من لحدي
معلش حبيبتي الحياة صعبة ما كل العالم بتعيش بسعادة وراحة بال بدا شوية تعب وهاي راح لعند ربو هلق بتتزوجي وبتعيشي حياتك
علا: ههههههه اتزوج!! بدي واحد يدللني متل جوزك
الحقيقة اندئرت من كلمتا شافتني انزعجت اتلبكت وقالتلي: اي واحد حباب يعاملني منيح وبس
وكنا كل يوم نشرب قهوة سوا ونقضي ايام حلوة تعوضني عن بعدي عن العالم
كان الوضع صعب ما نقدر نطلع من الحارة وحاليا الدنيا شاعلة وعم تشعل بزيادة كل يوم مظاهرات وجنازات والناس تفور بزيادة
الحرب صعبة وبشعة ولما نسمع حدا استشهد كتير نزعل ونمضي ايامنا على اعصابنا وانا دائما خاف على سامر لما يروح ع الشغل
كل يوم صلي وادعي الله يحميه ويرجعلي اياه سالم لما يفتح الباب طير من الفرح
#مروةآغاومرت الايام وعلقت عنا بالحارة دخلت الدبابات وسكروا الحارة
طلع جوزي لعندي عم يركض: عم يفتشوا البيوت لبسي وحطي دهباتك وهاي المصاري خبين معك
لميس: حباب نزيل قلا لعلا وكون جنبا مشان ما يعملوا شي
سامر: اي يلا نازل
لبست تياب الصلاة وضبيت المصاري تحت تيابي، وسمعت صوت تحت قلت اكيد بلشو تفتيش وانا لساني ما وقف تسبيح وادعية متت رعبة على سامر
وسمعت صوت طالع لعندي وفتح الباب وفات سامر انا وقفت جنب باب غرفة القعدة ومسكت الولاد
سامر: اتفضل سيدي
... فوتو فتشو
وبلشو تفتيش قلبو البيت خربطو الدنيا بس ماقربوا لاعليي ولا على ولادي
خلصو وطلعو لفوق خلصو تفتيش البناية وراحو
وفتشو بيوت الحارة الله ستروا لسامر ما اخدولي اياه
بس الحارة بقيت مسكرة وسامر قعد بالبيت مايقدر يروح ع الشغل اكتر اياموا يقضي بالبيت واحيانا مع شباب الحارة
وكل يوم علا تدق عليي بدا تشرب قهوة احيانا انزل لعندا واحيانا جوزي يطلع برا البيت ومنقعد سوا
مرة كان زوجي نايم طلعت لعندي سكرت الباب على سامر وقعدنا بالصالون وهيي تحكي متل عادتا وتضحك انا قلا خففي صوتك هلق بفيق
تخفف صوتا وترجع تعليه وتضحك انا استغربت من تصرفا بس قول بقلبي هيي دائما هيك بتحكي وبتقضيا ضحك جد قعدتا كتير حلوة وبتسلي
مرقت ساعة وقال بدا تنزل مشان جوزي
رحت فتحت الباب على سامر لقيتوا فايق
سامر: راحت
لميس: اي
سامر: شو كل هالضحك
لميس: نحنا هيك وقت منقعد وعلا قعدتا كتير حلوي بتسلي مافي منا هالبنت
سامر: هلق قوليلي انا قاعد هون متل اجازة ما لازم تتدلليني كل يوم علا وعلا
لميس: حرام البنت ما الا حدي
سامر: وانا ما حرام عم اشتئلك
لميس: هاي كل اليوم معك
سامر: بس دائما مشغولي
لميس: يلي بيسمعك بقول شو بتهتم فيي دائما ع التلفزيون ولا بتسايرني
سامر: يالله، لقوم قبل ما تبلشي نق بالموضوع
لميس:هلق هيك !!
سامر: خلص لا تزعلي بس بتعرفيني ماعندي هالشغلات
لميس: اي حفظتك بصم، يلا قوم رح جهزلك القهوة
سامر: يلا
ورجعت ع الصالون ضبيتوا وضبيت القهوة تبعت علا وعملت قهوة جديدة وقطفت ورد من البلكون وزينت الصنية وحطيت شوكولا وجبتلوا اياها
لميس: اتفضل ياعمري
سامر: لك يسلملي المزوق، لك وين فنجانك!!
لميس: هلق شربت مع علا
سامر: شفتي كيف حتى القهوة صرتي تشربيا مع غيري
لميس: سامر حبيبي هلق باكل معك شوكولا
سامر: اي ضحكي عليي
لميس: ههههه ساميييرر
وبقي الوضع هيك شهرين وكل مالو يزيد وكل يوم ضرب وتفجير لا طلعة ولا فوتي ولا كهربا والاتصالات انقطعت ودائما خيفانين
#الجزء #الثالث (3) :
كانت الايام صعبة كتير لافي كهربا ودائما اصوات وتفجير والولاد دائما مرعوبين وكل يوم سامر يحاول يطالعنا من الحارة بس مافي امل حكوني اهلي وكانو كتير عم يبكو قال اخي بدو يطلع ع تركيا ومابيقدروا يبقوا لحالن واخي التاني بيتو صغير ويا دوب مشي حالو وجهزوا حالن للسفر وبدن يروحو
انا طق قلبي من الزعل والبكي طول النهار ما اققدر سدق اهلي بدن يسافرون بلا ما شوفن اصلا انا ناطف قلبي على شوفتن من اول ما سكنت بهالبيت كان صعبة نطلع من الحارة.
وكل النهار وانا عم حاول حكين بس التغطية ضعيفة وتاني يوم حكوني قال هني صاروا بتركيا
الحمد لله اطمنت علين، بس والله زعلت كتير مشتاقتلن، بس هيك الله راد.
وبعد كام يوم الحمد لله بتصير هدنة بين الطرفين وبيفتحو الطريق اجا سامر كان مبسوط وقلي جهز حالي
لميس: لوين بدنا نروح
سامر: لسا مابعرف المهم نطلع من الحارة
لميس: شو رايك نروح ع بيت اهلي بيت كبير وفاضي
سامر: اي والله والمنطقة عندن منيحة يلا ضبي شوية تياب
لميس: ماشي حبيبي
سامر: يلا جهزي كل شي انا رايح جيب تكسي
لبست ولبست الولاد وضبيت التياب ونزلت لودع علا لان سامر اتأخر
اول ما فتحتلي البابان وجها منفخ وعم تبكي
لميس: ولك شبك ليش هيك عم تبكي
علا: اخي يا لميس اخي استشهد
لميس: يي تقبشي قلبي الله يرحمه
ضميتا وبلشت واسيا
التفتت عليي وصارت تتفحصني: وانتي ليش لابسة لوين رايحة
لميس: الحقيقة طالعين من الحارة رايحين ع بيت اهلي
علا: كمان انتي بدك تتركيني
ورجعت تبكي اكتر من الاول
كتير زعلت عليا وسمعت صوت سامر،