#شغف_بقلم_زهرة_الشام
#الجزء_الرابع

سالم : اي مجنون وهلق رح فرجيكي الجنان على آصولو

..................................................
( في بيت سالم )

اندق الباب .دق دق

ركضت نسرين وفتحت الباب وعيونها حمر من كثر البكي : اهلين مرت عمي

ضمتها ام سالم لحضنها وصارت تطبطب عليها : حاج تبكي يا بنتي الله يرضى عليكي ما بصير هيك

بدال ما تسكت نسرين زاد البكي وصارت تشهق : انا عملت كلشي كلشي مشانو بس هوي مو معبرني ...بيجي بنام وبفيق بروح على شغل كرهت حياتي يا امي والله كرهت حياتي

ام سالم : معلش يا بنتي بعرف انو ابني صعب ولازم تتحمليه شوي

نسرين : لك كتيرررر ....كتيررر عم اتحملو وصلت معو انو مبارح فات نام وما سأل عني

ام سالم: انتي متأكدة انو كلشي عم قلك ياه عم تنفذيه

نسرين : لك كلشي كلشي ...آلتيلي بحب بطنو صرت كل يوم اعملو بدال الطبخة طبختين والبيت عطول نضيف وحاول بكل الوسائل ابسطو واكسبو بس هوي يصدني

ام سالم : ااااه يا بنتي لو فيي اصلح بينكم .... بس يجي انا بدي فرجيه

..............................................................................

ندى : لك لوين جايبني انت ؟؟ مفكرني بنت صغيرة

سالم : ليش بس لصغار بيلعبو بلملاهي بلا هبل وتعي

(مسك ايدها واخذها على دولاب الهواء((قليبة)) : شو رأيك اول شي نلعب بهي

ندى : امانه انا بخاف من الاماكن العالية

سالم : انتي ومعي لا تخافي

ضحكت ندى بمسخرة : هه ليش انت باتمان

سالم : بلا هبل يلا رح اقطع

((قطع سالم تكتين للعبة وركبو فيها وقعدو جنب بعض ووقت شتغلت اللعبة ندى سكرت عيونها بقوة وشدت على سنانها ))

سالم : ههههه لك شبك لسا ما شفتي شي

ندى :التلك عندي فوبيا من الاماكن المرتفعة بس انت كتير عنيد

سالم : شو بتعملي اذا روحتلك الفوبيا منك ...

ندى : ياااا ريت شو بدك بعطيك

سالم : طيب بس ما بتحكي ولا حرف

ندى : لك ااااااااااااي

((مسك سالم ندى وضمها لحضنو بقوة .....نصدمة ندى من تصرف سالم بس كان عاجبها هل شي لانو خفف من الخوف وسكتت وما حكت ولا حرف ))

سالم : شو راح الخوف ...

ندى : .......

سالم : بتعرفي انو ريحة شعرك حلوة كتير

((ضلت ندى ساكتة وما حكت ولا كلمة لوقت وقفة اللعبة واجت تنزل فحسة بدوار وكانت رح توقع بس سالم جلسها ))

سالم : هههههه شبك كل هاد من اللعبة ولا لانك كنتي بحضني ...

دارت ندى وجهها وكان وقتها قلبها عم ينبض بقوووة كبيرة : اااه لا بس انا بخاف منها للعبة كتير

سالم : ايوواه طيب ... دورك انتي شو بتحبي تلعبي ...

تطلعت حوليها وصارت تشوف اللعاب يلي بتحبهم : اممممم انا بدي العب بلسيارة الاصطدامية

تطلع سالم فيها وراسم على وجهو علامات الاستغراب : من بين كل هل الالعاب بدك تعلبي بلسيارات

ندى : ههههههههههه انا حرة بحب العب فيهن

سالم : طيب يلا رح مشيها ...بس بتعرفي تسوقي ؟؟

غمضة عين وفتحت الثانية بشقاوة وصارت تفرك بأيديها الثنتين : هلق بتشوف السواقة على آصولها ...

(( ركبو كل واحد بسيارة ووقت بدأت اللعبة مشيت ندى دغري بأتجاه سالم وصارت تحاول تخبط فيه وطول اللعبة وهيي عم تتحركشو ويضحكو من قلبهن والسعادة غامرتهن ))

بعد ما خلصو لعب وكان لازم يرجعو على بيوتهم
_سالم : شو قدرت اكسر الروتين ولا لأ

ندى : ههههه اي قدرت بس بكرى شوف البهدلة من الشركة لا انت ولا انا اجينا واكيد ضل المكتب فاضي

سالم : عادي المهم انو رتاحة نفسيتي وطبعا هاد الشي بفضلك دندون

ندى : يلا انا رح اخذ تكسي لانو تأخرت على بيت وهلق بابا بيقلق علي

سالم : طيب وانا رايح على بيت ....ديري بالك على حالك ..

(( تفرقو ندى وسالم وكل واحد راح على بيتو بس عقولهن عند بعض يمكن تفرقو الطريقين بس التفكر ما تفرق ))

تنهد سالم وحكا بصوت هادئ : ااااااه احلى يوم بحياتي ..رجعتني طفل صغير

..................................................................

(( في بيت سالم ))

فات سالم وهوي مبسوط وعم يدمدم بألحان بس ستقبلتو امو من الباب بعصبية وبصوت عالي ...

ام سالم : سالم لحقني على صالة

(( نصدم سالم من تصرف امو وشك انو نسرين تكون حاكية شي ولحق امو على صالة وسكر باب ...

وقف قدامها وعيونو بأرض لانو بيحترمها كتير ووقت تحكي بيسمع كلشي وبعدها بجاوب

آم سالم:

شو يا ابني انا ما وصيتك بنسرين ... ليش بتعاملها هيك ... بشو مقصرة معك

رفع راسو سالم وكان عم يدور براسو على رد لسؤال آمو : ما جابتلي ولد رح يصرلنا سنة مع بعض ولهلق ما صار حمل

آم سالم: يا ابني مو انت يلي حكيت بكير وخليتها تشرب حب

سالم: ومين حكا انو هيي عم تسمع كلامي وتشرب الحب انا كل يوم بشوف الحب وما بكون ناقص منو ...يعني ما بعرف كيدها

آم سالم: عيب يا امي هيي ما بترفضلك طلب بس انت ما بيعجبك العجب

سالم : المهم ماما انا بدي ولد وبدي اعرف اذا بيجيها ولاد ولا لأ

آم سالم: طيب انا رح اخذها بكرا على دكتورة وبشوف وضعها
..........................................................

