#عروس_للإيجار
#الجزء_السادس
#بقلمي_ #امل_احمد_سلوم (◕‿◕✿)
@rwayate
*╚══════ღღ══════╝

القدر لم يأخُذك مني فقط ،
إنما أخذني معك
بقي جسدي هنا على هامشِ الذكريات ...!!

*╚══════ღღ══════╝

وصلت لبيت رفيقتها ملك ودقت الباب
انعام (والدة ملك ) : اهلين رفاه خير بنتي شبها ايدك
رفاه : حادث بسيط يا خاله…. ملك هون
انعام : اي هون ياملك ملك
ملك : نعم امي … رفااااه لك وينك انتي… ولي على امتي ليش رابطه ايدك هيك
رفاه :… . 😔
اطلعت ملك عالشنته يلي ب ايد رفاه
ملك : لتكون زكيه طردتك من البيت… .
رفاه : انا تركت البيت
انعام : بدك تبقي موقفتيها لرفيقتك عالباب
ملك :اسفه والله من لخمتي فوتي فوتي فهميني شو صاير معك
قعدت رفاه ب استحياء وعيونها بالارض
ملك : شبك رفاه شو صاير معك اتصلت فيكي كتير بس موبايلك مسكر وحتى عالجامعه ماجيتي
رفاه : حاسه مر عليي عشرين سنه بهاليومين اللي مرو
ملك : خير يقلبي فشيلي قلبك
رفاه : اتزوجت واطلقت 😔
ملك وانعام بصدمه : شوووووووو 😲

*╚══════ღღ══════╝

نزل من سيارته وفات عالقصر بخطوات سريعة ودخل لغرفته
وسام : رفااااااه… انتي هون
كانت الغرفه فاضيه تقدم وشاف كلشي جابه لرفاه بمكانه وحتى الطوق والحلق وبحدهم رساله… مسكها بسرعه وفتحها

(( يمكن هلأ انت سعيد لانك حققت حلمك اخيرا وسرت مع البنت اللي بتحبا… انا تنازلت عن المتقدم والمتأخر لاني مو عروس للإيجار انا انسانه والها كيانها ومشاعرها اللي تلاعبت فيهم بدون رحمه وبكل انانيه لتوصل لهدفك… .
انا مابدي منك شي بس اسمحلي تركت معي المحبس لحتى كل ماشوفوا اتزكر يلي صار ومافكر بالزواج من جديد او يمكن ليحميني من يلي جاي… .. صدقني مابعرف
ومتل ماتركت معي شي منك تركتلك شي مني رح يبقى معك طول العمر……… .. بتمنالك السعاده مع نور… رفاه ))

غمض عيونو بقهر ومشط شعرو الغزير با اصابعه وصار يطلع حواليه عالشي يلي تركتله ياه رفاه
دور بكل الغرفه بس مالقي شي… واخيرا قرر يروح لبيت رفاه ويشرحلا كل شي صار معه ويعتزر منها
الخادمه : وسام بيك… راويه خانوم ومالك بيك ناطرينك بالصاله
وسام : طيب جاي روحي انتي
الخادمه : امرك يابيك
نزل وسام عالصاله وتوجه لامه ومسك ايدها ليبوسها
راويه وهي عم تسحب ايدها بعصبيه : وين رفاه ياوسام
وسام :… ..
راويه : بتفكر لاني عاجزه مارح اعرف عن تصرفاتك وولدنتك
وسام : يا امي الموضوع مو متل مانك فاهمه
روايه : لسا بدك تكزب وسام
وسام : يا امي افهميني… .واطلع لعمه… .احكيلك كلمه عمي
مالك : شو بدك احكي وسام والغلط راكبك من ساسك لراسك
راويه : شو زنبها هالبنت المسكينه لتضحك عليها… زنبها انها فقيره مو حرام عليك تلعب ببنات الناس مابتعرف انك بطلاقك الها بتاني يوم زواج بتكون دمرتها وخليتها علكه بتم اللي بسوى واللي مابيسوى
مالك : هالمسكينه رح ينحكا عنا شي صار وشي ماصار وخصوصا انها عايشه بحاره شعبيه والناس بهيك احياء مابترحم
راويه : وليكا الست نور اللي قتلت حالك عليها طلعت متجوزه اللي كان عامل حاله رفيقك يعني كانت تلعب عليك
نزل راسه بالارض وحكا بصوت مخنوق
وسام : والله كنت ناوي صلح كل شي بس رفاه استعجلت وراحت
راويه : محلاها وتبقى شو مفكر انت المخلوقه ما عندها مشاعر ولا كرامه
مالك : اللي صار صار مرت اخي ووسام كتبلا مبلغ منيح وعطاها بيت… خلص تعيش فيه وتبلش من جديد
وسام وهو بيمد الرساله لعمه : تنازلت عن كل شي عمي 😔
تناول مالك الرساله وبلش يقرأها وهو مبتسم
مالك : خدي اقرأي مرت اخي… قرأت راويه وارتسمت ع وجهها ابتسامه عريضه وضمت الرساله لصدرها
راويه : يا حبيبتي يابنتي…
مالك : قلتلك انها حبته
راويه : لازم رفاه ترجع على هالبيت
وسام : شو سر هالضحكات ماعم افهم شي
مالك : عالشي يلي تركتلك ياه رفاه
وسام ببلاهه : دورت بكل الغرفه مالقيت شي
راويه بضحكه دافيه : الشي اللي تركتلك ياه دور عليه جواتك مو حواليك
وسام : جواتي ؟
مالك : انت بتعرف بيتها ماهيك
وسام : اي
مالك : مشي معي لكن

