📚قصص||روايات||منوعة📚

#الحاسة_رقم_سبعة_قصص
#الحاسة_رقم_سبعة_3 #الحاسة_رقم_سبعة
@rwayate
الحلقة الثالثة
ما عدت اوثق بأي شخص بحياتي مين ما كان يكون .. بعد ما سمعت كلام صعب من عيلتي والكل بعلق أغلاطي على المشكلة اللي بعاني منها في نظري.. وبالآخر اتهموني أني سرقت أختي بس الغباء الأكبر كان مني أني اعترفت بهالشي بس ماقدرت وقتها أحكي عن المره اللي دخلت بيتنا واللي أمنتلها ماما وخلتها تدخل على غرفنا ورشت شي على التخوت وخرمشت بإيدها على الصور اللي على الحيط.. كل واحد بالعيلة صار يطلع عليه بطريقة سيئة أني حاولت أسرق وأني مش عارف اشتغل حتى خواني الصغار.. تاني يوم الصبح وبعد ماطلعو خواني على المدرسة وخواني الكبار على جامعاتهم وشغلهم .. حكيت لماما خلينا نروح نزور المرة اللي أجت زيارة لعنا .. خلينا نعرف مين هيه .. وقتها سألتني شو بهمك لتعرف مين هيه ؟؟؟ حكيتلها إحساسي بحكيلي أنه في شي سر وراها.. حكتلي أنت دائماً بتحكيلنا إحساسك وبطلع غلط .. بس أنا وعدتها بزيارة وهيه حكتلي وين ساكنه ووصفتني البيت .. حكيتلها شو إسمها؟؟ حكتلي ميرفت أم عامر.. حكيتلها طيب بعد شوي خلينا نروح ندور عليها.. لبست وطلعت معها ومعنا اختي هبه الصغيرة.. وصلنا المكان اللي وصفتنا عليه وعنفس البيت بالزبط.. كان في برا ولد صغير بلعب حكيتله وين ماما.. دخل وصار يبكي .. طقينا جرس الباب طلعتلنا الخدامة .. حكينالها وين المدام؟؟ حكت أي مدام ؟ حكيتلها مافي حدا نحكي معاه هون .؟ دخلنا على البيت طلعلنا شب بعمري .. لسه قبل ما أسأله عن أمه شفت صورة معلقة بغرفة القعدة لنفس المرة اللي اجت عنا وعليها شريطة سودة من جنب .. توفت !!! .. سألته أمك توفت ؟ حكالي اه من شهر تقريباً.. حكيتله شهر ؟! كيف شهر ؟! مبارح أمك أجت لعنا .. حكالي انت بتهلوس وين أجت ؟! أمي بهالوقت صار رح يغمى عليها وجابلنا الولد ميه شربناها .. سألته شو اسمه حكا عامر.. قلي أمي متوفية من شهر حكيتله طيب كيف؟ حكالي انت شكلك مضيع او مشبه .. قلت إحساسي بمحله أكيد في شي صار كيف توفت من شهر وهيه اجت عنا مبارح ؟ حكالي كيف شكلها حكيتله هاي المرة اللي بالصورة هيه اللي اجت عنا .. اتهمني بالجنون وحكالي نحنا مش متحملين لسه مش متعودين على فقدانها ومع السلامة.. طلعنا أنا وأمي من البيت وعلى وجهنا علامات استفهام وقتها ماكنا عارفين شو اللي صار بالزبط.. حكتلي ماما مش مصدقة كيف هيك لعاد مين اللي اجنا عنا مبارح .. يعني ياهدول بكزبو علينا يا أنه اللي اجت عنا اعوذ بالله.. بس كيف حكينا مع روحها ؟ وشو غرضها لتيجي عنا .. شو بدهم يا امي انا خايفة.. حكيتلها امي انا من أول ما اجيت على البيت وحاسس رح يصير اشي وانتي بتكذبي احساسي .. أنتي لما نزلتي تجيبيلها مي كانت بترش اشي على تخوت خواتي وخرمشت بأصابعها على الصورة.. وانا ما كنت بدي اسرق كنت بفتش على الشي اللي حطته تحت الفرشات .. بس اجت هديل واتهمتني بالسرقة وخبرت بابا ولو نحكيلهم على الشي اللي صار ماحدا رح يصدقنا.. لهيك انا سكتت .. حكتلي طيب خلص يا ابني أنا وياك رح نكشف الموضوع اللي صار بس ما تخبر خوانك ماحدا منهم رح يصدقك وماحدا شاف المرة غيرنا وانت بتعرف العيلة بكذبو كل شي ..لازم نعرف شو اللي صار.. روحنا على البيت وصرنا نشوف الأماكن اللي قعدت فيها .. امي كبت فرشات خواتي ورمتهم برا البيت .. وحاولت تحرقهم كمان.. وكبينا كل الفناجين اللي شربت فيهم.. ومسحنا كل مكان دعست عليه.. بس ماكنا بنعرف شو حنستفيد لو عملنا هيك لأنه مش عارفين شو اللي صار!!.. رن التلفون فجأة رحت أرد طلعلي واحد بحكيلي هون بيت أبو غسان حكيتله اه تفضل حكالي إسمعني.. لازم تعرف إنه في ناس عايشين معكم بالبيت وأنا واحد منهم.. وسكر الخط!! وقتها نشفت رعبة وصرت أحس إنه الشي اللي صار ورا الثلاجة مش من قليل.. مارضيت احكي لأمي مين على الخط وشو حكا.. صرت احكيلها واحد غلطان حكتلي كيف غلطان وحكالك بيت أبو غسان.. ماتخبي عليه واحكي.. حكيتلها مابخبي يا امي بس ناس تانين مش إحنا يعني مافي غيرنا بيت أبو غسان.. مين الناس اللي عايشين معنا ؟؟ شو الي عم بصير؟؟ والمرة اللي اجت عنا طلعت ميته.. حكيت لأمي إحنا لازم نقنع بابا انه نرجع نطلع من هالبيت.. صدقيني إحساسي قوي وبحكيلي انه البيت رح يجيبلنا وجع راس للكل .. لازم نطلع منه بأسرع وقت.. حكتلي أبوك شراه بمبلغ منيح كيف بدك يانا نطلع منه .. حكيتلها خلينا نحاول نقنعه بأي طريقة المهم نطلع منه ..أجو خواني من المدرسة والجامعه وهديل من البنك .. صارت تحكي إنه في شي صار معها غريب بالبنك.. حكينالها شو.. حكت اليوم أجت عندي مرة وصارت تسأل عني وكأنها بتعرفني .. وصارت تحكيلي إنك رح تتزوجي واحد مش منيح والمرة بتعرفنا كلنا وصارت توصفني أشكالكم .. انا مرعوبة وخايفة .. كنت أول مرة بشوف هديل مكسورة وتعبانة وخايفة لهالدرجة .. حكيتلها كيف شكل هالمرة ؟ صارت تحكي لابسة طاقية وجكيت اسود وعمرها قريب من عمر ماما..