((فيي بيت ندى ))

((الكل قاعد على طاولة الطعام وعم يتعشو بهدوء تام لوقت ما اجت ندى وقطعت الهدوء بكلماتها الرنانة ))

ندى : مسا الخير يا حلوووين (( قربت على ابوها وبوستو وعبطتو ))

ابو ندى: ليش لهلق يا بنتي طولتي

ندى : كان اليوم عندي شغل كثير عذروني

تطلعت سوسن بندى نظرة خبث : امنممممم التيلي شغل لكن

ما هتمت ندى لكلمة سوسن وسحبت الكرسي يلي جنب ابوها وقعدة عليه

خالة ندى : نشالله يا بنتي ما عم تتعبي

جاوبة ندى خالتها وهيي عم تقطع الخضرة بلشوكة والسكينة يلي قدامها : لا الحمد لله تعودة على شغل ومبسوطة فيه ...

سوسن : اي اكيد لازم تكوني مبسوطة .... لو انها مو مبسوطة ما كانت اجت عم تنطوط من الفرح والسعادة

(( اتطلع ابو ندى بسوسن بعصبية بمعنى سكتي وقامت ندى حتا ما تتعالق مع اختها قدام ابوها وراحت على غرفتها ))

قعدة ندى بعصبية على تخت : اوووووف ياااا نزعت عليي الفرحة

(( قامة بدلت تيابها ولبست قميص نوم فضفاض لانو الجو كان حار كتير وفردت شعرها على ضهرها وشغلت المروحة قدامها وصارت تتذكر كل الاحداث يلي صارت معها وهيي مبسوطة لوقت ما حدا دق عليها الباب ))

جلست قعدتها : آدخل

سوسن : شو بتضربيني لاني بجي متأخرة وانتي اليوم بتجي متأخرة

ندى : شو جاي لحتا تهزي بدني

سوسن : لا حبيبتي بس جاي اتفقد اذا انبسطي مع الشب الحلو يلي كان معك اليوم .....

ندى : شوووووووووو ؟؟؟؟
#شغف_بقلم_زهرة_الشام
#الجزء_الخامس

ندى : شوووووووووو ؟؟؟؟

سوسن : شو .... لا ولا شي انتي ضاحكة على عقل الكل انك ملاك وما بتغلطي ...

ندى : هاد الحكي مو صحيح طلعي من غرفتي بسرعه

طلعت سوسن التلفون من جيبتها وفتحتو وصار تفرجيها صورها هيي وسالم وقت كانت بحضنو : شو صحيح ولا لأ ست مدى

((نصدمة ندى من تصرف اختها العشوائي وقفة الدمعة بعينها وهيي بعدها عم تطلع على الصورة الموجودة بلتلفون ))
ندى : لك انتي اخت انتي ... عم تراقبيني وتصوريني

سوسن : هلق شغلة انتي راقبك ... لا حبيبتي ما عندي وقت الك اصلا .. بس انتي صورك هيي لازم لانو بعرف رح تكزبيني

ندى : اوقات بشك انك مو اختي ..

سوسن : وانا والله انتي مشالله شقرة وعيون زرق وانا سمرة وشعر اسود ... بس ليكي انا بشبه بابا كتير بس انتي يلي ما بتشبهي حدا بلعيلة

(( آشرت ندى بأصبعها على باب الغرفة وصارت تحكي بصوت مخنوق : طلعي لبرا ... طلعي بسرعه

سوسن : اي اي طالعة بس مرة ثانية ما بتدخلي فيني انا امتا ما بدي بطلع من البيت وامتا ما بدي بجي

(( طلعت سوسن من الغرفة وسكرت الباب وراها وقعدة ندى تبكي وتشهق وضلت طول الليل مزعوجة وما نامت ))

.................................... .............. ... ......

((في الصباح )) في بيت سالم

حاطة نسرين فنجان القهوة واغنية فيروز الساعه 7 الصبح وقاعدة بلحديقة آجت لعندها حماتها صبحت عليها وقعدة مقابيلها

آم سالم : صباح الخير يا بنتي شو لسا ما فاق سالم

نسرين : لا والله لسا اذا بدك بفيقلك ياه

آم سالم : لا لا تركيه انا بدي احكيكي بموضوع ضروري روحي جيبي فنجان قهوة وتعي بسرعه

ركضت نسرين على مطبخ جاية فنجان قهوة لحماتها ورجعت قعدة : خير مرت عمي شغلتيلي بالي

آم سالم: خير خير يا بنتي .... بدي اسألك انتي عم تاخذي حب المنع ؟؟

غصة نسرين وقت سمعة السؤال وتوترت ..

آم سالم: شبك يا بنتي احكي لا تخبي

نسرين : لا والله صلي اكتر من 4 شهور مو اخذتو

آم سالم: اممممم ولهلق ما صار حمل

نسرين : لا ما صار و بصراحة خايفة من هل موضوع

آم سالم : طيب ... خلصي فنجان القهوة وروحي البسي

(( قامت نسرين واخذت تيابها بهدوء من الغرفة كرمال ما يفيق سالم ولبست ومشيت هيي وحماتها لعند الدكتور ))

...................................................................
(( في بيت ندى ))

((قامت ندى لبست بنطلون جنز وكنزة حمرة وكان وجهها مبين عليه التعب ...طلعت صبحة على اهلها بهدوء وفتحت الباب وطلعت على شغلها ))

آبو ندى : لك شبها ندى مو على بعضها

سوسن : بتكون عم تدلع بابا

آبو ندى : طيب كملي اكل كملي ...

