قصة اليوم: #عيون_الحب
.............
قراءة ممتعة🦋💙"
#ⴅÂÐЄĦÂ

#عيون_الحب
#الجزء_الثامن
#بقلمي_امل_احمد_سلوم

*╚══════ღღ══════╝

تحرك منذر بسيارته وهو بيسترق نظرات خبيثه على هنار يلي كانت فاقده الوعي ونايمه بالكرسي

منذر : يخرب بيت جمالك مابلوم مراد وقت يقتل حاله عليكي

شد ع مقود السياره وزفر بضيق…. من طول عمرك يامراد بتحصل على اي شي بتتمناه حتى دارين يلي حبيتها وكنت مستعد اعمل اي شي لحتى تحس بحبي .. تركتتي وركضت وراك انت
اليوم رح اكسرك وللابد اليوم حتكون هالحلوه مرتي انا واتمتع انا بجمالها الفاتن

طالعه من تفكيرو رنة موبايله، وبسرعه تناوله وفتح الخط

منذر : اهلين دارين
دارين : شو صار معك خلصت عليها
منذر وهو بيطلع بمرايته الاماميه على هنار… .. بصراحه لا
دارين بغــضب : وليش لااا
منذر : ماطلعت من بيتها لحد هلأ شو اعمل انا
دارين : هففففف الحق عليي اللي اركنت على واحد غبي متلك
منذر : هلأ انا غبي ياروحي شو رأيك اجي لعندك وبعدين بنكفي خطتنا
دارين : لا يابعدي انا راجعه عالبيت ووقت تنفذ يلي طلبته منك بيصير حكي تاني
منذر : بس انا مشتاقلك و
دارين : هاد اللي عندي… لما تخلص مهمتك رن عليي وغير هيك انسى عم تفهم
منذر : فهمت

سكر الخط وابتسم بخبث… اي ارجعي لبيتك وهو المطلوب… خليني اخد راحتي مع القطه

*╚══════ღღ══════╝

بهالوقت وصل مراد وياسين لبيت حسين ودقوا عالباب

حسين : اهلين ابني… . اهلا يا…

ياسين : حضرتك مو متزكرني انا ياسين رأفت يلي ساعدت بنت حـضرتك يوم الحفله
حسين : ايه ايه اهلا وسهلا تفـلضوا
مراد : عمي ممكن احكي مع هنار
حسين : و •اللّـہ̣̥ يا ابني هنار مو هون راحت ع المول وهلأ بتجي تفضل استناها جوا مو حلوه وقفتكم ع الباب

فاتو لجوا وقعدو بالصالون ومراد حاسس بضيق واختناق وبقي مسلط نظرو ناح باب الشقه وناطر هنار تفتح الباب واطل منه

*╚══════ღღ══════╝

وبشقة شقة منذر ،،،
استغل منذر الهدوء ب المنطقة يلي ساكن فيها وحمل هنار وطلع فيها على شقته
فات على غرفة نومه وحطها بهدوء على التخت وربط ايديها واجريها وكمم تمها ،،
منذر : نورتي بيتك يا عروسة … اكيد امي داعييتلي ب ليلة القدر لتوقعي بين ايديي خليكي هون يابطه شوي وراجعلك

نزل منذر من شقته ليجيب لوازم السهره قبل ما تفيق هنار ...وماكان بيعرف انها دارين كانت بعدها بشقته !!!!!

*╚══════ღღ══════╝

وببيت محمود الشامي… كان الكل قاعد ومتوتر ب انتظار جيت مراد وياسين بعد ما اتصل المحامي ب محمود وخبرو انه الشرطه اطلقت سراحهم

يمنى: مطولين مراد وياسين و •اللّـہ̣̥ مشغول بالي عليهم؟
عبير: اصبري شوي امي هلأ بيجو
قربت إيمان من يمنى وهمست بدانها : طبعاً بدك اياهم يوصلوا بسرعة لتكحلي عيونك بشوفة حبيب القلب،
ردت يمنى بنفس الهمس: إخرسي طيب
عبير: بتعرفوا... مراد غلط كتير بحق هنار ولازم يصالحها لانه زعلها وجرحها كتير بدون زنب
محمود: معك حق ولازم نستعجل بموعد زواجهم
يمنى: ياريت بابا... وهنار بنت مافي منا وما بتستاهل الا كل خير

ايمان: اصلا هي حوينة بمراد

عبير: شو بحبها وبعزها هالبنت ادب واخلاق وجمال

محمود: الله يحفظهم من كل سوء... لا تستقلي بابنك …. صح هوي عصبي كتير لكن قلبه طيب و البنات حواليه متل الفراش بيتمنوا رضاه
يمنى: اي و •اللّـہ̣̥ اخي مراد زينة الشباب
عبير : ابن عمي شو رأيك نعمل عزومه كبيره ونعزم هنار واهلها واختي مريم ودارين
محمود بعجل : مابدي سيرة هالمخلوقه تنجاب ببيتي
ساد الصمت لثواني وتبادل الكل نظرات التساؤل
عبير : شو قصدك ابن عمي!!
محمود بلعثمه : مــ مافي شي
عبير : لا في وهلأ بدك تقلي شو الموضوع
محمود : عبير… قلتلك مافي شي خلص سكري ع السيره
عبير : لا مارح سكر عالسيره محمود وهلأ بدي اعرف ليش حكيت هيك عن اختي
محمود بغضب : لانه اختك المحترمه هيه يلي حبست مراد وياسين فهمتي هلأ ليش مابدي تفوت لبيتي…
عبير بصدمه : شوووو !!

*╚══════ღღ══════╝

مرت نص سَـآعــهْْ على وجود مراد وياسين ببيت حسين وبلش مراد يحس بالقلق فعليا

مراد : كأنها طولت عمي
حسين بتوتر : بصراحه طولت كتير المول قريب المفروض زمان رجعت
وقف مراد بعجل… انا رايح شوفها بالمول وجيبها
حسين : ياريت ابني لأنه قلبي بلش يغلي عليها

بهاللحظه بيندق الباب وبيهرول حسين ليفتح ووراه مراد وياسين وبيتفاجأو بالسيكيورتي تبع العماره

حسين : شو في مهند !!
مهند : سيد حسين لقيت هاد المفتاح بحد سيارتك الضاهر وقع منك وانت مو منتبه انا عرفت انه ل الك من المداليه
حسين بصدمه : مفتاح سيارتي !!!!