*╚══════ღღ══════╝

#الــشــــــــيطانــــــــه
#بقلمي_ امل احمد
#الجزء_الخامس
(◕‿◕✿)

☆ ╚══════ღღ══════╝

مرق شهر من لما فاتت دلال عالقصر… كانت تضهر قدام الكل بمضهر البنت البريئه المسالمه وقدرت بكل خبث ومكر تستحوذ على حب كل العيله وثقتهم وصارت دلال وحده من العيله

☆ ╚══════ღღ══════╝

صحيت خوله بكير واستغلت وجود الكل بالطابق اللي تحت وعم يفطرو وفاتت لغرفة دلال بالخفيه وتناولت الفرشايه وسحبت منها كم شعره وخبتهم بمحرمه وطلعت بكل هدوء ونزلت لتنظم الهم ع مائدة الطعام

☆ ╚══════ღღ══════╝

خوله : صباح الخير

الكل : صباح النور

بسام : غريبه مالك بالعاده تتأخري عن الفطور

خوله ب ارتباك : كنت بقضي حاجه فوق وغمزتو

فهم بسام وكمل فطوروا وهو عم يفكر بدلال

جود : شو ابي ايمت رح نروح مشوارنا

بسام : اي مشوار

جود : شبك ابي هداك المشوار

بسام : اه… . اجلي هالموضوع هلأ جود

جود : ليش ؟؟

بسام : بدون ليش

جود : بس ي ابي… . كان ع وشك يناقش والده لحتى استوقفه صوت انثوي

ميمي : صبااااااح الخيرررر انا جيت وقربت من جود وطبعة عخدو بوسه : كيفك حبيبي

جود : اهلين حبيبتي شو هالمفاجئه الحلوه

ميمي : شو اعملك اشتقتلك وانت ماعم تسأل عني

ايمان : اهليييين ميمي كيفك حبيبتي

ميمي مشتاقيتلك ي روحي… . كيفك مرت عمي كيفك عمي

بسام: اهلين حبيبتي

خوله : قربي لتفطري معنا

حولت نظرها ب اتجاه دلال وبلشت تطلع فيها من فوق لتحت

ميمي : شو مرت عمي من ايمت بتسمحوا للخدم يقعدو معكم عالسفره

خوله : شو هالحكي بنتي هي دلال مالا خدامه هون

ميمي : ومين دلال بالله مو هي البنت يلي حويتوها من الشارع 😏

شدت دلال ع قبضتها وبلش الدم يغلي بعروقها وبسرعه قررت تستغل الموقف لصالحها

وقفت وراسها بالارض والدموع بعيونها

دلال : عن ازنكم… .😭😭

وعملت حالها عم تعرج بمشيتها وتعلي صوت بكاها

جود : شو هاد يلي عملتيه ميمي

ميمي : اي شو عملت كلا شقفة ..