(( فتحت ندى باب المكتب وفاتت زتت شنتها على الكرسي وطبت وجهها على الطاولة و بعد نص ساعه فات سالم على مكتب وصار يم

#شغف_بقلم_زهرة_الشام
#الجزء_السابع
آم سالم : شو يعني ...ماعد تجيب ولاد

الدكتورة : انا ما عم قول انو ما بتجيب انا عم قول بدها علاج

نسرين : يعني فيي امل للولاد مو هيك دكتورة

الدكتورة : اي حبيبتي خلي املك بألله كبير ان شاء الله بتتعالجي وبتجيبي

آم سالم : شكرا الك دكتورة ... قومي بنتي قومي

(( مشيت ام سالم وكنتها من عند الدكتورة ونسرين مصدومة والدمعة على خدها ))

نسرين : ماما يمكن هلق سالم آلو حجة يتركني فيها ....

آم سالم: شبك انا ما بعرفك ضعيفة هيك .. قوي قلبك بكرا نشالله بتتعالجي وبتجيبيلي احفادي

نسرين : شو بدنا نعمل هلق

آم سالم : بدنا نروح على دكتورة ثانية كرمال نتأكد

((راحو على دكتورة وتنتين وثلاثي وما مشي الحال الكل حكو مفس الكلام وقفو تكسي وركبو فيها ليرجعو على بيت ))

آم سالم : سمعي يا بنتي هاد الشي رح يضل بيني وبينك ورح جبلك عن يلي حكت عنهن الدكتورة العسل والمكسرات والميرمية وانت بتكتري منهم اي

نسرين : حاظر مرت عمي ....

..................................................................
(( في المكتب ))

سالم : ندى خلصتي شغل

ندى : امممم يلا باقي شوي

سالم : رح نتاخر يلاااااا

ندى : اوك يا جاي

(( قامت ندى ومشيت هيي وسالم لبرا الشركة وقفت على طرف الطريق لتوقف تكسي بس سالم مسك ايدها وسحبها لعندو بقوة ))

سالم : تعي لهون ووين رايحة

(( خبطت فيه ندى من عزم السحبة واجا وجها بوجهو مباشرة وصفنة بعيونو بس سالم بعد عنها شوي لانو هنن بلطريق وهيي نتبهت على حالها وبعدت عنو شوي ))

ندى : كنت بدي وقف تكسي بس ..

سالم : مافي داعي جبت السيارة من التصليح ليكها معي

(( كانت سيارتو مديل حديث مارسيدس سودة ركب سالم هوي وندى السيارة ومشيو فيها بس كانت ندى طول الوقت صافنة بلطريق وحب سالم يغير عليها الجو وشغل غنية وبدون ما يعرف شو هيي حكالها : هيي انا بهديكي ياها

تطلعت ندى عليه بأهتمام كرمال تشوف شو الغنية وكانت : (( ريتو يسلملي الزعلان اللي عامل حالو مش سألان ريتو يسلملي

الزعلان اللي عامل حالو مش سألان بقتلني برمشو النعسان وعيونوالدبلانين ))

تطلع بعيونها وحكا كلمتين دخلو على قلب وعقل ندى مثل صاعقة كهربا : صدقيني انتي حلوة وقت تكوني عم تضحكي او وقت تكوني خجلانة .....

ابتسمت ندى لسالم وتطلعت بعيونو نظرة خلتو يدوب ببرائتهم

ندى : شكرا الك :)

سالم : على شو شكرا .... انتي وقفتي معي وقت كنت زعلان وانا هلق واجبي وقف معك ....

(( وصلو على السينما وآخذو بوشار وعصير وفاتو على قاعة السينما ))

ندى : خلينا نقعد آخر شي انا بحب اقعد آخر صف

سالم : غريبة انتي الناس بتتقاتل على المقعد الاول وانتي بدك الاخير

ندى : اي هيك بحب

سالم: يلي بدك ياه مع اني بحب اقعد بلصف الاول

(( قعد سالم جنب ندى وبلش الفلم وطول الوقت يحط بتمها بوشار وشربها عصير ويضحكو ويملي ايدو بوشار ويحطهن بلقمة وحدة بتمها ويهر وعبو تحت اجريهن بوشار
ووقت طلع لقطة رومنسية بلفلم حط ايدو على عيونها كرمال ما تشوف وقضو اليوم كلو ضحك

سالم : عجبك الفلم ؟؟؟

ندى : اكيد.

سالم : ندى ممكن اطلب طلب منك ...

ندى : اكيد طلوب

سالم : بدي رقمك

ندى : طيب سجل عندك *****09

سالم : هههههههه هلق ماعد تخلصي مني ... تعي وصلك على بيت

(( وصل سالم ندى على اول الطريق وهوي رجع على بيتو ))

فتح باب البيت وكان البيت جدا هادي ما ركضت نسرين لعندو مثل كل يوم .... شلح بوطو وهوي مستغرب وفات على غرفة النوم وكانت نسرين نايمة وغامرة وجهها بلحرام ..غير تيابو وطلع على مطبخ حط حواضر وقعد ياكل ومسك تلفونو وبعت رسالة لندى : اشتقتلك مع انو هلق بعدت عنك ..

خلص اكل وجاب من غرفة النوم حرام ومخدة وحطهن على صوفة وتسطح وكل شوي يفتح تلفونو يشوف فيي جواب من ندى
......................................................

(( قاعدة ندى قدام التلفزيون وحاطة قدامها كاسة شاي سخنة .. فتحت تلفونها وشافت الرسالة يلي بعتها سالم وضحك سنها وقامت على غرفتها ودقتلو ...

((وقت شاف سالم انو عم تدق ركض على البرندا وتأكد انو مسكر منيح وفتح الخط

سالم : آلو

ندى : هههههه ليش منوص صوتك خايف مرتك تسمعك

سالم : هههههه لا بس واقف على البرندا وصوتي عم يطلعلو صدى لانو مافي صوت ابرة بلحارة

ندى : اي كاتبلي انو شتقتلي ...وليش لتشتقلي

سالم : ليش ما بحقلي اشتقلك .... انا حر بشتاق يلي بدي ياه

ندى : يلا انا صار لازم نام

سالم : بدي قلك شي قبل ما تنامي

ندى : قووول

سالم : خلص بكرة منلتقي على المكان يلي رحنا فيه اول مرة وبقلك ..