#سر_جثة_نتالي_قصص
#سر_جثة_نتالي_2 #سر_جثة_نتالي
الحلقة الثانية
(( @rwayate ))
حكتلي البنت ماتت وانت خلصت منها قبل ليصير شي لأني حسيت.. ولو ماعملت اللي عملته وطلعت برا الصالة كانت انت معها هسه بثلاجة الموتى.. بعد يوم اجا ابو نتالي عنا وقاللنا احنا مش مسامحين ستك على اللي عملته وحكته بحق عيلتنا قدام الناس وموت بنتي رح يدفعكم الثمن غالي لأنها مش مسامحه حد فيكم.. طلع من البيت وانا صرت ألوم ستي.. حكتلي بكرا رح تعرف اني اللي قلته كله صح.. أوعك تصدق هالزلمه شو ماحكا.. هاد مش طبيعي.. كلهم مبينين عاديين بس همه مش هيك.. صدقني أنا بعرف.. رحت على المستشفى لأشوف نتالي لأخر مرة قبل ليدفنوها.. بس اللي صدمني وخلاني أتعقد انهم حكولي انه جثة نتالي مختفية من غرفة الموتى ومش لاقينها.. أنا نجنيت واتصلت بأبوها واجا على المستشفى وقال بنتي لازم تندفن شو اللي بتحكوه وين جثتها انا رح اخرب بيت المستشفى واللي فيه !!؟ امها كانت لسه بتتعالج بالمستشفى بعد ماتضررت من الحريق بس نجيت وماكان عندها علم انه بنتها توفت بس اللي جننا اكتر انه الجثة اختفت.. وماحد بعرف شو اللي صار بالليلة اللي ماتت فيها نتالي ونحطت بغرفة الموتى.. ووقفت انا وابوها عم نتطلع على بعض ونسأل نتالي وين؟ وقفت حاير أنا وأبو نتالي بالمستشفى ومش عارفين اللي صار بالزبط.. هوه بهدد وأنا واقف ومحتار باللي صار.. جثة نتالي اختفت.. وبفستان العرس! وين راحت!! وصرت أرجع بكلام ستي اللي حكتلي ياه كله.. بس ماقدرت أستوعب شي.. روّحت على البيت بعد ما قدمنا بلاغ إختطاف الجثة وبلاغ بالمستشفى.. وأول ما وصلت لاقتي ستي على الباب وحكتلي شو اللي صايرلك ليش وجهك لونه هيك؟ حكيتلها اللي صار حكتلي صدقتني عرفت انه كلامي صحيح.. انا قلتلك كل شي واللي رح يصير لسه أسوأ ما بتتخيل لو ضليتك ناوي تضل مع هالعيلة.. أنا ماقدرت أتحمل كلامها وهيه بتهين نتالي حتى بعد موتها.. ولأنها ماعملتلي شي ولا عملت لألنا شي.. حكيتلها نتالي على ذمتي واحنا كتبنا الكتاب وصارت مرتي حتى بعد موتها وأنا مارح أترك الموضوع لأعرف الجثة وين راحت وشو اللي صار! بس هيه وقفت بوجهي وحكتلي أنا ما رح اخليك تعمل شي يضرك حتى لو بدك تتهور أنا أنقذتك مرة ومستعدة أنقذك مية مرة حتى ما يصير عليك شي.. طلعت من البيت وفجأة حسيت انه ستي ناوية على شي مع أهلها رحت عند اهلها وكان ابوها مزعوج ومطلّع مرته من المستشىفى.. حكيتله انه لو اجت ستي لعندهم ما يفتحولها او يحكو معها.. امه صارت تتطلع عليه نظرات غريبة وحكتلي انت واهلك نحس علينا وعلى بنتنا.. احكيلي وين بنتي راحت فهمني وين راحت؟!! حكيتلها مابعرف وانا رح اعمل جهدي حتى اعرف وين اختفت.. استغربت من كلامها وحسيتها رح تطردني.. بس انا قررت اعمل المستحيل حتى اوقف جنبهم واضل معهم بعد اختفاء نتالي وحتى مايحسو اني فعلاً كنت نحس عليها وانسحبت من حياتهم بعد اللي صار.. صرت اعتني فيها بعد ما يروح زوجها على الشغل واهملت شغلي حتى اضل معها واخدمها.. ستي كانت حاسة اني بزورهم وصارت تتصل معي وانا اسكر الخط بوجهها.. وبلحظة كنت بعمل فيها اكل لأم نتالي.. وخلصت الأكل بالمطبخ وحطيته على صينيه ولما رحت حتى أدخلّها ياه سمعتها بتحكي بتلفون وكان صوتها واطي.. كانت بتحكي معي حد وبتنبهه انه ما يجي على البيت وقالتله كلام انا استغربت منه.. كانت تحكي مابدنا حد يعرف بالشي اللي صار.. انت ما تحكي لحد أبداً.. وخلي كل شي سر بينّا.. الوضع هلأ خطير ولازم نوخد إحتياطاتنا.. انا بهاللحظة ارتبكت ومن كلامها الغريب صابني رعشة بإديه خلتني اوقع كاسة المي من الصينية على الأرض.. وهيه عرفت اني جيت سكرت الخط.. تصرفت عادي وحطيتلها الأكل لتوكل.. صارت توكل وتحكيلي خلص مافي داعي تضل هون أنا صرت منيحه.. خلص روح بس يصير شي بالقضية رح احكي معك.. حكيتلها انا مش رح اتركك ماتحكي هيك ونتالي مرتي انا بحبها بدي أعرف كيف اختفت ولازم ينخرب بيت المستشفى.. غرفة الأموات مفتوحة للكل!! حكتلي مش مصدقة انه بنتي ماتت.. الفرحة قلبت لميتم ليش يالله!! أنا صرت أحلل كلامها بالتلفون براسي وهيه بتحكي معي.. وبهاللحظة قلتلها معقول ثائر هوه اللي سرق الجثة؟ حكتلي ثائر مابعمل هيك.. هوه اصلاً حكا انه مابده ياها.. ليش لحتى يعمل هيك؟ قلتلها يمكن بحبها وبده ينتقم منها حتى بعد ما ماتت عشان رفضته.. حكتلي هوه مش حيوان لهالدرجة انا بعرفه من وهوه صغير مش ممكن يعمل هيك.. أنا قلتلها انا رح اخد حق نتالي حتى لو انتوا مقصرين بهالموضوع وبدي اوصل لثائر.. هيه ارتبكت ومابعرف شو اللي صارلها.. وصارت تحكيلي خلص افهم انه مستحيل تعمل هيك رح يكبر الموضوع.. قلتلها هيه بنتك ومش مهتمه.. بنتك نخطفت وانتي خايفه عليه.. حتى لو مش ممكن يعمل هيك لازم يتحقق معاه.. لازم!!! انا كنت رايح أطلع من البيت وفجأة نادتني.. تامر ! انا لفيت راسي عليها.. شفت عيونها حمره ووجهت اديها وبصوت محشرج وخشن حكتلي.. اذا بتفكر توصل لثائر ماتلوم الا حالك! رح اقتلك!

#أوقات_جنون_8 #أوقات_جنون
الحلقة الثامنة
(( @rwayate ))
حكالي ماتجيبي هالسيرة علسانك كان قصده عسيرة المخدرات لأنه خايف من المراقبة .. وانا اخدت راحتي بالبيت ونسيت حالي وهوه بحكي معي بس روحنا برغم انه البيت مراقب بس كنت مفكرة انه خلص مافيه يمسكني او يشوفني.. وبعد ماطلع بابا من البيت وصلني مسج على التلفون بالواتسب بحكيلي سمعت كل شي .. وابوكي تاجر مخدرات كمان !! عيلة واطية وقذرة .. وخواتك بخطر .. لازم تعرفي هالشي.. طبعاً كان الرقم جديد لأنه الرقم القديم اعطيته للشرطة .. وحكالي لو الشرطة عرفت بهالرقم رح اموت خواتك .. وقد اعذر من انذر .. صرت متل المجنونة ادوّر عالكاميرات بالبيت واصرخ وكسرت كل البيت وكل شي قدامي ماخليته صالح .. وصرت ابكي .. وهوه بحكيلي.. هيك بكون عم بعذبك من بعيد .. ومافيكي تقدري تعملي شي أبداً.. وحياتك لتندمي على الشي اللي عملتيه .. وبدون ماتعرفي مين أنا .. بكيت كتير وماكان حدا معي .. رنيت على سلمى .. حكيتلها بهددني برقم جديد ولحالي بالبيت بس الشرطة تحت وهوه عم براقبني وحتى الشرطة مالقت الكاميرات اللي بالبيت انا نفسي اعرف وين حاططهم .. دورت بكل مكان مالقيت شي.. حكتلي بتكون صغيرة ومخبية بمكان صعب رؤيته حاولي تلاقيهم وضلي حاولي.. حكيتلها بس هوه بهددني لو عملت اي شي رح يأذي خواتي.. وبهاللحظة حسيت في حدا بالبيت .. حكيتلها حاسه في حدا جوا .!! انا خايفة كتير عم بسمع صوت قريب من غرفة خواتي.. حكتلي بتتوهمي لأنك لحالك.. قالتلي طيب انا رح اسكر وانتي رني على الشرطة يطلعولك بما انهم براقبو تحت .. سكرت الخط وفوراً بلشت ادق على رقم الشرطي.. وقمت .. اتطلعت على السقف لقيت في شي أسود بلمع جنب الثريا .. عرفت انها الكاميرا الصغيرة .. انبسطت وجبت السلم من جوا برغم اني خايفة ادخل بس قلت يمكن اوهام متل ماحكتلي سلمى .. حطيت السلم عشان انزع الكاميرا من الثريا.. وقبل ما اشيلها كان حدا ماسكني من ورا وموقعني .. وشد إيده على راسي وحط محرمة على تمي وبهاللحظة غبت عن الوعي.. صحيت وماكنت شايفة اشي.. غرفة سودة كلها ظلام ومابعرف مين اللي أخدني وشو صار بعد هيك .. كنت حاسة إنه رجليه مربطة وعارفة منيح إنه أغمى عليه بالبيت من المحرمة اللي حطها هالشخص على تمي.. ماكنت عارفة أنا وين .. صرخت وحكيت مين هون ؟ وين حطيتوني ووين أنا ؟ وما معي تلفوني لأنه ضل بالبيت .. وفجأة حدا ضوا الضو .. شفت الشب نفسه اللي خطفني وكان لسه حاطط اللفحة على وجهه .. قلي انتي صرتي عندي.. ولسه حسابنا ماخلص.. رح أندمك على الساعه اللي رحتي اشتكيتي عليها.. مش كنا متفقين يخلص الإتفاق بينا خلال أسبوع وأعطيكي الصور وكل شي؟ ليش خنتي هالإتفاق ؟

#الشريط_الأسود_9 #الشريط_الأسود
@rwayate
الحلقة التاسعة