بيمد حسين ايدو وبيمسك المفتاح والصدمه واضحه علـّۓ وجهو
حسين : ازا المفتاح هون كيف طلعت هنار بالسياره !!!
مهند : عفوا سيد حسين بس سيارة حضرتك موجوده بالكراج
وقعت صينية العصير من ايد صفيه وصرخت… . وينااا بنتي. ويناااا هنااااار

ماعد في مجال للشك… هنار بخطر !!!
انتفض قلب مراد وزاح مهند عن طريقه وتحرك بسرعه عالكراج ولحقوه الكل

حسين : هي سيارتي فعلا موجوده .. لكن وين راحت البنت

#عيون_الحب
#الجزء_الثالث
#بقلمي_امل_احمد_سلوم

*╚══════ღღ══════╝

بعد مرور اسبوع التقى حسين بمحمود بالغرفه التجاريه

حسين: اهلين محمود شو وينك من يوم العزومه ماعاد شفتك ولاسمعت صوتك بس ما طبيخ الحجه ماعجبك ؟؟؟
محمود بفرحة: اهلين فيك اخي حسين والله مشاغل ،،، بعدين ليش بتحكي ع طبخ الحجه لك والله نفسها بالطبيخ مالو حل ...
-حسين: طمنتني… المهم شو اخبارك انت والعيله صحيح مراد ابنك وينو لي مو جاي عالاجتماع ؟؟
محمود : ايووا انت هيك قربتلي الطريق
حسين : طريق شو !!
محمود : بالنسبه لمراد ابني.. انا كنت بدي احكي معك بموضوع بيخصه
-حسين بقلق : خير محمود شو في قلقتني ؟؟
محمود : لأ اطمن ، ان شاء الله خير ، بس الكلام مارح ينفع هون بنص هالدوشة… انا بتصل فيك وبنحدد موعد لنحكي بهدوء
-حسين : اي وانا بالانتظار ان شاء الله....

*╚══════ღღ══════╝

المسا ببيت حسين

صفيه : يعني هو مالمحلك شو بدو منك ؟؟
-حسين: لا ابدا .. حكالي انه بدو يحكي معي بموضوع بيخص ابنه مراد
صفيه : الله يستر ياترى شو القصه
ابتسم حسين وتناول فنجان القهوه واخد منه رشفه وحكا بهدوء : انا حاسس انه في اخبار حلوة
صفيه : مع اني انا كمان حاسه بس بدي اعرف انت بشو حاسس
-حسين: كلام بسرك انا حاسس ان محمود حاطط عينه على وحده من البنات لابنه مراد
صفيه : هاد يوم المنى ان شالله يكون هيك
-حسين: ششششش وطي صوتك مابدي البنات يحسوا بشي لحد ما نتأكد
صفيه : حاضر يا حج… الله يجيب اللي فيه الخير
حسين : اللهم امين..

*╚══════ღღ══════╝

وتاني نهار بالشركه

كان مراد كان منشغل بتوقيع بعض الأوراق
مراد : خلص انسه ريم انا خلصت من هي الملفات ، ابعتيهم للاستاذ معاذ بالشئون القانونية ليتأكد من صحة العقود
-ريم: حاضر مستر ، تؤمرني بشي تاني
مراد : لا شكراً ،
ريم : صحيح مستر مراد… مستر محمود حكالي بلغك تروح لعندو بس تخلص شغلك
مراد : تمام ولو سمحتي احكي للعم منصف يعملي فنجان قهوة وياخدو لمكتب ابي
-ريم: حاضر مستر مراد عن ازنك
مراد : اتفضلي

*╚══════ღღ══════╝

فات مراد لعند ابوه ولقيه بيحكي مكالمه ومنسجم… وضحكته ماليه وجهو… .
قعد قباله لحتى خلص مكالمته

مراد : لك الله مايحرمني من هالضحكه ياحق خير محمود بيك شو سر هالابتسامه العريضه كسبنا مناقصه وماعندي خبر ؟؟
تحرك محمود من مكانه وقعد عالكرسي اللي قبال ابنه: خير ان شاء الله ابني انت عارف يا حبيبي انك غالي عندي ونفسي افرح فيك واكيد بفرح وقت تكبر بالسوق وتصير احسن مني بس هالمره كلامي مو عن الشغل والمناقصات
مراد : شو القصه ابي هالمقدمة في وراها شي
محمود : ليك ابني .. انا وامك عم نكبر ومو دايمنلك ونفسنا نفرح فيك ونشوف ولادك قبل مانموت
مراد : بعيد الشر عنكم ابي.. بس انا مو ببالي موضوع الزواج هلأ
محمود : انت مو ببالك ، بس أنا ببالي وخلص لاقيتلك عروس حلوه وبنت ناس محترمين جدااااا ،وانت كمان شفتها وعارفها وانا حكيت مع ابوها وفاتحته بالموضوع
مراد بنرفزة: شووووو. كمان حكيت مع ابوها… ومين تعيسة الحظ ان شاء الله ؟
محمود بفرحة: مي
مراد : مي مين ؟؟
محمود: لك شبك ماحلك تنساها مي .. مي .. بنت عمك المهندس حسين
مراد فتح عيونو بدهشه.. قصدك هديك البنت المايصه النايمه على حالها
محمود: ايه، هي هيه ، ها شو رأيك فيها ، حلوة ومتل القمر صح ؟؟ وأبوها صديق عمري وامها ست محترمة لا وشو اختها تربية خواجات وحكايه
مراد باستخفاف: اي واضح فعلا نسب بيشرف أي حدا
محمود: اي لكن ابي… ها شو قلت ايمت بتحب نروح نقرأ الفاتحه

