📚قصص||روايات||منوعة📚

جميلة : من تمك لباب السما
لونا : اااه كنت رح انسا... بدي رقم جناح الباشق ضروري
جميلة : مانو معي
لونا : بدك تجيبه من تحت الارض
جميلة : امرك بحاول
طلعت جميلة .. ولونا اخدت الورقة والصورة وطلعت فورا لعند ركان
دقت الباب وفتحتلا ام ركان
لونا :كيفك خالة
امل : هلا.. فوتي حبيبتي فوتي
لونا :ركان موجود في شي كتير ضروري لازم قلو عليه
امل: والله هو هلأ فات ينام هو ومرتو
اتطلعت لونا ع الساعة وكانت ١٢
لونا : ييي والله ما انتبهت ع الوقت خلص بكرا بشوفو تصبحي على خير
امل : فوتي لنشرب فنجان قهوة
لونا : خلص غير مرة اتأخر الوقت ولازم نام
نزلت لونا على بيتا.. وركان حس انو صوت لونا برا.. في شي جواتو صاير مايقدر يقاوم لونا.. وفز من تختو وقام
دلال :عوين حبيبي
ركان : كأنو سمعت صوت لونا برا طالع شوفا وراجع
رفعت حالا وتعلقت برقبتو وطبعتلو بوسة على رقبتو مشان يعلق الروج وقالتلو لاتتأخر حياتي لانو مشتاقتلك
ركان ابتسم ابتسامة عادية وقال : اي مارح اتأخر
طلع وشاف امو عم تسكر الباب
ركان : ماما كأنو سمعت صوت لونا
امل : اي قال كان بدا اياك بموضوع ضروري.. وانا فكرتك نايم قلت مابدي ازعجك
ركان : انا رايح شوفا
امل : اي لاتتأخر
طلع ركان ونزل لعند لونا... دق الباب... وفتحتلو لونا
ركان : مسالخير
لونا : هلا مسالنور
ركان : شوفي شو هو الموضوع الضروري
لونا : خلص خليها لبكرا.. مو مهم
ركان : يعني مانو مهم
اتطلعت على رقبتو وكانت معلمة البوسة وقالت : بظن قطعتك عن شغل اهم..
لاحظ على نظراتا ومد اديو على رقبتو مسحا وشاف على اصابيعو الروج..
ركان تلبك وقال :ههه مو متل مانك مفكرة
لونا : مامشكلة كمان انا ماخصني.. بس انتبه تاني مرة لاتطلع وانت هيك... شو تفوت نشرب قهوة
ركان كان خجلان :لا غير مرة
لونا : تصبح على خير... وللتواخذني لانو عنجد ماكنت منتبهة على الساعة لما طلعت
ركان:وانتي من اهلو
طلع ركان وهو مقهور.. ولونا سكرت الباب ووقفت وراه وهية عم تضحك على ركان
______&____________________
سامي كان قاعد على البلكون ومكتف اديه وراكي راسو لورا ع الكرسي ومبين عليه مهموم اجت مرتو وقعدت على الكرسي يلي جنبو
نوال : شبك سامي
سامي :مدايق كتير وحاسس حالي رح اختنق
نوال :طيب من شو فشلي قلبك احكي
سامي :مابقدر.. اي قوليلي الصغير نام
نوال :اي نام..
سامي مسكا من ايدا وشدا وقال يلا ننام نحنا اتأخر الوقت
ابتسمتلو ابتسامة دافية وقامت معو
____________________________________
الصبح بالفرع
فات ركان لعند لونا
كانت عم تشرب قهوة وبأيدا سيجارة
ركان : شو قصتك انتي والتدخين.. عأساس تنفيخ شايفك صايرة مدمنة
لونا :اقعد اقعد طلبتك قهوة
ركان : عم احكي مع حيط لانو
لونا : :انا بدي موت حالي... المهم شوف هي الورقة
اخد الورقة وصار يقرا
ركان :مافهمت.. مين هاد
لونا : هاد بكون ابن خالتلا لجميلة.. البنت يلي بتنضفلي البيت.. وابن خالتا مفقود وهي كل المعلومات عنو
ركان : كمان مافهمت
لونا : ابن خالتا نفسو الشب يلي عنا
ركان؛ عم تحكي جد
لونا :اي.. مو هون المهم
ركان :لكن وين
لونا : قال هنن اتصلو بمعلمو لزيد وقلون انو مات
ركان : حلوو
لونا : وسألتا شو اسم معلمو
ركان : الباشق صح
لونا : لا.. الباشق ما شغلتو يحكي مع الولاد يلي عندو... ايدو اليمين معلمو لزيد واسمو جناح الباشق
ركان :معلومات كتير حلوة
لونا : طلبت منها تجبلي رقم جناح الباشق..
ركان : كتير منيح... بس ماتكوني قلتيلا انو زيد بعدو عايش
لونا : اكيد لا.. شو مجنونة انا
ركان : برافو عليكي.. عنجد عم تعجبيني كتير
لونا : نحنا من بعدك يا حضرة الرائد
ركان : ما جابو لزيد
لونا : ع الطريق جميل راح يجيبو..
ركان : لكن انا رايح خبر اللواء بكل المستجدات.. وجاي شوف كيف رح تحقيقي معو
لونا : اوكي
وقف ركان وسحب منها السيجارة وقال خففيلي من هاد

لونا : بعرف انو حرام.. بس قلت بنعطيهن لشي دار عجزة او ايتام هههههه المهم انت شو صار معك وليش اشرتلي انو نطلع..