وقفنا بالمغفر عند الشرطي.. بنستنى جواب من عمي.. يجاوب على سؤال الشرطي بإنكاره معرفة الشب.. مابنعرف شو صارله فجأة.. توتر يتحرك ويتطلع بالشب.. والشب بطلع فيه ونحنا مش فاهمين شي.. الشرطي حكاله جاوب.. الشب بعرفك وحكا كل شي واعترف.. انت بتعرفه ولا لأ ؟ بعد دقيقتين من الصمت.. عمي صار يبكي.. ويقول.. خلص ماعندي شي أخسره.. أنا لازم أحكي كل شي.. لازم أعترف قدام خواني بكل شي.. والكل يعرف حقيقة اخوهم.. بابا صفن فيه وعمي واصف استغرب من كلامه.. شو مخبي علينا ليش هيك بحكي!!!... صاروا يسألوا والشرطي سكتهم وقلهم خلوه يحكي.. مسّح دموعه وقال.. أنا مدمن مخدرات.. بس ماحد من خواني او عيلتي بعرف.. السبب الرئيسي لرفضي هالشب من الزواج من بنتي سوسن.. إني كنت بدي أزوجها لخالد الكبير إبن أبو واصف.. كنت على تواصل معه بأمريكا.. وكنت أبعتله مصاري.. بعد ما بعت ذهب مرتي وكل ما بنملك.. بس ماكنت أقول لحد.. أنا أبعتله مصاري وهوه يهرّب مخدرات مع صاحب اله عن طريق معارف الهم للبلد.. وكنت اشوفهم وأعطيهم الفلوس همه يحولوه النص ويوخدو النص.. ضليت هيك على إدماني وقعدت فترة ما اشوف حد.. لحد ما خواني حسّو اني ما بطلع ولا باجي بس مرتي عطول كانت تحكيلهم انه زوجي مريض.. مرة اجو زاروني ووقتها كانو مفكرين اني مريض.. حاولو يطلبولي الدكتور بس منعتهم بحجة اني بلشت اتحسن.. كنت أضرب مرتي بس ما تحكي لحد وأقسي على سوسن عشان ما اخليها تتزوج الشب هاد.. عشان كان عندي أمل أنه إبن عمها رح يجي من السفر ويتزوجها.. كنت حاسس انه عطول بلمّح عنها وبسأل عنها.. واستنتجت هالشي من مكالماتي معه.. كان يحكيلي الواحد قد ما عرف بنات بالغربه اخرته بده بنت محترمه وبعرف أصلها وفصلها عشان تجبله ولاد وتربيهم تربية منيحه.. أنا فاتحته بالموضوع وحكيتله عن بنتي.. هوه ما عارض الموضوع وقلي بس أجي رح اقول لأهلي.. بالرغم اني كنت احس انه هوه واخوه مدمنين مخدرات متلي الا انه كان بدي انه واحد منهم يتزوجها.. ومنعتها من الشب اللي بتحبه وبعد ضربي لمرتي وسكوتها عن هالشي.. قررت أتعالج وأروح لمصحه خصوصاً بعد ما صارت الجرائم بالعمارة.. خفت حد يشك فيه ويعرفو حقيقتي.. لأنه الشرطة عطول كانت داخله وطالعه على بيتنا.. فلسنا.. واخدت مبلغ من أبو جاد بس ماكنت قادر أطلب من واصف لأنه وضعه ما كان بسمحله أفتح معاه مواضيع المصاري عشان موت بنته وبعدين ابنه.. قررنا نشتغل بالخرداوات.. والأجهزة المستعملة بس ماكان بدنا حد يحس علينا من العيلة وننكشف.. كنت اجيب الاجهزة المستعملة نخبيهم بالبيت بعدين نروح نحطهم بالقبو بنص الليل.. كانت مرتي تطلع تخبيهم بالقبو حتى ماحدا يكشفهم عنا بسبب بيتنا المستقل الصغير.. والقبو كان بكفي لكل هدول الأغراض.. كانت توخد كل شي وتخبيه بالليل بعدين لما بدنا ياهم نطلعهم مرة تانية.. لحد ما كشفوها بالليل بالقبو بس ماقدرو يعرفو هيه ليش هون لأنه فهمتهم انها بتمشي بالليل وبتطلع من البيت.. وماكشفو الأغراض المخبية عشان كان في كتير كراكيب بالقبو وغبره ووسخ.. فالمكان كان ملائم لأنه نخبي هالشي واحنا ساكتين.. مرتي كانت شخصيتها قوية قدام الناس.. وما تبين اللي بصير بالبيت من أسرار.. لما أضربها ولما احتجنا مصاري.. ما كنا بنخبر حد ولا سوسن تخبر حد.. وكنا حريصين انه تضل أسرار بيتنا جوا وما تطلع.. وتضل مرتي قوية قدام الناس وما تنكسر شوكتها قدام نسوان خواني.. بس ماحد كان بعرف شو كان يصير ورا حيطان بيتنا.. بس الشي الوحيد اللي ماكنا نعرفه انه سوسن تطلع متزوجه الشب بدون علمنا ومخبيته كمان بنفس العمارة.. ولحد ما صار الحريق ومرتي تأذت حسيت أنه ممكن يكون الشب اللي عمل هيك انتقام مني بس في شي كان يقلي أنه لأ مش هيه اللي ورا هاد الشي لأنه هيه كانت منيحه معه وكانت بتحبه متل مابتحب سوسن متل بنتها.. كانت الها متل أم وأكثر وبعمرها ماحسستها انها فاقدة امها.. بس ماحد كان بعرف شي.. موت سوسن خلاني أتأكد أنه الشب قتلها .. ورفضي لمعرفته هوه خوف أني اخسر نفسي متل ما خسرت عيلتي.. عمي واصف انصدم وبابا نفس الشي.. وفجأة عمي واصف صار يصرخ ويقول انت كيف بتخبي علينا كل هاد.. مدمن مخدرات ومجرجر ولادي معك ومشجعهم على هالشي.. انا مارح اسامحك أبداً.. الشرطة تحفضت على عمي أبو سوسن عشان تجارته بالمخدرات وكان بدهم ولاد عمي واصف عشان تهريبهم لأله.. وعمي نصدم من اللي بعملوه ولاده وهوه بدفعلهم دم قلبه وكل شي بملكه عشان يخلصوا دراسه ويجوا.. أجل العمار عشانهم ولحتى يخلصوا بس كل هاد ما نفع معهم.. روحنا أنا وبابا وعمي.. زعلانين ومقهورين.. سألت ماما عن اللي صار.. بابا قلها كل شي.. كانت مرت عمي واصف نايمه وفجأة لقيناها طلعت من الغرفه وبتحكي.. بعد مافقدت صوتها من صدمة ولادها بس وعيت لما عرفت انه ولادها بالغربه هيك!!.. والصدمة رجعتلها بس هالمرة بالعكس.. رجعلها صوتها بس زاد قهرها أكتر على اللي صار..

#مدينة_الموتى_5 #مدينة_الموتى
الحلقة الخامسة
@rwayate
صرت ابكي متل الولد الصغير واجا عليه بابا قلي شو مالك.. حكيتله ولا شي بس زعلان على صاحبي اللي توفى كان قصدي عن بيتر .. وانه لسه متأثر عليه .. قلي سمعت انه الشرطة لسه عم بتدور على القاتل وماحدا بعرف شي.. وكان محطوط عنه بموقع اخباري .. ومكتوب انه كان زايره شخص تاني لأنه كان عم بعمل كاستين شاي !! .. انت كنت عنده ؟ حكيتله بابا شو قصدك ؟! معقول بتشك فيه انه انا قتلته .. حكالي لأ أكيد مابشك انا بعرف شو مربي.. بس غريب مين بده يكون عنده وليش نقتل .. باليوم اللي كنت انت طالع فيه صارت الجريمة .. احكيلي انا ممكن افيديك لو الشرطة عرفت خبر وياريت يكون هالشي قبل .. ماتخاف احكي.. حكيتله كل شي.. وقلي خبي الموضوع وماتحكي ابداً انك كنت عنده .. قلتله الحرامي نفسه المجرم .. بابا خاف وقال مش معقول اللي عم بصير.. بيتي وابني ومرتي وبنتي بخطر وأنا مش عارف شو بدي اعمل !! .. قلتله انا لغيت موضوع مدينة الموتى من راسي لأنه كل شي عم بصير بسببه.. وفهمته حتى يقتنع بس انا كان لسه ضايلي يومين وبروح على المدينة مع صحابي وبحجة انه رحلة جامعيه.. تاني يوم الصبح اجتمعنا بالجامعه انا وكرستين وعلاء وتمارا.. وقلتلهم الشب التاني توفى .. مش معقول هالمجرم !!.. شو قلبه.. كرستين خافت وحكت أنا حاسه انه في شي سيء رح يصير وواحد منا رح يروح ضحية .. قلتلها شو عم تحكي.. انا كنت بآمن بأحساسها لأنه كل شي بتحكيه بكون صحيح.. خفت من كلامها كتير.. وطلبت منهم يديرو بالهم عحالهم.. كان علاء جايب خريطة لمدينة الموتى وصار يشرحلنا وقال لازم بسرعه خلص نروح ونكسر عين المجرم لنعرف مين هوه لأنه اكيد رح يلحقنا ووقتها كل واحد فينا رح يكون مسلح.. تمارا نمغصت فجأة وحكت خليكوا انا رايحه على الحمام.. ضلينا نص ساعه وأكتر واحنا عم ندرس الخريطة وكل واحد فينا عم برنلها لحتى تيجي ماكانت تيجي.. وتلفونها مغلق .. شكينا يكون صار شي وكلنا قمنا ندور عليها بحمامات الجامعه وخايفين المجرم يكون بينا بالجامعه !!.. اتصلنا بتمارا اكتر من عشر مرات وماكانت ترد .. خفنا يكون صاير فيها اشي .. وفجأة قمنا كلنا ندور عليها .. وحكيت لكرستين روحي دوري عليها بسرعه بالحمامات لأنه مافينا ندخل .. حكت كرستين حاسة انه صارلها شي..باللحظة اللي تركتنا فيها تمارا اجا لفضل تلفون وحكا بدي اروح شوي وهوه راح ورجع بعد نص ساعه بس اللي استغربناه انه تمارا غابت ساعه كاملة الا ربع .. وخلانا نشكل انه صار فيها شي.. اتطلعت على فضل وحكيتله شو اللي عم بصير.. وقتها هوه ماشك أبداً انه انا شكيت فيه .. وماحكيتله انا بس كنت بتطلع بشكل غير مباشر على اللي صار بآخر لحظة كنا فيها كلنا.. كانت تمارا عم تحكي عن المخطط وتشرح اكتر عنه وشو الطرق الرئيسية والسهلة اللي ممكن تودينا للمكان هاد بسهولة تامة .. وكنا كلنا متبعين معها وعلاء اكتر شي.. بس تلفون فضل شككني بعد ما راحت تمارا.. لأنها اكتر وحدة عارفة المخطط منيح واللي جاب الخريطة هوه علاء .. اللي صرت احكي براسي .. معقول فضل؟؟ معقول نص الصورة لإله ؟؟ معقول أنا مابتوهم .. كرستين اتصلت عليه وحكتلي في مصيبة صايرة بحمام البنات .. تمارا دمها حميمها وعم تنزف .. وماحدا بعرف اللي صار معها بفعل فاعل ولا هيك من حالها !! .. شو السبب !؟ اخدوها على المستشفى وكل البنات صارو يصرخو بس طلعوها من الحمام.. وأزمة مش طبيعية على المدخل الرئيسي للكلية والممرات.. صارت كرستين ترجف وتحكي أنا بدي انسحب من هالروحه .. اذا بحط ايدي معكم مرة تانية رح اروح فيها.. المجرم حوالينا وبكل مكان .. انا خايفة .. حكيتلها المجرم فعلاً بينا وهوه واحد بيناتنا!! .. كان وقتها فضل وعلاء جنبنا وحكولي شو بتقصد؟؟ لأ احكي شو بتقصد وصار فضل يصرخ واتحسس بسرعه من كلامي لأنه هيك .. حكيلته بنحكي بمكان تاني خلينا نروح لنفس المكان .. اخدتهم على نفس المكان اللي كنا فيه .. وقلتلهم بدي اعرف مين اللي عم بعمل هيك .. انت فضل ؟ انت علاء ؟ قالي علاء ليش مش انت ؟ حكيتله نعم ؟ انا ؟ كيف وليش ؟ انا اكتر واحد بدي نروح كلنا هناك .. معقول اقتل تمارا او الشبين هدلاك او صاحبي ورفيق حياتي بيتر ؟! حكالي علاء انت اللي بلشت تشكك فينا.. نحنا شو مصلحتنا لنعمل هيك .. من اول مرة قلتلنا بدنا نروح طاوعناك وماحكينا شي وكل واحد فينا حط ايده بإيدك ومشينا معك برغم المصايب اللي عم بتصير واللي ممكن تصير .. وبالآخر هيك بتحكي ؟! اعتذرت منهم وحكيتلهم انا اسف.. انا متوتر كتير بسبب اللي عم بصير.. وكل جريمة عم بحس بالعجز .. بدي تمارا تعيش أنا لو صارلها شي بسببي رح انتهي.. بكفي حملت ذنب غيرها عشان هالموضوع اللي براسي.. زعلوا مني كلهم واول واحد طلب ينسحب هوه فضل.. حكالي انا بنسحب من هالمهمة مافيه اكمل بعتذر.. وعلاء حكا برغم كل مساعداتي الك بس ماتوقعت تحكي عنك هيك وتشكك فيه .. انا كمان بنسحب.. بس كرستين ..

