قصة اليوم : #وتر
.............
قراءة ممتعة🦋💙"
#ⴅÂÐЄĦÂ

نعم
وقعت في حب ذاك الوتر
منذ لقائي الاول به
تنميت لو ان شرايين قلبي
تصطف على كمانه
بدل تلك الاوتار
ليعزف عليها سيمفونيته الحزينة
كي يعتصرها بين اصابعه
ويخرج منها انات تقطر أسى
تمنيت لو أني اتموضع مكان ذلك الكمان
يحني رأسه إلي
ويغمض تلك العينين
و تنبع من دواخله الحان كلها ألم
يتفنن في إخراج الحزن مني
ويغرف العالم بدموع
لاترى الا بعين القلب
نعم.....إنني أعشق الوتر الحزين
________________________

#وتر
#الجزء_الاول
@rwayate
ماجدة:بتعرفي يا روح اني بحب ربي بناتي احسن تربية

روح:اكيد ماجدة خانم

ماجدة:اليوم...بدي اخدهن يحضرو مسرحية لشكسبير

روح:تمام

ماجدة:وبعدها....الاوركسترا الشرقية عاملة عرض...لازم نروح نحضرو

روح:اي ساعة بتحبي نكون جاهزين

ماجدة:عال2....بخلص شغلي و بجي منروح سوا...و انتي اكيد رح تكوني معنا لانو بتعرفي انو صعب عليي اعتني فيهن لوحدي

روح:ماتاكلي هم مدام

ماجدة:طيب....يلا باي

روح:مع السلامة

_انا روح....عمري 22 سنة....المربية لبنات ماجدة خانم....سنا و مها...اعمارهن...14 و 15...من اكتر البنات الي شفتهن بحياتي ادب و ارفعهن اخلاق
عم يتربو تربية صالونات...وحياتهن كلاسيكية كتير
امهن...ماجدة خانم...عمرها 40 سنة...ارملة...ومديرة شركة زوجها المرحوم
صرلي سنتين بشتغل عندها و معاملتها معي كتير راقية
و انسانية
انا خريجة تربية و علم نفس...وبعرف كتير منيح كيف اتعامل مع البنات و هالشي الي محبب ماجدة خانم فيني_
@rwayate
مها:صباح الخير روح

روح:صباح النور.....شو ماصحيت سنا

مها:لسا..بتعرفيها كسلانة

سنا:انا مو كسلانة(تتاوبت وشدت ايديها)....بس سهرت مبارح على رواية لل3 الصبح

مها:برافو...بكرا شوفي الهالات السودا حول عيونك كيف بدها تصير

سنا:اي تصير دخيييلك المهم استمتعت بالرواية

روح:يلا هلأ بدلو تيابكن لان الخدم جهزولكن الفطور و امكن محضرتلكن برنامج اليوم

مها:وشو البرنامج؟

روح:اول شي رح تحضرو مسرحية لشكسبير

مها:اووووف ياااا

سنا:يااااي....كتير كتير حلو

روح:وبعدها رح نحضر عرض للاوركسترا الشرقية

مها:اي هيك ها...شي بيرد الروح..و بيشبع الحواس
@rwayate
سنا:مابحب الموسيقا!!!

روح:لهيك فطرو و خلينا نراجع كم درس كرمال تكونو جاهزين عالوقت

سنا:تعالي فطري معنا

مها:اي تعالي

روح:يلا رح انطركن تحت

_مها 16 سنة....بشوفها انثى من الطبقة المخملية...عم تتأثر بشخصية امها بشكل كبير....شعرها الاشقر و المجعد بطريقة خفيفة....و بشرتها القمحية و عيونها الشهل....بتشبه امها قلبا" و قالبا"....بتحب الموسيقا الكلاسيكية...و بتهتم بجمالها و رشاقتها...حتى لبسها كتير كلاسيكي....اما سنا الاخت الصغيرة
بنت مرحة....مثقفة...فارة كتب...و بتهتم بكل شي الو علاقة بالعلم...عفوية و لطيفة و جمالها فريد من نوعو
شعرها الاسود الغامق و الناعم متل الحرير و الي موصل لاخر ضهرها...وعيونها الي بلون الزمرد....وبشرتها البيضا
بحب البنتين...و بحسن اخواتي وكل عيلتي
لاني انحرمت من العيلة و من الاخوات...بعوض معهن هالشعور_

_على طاولة الفطور_

سنا:حكيلنا....ليش اهلك سموكي روح

مها:يييي علينا كم مرة بدا تحكيلك

سنا:سكتي...بحب اسمع الحكاية منها

روح(تنهدت و ابتسمت)لا تتخانقو...رح احكيها لاخر مرة

_تنهدت مها بملل لانها حفظت القصة_
@rwayate
روح:امي و ابي حبو بعض كتير...مع انو زواجهن تقليدي
بس الحب بيناتهن كان كبير كتير
حملت امي فيني و كان الفرح مملي حياتهن....لحد ما عملو حادث....على اثرو امي صار معها ولادة مبكرة
ولدوها قيصرية و توفت....و ابي سماني روح....لانو حس اني روح امي الي تركتلو ياها بالدنيا...رباني لصار عمري 4 سنين و مات بازمة قلبية مع انو كان شب مابيتجاوز ال28 سنة....بس الحزن عمل فيه هيك...و اخدوني بيت عمي و ربوني....هي هيه قصتي

سنا:(تنهدت)يا الله....بزعل على ابوكي كتير...صعب الواحد يفقد حدا بيحبو

روح:بالفعل صعب احساس الفقد

سنا:الله يرحمهن

روح:امين

مها:برأيكن شو المقطوعة الي رح تعزفها الاوركسترا اليوم

سنا:مابعرف....بس نشالله مانمل

روح:انا بتمنى اسمع شي حلو وكلو احساس...شوماكانت المقطوعة

مها:اه يا روح....لازمك شوية ثقافة موسيقية...مافي شي بالموسيقا مافي احساس...الموسيقا كلها احساس...عالعموم انا حابة اسمع بحيرة البجع

روح:قولتك لازمني ثقافة موسيقية....و انتو لازمكن تخلصو فطوركن و تغسلو لنلحق نراجع دروسكن قبل الضهر

مها وسنا:حاضر

____________________________
@rwayate
عادل: ماجدة خانم...بيشرفني اعزمك عالعشا اليوم

ماجدة:عادل!!!...شكرا لكرم اخلاقك بس انا مشغولة اليوم المسا

عادل:مامعقول....كل ما قرر اعزمك بتطلعي مشغولة!

ماجدة:اعذرني بترجاك...مافيني اقبل دعوتك

عادل:(بنبرة حنونة وهادية)انا شايف...انو من حقك تطلعي من توب الست الارملة...و تعيشي حياتك شوي

ماجدة:بس انا......