جود : خلص ميمي 😡

ميمي :…… ..

وقف بسرعه ولحق دلال وهيه طالعه عالدرج

جود : دلال دلال لحظه ازا سمحتي

دلال : نعم جود بيك 😔

جود : انا اسف ع تصرف خطيبتي اكيد مابتقصد

انصدمت دلال وقت عرفت انها ميمي خطيبة جود وبطرف عينها رمقتها بنظرة تحدي وحطت ايدها على راسها ورمت حالها بحضن جود

جود بخوف : دلال شو صرلك ردي عليي دلال

ركض الكل ليشوفوا شو صار بدلال يلي كان باين عليها الانهيار والحزن

قرب منها بسام وصار يضرب عخدها براحة ايدو : دلال دلال عم تسمعيني بنتي

فتحت عيونها وهي بتطلق ونات الالم والقهر

دلال : ااااه ااااه يا امي خديني من هون لاتتركيني امي

خوله : اسم الله عليكي بنتي فيقي حبيبتي

دلال : خـ خوله خانوم

خوله : اي حبيبتي

دلال : بدي امي خديني لعند امي

انصدمت خوله واطلعت ببسام وبلعت ريقها

خوله : ليش وينا امك

ماردت دلال لانها غمضت عيونها ورخت حالها بحضن جود يلي ما استنى اي كلمه تانيه من حدا وحملها بين ايديه وطلع فيها على غرفتها وترك ميمي عم تغلي من القهر

☆ ╚══════ღღ══════╝

حطها عالتخت بهدوء وهو بيتأمل ملامح وجهها البريئه وبيمسح دمعتها يلي علقت بطرف عينها

مسكتله ايدو وفتحت عيونها ببطئ

دلال : جود

جود : كيف صرتي دلال

اول يوم شافت عيوني هالملاك.

