#مجتمعفاشل

#الجزءالثامن 8



#قصة_حب ..



انخطف الحكي مني .. و وردو خدودي و سكتت ..????



خبرت ابي و اتصلت ببيت جدو و حكيتلهن عن موعد العرس ??



و انصدمت من رد خالتي !!??



خالتي : كيف يعني ؟ شو ابن اختي جن ؟ ??

يافا : ليش خالتي شو المشكلة ؟ ??



خالتي : ياعمري محمود حاجز على سفرو ب 15/تموز 

يعني بدكن تتجوزو شغلة 23 يوم و بعدا يسافر و يتركك و انتي عروس ! مافي عقل بيقبل هالتصرف !! مستحيل .. اعطيني امك فوراً



نزلو دموعي على خدي و شهقت ..: معليه انا موافئة ??



خالتي : عم ئلك اعطيني امك ..??



تركت الهاتف من ايدي و رحت ئلت لأمي تجي تحكي خالتي ..



و وقفت عالباب اسمع شو بدا تحكي .. 



امي : ايه اختي؟ … 



سكتت امي وقت طويل وخالتي كانت تحكي 



امي : معك حق .. مزبوط ..??



خفت و ركضت على غرفتي و قعدت ابكي .. وضليت حابسه حالي للمغرب ..??



فاتو ابي و امي لعندي و حكولي انو رح يلغو العرس ..



يافا : لك لييييش ماعم افهم شو المشكلة ، هو بيروح بيعمل الاقامة و بياخدني و خلص ??



ابو وليد : انا ماعندي ثقة بمحمود .. خيبني كتير .. و ما الو كلمه .. 

جواز مافي ، بتضلك عندي ليطلعلك اقامتك بيجي بيعمل عرس و بياخدك .. هيك اريح??



يافا : بس انا بدي هالعرس يتم بموعدو 



ابو وليد : مو انتي الي بتقرري ، طوال ما انا موجود انا الي بحدد و الحكي انتهى ..??



العيلة كلها شافت انو هيك احسن .. و خبرو محمود ..

جن جنانو و اجا لعندنا معصب و عم يقنع ابي .. بس ما مشي الحال ..????



طلع محمود من بيتنا زعلان ، ركضت وراه و ندهتلو 



يافا: استنا 



محمود: اي؟ 



يافا : شو بدنا نعمل هلأ ؟ ??



محمود : رح الغي حجز الصالة .. خلص 



يافا : والله حاولت بس ما طلع بايدي شي ??



محمود : لشوف لوين رح نوصل مع ابوكي ..??



و راح و تركني واقفه و مهمومة ..??



تاني نهار خبرت انو بكرا موعد سفرو ..وما حاكيلي ..??

داب البي لاعرف احكي معو و قلي انو مستعجل مشان يروح يزبطلي اوراقي و ياخدني لعندو?? 



بعد يومين اجا لعندنا بالليل ليسهر و يودعني و ما كان الي قلب اتطلع بعيونو ..?? 



محمود : يافا .. شبك ؟ 



يافا: - - - 



لف وشي لعندو اتطلع بعيوني 



محمود : ليش كل ما اتطلع بعيونك بحس بالذنب ؟ ليش نظراتك عم تقتلني هيك ؟ ??



يافا: يمكن لانك عامل شي ؟!!?? 



محمود: - - - 



يافا : احلفلي ما تتغير علي هالمرة متل المره الماضية وقت سافرت !! احلفلي ما تخون ثقتي فيك !! ????

انا حاربت الكل كرمالك .. و سامحتك على كل جرح جرحتني ياه و ما عدت حمل شي تاني!! 



محمود : خلص بوعدك .. روقي ..??



و اخر السهرة و دعني و مشي .. و كانت طيارتو الفجر .. و سافر محمود ..



مرق اول شهر كنا غير شكل و كل شي تمام .. 



بعد هاد الشهر صار محمود اسوووء بألف مرة من اللي قبلا دئلو ما يرد ..

ابعتلو مسج يطنش .. 

ابكي و عيط يسكر بوشي ..?????? 

من الشهر للشهر ليسأل فيني .. 

صرنا ب2011 .. شهر 3 .. 



و ابي و بيت خالتي صارت علاقتهن عدم بسبب المشاكل على موعد عرسي و غيبة محمود .. 



و انا مافي الا اتصل عليه و قلو انت اعطيت كلمة لأبي 

وهو يقلي طولي بالك الموضوع مو سهل .. ??



اتصل بابي و اعتزر منو و وعدو ما تطول المدة اكتر من هيك ..??



و طار الوقت و بلشت الاحداث بسورية !! 



فرح تجوزت .. و اخوان محمود الشباب تجوزو .. 



و انا صرت بال 24 ..و متلي ما حدا انخطب 4 سنين !! ??



كنت كل يوم اتصل فيه و قلو ليك شو عم يصير عنا الله يوفئك استعجل بالاوراق و هو يقلي ماتخافي قصص صغيرة ..????



انتشرت بهديك الفترة وسائل التواصل وصارت بين ايدين الكل اشترالي وقتها ابي موبايل جديد ليجبر بخاطري و يفرحني ..??



واول ما مسكتو رحت لعند اختي فرح على بيتها و قلتلها بدي تنزلي الفيس و الواتس و كل شي.. 



فرح : تكرمي حبيبتي ليجي علي منخليه يزبطلك ياهن ..??



و فعلاً اجا جوز اختي و نزلي عليه كل شي و علمني كيف استخدمو و عملي حساب على الفيس بوك ..



يافا : علي حطلي اسم محمود 

#مجتمعفاشل

#الجزءالتاسع 9

..

#قصة_حب ..



كنت ضل سهرانه للفجر و انا لفلف بصفحتو و شوف شو بيكتب هو و رفقاتو لبعض 

كان عندو كتير رفقات بنات بس واضح انهن زميلاتو بالشغل .. لفتتني بنت سورية حاطة صورتها و كانت حلوة كتير و عم تحطلو كتير تعليقات .. ??

بعتلها اضافه بهديك الليلة و نمت .. 



بلشت الاوضاع تتعقد و الناس كانت حاطه ايدها على البها من الاحداث الي عم تصير و انا عم حس حالي عالة على اهلي و غصة بقلب ابي?? 



اتصلت بمحمود هداك النهار بحدود العشر مرات .. و رد علي 



يافا : محمود اعمل شي وين وعودك ؟ ليش تأخرت هيك ??

شو عم يصير مشان الله .. العالم اكلو وشنا ، ابي ما عاد متحمل و اهلك ما عاد داسو بيتنا 



محمود: طيب ؟ 



يافا : لك شو طيب شووو صار بالاقامة !! 



محمود : هيييي هيييي علينا و على هالإقامة .. قلك من الاخر ؟ 

إقامة مافي .. ??



يافا: ليش شو صار !!! ????



سكر بوشي و فصل الخط 



يافا : الو ؟ … الو ؟ .. محمود ؟ … 



وقع الجوال من ايدي .. و فتلت فيني الدنيا ! .. شو عم يصير ????

في شي غلط !! في شي مو مفهوم ..



مسكت الموبايل و ايدي عم يرجفو .. وفتحت عالفيس بوك لقيت البنت الي بعتلها الطلب قبلانتو .. كان اسمها سارة 

وفوراً بعتلها رساله ... 