ندى : طيب منلتقي بكرا

(( سكرت ندى الخط وزتت حالها على تخت من الفرح وتفكر شو ممكن يحكيلها بكرا ... حطت راسها ونامت لحتا يمرق الوقت بسرعة ))

اما سالم كان عم يخطط لندى مفاجأة كبيرة لانو قتنع انو هوي بحبها وما بحس بلسعادة غير معها

في الصباح ....

فاقت نسرين وعيونها منفخين من كثر البكي طلعت على صالة ما لقت حدا صارت تدور على سالم بلبيت وسمعت صوت بلحمام انو عم ياخذ دوش فاتت على مطبخ لتحظر الفطور ...فجاة شمعت صوت نغمة الرسائل على تلفون سالم ...مشيت من اتجاه التلفون وقلبها ناقزها كتير مسكتو بأيديها وهيي عم تفكر تفتحو ولا ما تفتحو ....فتحتو وكانت رسالة من ندى مكتوب فيها

(( ناطرتك على نار ))

#شغف_بقلم_زهرة_الشام
#الجزء_السابع
(( ناطرتك على نار ))

تطلعت بلهاتف وتمنت انو تكسر وتكسر البيت كلو بس حاولت تضل عاقلة شوي

طلع سالم من الحمام وهوي عم ينشف شعرو بلبشكير ويدمدم وقفتو نسرين بصوت هادئ بس كان واضح على وجهها علامات الانزعاج

نسرين : تفضل تلفونك .... حبيبتك عم تستناك على نار

سالم : مجنونه انتي مين حبيبتي

نسرين : اي مجنونه ليكها الرسالة لسعتها شوفها

سالم : بكون حدا مخربط

نسرين : حدا مخربط ورقمو مثبت عندك ... ما تكذب عليي

سالم : اي يا ستي بحبها وما بحبك منيح هيك رتحتي هلق

قعدت نسرين على الارض ونفجرت بكي : انت واحد اناني من وقت كنا صغار وانا بحبك وانت حتا ما كنت شايفني عملت المستحيل مشانك وانت ما كنت تشوف بحياتي ما قصرت معك وما كنت اجبرك على شي وبسببك هلق صار صعب كتير جيب ولاد لانك كنت تجبرني اخذ مانع بسببك يمكن ما صير ام ... فهمني امانه فهمني شو عملت معك شوووو

(( حاول سالم يهديها ويشيلها من الارض بس هيي صدتو بقوة ))

نسرين : بعد عني خلص بتحبها روحلها يمكن تعيش بسعادة معها اكتر مني بس يمكن تحس بقيمتي لانو خسرتني انت

سالم : طيب هدي لنحل الموضوع

نسرين : كيف بدنا نحلو سنين وعم حاول خليك تحبني بس انت ما حسيت بأتجاهي بلحب .... هلق رح تحبني انا ماعد بدي ياك ..

قامت من الارض وراحت على غرفتها هيي عم تقلو : روح لعندها عم تستناك

(( ضل سالم واقف بأرضو ومو عارف شو بدو يعمل .. انو يقلها ما تروحي ما بيقدر لانو هوي مستني هل لحظة من زمان وانو يخليها تروح هاد الشي رح يخليه ظالم ))

قعد على الصوفة وحط ايدو على راسو وتمنا يعرف شو بدو او شو يلي لازم يعملو بهل لحظة و

#شغف_بقلم_زهرة_الشام
#الجزء_العاشر_والاخير
سالم : الووو .. اي .... يلا رح اجي بسرعه طيب ... مشوار الطريق

نسرين : شوفي حبيبي

سالم : من الشغل بدهن ياني

نسرين : طيب حبيبي لا تتأخر لانو اليوم بدي روح فك الجبر

سالم : طيب جهزي حالك بس اجي باخذك

نسرين : طيب يا عمري

(( لبس سالم تيابو واخذ مفتاح السيارة من على الطاولة ومشي ))

ام سالم : نسرين عم تاخذي من الدوا يلي عطيتك ياه ... هاد التلي عنو الدكتوة انو خيالي وبأذن الله رح تشفي عليه ..

نسرين : اي رح يصير الي اسبوعين عم اخذ منو

ام سالم : اي نشالله يا بنتي بيمشي حالك الله يجبر بخاطرك يا رب

نسرين : الله يخليلي ياكي يا امي

............................................................
نزل سالم من السيارة وطلع دغري لعند المدير ..

دق سالم الباب : دق دق

المدير : تفضل

سالم : اي استاذ شغلتلي بالي

المدير : لا ما تشغل بالك بس زميلتك ندى تركت الشغل وانت لازم تشتغل بدالها يعني وقف اجازتك ورجاع على شغل

سالم : ندى تركت الشغل ...

المدير : اي وانت من بكرة بتبلش دوام

سالم : تكرم استاذ لعيونك

(( طلع سالم من مكتب المدير ونزل دغري على مكتبو ليشوف ندى .. فات على مكتب وكانت ندى حاطة قدامها كرتونة صغيرة وعم تجمع غراضها ووقت شافتو جمدت بارضها وتجمعة الدمعة بعيونها بس هيي حاولت تخبيها ))

قرب سالم منها وسالها : كيفك ندى

نزلت راسها ندى وحاولت تخفي عيونها وولوجع يلي فيهن وردت عليه بصوت مخنوق: الحمد لله

سالم : ليش بدك تتركي الشغل

ندى : نخطبت وبعد شهرين عرسي وطالعة على المانيا

سالم : بهل سرعه نخطبتي

ندى : شو بدنا نعمل الدنيا بلاخر نصيب .... اي انت كيف صارت مرتك

سالم : مرتي الحمد لله عم تتحسن بس صار معها فقدان ذاكرة

حملت ندى كرتونة غراضها وطلعت وهيي عم تودع سالم والمكتب حيط حيط وزاوية زاوية لانو كان كل هل شي من ريحة سالم ...

