : ليش هيك عملتي
- نور : شو عملت هاد الناقص تجي تحاسبيني
- فتون : انا ما عم حاسبك بس حابة قلك لا تعملي هيك شي .. لا تربطي حياتك بشخص ما بتحبيه
- نور : مين قال ما بحبو
- فتون : نور انتي يلي بيتطلع بعيونك بشوف يمان هلأ صرتي تحبي يوسف
- نور : لك انتي شو دخلك

#الحلقة_الرابعة 4

قلت لبابا حسيت في حد لمسني بالحمام .. حسيت بإيد على جسمي وأنا مو ?بسه .. ساجد تطلع فيه وقال لبابا بنتك نجنت ..! شو هالك?م؟ ! شو بتخبصي .. قلتله صدقوني وحياتكم حسيت بحد قرّب مني وكأنه أدين قرّبت من جسمي ولمستني وضلت تقرب وأنا ابعد لحد ماوقعت على ا?رض وصرخت .. أنا مابكذب .. تطلع بابا بماما وقلها .. شفتي آخرة قعداتك مع نداء مرة اخوي .. شفتي شو جابتلنا .. كيف بتدخلي هالدجالة على البيت .. شو عملت للبنت شو ساوت ..!! حكتله المرة ماعملت شي .. بالعكس قالت انه في عين علينا وك?م خطر .. قلها ك?م خطر قلتيلي .. والله ?خرب بيته ?خوي هوه ومرته .. طلع بسرعه من البيت معصّب وساجد لحق وراه وانا ضليت مع ماما .. صارت تقرأ عليه وتدعي وتقلي اهدي بنتي .. فهميني شو اللي صار مرة تانية .. قلتلها امي ماتتركيني .. بترجاكي انا خايفه .. ضلت حاضنتني .. وأنا عم ببكي وجسمي كله عم بنقط مي وعرق من الخوف بنفس الوقت .. حاول ساجد يمنع بابا مايروح لبيت عمي خصوصاً انه الساعه كانت عشرة بالليل .. ويمكن يكونو نامو .. بس بابا شافني بهالحالة ماقدر يصبر وقرر يروح يحاسب مرته على عملتها .. بس أنا كنت حاسه انها ماقالت شي غلط .. ?نه كل شي صار من الصبح لهاللحظة ما اله غير تفسير واحد .. انه فع?ً في شي غريب عم بصير .. مرت ساعة وأنا بحالة ذهول وخوف .. رجع بابا مع ساجد عم بصرّخ وبقول اخوي يعمل فيه هيك عشان مرة .. طيب والله ?قاطعه ومابرجع بحكي معه .. ساجد هدّاه وامي فهمت منه .. قلها انه مرته طلبت منه يقلعني ?نه البصارة ك?مها صحيح .. وبناتك فيهم شي .. وغلط فينا وقالت شوفو مين مجننكم ? تحطو الحق علينا .. نحنا ساعدناكم وجبنالكم وحدة شاطرة بتكشف اللي صايبكم .. بابا طلع من بيت عمي معصّب وأنا ماكنت خايفه غير إنه ما أقدر أحكي مع ريّان المطرب .. برغم حا?ت الرعب اللي عم عيشها بهاللحظة بس بالي عند حلمي ونفسي بأي دافع من أي شخص يساعدني .. بابا قلي انتي عم تهلوسي بنتي .. مافي شي متأكد ك?م هالمرة خربطك .. نامي بنتي والصباح رباح .. واذا بدك امك تنام عندك خليها .. قلتلها ? خلص بنام لوحدي .. أنا بعرف امي مابترتاح على تختي .. مابدي أتعبها .. قامو كلهم ليدخلو جوا .. وفجأة دخلت ميس لعنا وبإيدها شي .. قالت أسماء .. حلمت حلم خوّفني .. وصحيت مفزوعه .. كنا أنا وياكي واقفين على جبل عالي وعم نشد إيدين بعض لنوقع بعض .. كأنه كل وحدة بدها التانية توقع قبل .. وكان وجهك تعبان .. وحلمت بقطتي زيزو وحتى تهيألي صوتها عم تموّي قريب من شباك غرفتي لهيك صحيت خايفه .. ليش كلكم هون ؟ ..! قلتلها شو بإيدك؟ قالت هاد قميص نوم ?لك لقيته عند باب غرفتي .. يمكن وقع من ماما وقت ضبت الغسيل
يتبع ..