ركان : الباشق مانو هون ولا حدا من رجالو.. بس في وحدة عطتني هي الورقة بالسر يمكن بدا تساعدنا.. وعطاها الورقة للونا
فتحت الورقة وكان مكتوب فيها رقم تلفون وتوقيت ٩:٠٠ ص
لونا : يعني بعد كم ساعة... ليك الشمس طلعت... خدني ع البيت لحق نام شي ساعة... هو انا قلبي حاسسني انو هالجية فاشوش.
__________________________
الساعة الثامنة صباحا
نايمة لونا وحست على تلفونا كان عم يرن..
لونا : الو
_كيفك لولو
لونا : مين
_ انا الاء شو ماعرفتي صوتي
لونا : لاتواخذيني لانو بعدني نايمة وماعم ركز.. اي انتي كيفك وكيفو البيبي ومؤيد وامك
الاء : الكل بخير وبسلمو عليكي... يلا قومي وتعالي لهون
لونا : ع وين
الاء : لعنا.. امي عاملي كتير اكلات بتحبيها وعازمتك ع الغدا ومافي اي اعتراض
لونا : بسس
الاء : مافي ولا بس يلا ناطرينك
لونا : طيب بس رح اتأخر شوي يعني بعد العشرة
الاء : طيب ماشي المهم تجي
لونا : اوكي.. سلمي
سكرت وقالت : من وين طلعتلي هية هلأ... اوووف اتطلعت ع الساعة وقالت يلا لسه ساعة رح نام
ظبطت نومتا ونامت
______________________
بالفرع
قاعدة لونا وركان واللواء مع بعض
اللواء : شو ناوي يا رائد ركان
ركان : سيدي بدي اتصل بهي البنت وشوف شو عندا ممكن تكون من طرف الباشق.. واهم شغلة هية بدي نشكل دورية ونروح نسكر صالة القمار ونلقي القبض على كلشي فيها
لونا : انا رأيي عمهل شوي.. لانو هيك يمكن الباشق ياخد احتياطاتو اكتر
ركان : شو سيدي
اللواء : رأيي من رأي لونا حاليا خلينا عم نشتغل ع المخفي وبس خلوها للصالة تحت المراقبة
اتطلعت لونا ع الساعة وقالت : هي صارت تسعة وربع اتصل بلا ماننطر اكتر من هيك
اتصل ركان وفتح السبيكر
صوت انوثي ناعم _الو
ركان : مرحبا
_اهلا مين
ركان : انا يلي مبارح عطيتني رقمك
_اي.. اي..
ركان : ليش عطيتني رقمك
_انت ليش عم تسأل ع الباشق
ركان : عايزو
_انتي شرطي شي؟؟
ركان : لأ
_انا رح اعطيك طرف الخيط لحتى توصل للباشق
ركان : وبركي كنتي متأمرة معو.
_كيف بتحب اثبتلك انو ماعم كذب
ركان : شو مصلحتك
_ المصاري
ركان : طيب ليش سألتني اذا كنت شرطي
_لانو اذا شرطي كمان رح ساعدك.. بصراحة انا لاحظت انك عم تدور ع الباشق مو لانك بتحبو او حابب تتعرف عليه.. مبين في نية خبيثة بعيونك.. وبصراحة انا الباشق الي عداوة معو واذا حدا بخلصني منو ليش لأ
ركان : شقد بدك
_بشوفك وبنحكي
ركان : بكون احسن لانو في اسئلة كتير عم تدور براسي
_اوك.. لكن حدد الموعد وانا جاهزة.. سلام
ركان : شو فهمتوو
اللواء : الحق الكذاب لورا الباب
لونا :حاول تفهم منها شو هية هالعداوة
ركان :اكيد
رن تلفون لونا.. اتطلعت عليه وبينت على وجها علامات الغضب...
ركان : مين
لونا بسخرية : عمي
ركان استأذن من اللواء وسحب لونا من ايدا وطلعو لبرا
ركان : ليش ما رديتي
لونا : مابدي رد
رجع رن التلفون
ركان :ردي
لونا : مابدي..
ركان : مابصير قد ماكان عمك
لونا : لا عمي ولا بعرفو شو نسيت شو عملت معي مرتو وهو ماعملا شي ولا كأنو شي صار.. وصدقا وكذبني
ركان : طيب ردي شوفي شوبدو
لونا : ماني رادة
ركان : طيب ردي وقوليلو انك مابدك تحكي معو... بريحك من كتر الدق
رن مرة تالتة التلفون ولونا ردت بسرعة : الو... خير عمو... انا منيحة طول ماني بعيدة عنكم... عمو بدي اطلب منك طلب عهل الرقم لاتتصل وانسى انو عندك بنت اخ.... اي هيك صار الحكي... الله معك
لونا : هيك منيح ركان افندي
ركان : مابعرف... بس احسن مايضل يزعجك..
لونا :انا الشي يلي قهرني انو لهل ما اخدت حقي من هالحقيرة ولا الشرطة اخدتلي حقي
ركان :انتي بتعرفي القانون منيح.. والقانون مابيعتمد على حكي طفلة مريضة نفسية
لونا :معك حق.. بس الله مابينسالي حقي
ركان :قولتك تركيها لربك... المهم املاك اهلك ماراحت الهن
لونا :والله لو اخدوهن كنت لطالعهن من عيونن عامص
ركان :روق ابو الفضل
زورتو وقالت : روح من خلقتي انت التاني ماني طايقة حدا
ركان : هههههههه الله يساعدنا على جنانك.