ضرب مراد ايدو علـّۓ المكتب وحكا ب انفعال

مراد : فاتحة شوووو ابي .. انا بعتزر انا مو موافق
محمود : نعم شو عم تحكي !!
مراد بحدة: انا مو موافق اني اخطب مي بنت حسين صاحبك يلي امها ست محترمه واختها هه تربية خواجات 😏
محمود بصراخ : ولد !! ، انت نسيت نفسك ، احكي مع ابوك ب ادب
نزل مراد راسه : انا أسف ابي بس برضو مو موافق على هي الخطوبة
-عقد محمود حاجبيه وصرخ بحدة: حتروح تخطبها غصب عنك سواء رضيت ولا مارضيت ، انت فاهم
مراد : بس يابي انا
محمود : سمعتني شو حكيت !!!! انا مارح اخسر صاحبي و شغلي مشان عنادك ودلعك ولا بدك اطالعني ولد صغير قدام الناس !!!
مراد :
محمود : ارجع ع مكتبك وفكر بكلامي واعمل حسابك بكرا رايحين نخطب البنت

وقف مراد وهو شادد على قبضته وطلع من مكتب والده وهو بقمة غضبه بدون مايرد عليه بحرف ،

*╚══════ღღ══════╝

دخل مراد على مكتبه وهو منرفز ومو طايق حاله… واول ماقعد ورى مكتبه كبس ع الزر يلي بحدو وحكا بحده
مراد : ابعتيلي ياسين فورا
ريم : امرك مستر مراد

انحنى بجسمه الكرسي وبلش يحرك فيه شمال ويمين وهو بيفكر بحل للمصيبه اللي رح توقع عراسه

مراد : شو هالوقعه هي وليش ابي مصمم هالمره اني اتزوج !!

#عيون_الحب
#الجزء_العاشر_والاخير
#بقلمي_امل_احمد_سلوم

*╚══════ღღ══════╝

اخيرا اجا الًيَوُمًِ اللي بيحلم فِيَھ ياسين وكان ناطرو بالدقيقة وبالساعة واليوم ..
كان متأنق ببدلة مأظهرتلو شبوبيتو بطريقة ساحرة ..وناطر يمنى عأحر م̷ـــِْن الجمر ..

بصالة كبيرة كلمة فخامة قليلة بحقها... المعازيم ناس من الطبقة المخملية... ضيافة راقية ... وديكورات خرافية... زينة هادية ومناسبة لعرس ابناء اتنين من اثرى اثرياء البلد.....
شوي وخفت الاضاءة واشتغلت موسيقى هادية لتعلن عن وصول العريس لحاله بالبداية... دخل العريس وسط اندهاش البنات بسبب جماله والكاريزما اللي بتمتع فيها... وقف بوسط البيست وكان بايده بوكيه ورد من الجوري الاحمر والجولت سوفيل الابيض... اكثر نوعين بتحبهم حبيبة قلبة ... وما هي الا دقايق بعدها ليعلنوا عن وصول العروس... اللي دخلت وهي شابكه ايدها بايد أبوها… سلمها لعريسها وسلموا على بعض

محمود: الف مبروك... مبروك عليك بنتي صونها واحفظ الامانه

ياسين:الله يبارك فيك عمي... ولو ما توصي حريص يمنى

سلم محمود على يمنى اللي ضمته وبللوا دموعها جكيت بدلته

محمود: الف مبروك يا بنتي...

يمنى~بتبكي~: الله يبارك فيك بابا
مسح دمعتها بطرف ايدو وابتسم
محمود : لشو الدموع بابا هي خطوبه مو عرس
يمنى : انا بحبك كتير بابا
محمود : وانا بحبك ياضي عيوني .. ماعندي اغلا منك ومن اخواتك
رجعت يمنى تبكي وتضم ابوها من جديد
محمود بمزح : تعال خود خطيبتك رح تقلبها دراما

لف محمود ظهره وراح اما ياسين ركع على ركبته وقدم بوكيه الورد ليمنى بعد ما مسحلها دموعها بايديه

ياسين: اخيرا تحققت امنيتي... اليوم احلى يوم بعمري يا عمري

يمنى خجلت وما عرفت شو ترد واكتفت انها همستله ب: شكرا

ياسين:بربك يمنى صرلي ساعة بتغزل فيك وهيك بتردي عليي

يمنى~بارتباك~: خلص خلص لا تزعل انا اسفة... الله يخليلي اياك حبيبي

ياسين: هيك من الأول... خلص بكفي همس عيون الكل مسلطه علينا ~وباس راسها~

يمنى~ابتسمت بخجل~...ومسكت ايد خطيبها وتوجهوا عالمكان المخصص للعرسان

مراد: مبروك اخي ياسين ..دير بالك على اختي ولا
ياسين: •اللّـہ̣̥ يبارك فْيَگ ميرو ..عقبالك
مراد: •اللّـہ̣̥ كريم ياسين ..
ياسين «بيتلفت »:ما اجت؟
مراد «اتنهد بأسئ»:بالظاهر مابدها تجي .. مابلومها
ياسين «ابتسم »:اي لاتكون كتير متأكد ميرو... اتطلع وراك
مراد التفت واتفاجأ بـ هنار داخلة م̷ـــِْن باب الصالة مع أهلا ..
بقي مسلط نظرو عليها وكأنه الصاله خلت من الناس .. فستانها الاسود المرصع بحبات اللولو وتسريحة شعرها الناعمه زادتها نعمومه وجاذبيه
انبسط ورجع قلبو يخفق بصدرو بس رجع شافها ..
ياسين: شو لسا واقف عم تعمل ..روح عميل واجبك واستقبلهن ..
مراد «بتوتر »:اه ...اي يلا .. گ كيف شايفني
ياسين: بتاخد العقل ميرو ..يلاا روح ..

