تالا(بتعيط)لك خراس ونقلع بقا من هون
حسام(بينفض ايديه)رايح رايح....تفو عليكي بس
قصي:بعدي عني تالا
تالا:(بعدت وهيه عم ترجف و تبكي)انا اسفة...عنجد اسفة
ماكنت عرفانة
قصي:مو مشكلة...انا بدي روح كمل شغلي
تالا:(تبكي)الله يخليك لاتزعل مني والله ماكنت بعرف
قصي:(شال طاقيتو من الارض و حطا عراسو)لاتبكي
عادي..هاد انا و متعود اسمع هالحكي من الناس مافي شي جديد عليي...موكنتي بدك تشوفي وجهي...هي شفتيه...وشفتي عيوني يلي وحدة منهن مشوهة ويادوب مفتحة؛هه خلص هاد انا و مابلومك اذا بدك تتركيني او تبعدي عني..بالنهاية مالك متطرة تتحملي تشوهي هاد
تالا(قربت منو وحطت ايدها عدقنو)انا مارح بعد عنك صدقني
قصي:مالي بحاجة اي شفقة منك هلأ...خلص انا رايح شوفي شوبدك تعملي و حاكيني بدك نترك او نبعد انا ماعندي مشكلة
(تركها و طلع و هيه نهارت و قعدت عالارض تبكي)
مايا:خلص حبيبتي خلص اهدي شوي
تالا:لك انجرح..شفتي اديش نكسر...انا السبب انا
مايا:مو ذنبك ياتالا مو ذنبك هالشي
تالا:لك وجهو مشوه(صارت تبكي بحرقة)ماتخيلت يكون هيك ماااتخيلت يامايا
مايا:خلص تركيه شوبدك فيه!
تالا(تطلعت فيها و عيونها غرقانين بالدموع)لك انا بحبو كيف بدي اتركو...لك بتعرفي شويعني بحبوو...هو الروح بصدري...هو قلبي وكل حياتي لك انا بحياتي ماحبيت قبلو كيف بدي اتركو
مايا:خلص اهدي اهدي...روحي طلعي عالبيت و اهدي شوي...تعالي لطالعك انا تعي معي
(طلع قصي عبيتو وصار يعيط ويكسر كل شي بيوصل لايدو)
نعيمة:لك امي شو صرلك هدي شوي شو صرلك
قصي:(بعيط)شافتو هالوجه شافتووو...لك شافت بشاعتي شافت قرفي شافتني
نعيمة:لك امي الله يرضا عليك اهدا شوصرلك
قصي:(وقف عالمراية يلي عالحيط)هاد الوجه انا بقرف طلع فيه...كيف هيه بدها تقدر تنظرلي لك كيييييف
(مسك المراية وكسرها وقعد عالارض حط وجهو بين ايديه و صار يبكي..انحنت لعندو نعيمة وصارت تطبطب عليه)
نعيمة:ااااه يا امي انت...طول بالك..بكرا بتعمل العملية وبترجع احلا من اول..بس طول بالك و ركز على هدفك...اذا بدها تتركك لهالسبب فهي مابتحبك..يلي بيحب التاني بينظر لجوهوه مابينظر لخارجو...تزكر نحما ليش اجينا لهون...وشو بدنا وخلي مشاعرك على جنب
قصي:(تطلع فيها بكسرة والم)بس انا بحبا
نعيمة:نفذ مهمتك و وصل لهدفك وروح اعمل عمليتك و رجعلا...اذا بتحبك بتستناك...وهلأ مسحلي هالدموع..الرجال مابتبكي
قصي:(هز براسو وتنهد)طيب
نعيمة:تقبرني والله عيونك نفس عيون امك
قصي:هههه مصرة تضحكيني...قصدك عيني نفس عيون امي..لان التانية مومبينة
نعيمة:بكرا بتبين وبترجع احلا من اول...انت زينة الشباب ياقلبي
قصي:طيب(قام ونفض تيابو ولبس الطاقية)انا نازل شوف شغلي