تركتو وطلعت وراحت عبيت اهل سامي
وصلت وكان الكل بأستقبلا الاء وجوزا وسامي ومرتو وام سامي سلمت ع الكل وفاتو قعدو.. كانت نظرات سامي الها فاضحة كلشي بقلبو من حب وشوق.. بس هية تحاول تتجاهلو
الاء لاحظت نظرات سامي للونا.. ومشان نوال ما تنتبه قررت تسحب لونا على جنب
الاء : لولو حبيبتي تعالي معي شوي بدي اقعد معك لحالنا متل ايام زمان
لونا : اي ليش لأ
الاء : تعالي عغرفتي
راحو ع الغرفة وسكرو على حالن الباب
الاء: انا بعتذر عن سامي وعن تطليعاتو عليكي
لونا بستغباء : ليش كان عم يتطلع علي
الاء : لش ما انتبهتي
لونا بلا مبلاه : لا
الاء : اي منيح.. اي تعالي نقعد هون ع البلكون الهوايات حلوين لبين مايصير الغدا
لونا : ماشي
قعدو وماحكو شي

نزلت لعندا لونا وقالت : ليش عم تبكي
نوال : شو بدك هي خليتلك الجو الك ولحبيب القلب
لونا : مانو حبيبي ولا رح يصير..
نوال :......
لونا : سامي متأكدة انو بحبك الك بس يمكن عم يحس بالذنب تجاهي ومفكر انو هالشي هو حب.. وهلأ اذا تركتيه انتي يلي بتكوني عم تخربي بيتك.. رجعي ع بيتك ورجعي عيلتك متل ما كانت انا يمكن غلطت لانو عرفتن ع حالي بس بوعدك انو مارح قرب من عيلتك مرة تاني.. سلام
تركتا وراحت ركبت بسيارتا وساقت بسرعة البرق.. وصارت تحكي حالا : انا عم سبب المشاكل للكل وين ما رحت وين ما رحت عم سبب مشاكل.. خلص معد بدي حدا.. وصارت تصرخ وتقول : طلعووو من حياتي.. طلعو من حياتي.. مابدي حدا.. مابدي حدا.. حاج تحملوني ذنوب ما عملتا.. بكفي ياررب.. بكفي
... خلص لونة لاتعصبي .. اي روقي .. خدي نفس عميق .. اووووه ... تضربو كلكن بقلب بعضكن
وبالجهة التانية نوال كملت على بيتا وقررت تحافظ على بيتا وعيلتا وتسمع بنصيحة لونا
_______________٦
بالفرع
قاعدة لونا بغرفة فيها اجهزة حواسيب ومكبرات صوت .. اتصلت بركان
لونا : اي ركان وين صرت
ركان : ناطرها بالمطعم
لونا : لا تنسى تشغل جهاز التنصت يلي معك
ركان : اي يلا .. انتي سكري سلام
سكر وشغل الجهاز وصار كلشي ينسمع عند لونا محل مانا قاعدة
......................
بالمطعم
فاتت صبية عادية تيابها سبور ولابسة نظارات شمسية قربت من ركان وسلمت عليه وقعدت
ركان : شو تشربي
_قهوة
ركان : ماتعرفنا على اسمك
_اسم سهى
طلب قهوة وصارو يحكو
ركان : اي قوليلي شو عندك
سهى : بالاول انت بدك تقلي شو بدك من الباشق
ركان : بظن شي مابخصك انتي عليكي تقبضي وبس
سهى : طيب ماشي رح احكيلك
ركان : قبل ماتحكي .. بدي تقوليلي شو مصلحتك تعطيني معلومات عن الباشق
سهى : اولا انا رح اخد مصاري وثانيا مارح اعطيك معلومات رح اعطيك طريق توصل لعندو
ركان : لنفترض انا شرطي
سهى : بكون عم اتعاون مع الدولة واذا صار ماصار بتخف محكوميتي لانو ساعدت رجال الامن
ركان: ليش انتي في شي عليكي لتخافي
سهى :في هيك شي .. يعني اقل قضية ممكن فوت فيها دعارة
ركان : كأنك متأكدة انك شي يوم رح تنمسكي
سهى : بصراحة اي لانو ماحدا بيقدر يضل طول عمرو ماشي بالعكس الا ما يجي يوم ويوقع وكلشي عملوه بالحرام رح يطير ويتبخر بالهوا
ركان : بيعجبني تفكيرك .. لكن ليش مابتروحي وبتسلمي حالك
سهى : هو انا عم فكر بس ناطرة كم شغلة بدي اعملا وبعدين بسلم حالي
ركان : هلأ المهم شيلينا منك وقوليلي كيف بدك توصليني للباشق
سهى :الباشق كل يوم بيطلب بنت تقضي معو يوم ..