وقف سالم وكان حاسس بأتجاهها بذنب كبير لانو بيعرف منيح انو بعدها بتحبو

بعد مرور الشهرين .....
((في بيت ندى ))

اوها وطبخنا مجدرة
اوها ومجللة بالكزبرة
اوها وعروستنا حلوة
اوها ومابدها غندرة
ليليليلييييييييييش

(( قاعدة ندى بفستانبفستانها الابيض على الاسكي المزين بلورود البيض وشعرها النازل على كتافها مثل الحرير والكحلة مزينة عيونها وشفايفها مزينتهم بشوية حمرة بلون الورد الجوري الاحمر بس للاسف ما كانت الفرحة كاملة لانو ما كانو جنبها عاريس لانو عاريسها عم يستناها بلمانيا بس كان كل هل العريس حوليها وعم يواسوها ويوعدها بحفلة بلمانيا ما صار مثلها جنب عاريسها ))

قامو اهلها ورقصوها والدموع عم تنزل شلال حتا سوسن كانت عم تحاول تمسك دموعها بس ماعد قدرت وضمت اختها وصارت تترجاها ما تروح ...

سوسن : انا اسفة على كل دموعة نزلت منك بسببي بس كنت فكر انو اهلي بحبوكي بس انتي بس انتي يا ندى بتستاهلي الحب لانك طيبة وحنونه

ندى : لا تبكي يا عمري والله انا مو زعلانة منك انتي اختي الوحيدة كيف بدي ازعل منك بس انتي ديري بالك على دراستك وعلى بابا

وبعدها قربت ندى من خالتها وعبطتها وصارت تشمها وتقلها : بعمري ما حسيت انك انتي خالتي يلي كنت حسو انو انتي ام .... ام لالي امانة يا امي ديري بالك على سوسن

خالة ندى: حاج تبكي يا عمري دموعك غالين وتذكري منيح انك انتي طيبة وصالحة والله بعتلك زلمة منيح وصالح لانو الصالحون للصالحات وديري بالك عليه اي حبيبتي

(( قربت خالة ندى وباستها من جبينها ومسكت ايدها واخذتها لتسلمها لابوها الواقف عند باب الصالة وعم يستناها ..... طلعت ندى واول ما شافت ابوها نفجرة بكي وقربت لعندو وصارت تبوسلو ايديه وباسة جبينو

#شغف_بقلم_زهرة_الشام
#الجزء_الثامن

فجأة اجاه اتصال لسالم ... شوووو ... امتا .... بأي مشفى هيي احكيلي

ندى : شوفي .... شوفي سالم

( بس سالم ما فتح تمو ولا بأي كلمة قام بسرعة البرق اخذ جاكيتو من على كرسي وركض على السيارة وندى لحقتو وركبة جنبوو))

سالم: تنزلي ندى هلق بحكيلي

ندى : مارح اتركك تروح بهل حالة مستحيل

سالم : خلص ندى نزلي

ندى : مارح انزل امششششي

مشي سالم والدمع بعيونو وصار يتذكر الكلام يلي اجاه على تلفون : انت جوز نسرين .... نسرين ضربتها سيارة وحالتها خطيرة ..... وضرب بأيدو على دركسيون وصار يصرخ بصوت عالي : انا السبب اناااااا .... انا اناني عنجد مثل ما قالت وانااا ما بستاهلها

ندى : مشان الله فهمني مين هيي

سالم : اااااه يا ندى شو ظلمتها اذا صار عليها شي مارح سامح حالي ابدااااا

ندى : مرتك ؟؟؟

صار يشهق سالم من كثر البكي : اي اي نسرين ووقت بعتيلي رسالة شافتها وتركت البيت ...

ندى : بسببي يعني ؟؟؟ انا السبب ؟؟

(( سكت سالم وما رد عليها ولا بأي كلمة وندى ضلت تكرر الكلمة بعقلها ... انا السبب .... اي انا السبب

(( وصلو سالم وندى على مشفى وسأل عنها وجابوه انو نسرين بغرفة العمليات وركض سالم مثل المجنون وصار يدور على غرفة العمليات ولحقتو ندى وقف عند الباب وحاول يفوت بس وقفتو الممرضة ومنعتو يفوت ))

سالم : مشان الله اليلي كيفها مرتي ...

الممرضة : انا ما بعرف هلق بيطلع الدكتور وبيخبرك ..

((فاتت الممرضة على غرفة العمليات وبعد عشر دقائق طلع الدكتور ))

سالم : مشان الله يا دكتور كيفها مرتي

الدكتور : شو بدي قلك والله وضعها صعب ولازمنا دم

سالم : خذو دمي انا يا دكتور

الدكتور : شو زمرة دمك يا ابني

سالم : انا _B

الدكتور : ما بيمشي الحال بدنا _O او +O او _A

ندى : دكتور انا زمرة دمي + O

الدكتور : طيب يا بنتي لحقيني

(( راحت ندى مع الدكتور لحتا تعطي نسرين دم وهون كبرت بعين سالم كتير قعد سالم يستنا ندى لتخلص ))

سالم : يا رب يا رب تطلع نسرين بخير وسلامة وندرا عليي لما زعلها ابدا يا رب

(( تطلع سالم على جهتو اليمين وشاف امو وجها اصفر وعم تركض لعندوو ))

ام سالم : لك شوفي يا ابني شبها نسرين وكيف صار معها هيك

سالم : ما بعرف يا امي بس اتصلت فيني المشفى وخبرتني انو عاملي حادث وحالتها سيئة

ام سالم : ليش وين كنت حظرتك ... اااااه

سكت سالم وما حكا ولا ايا حرف وقعدت امو جنبو وكمان التزمت بلصمت لوقت ما اجت ندى لعند سالم والتلو خلصنا

تطلعت ام سالم بندى وكأنو شكها قلبها انو ندى ألها ايد بلموضوع ؛ مين هيي سالم

تلبك سالم وما عرف يرد ولا بحرف بس ندى ردت عنو : انا زميلتو بلشغل ....

ام سالم : وشو جابك لهون

ندى : كنا انا وسالم سوا وقت اجاه الاتصال وحبيت اطمن على مرتو

آطلعت ام سالم بطرف عينها على سالم وكان

#شغف_بقلم_زهرة_الشام
#الجزء_الاول
....بناتُ حوّاءَ أعشابٌ وأزهارُ
.... فاستلهمِ العقلَ وانظرْ كيف تختارُ
....ولا يغرَّنكَ الوجهُ الجميلُ فكم في الزّهرِ سمٌ
....... وكم في العُشْبِ عقارُ
....................................................................

