#الخروج_من_التابوت_8 #الخروج_من_التابوت
@rwayate
الحلقة الثامنة
ابو نارين جاب الصورة واعطاني ياها.. حكالي هاي بنتي.. انا مسكت الصورة واتطلعت عليها.. وكانت الصدمه انه الصورة لنفس نارين اللي عرفتها!!! السؤال اللي كان براسي بهاللحظة إذن أنا مين اللي عرفتها ومين قتلت!! ماعرفت وقتها شو أجاوب نفسي.. وضليتني بحالة ذهول تام.. حكيتلهم صاحبة نارين بس بدها توصللها انها مشتاقه وانا بعرفها ومارضيت تحكيلي تفاصيل بس طلبت مني ازوركم واوصللكم سلامها يمكن لأنها بتحبها كتير!.. حكتلي امها بس أنا حاسه انه في شي غير هيك.. لأنه تصرفاتك غريبة ومن أول مادخلت البيت وكأنك حاسس باللي صار بنارين.. نارين في واحد قتلها لأنه حبها.. وعأساس يجي يخطبها.. البنت ماكانت مخبره حدا بس كانت مخبره صاحبتها وهيه اللي كشفت القاتل بعدين.. حكيتلهم والقاتل وين هلأ؟ حكتلي القاتل نحكم مؤبد.. ومارضيت تحكي تفاصيل أكتر بس اكتفت انه تحكيلي اللي صار معها.. لأنها شاكة اني جاي لشي معيّن.. انا صرت بحيرة من أمري .. خصوصاً بيتهم مابوحي انهم فقرا متل ماحكا أبو أمجد.. ومبينين عيلة مرتاحه ومعهم مصاري.. وعفشهم مبين غالي.. وحتى نارين ماكان مبين عليها هالشي.. انا طلعت من البيت وحكيتلهم انا وصلت رسالتي وبعتذر لو أزعجتكم.. بس أمه حسيتها ماصدقتني .. وانه في شي تاني..اتصلت بتامر وحكيتله تعال عندي بسرعه.. بدي أشوفك.. حكالي وين عالبيت حكيتله لألأ مش عالبيت خلينا نلتقي بمكان برا.. رحت على حديقة فاضية وصرنا نحكي.. حكيتله اللي صار وانه نارين طلعت مقتولة من زمان وقتيلها بالسجن والصورة لنفس البنت!.. شو بتفسر هالشي.. أنا مين قتلت..!! معقول نارين ماكانت بني أدم! انا كنت كل ما اشوفها اخاف منها واحسها مش بشر! .. حكالي تامر هالشي مابتصدق وانا مابتوقع هيك .. بس بيني وبينك الشغلة فيها وجهة نظر.. يمكن نارين شيطان أو روح خرجت من القبر وبدها توخد بتارها من اللي قتلها.. بس ليش لتيجي عليك انت! وكيف يصير هيك! حكيتله هاد اللي بدي اعرفه.. المشكلة نحنا دفناها بالبيت .. وقبرها موجود بالمقبرة الي ضعت فيها.. ومش عارف شو اعمل ساعدني.. حكالي لازم نبحث بعلم الأرواح ونكشف السر اللي صار معك! .. حكيتله كيف.. قلي خلينا نبحث على الانترنت على علماء بقصص الارواح ليساعدونا بس مايكونو دجالين لأنه هدول الشي اللي بحكولنا ياه ممكن يزيد الطين بلة.. روّحنا على البيت وقعدنا نفتش بالكمبيوتر ولقينا واحد اسمه أبو عكرمه.. بعرف بعلم الأرواح والأموات وحتى الشغلات اللي بتصير بعد الموت.. بعتناله أيميل ورد علينا.. بعتلنا الرقم واتصلنا معاه.. حكيتله حضرة ابو عكرمة.. نحنا لازم نزورك ..أنا اسمي سيف وعم بصير معي كتير شغلات مابتنحكى عالتلفون لو سمحت خليني اشوفك.. قلي تعال على هاد العنوان.. رحنا على بيت أبو عكرمة وكان شكله زلمة ختيار وشايب وعيونه مكحلات وبيته شبه فاضي بس غرفه وحدة فيها كتب وشغلات غريبة ماقدرت افهم شو هيه.. متل عضم حيوانات وشغلات محنطة ومخيفة! .. انا بالأول فكرته دجال بس لما قعدت معه وحكيتله قصتي حسيته فاهمني وعارف اللي صار معي.. حكالي انت وين دفنت الجثة.. حكيتله بالبيت وبصراحه مبارح حلمت شغلات كتير سيئة وصار بالبيت حدث غريب.. أنا قتلت هاي البنت بسكينة من سكاكين المطبخ ومبارح بالليل شفت السكاكين كلها متجمعه على الطاولة وكأنه تهديد.. او الروح هاي مش مرتاحه.. حكالي اسمعي يا ابني.. اول شي البنت اللي كنت تتعامل معها هيه روح.. روح نارين! .. يعني البنت نقتلت وماتت من سنة بس روحها ضلت موجودة في مكان ما.. والظاهر هيه مش مرتاحه ومتل ماحكولك اهلها انه في واحد قتلها وكان يحبها وتحبه.. يمكن هيه جاي تنتقم منه.. بس هاي الروح عشقتك.. انت كنت تشتغل بمول والبنت اشتغلت معك .. فمعقول اللي كانت تحبه كان يشتغل بنفس المهنة! .. حكيتله انا كنت اسمع صوت زلمة جوا الغرفه وكنت احس بصوتها متل همس ! معقول في تواصل مع شخص تاني.. بس ليه أنا .. انا حبيتها وهيه حبتني واللي صار خارج عن ارادتي صدقني! .. حكالي هاي الروح هيه اللي خلتك تقتلها.. لأنه هيه بدها ترجع من محل ما اجت .. واللي دفنتها انت روحها مش جسدها الأصلي اللي هوه بالقبر هناك محل ماكنت.. بس الخوف حالياً من الروح اللي ندفنت فبيتكم.. لأنها ممكن تدمرك وتقتلك! .. مش لازم دفنتها بمكان قريب منك! لأنها رح تضل محاوطتك حتى بأحلامك ومش ممكن انك تخلص منها.. هاي الروح جايه تنتقم من كل جنس ادم.. وبلشت فيك.. وماتستبعد انها تستلبس أبوك أو أخوك أو صاحبك اللي دفنها معك! .. حكيتله اطلعها وادفنها بمكان تاني! حكالي لأ .. لأنه لو طلعتها مارح تستفيد شي.. كان المفروض تندفن أول ما قتلتها مش بعد ! .. ولو خرجت حالياً رح تحرقك وتقتلك.. خليها محل ماهيه .. بس خد هاي المي ورش منها على التربة كل يوم الساعه 1 بعد الليل.. ولحد ماتخلص تأكد رح تختفي من حياتك متل ما رجعت! .. طلعت من عنده وفكري تايه وتعبان كتير.. حكالي تامر ماتخاف ورد عليه..