اتوجه مراد بخطوات بطيئة لعندهم ...
مراد: يا اهلا وسهلا عم حسين .. اهلا وسهلا خالة صفية نورتو
حسين: نورك سابق ابني ..انشالله الف مبروك خطبة اختك
مراد: •اللّـہ̣̥ يبارك فْيَگ عمي وعقبال هنار ومي ..
هنار: ...
صفية «ابتسمت »:وعقبالك كمان ابني ..

اجت عبير ام مراد وبنتا ايمان ومحمود ليكملو الاستقبال ويعملو الواجب ..
محمود وهو بيحضن حسين : يامية اهلا وسهلا ب اخي وحبيبي
حسين : اهلين فيك اخي محمود وان شاء الله الف مبروك وعقبال ايمان ومراد
تلفت محمود ناح هنار ورد… ان شاء الله اخي حسين…… ..ومد ايدو لهنار… .اهلين هنارر كيفك
هنار : الحمد لله
كانت حاسه انه محمود ماسك ايدها بقوه واحكام ومركز نظرو عليها وكأنه عم يحاول يوصلا رساله بنظرة عيونه الحنونه

عبير: يا اهلا وسهلا ست صفية ..
صفية: وفيكي حبيبتي ..مبروك يا البي
عبير: •اللّـہ̣̥ يبارك بعمرك وعقبال الصبايا
صفية: بوجودك اختي ام مراد ..
عبير: تفضلو ...يا اهلا وسهلا ..فوتو يابنات ..
مراد : كـ كيفك هنار
هنار بلعثمه وعيونها بالارض… تــ تــمام
ايمان : تعي ميوش خليهم ياخدو راحتهم وخلينا نروح عالبيست يالله
مي بضحكه : ههههه يالله

كان الاستقبال حفيف وحلو .. مع نظرات الشوق الفاضحة بعيون هنار ومراد ..

في عينيها إنكسار وأطيافُ حلم ..
لا هوَ يتحقق ولا هيَ تيأس منهُ أبداً.

لحظات صمت قاتلة مرت عليهم وهنن واقفين قبال بعض ... نظرات عيونهم كانت كفيلة انها تصلح الشرخ اللي تسبب بهالجفا.. لاحظت هنار م̷ـــِْن خلال هاللحظات التغيير الواضح اللي صاب مراد بشكلو وحتى بتصرفاتو ...
مراد «بتردد »:بتحبي وصلك عالطاولة؟
هنار«هزت راسها شمال ويمين »: لٱ ..بروح لحالي ..عن ازنك ..

اتجاوزتو ولحقت اهلها وهو ضل واقف مكانو مكسور ..
مراد «بقلبو »:لَيــِْـِْش. مصرة تصعبي الأمور عليي .. والله تعبت م̷ـــِْن برودك..

اتنهد ورسم ابتسامة خفيفة عشفافو ورجع التفت ومشي ..

#عيون_الحب
#الجزء_الرابع
#بقلمي_امل_احمد_سلوم

*╚══════ღღ══════╝

شرقت هنار وقت سمعت مراد عم يطلب ايدها ، والكل صابتو الدهشة
هنار : شوووو 😲
محمود: نعم 😲
عبير : مين 😲
: هاااه 😲
-حسين: هنار؟؟؟😲
صفيه: معقووول😲 ؟؟؟
ايمان : كيف !!😲
يمنى : بس !! 😲
انا : 😲😲
انتو : 😲😲😲
الشرق الاوسط : 😲😲😲😲

مراد بتحدي: اي عمي شو رأيك ؟
-حسين: آآآآ... بصراحه ... انت فاجئتني يعني، أنا كنت .....
صفيه مقاطعة: اي وليش لأ ابني
هنار بعصبيه : لأ أسفة أنا مو موافقة ، عن ازنكون

تركت هنار غرفة الصالون والكل بعدهم بيعانو من الدهشة ومو مستوعبين الشي اللي صار وقامت مي لحقت اختها
حاول محمود يلطف الجو : احنا بيشرفنا نسبك يا حسين ، والتنين بناتك ولو كان عندي ولد تاني غير مراد كنت طلبت التنين ،ماهيك ام مراد ؟
عبير : أه .. ايه طبعاً ... طبعاً
-حسين: بعرف اخي محمود ونحنا كمان نسبكم بيشرفنا بس لازم رأي العروسة لالأول… وأولاً وأخيراً كل شي قسمة ونصيب
مراد : أرجوك عمي وافق
-حسين: ياابني أنا ماعندي مانع ازا وافقت البنت تعا اكتوب كتابك عليها وخدها ب اواعيها نحنا مشتري رجال
مراد : اعتبر كلامك موافقه مبدأيه
حسين: ان شاء الله خير ابني
محمود : طيب نستأذن احنا
حسين: لسه بكير ليكنا قاعدين
عبير : لايمل اخي حسين، وشكراً يا صفصف ع الأعدة اللطيفة هي
-صفيه: انستو وشرفتوا بيتكم ومطرحكم

وبغرفة الصبايا ،،،،
مي بحزن: يعني مراد كان جاي يطلب ايدك انتي مو انا ؟ لكن ماما ليش حكت انه جاي ل الي
هنار بضيق: وانا شو بيعرفني اساسا أنا مو طايقته ولا بدي ياه ..
مي : يا خسارة يا مراد ، انا كنت بلشت حبك ، واتخيلت بيتنا ونحنا بنبنيه سوا
هنار بنرفزة : حيلك حيلك هو انتي شوفتيني وافقت ، ما أنا قلتله لأ وقدام الكل .. خديه اشبعي فيه انا مااااابدي ياااه
مي : بس هو حكا بدو ياكي انتي !
هنار : مي ازا بتريدي اختي سكري عالموضوع اما مابدي ياه ولابدي اعرفه
مي : لك لتكوني مفكره اني زعلانه !! عادي و •اللّـہ̣̥ انا بس انجذبت لشخصيته ومتل ماراح بيجي غيرو… خلص وافقي اختي ولاتهكلي همي وغلاوتك مو زعلانه
هنار : لاااا الضاهر انتي جنيتي تصبحي على خير