#معزوفة_الموت_قصص
#معزوفة_الموت_1 #معزوفة_الموت
الحلقة الأولى
Telegram:@rwayate
العزف والموسيقى همه حياتي وأكتر شي بخليني أروق وأنسى كل همومي ومشاكلي اختلائي ساعه مع البيانو .. إسمي تاليا وأنا فنانة من لما كنت طفلة صغيرة .. بدرس بمدرسة مختلطة موسيقى .. عندي بنت وحيدة إسمها كاتيا وزوجي إسمه نورس بشتغل بشركة أغذية وحالتنا المادية منيحه .. بعيش بمنزل فيكم تحكوا فخم شوي برغم إنه إحنا تلات أفراد بس زوجي شخص عملي زيادة وبفكر بطريقة غريبة شوي وقدرت أفهمه بعد ماتزوجنا لأنه أخدنا بعض بزواج تقليدي ونشأ الحب بينا فيما بعد .. زوجي بفكر كتير بالمستقبل ونفسه يكون صاحب شركات عالمية للأغذية لهيك ما كان مفكر أنه يخلف كتير وأنا كنت متله بهالنقطة مابدي نجيب ولاد ونتغلب فيهم لأنه كاتيا غلبتنا شوي لحتى كبرت وصار عمرها سبع سنين وبنتي بتدرس بنفس المدرسة اللي بدرّس فيها .. بيت أهلي قريب منا عندي تنين أخوة واحد اسمه فيصل وواحد اسمه قصي ومتزوجين وكل واحد بحاله تقريباً .. بس من بعد ماتوفى بابا قبل خمس سنين فصارو متماسكين أكتر وماما عايشة بالبيت لوحدها وبنزورها تلات أيام بالأسبوع تقريباً وكل ما كنت قريبة من البيت باخد كاتيا وبنزورها.. عمري خمس وعشرين سنة وطول هالفترة كانت حياتي حلوة وفيها أحداث بتجنن ونجاحات كتيرة لحد ما أجت السنة الأغرب في حياتي كلها وبشهر واحد وبعيد ميلادي السادس والعشرين رن جرس الباب رحت لأفتح .. كنت بجهز للحفلة وماخدة اجازة من المدرسة . Telegram:@rwayate. فتحت الباب لقيت ختيارة بحكيلها خير خالتو تفضلي في شي؟ بتحكيلي أنا يا بنتي مضيعة بيت أختي وبدوّر عليه بهالحي ومش عارفه وينه وتلفوني طفى ومش عارفه أتصرف قلت بدق أي باب بيجي بوجهي وبشوف حدا يساعدني أو يخليني أرن من عنده .. حكيتلها خلص ولا يهمك من عيوني .. كانت وقتها تعبانة وهلكانه لأنها حكتلي صرلي ساعه بلف عالبيوت ومش لاقية البيت حكيتلها خليني أجبلك مي لحتى تروقي وضيافة وبنطلع ندور على البيت سوا .. حكتلي شكلك مرة مزوقة وبتجنني بس ليش عايشة لحالك بالبيت؟ .. حكيتلها مش عايشة لحالي.. زوجي بالشغل وبنتي بالمدرسة وأنا اليوم عيد ميلادي والمفروض أكون بالمدرسة هلأ بس الظروف.. قمت لأجيبلها مي حكتلي وشو بالنسبة للتفلون كيف بدنا نرن على اختي.. شفت تلفونها طلع نوعه متل نوع تلفون زوجي .. وكان الشاحن بنفس الغرفة حطيتلها التلفون على الشاحن ورحت لأجيبها كاسة مي من المطبخ.. عبيت الكاسة ورحت عالغرفة لأشربها لقيتها مختفية وباب البيت مسكر.. استغربت.. ناديتها خالتو وين رحتي ؟؟ انتي جوا ؟ كان بيتنا كبير شوي وفكرتها دخلت تدور على حمام ولا تشوف البيت أو شي متل هيك.. دورت بكل البيت مالقيتها .. حكيت بسم الله وينها ؟! باب البيت متل ما هوه لأنه أنا من حبي للموسيقى كنت حاطة على باب البيت متل تعليقة حديد وكلها خرز بس الواحد يفتح الباب يطلع أو يفوت بتصير تطلع صوت موسيقي وأنا ماسمعت الصوت وأنا بالمطبخ.. صفنت بحالي وقلت شو اللي صار وين راحت ؟ معقول أنا ماسمعت الصوت اللي عالباب وكنت سرحانه وبفكر كيف بدي اطلع ادور معها وأترك الباب مسكر وتيجي كاتيا ماتلاقيني ؟! طيب أنا جد ماسمعت صوت الباب .. إتطلعت لقيت تلفونها عالشاحن ومش ماخديته .. حكيت خليني أشغله وأشوف عمين ممكن أرن.. فتحت الأسماء ما لقيت ولا إسم .. إستغربت حكيت كيف هيك ؟ وين الأسماء ورقم اختها .. فتشت بكل التلفون مالقيت شي ومافي ولا دليل يثبت مين هيه أو يوصلني لشي إلها.. وقتها خفت وصرت أتطلع حواليه خايفه .. وين اختفت وين راحت فتشت البيت كله مش موجودة والمره كان مبين عليها انها تعبانه من اللف والدوران وعرقانه وهلكانه.. راجعت حالي وحكيت خلص هلأ بس يجي زوجي بنشوف شو ممكن نعمل خليني ارجع التهي بعيد الميلاد واكيد هيه طلعت بدون ما أحس لأنه كان فكري مشغول.. يعني مرة كبيرة ومش دفشة متل زوجي بس تطلع من البيت بتخبط الباب خبط أو متل كاتيا .. اقنعت نفسي وقلت انها طلعت وفي حال رجعت رح اتفاهم معها.. سرحت كتير لحد ما رن الجرس ونقزت .. رحت لأفتح لقيت كاتيا جايه من المدرسة.. حكيتلها حبيبتي ليش تأخرتي.. حكتلي ماما الساعه لسه ماصارت تنتين Telegram:@rwayate كيف تأخرت.. قلتلها شو ؟ انا صرلي بالمطبخ ساعه وحدة بس يعني ؟ ليش مفكرة انه أنا طولت وانتي تأخرتي ؟ فعلاً اني سرحانه ومش عارفه أفكر .. وفجأة صارت بدها ألعب معها وبتحكيلي ماما العبي معي شوي .. وأنا ما بحب أرفضلها طلب.. وبدها تلعب غمايه.. وكاتيا مدللتي أنا وزوجي وما بنرفضلها أي طلب.. حكيتلها ماما انا مشغولة بس مع هيك رح العب معك .. قلتلها أنا رح أعدلك للعشرة وانتي تخبي أوكي هيني بالغرفة رح أعد .. بلشت أعدلها وسامعه صوت رجليها عم تهرب من غرفة لغرفة.. قلتلها خلص ؟ حكتلي خلص ؟ بلشت أدور عليها وسامعه صوت خرخشة بحاول اعرف وين متخبية مش قادرة .. رحت عالمطبخ دورت مالقيتها .. دورت بغرفة نومها كلها وبغرفتنا .. فتحت الحمامات..