#ما_وراء_الجريمة
#الحلقة_الرابعة
@rwayate
#الكاتبة : #زينب_كوجار 💜🐥
..
..
..

#بعدين بلشو شيراز وناديا يحطو الكهربا ع جسمو وهو يصرخ اكتر .. بكل صرخة كانت شيراز عم تتذكر اختها .. كيف عذبوها كيف ماتت كيف قتلوها بلا اي رحمة .. كان الحقد عليهن عم يزيد جوا قلبااا
- ناديا : بظن حاجتو اليوم
- شيراز : ما شفي غليلي
- ناديا : لا تخافي لسه في اساليب كتير
#تركوه وهو مو بوعيو
تاني يوم راحت ع الشركة وتصرفت كتير عادي
ولما رجعو هي وناديا ع المكان يلي حاطين فيه زيد
- شيراز : اشتقتلي مو
- ناديا : اكيد اشتقلنا كتير
- شيراز : شو رأيك شو ممكن نجرب عليه اليوم
- ناديا : اختاري
- شيراز : عم فكر شغل فيه نار .. وبرد منو بنتدفى
- ناديا: فكرة حلوة بس عم فكر لو بنقص اطرافو بالاول
- شيراز : عنجد شي بحير
- زيد : عم تحاولو تخوفوني .. رجالي بكونو عم يدورو علي
- ناديا : طيب اول شغلة بحب قلك انو صح فعلا رجالك عم يدورو وتاني شغلة انك اليوم ميت
#توتر زيد من كلام ناديا وما عرف شو يعمل ..
#مسكت شيراز جوال زيد وبعتت رسالة ل ادهم بتقول: ليك ادهم رح اعطيك من الاخر بدي مقابل سكتوي 100 الف دولار اذا موافق رح ابعتلك عنواني ..
- ادهم : موافق
- *************
- ادهم : ساعة ونص وبكون عندك
- ماشي
________
#مسكت ناديا مسدس وضربت رصاصة بكتفو ورصاصة برجلو
- ناديا : انا بدك تقتلني يا خاين
@rwayate
- زيد : ناديا لا تنسي كل يلي كان بينااا
- شيراز : وانت تنسى عادي
- زيد : لا تدخليي
- ناديا: انت ما تدخل
#ضربت رصاصة براسو
وبعد #ربع ساعة تأكدو انوو مات وطلعو من المكان بدون ما يتركو ولا اثر عليهن وخبرو الشرطة عن جريمة قتل
.....
#وصل ادهم بدون حرس وفات ع البيت كان بيت شبه مهجور
- ادهم : هي نهايتك يا زيد تقعد بهيك مكان
#فات لجوا وبلش يصرخ ع زيد ويدور عليه لحتى لقاه ع الارض وغرقان بدمو .. قرب عليه لقى مسدس محطوط ع الكرسي وتحتو ورقة .. مسك المسدس وضربو بالحيط ومسك الورقة وكان مكتوب فيهاا : حياة حلوة بالسجن ♡
بنفس الوقت وصلت الشرطة والاسعاف .. حاول يهرب ادهم بس ما قدر لان الشرطة كانت محاوطة المكان كلو
الاسعاف اخدت الجثة وراحت والشرطة مسكت ادهم ولقت المسدس كمان يلي عليه بصمات ادهم وهيك صار اثبات قدام الكل انو ادهم قاتل زيد