*╚══════ღღ══════╝
سكر حسين الباب بعد ماودع بيت ابو مراد ورجع عالصاله هو ومرته

صفيه : شو رأيك يا حج باللي صار ؟
-حسين بتعجب: مش عارف والله يا صفيه انا متلك فتت ببعضي!
صفيه. : مو انت قلتلي انه ابو مراد طلب مي لابنه .. لكن يلي صار من شوي شو بتسميه؟
-حسين وهو بيحك دقنه بتفكير .. يمكن محمود فهم غلط ! ومراد كان بدو هنار من البدايه
صفيه : اي ممكن هيك فعلا
-حسين: شوفي المهم انه مراد رح ياخد وحدة من البنات ، والتنين بناتي وبكرا ربنا بيبعت نصيب مي وتلاقي ابن الحلال اللي يستاهلها
صفيه : قولتك هنار رح توافق !! هي قدام الكل رفضت
حسين : اخخ هي ماحسبت حسابها… عموما انا رح احكي مع هنار وشوف رأيها
صفيه : لا انا من رأيي تتركها حاليا عراحتها وبعد كم يوم بتحكي معها… لاتنسى انهم التنتين مصدومين ومابدي مي تزعل من اختها
حسين : فعلا معك حق كيف فاتتني هي

*╚══════ღღ══════╝

وبالسيارة ،،،،،
محمود : شو هاد يلي عملته مراد ؟ نحنا كنا متفقين انك تخطب مي ؟ مالك ومال هنار؟
مراد : مابعرف ابي هاد اللي صار حسيت حالي منجذب لهنار اكتر.
محمود : انت بدك تجنني انا قلتلك مي مو هنار
مراد : مي ولا هنار شو رح تفرق ابي مو حضرتك بدك ياني اخطب وأناسب المهندس حسين ، وهنار بنته خلص انا عملت اللي انت بدك ياه وبنفس الوقت طلبت البنت يلي ارتحتلا
محمود : الأمور مابتجي هيك بني ، في أصول .. الرجال شو رح يحكي عني هلأ ، أنا احكي معه على مي وابني يخطب هنار !!!!
مراد : من هالناحيه ماتقلق ابي انا رح احكي معه وفهمه انه كان في سوء تفاهم ..
-عبير : بس البنت حكت لأ وانها مو موافقه ، كيف مصمم تخطبها
مراد بثقة: لأ هتوافق

يمنى بهمس : فاهمه شي اختي
ايمان : انتي فاهمه شي
يمنى : هو مين بدو يتجوز مين
ايمان : يمكن ابوكي ههه
يمنى : هههه وطي صوتك بلا مايسمعونا ونعلق بلسانهم
ايمان : معك حق احنا شو خصنا اصلا 😁

*╚══════ღღ══════╝

بقيت هنار تتقلب طول الليل بفراشها وصورة مراد ماعم تروح م̷ـــِْن خيالها
هنار : هلأ لو جينا للمنطق لا انا بطيقه ولا هوي بيطيقني مممم اكيد عمل هالحركه قصدا وفي براسه شي وهالخطوبه حجه ليقدر يقرب مني وينتقم مني براحته
حطت ايديها تحت راسها وصفنت بالسقف
هنار : اي وليش لأ ياهنار متل ماهو عامل فيها الملاك البريئ قدام الكل وبالحقيقه هوي شيطان انا رح كيل بمكيالو واللعب نفس لعبته
ضحكت بمكر وهي بتهمس لحالها
و •اللّـہ̣̥ الهيئه رح اتسلى كتير معك يامراد… مو انت كاكيت عندي اي بيض لكان واتحمل ازا كنت بتتحمل لك مابكون هنار ازا مابطفشك من اول اسبوع وخليك تركع تحت اجريي وتقول حقي برقبتي 😈

*╚══════ღღ══════╝

#عيون_الحب
#الجزء_الخامس
#بقلمي_امل_احمد_سلوم

*╚══════ღღ══════╝

دقت مي عالباب بقوه وهرولت صفيه لتفتح واتفاجئت بمي وجهها اصفر متل الليمونه واول ماشافت امها تخبت وراها وهي بترجف
صفيه : شو في بنتي شو صرلك !!
مي : الحقيني امي بابا معصب وعم يتحلفلي انا وهنار
صفيه : ليش شو عاملين !!!
مي ( بتبكي) و •اللّـہ̣̥ ماعملت هي…

قبل ماتكمل جملتها وصل لمسامعها صوت ابوها الغاضب وهو ساحب هنار عالبيت
حسين : الضاهر ماعرفت ربيكم انا رح فرجيكي انتي وياها
تخبت مي وهي بترجف… خبيني يا امي خبيني و •اللّـہ̣̥ العظيم ماعملت شي
فات حسين عالبيت وهو بقمة غضبه وتوجهت لعندو صفيه بسرعه لتمنعوا عن بناتها لكنها اول ماشافت منظر هنار وقفت مكانها وبلمت 😲

حسين وهو بيدفع هنار ويفوتها عالبيت… . فوووتي انقبررري لشوف
هنار : يابابا اسمعني
حسين : اخررررسي لسه الك عين تحكي لك فضحتيني قدام الناس وسودتي وجهي
صفيه : لك شو هااااد مين عامل فيكي هيك

طلعت هنار عحالها .. كانت حافيه ووجها ملطخ بالكيك والطين وشعرها منكوش وتيابها حدث ولاحرج
هنار : انا ماساويت شي هاد مراد
حسين : شبوووو مراد اه بدك تتبلي عالرجال انا بعيوني شايفه واقف بعيد ومادخله بشي
هنار : صدقني هو اللي……

استوقف حديثهم رنة تليفون حسين

حسين : الو نعم… اهلين مراد… . يا ابني معقول هالاخلاق يلي عندك بعد كلشي صار عم تطلب مني ما اعاقب البنات !!! طيب ابني هالمره كرمالك مارح عاقبهم وياريت تعتزر للوالد ولاختك عالشي اللي صار…. الله معك ابني… سلام