#معزوفة_الموت_قصص
#معزوفة_الموت_3 #معزوفة_الموت
الحلقة الثالثة
Telegram:@rwayate
سكر زوجي الحمام وتركنا أنا وكاتيا برا عم نحكي مع حالنا ومش عارفين شو اللي صار.. ضليتني ماسكة بنتي وعم برجف من خوفي .. قلبي ما عاد اتحمل هالليلة واللي صار فيها وكان بدي يطلع الصبح وارتاح من الهم اللي اجاني.. بعد نص ساعه طلع زوجي من الحمام وحامل شي بإيده ملفوف بالستارة .. استغربت وشكيت بالوضع .. غطيت عيون بنتي وسألتها ماشفتي ولاء وين راحت ؟ هزت راسها لتحت وكان وجهها اصفر وخايفة ..وقتها شكيت انها مع زوجي وطلعها من الحمام وأخدها جوا عغرفة .. وماكنت قادرة اترك بنتي من أيدي واروح اشوف .. وللحظة الفضول حرقلي دمي وجريت بنتي من إيدها للغرفة .. فتحت الباب على زوجي ولقيته بعمل تنفس اصطناعي لولاء .. نصدمت وحكيتله شو اللي صار بالبنت ؟ احكي؟ حكالي ليش اجيتي لهون اطلعي برا بسرعه انتي وكاتيا.. وكاتيا شافت صاحبتها هيك صارت تبكي وبطلت عارفة اهديها.. حكيتلها بجوز وقعت حبيبتي ماتبكي خلص.. بهاللحظة أخدت بنتي وفتح باب البيت فجأة .. كان الباب الخارجي يلي فتح .. كيف فتح وهوه مسكر! .. صابني حالة من الذهول وعلامات الإستفهام صارت تخطر عبالي.. صارت كاتيا تصرخ وأنا بنادي على زوجي وهوه مش سامعنا ومشغول مع ولاء.. كان الباب عم بفتح وكأنه في شخص عم بفتحه وأنا ماسكه بإيد بنتي وبهرب معها للغرفة اللي فيها زوجي وولاء.. صرت اخبط على الباب ليفتحلي وأحكيله في حدا عم بفتح الباب الخارجي.. ماكان برد عليه وبحكيلي حكيتلك ما تدخلي خليكي انتي والبنت جوا .. ومش قادرة احكيله .. كنت عم بسمع صوت حدا بفتح فباب البيت وبده يدخل وزوجي مش تاركلي مجال اشرحله اللي صار وبنتي صوت صراخها وبكاها مش تاركلي مجال كمان.. مسكت إيدها وحكيتلها ماتخافي فاهمة اهدي خلي ابوكي يسمعني ويفتحلي الباب.. بس هيه كانت عم بتبكي وتصرخ بصوت عالي.. اخدتها من إيدها وهربت لغرفة نومها وسكرت علينا الباب.. ورحنا ناحية الخزانة .. حضنتها وكانت خايفة.. بتحكيلي ماما أنا سامعه حدا بحكيلي تعالي ألعبي غماية معي.. قلتلها وين الصوت ؟ قالتلي هيه ورانا برا الشباك عم بحكي معي .. حكيتلها مش سامعه اسكتي شوي .. حاولت اسمع شي ماقدرت وما كان في صوت واضح.. هدوء وصوت هوا والبيت هادي.. حكتلي ماما خليه يسكت عم بحكي أنه قتل ولاء.. حكيتلها حبيبتي وين الصوت مش سامعه.. قالتلي بده يقتلنا مامااا.. وزاد بكاها.. حكيتلها كيف عم تسمعيه أنا مش سامعه شي أبداً .. كيف فهميني.. ضلت تبكي وتصرخ.. وتحكيلي ماما خديني عند بابا في واحد عم بحكي سامعه الصوت وبحكيلي رح يقتلنا والله.. شديت على إيدها وفتحت باب الغرفة ورحت لزوجي.. Telegram:@rwayate رحت لزوجي قلتله افتح بسرعه البنت بتبكي وفي شي عم بخوفنا افتح بحكيلك وفهمني شو اللي صار.. أنا كنت عارفة وقتها انه خايف على مشاعر بنتي ومابده يخليها تشوف شو اللي صار.. وقتها اختفى صوت زوجي قلت نورس وينك رد عليه ؟ افتح الباب أرجوك لا تخوفني ليه ماعم ترد عليه.. بعد دقايق بلشت أيد الباب تنزل لتحت .. تراجعت أنا وبنتي وكانت عم تشهق وتبكي طلع زوجي بتطلع علينا وبحكيلي البنت توفت .!! حكيتله شو بتحكي ؟ صرت ابكي واحكيله كيف وشو اللي صار فهمني شو بدنا نعمل .. اهلها رح يفكرونا قتلناها.. احكيلي شو الي صار.!! .. حكالي بس دخلت على الحمام لقيتها معلقة بالسقف بطريقة غريبة وستارة الحمام ملفوفة عرقبتها متل الحبل ووجها ازرق.. في حدا ربطها وخنقها بس كنا جوا انا وانتي ..وكانت بنتي بتبكي وهوه بحكي معي وتوترنا .. حكيتله لازم تصدقني بعد اللي صار.. شو بدنا نعمل هلأ كيف بدنا نتصرف .. لو بدنا نحكي لأهلها توفت بطريقة تانية رح يكشف الطب الشرعي كيف توفت وتصير في قضية أو شي.. فهمني شو لازم نعمل .. حكالي لازم نتصرف يمكن المرة الجاي تتأذى بنتنا أو واحد منا لازم نعرف شو بدنا نعمل.. قلتله خلينا ندفنها حوالين البيت مافي غير هالحل.. قلي متأكده هالحل ممكن يخلصنا من أي عقوبات ؟! حكيتله اه ماحدا رح يحس وبنحكيلهم انه ما اجت عنا البنت .. لو الشرطة واهلها عرفو تأكد رح تصير مشكلة كبيرة ونعلق .. حمل البنت واخدها جنب البيت عالحوش وصار يحفر بالكريك وأنا وبنتي جوا البيت.. حكالنا ماتطلعوا لأدفنها وفي حال لاحظتوا شي صار اصرخو صوت.. دفن البنت متل ما هيه وبأواعيها وبنتي ماوقفت لحظة عن البكا والصدمة اللي شافتها .. حكيتلها حبيبتي ماتحكي لحدا عن الشي اللي صار .. صاحبتك من اليوم اختفت وما اجت على بيتنا أبداً فاهمة .. واذا اجو اهلها عنا بتحكيلهم انها ما اجت عنا أبداً طيب؟ ..حكتلي ماما أنا خايفة الصوت رجع يحكي معي سامعته من جوا بالغرفة.. حكتلي ماما أنا خايفة الصوت رجع يحكي معي سامعته من جوا بالغرفة .. سكتت للحظة واتطلعت ناحية الغرفة قلتلها وين بالزبط..؟ قالتلي بحكيلي تعالي العبي معي عم بقولي مرة تانية ..

#معزوفة_الموت_قصص
#معزوفة_الموت_4 #معزوفة_الموت

Telegram:@rwayate
الحلقة الرابعة
صرخت بأعلى صوتي من الشباك لحتى نورس يسمعني وسمعته بحكيلي هيني جايكم شو في؟؟ اتطلعت ورايه لقيت الباب فتح .. صرت أرجف وبدي أطلع من الغرفة بس مش قادرة لأنه كان مسكّر بالمفتاح وفجأة نفتح.. حسيت دمي نشف وأعصابي تلفت.. دخّل عليه نورس ومعاه كاتيا عم تبكي وصاير يحكيلي حبيبتي فيكي اشي.. حكيتله خلينا نطلع من البيت هلأ بسرعه.. حكالي مابنقدر نطلع أبداً لأنه لو طلعنا رح تثبت التهمة علينا انه احنا خطفنا البنت !!.. لازم نضل هون بالبيت بأي شكل من الأشكال.. صرت اصرخ وبدون وعي برغم الدنيا ليل والشباك مفتوح وصوتي وصّل لآخر الحي.. بحكيله كيف بدك ياني أضل هون فهمني.. في حدا عم يلعب معنا أنا متأكدة جية المره الختيارة ما عدت على خير أنا متأكدة أنه من بعد مادخلت بيتي وطلعت كل شي غريب صار بسببها .. حكالي طيب اهدي رح اتصرف.. بكيت كتير وبنتي ما وقفت للحظة عن البكى.. هديت انا وحكيتلها خلص لاتخافي هاي انا بطلت أبكي عشانك.. بتحكيلي أنا ببكي لأني خايفة.. حكينالها أحنا معك.. حكتلي في واحد عم بحكيلي تعي ألعبي معي وانتوا معي ومش قادرين تسكتوه .. صار زوجي يصرخ ويحكي مين اللي عم بخوفك !! مين اللي عم بحكي معك.. مش سامعين صوت.. حكت والله يا بابا عم بحكي معي صدقني.. بده ياني أروح معاه.. أنا مسكت بنتي وحضنتها وصرت اشد عليها متل المجنونة وخايفة يصير فيها شي.. كنت عارفة أنها الوحيدة اللي عم تشوف وتسمع شو اللي بالبيت بس كيف ماكنا نعرف.. قلتلها حبيبتي اهدي شوي احنا معك.. اسمعي منيح شو عم بحكي معك هاد الشخص واحكيلنا لنعرف نقتله.. سكتنا كلنا وزوجي حكالي اسكتي واسمعي.. صار الجو هدوء وبنتي فجأة صارت تتطلع ناحية الباب وتتطلع علينا وبعيونها دموع.. أشرتلها براسي.. يعني شو في ؟؟ قربت عليه وحكتلي.. بحكيلي إنه أبوكي قتل البنت!.. إتطلعت على زوجي ! وحكيتله شو نورس؟ البنت كيف عم تحكي هيك؟ صار يدافع عن حاله ويحكي ماتصدقيها حبيبتي بدهم يوقعوا بيني وبينك صدقيني .. انا متأكد الي عم بصير بالبيت بسبب المره الختيارة وهيه جن متل ماقلتلك على هيئة إنسان وتلبسّت المكان عشان تخلص من عيلتنا وتدمرها.. صفنت فيه واخدت شنتتي وصرت أضب بأواعيه وحكيت لكاتيا بدنا نروح لبيت تيتة أم فيصل.. حكالي نورس ماتصدقيها انتي مجنونة.. وفجأة صار يخبّط بالغرفة ويكسّر برجليه وإديه ويحكيلي بدك تطلعي الساعه خمسة الفجر .. قلتله بدبّر حالي هلأ في تكاسي.. ضبيت كم شغلة بشنتتي وطلعت.. حكيتله بعّد عني Telegram:@rwayate أنا خايفة منك ومن البيت ومن كل شي هون.. قلي لو طلعتي من هون رح تثبت التهمه علينا.. صدقيني مش أنا مش أنا.. انا ماكنت عم بسمعه كان بدي اطلع من البيت وفبالي كتير أمور.. صدقت كلام بنتي لأني ما كنت متأكدة من اللي صار وكنت نايمة عند بنتي وقت ما اختفت ولاء.. وزوجي بغرفته لهيك شكيت .. بس ليش؟؟ ماكان عندي جواب.. وصلت بيت أهلي باليوم التاني وكان اصعب يوم بمر عليه بحياتي كلها .. حكتلي ماما شوفي ؟؟ حكيتلها كل اللي صار وقلتلها البنت نقتلت بالبيت وزوجي دفنها وبيتنا ممكن يكون مسكون أو زوجي في بعقلو شي.. أنا خايفة .. كنت بوثق بماما وبحكيلها كل شي بصير معي.. حكتلي قبل ما تقرري أي قرار لازم بالأول تعرفي شو اللي خلى هاد الشي يصير معك.. قلتلها كيف؟ حكتلي حبيبتي ممكن يكون كلام زوجك صحيح.. إنه المره الختيارة هيه جن على هيئة إنسان.. كيف كان شكلها. ؟ وصفتلها ياها بالزبط.. انها مرة ختيارة ووجهها كله تجاعيد والها حبة خال على تمها ولابسة عباية سودة وطولها قصير وعيونها ملونه وفيهم رمد أبيض.. برغم اني شفقت عليها الا انه ملامحها كانت مخيفة بشكل.. حكتلي لا تظلمي زوجك .. أوعك تشكي فيه قبل ما تعرفي شو اللي صار.. أنا أمي الله يرحمها كان الها قصص بالحجابات وكانت بتعمل للنسوان حجابات وكانت تسمع منهم قصص بتشيب الراس وشغلات صايرة معهم.. كتير كنت انصحها واحكيلها اللي بتعمليه حرام بس هيه كانت تعمل اللي براسها .. عمرك شفتي بنت بتنصح أمها؟ .. قلتلها طيب هيه من وين تعلمت كل هاد؟ حكتلي من أمها كمان .. ستي هيه اللي علمتها وكانت بتعرف بقصص الجن والشعوذة والحرق والقتل وخراب البيوت.. عشان هيك صارت أشطر منها وربتها على إيدها.. سألتها طيب انتي ليه مافكرتي تعملي متلها.. ارتبكت وحسيتها خافت من سؤال وحكتلي لأنه يا بنتي حرام الاشي وانا كنت انصحها بس هيه كانت تعمل اللي براسها.. وأنا ما في بإيدي شي.. ضل نورس يرنلي ويبعتلي مسجات بس أنا ماكنت ارد عليه لأني خايفة منه وفبالي كتير تساؤولات انه ممكن يكون هوه اللي عمل هيك.. كان بيت ماما هادي وما صار فيه اي شي مزعج .. بس الأفكار عششت براسي وكل ماكنت اشوف نورس بعتلي شي ينجنن جنوني لحد ماطفيت التلفون.. بعد ساعه أجا عبيتنا وصار يحكي مع ماما ويقلها البنت أهلها بسألوا عليها وأتصلوا عالبيت..

#معزوفة_الموت_قصص
#معزوفة_الموت_5 #معزوفة_الموت
الحلقة الخامسة
Telegram:@rwayate
روّحت على بيتي ونصدمت بس حكتلي ماما أنها بتعرف المره منيح وماكنت عارفة شو بدي أعمل وكيف بدي اتصرف.. لحقت زوجي على السيارة ورحنا على البيت فوراً.. أول ما وصلت إتصلت مع ماما وحكيتلها أعصابي مش متحملة أحكيلي مين بتكون هاي المره.. حكتلي مابقدر أحكيلك هلأ لازم بالأول تردي عليه وتسمعي شو بدي أقلك.. بمسكي مي معقمة وبترشي فيها كل البيت ومحل مادعست ومحل ما قعدت وأهم شي تتخلصي من تلفونها اللي تركته لأنه هاي المره عامليتلك حجب وموجود في مكان بالبيت اللي انتي فيه.. وأنا متأكده إنه فكرت البنت التانية هيه بنتك لهيك قتلتها.. بس يا بنتي أنا مابدي أخوفك.. رح أحكيلك تفاصيل بس تيجي لعندي مرة تانية وهلأ إعملي اللي حكيتلك عليه وكبي اي شي بتعلق فيها لأنه ممكن تكون حطلك فيه حجاب لحتى تتخلص منك.. حكيتلها طيب أنا شو عامليتلها شو ساويت لحتى تعمل فيه هيك .. شو الذنب اللي أذنبته وليش أنا بالذات.. احكيلي هلأ مارح أصبر لحد ما اجي لعندك.. حكتلي طيب تعالي عندي بالليل ورح احكيلك كل شي.. أجا زوجي وصار يحكي كيف هيك بتعملي وكيف بتتهميني .. نحنا لازم نطلع من قصة البنت الي توفت.. اهلها مارح يتركونا فاهمة لأنهم بعرفو انها اجت لعنا وشافتها امها بس دخلت .. يعني مارح نقدر نهرب من القصة بسهولة.. وفجأة أجت لعنا المره ودق الباب فتحنا لقينا الشرطة بحكولنا انتوا خاطفين بنت هاي المره ولازم تشرفو لعنا.. حكالهم زوجي بس هاي المره كذابة واحنا ماخطفناها البنت حكت انه امها اتصلت معها وبعدين طلعت من البيت قالت انها بتستناها بمكان قريب من حينا والبنت طلعت مافينا نعمل اكتر من هيك.. حكت المره كذابين يا سيدي همه بكذبو وفجأة دخل زوجها .. صار يحكي اذا بنتي بصيرلها اشي رح تندمو فاهمين وصار يهدد ولمحت عينه على اللعبة اللي اعطتها ولاء لكاتيا .. وهيه لعبة ولاء وصار يحكي هاي لعبة بنتي ياسيدي انا جبتلها ياها.. حكيتله بس ولاء اعطتها لكاتيا يعني مش دليل هالشي.. أنا توترت وصرت ابكي وزوجي يهدي فيه.. وكاتيا تبكي وتحكي زي ما فهمناها انه ولاء ما أجت لعنا .. وانه اللعبة هاي اعطتها ياها ولاء .. راحت الأم توخدها وصارت كاتيا تبكي بزيادة .. وقالت هاي لعبة بنتي اعطوني ياها.. واذا مابترجع بنتي بكرا ياويلكم.. ونحنا رفعنا عليكم قضية خطف .. وأخدوا زوجي وصفيت أنا وكاتيا بالبيت.. وكاتيا بتحكي كيف بدي ألعب غماية بدون ولاء.. ليش قتلوها مين قتلها.. حكيتلها اسكتي اسكتي وماتحكي هيك مش ناقصنا.. وانا وياكي صفينا بالبيت لحالنا لازم نروح لعند تيتة هلأ هلأ.. حكتلي بدي اللعبة قلتلها مش وقت ألعاب بجبلك احسن منها .. وانسي ولاء نهائياً فاهمة.. صارت تبكي وحملتها ورحت على بيت ماما.. خليتها تلعب برا ودخلت جوا لعندي ماما.. قعدتني على سريرها وصارت تحكيلي بدي أفرجيكي صور.. بس ماتنصدمي فاهمة.. حكيتلها خلص ماشي.. طلعت مفتاح صغير من تحت الفرشة وفتحت خزانة صغيرة تحت خزانتها الكبيرة.. وطلعت منه كيس أبيض.. وفتحته وكان فيه صور قديمة أبيض وأسود .. حكتلي ماتخافي .. شوفيلي هاي هيه المره الي اجت لعندك ؟ .. مسكت الصور وقلبي عم بدق.. اتطلعت بالصورة وانصدمت.. قلتلها هاي هيه .. هاي بذاتها اللي اجت يا ماما.. ملامحها وشكلها وحتى نفس حبة الخال اللي على تمها.. حكتلي عرفتها بس قلتيلي عن حبة الخال لأنها بتميزها كتير.. شوفي في كمان صور.. صرت اقلّب بالصور.. وشفتها بأكتر من صورة.. ومع مرة تانية.. قاعدين على كراسي بحوش عرفت انه حوش بيت ستي القديم ونفس الغرف وبحفلات مع بعض .. كانو متل صاحبات.. حكيتلها مين هاي بتعرفنا ؟؟ حكتلي نحنا بنعرفها منيح.. هاي يابنتي مرة متوفية من عشر سنين.. ولمّا توفت كنتي انتي عمرك سبع سنين يعني قد بنتك كاتيا.. ومن يوم ما توفت مادخل علينا الخير ..صار يصير معنا متل مابصير معك هلأ.. ووفاة ابوكي كان سببها غريب وغامض .. حتى الطب الشرعي ماعرف شو صار معاه .. حسيتها انتقمت مني بزوجي ولأنك وحيدتي يمكن عم تنتقم منك.. انا نصدمت وصرت ابكي.. وضليتني أرجف.. بحكيلها طيب مين هاي ؟ شربتني ماما مي وحكتلي اهدي واسمعي.. هاي بتكون صاحبة ستك.. صاحبتها اللزم.. وبتعرفها منيح كانو يضلوا مع بعض ويعملوا حجابات .. وحتى ام أمي كانت صاحبتها.. خربوا بيوت ناس كتير .. لحد ما صرت اكره أمي وحكيتلها هاي المره مابتدخل بيتنا أبداً.. وصرت أسب عليها واطردها بس تيجي لأني عرفت انها خربت بيت عمتي وماكان الها دخل بس لأنه امي طلبت هيك.. ونقمت على امي وطردتها لحد ما عملتلي حجاب وخلتني أصير متلهم وأحجب للناس.. حكيت لماما انتي حجبتي للناس !! بس انتي حكيتيلي ماكنتي تعملي هيك وكنتي تنصحي ستي.. قلتلها غصب عني بعد الحجاب اللي نعملي تغيرت معاملتي للناس وصرت اكرههم وانتقم من أي حدا ما يعجبني.. وصرت اقوى من ستك واقوى من امها ومن هاي المره كمان..