حطوه بالسجن وخبرت مروة وعروة وراحو لعندو وخبرت صفا مرتو ل زيد انو زيد مات وانو ادهم يلي قتلو وركضت بسرعة ع المشفى وعملت حالا الزوجة المخلصة وصارت تبكي وتبكي وطلبت تشوف زيد وعملت حالا مهتمة بالموضوع كتير
باليوم التاني كانت صفا بقيانة بالمشفى كرمال الصبح تاخد جثة زيد ويتم دفنها.. وهي طالعة كانت الصحافة واقفة ع باب المشفى ..
- صفا خانم
@rwayate
- صفا خانم ممكن تردي علينا
- صفا خانم معقول ادهم قتل زيد وشو السبب انو قتلو رغم انهم كانو رفقة
- صفا : انا صح تعبانة وانا بوضع ما بيسمحلي اشرحلكم لكن بحب خبركم انو زيد مات مظلوم وانو ادهم قاتل .. قتل كتير ناس مو بس زيد وهلأ القانون رح يحاسبو الله لا يسامحك وادهم طلب من زيد شغلات كتير مخالفة ل نظام هالبلد ولما زيد رفض وهددوا ب انو رح يفضحو متل مو شايفين قتلو ل زيد بكل دم بارد الله ينتقم منك
- صفا خانم ممكن يكون في شركاء تانين
- صفا خانم بس سؤال
- صفا : اذا سمحتو بعدو بدنا نطالع الجثة وندفنهاا
___
#كانت قاعدة ع الكنباية واللابتوب قداما وعم تحضر حكي صفا .. ابتسمت وصارت تصفق وتصفق وتضحك
- شيراز : واو طلعتي شاطرة بالكذب كمان برافو برافو .. بس في مشكلة وحدة انو انا اذا شفت حدا وانا بعرف الحقيقة ما بقدر اسكت لهيك رح عزيكي بطريقتي الخاصة .. اما ادهم ف تحت المراقبة ما رح يأثر اذا تأخرت عليه كم يوم ..
#قامت ع الغرفة وجابت الصندوق وطالعت منو كرت ذاكرة مرقم ب 3 وطلعت من البيت ومشت لصحافة قريبة .. تلتمت وفاتت عطتهن كرت الذاكرة وقالت شي بيعجبكن وطلعت بسرعة واختفت ..
كانت ناديا ناطرتا بسيارتها بالشارع التاني
- ناديا : طمنيني مشي الحال
- شيراز : مشي .. افتحي مواقع التواصل خلينا نشوف
#كان عنوان واحد متصدر كل مواقع التواصل الاجتماعي وهو#خيانة_صفا ..
بالفيديو يلي عطيتن ياه كان موجود خيانة صفا ل زيد ومع ادهم .. بالفيديو مبين انو صفا وادهم على علاقة وحتى كانو عم يحكو عن طريقة يتخلصو فيها من زيد ومن مروة بنفس الوقت
#الفيديو خلال ساعة كان منتشر بكل البلد وكان عليه عدد كبير من المشاهدات
_______
#صفا مسكوها بالمطار ب اخر لحظة كانت عم تحاول تهرب برا البلد وحطوها بالسجن باعتبارها شريكة بجريمة القتل ومروة وعروة ما عاد اعترفو على ابوهن ابدا
- ناديا : وهلأ شو
- شيراز : ولا شي
- ناديا : كيف ولا شي !
- شيراز: خلي مواقع التواصل تتفرفد بالخبر شوي من هون ل 10 ايام ما رح نعمل ولا خطوة رح نترك كل شي ع حاله وبعدين بنشوف
@rwayate
___________