نزل تلفونوا واطلع بهنار نظره حاده
حسين : مراد طلب مني ما احكي معكم بس و •اللّـہ̣̥ العظيم ازا بتكرر ماتلومي الا نفسك ومعك من هون لبكرا ترديلي خبر وبتمنى اسمع شي يبسطني… . انا رايح اندفس تصبحوا على خير
صفيه : يبعتلك حمى منك الها هيك مسودين وجه ابوكم… .. ياحج ياحج استنى جايه معك

اخيرا هدي الجو وطلعت مي من ورى الستاره
مي : خلصت المعركه
هنار ; المعركه الحقيقيه هلأ بلشت
مي : شو قلتي ماسمعت !!
هنار : مافي شي انا فايته اخد دوش
مي : هههههه وتيابك شو رح ينظفهم
هنار بثقه : مع تايد بالغسيل مافيش مستحيل 😌

توجهت لغرفتها وطالعت تياب نظيفه وسحبت المنشفه وفاتت عالحمام
كانت عم تغلي من القهر ونزلت تحت المي البارده بتيابها وبقيت شارده بفكرها وحبات المي عم تضرب وجهها بخفه وبعد مده فتحت عيونها وهمست بغل
هنار : ازا مابخليك تندم عالساعه يلي شفتني فيها مابيكون اسمي هنار… بدك تخطبني كم يوم لتتسلى فيي وبعدا تفركش مفكرني غبيه ومو فاهمه شو عم بيدور براسك المطنجر… اي شو عليه رح وافق عليك بس استنى المفاجأه يلي محضرتلك ياها يا ابن الحايك

*╚══════ღღ══════╝

بمكان تاني كانت يمنى قاعده بغرفتها وعم تفتح الهدايا
ايمان : ياعيني محدا قدك صرلك عيد ميلاد ماصار لحدا 😂
يمنى : كرمال •اللّـہ̣̥ لاتزكريني لك هنار طلعت مجنونه
ايمان : هههههه بس و •اللّـہ̣̥ حبابه
يمنى : ال حبابه ال الله يعين اخي على هيك علقه
بقيوا الاختين يحكوا ويتسامرو وهنه يضحكوا ويفتحوا بالهدايا وفجأه لمحت ايمان علبه غريبه وعليها كارت
مسكت ايمان العلبه بين ايديها
ايمان : من مين هي !!
يمنى : مو مكتوب الاسم ع الكرت
مسكت ايمان الكرت وقرأته… . مكتوب الى وردتي الجوريه من حبيبك السري
يمنى : حبيبي السري !!! العما مين باعته !!
ايمان : معقول يكون ياسين
يمنى : لا مابظن ياسين مابيعملها… . اففففف مين بدو يكون باعته
ايمان : مابعرف يمكن وحده من رفقاتك حبت تمزح معك
يمنى زمت شفايفها…. ممممم ممكن…
ايمان : خلينا نشوف باقي الهدايا
يمنى : تمام

*╚══════ღღ══════

بعد ماخلصت هنار حمامها طلعت وقعدت قدام مرايتها وبلشت تسرح شعرها وبعدا صفنت بحالها
هنار : مارح خلي بابا ينام وهوي زعلان مني كرمال هالقرد يلي اسمه مراد… رح اضرب عصفورين بحجر ومتل ماعم يفكر حاله زكي رح اثبتله اني ازكى منه
رمت المشط م̷ـــِْن ايدها وطلعت م̷ـــِْن غرفتها وتوجهت لغرفة ابوها وامها ودقت عالباب وفتحتلا صفيه
هنار : بابا فايق ولا نام
صفيه : بعدو صاحي وكتير مزعوج اجلي اي حديث لبكرا هنار مابدي يرتفع ضغط ابوكي بسببك
هنار : وانا مابيهون عليي ينام وهوي زعلان مني
صفيه : معلش الصبح بيكون رايق وبتحكي معه براحتك يالله على غرفتك
هنار : بدي شوف بابا هلأ هلأ واحكي معه
صفيه : شو سمعتي
هنار : 😔

حسين : خليها تفوت صفيه
صفيه : بس يا ابن عمي
حسين : تعي بابا فوتي

فاتت هنار وانحنت وباست ايد ابوها وقعدت بحدو عالتخت وبلشت تلعب ب اصابعها

#عيون_الحب
#الجزء_السابع
#بقلمي_امل_احمد_سلوم

*╚══════ღღ══════╝

ركضت هنار بسرعه على درجات السلم وانفاسها عم تتضارب بصدرها وهي سامعه صوت مراد عم يخبط ويركل على باب غرفة يمنى لتفتح الباب

مراد : افتحيييي وليييي افتحييي و •اللّـہ̣̥ لاحسب •اللّـہ̣̥ ماخلقك ياحيوانه
مسكتو ايمان من كتافه… خلص اخي كرمال •اللّـہ̣̥
نترها عنه بقوه وهو بيصرخ… بعدي هيييييييك لسه ماخلقت اللي بدا توطي راس ابي… . ورجع يضرب عالباب بقوه… لك افتحيييي

كانت يمنى متكوره عحالها وضامه اجريها لصدرها وقاعده عالارض وعم تبكي وترجف
يمنى بصراخ… و •اللّـہ̣̥ مااالي زنب اقسم بالله مالي زنب
مراد : لك افتحي افتحيييييي
يمنى ; مارح افتح لحتى ييجي ابي
مراد فقد اعصابه… بدك ابوكي !!!! ليش مفكره ابوكي رح يرحمك بعد هالعمله
صرخت يمنى : اناااا ماغلطت وربي يشهد حرام عليييييك تزلمني لك انا اختك من دمك ولحمك
مراد : انتي مو اختي لك انتي… .