كانت عم ترتب المكتب المعبى بلورق المبعثر على الطاولة وشعرها البني يلي من لون غصن الشجر نازل على خدودها الوردية وتحاول تبعدو بأيد وبأيد الثاني تضب المكتب كرمال تخلص الشغل يلي بأيدها بأسرع وقت ومن ورا المكتب يلي مقابيلها ناداها زميلها سالم

سالم : ندى خلصي شغل ولا لسا

مدت ندى رأسها من ورى المكتب : لا ما خلصت .... ليش في شي

اتاوب سالم بملل هوي عم يمط جسمو : مليت من الشغل بدي اطلع اشرب قهوة وحكيت بتجي معي

بس ندى كانت مشغولة بلوراق ومو عرفانة كيف بدا تخلص شغل : والله عندي شغل كتير انا ما بدي روح لخلصهن

قرب سالم منها وصار يتأملها عن قرب ويطلع بعيونها الملونين ويلي لونهن متل لون السما الصافية وكان شعرها من طبيعتو ممواج ومبعثر لون عسلي .... كان تقريبا كل يلي بلشغل يتودادولها بس سالم شخصية هادية ورومنسية وبحب المزح مشان هيك صادقتو وحبت القعدة معو لانها بتحب كتير طريقة كلامو وهضامتو وهيي حابت تكون صديقتو وبس ما كانت متخيلة انو الموضوع يكبر وتتغير صداقتهن لحب شبه مستحيل ....

سرقت ندى نظرة على سالم كيف عم يطلع عليها وابتسمت وسألتو : شبك عم تطلع فيني هيك ؟؟؟

قرب منها سالم بهدوء : بتعرفي اني بحب اتأمل عيونك لانو وقت اتطلع فيهن بحس حالي قاعد على شط ازرق ....

ضحكة ندى ضحكة عفوية ووفتلت بلكرسي لعندو : سكوت احسن ما احكي لمرتك ...

سالم : لمين ما بدك احكي ...

ندى : على فكرة انت واحد نسونجي الله يعينها عليك

سالم : لمين ؟؟؟

ندى : لمين يعني لمررتك ...

ركا حالو على طرف طاولة ندى وصار يطلع لفوق وهوي عم يتأفئف : مرررررتي .....مرتي شايفتني ومو مسدقة بتعرفي اوقات بمل من كتر اهتمامها فيي

ضحكت ندى ضحكة عفوية : غريب انت حدا بمل من الاهتمام شبك ....

((فتل ضهرو ورجع لمكتبو يلي كان مواجه مكتب ندى قعد على كرسي وصار يكمل شغل بدون ما يحكي ولا حرف وبس خلص النهار لطويل يلي كلو شغل بشغل رجع كل واحد على بيتو ))

ندى : خالتي يا خالتي انا اجيت ...

خالة ندى : فوتي يا ندى غيري تيابك وهلق بتجي سوسن

ندى : ليش وينها ست سوسن ؟؟

خالة ندى : على اساس ما بتعرفي انو بتضل عند ليلى

تأفئفت ندى وفاتت على غرفتها غيرت تيابها ولبسة بجامتها وطلعت لعند خالتها على مطبخ قعدت على الكرسي وصارت دردش مع خالتها

ندى : خالتي هلق سوسن وقت تجي من جامعتها دغري بتروح لعند رفيقتها

خالة سوسن : اي والله يا بنتي وانا ما بسترجي احكي معها كلمة لانو دغري بتسمعني كلمة انتي مو ولية امري حتا تدخلي فيني ....

ندى : لا هيك كتير لازم نحطلها حد بقاا

خالة سوسن: بس يا بنتي مافي شي بيجي بلقوة واختك واعية وحرة بحياتها

ندى : خالتي لو كان بس هيي عندها دراسة ولازم تنهيها ...

((آم ندى ميتة من لما كانو صغار هيي وسوسن ومن بعد موتها بي 3 سنين تزوج ابوهن وجبلهن مرت اب بس لحسن حظن هل مرت اب ربتهن وكبرتهن وكانت الهن آم ))

..................................................................
((في بيت سالم ))

فتح سالم باب البيت ورمى شنتو على الصوفة كان بيتو كتير كبير وانيق وطبعا لانو مرتو انيقة ونظيفة كل يوم بعد الوظيفة يجي على بيت يكون ريحة الياسمين والنظافة طالعة من بيتو واطيب عشا يكون على طاولة جاهز وسخن وغير غزانتو يلي كلشي فيها منظم ومرتب حتا لجرابات تكون مكوية ومصفطت بترتيب بلدرج و هيي تكون بكامل أناقتها وحماتها ما بتحكيلها غير المراة المثالية بس رغم كل هاد مو عاجبو وحتى كلمة شكرا ما تطلع من تمو

ركضت نسرين لعندو واخذت منو معطفو : اهلين حبيبي رح اعطيك بجامتك والاكل جاهز على طاولة

سالم : ما بدي آكل كتير تعبان ولازم فوت نام ...

نسرين : بس حبيبي انت......

تركها سالم عم تحكي مع حالها وفات على غرفة وسكر وراه الباب رمى حالو على التخت وحط ايديه تحت راسو وصار يحكي بينو وبين حالو: الله يسامحك يا ماما جوزتيني ياها وانا ما بدي ياها بس ضليتي تزني بعقلي آنو الحب بعد الزواج بيجي لحتا آخذتها رغم كل يلي عم تعملو مشاني بس ما بحبها ......ما بحبها ... ما بحبها ..

....................................................................
في المساء ((في بيت ندى ))

فاتت سوسن من باب البيت وماسكة التلفون عم تحكي مع رفيقتها بأيد وعم تشلح بوطها بأيد

آجت ندى لعندا ومسكت التلفون من آيدها وسكرت المكالمة

سوسن بعصبية : اي اي شبك شو جنيتي

ندى : انتي يلي جنبتي هلق جاي شو البيت سايب

سحبت سوسن التلفون من آيد ندى وكملت طريقها وهيي عم تحكي : حبيبتي هاد الشي مو آنتي ي

لي بتحاسبيني عليه هاد الشي بابا
بحاسبني عليه

مسكتها ندى من طرف كنزتها بعصبية وضربتها كف على خدها بقوة ...