يافا ( مرحبا ) 



بعد كم دقيقية ردت علي (؟؟؟) 



يافا ( انا يافا .. خطيبة محمود) 



سارة ( خطيبه محمود !! ) ??



يافا ( محمود الي بيشتغل بالشركة معكن ) 



سارة ( طويل و اسمر ؟ ) ??



يافا ( ايه ايه .. ) 



سارة ( بس محمود قلنا انو فسخ خطبتو من زمان كيف انتي خطيبتو ؟! ) .. ?? 



قرأت الجمله مره و تنتين و تلاته .. 



سارة ( معي انتي ؟ ) .. 



حلفتلها مية يمين اني خطيبتو و بعدين طلبت منها رقمها لاتصل عليها قالتلي انتي اكتبيلي رقمك .. 



كتبتلها الرقم و فوراً رن موبايل .. كنت احكي وغص لان عم ابكي كتير وصوتي عم يقطع ما كتير مفهوم لان نفسي عم يروح ??????



يافا : مشان الله .. مشان الله .. ساعديني الله يوفئك .. انا رح جن .. ساعديني ????



سارة : طيب طيب بس اهدي و فهميني لان مو فهمانه شي عليكي 



حاولت اخد نفس و رحت شربت مي و حكيتلها كل شي و انو الي معلقة اربع سنين وشوي .. ومابعرف ليش محمود عم يعمل فيني هيك .. و حاولت حنن قلبها وفهمها اديش عم اتعزب قالتلي انها هي بتعرف محمود بشكل سطحي ومافي بيناتهن علاقة قوية .. بس هو بعرف كتير بنات و الو كتير علاقات 

قالتلي من لما وصل وهو كل فترة بصاحب بنت شكل .. ??



يافا : ممكن اخر طلب وبعدها والله العظيم ما عاد رح ازعجك ؟ 

بدي اسماء هدول البنات عالفيس الله يوفئك .. 



سكرنا الخط و بعتتلي حساباتهن على الفيس بوك و اخر شي بعتتلي حساب بنت فلبينيه ، كان اسمها روبي .. 



يافا : هي كمان كان مصاحبها ؟ ??



سارة : هي اكتر وحده ضلو سوا 



يافا : و هلأ ما بشوفو بعض ؟



سارة : لا هي من زمان خلصت اقامتها و سفروها على الفلبين .. من 2010 

وما عدت سمعت عنا شي .. 



يافا : ما رح انسى معروفك بنوب .. شكراً ??



تركت سارة و بلشت ضيف البنات كلهن على حسابي .. و الي ما تقبل الاضافه ابعتلها مسج ..



من انو طينة مخلوئ !!! ايمت لحئ !!! هالئد عندو نقص برجولتو !! …

انهارت اعصابي على يومين و اهلي فهمو انو علاقتي انا و محمود خلصت ..????



ضل ابي يدئلو ليقلو يجي يرمي علي يمين الطلاق و ما كان يرد علينا .. 



حكت امي مع خالتي و صارت تبكي و تقلها انو بنتي شقيت كتير حرام عليكون اعتقوها ????



بس خالتي ما كان طالع بايدها شي ، جوز خالتي التقي !! الي كل نهارو لابس عباية بيضا و شايل مسبحتو .. 

الي كل سنه الو عمره وما بحكي الا بالقرآن و السنه .. 

ما رضي يتدخل .. و عاملنا بقلة احترام .. هاد كلو ومحمود ما عم يتنازل يرد علينا او يحكي شي .. 



بالليلة التالته كانت عيني عم تغفى بعد ما تنهنهت من البكي .. 

وصلتني رسالة عالفيس بوك .. 



كانت من روبي .. قبلت اضافتي و بعتتلي تسألني مين انا .. 



طار النوم من عيني ، قمت شغلت الضو .. و جبت كتاب الترجمه و حطيتو جنبي مشان ازا احتجتو .. و رديت عليها ..



البنت كان واضحانها مو مسلمة .. لابسه لبس عاري ، شورت قصير و بروتيل وجسمها مكشوف 

والها اكتر من صورة وكلهن بنفس المنظر .. 



قلتلها انو انا بنت سورية و نفسيتي تعبانه من الأوضاع الي عم تصير و عم حاول اتعرف على اصدقاء مشان انسى همي 



صارت تسألني عن حياتي وانا اسألها بالمقابل .. بدون ما حسسها بشي غريب



وصارت تقلي انو هي كانت موظفة بالإمارات وكانت تشتغل وتبعت مصاري لأهلها .. وقال كان عندها عشيق سوري 

وقفت عند الكلمة .. وما عاد شفت غيرها .. 



اكيد عم تحكي عن محمود !! هههه عم تحكي عن حبيبي !! عم تحكي عن الشب الي ما نشفت دمعتي بالأيام وانا انطرو !????



كان صعب افهم منها كل شي بيوم واحد .. علاقة صداقة لشهرين كاملين خلتني أعرف انو هي ومحمود كان بين

#مجتمعفاشل ..


#الجزءالعاشر


#قصة_حب ..



قالتلي اديش تعزبت بهاد الحمل لانو معها ثقب بالقلب ، تحدت محمود ??



و أهلها و الوجع و الطب وكل شي مشان تحصل على هاد الطفل ??



19 / حزيران/ 2010 



ولدت روبي بعملية دقيقة وصعبة وكلفتها كل المصاري الي وفرتهن كل فترة شغلها بالإمارات وجابت إيــــــان ..????????



واتصلت خبرتو انو ابنو انولد ،، بهاد الوقت محمود كان هون وكتبنا كتابنا ! كان بيقدر ينهي كل شي بس لأ .. كمل بوساختو بكل بساطة

و كتب كتابو علي بالمحكمة .. ومسك ايدي وقلي صرتي الي 

تطلع بعيوني .. وغرس خنجر خيانتو بصدري بكل برودة !! بكل حقارة !



احلى شي بوسائل التواصل الاجتماعي لما تحكي مع حدا انك بتحكي من ورا شاشه ، سهل تخبي انفاعالاتك و تصرخ بدون ما يسمعك



سحبتها بالحكي وقلتلها انا مستغربة انو حبيبك سوري وعمل هيك لأن نحنا رجالنا ما بعملو هيك فصول .. شو بتعرفي عنو هلأ ؟



قالتلي انو بعد ما خبرتو رجع يتواصل معها وطلب يشوف صورة ابنو وصار يبعتلها مصاري !! .. المصاري الي على اساس بدو يعمرلي فيهن بيت ??



هد البيت كلو فوق راسي بمصاريه الوسخه .. 



سألتها شو نوع العلاقة حالياً بيناتهم .. وقالتلي انو بيبعتلهم مصاري عطول بشرط انو ابنو يربى على دين الإسلام وما تربيه على عقيدتها ودينها 



طلبت منها شوف هالطفل المعجزة الي اجا بهيك ظروق قاسية ..



وبس بعتتلي الصورة طلبت منها صورة عشيقها لقلها الولد مين بيشبه .. امو ولا ابوه 



وصارت تبعتلي صورة الها هي و محمود لما كانو سوا .. 