مرااااد

قبل مايكمل جملته كانت هنار عم تدفعه من صدرو بقوه وبعدته عن الباب ومدت ايديها بعرضهم

هنار : عم تتقاوى على وليتك يارجال عم تتقاوى على اختك ياعز السند ياحيف عالرجال بس
مراد : بعدي من وجهي هنار مو رايقلك هلأ
هنار بتحدي : مارح بعد شو رح تعمل يعني بدك تضربني اضربني لشوف… انت هاد يلي فالح فيه تفرد عضلاتك عاللي اضعف منك
مراد : اوزني كلامك هنار
هنار : وقت توزن افعالك بفكر اوزن كلامي
مراد ب استعجال : هي اختي وانا حر فيها مو وحده من الشارع بدا تعلمني كيف اتصرف مع اختي
وكأنها ماسمعت من جملته الا هالكلمه… (وحده م̷ـــِْن الشارع ) تجمعت الدموع بعيونها وابتسمت ب أسف

هنار : فعلا انا وحده م̷ـــِْن الشارع ومالي شغل منك لاختك تسطفلوا بس قبل ما روح بدي قلك كلمتين حطهم حلقه ب ادنك… . الفتنه اشد من القتل .. ويلي باعت هالرساله هاد شخص بدو يعلم عليك انت شخص بدو يكسرك انت وصدقني لو شاف يمنى بالشارع ومشت م̷ـــِْن حده مارح يعرفها
مراد :
نزلت هنار ايديها ولفت وجهها ع الباب ودقت عليه بخفه
هنار : فتحى يمنى اخوكي بدو يفهم منك شو صار… . لاتخافي حبيبتي هاد اخوكي مستحيل يضرك او يئزيكي…… . غصت بدموعها وتابعت كلامها…… ياريت عندي اخ لاستند عليه… انتي محظوظه يمنى عندك اخ بيخاف عليكي من نسمة الهوا فتحي حبيبتي واوعي تخافي من سندك
مراد :
بعد لحظات سمعوا صوت المفتاح بيتحرك وانفتح الباب وطلت يمنى وعيونها محمرين ومورمين من البكي
يمنى : و •اللّـہ̣̥ العظيم مالي زنب يا اخي اقسم بالله مابعرف شي
ايمان : كلام هنار مزبوط ويلي بعت الرساله قاصد يعمل فتنه شوف بعينك الرساله مكتوبه طباعه ومو بخط ايد… هاد اكبر دليل انه اختي بريه… .. انا متلك بالبدايه عصبت وماحسنت فكر بس وقت قعدت مع امي وحكينا بالموضوع لاحظت ماما انه الرساله مطبوعه طباعه شوف اخي شوف
مسك مراد الورقه وبلش يقرأ فيها وبعدا عجنها بين ايديه بقهر وهو موطي راسه بالارض
قربت منه يمنى ورفعت راسه بطرف ايديها
يمنى : مراد الحايك مابينزل راسه اخي راسه دايما مرفوع
مراد (دمعوا عيونه) سامحيني اختي
يمنى ودموعها بعرض وجهها…. مافيي ازعل منك ياخيي لك انت روحي ونفسي وتاج راسي

حضنها بقوه ودموعوا عم تحكي قصة قهر بداخله… . لولا تدخل هنار ماكان قدر حدا يهديه… لكنها اجت بالوقت المناسب وكأنها ملاك.مبعوت من السما لتطفي النار قبل ماتشتعل وتحرق كل شي قدامها وبعدا مارح ينفع الندم

قربت ايمان وغمرت حالها بحضن اخوها ومراد عم يبكي وينوح… بقهر ويضم خواته لصدرو اكتر

بهاللحظه وصل ياسين وتفاجأ بالموقف
ياسين : شو في!!! مين مات !!!
ايمان : من غير شر
ياسين : الضاهر فاتني كتير
ايمان : كتير كتير
ياسين وهو بيطلع بيمنى… . قد مافاتني مو مهم… المهم تكون يمنى بخير

مسح مراد وجهو بكف ايدو واخد نفس عميق واطلع بهنار
مراد : انا اسف هنار
هنار : اعتزارك مرفوض يامراد الحايك يلي بيصدق على اخته كلام باطل مارح ائمن عحالي معها
قربت منه وشلحت الدبله وحطتها ب ايده وسكرت عليها
هنار : ماعاد بدي اعرفك مراد من هاللحظه انت بطريق وانا بطريق
مراد
هنار : اخ ياسين ممكن توصلني عالبيت
ياسين : اه انا هو… ..
هنار : خلص بروح لوحدي يسلمو

تراجعت بخطواتها لورى وفتلت حالها ونزلت عالدرج ودموعها عم تصب صب… . كلمة مراد جرحتها حد الوجع اللي ماله دوا

ياسين : رح تتركها تروح
يمنى : اخي بترجاك الحقها هنار مافي منها
ايمان : كرمال •اللّـہ̣̥ اخي لاتخليها تروح

حطت عبير ايدها على كتف مراد وفتلته عليها
عبير : ليش هيك عملت امي… هالبنت بتحبك ليش قسيت عليها…
مراد :
عبير : الانسان بيبين معدنه وقت الشده ابني .. وهالبنت معدنها اصيل لاتفرط فيها

‏فيه لحظات بتجبرك إنك تخلق شخصيّة غير شخصيتك، زي لما تقسي قلبك مع إنك احنّ شخص 💔 !بلحظه وحده حس انه في شي جواته انكسر… وشي تاني خلق… دقات قَلبـ♡ــه تغيرت وتسارعت انفاسه فتح ايدو واطلع بالدبله ورجع شد عليها

#عيون_الحب
#الجزء_السادس
#بقلمي_امل_احمد_سلوم

*╚══════ღღ══════

فات الأوان لصرخات هنار ونداها لان مراد كان فعلا منطلق بسيارته
هنار : مرااااااااااد مراااااااااد استنااااااا
وقعت ع ركبها ودموعها بعرض وجهها وهي بتتزكر حالها كيف ساعدت هداك الغريب ليخلص على مراد
مسحت دمعتها ووقفت بثبات
هنار : مو وقت البكي هلأ لازم الحق مراد قبل مايصيرلو شي

توجهت لعند سيارة ابوها وانطلقت فيها ب اقصى سرعه وبقيت تتجاوز السيارات وهي مثبته ايدها ع زامور السياره لينتبه عليها مراد
هنار : لك وووقف وقف لاتسررررع

انتبه مراد انه في سياره بتلاحقه وعم تزمرله واطلع بمرايته الاماميه

مراد : هي الغبيه شو مفكرها حالها عم تعمل…

دعس بنزين وزاد سرعة السياره

هنار بتصرخ : ياغبيييي وووووقف وووقف

كانو السيارتين كتير قراب من بعض وهنار بعدها عم تصرخ ومراد يزيد عناد ويسرع اكتر وفجأه… .