عادل:انا وياكي منعرف بعض من سنين....ماصار الوقت الي تعطي لعلاقتنا فرصة تتطور شوي

#وتر
#بقلم_فيلوفوبيا
#الجزء_السادس
@rwayate
الجزء السادس
_بقيت عم روح و اجي بالشاليه و القلق عم ياكلني....موبايل نادر بالبيت وماترك شي ليقلي وين راح
الف فكرة اجت براسي بهالساعة وبعد اكتر من ساعة سمعت صوت تيم برات الشاليه...ركدت بسرعة وفتحت الباب لقيت نادر حاملو اخدتو من ايدو و حضنتو و قلبي عم يرجف من الخوف عليه_

روح:وين كنتو!!!

نادر:كنا عم نجيب فطور

روح:بدها كل هالوقت!!

نادر:يادوب صرلي ساعة شبك!

روح:ولا شي بس خفت على تيم

نادر:طيب....تعالي فطري

روح:مابدي مالي جوعانة

نادر:اوووف....سمعيني روح....بعرف انك لساتك مدايقة مني و انك ماحابة تحكي معي....بس الظرف الي نحنا فيه فارض علينا نحكي مع بعض...لهيك فرديها وخلصنا

روح:انا مو زعلانة بالعكس عادي كتير....و اقل من عادي
انا بس مالي جوعانة

نادر:متل مابدك....بس تجوعي بتاكلي

_على قد ماحبيتو على قد ما كرهت برود مشاعرو وتجاهلو
مابعرف اذا كان عم يتصنع هالشي ليكرهني فيه...مع انو حنون كتير مع ابنو....بس معي كان التجاهل سيد المواقف كلها...قضينا اول يوم بدون مانحكي مع بعض و بدون ما يحكي نادر مع اختو....وتاني يوم كسر الصمت حكى معي_

نادر:في سهرة عالشاطئ بتحبي تروحي

روح:سهرة؟؟

نادر:اي حفلة عامة

روح:امممم

نادر:يمكن اعزف فيها شوي...شو رأيك تروحي تسمعي

روح:وتيم؟

نادر:خديه معك

روح:طيب....بروح

نادر:بدلي تيابك انا ناطرك بالسيارة

_لبست فستان ابيض قصير و رفعت شعري وحطيت حلق طويل وصل لكتافي و مكياج خفيف وحملت تيم و رحت لبرا....كان نادر ناطرني بالسيارة و لما شافني ماظهر عليه اي اعجاب فيني او بلبسي...بالعكس كان كتير بارد
وصلنا لمكان الحفلة وكان في شباب و بنات عم يرقصو و مبسوطين....وقفنا على طاولة و من حسن حظي انو تيم بالعرباية تبعو...شوي و تركني نادر و راح للمسرح ليعزف
طلع عالمسرح و الكل سفقلو...وبلش عزف....."ديسباسيتو"
اول مرة بشوفو عم يعزف الحان سعيدة و مرحة...كان عم يبتسم كل الوقت و كالعادة عيونو مغمضين وسارح مع الموسيقى لعالم تاني....
و انا سارحة معو و كأن مافي غيري انا وياه بهالمكان...
كل ما اسمع عزفو بحس بنفس الاحساس الي حسيتو اول مرة....بحس بالرجفة....ببرودة الاطراف..بالارتباك
بحس انفاسي مخربطة و دقات قلبي عم تمشي على ايقاع عزفو.....خلص عزف و طلبو منو اغنية تانية
و تجاوب مع الجمهور......و انا مدموجة مع عزفو مالقيت غير شب و اجا وقف جنبي_

_شو رأيك نرقص سوا؟

روح:(ابتسامة مصطنعة)لا معلش مافيني اترك ابني

_اها ابنك؟امممم....طيب شو رأيك اعزمك على شي تشربي

روح:لا شكرا مافيني اشرب...وياريت تنصرف قبل مايشوفك زوجي

_دخيلك...رح انصرف...ههه شو ناقصني معقدين انا

_انزعجت كتير من كلامو لهالشب و نادر مدموج مع جمهورو و اغنية ورا اغنية وماعم يوقف....تركت الحفلة واخدت تيم و رحت امشي عالشاطئ
شلحت من رجلي و مشيت عالرمل حافية و الموج عم يلامسني كل شوي
حسيت برغبة بالبكا....مابعرف ليش..حسيت حالي وحيدة...ضايعة...تعبانة و مغربة....بدون شعور بلشت ابكي...لعنة الحب عم تعذبني...والظاهر هلاكي رح يكون على ايد هالحب
مشيت كتير و بكيت كتير لحتى ضيعت الطريق وماعاد عرفت كيف بدي ارجع عالبيت...اتصلت بنادر ليجي ياخدني_

نادر:(بعصبية)انتي شو وصلك لهون!!!

روح(بصوت مخنوق)مابعرف...مشيت مشيت وضعت مالقيت حالي الا هون

نادر:لك ماخفتي حدا يتعرضلك!!ماخفتي يطلعلك شي شب سكران و يحاول يعتدي عليكي!!

روح:مافكرت بشي...كنت بس بدي اهرب

نادر:يابنت انتي مسؤوليتي....اذا صرلك شي انا بحمل مسؤوليتو....ليش مابتنتبهي عحالك بس فهميني!!

روح:الله يخليك خلص....وديني عالبيت بدي نام

نادر:اللهم طولك ياروح!!شرفي عالسيارة

_طلعت بالسيارة و حطيت تيم بحضني و غفيت عالطريق...حسيت على نادر عم يصحيني لانزل....و وقت نزلنا كانت المصيبة_

نجوى:و اخيرا اجيت!!!

نادر:انتي كيف عرفتي مكاني!!

نجوى:نسيان اني بعرف كل رفقاتك.....بعدين حضرتك مشغل الgps على جوالك وقدرت اعرف مكانك بسهولة

نادر:يلعن حظي!!!!

نجوى:بدي احكي معك

نادر:مافي شي ينحكى

نجوى:نادر الله يخليك انا ايامي صفيت معدودة بهالحياة

نادر(انصدم)شو!!!

نجوى:خلينا نقعد لوحدنا ونحكي

نادر:طيب.....روح....خدي تيم و فوتي لجوا

_كنت بعرف انو ضعيف تجاهها...بس مو لهدرجة...مو لدرجة انو من كلمة يلين و يقرر يسمعها....حسيت النار عم تاكلني....فتت لجوا و طلعت عليه من الشباك....قعد جنبها عالكرسي الي جنب الشاليه وبلشت تحكي و هو ساكت....حسيت عيوني عم يحرقوني و دمي عم يغلي بقيت شي ساعة عم تحكي
وبعدها مسكت ايدو وحطت ايدها على دقنو و باست خدو شفتو عم يتجاوب معها....شفتو مرتاح و ساكن لوجودها جنبو....بهاللحظة تأكدت اني مالي مكان بحياتو ولا بقلبو...رغم انها خانتو و تزوجت عشيقها و تركتو ومع هالشي هو تجاوب معها!!!!
دخلت على غرفة النوم و قعدت عالتخت و ماقدرت ابكي ولا حتى نزل دمعة وحدة...وبعد شوي دخل لعندي و حكى بنبرة خيبة_

#وتر
#بقلم_فيلوفوبيا
#الجزء_السابع
#انتهت
@rwayate
_تركتنا نجوى و راحت متل المجنونة لتخلي زوجها يتصرف.....بس زوجها ماقدر يعمل شي لانو نادر ساحب ملفات تيم من المشفى وماخلا اي دليل يثبت انو نجوى ولدت بتيم
و ماقدر يشتكي او يعمل اي اجراء رسمي لانو بيخاف على اسمو و سمعتو وماكان ادامها شي تعملو الا انو تطالب نادر بانها تشوف تيم ساعتين كل يوم وهو سمحلها بهالشي بس شفقة عليها_

_بعد ايام_

نادر:جهزي حالك...رح نرجع للشام

روح:حاضر

نادر:ماصحلنا نمثل متل ماتفقنا

روح:عادي....انت ليش راجع عالشام!