#الخروج_من_التابوت_9 #الخروج_من_التابوت
الحلقة التاسعة
@rwayate
شافت ماما طرف الحرام اللي دفنت فيه نارين وأصرّت تعرف ليش مدفون تحت التربة.. أنا حكيتلها مارح تطلعيه لو شو ماصار.. بس إصراي على إنه ماتطلعه زاد من إصرارها لتعرف أنا ليه بعمل هيك.. وحكتلي سيف شو مخبي تحت التراب؟ ليش الحرام مدفون وبابا شافني وأنا برش المي على التربة وبلفظ أسم نارين.. وشك اني مخبي عليهم شي.. انا بهاللحظة حكيتلهم اتركوا الحرام تحت الأرض بحكيلكم كل شي وشو عملت.. وليش مابدي أسحبه.. ماما حكت تعال ندخل جوا.. دخلنا جوا وسكرنا الباب.. وقعدنا كلنا بالصالة وصرنا نحكي.. حكتلي ماما احكي شو اللي مخبيه علينا.. حكيتلهم أنا قتلت بنت اسمها نارين!!.. ماما صرخت وحكت شو !! شو عملت؟ وصارت تبكي وبابا سكتها.. حكالي احكي مين نارين وشو اللي عملته.. حكيتلهم ماتخافوا اللي قتلها مش بني آدم.. أنا قتلت روح ميته يعني ماتت من سنة! .. بهاللحظة مافهموني وماعرفوا أنا شو بقصد.. بلشت اشرحلهم اللي صار.. وكيف تعرفت عليها بالمحل وعجبتني وكيف صرت أطلع معها.. ماما فوراً تذكرتها.. وحكتلي هاي اللي اجت عنا على البيت وكان وضعها مش عاجبني مش هيك! ووقتها سألتك مين هيه حكيتلي صاحبتي .. انا من الأول ما ارتحتلها بس كيف هيه مش بني ادم فهمني!! حكيتلهم هاي البنت ميته ..في واحد قتلها.. وروحها خرجت من تربتها عشان تأذيني أنا خصيصاً بس مابعرف ليش!! وليش أجت عليه أنا.. في واحد حكالي انت في يوم من الأيام رح تقتل حدا أو رح يموت حدا بتعرفه او رح تموت أنت.. حكالي شغلات مافهمتها بس مضمونها قتل وموت.. والوقت اللي طلعتوا فيه من البيت بالليل عشان المشكلة العائلية! .. عزمتها على البيت وكان بدي أعرف مين هيه لأنه باليوم اللي ندعست فيه وكنت سهران عند صحابي اجريه ودوني على مقبره بدون ما أحس وحسيت اللي صار بفعل فاعل وكأنه حدا سحب سيارتي لمكان المقبرة وعطلها كمان!! وصار كتير شغلات لما دخلت هالمقبرة .. شفت واحد ختيار حاول يأذيني وقلي أنا روح بدي أأذيك وخلاني أحط أيدي بتربة حدا ميت.. وغير البنت اللي شفتها بنفس المقبرة وخلتني أروح أشوف قبر نارين .. أنا متأكد كل اللي صار من حدا بده يأذيني ومسلط عليه روح نارين.. حتى الوقت اللي قتلتها فيه ماكنت حاسس على حالي فيه!! أنا مابعرف ليه صار هيك.. حكالي بابا احكيلي مين اللي عرفك على البنت.. انا حكيتله ابو امجد جابها على المحل ومن وقتها تعرفت عليها وعجبتني.. وصارت الأحداث تيجي شوي شوي بحياتي.. أنا تعبان كتير.. وخايف أبو عكرمه مايساعدني!! ماما حكت مين هاد كمان !! حكيتلها هاد واحد عالم أرواح لقيناه على الانترنت أنا وتامر.. لأنه أنا حكيت لتامر وقت ماقتلت نارين واجا دفنها معي بنفس المكان اللي انتوا كنتوا واقفين فيه معي برا.. ولفيناها بحرام بابا ودفناها.. وهوه اعطاني ميه حكالي أرش منها كل يوم الساعه 1 على القبر حتى تختفي من حياتي تماماً.. ومش لازم ننبش القبر ولا نطلعها ولا نغير مكانها لأنها رح تأذينا.. وانا الأحلام مش تاركيتني بحالي وحاسس روح نارين معنا هون بالبيت وبدها تأذينا.. وانا شفتها من ساعه بالحلم وكانت حامله سكينة وحكتلي رح أأذي أهلك.. ومن بعد ماصحيت لقيت ماما بتصرخ وبتحكي شفت وحدة بالمرايه ! انا متأكد انها شافت نارين.. وفعلاً ممكن تأذينا كلنا.. حتى السكاكين اللي كانوا بالمطبخ على الطاولة .. بتتذكري ماما!!! هاي علامة منها بأذية عيلتي.. صرت أبكي.. وماعدت عرفت شو بدي أعمل.. بابا حكالي ولا يهمك رح نلاقي الحل.. بس انت كيف عرفت انها ميته من سنة وكيف تأكدت انها مجرد روح.. حكيتله رحت شفت اهلها بمحافظة تانية بعيدة شوي عن محافظتنا وفرجوني صورتها وطلعت هيه نارين اللي عرفتها وطلعت معها وحبيتها طول هالفترة.. وحكولي في واحد كانت تحبه وقتلها وكان عأساس يخطبها.. أبو عكرمه حكالي انها ممكن تكون طلعت من قبرها عشان تأذي جنس آدم بسبب أذية حبيبها لإلها واجا الموضوع فيني.. ومش بعيد يجي بشب تاني.. لازم نشوف حل بابا.. حكالي بابا السر موجود بإيد أبو أمجد .. هوه بعرف كيف أجت ومن وين أجت!! .. ماحدا بشغل حدا عنده إلا لما يكون عارف مين هوه! ..حكيتله فعلاً حتى هوه كان حاكيلي انها فقيرة برغم انه هيئيتها ومنظرها ماكان بوحي انها هيك.. وحتى بيتهم كان فخم وكتير حلو.. انا متأكد انه بعرف مين هيه.. ماما صارت تبكي وتحكي من وين طلعتلنا هالقصة.. انا خايفة من الجثة المدفونه برا.. وحاسه انه روح هالبنت مش رح تتركنا .. أنا شفتها بدها تقتلني وشفتها بالمرايه بتطلع عليه.. بابا هداها وحكالها خلينا ننام هالكم ساعة الباقين لنعرف نفكر بكرا شو بدنا نعمل.. وقبل مايصير فينا شي.. رحنا كلنا ننام وأنا ماقدرت أغفى وبالي مشغول.. غفيت قبل الفجر بشوي.. وصحيت لقيت بابا لابس وماما عم تحضر الفطور.. حكالي أنا مارح أروح على شغلي اليوم.. لازم نطلع أنا وياك بعد الفطور عند أبو أمجد ونحكي معاه.. لازم نعرف البنت هاي من وين اجت وكيف أجت!!