شي حاضنها شي لاففها .. شي بمطعم شي بأوتيل شي بمطارح ما بتنوصف من جمالها 



إيــــان .. عمرو سنتين 



2012 ..

صارت البلد على كـــــف عفريت .. و قرب رمضان ..



وانا المسكينة الي الرايح والجاي بواسيني و بمسحلي دمعتي .. ??



وصور محمود و روبي عم تقطعني وتقتل كل ذرة عايشة بقيت فيني .. ??



وهون ما عاد يفيد السكوت .. 



عملت خطوة عرفت ما بعدا رجعه .. 



اول شي اخدت كل الصور الي عندي و رحت طبعتهن بمكتبة .. 



كل هي الفترة كان محمود ما عم يرد علينا ولا يحكينا .. ونحنا عم نركض على بيت اهلو ليحكو مع ابنهن وما حدا شايلنا من أرضنا 



الساعه 2 بالليل .. 



فتحت على صفحتو على الفيس بوك .. 



و نشرت كل الصور الي عندي على صفحة محمود .. صورو مع روبي وصور ابنو وصور روبي 



عملت مشاركة معو لاني صديقة عندو وشي نشرتو على يومياتو .. 



و كتبتلو فوق كل صورة عبارة شكــل 



( الف الف مبروك .. ياريتك بس خبرتني مشان قوم بالواجب وباركلك ) ??



( ابنك ما بيشبهك بنوب ، طالع شبه امو .. مو مهم .. يربى بدلالكن ) ??



و اخر صورة ( كنت بحسك رجال اكتر لو جيت و واجهتني .. #يافا ) وسكرت .. ??



طفيت الموبايل .. وما غمضتلي عين 



لطلوع الضو رجعت لافتح حسابي لقيتو مقفول .. كان محمود مسكرلي ياه ( مهكرو ) بس كنت متوقعه هيك حركة ندلة منو

واحتفظت بنسخه لكل المحادثة بجوالي ..



اغلقت الموبايل وشلت البطارية فوراً لان عرفت رح يدئلي 



كان بدي ياه يتصل على ابي ، ابي الي حرقلو اعصابو ودمو ونشق ريقو .. وبالفعل صار يتصل على الأرضي و على ابي



رد عليه ابي و صار يعيط عليه ويقلو يتنزل من بكرا على البلد بتطلق يا واطي .. ازا ما بتجي بتطلق انا رح اجي وجيبك من عيونك 



بعدا فتحت جوالي .. و كان عم يبعت رسائل تهديد و كلها مسبات وحكي وسخ .. 



اتصل علي ورديت 



محمود : انتي شو عملتي ؟??



يافا : ازا باقي عندك ذرة رجولة يا محمود انزل وطلقني بدون ما تبهدلني بالمحاكم .. ما ضل حكي بيناتنا ..



و رجعت طفيت الخط ..



ورجيت اهلي الصور وحكيتلهن كل شي .. وصارت امي تندب حظها وتبكي علي 



اجتمعنا كلنا ببيت جدي بحضور اهل محمود وصارو ينكرو عملت ابنهن .. بس اعطيت للكل الصور 



يافا : وهلأ ؟ شو ؟ 



سكــتو اهل محمود .. وحكيو معو لينزل يطلق لان العيلة كلها وقفت ضدهن 



26/تموز/2012 



كان محمود بسوريا .. 



بنفس النهار التقى هو وابي بالمحكمة .. رفض يطلق قبل ما يحكي معي وابي ما قبل ابداً 



طلب من المحامي انو يحكيني قبل ما يطلق .. 



دقلي المحامي وسألني و قلتلو مستحيل لا بدي شوفو ولا اسمع صوتو .. وسكرت الهاتف 



بعد ما سكرت ما بعرف شو صارلي .. حسيت انو هيك ما بصير .. في شي غلط !!



قمت لبست بسرعه و نزلت ركض من البيت وامي عم تسألني وين رايحه .. وانا ادموعي عم يكتو كت وما عم رد ??



نزلت وانا امسح دموعي بكم كنزتي و وصلت ..



وصلـت وكانو طالعين .. و كان محمود ما بئى جوزي .. 



شافني ابي و زعل مني انو جيت لشوف محمود ..



واجا محمود باتجاهي 



محمود : انــــــا ..



يافا : تفيييييييي عليك .. يا واطي .. لك يا قليل الشرف 

يا عيب الشوم عليك .. يا حوينة هالشوارب الي بوشك لو انهن على وش حريمة كان احسن 

ولك انا يافا .. انا يافا .. مو يافا الي بتنكسر .. روح ربي ياخد حئي منك .. وماني م

ـ❤️🍃❤️
ـ🍃❤️ #مــن_طلـبــات_المشــتركين

❤️ روايــ📖ـة /
#قصة_حب

❤️ الـكـ🖌ـاتبــة / ....

#مجتمعفاشل ..

#الجزءالخامس 5

#قصة_حب ..

وكل ما حط راسي على الوسادة واتزكر صوت البنت الي ردت علي يشب بقلبي حريق ??

معقولين الرجال !! كل الحب الي عاشو معي بتمحيه اول بنت بيلاقيها بطريقو !!
بيتغذو عالخيانة وكأنها حياة الروح !! ليش بنت وحده ما بتكفي !! ليش هيك ??

بلش محمود يبعت لأهلو مصاري .. وهن بلشو يحطولو الأساسات ويعمرولو فوق بيتهن يعني طابق تاني
وكل ما كنت شوف حجر ينحط فوق حجر يزغرد قلبي من الفرح ..????

كان المخطط انو يكون بيت ضخم ما صار متلو .. كنت نام واصحى وانا احلم فيه ..

انخطبو بنات حماي اخواتو لمحمود

رويده ومريم .. انخطبو بعدي وتجوزو قبلي وابي طار عقلو .. هو اصلاً موافق على هالجوازة بالزور ??
ومحمود ما عم يسأل عني ولا شايلني من ارضي وانا عم كزب على اهلي وقلهن ليل نهار بيحكي معي ??
اوقات اعمل حالي عم احكي معو والخط مقفول .. بس مثل هيك قدامي امي وقدام اختي فرح

بعد سنه و 8 شهور .. ما عاد تحمل ابي خطبتي تطول اكتر من هيك !! اتصل على محمود وهو معصب وصار يهددو انو ما عاد رح يجوزنا ومن هالحكي
وانا صرت ابكي وعم احترق ??

بس محمود ما تخلى عني و اعطى ابي كلمة انو اول نزلتو رح نعمل العرس ??

ابو وليد : يعني بعد شهرين ؟

محمود : ايه بعد شهرين ..

ابو وليد : والبيت ؟

محمود : منقعد ببيت اهلي ليكمل البيت ??

وافق ابي بس لان الناس بلشت تلت وتعجن شي يقول علقني وهرب وشي يحكي بأخلاقي

و لسه في اختي عروس وصبيه و على وش جواز ..

تقدم لخطبتها رفيقو لمحمود الروح بالروح .. اسمو علي .. كان قمة بالأخلاق و سمعتو طيبة و وضعو مرتاح ??
موظف عادي بس مستقر مادياً ..

و صارت خطبة اختي .. و صار عندي مصدر تاني اعرف عن طريقو معلومات عن محمود وشو عم يصير معو ..