نادر:مشان نجوى تشوف تيم و لانو اختي بحاجتي كرمال ننهي معاملة الطلاق و لساعدها بالشغل بالشركة بعد روحة هداك الندل....الي طلع عم يختلس من اموال الشركة و فاتح حسابات ضخمة باسمو...الموضوع بحاجة ملاحقة و لازم كون جنب اختي

روح:اممم

نادر:اي ........يعني هيك

روح:طيب....رح فوت ضب غراضي

_مسك ايدي و شدني لعندو_

نادر:لحظة بس

روح:شو في

نادر:مارح تشتاقي لعزفي؟

روح:انت غريب....مابدك ياني حبك و بدك ياني اشتقلك!!!

نادر:انا بدي الحب الي بقلبك يبقى عايش و ماتقتليه...لاني رح ارجعلك بيوم...انا متأكد من هالشي

روح:و اذا مارجعت!....ببقى متعلقة بوهم

نادر:انتي ماعم تفهميني....انا بخاف من الحب...بخاف من الخيانة..انا معي فيلوفوبيا...فوبيا الوقوع بالحب!

_مسكت ايدو و حطيتها على قلبي و طلعت بعيونو بتركيز_

روح:برأيك.....قلب بيحبك لهالدرجة...ممكن يخونك!

نادر:_____

روح:شي مرة سمعت عن روح طلعت من جسدها و راحت لجسد تاني؟

نادر:لا

روح:انا روح......انا مابخون.....خود القوة مني...وطالع حالك من مستنقع الخيانة....(مسحت على وجهو بايدي)
انت اسمى...من انك تبقى معلق حالك على طرف جرف الماضي....انت ميت و بحاجة روح لتعيش

نادر:بحاجة روح!!!

روح:اي.....انت ما اذنبت لتعيش بهيك جحيم...عتبرني فرصة جديدة....حياة جديدة انوهبت الك...لتعيش متل مامفروض تعيش

نادر:(ابتسم)معك حق

روح:خود وقتك....امحي كل شي سيء جواتك....مشاعر الغضب و الكره محيهن...و انا رح انطرك...لاني....(همست)بحبك

_تركتو و مشيت خطوتين ورجعت التفتت_

روح:وعلى فكرة رح اشتاق لعزفك

- دخلت للغرفة لضب غراضي و غراض تيم و هو بقي شارد بمحلو.....طلعت لعندو و انا مبتسمة و قلتلو اني جاهزة للمشي و رجعنا عالشام_
_رجعنا عالشام و وصلني نادر لبيت عمي....مرت عمي لما شافتني انصدمت...تعذبت كتير ببعدي عن تيم و عن نادر
بس كان لازم كابر على حالي و اكبس على جرحي لانو نادر بحاجة وقت ليقدر يحبني حاولت اتناسى كتير و نطرت الموسم الدراسي الجديد ليبلش و بلشت درس بمدرسة للاطفال...مرت الايام ببطئ و بملل كبير لحد مابيوم...._

ابو فهد:سمعي ياعمي

روح:تفضل عمي

ابوفهد:هالبيت بدي اعملو مشروع تجاري كبير

روح:اي؟؟

ابوفهد:رح اخد العيلة و اطلع منو....و انتي...دبري حالك بشي غرفة

روح:كيف يعني دبر حالي بشي غرفة

ابوفهد :يعني ستأجريلك غرفة عيشي فيها البيت الي بدي اخدو صغير و يادوب يوسعنا انا ومرت عمك و الولاد

روح:بس ياعمي انا الي حصة بهالبيت

ابوفهد:شو نسيتي انك تنازلتي عن حصتك

روح:لا مانسيت

ابو فهد:اي روحي دوري على غرفة على ادك لان هاليومين بدنا نسلم البيت للمتعهد

روح:ماشي عمي...حاضر

_غصيت بدموعي و احترت وين بدي روح بحالي
ما اجا ببالي غير ماجدة...رحت لبيتها و تمنيت لاقيها هنيك_

ماجدة:زمان ماشفناكي ياعمري

روح:والله عم اشتغل بمدرسة كرمال هيك

مها:رووح....شتقتللللك(عانقتني)

روح:هههه و انا اكتر

سنا:اهلين ياروحي

روح:هههه مابتبطلي حركاتك

سنا:معقول بطل!!

روح:والله شتقتلكن كتير

ماجدة:طمنيني شو اخبارك روح...كيف ايامك

روح:بصراحة انا اجيت لعنكن بطلب

ماجدة:تفضلي حبيبتي

روح:انا حابة ارجع اشتغل مربية للبنات

ماجدة:حبيبتي البيت بيتك....بس الحمدلله انا و بناتي اتفقنا يعني لاتواخزيني هنه كبرو عالمربية

روح:امممم

نادر:بس تيم بحاجة مربية

روح:ايمتا اجيت اخي!

_دخل نادر وهو حامل تيم على كتافو....ماعرفت شوبدي اعمل من فرحتي بشوفتهن_

نادر:كيفك روح

روح:الحمدلله....انت كيفك..وتيم كيفو

نادر:مشتاق!!....تيم مشتاق لامو روح

روح:ههه

نادر:اي...تيم بدو مربية... وحصريا" بدو ياكي...ايمتا فيكي تبلشي شغل؟

روح:ايمتا مابدك

نادر:من بكرا بتبلشي....هلأ رح تتعشي معنا و بعدا بوصلك لبيتك

روح:مابدي عزبكن معي

ماجدة:لاعذاب ولا شي حبيبتي انتي من اهل البيت

روح:تسلميلي يارب

_مع اني كنت اخدة عهد على حالي اني ما ارجع اشتغل ببيت نادر....بس القدر حطو بطريقي مرة تانية وماعندي ملجأ تاني ....كان لازم خبرو عن وضعي الحقيقي
لاني رح اضطر نام ببيتو بينما اقدر صمد اجار غرفة
بعد العشا و بعد مالاعبت تيم و شبعت منو....قمنا انا ونادر ليوصلني للبيت_

نادر:تفضلي

روح:شوهاد؟؟موتور!!!!