#الخروج_من_التابوت_10 #الخروج_من_التابوت
@rwayate
الحلقة الأخيرة
فتحنا القبر.. وشلنا الحرام من التربة.. اتطلعنا فوراً ما لقينا ولا حدا.. ماكان في حد بالقبر ونارين مش موجودة.. حكيت لبابا مافي حدا!! اتطلع عليه بابا نظرة غريبة وحسيت بده يحكي شي.. ونظرة ماما لإلي كانت نفس الشي.. حكيتلهم شو في؟ مالكم!! حكالي بابا.. حبيبي إنت متأكد اللي عملته فعلاً صار !! حكيتله بابا إنت مفكرني عم بكذب ولا عم بتوهم!! أنا عرفت بنت إسمها نارين وتعرفت عليها وجبتها على البيت كمان شو في مالكم ؟! وإذا مش مصدق إسأل ماما هيها هلأ رح تحكيلك.. إتطلعت ماما عليه وحكتلي حبيبي مالك ياروحي انت ماجبت حدا على البيت ومافي حدا دخل بيتنا.. إصحى وحاجة تحكي نارين ونارين .. مافي بنت إسمها نارين دخلت على بيتنا وما شفت بنت إسمها نارين أبداً.. حكيتلها ماما.. قبل شهر مش أنا جيت ومعي بنت.. وسألتيني وحكيتيلي مين البنت اللي معك.. حكيتلك نارين صديقتي وكانت جاية تتطمن عليه بعد الحادث ومرضي.. وحتى إني ضيفتينا عصير.. مش اليوم لسه حكيتي عن الموضوع وانك ما ارتحتيلها..!! اتطلعت ماما على بابا وهزت راسها.. وكإنها حكتله ماصار هالشي! أنا نجنيت وصرت أصرخ بالليل.. بابا حكا رح تصحي الجيران تعال جوا نتفاهم مع بعض!!.. حكيلت لماما شو صارلك لسه اليوم حكيتي انك ما ارتحتيلها بس دخلت بيتنا!! اتطلعت ماما عليه وحكت.. انت بهداك اليوم إجيت إنت وصاحبك صقر.. وأنا حتى ضيفتكم عصير.. وهوه طلب يدخل على الحمام وبعد بدقايق صار حادث المطبخ ووقع رف الصحون على راسي وجبت قهوة وحطيتها على راسي.. وبعدها صقر طلع من البيت وكان رح يساعدنا بس هوه مشي مستعجل لظرف طارء.. اللي كان بالبيت صقر مش نارين إصحى!!!! وحتى ما شرب عصيره وحكيتلك ليه ماشربه شكله ماعجبه!.. ونحنا متعودين صقر يجي عنا.. من وين طلعتنا بموضوع نارين! بابا حكا لماما استرجعي ذاكرتك وتذكري.. اجت بنت على البيت ولا لأ؟ حكت ما أجت ومادخل بيتنا بنت.. وأنا متأكده انه صقر اللي أجا.. أنا بهاللحظة سألت بابا.. ماما حكت اليوم عن هاي البنت بس ذكرتها فيها! .. حكالي لأ ما حكت أبداً.. التنين أنكروا الحادثتين اللي صارو هدول وأنا صفيت بحيرة من أمري.. صقر اللي اجا على بيتنا هداك اليوم مش نارين!! يعني أنا كنت بتخيل وجودها كل هالوقت!! وكان الشخص الحقيقي اللي معي هوه صقر.. أنا كنت بتخيل صقر نارين!! .. معناته مافي غير شيء واحد .. إنه تامر وصقر لعبوا عليه عن طريق شخص بلعب بالأرواح.. وخلاني أتخيل روح هالبنت وأحبها.. بس ليش!! .. دخلت على غرفتي وسكرت الباب وبهالوقت ماكان في كلام جواتي.. إلا هواجس صارت تطاردني بهالليلة من كل مكان.. كل ما كنت أغمض عيوني أشوف نارين قبالي عم تضحك وتطلع عليه.. وتحكيلي رح تموت .. رح تموت.. رح تموت متل ماقتلتني!!.. وأنا أصرخ وأرجع أغفى وأنا ببكي وأرجع أشوفها.. وأشوف كل شي حواليه بتحرك وروحها لسه موجودة برغم ما إلها جثة بالبيت!.. طلع الصبح بصعوبة وكانت أعصابي خلص تلفت.. طلعت من الصبح على المول.. وقبل ما يوصل أبو أمجد على المحل كنت خاطفه.. حطيت سكينه على رقبته وسحبته لمكان مهجور قريب من المول.. وكان الوقت لسه صبح ومافي ناس بالطرق.. حكالي شو في مالك نجنيت سيف!! .. حكيتله رح أقتلك لو ماحكيت الحقيقة.. حكالي أي حقيقة ! قلتله انت شو اتفقت مع تامر وصقر!.. شو حكيت معهم إحكيلي.. حكالي ماحكيت اشي وصار يرجف ويبكي ويتوسل.. حكيتله رح أقطع راسك لو ماحكيت وأرميك بهالمكان للكلاب.. حكالي خلص رح أحكي.. بلش يحكي.. قلي بيوم أجا عندي تامر وصقر على المحل وحكولي بدنا نشوفك بعد الدوام وانه ما احكيلك شي.. حكيتلهم ماشي.. رحت شفتهم بمكان برا الشغل.. فهموني عكتير شغلات.. بالبداية ماكنت فاهم شو بدهم وشو اللي بحكوه.. بس اللي فهموني ياه انه لازم اتظاهر قدامك بوجود بنت جديدة بالمحل اسمها نارين!.. واحكيلك انها بنت غنية وجاية تشتغل لأنها بتحب هالمهنة واعطوني مصاري كتير عشان اضل اتظاهر لأسبوعين بالزبط.. بس أنا لما شفتك حكيت عكس ماحكولي وقلت بنت فقيرة.. وكنت ناسي بالزبط شو بدهم مني بس المصاري عموني بس شفتهم.. وانت انبسطت.. الشي اللي صدمني انه البنت اللي أسمها نارين كانت صقر!! .. وهوه اللي كان يشتغل بالمحل بس أنا ماكنت عارف شو اللي بصير بس كنت بستلم مبلغ من تامر عشان أضل مستمر بالفيلم هاد.. ومشيت الأمور وصقر عم بشتغل معنا بدون راتب بس لشي أنا مابعرفه.. واللي صدمني أكتر انه انت كنت شايف صقر بنت وبتناديه نارين!!! وعطول كنت مبسوط فيه وتقعد معاه.. وبينكم انسجام.. حتى الزباين بالمحل فكرو انه بينكم شي شاذ!! وأنا خفت عسمعة المحل بالآخر واستغليت اللي صار معك بعد مادخلت المستشفى وطردتك.. وحتى صقر قلي انه لو بتحكي عن اللي صار رح نقتلك ووصلك المبلغ وخلصت مهمتك.. بس ليش عملوا هيك ماكنت عارف وحتى الشي اللي كنت تعمله انت ماكنت بعرف ليش هيك وكنت مفكرك نجنيت بس كنت مستمر معهم!!

#الخروج_من_التابوت_4 #الخروج_من_التابوت
الحلقة الرابعة
@rwayate
دخلت معي نارين على البيت.. وكانت ماما عم ترتب الغرف.. نارين كانت مترددة تدخل.. حكتلي امك بجوز تنزعج مني.. لهيك روح احكيلها اني اجيت قبل ما أدخل جوا.. أنا تركتها عند الباب ورحت عند ماما حكيتلها نارين أجت وبدنا نحكي شوي.. رحت اناديها ما لقيت حدا عند الباب.. سمعت صوت جوا بغرفتي.. دخلت اشوف مين بنادي عليه.. لقيت نارين سبقتني وصارت بالغرفه.. حكيتلها منيح انك صرتي تتعودي علينا.. وهيك أحسن.. بس أنا من جواتي استغربت شوي.. ماما مادخلت أبداً عنا.. ونارين ضلت تحكيلي احكيلي شو اللي عم بصير معك.. كنت لسه بدي أحكيلها اللي صار معي وكيف ساري فرجاني الحلم المخيف.. بس تراجعت بعد ما تذكرت انه قلي مش لازم حدا يعرف شي!!!.. بس هيه حست اني عم بخبي عنها شي.. وسكتت تماماً.. وبعد دقيقة مسكت إيدها وحكيتلها خلينا نطلع نغيّر جو! .. ونخلي الناس كلها تعرف انه انا وانتي بنحب بعض.. حكتلي بس أنا لسه ما قررت إزا بدي ياك أو لأ.. حكيتلها بدك ياني غصب عنك.. وسحبتها وطلعت من البيت وضلت ماما عم تنادي عليه بعد مانزلت انا وياها بسرعه.. طلعنا على مطعم وكنت خايف كتير يصير معي شي