حطت آيدها سوسن مطرح الكف وهيي مصدومة : عم تضربيني .....

#شغف_بقلم_زهرة_الشام
#الجزء_الثاني

حطت آيدها سوسن مطرح الكف وهيي مصدومة : عم تضربيني .....

ندى : اي بدي اضربك لانك صايرة قليلة ادب كتير وحتا جامعتك ماعم تعتني فيها ....سمعي هاا اذا بتضلي هيك قصط جامعتك ماعد ندفعو سامعة

((اجت خالتهن على صوت عياطهن بسرعة ))

خالة ندى : لك شوفي يا صبايا ليش اصواطكن طالعة ....

وقفت سوسن قدام خالتها وهيي لسا حاطة ايدها على خدها والدمعة بعينها : على اساس ما بتعرفي يا حية يعني مو آنتي فاسدة عليي بس انا بورجيكي

ندى : خرسي وليه بدي قصلك لسانك اذا بترجعي تحكي معها هيك .....

((تركتهن سوسن وفاتت على غرفتها وقفلت الباب وراها وصارت تبكي جوا الغرفة .... سوسن اختها الوحيدة لندى وكتير بتخاف عليها لانها طايشة وصحبتها غلط دائما بتختار صحبة السوء وكل مرة بدخلوها بمصيبة لدرجة آنو مرة فاتت ندى لعندها لقتها عم تشرب كحول وكتير صارة تنصحها بس بدون فائدة ))

((في المطبخ ))

خالة ندى : حاج يا ندى تبكي الله يرضى عليكي

قاعدة ندى بلمطبخ وراكية راسها على طاولة وعم تبكي : ما بعرف يا خالتي ليش بتفكرني بس بدي اعمل عليها آخت كبيرة بس انا بخاف عليها بس ....

خالة ندى: معلش بنتي تركيها بكرى بتوعى على حالها وبتعرف انو يلي عم تعملو غلط بغلط ..

ندى : نشالله يا خالتي ...

((سمعو صوت الباب الخارجي تسكر ))

خالة ندى: هااا ليكو اجا ابوكي رح جهز العشا ..انتي برضاي عليكي روحي صالحي اختك وتعالو تعشو معنا

ندى : طيب رح جرب بس

((في الصباح في بيت سالم ))

قربت نسرين على سالم وصارت تلعبلو بشعرو وتحاول تصحيه بكلمات حنونة : سالم حبيبي ....قوم فطار رح تتأخر على شغلك

رفع أيديه وهوي عم يتاوب من نعسو وكان شكلو مو شابع نوم : اديش الساعه

نسرين : حبيبي الساعه 30: 8 حبيبي

جلس حالو سالم وهوي عم يحكي بصوت عالي : شوووووو تأخرت

نسرين : كيف تأخرت حبيبي وانت دوامك الساعه 9

قام وهوي عم يلبس بسرعه : اي بس اليوم عندي شغل كتير ولازم روح بكييير

نسرين : آيه طيب حبيبي اعملك ساندويش تاكلهن على طريق

سالم : لا شكرا

خلص تيابو ولبس بوطو عند الباب وهوي عم يوشوش حالو : يا الله لامتا انا بدي اهرب هريبة من البيت ... الله يسامحك يا امي

((طلع سالم من البيت وطبق وراه الباب بعصبية وطبعا نسرين حست عليه وهيي بتعرف منيح انو ما بدو ياها وانو هيي خيار امو بس ..... مسكت التلفون والدمع عم ينزل مثل الشلال من عيونها ودقت لحماتها لانو مافي غير هيي بتسمعها ))

نسرين وصوتها مثل المبحوح من كثر البكي : مرت عمي كيفك

آم سالم : اهلين يا بنتي ..ليش هيك صوتك ..اكيد سالم

نسرين : مرت عمي عم اعمل كل يلي عم تحكيلي ياه بس لسا بيتجاهلني ...بحسو مو طايقني لك ما بكلف حالو وبيطلع بوجهي

آم سالم : يلا انا نص ساعة وبكون عندك ...الله يرضى عليكي لا تبكي

((سكرت نسرين الخط وقعدة على كنبة وكانت الدنيا كلها ضايقة فيها لانو ما ضل شي ما عملتو كرمالو بس هوي كان حتا ما ينتبه لوجودها ))

........................................................................
((في بيت ندى ))

واقفة ندى على مراية الخزانة وماسكة بأيديها فستانين واحد لون آخضر ووردي قصير لتحت الركبة بشوي والثاني طويل مورد وفيه ربطة على الرقبة

ندى : اااااوه يا ربي والله شي بحير ... الثنين حلوين وعاجبيني

_فاتت عليها خالتها وهيي لساعها واقفة على مراية : لك لهلق ما لبستي هلق بتتأخري مثل العادة وبتروحي بلا فطور

ندى : اجيتي والله جابك ...امانه انو آحلى هاد ولا هاد

خالة ندى: حبيبتي الثنين حلوين بس أسرعي شوي وحتا مو حلو الفستان انتي بتحليه لانو القالب غالب يا عمري ....

ندى : حبيبت البي

(( زتت الفستان الاخضر على تخت وختارت الطويل لمورد ولبستو والملمة شعرها وزينتو ببكلة على شكل وردة ناعمة ))

بعد ما خلصت تأملة حالها بلمراية وصارت تتفتل على يمينها وشوي على يسارها لتتأكد انو كلشي تمام : وووواخيرا ...لك دخيل جمالي انا مثل القمر بنص سما سودة ومافي غيرو عم يلمع ...

((لبست صندل مفتوح زنوبه لون وردي وطلعت على غرفة الطعام كان الكل مجتمع صبحت على الكل وركضت لعند ابوها طبعتلو بوسة على ايدو وعلى خدو ))

ندى : الله يخليلي ياك يا أغلى الشي بحياتي ...

ابو ندى : حبيبة البي الله يرضى عليكي وعلى اختك يا رب وبشوفكن آحلى عرايس ...