نادر:اي شتريتو من فترة....... كل يوم بالليل بطلع بتفتل فيه

روح:و رح توصلني عليه!!

نادر:يعني برأيك زابطة اترك مرتي هون...امشي يلا

روح:طيب

_طلعنا من بيت عمي و رحنا على فندق و حجزلي نادر غرفة لابقى فيها....و قلي انو تاني يوم بيجي لعندي....صحيت تاني يوم متأخرة و اتصلت فيه عالموبايل وقلي انو عمي وقع على عقد البيع و استلم المصاري كاملين و قال انو المسا بيجي لعندي
المسا من نفس اليوم طلعت لعندي عاملة من خدمة الغرف.....قدمتلي فستان باللون الابيض و علبة مكياج و طلبت مني البسو وجهز حالي....عرفت انو نادر ورا هالشي...لبست وجهزت حالي و انا اعصابي عم ترجف....اجاني اتصال بأني انزل على مطعم الفندق....نزلت و دقات قلبي وصلت للمليون...وصلت للمطعم لقيتو معبى ورد ابيض....و بآخر القاعة كان نادر واقف و حامل كمانو....لابس طقم اسود و لما شافني بلش عزف...."احبك"لحسين الجسمي....و طلت مها عم تغني من وراه
@rwayate
"انا كل مانويت انسى"
"لك الذكرى ترجعني"
"ترى للحين...انا احبك"
"و شوفك بين حين و حين"
"فراقك اه يافراقك"
"كسر قلبي و عذبني"
"و نا نذر علي ابقى"
"احبك لين يوم الدين"

_بدون شعور بكيت من فرحي...ماعرفت شو بدي اعمل....قعدت على كرسي قريب و نادر قطع عزفو و اجا لعندي....نزل لصار عند مستوى عيوني و حاكاني_

نادر:ليش عم تبكي؟

روح:(تبكي)شو كل هاد!!....انا فستان ابيض و انت طقم و ورد ابيض......و ههه....احبك...شوكل هاد!!

نادر:(مسك ايديي)يلي صارو بيعرفو انك مرتي كتار....برأيك مالازم نحط حد لهالكذبة الي بكل موقف محرج منلجأ الها

روح(عقدت حواجبي باستغراب)شو يعني!

نادر:يعني....."و انا نذر علي ابقى احبك لين يوم الدين"
بتقبلي تتزوجيني

روح:(صرت ابكي اكتر)

نادر:لك ليش الدموع!!هاد مو خبر حلو يعني

روح:لك انا ماعم صدق انو عم اسمع هالحكي منك انت

نادر:ههه ولا انا....يمكن بحياتي ماكنت رومنسي هيك...بس انتي..غيرتيني...فكرت حالي لما تبعدي رح انساكي...بس بعدك عني قلب كياني كلو...بدون شعور تعلقت بوجودك معي وين مارحت
وكان كتير صعب عليي نسيانك او تجاهل المشاعر الي حسيتا تجاهك لما بعدتي...لهيك انا بدي رجعك لعندي....مو كمربية لابني
كزوجة...وكحبيبة...وكأم...و كأخت...و كرفيقة
بدي ياكي معي...لاني اكتشفت اني بحبك...بحبك اكتر من ماحبيت بكل حياتي...ومارح اسمح تضيعي من بين ايديي مرة تانية....شو قلتي؟موافقة تتزوجيني

روح(حطيت ايدي على خدو و طلعت بعيونو لاغرق فيهن)....اي موافقة...ههههه....موافقة

_وقف مواجهي ومسك ايديي وشدني لعندو بكل قوتو
حضني و كأن من مية سنة ماشافني...حسيت قلبي لامس قلبو....وروحي لامست روحو....حسيت وكأن بهاليوم انكتب علينا نلتحم وما نتفارق لأي سبب_

نادر:انتي روحي.....روحي انا الي كانت ضايعة مني و هلأ ارتدتلي
انتي الروح الي بصدري....الروح الي انا عايش فيها...بدونك انا كنت ميت....ميت عم يمشي عالارض
بعتلي ياكي القدر هدية و قلي خود هي روح...روح جديدة لتعيش فيها...روح تسكن جواتي وماتفارقني
و بفراقك..رح موت اكيد....ماحدا بيعيش بدون روح!

_بعدت عنو وحطيت ايدي على خدو و ابتسمت بين دموعي_

روح:انا مابعرف شو بدي قلك

نادر:قولي انك بتحبيني وبس

روح:بحبك...بحبك..بحبك..بحبك..بحبك

نادر:ههه....و انا بحبك...يا روحي

_بهاد اليوم بلشت حكايتي مع نادر....كان مجهز كل شي لكتب كتابنا بنفس اليوم.....و بعد فترة تزوجنا
و بالنسبة لتيم....تسجل على اسمي عنجد...لانو نادر ماكان مسجلو بالسجلات الرسمية لسا....نطر لثبتنا زواجنا بالمحكمة و فورا سجلو على اسمي ودفع مخالفة تأخير تسجيلو بس صرت امو بالقانون
و نجوى....ماطولت لتوفت و قضى عليها مرضها....اما سنا و مها....انخطبو سوا لاخين....وعرسهن بس ليخلصو دراستهن....
و ماجدة تابت عن الزواج و كرست حياتها لبناتها و سلمت ادارة الشركة لنادر_

_بعد سنتين_

نادر(بيصرخ)رووح!!!!شيلي الكمان من ايد تيم بسرعة....

روح:اي خلي يتعلم يعزف شو بدك فيه

نادر:لك هاد نشاز مو عزف

روح:تعال لورجيك كيف انا عم اتعلم

_حملت الكمان و القوس و بلشت اعزف نشاز و نادر سكر ادنيه و ركد لعندي وهو معصب_

نادر:هاتي من ايدك!!!

روح:خليني اتعلم نااادر

نادر:بعلمك و الله لعلمك بس انتي ولدي بخير وسلامة

روح:على سيرة الولادة....كأني موجوعة

نادر:لاتقوليها لسا مبارح قالو بتتحملي اسبوع

روح:لكن روح عملي اكل جوعانة انا و البيبي

نادر:روح!