فجأة.. طلبت أكل وكان الجرسون عم بتطلع عليه نظرات غريبة.. حسيت انه في شي بده يحكيه بس ما حكا ولا شي.. بعد دقايق اجا الطلب.. ونارين كانت مترددة مابعرف ليه بس أنا حاولت أطمنها ونعيش لحظات حلوة مع بعض.. وبعد مابلشت أغنية حلوة انبسطنا فيها.. صارت خناقة بالمطعم بين شبين عشان بنت ومسكو على بعض سكاكين من المطعم .. أنا تذكرت كلام ساري.. تذكرت كلمة قتل.. وكلمة موت.. حسيت انه بهاللحظة رح يصير شي.. قلت لنارين لازم نطلع بسرعه من المطعم! لازم نطلع.. حكتلي خلينا!! أنا بدي أضل هون!! بدي أشوف شو رح يصير بحب الخناقات.. حكيتلها لازم نطلع يلا الناس عم تطلع.. بس هيه مسكت أيدي وخلتني بالمطعم غصب عني.. وأنا ماقدرت أخدها غصب عنها ونطلع.. صرت أصرخ عليها واحكيلها لازم نطلع.. بنص الخناقة سكرو باب المطعم والظاهر حدا من اللي بشتغلو فيه إتصلو مع الشرطة.. بس الخناقة زادت وواحد من اللي بالمطعم طعن التاني بسكينة والكل صار يصرّخ.. نارين كانت مبسوطة وشفتها عم تضحك وتطلع عليه.. حكيتلها شو اللي بضحك!! صار جريمة قتل لازم نطلع بسرعه الشرطة رح تيجي.. وفجأة اتطلعت على القتيل والدم وجسمي صار يرجف.. لفيت راسي مالقيت نارين.. صرت انادي عليها.. حكيت للجرسون في بنت كانت واقفة هون من شوي من لحظة كانت لفيت راسي ما لقيتها وين راحت .. لابسة بلوزة حمرة .. حكالي ماشفت حدا والشرطة أجت والمطعم نعجق.. طلعو القتيل وكل راسه دم والشرطة اخدت كل اللي بالمطعم ليشهدو وأنا من بينهم بس نارين مش معي.. سألوني شو اللي صار وجاوبت وحكولي كان معك حدا! .. حكيتلهم كان معي بنت بس الظاهر انها خافت وروّحت .. حكولي مين هالبنت.. قلتلهم صاحبة لإلي بتشتغل معي.. بعد دقايق طلعت من المغفر.. رنيت لنارين حكتلي أنا بالبيت.. بالوقت اللي كنت فيه بالمطعم رنت عليه ماما وحكتلي انها تعبانة والصوت وكل شي صار خلاني ما اعرف احكي معك خصوصأً الناس اللي تجمهرت حوالينا فجأة وطلعت من المطعم.. حكيتلها بدي اتطمن على امك قالت رح ارنلك بعد شوي.. بالوقت اللي كنت استناها ترن.. رحت اشتريتلها هدية وكانت عبارة عن دبدوب بتحرك وبطلع منه صوت اغنية.. ولونه أحمر.. أخدته وروّحت على البيت.. وضليتني أستنى فيها لترن بس مارنت.. سكرت الباب عليه ونمت.. وبهاللحظة حسيت اني تعبان كتير وجسمي مش حاملني والتهيؤات رجعت مرة تانية.. رجعت أحداث المطعم اللي شفتها مرة تانية بالحلم.. وشفت حالي أنه أنا القتيل.. واللي صار انه شب طعنّي بجسمي وواحد كان عم بضحك من بعيد ماقدرت اشوف وجهه.. وشخص كان برا عم بحكيله بصوت ماكان غريب عليه.. اقتله اقتله.. وبعد ماطعنّي أنا غبت عن الوعي.. وصرت بالعالم الآخر.. وكانت نارين حامليتني وطالعه فيه من المطعم وعم تحكيلي صرت إلي.. صرت إلي.. واللي خلاني أصحى منتفض .. أني شفت حالي بقبر بالليل وأنا صاحي وشايف نفسي عم بندفن تحت التراب ورجلين أشخاص فوقي عم بخبطوا على التربة.. ونارين دخلت على القبر لابسة فستان عرس ونامت جنبي وخلتهم يدفنونا .. أنا صرخت بأعلى صوت وأجت عليه ماما على الغرفه وهدّتني برغم انه الساعه كانت لسه 6 المغرب.. مسّحت عرقي وصارت تدعيلي أهدى وأرتاح.. وبعد دقايق رن التلفون.. كانت نارين.. حكتلي ماما بخير.. وأنا رح أروح هلأ على الشغل.. لأنه أبو أمجد عم يعصب كتير من اهمالنا.. طلعت من البيت وحكيتلها بدي أشوفك بالشغل..طلعت من البيت ومعي الدب.. ووصلت المول بعد دقايق.. رنلي تامر وحكالي بدنا نسهر اليوم وصقر معنا.. وساري بده يسافر اليوم اذا بتحب تشوفه شو رأيك؟ رح نسهر متل المرة الماضية ونحكي.. حكيتله بشوفكم الساعه 10 بالليل.. بعد ماوصلت المول شفت نارين وكان ابو امجد معصّب.. مسكني على الباب وصار يبهدل فيني..

#الخروج_من_التابوت_2 #الخروج_من_التابوت
@rwayate
الحلقة الثانية
كلام صاحب تامر صدمني.. وما قدرت أعرف شو المضمون اللي فيه.. ألغاز وكلام مش مفهوم.. طلبت منه يوضح أكتر.. حكالي في حدا بحياتك رح يموت.. والموت اللي قرأته فيك سببه قتل.. وواضح انه في شغلات رح تصير بحياتك تشكلك حالة رعب.. أنا قرأت عجبينك كلمة موت وبعيونك واضح انه رح يصير في قتل.. انت طلبت مني أحكيلك.. ولازم تتحمل نتيجة طلبك.. أنا توترت وجسمي صار يعرّق.. ماقدرت أحكي ولا شي.. قلتله احكيلي مين اللي رح ينقتل؟ أنا ؟ ولا حدا تاني.. حكالي للأسف مابعرف في حدا بحياتك رح ينقتل ممكن يكون انت وممكن يكون حدا تاني.. والشغلات المرعبة اللي شفتها فيك الها علاقة بالأرواح أو عودة الأموات بعد الموت.. أنا بهاللحظة سكتت وماعدت حكيت ولا شي.. كان صقر وتامر برا بنادوني وبحكولي ندخل؟ حكالي صاحب تامر ساري.. ما تحكيلهم ولاشي.. صحابك مش لازم يعرفوا بهالشي.. أنت لازم توخد أحتياطاتك من أي حدا وحتى لو صقر صاحبي أنا بقلك خد أحتياطك من أي شخص بتشوفه.. في موضوع قتل رح يصير بحياتك !! لازم تكون مستعد لهالشي وما تأمن ولا لشخص.. حكيتله طيب انت بتحكيلي هالشي رح يصير .. خربطتني ووترتني وخوفتني .. انا مافهمت كل شي منك.. القتل اللي رح يصير أنا رح اموت أو رح أقتل شخص أو شخص من معارفي رح ينقتل.. ماعدت عرفت انت شو بتحكي؟! حكالي أنا مابقدر احكيلك كل شي.. وأصلاً مش كل شي واضح .. هالشغلات اللي احنا بنعملها بدها طقوس معينه ومش دائماً ببين كل شي مرة وحدة ياحبيبي.. المكان هون ازعاج ووضع غير مناسب.. لو بدك تعرف أكتر حاول تزورني على الفندق وأنا وياك بنعمل الطقوس الخاصة بمعرفة هالأشياء الكامنه وحتى نكون لوحدنا ونقدر نعرف شغلات أكتر.. بس ماتخبر صحابك أنا حكيتلك ونبهت عليك وانت حر! .. وفوراً ناداهم وأنا ضليتني صافن بنفسي وعم بفكر وكلهم بسألوني شو حكالك.. بس ماجاوبت.. كان عقلي عند نارين وكنت بفكر أروحلها على المحل فوراً.. بس بعد ما حكيتلها اني مريض صعب اني ارجع اروح.. روّحت على البيت وشافتني امي وحكتلي وجهك اصفر وشو اللي صاير معك .. أبوك بيجي قبلك من الشغل ولسه ما اجا انت ليه مروح بكير؟ حكيتلها تعبت شوي.. دخلت على غرفتي وسكرت الباب وصرت أراجع الكلام اللي حكالي ياه ساري.. بس ماقدرت اتوصل لشي.. وصرت أفكر بالناس اللي بحياتي والأشخاص اللي بعرفهم.. مين إلي أعداء.. مين ممكن يأذيني.. وهل انا ممكن أني أذي شخص؟ بهاللحظة أنا نمت من كتر التفكير.. وبالليل بلشت تيجيني تهؤات غريبة.. كنت شبه نعسان وكان الجو كتير شوب.. وقبل ما اغفى فتحت الشباك حتى يدخل هوا وفوراً غبت عن الوعي.. شفت نارين داخله من الشباك وبتطلع عليه.. كان شكلها غريب ومشوّه ولابسه فستان أسود طويل ومش متل ما تخيلتها.. كانت بتقرب مني وبتقلّب بعيونها وعم ببرقو بشكل مخيف وجمالها كله متغيّر تماماً.. وقفت عند الباب وصارت تقرب عليه وأنا شايفها بطرف عيني بس شبه نايم ومش واعي على نفسي.. ضلت تقرب لعندي وتقرب أكتر لحد ماوصلت راسي.. حطت راسها لعند داني وحكتلي.. أنا ميته.. رجعت من الموت عشانك.. وبدي اخدك معي.. تيجي معي؟ بهاللحظة أنا ما كنت عارف أرد عليها بس كنت شايفها بصورة مشوشة ومش واضحه.. حكتلي خلينا نروح على العالم الآخر.. مكان ما أنا موجودة.. تعال معي مش انت بتحبني؟ تعال ... وحسيت بإيدها عم تلمس إيدي وبدها تسحبها.. كنت حاسس بإيد عم تسحب إيدي.. وبلشت أقوم من التخت والشباك مفتوح والهوا بطيّر الستارة بشكل قوي.. سحبتلي إيدي وضليت أسمع براسي كلمة.. بدي أخدك معي .. تعال.. بدي أخدك معي.. تعااااال وعيونها كانت مخيفة لدرجة فظيعه وبريقهم خلّا جسمي يرجف.. بهاللحظة صحيت بصرّخ وكانت ماما ماسكة إيدي وبتحكيلي حبيبي كيف صرت أنت أحسن؟ الحمدلله راحت الحراره تقريباً.. كنت بحكيلها أنا وين .. نارين وين ؟ حكتلي مين نارين؟ انت شو اللي صار معك بالزبط.. انا مش فاهمة شي.. بس هلأ مش ضروري تحكي خليك نايم هلأ.. ارتحت بس شفت امي جنبي وحسيت الحلم اللي شفته واقع .. هالشي صدمني لدرجة كبيرة مش ممكن اتصورها.. صحيت تاني يوم طبيعي واتصلت على ساري بعد ما اخدت رقمه .. حكيتله خليني أشوفك بالليل عشان شغلي ولو ماعندك شي وبنحكي.. حكالي الوقت بالليل أنسب.. بشوفك بالفندق.. أنا رحت على المول وماكنت قادر أشوف نارين بسبب الحلم اللي شفته.. بس كانت طبيعية وجابتلي كاسة شاي وقالتلي خلينا نتعرف.. مش معقول بتشتغل معي وماتعرفنا.. قلتلها أنا أصلاً حاس حالي بعرفك من زمان.. ومش عارف كل ما اشوفك بحس شي غريب.. حكتلي شو ؟ قلتلها في شي مش طبيعي بشدني لإلك.. حكتلي مش فاهمة ؟ قلتلها خلص انسي وبهالوقت اجا زبون.. بس هيه شكت بالموضوع اني انا معجب فيها او بفكر فيها.. وضلت عم تتطلعلي.. ودخلت جوا الغرفه بعد ما التهيت مع الزبون.. وبعد ماطلعت قالتلي.. شكلك معجب فيني؟! حكيتلها شو اللي بتحكيه لألألأ مش هيك.. وفجأة حسيت حالي أحرجتها وهيه عصبت مني..

#الخروج_من_التابوت_3 #الخروج_من_التابوت
الحلقة الثالثة
@rwayate
غمضت عيوني وشفت الحلم اللي بعتلي ياه ساري بالتنويم المغناطيسي.. التابوت اللي شفته كان بوحي انه كلامه صحيح, وفي شخص رح يموت وينقتل.. بعد ماصرخت وانتفضت حكالي هالحلم رح يصير معك.. وماقدرت افهم طبيعة كلامه.. صرت أتوسله وأحكيله أرجوك لو بتعرف شي احكيلي! انا اللي كنت جوا القبر صح؟ انا اللي بالتابوت؟ يعني اللي قدرت افسره من الحلم اني كنت بتطلع على نفسي وأنا جوا التابوت وعم بتحرك وبدي أقوم بس الأشخاص اللي ورايه منعوني واللي شفت نصه جنب أكيد كان بده يسكّره عليه حتى أموت.. صح هيك ؟ صح ولا أنا غلطان؟ حكالي مش قادر أفهم بصراحه اللي رح يصير بالزبط.. كل اللي حكيتله ياه انه كل ما أشوفك بشوف كلمة قتل وموت على جبينك.. نصيحتي إلك يا سيف.. خد إحتياطك من أي شي ممكن يصيرلك وإدعي وصلي لو كانت هاي أيامك الأخيرة بالحياة.. لأنه هاد قدر ونحنا مابنقدر نغيره.. واللي مكتوب على الجبين لازم تشوفه العين.. وأنا فبصيرتي بقدر أحس بالشي اللي حيصير وصارت كتير مع ناس قدرت أعرف قدرهم وشغلات صارت معهم وحتى النهايات الحتمية قدرت أحسها.. أنا بهاللحظة تدمّرت من اللي شفته وما كان إلي إلا أهرب من البيت وأخد سيارتي وأرجع على بيتي.. حكيتله رح أعمل متل ماحكيت.. كل ما كنت أشغّل السيارة أطفيها.. لأني خايف بأي لحظة أموت.. بحادث سيارة وأنا فيها.. ولو طلعت منها أموت دعس.. صرت أبكي جواها واتصلت على أمي.. حكيتلها سامحيني.. صارت تصرخ وتبكي وتحكي شو اللي صاير معك تعال على البيت.. مشيت بالسيارة على مهلي.. وكل لحظة كنت أرجف فيها.. ووصلت البيت بصعوبة.. لقيت امي بتستناني على الباب .. دخلتني وحضنتني وصرت أبكي.. حكتلي شو صاير معك؟! ماقدرت أجاوب ولا احكي ولا شي.. وكل اللي كان على لساني بس سامحيني لو صارلي شي.. دخلت على غرفتي ونمت.. وطفيت تلفوني.. صارت ترجعلي الكوابيس من جديد وصرت أشوف نفسي هالمرة جوا التابوت بشكل أوضح وتوضحلي أنه الشخص الغير واضح اللي كان بالحلم الأول هوه فعلاً أنا.. صحيت بصرّخ.. اجت امي عليه واتصلت مع بابا.. قالتله ابنك مش طبيعي.. لازم تيجي من الشغل وتشوفه.. اجا عليه وصار يسألني .. ماقدرت اجاوب .. حكيتله أنا مابدي أرجع أشتغل ومابدي أطلع من البيت.. ضل يسأل وأنا مافي عندي جواب.. رن تلفوني صرخت.. حكيت لأمي مابدي حدا يتصل معي.. وخوفي زاد من أي شي.. حتى دخلوي على الحمام أو أكلي بالمطبخ.. صرت أتخيل أني رح أموت بأي لحظة من أي شي.. أوقع بالحمام أو أتأذى من أداة بالمطبخ.. لحد مانقضى اليوم على خير.. وأجا اليوم التاني.. لقيت بهاليوم أكتر من 30 مكالمة من صاحب المحل أبو أمجد ومكالمات فائته من صحابي صقر وتامر ورقم غريب كان رانن عليه مرتين!.. حكيت لمين هالرقم.. تركت كل الأرقام اللي رنّت ورنيت على هالرقم.. أول ما حكيت ألو طلعلي صوت بنت.. كانت على الخط نارين.. حكتلي كيفك سيف؟ أنا نارين.. رنيتلك حتى أتطمن عليك وأخدت الرقم من أبو أمجد.. فكرك عم تطنشه انت فيك شي؟ حكيتلها مريض شوي.. صارت تحكي طيب بتسمحلي اجي اتطمن عليك؟ أنا حاسه اني ازعجتك اخر مرة بالكلام اللي حكيته.. ياريت تخليني أجي.. ماقدرت ما أحكيلها ماتيجي لأني بستنى فرصة نتعرف فيها برغم الخوف اللي بحسه تجاهها.. بس كانت فرحتي كبيرة ونسيت الشي اللي صار معي من بعد ماعرفت انها جاي لعنا .. وصفتها البيت وبعد نص ساعه كانت على عتبة بيتنا.. رنت الجرس وفتحتلها ماما.. حكتلها أنا نارين صديقة سيف بالشغل.. ماما استغربت لأنه أول مرة هالشي بصير وبتيجي بنت بتسأل عني بنص البيت.. دخلت على غرفتي.. وماما راحت تعمل عصير.. قربت مني ومابعرف بس شفتها اتطمنت وحسيت انه سعادتي مرتبطة بوجودها.. برغم في خوف جواتي.. ضلت ساكته دقايق وبس بلشت تحكي قالت.. أنا معجبة فيك.. أنا وقتها نصدمت.. وبس اجيت بدي أرد عليها دخلت ماما ومعها العصير.. حكيت لماما اتركينا شوي.. حكيتلها عيدي ماسمعت.. حكتلي ياها مرة تانية.. وهيه عم تشرب العصير تشردقت.. وصارت تقولي خلص انسى اللي حكيته سيف.. بدي أدخل على الحمام.. واجيت بدي اقوم معها لأنه ماما ضلت بالمطبخ.. حكتلي خليك رح أنادي أمك وهيه رح تدلني على الحمام.. دخلت جوا وفجأة سمعت صوت شي نكسر!.. ماما صارت تصرخ وأنا دخلت جوا لقيت ماما غرقانه بدمها وبابا مش بالبيت.. حكيتلها شو اللي صار!! .. حكتلي كنت بجلي فجأة الصحون اللي فوق الرف وقعو على راسي وتسكرو.. بهاللحظة كانت نارين لسه بالحمام.. وأنا صرت اناديلها.. نارين استعجلي بدي أخد ماما على المستشفى.. وماعدت سمعت صوتها.. بعد لحظات طلعت من الحمام.. وماسألت شو اللي صاير! واكتفت بكلامي لإلها انه ماما صار معها هيك.. قالتلي أنا طالعه وطلعت من البيت بسرعه.. ماما حكتلي مافي داعي للمستشفى جيب القهوة اللي جوا وتعال احكيلك شو تعمل.. حطيت القهوة على راسها لحد مانشف الدم.. وتحسنت بعد دقايق..

#الخروج_من_التابوت_5 #الخروج_من_التابوت
الحلقة الخامسة
@rwayate
حاولت أشغّل السيارة مرة تانية مارضيت تشتغل.. الهدوء اللي كان موجود بالشارع قتلني من الخوف وخلاني أحسب حساب لأي شي رح يصير بهاللحظة.. الساعه قاربت على الوحدة بعد منتصف الليل.. والمقبرة هادية ومافيها أي صوت.. وللي خلاني أنصدم انه بابها مفتوح ومتروك بدون حارس ولا شيء.. ومنظر القبور اللي مطله جنب البوابة جعل جسمي يقشعر.. بلشت أعصب بعد المحاولة التانية بتشغيل السيارة واللي بائت بالفشل.. حكيتلها شو صارلك !! وضربت العجل برجلي.. الشارع فاضي تماماً وتأخيري بالسهرة والكلام اللي سمعته من ساري خلا هالشي يخربط عقلي ويشتت دماغي حتى دخلت دخلات مش لازم أدخلها وعلقت بالمقبرة وبعد مانزلت اشوف وين أنا.. نصدمت! .. الشارع بعيد كتير عن بيتنا ولازم أوصله بسيارة.. حكيت بعقلي ما إلي غير تامر يجي يوصلني وأكيد لسه ما نام.. رنيت عليه كان رقمه مغلق.. رجعت حاولت كان مغلق نفس الشي.. قلت مش معقول اغلقه ونام! ما إلي إلا صقر أرنله ويجيب سيارته لهون.. بس أنا وين! والشارع شو هاد.. رنيت على صقر.. ضل رقمه يرن ومافي أي رد.. رنيت كتير وماكان يرد.. قلت أكيد صار بسابع نومه.. وأنا علقت هون.. ماقدرت أرن لماما او حتى احكيلها انا تهت والسيارة تعطلت.. لأنه رح تخاف وتخبر بابا وتصير مشكلة وبعد مافكرت أرنلها.. رنت عليه!! رديت عليها وسألتني بعدك عن صحابك؟ متى رح تروح.. حكيتلها لا تقلقي هيني مروح.. وسكرت الخط.. قلت لازم اترك السيارة وامشي خلص.. خليت السيارة مكانها ونزلت الشارع اللي جنب المقبرة.. كان مبين انه البيوت اللي جنبه مهجورة ومافي أي بني ادم بهاي الشوارع ومُطله على جبل.. سمعت صوت وأنا نازل جنب المقبرة.. كان صوت حدا والصوت خفيف.. وماقدرت أميّز غير لما قربت شوي.. كان صوت زلمة عم ببكي.. وبكاه مسموع منيح بس بصوت واطي.. أنا قلت لازم أروّح خايف يصيرلي شي وكلام ساري يتحقق.. بس الصوت كان فيه أنين وكأنه هالشخص عم يتوجّع ..كتير حكي دار براسي بهاللحظة وقلت أدخل أشوف مين هاد.. معقول شخص عالق جوا وبده مساعدة.. مبين صوت حدا بتوجع.. أنا قربت شوي من المقبرة وصرت أتطلع جنب السور.. ماشفت حدا بس الصوت صار يزيد ويعلى.. حكيت مين في جوا؟ ماحدا رد.. قلت رح أرجع وأدخل من بابها المفتوح.. اتطلعت على سيارتي حسيتها مضوية!!.. ورجعت اتطلعت على الباب شفت حدا بمشي من جنب باب المقبرة متل خيال مشي بسرعه ومالحقت اشوفه.. وبعد مارجعت لفيت راسي واتطلعت على السيارة ماشفت شي.. قلت تهيألي انها نضوت أو من ضو الشارع.. ورجع صوت الزلمة اللي ببكي مرة تانية بالمقبرة.. قربت من الباب واتطلعت ماكان حدا موجود.. وكان الهدوء عامم كل أرجاء المقبرة بشكل مخيف.. دخلت الباب وصرت أدور على مكان الصوت.. اتطلعت منيح شفت زلمة كبير حامل عصاية ومنزل راسه للأرض وقاعد جنب قبر.. رفعت أيدي حتى يشوفني بس كان منزل راسه.. رحت لعنده ورجليه عم برجفو.. حكيتله ياعمي خير شو في؟ شو مقعدك بنص الليل هون وليش بتبكي.. بدك مساعدة.. رفع راسه وكان زلمة ختيار كل وجهه تجاعيد واظافره سودة وموسخه ومتعكز على عصاية.. حكالي مرتي توفت جديد وأنا كل يوم بضل اجي ابكي عليها يا ابني.. هاد قبرها اللي هون.. حكيتله بس الوقت تأخر ياعمي وأنت مابتخاف تيجي لهون لوحدك بهالليل؟ قوم معي بسرعه خلينا نطلع من المقبرة مابصير نضل هون والجو عم يتغير.. بهاللحظة صار هوا كتير لدرجة أنه باب المقبرة سكّر من الهوا.. أنا نصدمت بس شفته سكّر وصرت أترجى الزلمة يقوم حتى نطلع لأنه بجواتي كان عدم أطمئنان.. حكالي يا ابني مرتي ماتت على معصية وأنا بضل أبكي عليها وادعيلها هون جنب قبرها ونفسي اندفن جنبها.. وأنا بحبها كتير ودفنت بتربتها ذهبها لأنه كانت بتحبه كتير وشوف شو حاطلها ورد على قبرها بس أنا كل يوم باجي بحاول اطلع الذهب حتى اصرف على حالي لأني فقير وماضل معي مصاري وولادي تركوني وما ببعتولي مصاري.. ساعدني يا ابني وحاول تطلّع الذهب من التربة.. أنا بهاللحظة قشعر بدني وماقدرت اتصرف.. حكيتله عمي بكرا الصبح بحاول ارجع لهون.. خلينا نطلع.. بس هوه ضل يبكي وصار يعلي بصوته بنص المقبرة وحكالي دخّل إيدك جوا التربة وطلّع الذهبات اللي دفنتهم أنا مش عارف واديه بوجعوني ومريض.. ساعدني حتى أقدر أعيش.. ساعدني.. صار يترجى وأنا ماقدرت ما أحكيله لأ.. اجيت قربت من تربة مرته وحاولت أدخل أيدي جوا التربة وادور وين هوه دافن الذهب.. دخلت أيدي وصرت أحفر.. وهوه يتطلع عليه وعيونه بلمعو.. وبهاللحظة حسيت ايدي علقت بالتربة.. صرت احكيله ايدي علقت في شي مسك إيدي ياعمي.. صار يحكيلي مين عمك!.. أنا هون عشان أبليك وأهلكك.. انا روح ميته وعطلت سيارتك وجبت للمقبرة حتى ندفنك.. لأنك ملعون.. ملعون!.. صرت أبكي وأصرخ وأحاول اطلع أيدي من التربة بس علقت جوا القبر.. وحسيت في شي عم بشدني لجوا .. والختيار بتطلع عليه وبضحك وبحكيلي رح ندفنك هون.. رح ندفنك..