طلعت بوجهو شاحنه كبيره وحاول يتفادها ويخفف السرعه لكنه كان قريب كتير منها وبسرعه دعس عالفرامل
مراد : لك شووو هااد مافي فرامل !!!
شاف نهايته قربت منه واخيرا فهم معنى كلمة هنار (انا خايفه عليك)
مراد : كلشي توقعته الا انها تكون نهايتي على ايدك !!!!
صرخ مراد تزامنا مع اصطدام سيارته بالشاحنه وانقلابها عدة مرات وخلال لحظات (BOOM 💥 ) انفجرت سيارته وهو بقلبها 😭

هنار : لاااااااا مراااااد مرااااااااااااااد

*╚══════ღღ══════╝

مي : اختي هنااار هناااار فيقي شو صرلك
فتحت هنار عيونها علـّۓ وسعهم وهي بتتنفس بسرعه وحاسه بحلقها ناشف من الخوف
هنار : مراد مرااااااد
مي : بسم •اللّـہ̣̥ عليكي اختي شو صرلك

اطلعت هنار بمي واحتاجت للحظات لتستوعب انها بغرفتها وكانت عم تحلم !!!!
هنار : انا وين !!
مي : وين بدك تكوني يعني ليكك بالبيت و على تختك
هنار بفرحه : يـ يعني مراد ما اجى
مي : امبلا اجى
غابت الضحكه عن وجهها وحست بحجر صلد وقف بحلقها وكأنها خايفه تسأل مي شو صار

مي : الهيئه كنتي عم تشوفي منام بشع
هنار : منام !!! يعني مراد !!!
مي : لك شبك مراد مراد… ليكوا من شوي وصل وقاعد مع بابا بالصالون وانا جيت لفيقك لتجهزي حالك… يالله اختي قومي بلا كسل

تركتها وطلعت م̷ـــِْن الغرفه وبقيت هنار على وضعها وهي حاطه ايدها عصدرها وبتحاول تنظم نفسها وبعد دقايق بلشت دموعها تتجمع بعيونها وشفايفها بترجف
هنار : كان حلم !!! كنت عم بحلم !!! مراد ماصرله شي… ياربي شكرا كتيرررر
وقفت عالتخت وصارت تنط… كنت عم بحللللم كنت عم بحلللللم… .

وبالصــــالون

صفيه : فيقتي اختك
مي : اي هلأ بتجي بس لتلبس
مراد بقلبه : ع اساس رح تلبس يلي عالحبل حسن صبي 😏
حسين : شو ابني وين شارد
مراد : احم اه لا ابدا عمي مافي شي

*╚══════ღღ══════╝

وبجهه تانيه

وصل ياسين على بيت مراد ورن عالجرس وفتحتله سهر

ياسين : سعيده سهر… مراد هون
سهر : لا و •اللّـہ̣̥ يابيك من الصبح مارجع عالبيت
ياسين : ايوا معناتها بيكون عند الخطيبه… . طيب شكرا سهر بالازن

فتل حاله ليمشي واستوقفه صوت ايمان

ايمان : ياسين… ياسين
ياسين : اي ايمان شبك لي عم تبكي
ايمان : امي امي يا ياسين صابها انهيار عصبي
ياسين : شووو وكيف صارر هالشي !!
ايمان : انت لازم تعرف يلي صار انا مو عارفه شو اعمل
ياسين : احكي عم اسمعك

*╚══════ღღ══════╝

شعل مراد سيجارته الخامسه وهو حاسس بضجر
مراد بقلبه : بسيطه ياهنار تاركتيني انطرك هون وحـضرتك عم تدلعي جوا… اي شو عليه اعملي وكتري ان مانتفتلك حواجبك شعره شعره مابكون مراد

مي وهي بتقدمله العصير… تفضل صهري هنار هلأ بتجي
مراد بدون اهتمام : اي خليها على راحتها اساسا مو مستعجل

كان حاسس حاله عشوي رح يطق وبلش ينفث دخان سيجارته بشراهه وفجأه شم ريحة عطر ساحر تغلغل جواته
هنار : مسا الخير
رفع راسع وحكا بغضب : لسه بكيــــ…… 😲

التجم السانه ووقعت السيجاره من ايدو… وماقدر يكمل كلمته وهو شايفها واقفه قدامه بفستانها الفيروزي الناعم وفارده شعرها الاسود يلي مغطي كل ضهرها ومكياجها الهادي يلي ابرز انوثتها لتبان انثى كامله .. انثى طاغيه بالانوثه لدرجه كبيره

هنار : اسفه اتأخرت عليك… انا جاهزه
مراد ببلاهه : اه 😧
هنار : بتحب نمشي هلأ !!
مراد : بحب جدا… .
هنار بنعومه : لكن يالله
مراد : لوين !!
هنار : شبك مراد لحتى نجيب المحابس
مراد : انو محابس .!! مين مراد… لك عمي حسين وينها هنار 😶
قربت منه بخجل وحكت بهمس… انا هون ليكون مو عاجبك
مراد وهو بيمسح انفه… . عفوا كيف اتأكد انك هنار
هنار : شبك ولااااا تحرك خلصني يبعتلك اتلك جد مابتنعطى عين الحق عليي عاملتلك قدر وقيمه لك واحد غيرك كان باس ايدو وجه وقفا لاني رضيت فيه… الخ الخ الخ
مراد ب ابتسامه واسعه : اي هاااا هي هيه هنااار… تفـضلي مودموزيل

سحبها من ايدها ونزلو عالدرج ركبوا بالسياره وهي بعدها عم تردح 😂

*╚══════ღღ══════╝