روح:ياعيون روح انت

نادر(ابتسم)هه....بحبك

روح:انا اكتر

نادر:تجي نقيس؟

روح:ههههه....لا خلص انت اكتر..مالي قدك انا

نادر:شاطرة

روح:امانة....سمعني شي

نادر:على راسي....بس تعالي قعدي مشان ماتتعبي بالوقفة

_قعدت عالصوفا و اجا تيم قعد جنبي و حضني...ونادر قعد مواجهي و عزفلي على كمانو..."نسيني الدنيا"
لساتني كل مابسمع عزفو بروح لمكان تاني....لساتو قلبي بيرجف من نظراتو و لسا ايديي بيبردو بوجودو.....
لساتني بحبو متل قبل....و اكتر...وهو...من نظرة وحدة بيغرقني بحبو الي_

#وتر
#انتهت

#وتر
#بقلم_فيلوفوبيا
#الجزء_الرابع
@rwayate
نادر:تفضلو اهلا وسهلا

مها:بيتك كتير بعيد عن المدينة خالو

نادر:هيك احسن....فوتي روح لاتستحي

روح:شكرا

نادر:هاتي تيم عنك

_كان البيت من طراز الاكواخ....مؤلف من طابقين..بالطابق الارضي طقمين كنبايات و مطبخ اميركي مفتوح و شاشة تلفزيون كبيرة....البيت كتير كان حلو و دافي و بيشبه نادر بشكل كبير_

نادر:هون غرفة الاعدة....عاليمين غرفة مكتبي و استديو صغير للموسيقى....و فوق غرف النوم،غرفتي و غرفة لتيم و غرفة للضيوف

مها:حلو...انا بنام مع تيم و روح بتنام بغرفة نوم الضيوف

نادر:هيك منيح....شو رأيك روح

روح:اه؟؟اي مافي مشكلة

نادر:طيب....ارتاحو و رتبو غراضكن بغرفكن على بين ما انزل جيب غدا و ارجع

مها:مع السلامة خالو......اااه..شايفة شو حلو البيت و مريح

روح:اي حلو

مها:شبكي روح مالك على بعضك

روح:مافيني شي تعبانة من السفر بس

مها:الحق معك....ماقلتيلي كيف رضيو بيت عمك

روح:ههه....قبلو..بطريقة ما

مها:منيح كتير....هون رح نكون نحنا التلاتة بس..مافي حدا يزعجنا

روح:معك حق....رح شغل الموقدة مشان نتدفا...الدنيا برد كتير

مها:اوك...و انا طالعة رتب غراضي فوق

_تأملت البيت....روح نادر فيه....صح انا اجيت معهن بملئ ارادتي بس على امل اني اربح شي بدال الي خسرتو...بس شكلي مارح اربح شي....بلشت تمرق الايام
و كل يوم بيشبه الي قبلو....عنايتي بتيم و حبي الو
و حبي لنادر الي عم يكبر كتيييير بوجودو معي و سماع موسيقتو كل يوم....بهالفترة لجأت للرسم لعبر عن الي جواتي...صرت ارسم نادر وهو شارد اغلب الوقت
وهو عم يعزف عالكمان و عيونو مغمضين....حركات ايديه و ابتسامتو الباهتة
رغم بعدو عني....وعدم شعورو فيني...والسر الي مخبيه بحياتو....انا كل مالي عم حبو اكتر و اتعلق فيه اكتر
و بعد فترة و بعد مابلشت مها دراسة و دوام بالمدرسة هون....بليلة باردة كان نادر بحديقة البيت و عم يعزف على كمانو اغنية ياحبي الي غاب....نيمت تيم و نزلت لشوفو قبل مانام_

روح:على فكرة عزفك هي الاغنية بيجنن

نادر:يمكن لانها طالعة من القلب

روح:يعني عم تبكي على حبك الي غاب

نادر:______

روح:انا رح نام...تصبح على خير

نادر:روح!!!

روح:نعم

نادر:تعالي خلينا نحكي...حاسس حالي بحاجة اني احكي لحدا

روح:تفضل عم اسمعك

نادر:يمكن....عم تسألي حالك عن الحزن الي مخيم على قلبي و حياتي بشكل عام....او الهدوء و الصمت الي انا فيه...موهيك

روح:مبلا هيك

نادر:"ياحبي الي غاب...من عمري انا"
"حياتي عذاب...انحرمت الهنا"
تركتني و هربت بليلة مافيها ضو قمر...تركت عندي طفل عمرو ايام....وهربت مع حبيبها

روح:حبيبها!!!

نادر:ههه....(تنهد)كنا سوا...بنفس الشركة..اشتغلنا سوا...هيه كانت سكرتيرة المدير...و انا مهندس بهالشركة حبيتا بجنون
و ماصدقت ايمتا اجت الفرصة الي تقربت منها فيها

روح:شو كانت هالفرصة؟

نادر:الفرصة انها تركت المدير الي كانت تحبو.وكان في علاقة بيناتهن..بعدما تركتو...فورا انا دخلت عالخط...و عوضتها عن غيابو و عن خيانتو الها

روح:اي؟؟

نادر:اي....انا كنت اعمى....ماكنت شايف ادامي...ما كنت شايف انها عاملتني وسيلة لتغيظ حبيبها و تخلي يغار عليها....حبيتا بجنون...عشقتها بشكل مابيتصورو عقل....عرضت عليها الزواج و جكر بالمدير وافقت عليي
خلال فترة قصيرة تزوجنا و قعدنا ببيتي...موهاد البيت
غيرو....اول فترة كانت متل الحلم بالنسبة الي....وكابوس بالنسبة الها....كانت باردة معي...ناشفة...انقلبت بعد الزواج و عرفت انها عملت غلط كبير ومابينغفر...مافي شهرين كانت حامل...وبعد 3 شهور من حملها...بكتشف مكالمات بينها و بينو
تخانقنا...بهدلتا عيطت عليها بس ما فهمت...كانت بوجهي شي و بضهري شي...بقيت تحكي معو....صرت اعمل حالي موشايف لانو بدي ياها تبقى معي...لاني بحاجتها تكون جنبي...كنت بحاجتها لاقدر اتنفس
امتنعت عن العزف كرمالها لانها مابتحب الموسيقى
عم تتخيلي اديش ضحيت كرمالا....كل هاد وهيه غرقانة بالندم لانها تركتو و تزوجتني...كل هاد و هيه حاسستني غلطة و بدها تصححها....سايرتا كتير و حاكيتا كتير و خبرتا اني بحبا و رح سامحها ..استغلت طيبتي و حبي
و بلشت تطلع معو وهيه حامل!
حامل بابني....انا كنت حاسس...كنت شايف...بس طولت بالي عليها...كنت ناطرها بس لتولد حتى اعمل اللازم معها
ماكنت بعرف انها ناطرة الولادة اكتر مني....(يبكي)لك....لك صار يجيني اخبار من الناس الي شافوهل بالمطعم الفلاني و المقهى العلاني معو
صار يجيني اخبار انها يوم عالبحر و يوم بالجبل و يوم بجهنم الي تاخدها...معو...معو...فضلتو عليي
وسكتت....سكتت....لحد ما اجا اليوم الي ولدت فيه
جابت ابني عالدنيا و سمتو ريان...وبعد ماولدت بايام....اجا اليوم الي صحيت فيه الصبح....لقيتها هربانة و تاركتلي رسالة تعتذر مني فيها....وتركت طفل ماتجاوز عمرو العشر ايام

روح:رسالة اعتذار!!!!