كل ما كان يزورنا اقعد معو واسألو عن اخبار محمود الي ماكنت اعرف عنها شي
لان ما كان يسأل عني بنوب..

خلصو السنتين و محمود ما نزل… قال لازمو مصاري كمان لان صرف على زواج خواتو ..

صرت غطي عليه و خبي وجعي بس الكل كان شايفني عم ادبل ..??
ما كان في داعي احكي ليفهمو انو محمود عم بعاملني بدون رحمة ..
و مع هيك انكرت

يافا : انتو ليش مصريين تطلعو محمود سيئ؟ …
انتو بتعرفو انو طول الليل بضل يدئلي؟ و كل الوئت بيطمن علي و بخاف على زعلي؟ و ليل نهار بترجاني اسمحلو يبعتلي شي هديه مع اهلو بس انا برفض .. الي بدو يتجوز يتجوز .. انا لسه صغيرة .. عمري بس 23 سنه ، لا تحسسوني اني عانس او عالة عليكون .. اتركونا نتهنى بحياتنا خلص .. ????

بكل قوة كنت احكي هالكلماتو اتخبى بعدين لامسح دموعي لحالي .. و حاول اتصل على محمود و كالعادة ما يجاوب ..

بتاريخ ( 1/ حزيران / 2010 )
اجا محمود .. اخد اجازة و نزل !!! ..
كانت الدنيا مو واسعتني .. ??
اشتئت لعيونو لريحتو لصوتو .. اشتئت شوفو بالحارة و بكل مكان .. ????

نطرت يجي يزورنا ..
يوم و يومين و التالت .. و محمود عم يزور الاهل و الاقارب و ما داس بيتنا .. لا بصفتنا بيت حماه و لا بيت خالتو .. ????

و انكسرت .. ??

صار الكل يطبطب علي و يقلولي بسيطه ..
هون شلحت المحبس من ايدي و حطيتو عالطاولة قدام الكل ..

يافا : هههه لك عادي .. انا مو مهتمة .. خلص يبدو ما في نصيب ..

كنت بدي لملم باقي كرامتي .. بس بدل ما لملمها تبعثرت ..
حطيت ايدي على وشي و هرو دموعي و صرت ابكي من قلب محروق ..??

لفتني امي لصدرها و صرخت بحضنها (( انا شو عملتلو ليعمل فيني هيك)) … والله ما عملتلو شي !!!

لمعت الدمعه بعين ابي .. و طلع من الغرفه ليخبيها على بنتو الي دبلت قدام عيونو و مرقو ايام عمرها عالسكت ..??

بعد كم يوم رن هاتف البيت .. كنت بالمطبخ

نشفت ايدي و رحت لرد ..

يافا : الو ؟

محمود : الو ؟

يافا : مين معي ؟

محمود : شو ما عرفتيني ؟

طبقت الهاتف و فكرت حدا عم يتسلى .. بس رجف جسمي ما بعرف ليش .. كأني شبهت عالصوت ..

رجع رن و رجعت رديت و ما حكيت

محمود : يافا ما عرفتيني ؟

يافا : محمووود !!

سلم علي و قلي انو اشتقلي كتير و بدو يزورنا .. ما كنت عرفانه شو احكي ..
سكرت الخط و خبرت اهلي و قالو على خير ان شاء الله ..

خبرت انو جاب رقم سوري و ما دئلي منو ..

تاخرت الزيارة الي وعدني فيها .. و نشفت المي بيناتنا .. و ما ضل الا الوجع ..??

خبرني ابي انو هالموضوع لازم يتسكر .. و ماقدرت احكي و لا حرف .. ضليت ساكته …

ليلة ( 12/ حزيران / 2010 )
الساعه 12 نص الليل ..
فرح عم تحكي مع خطيبها ليحددو موعد عرسهن هالفترة .. ????

و انا عيوني غلبهن النوم بس لسه عم اسمع ضحكة فرح ..

اضوية البيت مطفية و عتمه كتير .. و الكل نايمين ومافي صوت ..

دق باب البيت بقوة و بسرعه كتير ..
قمت من تختي و انا مرعوبة ..

يافا : بسم الله الرحمن الرحيم شووفيي????

فرح : ما… ما… ما بعرف??

فتحنا باب الغرفة و ركضنا لقينا ابي طالع من غرفتو و صرخ

#مجتمعفاشل ..


#الجزءالسادس 6



#قصة_حب ..



فتح ابي الباب .. و كان جاي محمود و اخوه اسامة .. 



ابو وليد : خير شو في ؟ ??



محمود بصوت عالي : يعني كيف بتبعتولي طلقها للبنت .. مرتي هي مرتي ??



اسامة : محمود اهدى .. اهدى 



ابو وليد : محمود ضب حالك و ارجع على بيتك يلا ابني الناس نايمة ??



محمود : استغفر الله العلي العظيم .. انا ما رح طلق .. ما بطلق ??



ابو وليد : بتطلق غصب عنك ??



اسامة : صلو عالنبي يا جماعة . .عمي خلينا نفوت لجوا ونحكي على رواق ..??



فوتهن ابي عالمضافة وانا كانو رجلي ما عم يحملوني .. قال مرتي !! قال ما بدو يطلق !! وجايه بنص الليل لعندي 

ما تحمل ليطلع الضو !! ??



حكت فرح لخطيبها علي اللي صار واجا علي كمان مشان يهدي ابي ويقنعو ..



وضلو جوا وعملنالهن شاي و هديو واصواتهن ما عاد طلعت ..



كنت قاعده عالمجلى بالمطبخ وعامله حالي مو مهتمة .. مااسكة الموبايل وعم كبس فيه .. بس البي رح يطلع من محلو ??



فرح صافنه فيني وعم تاكول باظافرها .. 



وانا عم اقرأ بقلبي آية الكرسي و ماسكة الاستغفار .. بلكي كل شي صار معي كان غيمة سودا وهلا رح تروح !! ??



كانت فرح تروح ورا باب المضافة تتسمع وتجي تقلنا شو صار ..



فرح : محمود عم يقول انو رايدك قال ومستحيل يطلق ??



نطيت من على المجلى : وابي شو قال ؟?? 

فرح : قال الموضوع منتهي ..?? 



ضلينا ناطرين وصارت الساعه 4 الفجر وما طلعو !! ??



نعست فرح وفاتت نامت و امي غفيت وهي قاعده على الكنباية .. قمت على روس اصابعي و وقفت ورا الباب 

كنت رح موت على ما اسمع صوتو .. الي بيحب .. بيقدر يشم لحبيبو ريحه خاصه .. ريحه متل ريحة الأرض بعد المطر 

متل ريحة الدفى بعز البرد .. هيك ريحة غريبه كتير ????



حطيت خدي على الباب و غمضت عيوني و استمتعت بصوتو الي نزل على قلبي متل الأمان والأسلام بعد حرب طويــــــلة 

و بلشت اتنفسو من جديد .. ????



محمود : اقسملك بالله يا عمي لاعمل الي بدكن ياه .. والله لتكون طلباتها اوامر عندي .. خدو وعد رجال .. من شواربي .. 



ابو وليد : وعد الرجال ؟ والرجال بتحط ايدها بأيد الرجال انو تصون الأمانه و بتضيعها ؟ .. بنتي شو غلطت معك لترميها هالرمية ..??