#زواج_بلا_مشاعر 💔

#الحلقة_الرابعة ..

صار 3 أشهر متزوجين بالورق بس .. وعلاقتنا كانت سطحية جدا" .. الكلام مع بعض بالصدفة .. يعني بس بالشديد القوي.
دقتلي اختي قالتلي طلبي من جوزك تنامي عنا كم يوم والله قلبي ناطف عليكي وعالقعدة معك 😢
رحت لعندو قلتلو : ((وائل)) تسمحلي نام يومين عند أهلي ..
قلي : أي روحي
مابعرف كيف ركضت عليه من فرحتي وبستو على خدو 🙈
هوي تفاجأ من هالتصرف ..وأنا استغربت من حالي 🙊
المهم اخدني لعند أهلي وضليت أسبوع كامل .. فرحت كتير عندون .. كان الي 3 أشهر قليل لشوفون لانو بعاد عني
بس رجعت عالبيت لقيتو متل العادة حزين .. بس وقت شافني حسيتو فرفش ونغنش 😁
فز سلم عليي وقلي والله البيت اشتقلك 😍
انا قلت بقلبي البيت ولا صاحب البيت😁
بعدين فتت على القاووش تبعي وضبيت وعلقت غراضي وقعدت عالنت فتحت فيس ..
قعدت أعمل فتلة بالكروبات لقيت منشور عن وحدة عما تحكي عن الجن والاشباح كيف بتطلع بليل .. ولي تعوذت من الشيطان وسكرت النت وطفيت الضو بدي نام 😨
افتل يمين حس شي عما يتحرك ..
دور شمال أتخيل الجن قاعد ادامي عما يدبكو ويرقصو على غنية هزي بخصرك هزي. سهم بقلبي غزي 😅
ياربي دخيلك على هالليلة كعوكت حالي عالتخت وماكنت اغفى ماخليت معوذات وآيات إلا ما قرءتا وضليت خايفة😭
سمعت صوت صفير ... هون فقعت معي وطلعت برى الغرفة وصرت اصرخ وااااااااااااائل
وائل فز على اربعتو قلي شبك؟ لا تقليلي صرصور . قلتلو خايفة من الأشباح ..
قلتلو خليك معي ولا تتركني 😢
شافني كتير مرعوبة قرب عليي وهوي متردد بعدين حضني وقلي لا تخافي انا معك ..
قلتلو: لا تتركني بدي نام حدك
وبالفعل نمت وغفيت على حضنو وعنجد وقتا حسيت بالأمان ..
فاق الصبح لبس تيابو وراح على شغلو ..
جهزت الغدا... بس صارت 5 وما اجا عالبيت ورح تعتم الدنيا وماكان يجي .. غلي قلبي عليه ما بعرف ليش .. يمكن العشرة ..
خفت يكون لموه احتياط😅.. أو صار شي معو لا سمح الله ..
بدي دقلو بس مستحيل تصدقوا اذا قلتلكون رقمو مو معي ...
اجا عالساعة 9 ركضت عليه بلهفة قلتلو وينك لهلئ غليت قلبي عليك .
قلي: كنت عند أهلي في مشكلة وحليناها ..
رجع ابتسم وقلي : عنجد غلي قلبك علي 😊
مابعرف كيف فتت بالحيط وفورا" ركضت خجلانة على غرفتي...
صرت حس في كتير شغلات تغيرت بمشاعري واحاسيسي. بصراحة .. صرت اذا غاب اشتقلو
واذا مرض .. داويه
واذا انهم .. بنهم معو
وهوي كمان وقت روح عند أهلي حس عيونو عما تقلي شتقتلك... وقلبو عما يدق ❤
طلعت برى الغرفة قام قلي تعي نشرب قهوة عالبرندة بكرة عطلة عندي شو رئيك ؟؟ .. بالفعل .. هوي راح جاب من البراد بسكوتين
وأنا عملت قهوة وقعدنا نتصفن ببعض 😁 ضلينا لل 4 الصبح سهرانين عما يحكيلي عن شغلو بالهندسة. صار في قرصة برد .. ركض جبلي شرشف ورماه ع كتفي لاقاني غفيانة وانا متركية على حفة البرندة .. حملني على مهل عشان ما اصحى وراح شوي شوي على غرفة النوم .. أنا حسيت عليه وصحيت عيونو بعيوني .. ونفسو على نفسي ..
للحظات حسيت انو كلشي مشاعر قبل ماتت وتلاشت وخلقت من جديد... بنظراته حسيت بالأمان والراحة ..
حسيت انو قلبي خلق الو بس .. وهوي كمان حسيت بقلبو عما يخفق ..
ملامحة بتجنن حتى ما عاد انتبهت انو فيه تشوه .. وتأكدت انو التشوه الحقيقي هو بالأخلاق بس ..
وإنو الإنسان بصدقه ومعاملته بيقدر يخلق حياة ناجحة ...
تركني وطلع من الغرفة ..
يمكن ترك حالو يفكر ... أو يعطيني فرصة فكر ..
بعد نص ساعة حسيت في خيالو من الباب بدو يفوت على غرفتي بس تردد
وانا كمان رحت بدي افتح باب الغرفة وكمان ترددت ورجعت ..
أخر شي قويت قلبي وحطيت أيدي على مسكة الباب وفتحنا الباب سوى😍
كان واقف كمان ... صفنا ببعض وقلنا لبعض بنفس اللحظة (( انا بحبك )) يااااااه شو ضحكنا😂🙈❤
وكانت أجمل ليلة من بعد 4 أشهر ونصف زواج ...
كان درس النا انو الإنسان لازم ما توقف حياته على أي شخص راح ..ولازم يكون عنا ثقة ويقين انو رب العالمين اذا حرمنا من شي اكيد بكون اختارلنا الأفضل لنكفي حياتنا ❤
وإنو الإنسان ما بيعبو شكله الخارجي على قد ما بتعيبه أخلاقه اذا كانت هشة ❤
#النهاية ..💙

#madeha