26 أبريل، 2016 ·
#معزوفة_الموت_قصص
#معزوفة_الموت_6 #معزوفة_الموت
الحلقة السادسة
Telegram:@rwayate
الفضول ضل جواتي أنه اعرف مين اللي عم بلف جنب البيت.. وبدون شعور الفضول أخدني لمكان بعيد وخلاني أفتح الشباك ! فتحت الشباك وصرت أتطلع وفجأة سمعت حدا بحكي معي وبحكيلي.. أنا روح ولاء رح أخلص عليكي وعلى زوجك وبنتك قريباً.. صرخت وسكرت الشباك وكاتيا صحيت على صوت صراخي وضليتني أبكي أبكي وبدون شعور لحد ماطلع الصبح.. كان شعور بشع كتير وخوف كبير.. تاني يوم الصبح رنت عليه ماما.. وخبرتني أنه اجي عندها لحتى اسامحها وتحكيلي شو اعمل مرة تانية ووين ممكن الاقي الحجاب.. حكيلتها الله ينتقم منك ومابدي منك شي وأنا مارح أغفرلك أبداً الغلط اللي عملتيه ووقعتيني فيه أنا وبنتي وزوجي ولو تعرفي ليلتي كيف كانت كان ماحكيتي هيك.. وفجأة اجاها العقل التاني وصارت تحكيلي اذا مابتيجي عندي رح أتصل بالشرطة وأحكيلهم انكوا قتلتوا البنت.. حكيتلها اكيد بتعمليها ما انتي كنتي اعوذ بالله .. الله اكبر عليكي ومستحيل اغفرلك وانتي مش أم .. بس خفت من تهديدها.. ولأنه زوجي بعده بالسجن.. اجت الشرطة بعد ما سكرت التلفون ووديت بنتي على المدرسة وكان لازم أداوم لأني عطلت كتير بسبب مشاكلي.. وفتشو البيت ومالقيو شي أبداً.. وكنت خايفة يلفو ورا الحوش او يدورو .. بس ما تماسكت وبنتي ضلت تتطلع على مكان الحوش وانا ازيح راسها كل شوي لأنها كانت رح تكشف الموضوع.. وقالولي نحنا مالقينا شي لهيك رح نطلع زوجك اليوم.. انبسطت كتير وقلت خلص رح يشيل عني الحمل ويضل معي بالليل لأنه الوضع ماكان منيح مبارح ومرعب.. رحت عند ماما وحكيت معها مرة تانية وحكتلي الحجاب بكون بأغراض للأشخاص اللي معمولهم الحجاب واللي بملكوها لهيك الشخص بتأذى منهم .. يعني شوفي المره شو شافت بالمكان اللي قعدت فيه وفتشيه .. لأنك بس رحتي عالمطبخ تجيبي المي أكيد مالحقت تروح لمكان تاني وحطت الحجاب بشي بنفس المكان.. ولا تنسي انه الشخص اللي بملك هاد الشي رح يتأذى..روحت فوراً على بيتي أفتش وقبل ما ابلش أفتش رن عليه مدير المهرجان الموسيقي وحكالي لازم تيجي بسرعه لأنه مقطوعتك الموسيقية رح تشارك بمهرجان تاني عالمي لأنه سمعوها موسيقيين عالميين ورشحوها ونقبلت وانا برنلك من يومين شكلك مش فاضية تردي.. برغم هالشي اللي صار بس ماقدرت أفرح لأنه اللي عم بعيشه مش مخليني أفرح.. بس تركت كل شي من أيدي واستغليت الفترة اللي بنتي معطلة فيها ولأني عطلت مرة تانية ورحت على المركز الموسيقي وشفت الأشخاص اللي رح اشتغل معهم بالمهرجان وحكولي المقطوعه اللي عزفتيها رح تشارك بالمهرجان العالمي لهيك لازم تتدربي اليوم.. فرحت بكلامهم وروحت متشجعه أتدرب على المقطوعه ..وصلت البيت ورميت كل شي وفوراً على البيانو.. كانت بنتي لسه مروحة من المدرسة واتصلت عليه المديرة حذرتني وحكتلي لازم بكرا تيجي اعذارك خلص خلصت مارح اقبل ولا عذر والمعلمة اللي بتشتغل بدالك تعبت وما عاد فيها توخد حصص عنك حكيتلها بكرا رح اجي واعتذرت منها وبلشت أتدرب وانا مبسوطة بديت بالمقطوعه الموسيقية تدريب وبعد خمس دقايق من عزفي على البيانو أجاني إتصال من شخص على تلفوني بحكيلي أنا لقيت هاد الرقم مكتوب عليه زوجتي زوجك عمل حادث وتوفى.. انا اسف على الخبر صرت اصرخ وابكي واحكي شو بتحكي انتي؟ توفى !! انهرت بالبكا واجت بنتي تركض وتحكيلي مالك ماما عم تبكي احكيلي ماقدرت احكيلها ولبست وفوراً اخدت كاتيا على بيت ماما وحطيتها عندهم ورحت على المستشفى شفت زوجي كان متوفي وقفت عند راسه ببكي وبسأل الناس متل المجنونة وبحكيلهم كيف صار هيك وبلشوا الشهود يشرحولي أنه لقيو السيارة خابطة بعامود بسرعه قوية.. وتوفى زوجك بعد ما تأذى اتصلت بفيصل وقصي خواني واجو على المستشفى وانا اتصلت بماما وحكيتلها اللي صار اكيد لسبب معين اا مغضوب عليه بسببك ومارح اغفرلك أبداً شو ما حيصير أبداً فاهمة وسكرت الخط بوجهها وطلبت من خواني يحكوا مع الدكتور ليشخصوا الحالة مرة تانية من خلال الطب الشرعي لأنه قلبي حسني أنه مش حادث وكان بدي أتأكد وحكولي النتيجة بتطلع بكرا رحت على بيت ماما وضليتني ابكي بس ماقدرت اشوفها لأنه مابدي اغفرلها وخواني وقفو معي وضلوا بالبيت معي.. وبنتي مش فاهمة وبتبكي بس حست واضطريت احكيلها اللي صار انهارت وتعقدت نفسياً وصارت تحكيلي انتوا قتلتو ولاء وولاء قتلت بابا عشان قتلها حكيتلها شو بتحكي انتي نحنا ماعملنا هيك صارت تحكي أنا رح اقول للشرطة عشانكم انتوا السبب دخلت عند ماما وحكيتلها شو حكت كاتيا وصرت اصرخ بوجهها واحكيلها بدي حل هلأ شو لازم اعمل يا حجابة يا مشعوذة احكيلي صارت تحكيلي أنا تبت وبطلت هالأمور ولازم تعرفي انه تبت بس روح هالمرة اجت تنتقم بس ليش بزوجك ليش حكيتلها انتي حكيتيلي انه الحجاب بكون موجود بشي بملكة الشخص مش هيك !

#معزوفة_الموت_قصص
#معزوفة_الموت_7 #معزوفة_الموت
الحلقة السابعة
Telegram:@rwayate
كله من أمها هيه اللي وصلتها لهون ..بس أمك أكيد مجنونة .. لاتزعلي مني بس كيف بتحكيلك احرقي البيت ؟! كيف بتطلب منك هيك طلب.. قلتلها عشان الحجابات تروح.. حكتلي مابصير ينحرقوا مابصير افهمي أنا كان الي جاره هيك وكانت تحكي عن كتير قصص لجاراتي وكنت اقعد معهم وأسمع ومرة حكوا عن حرق الحجابات .. انتي رح تتأذي ويمكن تموتي لو حاولتي تتخلصي من هالشي بهالطريقة.. قلتلها بس ماما خبرة ومش معقول بتكرهني هالقد لتطلب مني هيك طلب مستحيل مابصدق بعمرها ماكانت مش منيحه معي وطول عمرها منيحه ليش لحتى تتخلص مني وتموتني .. حكتلي مش من شوي اجاكي تهديد من رقم غريب؟! مش بعيد تكون أمك باعته هاد الشخص لحتى يقتلك أو تكون هيه بعتته بالليلة اللي كنتي فيها بالبيت لحالك مع البنت وحسيتيه موجود.. قلتلها بس انا كنت بعيش مع زوجي لحظات مرعبة جوا البيت وماكان في حدا والبواب مسكره.. هاي المره الشريرة روحها الي عم تأذينا أنا متأكده ويمكن هدول أرواح من طرفها اللي عم بتصلوا معي.. قالتلي انتي شو مفكرة وحياتك هاي لعبة من أمك ومش بعيد تكون المرة عايشة وهيه بعتتها.. ما قدرت اصدق الكلام اللي حكتلي ياه لأنها ببساطة مابتعرف منيح اللي كان يصير.. وكنا نعيش اللحظات المرعبة وبدون ما يكون في حدا أو في دليل واضح جوا البيت لشخص .. وحتى أنا ماسمعت صوت الجرس اللي عالباب بس طلعت المره ومن هداك اليوم وكل شي سيء عم بصير بحياتي.. انا متأكده هيه روح المره بس متل ماحكت وتكون ماما باعتتها .. مش معقول بتكرهني هيك مش معقول مابصدق.. رحت عند ماما وحكيتلها شو رح استفيد لو حرقت البيت ؟ حكتلي انا بعرف شو حيصير ومتأكدة رح ترجع حياتك متل الأول بس اسمعي مني.. حكيتلها والأغراض اللي بالبيت ؟ اغراضي وممتلكاتي واغراض زوجي وكل شي.. حكتلي مابدك ولا شي منهم .. انتي بدك ممتلكاتك ولا بدك تعيشي مرتاحه ؟ اذا بدك تعيشي مرتاحه فرّطي بكل شي بتملكيه في سبيل راحتك وراحة بنتك قبل مايصير شي يندمك ويأذيكي.. أنا بحبك يا بنتي وصدقيني انه اللي بصير معك بسبب هالمرة المتوفية أنا أذيت أهلها وكله عشان انتقم من امي اللي كرهتني وكانت منشغلة بالحجابات وتعلمت هالشي بس لحتى انتقم منهم كلهم .. وماكان بدي شي تاني وبعدها تبت .. صدقتها وهاد الشي انا كنت متأكدة منه لأنه مابصدق بيوم تطلع بتكرهني.. مابصدق ومستحيل أصدق.. رحت على البيت وخليت كاتيا عند بيت ماما .. وجبت قالونات كاز .. وصرت ارش بكل مكان بالبيت.. وبالغرف.. وانا لحالي ومش خايفة من شي.. بدي أخلص وأرتاح وأدافع عن بنتي وأحرق كل شي ممكن يأذينا والمكان كله اللي قعدت فيه هاي المره الأحقر شخص شفته بحياتي .. وأسوء روح.. رشيت الكاز بكل مكان ووقفت عأول الباب ومسكت الكبريت وشعلته وبدي ارميه رن تلفوني كانت ماما على الخط حكتلي بنتي لاتحرقي البيت لاتحرقيه! حكيت ليش؟ حكتلي لقيت ورق بالخزانة اللي كنت محتفظة فيها بصور المره هاي وصور ماما وشريكاتي بالحجابات وقرأته وقت ماكنت اتعلم هالشغلات وكان مكتوب مابصير ينحرق الشي السيء لأنه انتي رح تتأذي لا تحرقي المكان حكيتلها يعني هلأ انتي لحتى عرفتي هالشي؟ ليش هلأ فهميني؟ المفروض تكوني عارفة هالشي وخبرة من زمان ومش بحاجة ورق لتتأكدي حكتلي بنتي انا مرة كبيرة ونسيت كل شي تعلمته ولا تنسي اني تبت من بعد ما خلفتك لاتقسي عليه وتتهميني بشغلات ما الي فيها صرت اشك بكلام ام زوجي ومابعرف شكوكي لوين حتوديني وفجأة وأنا واقفة عند الباب وبتطلع حدا دفشني لجوا البيت وسكر عليه الباب خفت كتير وصرت اركض وأحاول أفتح الباب وأصرخ بكل مكان لحتى حدا من الجيران يسمعني بس كان بيتنا مستقل وكل بيت جيران بعيد عنا أمتار ركضت للغرفة التانية وصرت اصرخ من الشباك وفجأة نمدت إيد من الشباك فيها كبريت كانت إيد لابسة كفة سودة !