سنتين ما بتسأل فيها ؟ صارلها مخطوبة تلات سنتين ونص .. بحساب الأربعه .. ليك .. ارمي اليمين والله معك !! 



بس سمعت لهجة ابي نشف الدم بعروقي !! شو يرمي اليمين !! هيك بهل بساطه !! 

كان بدي ادفش الباب و فوت وقلو مسامحتو .. فوت وقلو كيف الي بيحب بدو ينسى ؟ ????



محمود : طيب خليني شوفها .. 



ابو وليد : ما الك شغل معها ، حكيك معي .. 



حطت فرح ايدها على كتفي .. ارتعبت والتفتت وراي ..??



فرح وهي عم تفرك بعيونها : بعدهن جوا ؟ ??



يافا : ابوكي بدو يخلي محمود يطلئني ??



فتحت عيونها : وانتي بعد بدك ياه !!??



يافا : مجنونة انتي شو هالسؤال .. ??



قربت فرح من الباب وبلشت تتسمع معي .. 



محمود : عمي خلونا نحلها .. انا رايد البنت وحقك فوق راسي غلطت ومنك السماح 



راحت فرح جابت موبايلها و كتبت رسالة لعلي و قالتلو انو انا بدي محمود ومسامحتو و طلبت منو يحاول يهدي الأوضاع ??



وفعلاً بعد شوي سمعنا صوت علي عم يقنع ابي ويروقو ..



مع صوت الله اكبر وادان الفجر .. تنفس ابي نفس طويل 



ابو وليد : بكرا بتنزلو عالمحكمة بتثبتو زواجكن .. وبتعمل العرس ..



محمود : وبنزل على الإمارات بعمللها إقامة وباخدها لعندي ..



ابو وليد : على بركة الله ??



حطيت ايدي على تمي وصرتي ابكي واضحك وايدي ترجف ، غمرتني فرح وصارت تبكي معي وتبوسني

#مجتمعفاشل ..

#الجزءالرابع 4

#قصة_حب ..

محمود : فكرك الغربة سهلة ??؟ مو بأيدي وحياة عيونك .. بعدين انتي متل مي الشام .. الي بيدوئك بيضلو عطشان ليرجع يرتوي منك
بفلسطين في يافا .. يافا عروس البحر و عروس فلسطين .. وانتي هون عروستي .. يافا الشامية .. عروس الشام ??

يافا : عطول بتضحك علي بحكيك الحلو ??

محمود : طيب يلا هلأ رح اعمل حالي عم ودعك وبوسك على خدك واهرب قبل ما يشرشحنا ابوكي .. بس وصل للتلاته ببوسك
ركزي معي .. 1 .. 2 ... 3 ??

و قرب ع اساس عم يودعني عادي و باسني من خدي اليمين وخدي اليسار وقبل ما يبعد عني .. حاولت شم ريحتو وخبيها برئتي لبعد رجعتو
تنفست عطرو بكل قوتي وكل ذرة عطر انتشرت بجسمي ..??

يافا : الله معك .. ربي يرجعلي ياك بالسلامة ..

ضليت يومين ما روح على المعهد .. ما كنت متخيلة الطرقات بدون محمود .. ولا الأكل عم يهنالي بدونو
الشام كلها زعلانه منو لانو تركنا و راح ??

فاتت فرح وحطت صحن الأكل قدامي

فرح : اختي .. حاجتك عايشه جو رومي وجوليت .. راح يشتغل ليعمرلك بيت خلص يوه ??

يافا : فرح .. اتركيني بحالي الله يسعدك

فرح : ايه مو تاركتك .. بعدين سنتين وبيرجع .. وهلأ التكنولوجيا قربت البعيد .. اضحكي ولو اضحكي ??

قامت لعندي وحضنتني وصارت تدغدغني من خاصرتي ??

يافا : ههههههههه خلص ههههههههه خلص خلص هههههههههههه ولييييييي طقو خواصري هههههههههههه ????

فرح : ههههههههههه تئبرني هالضحكة????

يافا : ههههههههه خيييييي تضرسي

فرح : دخلك ما اتصل محمود ؟??

يافا : لك امبلى دئلي من رقم شب سوري تعرف عليه هنيك و قلي ليجيب رقم بيبقى بيحكيني

شام : يارب لعلو خير ..

اول شهر .. صرت احكي انا ومحمود مره بالأسبوع لان الاتصالات غاليه ولانو لازم يحكي مع اهلو كمان و كنت اتفهم وضعو
المهم انو وقت يحكيني يرتاح البي وترجعلي فرحتي ..??

ضلت الأمور ماشيه بهدوء ..

لوقت ما صار اتصال مره بالأسبوع .. يصير مره بالأسبوعين ... و يحكي معي بنشافه و ببلادة ... ??

سكتت وتحملت .. بعد ست شهور .. كترت المشاكل بيناتنا .. وما عاد حكينا متل الخلئ

يافا : محمود شبك شو صايرلك??

محمود : ييييي علينا لسه شو صايرلك و ليش متغير حاجه ولو ??

يافا : لا مو حاجه .. انت مو على بعضك

محمود : لك الجو هون حريقه .. عم انشوي تحت الشمس كل النهار .. ما معقولة بدك ياني اجي سمعك حكي حلو وانا مكسر ??

يافا : حكي حلو !! ليش انا طالبتك بحكي حلو ؟

محمود : طيب طيب رصيدي خلص يلا سلام

يافا : انا عبيت وحدات رح دئلك

محمود : لا نعسان خبيهن انتي بتدئيلي بعد اسبوعين بدل ما انا دئ .. ديري بالك على حالك

و سكر الخط و انا ما حكيت ولا كلمة .. ??

قعدت ساعتين وانا عم هز برجلي ودمي يفور ويغلي ومسكرة باب الغرفة على حالي ..

بعدين قررت ارجع دقلو ..

مسكت الموبايل واتصلت عليه .. و فتح علي الخط .. وردت علي وحده

مجهولة : هاااااااي

شهقت بقوة و حطيت ايدي على تمي .. كان البي عم يدئ بسرعه كأنو رح يوقف ..
بثواني حسيت خلايا جسمي كلها ماتت ..
و رجع الموبايل يرن بايدي . حطيتو على ادني و رديت

محمود :يافا انا ـــــــــــــ

فصلت الخط .. رميت الموبايل ... دفنت حالي بتختي و كتمت صوتي تحت مخدتي وصرت اصرررخ
كيف بيعمل فيني هيك ؟ مين هي ؟؟؟؟؟؟
لك شو عم يصير ... انا بكابوووروسسس !!! مستحييييل ??
مستحييييييل ????

سكتت وما حكيت شي لأهلي ..
بعد اسبوع كان موبايلي مسكر .. اجت اختو الصغيرة وزارتنا وطلبت تشوفني .. فتنا وقعدنا بغرفتي وكانت فرح قاعده معنا

رويدة : ليش مزعله اخي ؟

يافا : اسأليه ??

رويدة : ما رضي يقلي بس قال صاير سوء تفاهم بيناتكن

يافا : لا مو سوء تفاهم ..

