Telegram@rwayate
كان عم يضب الأغراض بالكيس بس صفن شوي وتطلع فيني (( شوا خدك على هداك البيت ؟ ))
#رشا : انا ممرضة ، عم دير بالي على خالة ام حسام
#نزار : انتي بتعرفيها شي ؟
#رشا : لا ابداً ، بس القصه كلها بالصدفة واتفقت مع مدام صفاء لان بدها اسبوع لتوصل من امريكا
#نزار : يعني ما بتعرفي أي شي !
#رشا : أي شي متل شو يعني ؟
#نزار : لا ما في شي
ضب الأغراض واعطاني ياهن وحاسبتو
#نزار : انتي بعيده عن المنطقة هي ؟
#رشا : اي والله بعيده كتير
#نزار : توقعت
#رشا : ليش يعني ؟
#نزار : لانك لو من هالنواحي كان اكيد سمعتي بقصة ام حسام
#رشا :الله يعينها بعرف قصتها ، خسرت ابنها وحفيدتها وصفت لحالها ... الحمدلله عندها صفاء تدير بالها عليها
#نزار : منيح عندك فكرة ، بس تعرفي كيف مات حسام ؟
#رشا : بيني وبينك عندي فضول بس ما حبيت اجرح صفاء او امها بهيك سؤال
#نزار : والله انا خايف انتي الي تنجرحي
#رشا : عفواً ؟
Telegram@rwayate
#نزار : لا سلامتك ، بس عموماً ديري بالك على حالك
#رشا : من شو ؟
#نزار : انا كنت اعرف حسام عن قرب
#رشا : اكيد كان يجي يشتري من عندك هون
#نزار : لا ... كان يجي دايماً عالمقبرة وانا كنت شوفو
#رشا : بيزور حدا ميت ؟
#نزار : مابعرف شو بدي قلك بس ...
رن موبايلي وكانت المتصلة صفاء ، استأذنت من نزار وطلعت من الدكانة رديت على صفاء وضلينا نحكي وانا ماشية على الطريق لوصلت على البيت ..
(( تمام تمام .. ولا يهمك كل شي منيح ما تهكلي هم .. مع السلامة مدام الله معك ))
سكرت الخط وفتت عالمطبخ حطيت الأغراض على المجلى وفوراً رجع خطرلي حكي نزار .. سحبت حالي وفتت لعند ام حسام كانت صاحية وصافنة بالحيط .. قعدت جنبها وسألتها بتردد
(( خالة .. ابنك حسام كيف توفى الله يرحمو ؟ ))
تطلعت فيني وعيونها مليانين خوف .. مسكتلي ايدي بقوة (( طــ ـ ـ لعيني من ه ه هــ ـ ـ ون ))
سناولت كاسة المي وحاولت شربها بس رفضت تشرب ، اعتذرت منها وحاولت هديها وندمت كتير على سؤالي هاد ضلت ماسكة ايدي بقوة لبعد ساعه ارتخت ايدها وغفيت ونامت .. تسحبت من الغرفة بهدوء وقعدت بالصالة .. كان التلفزيون مطفي وانا عم اتطلع بشاشتو السودا شفت انعكاس ظل حدا طويل كتير واقف وراي .. ضليت عم اتطلع ومو مسترجيه التفت وراي .. والشمس كانت على غياب .. والعتمة جاية
#رشا : في حدا هون ؟؟؟
استجمعت حالي وتطلعت وراي ... ما في حدا .. رجعت تطلعت على التلفزيون .. راح الظل الي كنت شايفتو
قمت على الحمام بسرعه وغسلت وجهي ... بعدين طلعت على غرفة نوم حسام
فتشت بالأدراج ولقيت شهادة سواقة باسم حسام عليها اسمو الكامل ..قعدت على التخت وفتحت موبايلي .. دخلت على جوجل وكتبت اسمو .. والصدمة كانت بنتائج البحث الي طلعتلي !!
(( انتحار شاب عشريني لأسباب مجهولة )) ... (( فقدان الشاب حسام بعد أن قام بشنق نفسه في ساحة منزله ))
(( بعد أن رحل والدها ، الطفلة دلع تموت في أزمة قلبية )) ((وجدته زوجته متوفياً بعد ان انهى حياته شنقاً ))
ولقيت صورة فيها حسام وهو شانق حالو بس كانو مغطين وجهو ... رابط حبل على شجرة الإنجاص الي ورا البيت ومنتحر والصورة بشعه كتير ..
Telegram@rwayate
وبنتو دلع طفلة عمرها 4 سنين ماتت فجأة والتشخيص سكتة قلبية !!
كنت انا الي رح يصيبني سكتة قلبية بعد ما قرأت هالأخبار وشفت الصورة ... طلعت من الغرفة ورحت قعدت بغرفة ام حسام ... كنت بدي حس بوجود أي حدا معي .. مابدي حس اني لحالي بهل مصيبة هي ..
مسكت موبايلي واتصلت بأمي .. ردت علي هي وعم تضحك وقالتلي انو كانت متشارطة مع اخواتي انو اشتقلهن واتصل هلأ .. ما قدرت الا اضحك .. ماقدرت خبرهن وين انا و شو عم يصير معي .. بلعت الحكي وجاملتها وسكرت الخط
لقيت ام حسام عم تطلع فيني بطريقة مخيفة .. #يتبع