الجزء 12
#بقلمي_ Aria
#ماهر _البيك
ماهر: من وقتا كنت احرسك وين مارحتي وماعد فيني طول اكتر بدي ياكي اليوم وقبل ماتنطبخ الملوخية
لين: هههههههههه مجنون بس وقف ، شو مشان حبيبة القلب ورح تتزوج عن قريب وانا وامك نرقص بعرسك لنشبع اه
ماهر: اي كان قصدي عليكي ياشكليطة واكيد انتي وامي رح تدبحو حالكن بالرقص بعرسي ولا شوووو
لين: هههههههه
ماهر: بحبك
لين: بحبك
وفعلاً رحنا عالمحكمة وتزوجنا ورجعنا اكلنا الملوخيا وبعد يومين كان عرسي يلي لهلأ ماعم صدق اللي عم يصير معي كأنو حلم
(لبست الأبيض ياأمي وحطيت الطرحة يا بابا وتمنيت تكونو معي بهاليوم وانا مع الانسان اللي بحبو وبيحبني ويلي رجعلي ضحكتي بعد ماضاعت مني)
عرسي ملوكي ماعم صدقو وفستان اميرات بصالة فخمة كتير كل الناس مبهورة فيه، كنت متل الفراشة اللي بتطير من جديد ومستمتعة بكل لحظة وهي طايرة بهالدنيي، وانا وماهر ولا كأنو مع المعازيم طول الوقت بس نطلع ع بعض ونضحك وكانت الناس تجي تسلم علينا ومعازيم كتييييرة انا ماكنت بعرف عندون هالقد معارف وناس مبينة اكااابر يعني شي فاخر من الآخر،
كنت قاعدة عالكرسي الملكي وماهر جنبي عم يسلم مع واحد من المعازيم وشفت كأنو صحافة وجاي لعنا
*صبية وحاملة ميكروفون: لو سمحت استاذ معليش نعمل معك مقابلة سريعة انت والعروس بهيك يوم مميز الكم
ماهر: اي طبعاً بس ثواني اذا سمحتو وياريت ماتعملو ضجة او اي ازعاج للمعازيم
الصبية: اي طبعا استاذ ماهر
/ وقفت الصبية والمصورين معها ع طرفي وعم يستنو ماهر ليخلص حكي مع رفيقو/ وانا مستغربة انو لشو الصحافة ومعنا نحن ومع ماهر ؟ ليش شوفي
*أشرت للصبية بأيدي انو تقرب مني واجت
لين: اذا سمحتي لشو هالمقابلة الصحفية
الصبية: ولو يامدام كلنا مستنين هاليوم وهاد رح يكون اكبر سبق صحفي بعملو بحياتي اني قدرت ادخل ع عرس الاستاذ الكبير ماهر واعمل معكم مقابلة ، والدنيي مطروشة بخبر زواجكم
لين: / منصدمة وحسيت حالي هبلة ماعم بفهم / طيب شكرا الك وللشباب اللي معك
ماهر : اي طيب نحن جاهزين تفضلي ياأنسة ، وقفنا وماهر مسكلي ايديّ ونحن جاهزين للمقابلة
الصبية: الدنيي مطروشة والاخبار والمجلات والصحف ماالها خبر غير زفاف رجل الاعمال الملياردير / ماهر البيك /...
/ هون اجتني السكتة القلبية / حسيت حالي رح اوقع بين ايدين ماهر بس هو شد ع ايدي ليوجعني لأنو الخبر نزل عليّ مي باااااردة
ياالله معقول ماهر حبيبي هو نفس رجل الاعمال الملياردير ماهر البيك ، يلي انا كذبت والفت قصة عنو انو ... لك ولي ولي ياسواد وشي من ماهر
التفت عليّ ماهر وهمسلي بأدني: اي ياحلو انا ماهر البيك لا تدبلي هلأ قدام الكاميرات لأنو حسابك معي بالبيت قلتلي انضربت فيكي ما واعتذرت واترجيتك و ورود وهدايا وماقبلتي فيني ما ، ماشي ياأم نفس ضيق انا بورجيكي بالبيت
لين: بس عيونك مابيشبهو عيون يحيى بمسلسل يحيى ولميس!!
ماهر:/التفت عالكاميرات وقال /خلي الناس تشهد انو انا خلقت اليوم ، وتشهد ع حبي اللي بعمري كلو مارح يخلص لهالملاك الطيب....
لين:/ بهمس بآدان ماهر / بس شعرك نفس شعرات شاروخان 😄
تزوجنا انا وماهر طبعاً بأول ليلة ماقدرت انفد من لسانو أبداً وعشنا نحن وأمو ب فيلا ماهر وجبتلو احلى ملائكتين/ صبي وبنت / سميتون ع اسم ابي وأمي / سامي و جوري/

#ماهر_البيك
بقلمي_ Aria
انتهت القصة...

#عروس_للإيجار
#الجزء_الاول
#بقلمي_ #امل_احمد_سلوم (◕‿◕✿)
@rwayate
*╚══════ღღ══════╝

بشركة الخطيب للاستيراد والتصدير ويلي تعتبر وحده من سلسة شركات عيلة الخطيب… كان وسام قاعد ورى مكتبه الفخم عم يطلع بصورة والده الراحل ويلي مضى على وفاته سنه كامله