عطتو ورقة وقالت : هون عنوان البيت يلي بيطلع منو البنات والطريق يلي رح يوصلن للباشق غير هيك مابقدر فيدك والله لو بعرف العنوان كنت عطيتك اياه كامل
ركان : ميرسي الك كتير .. هي معلومة كتير منيحة ويمكن توصلنا للباشق ... بس قوليلي من وين عرفتي هي المعلومات
سهى : ما انا كنت اشتغل فيه
ركان: هاه .. ورحتي شي يوم لعند الباشق
سهى بقهر : اي رحت وما عجبتو وقلعني متل الكلبة من عندو
ضحك ركان وقال : لكن مشان هيك بدك تنتقمي من الباشق
سهى : بصراحة اي .. لانو هاني كتير هديك الليلة وانا حاملة بقلبي عليه وتمنيتك تكون شرطي لحتى تمسكوه
ركان : هههه طيب هلأ شو المبلغ يلي بدك اياه
سهى : هي معلومة شقد بتسوا عندك
ركان : طلع من جيبتو رزمة وقال خدي هدول بتستاهلي .. يلا سلام ياقطة
وقف وبدو يروح .. بس هية بسرعة وقفت ومسكتو من ايدو وقالتو خدن مابدي اياهم
ركان :لكن شو بدك
غمزتو وعضت على شفتا وقالت : بدي اياك انت
تلبك ركان وقال : هلأ خدي هدول .. ونطري مني اتصال
سهى : اوك ياحلو
عند لونا كانت قالبة على ضهرا من الضحك
راح ركان ع الفرع ولونا كانت بعدا عم تضحك
واول ما شافتو قالت : شو كنت متمناي شوفك وانت هيك خجلان
ركان : ومين قلك انو كنت خجلان
لونا : احساسي هههههههه
ركان : المهم هلأ اللواء سمع التسجيل
لونا : ههههه لا
ركان : بكفي ولو حاج تضحكي
لونا : خلص سكتت .. شو بدك تعمل
ركان : انا رايح لعند اللواء
______________________
عند اللواء
اللواء : قضية الباشق عم تكشفلنا قضايا تاني .. هلأ صار عنا صالة القمار والبيت يلي عطتك عنوانو البنت
لونا : بس كلو مع وقف التنفيذ
ركان : معك حق .. ما عم نسترجي نخطي خطوة مشان الباشق ما يحس علينا
اللواء : يلا كلشي بوقتو حلو .. هلأ خلونا بالباشق .. كيف بدنا نوصلو
ركان : انا عم فكر انو نراقب البيت وكل سيارة بتطلع من هنيك بنلحقا ونراقبا
لونا : وبعدين ؟؟
ركان : اذا وصلنا للباشق بنداهم وبتخلص القصة
لونا : مانها زابطة هالخطة
ركان : ليش
لونا : لانو يمكن ونحنا عم نداهم من قدام وهو يهرب من ورا
ركان : اكيد رح نحاوط المكان
لونا : حتى ولو .. الباشق بكون عندو ممر سري احتياطي لهيك قصص
ركان : اكيد عم تفكري بشي
لونا : بصراحة اي
ركان : شوو حكيلنا

لونا ماسكة الكرباج ومبلشة ضرب بصباح وكانت عم تطالع كل الحقد والغل يلي مزروع يقلبا كل هالسنين
صباح :مشاان الله ارحميني انا معد استحمل الضرب .. والله بعترف بكلشي بس ليش عم تضربيني رح موت تحت اديكي
وققت لونا ضرب وهية عم تلهت .. شلحت الجاكيت يلي كانت لابستو وفرجتا علامات الضرب يلي على ضهرا وقالت :هدوول بدي دفعك تمنون غالي ... غاللي كتير
رجعت مسكت الكرباج وبلشت ضرب .. ماكانت عم تشوف قداما ولا عم تشوف وين عم ينزل الكرباج ... فات ركان بسرعة وسحب منها الكرباج
ركان : شوو عم تعملي .. ليش مبلشة فيها ضرب .. انتي شايفتيها بتستحمل ضرب
لونا :لسه بدي موتها لهل الكلبة
ركان :ليش بتعرفيها
لونا : اي .. هي يلي صرلي سنين عم دور عليها .. هي يلي حبستني وعزبتني ..
ركان بصدمة : انتي متأكدة
لونا: اي متأكدة ... مستحيل انسى ملامح هالوجه الشيطاني
صباح وهية مبطوحة ع الارض وماعم تقدر تتحرك من الضرب يلي اكلتو قالت :لك انتي مين .. فهميني
لونا : انا البنت يلي مرت عمي باعتني الك من ١١ سنة .. بتتذكري ... بتتذكري لما كنتي تضربيني انتي وواحد اسمو زياد صحي وينوو هاد الكلب التاني ...
صباح : انتي ليش ما متي
لونا : اي متت بس طلعت من القبر لاخدك لعندي ... ماقلتيلي وينو زياد
صباح : مات .. مات من زمان
لونا : بتعترفي انو مرت عمي طلبت منك تخطفني
صباح : اي بعترف .. بعترف بس بترجاكي حاج ضرب
ركان همس بأدن لونا : لونا بكفي .. لا تموت بين اديكي نكون بشي نصير بشي .. وكمان اللواء طالبك بدو يسألك عن ليلة مبارح
لونا : يلا جااي
_____________________
خلصت اجتماع مع اللواء.. وطلعت ع مكتبا
رفعت سماعة التلفون وحكت
لونا : الوو جميل .. جهزلي دورية بسرعة
ركبت سيارتا ومشت قدام الدورية ... وصلت لوجهتا وهو بيت عما
رنت الجرس وفتحلا عما الباب
_لونا ؟؟
لونا :اي لونا
_كيف خطرنا ع بالك
لونا :جاي بمهمة رسمية ولولا هيك ماكنت جيب ... قلي وينا محاسن مرتك
_خير شوفي
لونا :جاي القي القبض عليها

_ليش شوفي .. وبتهمة شو بدك تلقي القبض عليها
لونا :بظن مشان قضيتي
_لك انتي معد تزوقي ... مرت عمك ماعملتلك شي حاج تتهميها تهم باطلة ..