رويدة : طيب تعالي اعطيني موبايلك .. محمود طلب مني نزلك الواتس مشان يصير يحكي معك

يافا : ما في داعي

رويدة : لك هاتي بلا عناد

اخدتي موبايلي ونزلت برنامج الواتس وقالتلي عبي وحدات مشان اقدر احكي بس بكون ارخص من المكالمات ..

عملت متل ما فهمتني .. وبالليل وصلني مسج عالواتس اب من محمود

محمود ( مسا الخير ) ..

ما رديت عليه ..

محمود ( انا هداك النهار كنت طالع مع رفقاتي .. هي الصبيه كانت معنا و ردت على تلفوني بدون اذني .. سامحيني ) ??

يافا ( عذر اقبح من ذنب .. ابعت اهلك ياخدو المحبس ما عاد بدي ياك ) ??

محمود ( لو بدك تبعتيلي محبسي كان عملتيها من زمان ، بس لانك بنت اصل سكتي لنحل الموضوع )

يافا ( لا ما هيك ابداً ، بس توقعت عندك عذر مقنع طلع ما عندك شي )

محمود ( رح دئلك )

اتصل علي و صار يفهمني انو الحياة عندهن ما متل عندنا .. واي شلة رفقات بيكون فيها بنات وشباب وهو ما بقدر ينعزل عن العالم
انا ما اقتنعت .. بس سامعتو لان ما بقدر عيش بلاه ... كتمتها بقلبي وعملت حالي جدبة وسدئتو على امل انو يكون صحي على غلطو و تكون مجرد نزوة ما بالاخير انا حب حياتو ..

#مجتمع_فاشل

#الجزء_الأول 1

#قصة_حب ..

يافا يافا يافا .. فهمتي ولي
غليظة ؟ ??

فرح : اااخ يا امي يا امي .. خليها تترك شعراتي اااخ اخ ??

اتطلعت امي من باب المطبخ علينا لقتني قاعده فوق ضهر اختي فرح وماسكتها من شعراتها ??

ام وليد : لييك المجنونة .. لك قومي عن اختك يعدمني ياكي .. قوووومي قبل ما اشلح من رجلي ها ??
يافا : يا الله امي ضلك دافعي عنها .. عم تندهلي نشافة بدل يافا .. شو هاد ياه ??

فرح : ولي ولي شعري .. اخر مره خلص اتركييييني يا متوحشة ??

ام وليد : لك قومي انتي وياها لسه ما خلصتو شغلكن .. ولك انتي بدك تنخطبي ؟ بدك تنخطبي وقاعده فوق اختك ؟ رح تجلطوووني??
بس يجي ابوكي انتي وياها بورجيكن .. بسيطه ??
ومسحت ايدها بدقنها وضلت تهددنا ..
تركت شعرات فرح من ايدي وقت اتزكرت انو اليوم جاي محمود يطلبني ??

يافا : وليه فرح .. قولك رح تتيسر اموري ؟??

فرح : والله يا اختي شكلو الله فرجا عليكي انتي وابن خالتي المغضوب .. كيف ابي وافق عليه ما بعرف ??
يا ترى معقول ابي جن لا سمح الله ؟??

يافا : لك ليش بتحكي هيك ع محمود ؟ بتعرفي انو لما نزل عمرة .. راح خص نص ليدعي الله يلين قلب ابي ؟ ??
لهيك الله تاب علينا من الحب عالشبابيك .. كأنو ربك دخيل اسمو سمع دعائو عند الكعبة وبليلة وضحاها ابوكي بعت لخالتك انو يجو يطلبو رسمي ??

فرح : يعني انتي جدبة شي ؟ صبيه متعلمة ومتل الغزالة .. ليش لتاخدي نجاررررر ؟ انو الشغل مو عيب ما قلنا شي .. بس
انتي هلأ خلصتي بكلوريا وطلعت نتائجك ونجحتي .. بكرا بتروحي عالجامعة و بتحملي هالكتب على ايدك وبتصيري وبتتصوري يا حوبة ??

يافا : ايه اخرسي .. صحيح محمود نجار بس يئبرني ما في برجولتو و حنيتو ????

فرح : الله يتمملك على خير يا اختي يا حبيبتي يا نشافة ??????

يافا : يييييي لك ما بتتربي انتي ما بتتربي ؟??

فرح : هههههههه التوبة التوبة اخر مره ??

يافا : فوفو .. حبابة بدي استعير الفستان الأحمر تبعك والبسو .. كتير بيلبئلي ولا شو رأيك انتي ؟ ??

فرح : هلأ ليكي .. مبدئياً انتي قومي عني لانو انكسر ضهري وانتي قاعده فوقي وبعدين منتناقش ??

يافا : ييي نسيت اني قاعده فوقك ههههههه ??

نطيت على اربعتي وقمت من فوق فرح .. وحطيت ايدي ورا خصري ??

يافا : وهلأ رح تعطيني الفستان البسو ؟ ??

فرح : ايه مو تكرم عينك ؟ كم اخت عندي انا ؟ ووحده ... وحده ومشيبتني دخيل عينهاااااا??

مسكتها من خدها وشديتو مع شوية لئمنة : دخيلها اختي الصغيرة ام لساااان شو بحبها ??

نزلتلي ايدي و ابتسمت ابتسامة خبيثه ??

فرح : ايه يلا لكن .. كملي تعزيل وانا فايته احكي مع رفيتي لمى .. وبس خلصتي تعي خدي الفستان الأحمر ????
ودارتلي ضهرها ومشيت وهي عم تتغندر ??

فرح : ما تنسي تغسلي الشبابيك .. حاسة عليهن غبرهو ??

و ركضت على غرفتها وسكرت الباب وراها

نفخت نفخه طيرت شعراتي الي نازلين على وشي .. ومسحت جبيني بضهر ايدي .. ??

يافا : بسيطه يا فرح انا بورجيكي .. ياربي وين وصلنا ؟ة من وين بدي بلش ؟ .. ما ضل وقت ..??

رجعت اشتغل بالبيت .. لمعتو زاوية زاوية وانا عم فكر انو اليوم محمود رح يفوت هون وهو ( عريسي ) مو ابن خالتي ??

اديش متلهفة لوقف قدامو واتطلع بعيونو ... بعد كل هالشقا والتعب اخيراً رح نصير لبعض ..

خلصت كل شي وفتت شقيت على امي بالمطبخ كانت عم تحضر ضيافه .. ??

ام وليد : سلام قول من رب رحيم .. ليش هيك شكلك متل الشحاده وليه !!????

تطلعت بتيابي .. كان كلهن وسخ وغبرة .. وشعري ملزق ببعضو .. و ريحتي كلور وأرز ????

يافا : اه ؟ ما بعرف ..

ام وليد : لك اركضي عالحمام .. اركضييي ليفي حالك قبل ما يجو بيت اختي .. لا وابوكي ما بدو يعطي ابن اختي ??
لك لمين بدو يعطيكي اه ؟ مين بدو ياخدك .. قوااااااااام عالحمام ??

يافا : يا ماما .. يا ماما .. روقييييييييي

ام وليد : لك لبرا قوااااااااااام ??????

ركضت من المطبخ و رمت وراي الشحاط????

يافا : بس يجي ابي رح قلو انك ضربتيني هاااااااااا ??

فتت عالغرفة ولقيت فرح متمدده عالتخت و حاطه الهاتف بحضنها وعم تحكي مع لمى .. وبس شافتني صارت تضحك علي ??

