تيم: لك بحبك كل شي غلط عملته قال بدي انسا حبك بس كنت بهرب منك الك كنت كل بنت شوفك فيها
راما : خلص اسكت حطيت ايدي على ادني قال بدي امنع صوته طيب وصوت قلبي من يمنعه صوت قلبي الي بصرخ يالله كاني كنت عم اعشق تيم من وقت كنت صغيرة كاني من وقت كنت صغيرة كنت بحبه بعد ماقرب مني وضمني عرفت شو يعني نار كان مع غيري بعد ماعرفت انه في وحدة حامل منه كان نفسي اصرخ وقول هاي انا الي مفروض اعمل ابنك مش هي هاي انا الي مفروض بديت حياتك معها مش هي
تيم: راح صلح كل شي
اطلعت فيه ومسكت أيده
راما:ببوس ايدك تيم صلح كل شي ببوس ايدك
تيم: راح صلح كل شي
مسحت عيوني بكفي واخدت نفس وانا عم اشهق
راما: تيم لازم تكون جنب ابنك طفل ماله ذنب
تيم: لازم كون جنبك انت
كنت ببكي بس مش قادرة مش قادرة احكي صوتي مخنوق
راما : الله يخليك
تيم: لك هاي متل ماكانت معي كانت مع غيري لازم اتاكد انه ابني
راما: كيف
تيم: اتركي الموضوع عليا
راما: لبال ماتنحل القصة الله يخليك مابدنا نحكي مع بعض
تيم: لك انتي بتطلبي موتي قاعدة
راما: الله يخليك لا تحط على جرحي خل
............
بهالايام تحولت انسانة تانية خاصة انه سونا كانت بتاكد انه ابنه لتيم ماكنت احكي معه حتي مااكل معه طول الوقت كون حابسة حالي باوضتي كنت بحس عليه وهوا قريب من الباب حط راسي على الباب وغمض عيوني بتمني اهرب عليه وارمي حالي بحضنه
كنت بحبه من زمااااااااااااااااااااااان كتير كنت بعشقه وماكنت حاسة شو يعني حب
........
بعد اسبوعين كان موصلني على الجامعة وكان في بريك وقت كنت انا وتالين عم نمشي بالجامعة
تالين: خايفة من الامتحانات
كانت نفسيتي كتير محطمة وبحكي الكلمة بصعوبة
راما: اه حاسة هيك انه راح تكون صعبة
وقت شب اجا ولمس كتفي
راما: شو هادا فتح
الشب: لك في احلي من عيونك
راما: بلا قله ادب
تالين: شو هادا
الشب: لك والله مابنام من عيونك
حاول يلمس ايدي سحبته ورجعت بس لقيت تيم بظهري
وقتها خبط الشب كف
الشب: شو دخلك دكتور
تيم بعصبية: لك انا الي شو دخلني
تالين: الدكتور ابن عمها
تيم اطلع بتالين واطلع فيا نزلت عيوني
بصوت متل الرعد قال: لك هاي بتكون زوجتي ياغبي
كلمته وقعت على راس الكل متل الصخر خاصة انه الطلبة والطالبات تجمعوا على الخناقة
اطلعت فيا تالين وكان بعيونها الف سؤال مسك معصمي تيم واشر على خاتمي
تيم: راما بتكون زوجتي ياغبي
عادها تاني وسحبني من معصمي
الصبايا حطوا ايديهم على تمهم من كتر الصدمة
طلعت جنبه بالسيارة وكنت ببكي
تيم: لازم يعرفوا انك مرتي بكفي
اطلعت بعيونه كنت مشتاقه اله بجنون الي فترة بعيدة عنه مابشوفه
تيم: ببوس ايدك لا تطلعي فيا
راما: ...........
كنت نفسي قله بحبك كنت نفسي قله خدني بحضنك بس ماقدرت
كان عيونه فيهم شي غريب وفيا شي غريب
...........
بالمسا كنت قاعدة مكورة حالي بالاوضة كنت حاسة فيه بره وقفت اطلعت بالمراية كان وشي تعبان كتير فتحت الباب اطلعت بعيوني على تيم بس كان ضو اوضته شاعل فتت على اوضته كان ساند راسه على التخت وايدي وراء راسه
وقت شافني وقف
تيم: شو في شي واجعك
اطلعت فيه وصرت ابكي
تيم: راما احكي
شو احكي قلبي واجعني ياتيم والله واجعني
اطلع فيا تيم غير الكل كيف ماكنت حاسة اني بحبه كيف كنت غبية وماكنت حاسة بحبه
راما: تيم
مسك ايدي
تيم: شو
راما: بحبك
وقت قلتها حسيت انه صخرة انشالت عن قلبي
تيم: راما تعبان
حطيت راسي على صدري
رفع دقني باصبه
تيم: شو القصة راما
راما: بدي كون مرتك
حسيت انه انصدم بكلامي
راما: الله يخليك
مسك ايدي وقلي راما اهدي انت مش بعقلك
راما: الله يخليك يا تيم الله يخليك بدي كون الك الليلة
تيم: انا شب وبحبك انا عاشق مافيا اتحمل اسمع منك اكتر من هيك حكي
راما: ببوس ايدك
تيم: تبوسي ايدي ليش
راما: بدي كون مرتك
بلع ريقه وقلي ببوس ايدك راح موت على اللحظة الي كون فيها معك راح موت من سنين وتكوني الي بس بدي ياكي تكوني واعية معي فاهمة
حط ايده على وشي وقلي بحبك يا اغلي شي بدنيتي بحبك ارحميني من عيونك ومن الحكي الي بعيونك
راما: بس
حط ايده على تمي
تيم: لا تحكيها مرة تانية والا راح اعملا والله بعملها بس بوعدك حلها وراح اخدك بدو اذن
راما: خليني نام بحضنك تيم
بس ماخلاني احكي شالني بين ايدي وحطني على سريره نمت على ايده لزق ظهري بجسمه ضل ضاممني طول الوقت كنت حاسة انه موجوع اكتر مني
...........
وقت فاق الصبح مالاقني بحضنه قام وصار يدور عليا بكل مكان بس مالاقني كان متل المجنون بدوني كلم كل رفقاتي بس ماحدا عرف الي طريق اسبوع مر على غيابي بس ماحدا عرف الي طريقي ماما كانت تبكي عليا دم وبابا مش عارف طريق تيم قلب لمجنون بهالفترة سافر على الضيعة حتي يتاكد انه مش هنا ك وقت فات بيتنا
تيم بصراخ: لك رااااااااااااااما
بابا: لك والله ماهي هون
كانت ماما بتبكي
ماما: وين راحت
وقتها فاتت مايا من الباب
مايا: روق تيم
لف واطلع بعيونها