لونا : بعد هيك عن طريقي انا ماني جاي اسمع محضاراتك انا جاي اخد حقي
دفشتو وفاتت
وصارت تصيح ع ملا صوتا : يا محاسن ... يا محاسن
طلعت ع صوت مرت عما
محاسن : خير شوفي ... لونااا ؟؟؟
لونا : اي لونا ليش متفاجئة
محاسن بتلبك : اهلين حبيبتي ... كيفك
لونا : ههههه كيفني .. والله مشتاقتلك كتيييير .. وقد ماني مشتاقتلك جاي اخدك معي
محاسن : شوو .. ع وين
لونا: يا عسكري ... تعال حط الكبشات بأديها
اجا عنصر وحط الكلبشات بأيدها
محاسن :لونا حبيبتي ... شبك .. اكبد عم تمزحي
لونا : مابحب المزح ... في حدا مقدم عليكي شكوى
محاسن : شكوى ؟؟ شكوى شوو .. ومين مقدما
لونا : انا 🙂🙂 بتتزكي صباح صبوحة يلي بعتيني الها اليوم مسكتا واعترفت بكلشي
قرب عما وضربا للونا كف على وجها : جاي تفضحينا وتزلينا اخر العمر ... ولنفترض مرت عمك عملت معك هيك الايام راحت حلك تنسي
لونا : شو شايفتك صافف معا لتكون انت الك يد بالجريمة يااااا عمي
_ انا اكيد مامعي خبر و ولو بعرف انو بدا تعمل هيك كنت منعتا ... بس خلص شي مضا وراح ليش عم ترجعي تفتحي الماضي ... لك انتي مابتنسي ... من شو قلبك مصنوع .. من حجر ؟؟
لونا : انا مستغربة كتير منك باعمو ... تخليتك بعد ماتعرف الحقيقة تضربا تدبحا ع القليلة تطلقا ما توقعت منك هالشي ابدا ... وبعدين ليش لحتى انسى .. لنفترض انو ماطلعت من هداك البيت بتعرف وين كنت انا هلأ .. بتعرف شو كنت عم اشتغل هلأ
_وماصار شي من هاد وانت قدامي متل الفلة ... مشان هيك روحي التهي بشغلك وانسي
لونا : واذا ما نسيت وجرجرتكم ع الحبوس
مدلا اديه وقال : هي نحنا قدامك يلا جرجرينا شوو ناطرة
التمو الجيران على ضجة الشرطة ... وصارو يسألو شوفي .. شووفي
محاسن : لونا سامحيني .. سامحيني والله انا كانت كل همي المصاري وورثة اهلك
فات شب بالعشرين لعندن وهو بكون ابن عما .. وشاف لونا وامو مكلبشية
_ لونا بترجاكي الا امي .. خديني انا عنها ... امي حكتلي كلشي وكانت ندامنة كتير ... بترجاكي خديني انا بلاها
لونا واقفة وماعم تحكي شي وفي بعيونا لمعة حزن
لونا : جميل
جميل :امريني
لونا : فك الكلبشات من ايديها والحقني ع السيارة (وطلعت
_لونا ...
وقفت بس ما درات وجها
ابن عما: شكرا
مشت وماردت عليه
_____________________€€
مر اسبوع ..
وخلال هالاسبوع تم التحقيق مع الاشخاص يلي مسكوهن عن طريق الباشق وتم تحويلن للنايبة .. وطبعا ملف الباشق بعدو مجهول الا عند لونا
ودلال مرت ركان بعدا عند اهلا وزعلانة
................
بأجتماع بغرفة اللواء
اللواء : شو صار معكن بخصوص قضية الباشق
ركان : سيدي ماوصلنا لشي ...
اللواء : ع القليلة نعرف اسمو الحقيقي
لونا ساكتة وماعم تحكي ...