#الخروج_من_التابوت_6 #الخروج_من_التابوت
الحلقة السادسة
@rwayate
فتحت عيوني لقيت نارين جنبي.. كانت حاملة الدبدوب وبتطلع عليه.. حكيتلها شو جابك؟ حكتلي اللي جابك! أنا إستغربت من كلامها واللي صار باليوم الماضي خلاني أشك كتير وأخاف منها أكتر.. حكيتلها نارين أنتي شو أسم أبوكي وشو عيلتك.. حكتلي غريب شو مناسبة السؤال؟ حكيتلها سؤال عادي بس نحنا ماتعرفنا عبعض.. يعني حبينا بعض واتفقنا على كل شي.. بس ماحكيتيلي ولا شي عن عيلتك ومابعرف شي عنك! أنا بدي أعرف كل شي الآن لو سمحتي.. حكتلي أوكي شو بتحب تعرف.. إسم بابا ضرار وعيلتنا الكامل.. وبنسكن بحي التلة.. اتطلعت فيه نظرة غريبة وللحظة أنا عيوني صارت توجعني.. حكيتلها نارين أنا تعبان ياريت تناديلي الدكتور.. حكتلي احكيلي شو بوجعك وأنا رح اعملك ياه .. بس مابدي أبعد عنك وبخاف يصيرلك شي لو رحت.. حكيتلها نارين حاسس عيوني بوجعوني كتير ومحل الضربه ناحية اجري صار يوجعني.. حكتلي رح أطلع أناديلك ياه.. طلعت نارين وأنا ضليتني أستنى بالغرفه .. وبهاللحظة حسيت في أصوات غريبة عم تطلع.. حسيت صوت الزلمة اللي كنت أسمعه بغرفة الملابس اللي بالمول بس أدخل.. الهمس اللي كنت اسمعه نفسه عم بنعاد مرة تانية.. وحسيت في حدا فعلاً جنبي بالغرفه.. نارين طوّلت وضليت ربع ساعه استنى بالغرفه بس مارجعت.. بهاللحظة فقدت أعصابي والأصوات والهمس اللي حاسه جنبي ومش بعيد عني نرفزني وصرت أصرخ على الدكتور ليجي.. بس ماشفت حدا.. حالتي حسيتها صارت تسوء وضربات قلبي شفتها على المونيتور بتنخفض ..حسيت بألم بكل جسمي وصوت الهمس عم بعلى.. وفجأة خبطت الجهاز برجلي وصرت أصرخ لحد ما وصلت الكبسة اللي برنلها ليجي الدكتور.. وبعد دقيقة كان عندي.. حكيتله كان في بنت جنبي كيف دخلت؟ مش عأساس مابصير حدا يدخل.. حكالي ماشفت حدا دخل على الغرفه وانا والممرضين ناحية الغرفه.. حكيتله بنت لابسة بلوزة سودة وشعرها خروبي على أحمر صديقتي نارين حكتلي رايحة تناديك ومارجعت.. قلي ما اجاني حدا.. خليني أشوف شو مالك.. نمت بالمستشفى واجو اهلي اتطمنو عليه.. صقر وتامر زاروني وسألوني شو اللي صار معي.. بس أنا تذكرت كلام ساري واني ما احكي لحد شو اللي بصير معي.. حكيت لتامر بدي تلحق نارين وتشوف وين بيتها وتجبلي معلومات عنها لو سمحت.. حكالي تكرم عينك.. رح ألحقها واشوف وين بتروح.. واجبلك كل التفاصيل عنها.. وبليلة المستشفى حسيت في برد فظيع صار بالليل وأنا لوحدي بالغرفه رجع صوت الزلمة مرة تانية.. ومعه صوت تاني.. كانت الغرفه عتمة والمستشفى هادي.. شميت ريحة وسخه بالغرفه وكانت سيئة كتير.. وماعرفت من وين مصدرها.. بهالليلة ماعرفت انام لأنه الأصوات مافارقتني.. واللي خلاني أتقلب كتير .. إني شفت خيال حدا عند الحيط.. خيال زلمة طويل عاكس على الإضاءة اللي جايه من طرف باب غرفة المستشفى.. وأول شي فكرته خيال شي عاكس بس لما دققت منيح لقيت انه فعلاً خيال لشخص.. مبين فيه رجلين وادين وراس.. الخيال صار يقرب شوي شوي.. ولما يقرب الشكل يوسع أكتر من ورا.. وأنا من الخوف اللي صار جواتي ماقدرت أوصل هالمرة لكبسة الجرس بسهولة ووقعت عن التخت وأنا أحاول.. وقعتي كانت على راسي.. وأول ماوقعت حسيت في شخص فوق راسي عم بشدني وبده يخنقني والبربيش اللي كان معلق على التحت للسيرون صار يلتف على رقبتي وبده يخنقني.. ورجليه توقفوا عن الحركة بعد ما فقدت أنفاسي.. اتطلعت لفوق وأنا عم بنخنق لقيت الخيال صار بالسقف وكأنه بتطلع عليه وأنا بختنق.. والدم بعيوني تجمع والهوا نقطع عني.. صرت أرفع اديه ناحية التخت لأطلع بس كانو متشنجات والصوت ضل عم يعلى.. وروحي حسيتها بهاللحظة عم تطلع.. وأنا عم بحرك أديه وقعوا الأغراض اللي على الطاولة على راسي وكان من بينهم كاسة مي فاضية.. وقعت بإيدي تماماً.. مسكتها ورميتها ناحية التخت على الجرس.. وبهاللحظة ارتطمت فيه ورن.. والممرضين اجو عليه شافوني بهالحالة والسيرون ملفوف على رقبتي.. شالوه وصارو يسألوني شو اللي صار مين عمل فيك هيك!! اعطوني إبره وهدوني وصحيت بعد ساعه.. سألني الدكتور شو اللي صار ومين دخل عندك؟ حكيتلهم مافي حدا بس همه ماصدقوني وصار حكي كتير ووصل لمدير المستشفى.. واللي خلاهم يشكو انه اللي صار شي غريب كتير.. انه ارتسم على السقف قلب حب كبير.. وكان مكتوب اسمي ..سيف.. حكولي شو بتفسر هالشي اللي صار؟ فيك تفهمنا.. أنا ماقدرت اوضحلهم شي واهلي استغربوا من اللي صار.. بابا حكالهم بدي ابني يطلع من المستشفى ولو بدنا ننقله العناية على البيت.. وبالفعل روّحت على البيت.. وضلت ماما تنام عندي كل يوم.. وتسألني شو اللي عمل فيك هيك.. بس انا كان في جواتي شي مأكدلي اللي صار انه فعلاً من ورا نارين.. ونارين هيه شيء مش طبيعي.. شكيت فيها واللي أكدلي هالشي الحكي اللي سمعته من البنت اللي ظهرتلي بالمقبرة ومن الزلمة اللي شفته.. ومضمونه انه في ناس بدها تموتني عن طريق نارين..