#وتر
#بقلم_فيلوفوبيا
@rwayate
#الجزء_الخامس

_بعد اشهر_

سنا:يا الله ياماما شو شتقتلن كلهن

ماجدة:مو قدي حبيبتي....صرلي 6 شهور ماشفت مها...كتير تعزبت لرضيو يجو يعملو عيد ميلاد تيم عنا

سنا:يؤبرني اكيد بيكون حليان كتير

ماجدة:اكيد

سنا:ماما....قولك معقول خالي يكون حبها لروح؟

ماجدة:نشالله ياعمري نشالله منى عيني شوفو مبسوط بحياتو

_دخل عادل_

عادل:مرحبا....عن مين عم تحكو؟؟

ماجدة:عم نحكي عن اخي و ابنو...جايين اليوم لنحتفل بعيد ميلاد ابنو

عادل:اممم...حلو كتير...حبيبتي معلش اعزم اخي و مرتو على عيد الميلاد

ماجدة:اخوك؟

عادل:اي حبيبتي...مالو زمان جاية من البرازيل هو و مرتو وحابب اعزمهن لعرفهن عليكي و عرفك عليهن

ماجدة:طيب....مافي مشكلة اعزمهن

عادل:اوك....هلأ بتصل فيهن

ماجدة:طيب...انا رح قوم شوف الخدم اذا محضرين كل شي

عادل:اوك حبيبي

_بعد ماراحت ماجدة_

عادل:شو ياحلوة؟؟(ضحك ضحكة خبيثة)ماقررتي تحني عليي شوي؟

سنا:عمو عادل كرمال الله حل عني...تركني بحالي بقا!!!

عادل(مسح على خد سنا)اي شو حل عنك!!!معقول شوف هالجمال و اتركو لغيري و انا احق فيه

سنا:انا.....انا طالعة لغرفتي

عادل:ههههه....اخرتك رح توقعي بين ايديي

_طلعت سنا عالدرج ركد و وصلت لغرفتها وقفلت الباب عحالها و قلبها عم يدق بسرعة من الخوف من عادل
الي تزوج امها بعد سفر مها بشهرين....بدون عرس او شي
والي تعودت على وساخة حركاتو معها...و صار عندها عادة قفل الباب على حالها كل مادخلت لمكان من خوفها ليدفش الباب و يدخل لعندها....لانو محاولاتو بالاعتداء عليها كترت بآخر فترة....وماكان في عندها مهرب ولاكان فيها تخبر امها بهالشي لانو مورجيها حالو بصورة الحمل الوديع وصعب تصدقها بدون دليل
بس جية نادر و مها و روح اليوم رح توقفو عن هالافعال
عالاقل لفترة و ماعاد يسترجي يتخطى حدودو بوجودهن
بعد الضهر وصلو المسافرين و سنا طار عقلها بشوفتهن و اكتر شي بشوفة اختها مها بعد هالغياب_

سنا:شتقتلكن كتييير....عنجد كتيير شتقتلكن..مابقا تروحو وتتركوني

مها:تؤبشيني والله ونحنا شتقنالك اكتر

روح:والله قعدتنا هون مرتبطة بخالك هو بيقرر نبقى او نرجع نسافر

سنا:رح اعمل جهدي اقنعو تبقو هون على طول

_مساء نفس اليوم_

ماجدة:يلا ياجماعة تفضلو ليطفي تيم الشموع

عادل:لحظة....ممكن تنطرو شوي ليوصل اخي و مرتو

ماجدة(طلعت بنادر)شو اخي؟

نادر:مافي مشكلة...مننطر شوي كمان

_رن جرس البيت_

عادل:اكيد هدول هنه

_متل العادة تيم بحضني....ونادر قاعد مقابلي و جنبو ماجدة والبنات بالجهة التانية....كنت عم لاعب تيم لما شفت الضيوف دخلو و مع دخلتهن طلعت على نادر للاقي وجهو مخطوف لونو و نظراتو جامدة بمحلها و هو عم يطلع بالضيف و مرتو_

رائد:مسالخير ياجماعة

نجوى:مسالخي.....(جمدت وقت شافت ماجدة و نادر)

نادر:هاد انتي نجوى!!!!!

نجوى:(باستغراب)نادر!

ماجدة:عادل هدول هنه اخوك ومرتو

عادل:انتو بتعرفو بعض!!!!!

نادر:عز المعرفة ياصهري العزيز.....(صرخ)روح!!!خدي تيم وطلعي لفوق

نجوى:لحظة لحظة....هاد ابني ؟؟؟؟

نادر:لا....هاد مو ابنك ابنك مات

_قربت مني نجوى لتشوف تيم وحاولت تحط ايدها عليه بس نادر شدني لجنبو انا وتيم و منعها من هالشي_

نجوى:نادر لاتكزب هاد ابني....ابني و اليوم عيد ميلادو

نادر:عم قلك ابنك ماااااات....وهاد ابني انا..

نجوى:مين امو؟

نادر:امو....امو بتكون روح مرتي الي تزوجتا بعد ما نقلعتي...هي عيلتي الجديدة

رائد:نجوى خلينا نمشي

نجوى:موقبل ما اتأكد انو هاد ابني

نادر:(بيصرخ)عم قلك موووو ابنك!!!خدي زوجك ونقلعي من هون يلا!!!

نجوى:مستحيل...هاد ابني

ماجدة:و الك عين تقولي ابني كمان!!!الك عين تفوتي بيتي بعد كل شي عملتيه بأخي

نجوى:هاد موضوع مابيخصك

ماجدة:لاحبيبتي بيخصني ونص كمان....تيم ابن اخي من مرتو روح و ابنك ريان مات بعدما هربتي بكم يوم

نجوى:ايمتا لحقت تتزوج و تحمل مرتك و تخلف ولد و يصير عمرو سنة و انا ماصرلي تاركتك الا سنة....فهمني ياها لهي

نادر:سمعي نجوى....هاد الولد....هو ابنك....بس اذا بتطولي السما مارح تطولي عم تفهمي....مافي قوة بالدنيا كلها رح تقدر تخليكي تشوفيه او تحمليه

نجوى:بالقانون بدي اخدو منك....هاد ابني و من حقي شوفو ومن حقو يربى بحضن امو

_سحبت تيم من ايدي وهو صار يبكي و يرمي حالو عليي ويقول ماما_

نجوى:لك وعم يقلها ماما....هيك بكل بساطة...مين انتي ياحشرة حتى تسرقي ابني مني ويقلك ماما

نادر:احترمي حالك قلتلك روح مرتي

نجوى:ما عأساس بتحبني و ميت على فراقي و ياما ناس شايفينك سكران بالنوادي اليلية بعد ماتركتك

نادر:هاد شي مابيخصك و روح قدرت تنسيني ياكي وتنسيني انو كان في وحدة بالوجود اسمها نجوى