مالك (عم وسام ) : صباح الخير وسام بشو شارد ابني
مسح دمعته العالقه بطرف عينه وقام من ورى مكتبه احتراما لعمه
وسام : اهلين عمي صباح النور تفضل اقعد هون
مالك وهو بيأشرلو ب ايدو يقعد مكانه : خليك مكانك ابني هلأ انت المدير العام والمسؤول عن امبراطورية شركات الخطيب
وسام بتهيده : والله ياعمي حاسس هالحمل كبير عليي
مالك : انت قد الحمل وسام وانا واثق فيك
وسام : بتشكرك لثقتك عمي بس يلي مستغربه ليش ما سلمت عصام ابن عمي ادارة اي شركه من الشركات كمان عصام كفؤ وماتنسى انه ابن اخوك
مالك : بدك ياني سلم رقبتي لجلادي وسام
وسام : ياعمي يلي صار بالماضي بينك وبين عمي كمال طوى عليه الزمن من سنين
مالك : قيمنا من سيرته هلأ واسمعني منيح شو بدي قلك
وسام : تفضل عمي عم اسمعك @rwayate
مالك : اليوم سانوية ابوك الله يرحمه يعني ماعاد الك اي حجه تتهرب من الزواج
وسام : عمي لو سمحت انا مافيي فكر بالزواج هلأ
مالك : يا ابني حاج تحسسني بالزنب انا وابوك جبرناك تتزوج ميس بنتي رغم علمنا بمرضها وميس متوفيه من 4 سنوات يمكن غلطنا وقت فكرنا انه ماحدا غريب يفوت لعيلة الخطيب وعموما كلشي بتصلح ابني انت لازم تتزوج لحتى تجيب ولي العهد
وسام : بس نور كمان بنت عمي ومن عيلة الخطيب ورغم هيك انت وابي رفضتو اتزوجها
مالك : ياوسام افهم اخي كمال وولادو اعدائنا نسيان شو عمل فينا عمك
وسام : لا مو نسيان بس نور مالها زنب عمي
مالك : نور متل ابوها وامها واخوها عصام كل همهم يكوشو على الثروه
وسام : بس ياعمي
مالك بحده : خلص حاج تقلي بس… . موضوع نور بتنساه وبتختار عروس تليق فيك وبعيلتنا
وسام : ان شاء الله عمي… ..

*╚══════ღღ══════╝
@rwayate
خلوني عرفكم على وسام…
وسام شب بعمر 30 سنه ببشره حنطيه وكتاف عريضه ووجه جذاب بيزيد جماله لحيته يلي دايما بيحددها وتسريحة شعرو الغزير الاسود
وسام وريث ابوه الوحيد عمه مالك زوجه بنته ميس يلي ماكان يحبها ولابعمرو فكر فيها زوجه لكنه امتثل لرغبة ابوه وعمه ليحافظوا على امبراطورية عيلة الخطيب لكن الموت سرقها من عيلتها بعد شهر من زواجها…
وسام بيحب نور بنت عمه كمال وعمه كمال بيكرهو وبيكره كل حدا من عيلة الخطيب لانه من ام تانيه ربته على الكراهيه وحب الذات وكان السبب بكتير مصايب حصلت ل كريم ومالك اخوانه من ابوه .. لهيك عاش بعيد عنهم

*╚══════ღღ══════╝
@rwayate
العم عبدالله (الفراش) : صباح الخير يابيك تفضل القهوه
وسام : شكرا ياعم عبدالله
عبدالله : العفو يا ابني……
وسام : في شي مشكله .. حاسس بتمك حكي
عبدالله : بصراحه يابيك كنت طمعان بكرمك انه تشوف لبنتي شغل بوحده من شركاتك
وسام بحب : بس هيك تكرم عينك .. شو مؤهلاتها وشو دارسه
عبدالله : هي السنه بتتخرج… هي بتدرس ادارة اعمال
وسام : وفيها تشتغل وتدرس يعني هالشي مارح يأثر على دراستها ؟
عبدالله : لا يابيك بنتي ذكيه كتير ورح تنبسط من شغلها
وسام : اي لكن جيبها معك بكرا لتقدم طلب وشوف شو ممكن ساعدها
عبدالله ب امنتان : كتر خيرك يابيك كحح كححح كححح العفو يابيك
وسام : عليك العافيه عم عبدالله صرلك فتره بتسعل ليش ما رحت عالدكتور
عبدالله : ان شاء الله اول الشهر بروح يابيك
@rwayate
فهم وسام قصد هالرجال الطيب وقام من ورا مكتبه وحط ي ايدو مبلغ بسيط

وسام : اليوم بتروح عالدكتور عم عبدالله مفهوم
عبدالله : الله يعوض عليهم كل قرش ب الف يا بيك الله مايحرمنا من خيرك كرمك
وسام : خير الله ياعم وهلأ روح عالدكتور وارجاع لبيتك لترتاح وبكرا ان شاء الله بتجي انت والانسه بنتك لشوف شو ممكن اعمل
عبدالله : حاضر يابيك

*╚══════ღღ══════╝

رغم انه غني كتير لكنه كان بيملك قلب طيب معطاء بيحب يساعد المحتاجين ومابيتأخر عن حدا دق بابه ابدا