هند: يعني مارح تفتحو محضر لتعرفو سبب الانتحار
محمود: اكيد لأاا
بانت على وجها علامات الانزاعاج ..
هند.: انا بالاذن ... عظم الله اجركم
محمود وجنى : شكر الله سعيكم
طلعت من البيت ونزلت ركبت سيارتا الفخمة bmw
وطارت فيها بسرعة الريح .. وصارت تقول على الطريق : اغبياء اغبياء
محمود لاحظ انو بتعرف شي او يمكن يكون الها دخل واياد كذالك الامر ..
قامو كل الناس واجو بدون يقومو رفقات نورا بس محمود قلون انو حابب يقعد معون شوي مشان يحكولو عن نورا شوي ..
راحو كل المعزين .. قامت جنى سكرت الباب ورجعت قعدت جنب اخوها .. واياد بعدو بالغرفة متخبي وماطلع منا
محمود : لو سمحتو احكولنا عنها شوي
جيهان : كانت كتير طيوبة الله يرحما
رأفت: ومتل ماقلت حساسة كتير
عبد الملك: هادية كتير وما كانت تعمل مشاكل
ايهم : شو ماقلنالك عنها قليل
الاء : مظبوط حكيون
محمود : طيب كان شي حدا من الجامعة تحسو بيكرها او بغار منا
الاء : مافي غير هند
محمود وجنى : مين هند
الاء : هاي البنت يلي كانت لابسة اسود وقاعدة هنيك
محمود : اي شو قصتها هالبنت حسيتها غريبة وكمان شوفي بينا وبين نورا
جيهان : انا كتير مستغربة من شغلة انو كيف اجت ع العزا وهية ماكانت تطيقا
جنى : ممكن تحكولنا بالظبط شوفي بيناتن
عبد الملك : هند وحدة غريبة مابنعرف اي شي عن حياتا اهلا يمكن مسافرين وهية عايشي لحالا بالبلد هون .. ما بتقرب ع حدا نهائيا واذا قررت تحكي مع حدا بتوقف معنا خمس دقايق .. ونورا لما اجت ع الجامعة بداية السنة .. تعرفت علينا وصرنا صحبة ... لنهار اجت هند لتوقف معنا خمس دقايق وتمشي ونحنا عرفاهن على بعض بس حسينا انو هند ما نبسطت بشوفتا لنورا .. بعد ما تعرفت عليها مشت فورا .. بعد يومين كانت نورا واقفة معنا اجت هند اخدت المحاضرات من الاء
*فلااااش باااااااك******
هند : صباحو
الكل : هلا صباحو
هند : الاء عطيني المحاضرات
الاء : تفضلي هدول هنن
هند.: اوك يسلمون
نورا : هند
هند ااطلعت عليها بطرف عينا : نعم
نورا : انا بصراحة حبيتك ممكن نكون اصدقاء
هند : لا
نورا : ليش
هند : هه لانك ما بتستاهلي الصداقة
نورا : وانتي شو عرفك انو انا مابستاهل الصداقة
هند : لانو جربتك من قبل
نورا : بس انا مابعرفك
هند : بكون احسن ... بس انابعرفك منيح
نورا : كيف بتعرفيني وانا ما بعرفك
هند ماردت ومشت
*باااااااك *
محمود : اي وبعدين شو صار
ايهم : مابنعرف ... بس ضلت نورا تحاول مع هند .. وقبل ماتموت بيوم .. اجت نورا وسألت عليها
وقلنالا ما مليتي قام ردت وقالت انو هية وهند كانو رفقات وهنن صغار ونورا غلطت بحقا بس بشو مابعرف
محمود : شكرا الكم ...
قامو راحو ...وطلع اياد قعد معون
محمود : شو فهمت اياد
اياد : ما في شي واضح .. انو كيف كانو رفقات من زمان وانو نحنا مابنعرفا ... جنى انتي بتعرفيها شي لهاي البنت انتي ونورا رفقات من الطفولة واذا بتعرفا نورا اكيد لازم تكون مارقة على راسك
جنى : لا مستحيل حتى ماكان عنا رفيقة اسما هند من اصلو .. وحتى محمود اخي بيعرفون
محمود : صح بعرفون كلون لما كنتو صغار ..
اياد : لازم نشوف المحقق ناجي
محمود.: قوم لحتى نشوفو ..
راحولعند المحقق ناجي .. سلمو وقعدو
اياد : بدنا نحقق بالقضية بكل التفاصيل
ناجي : تفضلو
اياد : بدنا نبلش نبحث عن سبب لحتى تنقتل اختي
محمود : صح هاد اول سبب .. نحنا سألنا ومالقينا اعداء الها
ناجي : معقول القاتل بدو يوصل الكم
اياد : نحنا
ناجي : اي الكم لانو انت وخطيبا السيد محمود محققين على مستوى وعمل هالجريمة مشان يستدرجكن ع البلد
محمود : فيها وجهة نظر
اياد : نحنا شاكين بوحدة معها بالجامعة ممكن تكون بتعرف شي
ناجي : مين بتكون
محمود : اسما هند
ناجي صفن شوي : هند ... هند .. اي اي اتذكرت
محمود واياد: شوفي
ناجي : من حوالي سنة مات شب انتحار بالسكن الجامعي
اياد : اي وبعدين
ناجي : حققنا بالقصة .. وطلع ماعندو اعداء وماكان عندو صديقة وحيدة غير هند .
محمود : اي وبعدين
ناجي : ولا شي تسكرت القضية على انو انتحار وهند حققنا معا ومافي شي عليها .. @rwayate
اياد : اصبح القضية اكبر من قصة نورا .. القضية في وراها لغز ومفتاح هاللغز هو هند
ناجي : شو يعني
محمود : اياد بيقصد انو الشب يلي مات اكيد مات قتل ومو انتحار وهند اكيد بتعرف شي .. لانو اكيد مو صدفة كل واحد يكون قريب منا عم يموت انتحار .. هاد الشب ونورا والله اعلم مين كمان غير الجامعة
اياد: بدنا نقابل الضابط ونطلب منو يرجع يفتح قضية الشب يلي انتحر بس بشكل سري
ناجي : اوك رح اتصرف
محمود : اياد
اياد : اي شوفي
محمود : هند ما شافتك ..
اياد : شو يعني
محمود : انت لازم تدخل حياتا بس مابصفتك محقق
اياد : اممم افهمت عليك خلص تركا علي وانا بحكي مع عمران خليه يظبطلي وضعي بالدولة ورح ادخل ع الجامعة على اساس انا طالب ورح اتقرب منا واعرف شو قصتا
محمود : فكرة بتجنن ... بس لازم نصبر لحتى تنسى