سوسن بحقد : انا ما بدي اتزوج

(( حكت كلمتها ومسكت شنتتها وحطتها على كتفها بسرعه وركضت وكأنها مو حابة تشوف ردت فعل حدا على كلمتها )))

ابو ندى: حسبي الله ونعم الوكيل ..الله يهديها يا رب كل ما اقول بكرى بتكبر وبتعقل بس بلاقي انها بتكبر وبتجن اكتر ))

قربت ندى على ابوها يلي مبين على ملامح وجهو انو حزين ومسكت ايدو : معلش بابا طول با

#شغف_بقلم_زهرة_الشام
#الجزء_الثالث

ندى : وليش ما بكون انا هل حدا ...

صفن سالم شوي بكلمة ندى وحكا لشوفير : أخي من بعد اذنك اذا بتعرف مكان حلو وطبيعتو حلوة خذنا عليها

ندى : لك شو عم تحكي والشغل بدك نتطرد من الشغل

سالم : انت يلي حكيتي انك بدك تسمعيني ودخلك انا مش فارق معي الشغل كلو

ندى : انت مجنون اكيد ....

سالم : اي مجنوون

(( مشي الشوفير فيهن على مطعم فخم والانهار محاوطو من جنابو وفيه كل انواع الورد من برا نزلو سالم وندى من السيارة وقفت ندى قدام المطعم عم تتفحصو بعيونها وصارت تمشي من آتجاهوا بس سالم شدها من ايدها وسحبها لعندو ..

سالم : ووين رايحة انتي ...

ندى: كيف يعني وين رايحة ...رايحة على مطعم

ضحك سالم بسخرية: هه عم تمزحي انا كيف بدي فضفض بلضجة ..لو بدي اقعد بمطعم كنت اخذتك على المطعم يلي بنص حارتنا ...

ندى: بلا يعني وين بدنا نقعد اذا ما قعدنا بلمطعم

سالم: تعي احكيلك وين بينقعد وقت الواحد بدو يفضفض

((مسك سالم ايد ندى وسحبها للحظة حست ندى بأحساس غريب وقت مسك ايدها سالم ووقف تحت شجرة كبيرة وعالية كتير وقدامهن نهر صغير وفايش وكان فيي حوليهن ورد ملون وغاية في الروعة ))

سالم بأبتسامة عريضة وهوي عم يتلفت حوليه : هاااا هون بدنا نقعد ....حلو المكان

((بس ندى بدني ثانية ..عم تطلع بعيون سالم الجوزية كيف عم تروح شمال ويمين))

((لوح سالم بأيدو قدام عيونها : ندى ...هوووو وين رحتي

ندى : ايه ليكني شو كنت عم تحكي ...

سالم : عم قلك تعي نقعد تحت الشجرة

((شلح سالم من أجرو وقعد تحت الشجرة وحط اجريه بلميي ))

سالم : يلا شلحي من اجرك وتعي

ندى : هههههه اانت مجنون ..

سالم : لك خلصيني رح يخلص لنهار وماعد بقدر احكيلك قصة حياتي ....

ندى : هههههههه يلا

(( شلحة ندى من آجرها وقعدت جنب سالم ورفعت فستانها شوي وحطت اجريها بلميي ))

ندى : اااااااح وولي الميي باردة

سالم : اشغلك تحتها حتا تدفى شوي

ندى : شو هيي

سالم : للمي

ضحكت ندى بسخرية : هه مهضوم

حط اديه تحت راسو وتسطح على الارض : بتعرفي انو هيي اكتر كلمة يحكولي ياها بعيلتي (( مهضوم )) مع انو بحكي وبضحك بس لضحك يلي حوليي ... بس انا قلبي عم يحترق ...

ندى : وشو السبب

تنهد سالم بقهر : اااااااه السبب .... السبب انو امي بدا ياني اعيش مثل ما بدها والمشكلة ما فيني ازعلها لانو بعد ما مات بابا هيي صارت تشتغل بأيديها واجريها كرمال تدرسني بس انا ما كنت حابب ادرس ادارة اعمال بس هيي درستني ياها غصب

ندى : شو كنت حابب تدرس

سالم : كان حلمي صير كاتب كبير ومشهور ويصرلي كتب بأسمي وكنت حب كتير كتابة الشعر

ندى : ايووواه بتعرف شعر !!!

سالم : اي حابة تسمعي شي ؟؟؟

ندى : وصفني ببيت شعر ...

جلس حالو سالم وتطلع بعيونها وكأنو عم يدور على الف قصيدة وقصيدة ما عرف شو بدو يوصف بهل جمال الخلاب ..اممممم اكتر شي بحب فيكي عيونك ..سمعي

في مرفأ عينيك الأزرق ... أركض كالطفل على الصخر

استنشق رائحة البحر ... وأعود كعصفورٍ مرهق

حمرو خدود ندى وقلبها صار يرقص مثل العصافير ....

سالم : ههههههه حبيت خجلك رح احكيلك وحدة عن خجلك
ارفع ستار الخجل عن لسانك
غنيى ألحان الغزل من حنانك
عينك حكت سرك

صارت ندى تهرب من عيونو يلي موجهين عليها : يلا خلص بس

ضحك سالم ورجع تسطح على الارض مثل ما كان : ههههههه شبك ماعد تفسرتي وجهك صار الوان

((عم الهدوء لدقائق بعدين حكا سالم لندى كلمتين خلو عقلها يروح يسار ويمين ))

سالم : ندى احكيلك سر .....

ندى : احكي ....

سالم : انا ما بحب نسرين

ندى : طيب ليش تجوزتها

سالم : كان عم نسرين جارنا وكانت ساكنة عندو لان امها وابوها متوفين وهيي صغيرة وعطول كانت تدردد لعنا وتساعد امي بشغل البيت بحكم انو امي ما عندها بنات وبيتنا كبير وما حدا يساعدها غيرها .... انا ما بنكر انو هيي منيحة ونظيفة وانيقة وجميلة ومثل ما بتحكي امي كاملة مكملة ...بس هاد الشي ما بيمنع انو ما حبها وجربة وحاولة كتير حبها بس مافي نتيجة ووقت خطبتنا صرت اترجاها لامي تمنع الخطبة بس امي كانت دغري تسمعني كلمة (( بغضب عليك ))وانا قدام هل كلمة بضعف

ندى : هاد نصيبك وبكرا بتجيبو ولد وبتتغير حياتكن ...

سالم : انا عم حاول