اللواء : بدي منكم تشددو الحراسة على المدينة وع المداخل لانو اكيد رح يشتغلو او يحاولو يدخلو شي ع البلد
لونا وركان : امرك سيدي
وراح كل واحد ع مكتبو
لونا بمكتبا رن تلفونا
Telegram@rwayate
لونا: اهلاا الاء . كيفك
الاء : الحمد لله .. كيفك انتي
لونا : مشتاقتلك كتير ... اي قوليلي شوفي مافي
الاء : بصراحة سامي كتير مريض
لونا : خير شبوو
الاء : والله مابعرف ... لونا ممكن اطلب منك طلب
لونا : اكيد حبي اطلبي
الاء : تجي تشوفي سامي كتير تعبان وحابب يشوفك يمكن اذا شافك تخففي عنو شوي
صفنت لونا شوي وقالت بقلبا : اذا رحت بفكرني اني بحبو ... لا مارح روح خليه يسح انو انا ماني سألاني عليه ... مشان يكرهني احسن
لونا : اعزريني بس مابقدر اجي عندي شغل كتير ... خلص انتي وصليلو سلامي
الاء : اوكي عراحتك سلام
لونا : سلام
سكرت الاء وكانت جنب سامي وسمع كل الحديث
الاء : حبيبي سمعت بأدنك شو قالتلي
سامي : طيب ماشي .. روحي انتي
الاء : بدك شي عايز شي
سامي : لا لا .. خلص روحي
طلعت الاء ع الصالون وكانت اما ونوال قاعدين
ام سامي : شوكنتي عم تعملي عند اخوكي
الاء : كنت عم اطمن عليه .... شكلو تعبان كتير
نوال : اي والله وماعم يرضا يروح ع الدكتور .. قال هو بيعرف شو مرضو
ام سامي : ياقلبي عليك ياسامي ريت المرض لقلبي
الاء : بعيد الشر عنك ماما ان شاء الله يومين وبيرجع متل ماكان
ام سامي ونوال : آمين
ام سامي : يلا الاء خلينا نروح .. بكون ابنك جاع
الاء : يلا .. نوال ديري بالك ع سامي
نوال : بعيوني
قامو راحو ونوال قامت وفاتت لعند سامي
نوال : حبيبي حطلك شي تاكلو
سامي : لا شكرا
نوال : حبيبي قلي شو مرضك ... او شو وجعك بترجاك لاتضل ساكت والله قلبي عم يحترق عليك
سامي صفن بحكيا شوي وقال : هالحكي من قلبك
نوال : اي والله من قلبي ... سامي انت اكتر شخص بحبو من هالدنيا كلا
سامي : انا حقير معك مو هيك

نوال : لا لاتحكي هيك ... انت مافي منك ...بس يمكن انا كون ظالمتك لانو حرمتك من حبك ... ليك سامي اذا بدك ترجع للونا انا مستعدة اتركك تعيش حياتك معها
سامي : لا لانا بالعكس ماني مستعد فرط فيكي .. بس بدي منك شوي وقت لحتى ارجع متل قبل
نوال : انا رح ضل معك بكل حالاتك .... شو رأيك جبلك شي تاكلو ... اخر فترة اكلك كتير قليل
سامي : اذا من ايدك والله ياريت
نوال : تكرم عيونك خمس دقايق والاكل بكون جاهز عندك
__________________
وصلت الاء ع بيتا واتصلت بلونا
لونا : الوو
الاء : عنجد متل مابقولو انو كلشي بيشتغل بالامن بكون لئيم وحقير وقلبو حجر ... بتعرفي اذا صابو شي والله مارح سامحك
لونا : اولا يا الاء انا صح لئيمة وحقيرة بس مادخل لانو بيشتغل بالامن ولا لأ وثانيا طمني اخوكي مارح يصيبو شي وانا قصد ماجيت مشان ما اخربلو بيتو وخليه يعرف انو بكرهو مشان يرجع لحياتو ولمرتو لانو الواحد بالنهاي ما الو غير عيلتو وبيتو ....وثالثا ميرسي على كلشي وعلى الكلام الحلو سلام
الاء : لونا ... لونااا .. سمعيني انا فهمت غلط ... بترجاكي سامحيني
طوط ... طووووط .. طوووط
الاء : لك العما ما اغباني كيف هيك حكيتا اكيد بتكون زعلت .... ياربي
رجعت تدق بس لونل ماكانت عم ترد عليها
اخر الشي لونا سكرت تلفونا نهائيا وقامت لتروح ع بيتا ..وهية عم تفتح الباب بفوت ركان
ركان : شو ع وين
لونا : ع البيت
ركان : شبك ليش مزوعجة
لونا : لا ولا شي ... انت قلي ماراضيت مرتك
ركان : لا
لونا : لايمت
ركان : مابعرف
لونا : طيب .. بدك شي
ركان : لا سلامتك
طلعت وراحت ع بيتا وكانت معصبة كتير
__________€€€
المسا
ببيت سامي
كان سامي قاعد على التخت وعم يشتغل على اللابتوب فاتت نوال ومعها عدة حلاقة
سامي : شو هاد
نوال : بدي احلقلك دقنك صايرة طويلة كتير ومانها حلوة ..
سامي :طيب هاتيها انا بقوم ع الحمام وبعملا
نوال : لا انا وهون كمان
سامي : طيب متل مابدك ... في شي اوامر تانية
نوال : اي .. لا تحرك
Telegram@rwayate
سامي : ههههه امرك
_____________________
دلال ببيت اهلا كانت قاعدة وعم تطعمي ابنا ... اجت امها وقعدت جنبا
_ ماما ماحكي معك ركان
دلال : لا وانا اصلا اذا اتصل مارح رد عليه
_بنتي انتي ليش راسك كبير .. صدقيني الزلمة بحب المرة المطيعة مابحب العنيدة والله بمل منها
دلال : والله هيك خالقني ... وشكلو ماعجبو وعم يلفي ع هديك الفلتانة لونا ... خليه يتعبا فيها لشوف لايمت بدو يضل حاببا
_لك لو بدو اياها كان اخدا كانت قدامو عيونو قبل ماياخدك
دلال : كانت صغيرة ... بس هلأ كبرانة وحليانة كتيييير
_وانتي بتغاري منها
دلال: انا .. لا لا طبعا عشو بدي غار منها انا اصلا احلا منها
_لكن مزال احلا منها ليش لحتى يتطلع عليها
دلال : ااااه .. خلص ماما مابعرف
_والله مابعرف .. احسن الشي قول الله يهديكي
دلال بقلبا : يارب خلصني منها وخدا لعندك لانو غير هيك مارح تختفي من حياتي
_______________________
ببيت لونا
كانت لابسة شورت اسود قصير وفوقو بروتيل اسود وبأديها كفوف ملاكمة وعم تضرب كيس ملاكمة معلق بغرفتا ... كانت عم تضرب بكل قوتا .. والعرق عم يسيل من جسما ... اندق الباب فكت الكفوف وراحت تفتح وكان ركان
ركان ضل لثواني صافن فيها ...