#معزوفة_الموت_قصص
#معزوفة_الموت_8 #معزوفة_الموت
الحلقة الثامنة
Telegram:@rwayate
أنا بس شفت المسج تدمرت نفسياً وصرت أبكي .. وأخدت أرقام المهرجان وكسرت الخط نهائياً وضليتني فزعانه وخايفة ومش عارفة شو بدي أعمل .. يعني معقول اللي بصير مش بسبب روح شريرة وفي جد شخص عم يراقبني وعارف أنا شو بدي أعمل.. طيب مين بده يكون وليش ؟! ليش هيك عمل ؟! وكيف عرف انه انا وزوجي دفنا ولاء.. معقول هاي نفسها المره الشريرة وعم تنتقم .. اوهمت نفسي بهالشي وقلت مستحيل الشرطة تعرف لأنها هاي مرة ميته والشرطة خلص ماحتعرف بالموضوع.. ضليتني أبكي ودخلت عليه ماما بتحكيلي ليش بتبكي؟ حكيتلها انتي اللي وصلتيني لهون .. في واحد بعتلي مسج بحكيلي انه بعرف وين ولاء ووين ندفنت وبعرف انه كنت بدي أحرق البيت .. مين بعرف كل هاد مش بس أنا وانتي ؟ يعني انتي اللي بتعملي فيه هيك ؟؟ حكتلي يا خسارة تربايتي فيكي.. هاي اخرتها يا تاليا ؟؟ بتتهمي أمك انها بدها تأذيكي .. أنا بدي أعمل هيك وأأذيكي وأأذي زوجك وبنتك ؟؟ وبنت الناس اللي ما إلها ذنب؟؟ طيب ليش فهميني ؟؟ ليش أعمل هيك أنا ؟؟ أنا قلتلك انه هاي الروح الشريرة للمره لأنه متأكده من كلامك وباصمة بالعشرة إنها هيه من لمّا أجت عندك على البيت ودخلتي على المطبخ تجيبيلها مي وساعتها حطتلك حجاب.. حكيتلها طيب هلأ شو أنا رح أموت وبنتي ؟؟ مهوه البيت انحرق!! .. حكتلي نحنا لسه ما إتأكدنا إنه البيت لسه ضايل فيه حجابات تانية.. ممكن حطت تنين بس مابتعرفي .. بس ضلي صلي وإدعي إنه مايصير معك شي.. وإتأكدي انه الله رح ينجيكي .. حكيتلها ما شاء الله على الإيمان.. كلك إيمان.. انتي اللي وصلتيني لهون أنا مارح أغفرلك أبداً شو ماصار فاهمة .. وأنا بكرهك بكرهك .. دخلت كاتيا فجأة شافتني عم بحكي لماما أنا بكرهك وصارت تبكي وتحكي وأنا بكرهكم انتو التنين.. بكرهكم كتير وأنا حكيت للشرطة إنك انتي قتلتي ولاء لأني بكرهك لأنك قتلتي صاحبتي وبكره بابا كمان.. كانت وقتها صدمتي كبيرة جداً بس سمعت إنه بنتي بتكرهني لهالدرجة.. ولدرجة إنها مفكرة انه امها قتلت صاحبتها ..ولدرجة إنها تبلغ الشرطة عن أمها وما يهمها موت أبوها أبداً.. دخلت بسرعه على غرفتها وانا ضليت واقفة مكاني وحكيت لأمي شو بدنا نعمل ؟؟ الشرطة صارت تعرف انه البنت نقتلت وندفنت عنا بالبيت.. والحوش ماصارله شي وما تأثر بالنار اللي صارت.. إحكيلي شو بدي أعمل طلعيني من القصص اللي كنتي سبب فيها .. حكتلي إسمعي مش اللعبة أخدتها أم البنت اللي نقتلت ؟ حكيتلها اه اخدتها .. حكتلي طيب اصبري ورح السحر اللي جواتها يخلص عليها ويجننها لأنها بتملك هاي اللعبة اللي فيها الحجاب وهيه مابتعرف .. وبجنانها اللي حيصيرلها الشرطة رح تشك إنها هيه قتلت بنتها.. حكتلي إسمعي مش اللعبة أخدتها أم البنت اللي نقتلت ؟ حكيتلها اه اخدتها .. حكتلي طيب اصبري ورح السحر اللي جواتها يخلص عليها ويجننها لأنها بتملك هاي اللعبة اللي فيها الحجاب وهيه مابتعرف .. وبجنانها اللي حيصيرلها الشرطة رح تشك إنها هيه قتلت بنتها.. حكيتلها انتي كيف بتجيكي هالأفكار ؟؟ بس كيف بدي أستنى والشرطة عرفت وبنتي اعترفت واكيد بكرا الصبح رح يروحو يفتشو الحوش أكيد ولأنه الدنيا ليل خلوها لبكرا وحكوا لكاتيا ماتحكي انها اعترفت لحتى ما افكر اهرب او شي متل هيك.. وبكرا رح يوخدوني ومارح اقدر اشارك بالمهرجان اللي بعد كم يوم ورح يتدمر حلمي وتخرب حياتي وكله عشان شو ؟؟ عشانك انتي وبسبب امك .. الله ينتقم منكم يارب.. مش راضية عنكم.. حكتلي امي لو شو ماحكيتي هاد شي صار من سنين وخلص.. وبعد ما صار عندك بنت صار فيها هالروح الشريرة تنتقم منك ومن بنتك .. بس اجت ببنت الناس مش ببنتك احمدي ربك واشكريه على هالنعمة.. ما قدرت افكر شو بدي اعمل طول هالليلة وما نمت أبداً.. تاني يوم الصبح صبّحت جاية عنا أم ولاء.. أجت عم تبكي وتحكيلي ساعديني أبوس إيدك ورجلك .. حكيتلها شو في ؟ قالتلي مش عم بعرف انام ولا ارتاح بدون بنتي وكل يوم عم بشوفها حواليه وصارت تتهيألي وبشوفها كل يوم بدها تنتحر وبركض وراها .. أنا ندمانه على كتير شغلات .. وزعلانه على حالي وعاليوم اللي قبلت اوديها تنام عندكم.. ابوس ايدك لو بتعرفي وينها احكيلي .. ريحي قلبي والله متت وروحي طلعت بغيابها وأبوها مش سائل ولا حاسس فيه وبتعبي وبالتهيئات اللي بتيجيني كل يوم وكل ليلة فيها.. قلتلها انا مابعرف وينها صدقيني.. هيه طلعت من البيت لأنه حكتلنا انه اجانا اتصال منك وحكينا هالشي اكتر من مرة .. بس جد أنا مش عارفة شو احكيلك.. للحظة شفقت عليها وشفت الحزن بعيونها كيف على فقدان بنتها وتترجاني وتبوس ايدي وتنزل عند رجلي وأنا أشد إديها وارفعها حتى ما تنذل لألي .. بس اللي استغربته انه حكت ابوها مش سائل .. كان هالشي غريب بالنسبة لإلي.. برغم اني شفته بصرخ وقت ما اجا عنا على البيت يدور عليها بكل مكان .. وبلشت تحكي وتخبص بدون وعي وشكلها بخوف لدرجة اني خفت منها وهيه بتحكي..