نجوى:هههههه لا واضح من نظراتك الي اول مادخلت و من المحابس الي مالكن لابسينهن

نادر:ماخصك بهالحكي و هاتي الولد من ايدك

_رجع نادر سحب تيم من ايد نجوى وتيم خاف بزيادة و صار يبكي اكتر من اول_

#وتر
#بقلم_فيلوفوبيا
#الجزء_الثاني
@rwayate
مها:هاي روح
روح:اهلين حبيبتي
سنا:كيفك يا روحي
روح:ههههه
سنا:بتعرفي شو ؟؟
روح:لا مابعرف
سنا:نيالك بكرا بس تحبي حدا بيناديلك يا روحي...بيكون ضرب 3 عصافير بحجير
روح:ههههه وشو هنه؟
سنا:دلع و غزل و ياء الملكية لاسمك
روح:يا سلاااام...محظوظة انا
مها:على فكرة انتي تفكيرك سطحي سنا
سنا:وليش بقا؟
مها:لانو يلي بدو يحب روح مارح يحتاج غزل ولا دلع....هو لازم بس ينطق اسمها يحس انو روحو يلي تحركت من جوا....يلي بدو يحبها لازم يكون انسان كتير حساس
سنا:الله الله(صفقتلا باستهزاء)ماااعم اعرفك يا رومنسية انتي
روح:ههههه...خلص انتو التنتين...بدك ماجدة خانم تسمعكن عم تحكو هالحكي هاد الله اعلم اديش كانت رح تعصب
مها:معها حق....لانو نحنا صغار على هيك حكي
روح:ماقلتلولي مين ضيفكن المميز اليوم؟؟
سنا:خالي نادر
روح:خالك؟ماكنت بعرف انو عندكن خوال
مها:اي هاد خالي الوحيد...عايش ببيروت وجاية زيارة لهون
روح:حلو معناها انتو متحمسين لشوفتو
سنا:شي اكيد
روح:لكن خلينا نلحق ندرس قبل مايصير موعد جيتو
_درست البنات مدة ساعتين و بعدين كل وحدة اتجهت لغرفتها لتغير تيابها وتجهز و انا توجهت للمكتبة لاختار كتاب اقرأو و اتسلى فيه..._
ماجدة:كيفك روح
روح:اهلين ست ماجدة
ماجدة:الخدم جهزو الغدا؟
روح:اي كل شي جاهز و البنات بغرفهن عم يلبسو
ماجدة:تمام
روح:مدام سمحيلي اسأل مين الضيف المهم؟
ماجدة:اخي...جاية من السفر...صرلي زمان ماشفتو
روح:طيب
ماجدة:رح تبقي عنا ...في ضيف تاني جاية كمان
روح:مين؟
ماجدة:عادل...محامي الشركة...بدو يجي يتغدا عنا
روح:طيب
ماجدة:رح اطلع جهز حالي انا
روح:خدي راحتك
_يمكن اسمي خلا عندي حساسية زايدة لارواح الناس
حسيت عليها كيف مرتبكة و كأنها بنت مراهقة وجاية حبيبها يزورها بعد غياب
فرحتلها لانو بشوف انو من حقها تحب و تنحب
رحت لشوف مظهري عالمراية الي بالصالون
تأملت شكلي من فوق لتحت....بنت...نحيفة..ببشرة بيضا و عيون عسليات...شعري المموج بلونو العسلي
و طولي الي مابيتجاوز ال160....ماعندي اي غرور بجمالي بالعكس...بحياتي ماحسيت بهالجمال لانو همومي كانت بتتجاوزو.....وانا عم اتأمل حالي رن جرس البيت و فتحت الخادمة وكانت عم تأهل وتسهل بأخو ماجدة خانم_
الخادمة:روح...الست ماجدة بتقلك اهتمي بالضيف بينما تجهز هيه وتنزل
روح:اوك
_اخدت نفس ومشيت باتجاه غرفة الضيوف انصدمت وقت شفت كمان محطوط بعلبتو عالكنباية وصاحب الكمان واقف و عاطي ضهرو للباب....حاولت اتمالك حالي و سيطر على افكاري..._
روح:احم...اهلا و سهلا
_التفت لعندي و رفع حاجبو باستغراب...و هون شكوكي تأكدت...اخو ماجدة هو نفسو عازف الكمان تبع مبارح_
نادر:اهلين فيكي...مين حضرتك
_تسارعو دقات قلبي و وجهي احمر و عبق...حسيت بالرجفة عم تمشي بعروقي....و رجع شريط عزفو مبارح ينعاد بذاكرتي...مابعرف كيف تمالكت اعصابي و رديت عليه_
روح:احم......انا روح...المربية تبع البنات
نادر:روح؟؟؟اسم غريب
روح(ابتسمت بخجل)الكل هيك بيقول
نادر:شي اكيد...انا نادر اخوها للست...ياريت تناديها و تنادي البنات
روح:الست ماجدة شوي و بتكون عندك
نادر:تمام(رجع التفت للشباك)
روح:احم....انت....بقصد...حضرتك...بتعزف كتير حلو
نادر:(ابتسامة باهتة)الكل هيك بيقول
روح:هه شي اكيد
_مابعرف اذا كان مغرور او شايف حالو....بس احساسي كان بيقول انو حزين....تقاسيم وجهو....نظراتو الشاحبة و ابتسامتو المزيفة...كانو بيحكو حكاية حزن مخباية جواتو._
ماجدة:اهلا وسهلا....اهلين ياعمري نورت
نادر:بوجودك اختي
ماجدة:تؤبرني شو مشتاقتلك
نادر:انا بالاكتر...شو وين البنات
ماجدة:روح من فضلك نادي للبنات
روح:حاضر ست ماجدة
_على طاولة الغدا_
ماجدة:رجاءا تنطرو شوي عم استنا ضيف
نادر:ومين هالضيف اختي
ماجدة:محامي الشركة...عزمتو عالغدا و بدنا نناقش كم قصة بعد الغدا
نادر:شي حلو
ماجدة:(بارتباك)اخي انا...
نادر:ماجدة!!هي حياتك و انتي حرة انا مالي علاقة
_رن جرس البيت ودخل عامر_
عادل:نشالله ماكون تأخرت عليكن
ماجدة(بابتسامة دافية)لا ابدا تفضل
_راقبت تفاصيلهن كلن....بس تركيزي كان معظمو على نادر...كان جذاب بشكل رهيب...عيونو السود عم يقدحو شرر...بشرتو حنطية مع غمازة على خدو اليسار و ابتسامتو رغم انها مزيفة بس جذابة كتير...شكل حواجبو متل السيوف و شعرو اسود و سابل و مرفوع لفوق بطريقة عصرية دقنو خفيفة وعروق ايديه بارزين تيابو كانو سبور شيك و انيق...ريحة عطرو عبقت بالبيت كلو
بشكل لا ارادي انجذبت تجاهو...حسيت في قوة رهيبة عم تشدني الو...و اكيد هو لاحظ نظراتي...بس مو بايدي
و بعتقد انو هاد بيسموه حب!!_
_باليوم التالي_
مها:يعني ماعم افهم شو الو شغل عنا هاد عادل
سنا:شو بدك فيهن انتي ؟محامي و جاية بشغل شو خصك
مها:ماشفتي نظراتو لامك كيف!!
سنا:عادي...ماما حلوة و اي رجال ممكن يعجب فيها
مها:يعني ماعندك مشكلة انو رجال يعجب بامك!!
سنا:لا وين المشكلة
مها:لك ...سكتي خلص
روح:خلص يابنات ليش الخناق هلأ