فرح : ههههههههه لك شو هاااااااااد ?????? ،، لمى بعدين بحكي معك .. لك اي اي منكمل حكي بعد شوي .. يلا باي

يافا : شبك ليه هيك عم تضحكي ؟??

فرح : وليه ضل نص ساعه وبيوصلو بيت خالتك .. اصدي بيت حماكي .. شو هالمنظر هاد ??

قعدت على تختي وانا تعبانه وحاسة رح غيب عن الوعي من كتر ما اشتغلت ونطيت عالحيطان والشبابيك لنظفهن ??

صرخت فرح : لك قومي قومي قومييييييي??

ـ ارتعبت وقمت بسرعه لك شوووو فيييييي??

فرح : رح توسخي الشراشف يا شرنه .. ????

يافا : اووووووووف

فرح : فوتي تحممي ورح طلعلك الفستان يلا??

يافا : ماشي يلا .. ليكي تعي بالأول غسليلي شعري .. ما بعرف حاسه في شي عم يتحرك براسي ??

فرح : اي يلا ..????

#يتبع ....
#madeha

#مجتمع_فاشل ..

#الجزء_الثاني 2

#قصة_حب ..

فرح : لايكون قمل وصيبان ??

يافا : لك لا مو قمل و صيبان ??

فرح : لا حول ولا قوة الا بالله .. قومي قدامي يلا ????‍?

فتت عالحمام وفاتت معي فرح .. نزلت راسي و صار شعري لقدام .. وفرح عم تزت المي السخنه فوق شعراتي وتغسلي ياهن منيح

يافا : وليييييي سخنه المي ??

فرح : ايه مشان تنظفي حبيبتي ههههههه??

يافا : طولي بالك لاطلع من الحمام بدي انتفك

فرح : هههههههه ماشي

طلعت فرح وتركتني .. وقعدت تحت المي السخنه عم افرك حالي بالحجر الخشن وصابون الغار .. وانا عم فكر اديه حياتي رح تصير حلوة
و اديه رح ننبسط انا ومحمود وتكون حياتنا غير كل المتزوجين .. ما كنت مسدئة يمشي الوقت و يقرأو الفاتحه .. ??

وبالفعل .. صارت الساعه سته المسا ..

جهزنا كل شي من ضيافه واستقبال وغيرو .. وجهزت حالي منيح ..??

وصل محمود وابوه واخوانو وكانو جايبين معهن كم واحد من كبار العيلة و وجاهاتا ??

فاتو عالمضافة .. وركضت انا وفرح ورا باب المضافة لنسمع الحديث .. ( من طقطق للسلام عليكم ) يعني من اولو لآخرو ??

بعد الترحيب و التهلاية و بعد ما جوز خالتي اختصر كترت الحكي ..

ابو محمود : ايه عديلي .. انت بتعرف انو النا طلب عندك و اليوم اجيناك بمعية هالوجوه الطيبه لنطلب بنتك يافا على سنه الله و رسولو لابني محمود .. ??

ابو وليد : النا الشرف اخي .. بس بدكن ما تواخذوني انا الي شروط !!

تطلعت انا وفرح ببعض و خفت كتير .. همست لفرح ( شو عم يعمل ابوكي ؟) ??
فرح بهمس : طولي بالك اختي خلينا نسمع

رجعنا نتسمع عليهن ..

ابو محمود : شروط ؟ .. تفضل شو شروطك ؟

أبو وليد : بنتي بدها تكمل دراستها .. وما بتطلع من عندي إلا على بيت لحالها ..

سكتو الكل شوي .. وانا صار البي يغلي .. من وين بدو يجيبلي محمود بيت لحالي وهو وضعو على ئدو !! ????

وفجأة سمعت محمود عم يرد مو ابوه

محمود : على عيني عمي .. طلباتك كلها على عيني و راسي ??

أبو وليد : الله يبارك فيك يا ابني .. لكن خلونا نقرأ الفاتحه .. ??

ما عاد وعيت إلا وفرح عم تضمني وتبوسني وتباركلي ????????

وصوت الرجال جوا عم يقرأو الفاتحه بصوت عالي لانهن عدد كبير

وانا مفتحه عيوني ومو مسدئة حالي ..

بعد يومين كتبنا كتاب شيخ .. يعني ما مثبت بالمحكمة بس صرت مرتو بشرع ربنا ..

كان بهداك الوقت عمري 19 ..

طلعلي معهد تجاري .. وصـــار حبيب روحي كل يوم الصبح بنطرني بأول الحارة ويوصلني لعند السرفيس .. وبس ارجع من معهدي
لاقيه ناطرني بالموقف كمان .. ونضل ماشين كل الطريق سوا واحكيلو كل شي من تفاصيل يومي ????
اوقات يضحك معي .. اوقات يمسحلي دمعتي .. احياناً يعصب علي .. ??

و بيوم قلي انو كتير مشتقلي وما بدو يروح ويتركني .. دء باب بيتنا وفتحلو ابي ..

محمود : كيفك عمي ؟

ابو وليد : اهلين ابني .. اهلين يافا فوتي ابي لجوا

فتت عالبيت و وقفت ورا ابي ...

قام ابي ليسكر الباب : يعطيك العافيه ابني .. سلملي عالوالد

محمود : اييييه الله يعافيك .. والله انا قلت اليوم بوصل يافا وبفوت بزوركن الي كتير ما جيت لعندكن ??

ابو وليد : ايه والله مزبوط .. ما الك امبارح الساعه تنتين مروح من عندنا .. كتير غبت عنا ..

اجت فرح وقفت وراي وانا عم اضحك ??

فرح : شو عم يصير ??

يافا : محمود بدو يفوت يقعد معي وابوكي ما عم يفوتو ??

فرح : ايه انا بفوتلك ياه ??

مشت اختي وبصوت عالي : اهلين محمود .. ليش واقفين عالباب .. فوت تفضل ..??

فتح ابي الباب .. وفات محمود عالمضافه

فتت انا متل الطيارة بدلت تيابي وعملت كاستين شاي ندفي عظامنا فيهن لان كنا بآخر تشرين و فايتين على شتوية ??

ابو وليد : فرح فوتي اقعدي مع اختك وخطيبها انا تعبان وما الي خلق اقعدلهن لتجي امك من عند الجيران بتناوب عنك ??

فرح : ايه حاضر ابي .. يلا مشي يافا

فتنا سوا و بعد مفاصلات و اتفاقات بعدت عنا فرح وتركتنا ناخود راحتنا ??

محمود : دخيل الي خلئك شو بحبك .. ما عم اشبع منك ??

يافا : وطي صوتك هي بتكون ادنيها عندنا ??

محمود : ايه ويكون ..مرتي .. مررررتي
يافا : يخليلي ياك يارب .. ????

مد ايدو .. ولف ايدي بين ايديه .. حسيت بتيار كهربا مشي بجسمي .. هربو عيوني من عيونو .. وزادت دئات البي ????

قرب علي وهمسلي : ليش احمرو خدودك ؟

ما رديت عليه ..

محمود : والي خلئك ما بعشئ من بعدك ??

يافا : محمود خلص .. اتروك ايدي ??