لونا : هلا ركان تفضل
ركان : كنت عم دقلك وتلفونك مسكر ليش
لونا : اي انا سكرتو ونسيتو مسكر ..
ركان : بصراحة انشغل بالي عليكي
لونا : الله لايشغلك بال ع حدا تفضل
فات ركان وهو عم يتطلع عليها ... لاحظت لونا مظراتو عليها غريبة ... واتطلعت ع حالا
لونا : كنت عم العب رياضة 😅
ركان : شكلك متقلة العيار ... لانو كل جسمك عرقان
لونا : فيك تقول هيك شي ... كنت عم فرغ الطاقة السلبية يلي عندي
ركان : اي والله بدها .. اي شوبدك تشربينا
لونا : يلي بتحبو
ركان : قهوة
لونا : تكرم عيونك ثواني وبتكون جاهزة
اخدت منشفة كانت ع الكنبة وصارت تمسح عرقها من على رقبتها ووجها وكملت بوجها ع المطبخ .. طلعت بعد شوي معها القهوة ... صبت وصارو يشربو .. وركان كان عم يتأملا كتير .. هية ماكنت منتبهتلو كانت عم تقلب بالتلفزيون .... سحبت سيجارة من الباكيت يلي قداما وولعتا وصارت تنفخ
قام ركان وقعد جنبا وسحب السيجارة من ايدا
لونا : ركان بليز .. عطيني اياها
ركان : ما اتفقنا انو بلاها

اللواء : شوووو .. طيب ركان وينو
جميل : سيدي ركان من شوي طارت طيارتو ع تركيا هو وزوجتو
اللواء : لكن لاتخبروه ... مشي معي لنشوف
___________________
بالمشفى .. بغرفة العمليات
الممرضة : دكتور طلعو الصور في عدة كسور بجسما .. ببس الكسور الخطرة برقبتا وبالعامود الفقري في فقرة طالعة من محلا وكمان في اصابة خطرة براسا
الدكتور : اتصلو بالدكتور سامي يجي فورا .. وبدكتور العظمية ودكتور الاعصاب
الممرضة : سيدي اتصلنا بالدكتور سامي وهاتفو مغلق .. ووبعتنا حدا عبيتو كمان مافي حدا ...
الدكتور : استدعو اي دكتور جراح تاني بسرعة مافي وقت
الممرضة : حاضر دكتور
________________
وصل سامي على بيتو
نوال : يسلمون حبيبي كان عشا كتير حلو
سامي : انا يلي لازم اتشكرك لانك عم تمنحيني السعادة
نوال : بحبك
سامي : بموت فيكي .. غمزا وقال يلا خلينا نفوت نام بكرا عنا سفرة
ضحكت وفاتو مع بعض ع غرفة النوم
________________
وصل ركان ودلال على الاوتيل بتركيا
دلال : قلك شغلة
ركان : قولي
دلال : هدول بطاقات السفر من لونا .. مو مني
ركان : عنجد
دلال : اي يا الله شو ظلمتا لهل البنت ... ومع كلشي عملتو معا قدمتلنا هيك هدية
ركان : لونا مافي اطيب من قلبا
دلال : شو رأيك نتصل فيها ونتشكرا ونخبرا انو وصلنا
ركان : اي ليش لأ اتصلي فيها
اتصلت دلال وطلعلا الهاتف مغلق
دلال : مغلق
ركان : معقول .. رجعي حاولي مرة تاني
دلال : كمان مغلق
ركان : تركينا منها هي مدري شو بيضرب على عقلاتا اوقات وبتسكر تلفونا ... المهم خلينا هلأ بالحلو
لفت اديها حول رقبتو وقالتلو : كتير شتقتلك
ركان : ما قدي
________________
الباشق واقف ع جنب عم يراقب من بعيد ... اجا اللواء والمساعد جميل .. وقفو عباب غرفة العمليات
طلع ممرض
اللواء : يا ابني كيف المريضة يلي جوا
الممرض : مابعرف انا ... بس انتو مين
اللواء : انا اللواء فرع الامن الجنائي ويلي جوا بتكون ضابط عنا
الممرض : اهلا بحضرتك ... بس ع هوا ماعم يحكو الدكاترا حالتا مابتطمن ... وكمان بدا تطول تحت العمليات مشان ماتتعذبو حضرتكم ... وخلي حدا من اهلا يجي يعبي البيانات وبضل معا
تركن وراح
اللواء : جميل خبر اهلا
جميل : سيدي بس لونا مالها حدا ..
اللواء : خلص بكرا بنتصرف امشي
ضل الباشق بالمشفى لحتى طلعت من العملية وتطمن عليها
__________
وصل الباشق ع بيتو وهو حاسس حالو متايق كتير
صار يعيط : يا كلاب .. يا حيوانااات
اجو كل رجالو وتجمعو قدامو
الباشق : جيبولي سلمى فورا ..
Telegram@rwayate
_حاضر سيدي
بعد شوي اجت لعندو بنت بعمر لونا
الباشق : بتنفزي كلشي بدي اياه منك فهمتي
سلمى : بتأمر
_____________
فاتت سلمى ع المشفى وسألت عن لونا
الممرضة : انتي من اهلا
سلمى : انا رفيقتا ... كيفا
الممرضة : بعدا حالتلا مابطمن
______________
تجاوزت لونا مرحلة الخطر .. وكانت ع طول تحت تأسير البنج والمنوم لانو الاصابات بجسما كتير وما بتتحمل الوجع ... وضلت هيك يومين .. وسلمى تحاول تضل جنبا من بعيد لبعيد وتنقل اخبارا للباشق
___________
ببيت ام ركان ..