#وتر
#بقلم_فيلوفوبيا
#الجزء_الثالث
@rwayate
الجزء الثالث

نادر:مرحبا

مها:يؤبرررني جمالو الحلوو

سنا:و اخيرا جبتو لعناا....تعال ياعمري انت

نادر:هههه طولو بالكن عالصبي نايم

مها:اي هاتو بدنا نفيقو يؤبرني شو كبران

سنا:تعالي روح....تعالي شوفي ابن خالي شوحلو يؤبر قلبي

نادر:هه يلا هتمو فيه انا عندي شغل بدي اقضيه وبرجع

مها:ماتاكل هم روح هون وهيه بتعرف تنتبه الو

نادر:فيني اعتمد عليكي انسة روح؟؟

_ماكنت فايقة من صدمتي بشوفتو فايت وحامل ابنو الصغير بالكرسي تبعو....ليصدمني مرة تانية و يطلب مني انتبه عليه....قلبي كان رح يوقف و بلش الحزن يتسلل لجواتي...اخدت نفس و طلعت فيه وابتسمت_

روح:ماتاكل هم...انا بنتبه الو...بس بعد اذنك ماتتأخر لان لازم روح على البيت

نادر:لا لا ساعة بالكتير بس في شي مهم بدي اعملو و برجع

روح:(ابتسمت ابتسامة باهتة)ماتاكل هم

نادر:تفضلي هي الشنتة فيها غراضو

روح:اوك

نادر:طيب....بالاذن

_قربت من البيبي شوي شوي....كان نايم متل الملاك
و مجرد ماشفتو حسيت انو الله القى محبتو بقلبي....حملتو بين ايديي و كأنو ابني وعم احملو لاول مرة...كان صغير...حلو...بشرتو ناعمة و بيضا متل التلج
رموش عيونو طوال وسود و خدودو متل التفاح_

مها:حلو كتير موهيك

روح:كتير....شو اسمو؟؟

مها:تيم

سنا:ريان

روح:تيم و لا ريان؟

مها:بعمرك مارح تركزي انتي...اسمو تيم...امو كانت مسميتو ريان بس خالي غير اسمو لتيم

روح:احم....خالك متزوج؟

مها:(ارتبكت و اصطنعت الابتسامة)مطلق

روح: و ام تيم وينها؟

مها:سافرت

روح:اممممم

سنا:عطيني ياه احملو شوي

روح:تفضلي.....اديش عمرو تيم

مها:ست شهور

روح:ياعمري....صغير لسا ليعيش بدون امو

مها:(رفعت كتافها و لوت شفافها)هيك صار

سنا:روح انتي بتعرفي تهتمي فيه مو هيك

روح:ههه طبعا....ما انا دارسة تربية

سنا:دخييييلو الحلو
_______________________________

_بعد ايام كنا قاعدين بصالة البيت و تيم نايم بحضني و نادر برات البيت.....ماجدة رايحة و جاية بقلق بالبيت
دقايق و اندق الباب ومع فوتة نادر نزلت مها عالدرج عم تبكي و حضنت نادر_

ماجدة:تأخرت الضيوف على وصول

نادر:كان عندي بروفا....شبكي خالو...ليش هيك مقهورة

مها(صرخت)بدهااا تتزوجوووو.....بدها تنخطب و تتزوج

نادر:يامها موحكينا بهالموضوع و اتفقنا انو امك حرة بحياتها

مها(صرخت على امها)مااالك حرة...عم تسمعيني ماالك حرة...مارح تتزوجي لهاد الزلمة...مو بوجودي بهالبيت ابداااا عم تفهمي

ماجدة:حبيبتي مها بترجاكي فهميني....انا....انا عشت عمري وحيدة...من حقي لاقي كتف استند عليه بكبرتي...من حقي يكون عندي حدا يهتم فيكي

مها:لاااا....انتي من حقك تهتمي فينا و بس....انتي واجبك تربينا و تكبرينا...مو من حقك تجيبي رجال غريب على هالبيت و تخلي ياخد مكان بابا ممووووو من حقك

ماجدة:ماحدا بياخد مكانو بس انا تعبت....تعبت و الله تعبت

نادر:خلصنا مها....فرطيها هلأ....خلينا نكتب الكتاب و بعد مايروحو الجماعة منحكي

مها:ماااارح ينكتب شي....انتي مارح تتزوجي هاد الزلمة...عم تفهمي مارح تتزوجي

نادر:اوووف....روح حكيلك كلمة مع مها

_قمت من مكاني و حطيت تيم بالكرسي تبعو و رحت لعند مها مسكت ايدها لنقعد على جنب و نحكي...بس حضنتني وصارت تبكي اكتر_

مها:(تبكي)بترجاكي ياروح لاتخلي ماما تتزوج هاد الزلمة مشاان الله

روح:خلص ياعمري...اهدي شوي مابيصير هيك

مها:مابدي امي تتزوج

روح:(مسحت دموعها و رفعت شعرا عن وجها)
مارح تتزوج هلأ....رح يخطبو بس خطبة واذا شافتو مو مناسب الك و لسنا رح تتركو فورا...امك عندا راحتكن بالدنيا كلها ومارح تترك شي يدايقكن

ماجدة:عندي راحتكن قبل راحتي....بس خليني عيش يومين بسعادة

مها:المفروض سعادتك تكون معنا و بس

ماجدة:خلص انا مابقا اقدر ناقشها...روح خديها لغرفتا و هديها

روح:حاضر ست ماجدة....تعالي مها لنحكي فوق

مها(غصت و حكت بصوت مكسور)مارح سامحك ماما مارح سامحك

نادر:معلش اذا جبتلك تيم روح؟كرمال مايبكي ادام الضيوف

روح:اكيد...انا رح اسند مها عالدرج...حملو انت و طالعلي ياه

نادر:اوك

_بغرفة مها....رمت مها حالها عالتخت و رجعت تبكي...قعدت جنبها و طبطبت عليها دقايق و انفتح الباب و دخل نادر و حط تيم عالكنباية الي مواجه التخت....قامت مها فجأة و طلعت فيني كيف عم طلع بنادر وهو طالع و بس طلع حكت معي_

مها:انتي كمان!!!

روح:شو انا

مها:انتي كمان بدك تحبي و تنحبي و تتركينا

روح:عن شو عم تحكي

مها:بدك تتركيني شي يوم؟

روح:(بارتباك)ههه انا!!

مها:اي انتي

روح:انا مالي بقيانتلك لاخر عمرك...انتي سنة تانية ومارح تحتاجيني

مها:انا بدي ياكي تبقي معي على طول

روح:حاضر رح ابقى معك على طول

مها:سمعيني.....انا بدي اطلع مع خالي على بيروت...بدي عيش عندو....مافيني شوف رجال غريب فايت على بيتنا

روح:ليش خالك ايمتا مسافر

مها:بعد يومين....بدي ياكي تروحي معي

روح:بس انا مابقدر