فرح : احمممممممممم .. احمممممممممم ... يابيييييييي .. ابو وليييييد .. تعا بدنا رأيك بموضوع ??

بلمح البصر صرت انا بأول الغرفة و محمود بآخرها ...????

فرح : ههههههههه لك نايم نايم .. من شوي رحت جيب مي وشفتو غفيان .. كملو حبيباتي ??

محمود : وليه زعرة .. انتي بدي اخدك لأخي شو قلتي ؟

خجلت فرح و اختفت الضحكة الي على وشها و نزلت عيونها ??

يافا : هي محمود عرف دواكي .. كني بئى والله وقعتيلي قلبي تضرسي ??

#مجتمع_فاشل ..

#الجزء_الثالث 3

#قصة_حب ..

رحت على المعهد وبآخر الدوام اول ما نزلت لقيتو ناطرني تحت .. ركضت لعندو وانا مبسوطه .. وما بعرف كيف لفني بين ايديه وقلي ( اشتقتلك ) ?? اتطلعت حوالي ??
وشديت على سناني : محمود شيل ايدك عني??

بعدتو عني ومشيت بسرعه وانا خجلانه من رفقاتي الي شافوني بهاد المنظر ..?? لحقني وسحبني لنقعد بحديقة المعهد ..
هو يحكيني وانا دموعي على باب عيني من القهر والخجل ??

مافي ثواني وبلشت الدنيه تنقط والسما تقطر مطر خفيف ??

يافا : عم تشتي ؟

محمود : ايه حتى السما بتبكي على زعلك .. لكن انا شو قول ؟ ??

ضحكت بدلال وحبيت هالغزل منو ..??

محمود : متزكر انك كنتي تحبي المطر؟

يافا : ايه ولساتني بحبو ??

محمود : شو رأيك نبئى ؟

يافا : عنجد ؟ ??

محمود : ايه والله

يافا : بس ليك العالم عم تركض وتهرب

محمود : خليهن يقولو مجنون بحبيبتو وماخدتلو عئلو انتي شو بدك ????

وبهداك النهار بلشت المطرة تشد .. والشتي يقوى .. زخ المطر فوقنا .. ونحنا على ذات المقعد
والشوارع فضيت .. والعالم تخبت ببيوتها .. و محمود عم يدفيلي ايدي ويضحك لضحكتي ..

وقبل ما يتأخر الوقت .. ركضنا لنرجع عالبيت بلا ما اعلق مع ابي ??‍?????

فتت وحكيت كل شي لفرح .. كانت تسمعني وعيونها دايبين وعم يلمعو ??

فرح : يا الله ما احلى الحب ????

كلمتها هزتني .. حسيت كأني عم ضر اختي وعم جمل الحب بعيونها .. غيرت نبرتي وكملت حكيي

يافا : ايه حلو لأنو حلال .. هلأ انا ومحمود لما كنا نحب بعض قبل ما نكتب كتابنا .. ما كان في بينا هالمشاعر الحلوة
او هالحب هاد .. بس دايماً الحلال الو بركة .. الله يطعمك ياه ????

فرح : ايه اكيد .. الله يسمع منك ??

مرقت سنه ونص ونحنا على ذات الحال ..
محمود ما قدر يضل يجي عالبيت لعندنا متل قبل لأن ابي كان يتزاول منو ??
بس هالشي ما اثر على حبنا بنوب .. بالعكس .. كان يخلي الشوق يكبر واللهفة تزيد
ومع لسعة جنانو لمحمود كان كل شي بيطير الـعـقل ..????

كـل شي .. كل شي كان حلو ???

لوقت ما اجا هداك اليوم .. ودئلي محمود على موبايلي الي هداني ياه .. وكان صوتو متغير كتير ومو على عادتو ??

يافا : كيفك حبيبي ؟

محمود : تمام كيفك انتي ؟

سكتت شوي .. وبعدين رجعت حكيت

يافا : فيك شي ؟??

كأني من انفاسو كنت افهم شبو .. وكأنو المصايب وقت تجي الها ريحه معينة .. ريحه مميزة بيقدر يشمها الواحد عن بعد ??

بعد صمت طويل ..

محمود : يافا ..

يافا : عم اسمعك شو في احكي ؟!!!

محمود : انا بدي سافر .. ??

سكتت و نطرتو يضحك او يئلي عم امزح

محمود : شو ؟

يافا : ههه شو ؟??

محمود : طلعتلي سفرة على الإمارات .. كنت مقدم على شركة بدها عمال .. وقبلوني ..

يافا : بتحكي جد ؟ .. بدك تروح وتتركني يعني ؟

محمود : لا انا رايح وماخدك بئلبي .. بس مشان اقدر جيبلك البيت الي ابوكي طلبو مني ??

يافا : رح قلك كلمة وحده .. ازا بدك تسافر بتنسى يافا .. بتنساها تماماً ??

حبست دمعتي بس رجفة صوتي فضحتني ..

محمود : ما تبكي .. يمكن الحكي عالتليفون ما بينفع .. رح اجي لعندكن لنتفاهم .. سلام

سكرنا الخط وكان في خوف بئلبي بس لسه هالخوف ما تحول لواقع وكنت متخيلة انو فيني امنعو يصير .. ??

اجا محمود هو واهلو وقعدو مع اهلي قبل ما فوت .. بعدين عملت عصير و فتت ..

وبعد شوي فهمت انو الكل متفقين و موافقين على سفرتو ????

يافا : يعني انا ما الي كلمة بالموضوع ؟??

ابو وليد : ابي الانسان لازم يحكم عقلو والمنطق .. هالبلد ما فيها رزقة والشب صحتلو سفرة الله ييسرلو ..

ام محمود : يا بنتي حاولي تقنعيه ما يسافر قلبي رح ينشلع عليكي ??

ابو محمود : ايييه انتو النسوان ما بتفكرو الا بقلبكن .. محمود رح يسافر ... و طلعتو بعد شهر بس لتزبطلو الشركة اوراقو ..

ضليت ساكته و نزلو دموعي و اختصرو الحكي

محمود : شو قلتي ؟

يافا : شو بدي قول .. الله يسهلك ??

قمت من الغرفة وركضت على غرفتي وضليت ابكي وفرح قاعده جنبي وعم تهديني ..

مع الأيام صار يراضيني ويدللني بورد وشوكلا ومشاوير و اهلي يخلونا ناخود راحتنا ?? .. بآخر شهر قبل ما يسافر
فتلنا الشام شبر شبر و زاوية زاوية

سوق الحميدية .. حلويات كرزة .. مطعم ست الشام .. الجامع الأموي .. وكل يوم ناكول ببوظة بكداش .. ??
اخدني لنشوف البيت والحارات الشامية القديمة بالصالحية .. وفتلنا بساتين الغوطة .. ??

يمكن كان مفكر هيك عم ينسيني المصيبه الي ناطرتني .. انا ماكنت ناسيه .. كنت بس عم حاول استغل اخر وقت الي معو بكل طاقتي
كنت مأجلة البكي لوقتو .. و الدموع لساعتها ..

هيكـ لأجى يوم السفر ..
اجا لعندنا وكان مستأجر سيارة لتوصلو على المطار ..
وقفنا قدام باب البيت ونزل لعندنا واخد الرضى من امي وابي
و وصل لعندي ..

محمود : سامحيني ??