#الخروج_من_التابوت_7 #الخروج_من_التابوت
@rwayate
الحلقة السابعة
ما تمالكت أعصابي باللحظة اللي شفت فيها نارين ..وبدون وعي بسبب تعبي ومرضي وبدون تفكير طعنتها !! وقتلتها بطريقة خارجة عن إرادتي تماماً.. طعنتها وشفت دمها عبّى أرض الغرفه.. ماقدرت أعرف أنا ليه هيك عملت!!.. كل اللي استوعبته بعدين اني تذكرت الكلام اللي حكالي ياه ساري.. إنه في شخص رح ينقتل.. يا انا رح اموت وأنقتل .. يا أما أنا رح أقتل حدا.. وبالفعل.. إصراري على نارين ولأني بدي ياها تحكي شو عيلتها ومين هيه قتلتها.. ويمكن كان بدي أعرف اذا هيه فعلاً إنسان او ميته.. كتير شغلات غابت عن بالي باللحظة اللي مديت السكينة عليها بالغرفه.. ويمكن ماكنت بدي اقتلها الا لما شفتها مرميه بدمها استوعبت أنا شو عملت.. أنا رجعت لصوابي.. ورجعت أفكر شو بدي أعمل الآن.. شو ممكن اتصرف.. صار جسمي يرجف.. وجسيت نبضها.. مالقيت فيها شي بتحرك وانفاسها نقطعت.. خفت كتير وصرت أبكي واتوسللها تصحى.. بس خلص ماتت.. اتصلت على ماما فوراً حتى أعرف متى رح يجو!.. حكيتلها وينكم ومتى راجعين.. حكتلي نحنا رح نطول شوي ابوك عم بحل القصة فيك شي انت تعبان نروّح هلأ ؟ حكيتلها لأ أوعك امي.. حكتلي شو في ؟ صوتك مش عاجبني انت تعبان؟ أنا تظاهرت انه ماصار اشي.. وسكرت التلفون.. رجعت اطّلعت على نارين وأنا برجف وكلي خوف.. حسيت اديها لقيتهم باردات.. وبهاللحظة تأكدت من موتها.. حكيت بحالي شو لازم أعمل هلأ !! مسكت تلفوني وصرت بدي أرن لتامر.. قلت يمكن يساعدني هوه أقرب مني من صقر.. ويمكن يتفهمني ويساعدني.. حكيت معاه.. وحكيتله تعال على البيت بسرعه.. بعد دقايق كان تامر بالبيت.. حكيتله قبل ما تفوت الغرفة بدي ياك توعدني تساعدني .. انت بتعرف انا مابقدر على المصايب لوحدي وانا ضعيف كتير وبأمن بصاحبي القريبين مني ليساعدوني .. بترجاك ساعدني .. هوه حكالي ماعليك شو اللي صار احكيلي!؟ حكيتله أنا قتلت نارين.. حكالي شو ؟! شو عملت انت ؟! معقول؟! حكيتله ساعدني.. حكالي وينها؟ قلتله جوا بالغرفه.. قلي طيب خليني اشوفها.. وأهلك وين؟ حكيتله طالعين وبدنا نلحق ننظف البيت ونعمل شي نخفيها من هون.. حكالي انت شو عملت شووو ؟! اسمع اول شي لازم نخفي الجثة من البيت.. وننظف الدم لأنه الشغلة فيها قتل وقضية ومش لازم نفضح حالنا.. ولا من شاف ولا من دري.. حكيتله كيف يعني وين رح نروح فيها؟ قلي جيب سجادة من جوا أو حرام خميل او اي شي ننقلها فيه.. دخلت على غرفة ماما وصرت أدور على شي خميل .. ماقدرت أخد السجادة لأنه رح تشك بالموضوع وتحكي وينها؟ دخلت عنها واخدت حرام خميل من غرفتها واعطيته لتامر.. تامر لف نارين فيه وحكالي سيارتك وين؟ حكيتله سيارتي صغيرة ومش ممكن توسعها.. حكالي بتوسع لو حطيناها ورا بس كيف بدنا نطلع.. بخاف حدا يشوفنا من الناس.. كتير صعبة انه نطلع فيها.. لو حدا شافنا بالشارع رح تصير قصة.. الأحسن نلاقي حل تاني.. حكيتله شو ؟! قلي خلينا ندفنها قريب من هون.. بالمزرعه اللي برا .. جنب الحوّش .. حكيتله مستحيل؟ كيف بدك يانا ندفنها برا جنب البيت.. هالشي كتير صعب.. قلي أحسن ماحدا يشوفنا مطلعين شي بإدينا وتصير قصة.. ولا تنسى الكل صار يعرف انك صرت على علاقة فيها .. يعني الشك رح يتمحور عليك انت.. ولو حدا شافنا رح يشهد عليك وتنفضح وتروح فيها.. أنا هون لأساعدك ولو انت مش واثق بكلامي ماكنت جبتني لهون.. لهيك رد عليه.. طلعناها لبرا البيت.. وصرنا نحفر جنب البيت.. وحفرنا لوصلنا لحفرة غميقة.. أنا ماقدرت أوقف نفسي عن البكا ومسكت نارين وحطيتها بالقبر.. وكلي خوف وندم على الشي اللي عملته.. دفنناها تحت الأرض وطمرنا التراب عليها.. دخلت أنا وتامر جوا البيت وصرنا ننظف محل الدم .. والحيطان اللي طرّش عليهم الدم.. وقبل مانخلص بدقايق كانوا واصلين اهلي... دخلت امي علينا وشافتنا بننظف بالغرفه.. حكتلنا شو هاد؟ شو بتعملوا؟! حكيتلها تامر عندي .. رحبّت فيه ماما وبابا استغرب من وجوده بالساعه المتأخره وخصوصاً انه مابيجي عندي كتير متل صقر.. حكالي شو في وليش بتنضفوا شو اللي صار؟ اناا ماحكيت بس تامر انقذنا من الموضوع وصار يحكي .. اجيت اخبر سيف انه ابو امجد طرده من الشغل وللأسف وصاني احكيله كم كلمة علساني وحلفني لأنه سيف من التعب اللي صار فيه ما راح على المحل وسأل شو اللي صار.. وسيف عصّب وكب الشاي اللي عمّلي ياه على الأرض والسجاد الله يصلحه وأنا لمته وحكيتله لما تيجي أمك رح تزعل فنضفنا المكان..ماما صارت تشكر تامر وتحكيله خلص ولا يهمك وبتلاقي شغل احسن.. وتركونا.. بعد دقايق تامر حكالي لازم امشي واللي صار ماحدا رح يعرف فيه لا تخاف .. انا حكيتله بترجاك خليه سر.. وحتى صقر مابدي ياه يعرف .. أنا تعبان كتير ولو حدا عرف بالشي اللي صار مارح ارتاح أبداً.. روّح تامر على بيته وانا ضليت بالغرفه لوحدي أفكر .. وماما اجت تحكيلي عن المشكلة العائلية اللي راحو حلوها وانا مش معها..

قصة اليوم: #الخروج_من_التابوت
.....
قراءة ممتعة💙🌸"
#ⴅმძ3Һค