امل : ياربي وينها لونا صرلا يومين مو مبينة .. رح اتصل وخبر ركان ..
امل : الو .. كيفك امي ركان
ركان: بخير ماما شو اخبارك
امل : الحمد لله بخير مشتاقتلك
ركان ؛ والله نحنا اكتر .. وشو تمنيناكي معنا
امل : ان شاء الله ع طول مبسوطين
ركان : تسلميلي ياست الكل .. امي صحي بدي اسألك عم تشوفي لونا عم اتصل فيها وهاتفا مغلق
امل : بصراحة انا مشان هيك عم اتصل .. لونا مختفية لاعم ترد ع تلفونا ولاعم تجي ع البيت
ركان : ماما عم تحكي جد
امل : اي والله
ركان : طيب انا رح اتصرف ..
سكر التلفون وملامح وجهو متغيرة ..
دلال : شبك حياتي ..
ركان : لونا مختفية
دلال : كيف يعني مختفية .. بركي عند حدا من معارفا
ركان : لونا ما الها حدا
دلال : شو بدك تعمل
ركان : رح اتصل بالفرع واسأل اذا عم تداوم او لأ
اتصل ركان بالمساعد جميل
ركان : الو جميل .. كيفك
جميل : اهلا حضرة الضابط
ركان : بدي اسألك عن لونا
جميل : عم تتحسن .. تجاوزت مرحلة الخطر
ركان : عن شو عم تحكي
جميل : ماحضرتك عم تسأل عن لونا وانا عم خبرك
ركان : لحظة .. لحظة .. شو صاير مع لونا
جميل : ليش حضرتك مابتعرف ... اااه اي صح اللواء طلب انو مانخبرك
ركان بعصبية : شباااا لوونا
Telegram@rwayate
جميل ،: عملت حادث خطير وهية هلأ بالمشفى
ركان : شووو ... وكيفا هلأ شو وضعا
جميل : منيحة عقولت الدكاترة بس لهلأ ماصحت ماعم يخلوها تفيق مشان الاصابات يلي بجسما
ركان : طيب .. طيب
وسكر
دلال : شبا لونا
ركان : عاملة حادث خطير وهية هلأ بالمشفى .. لازم ننزل ونضل جنبا
دلال : اكيد .. انا رح ضب الشناتي
ركان : وانا رح احكي مع الدكتور سامي اكيد هو يلي عم يتابع حالتا

اتصل ركان بسامي
ركان : الو كيفك دكتور سامي .. انا ركان
سامي : هلا حضرة الضابط
ركان : بدي اسألك عن وضع لونا
سامي علت دقات قلبو وقال : لووناا؟؟
ركان : ما انت يلي عم تاابع حالتا
سامي : فهمني لوونا شبا
ركان : انت وين
سامي : انا ع الساحل ..
ركان : اسف فكرتك بالبلد وبتعرف شو صار مع لونا . وقلت يمكن انت الدكتور يلي عم تراقب وضعا
سامي : فهمني لونا شبااا
ركان : لونا عملت حادث من يومين وهية هلأ بالمشفى وحالتا خطرة
سامي : انت متأكد
ركان : اي .. وانا نازل ع البلد كمان لانو انا كمان بتركيا
سامي : انا فورا نازل ع البلد
____________________
بعد عدة ساعات
فات سامي ع المشفى ملهوف وصل ع الاستعلامات
سامي : رقم غرفة المريضة لونا
الممرضة: دكتور هية بالعناي... تركها وطلع فورا لعند لونا ..لبس تيابو وفات لعندا ... كان وجها مورم كتيرر ... ورقبتها مثبتة رجلا مكسورة ومعلقة .. كانت عم تشخر .. بسبب النوم على ضهرا ..
اخد الملف وصار يشوفو .. اخدن وطلع... وفات ت مكتب الدكتور امجد
سامي : كيفك دكتور
امجد : اهلا دكتور سامي كيفك .. الحمد لله عسلامتك ايمت جيت
سامي : اليوم ..الله يسلمك
امجد : وليش مستعجل ع المشفى
سامي : قلي المريضة لونا شو وضعا
امجد : الملف معك ماشفتو
سامي : مبلا شفتو ..بس شقد الاحتمال
امجد : ٥٠ %
سامي : يعني النص ... وشو الحل
امجد : لحتى تتعافى وتفيق .. اذا كانت فاقدة الزاكرة بنعرضا ع دكتتور نفسي .. واذا لأ مارح نعمل شي ... بس احتمال كبير ماتكون فاقدة الذاكرة لانو النسبة ٥٠%
سامي : طيب وباقي الاصابات
امجد : في رقبتا وفقرة بضهرا .. يعني شهر كامل بدا تضل نايمة بالفرشة
سامي : سبب الحادث
امجد : مابعرف .. بس الواضح حادث كبير وانها كانت مسرعة
سامي : ماعم تفيق
امجد : لا نحنا ماعم نخليها تفيق مشان الضربات يلي بجسما مابتستحمل الوجع... شي يومين بس
سامي : بس لازم تفيق ونعرف اذا متذكرة شي
امجد : اذا بتحب بنقدر نفيقا شوي
سامي : اوك تفضل
امجد : هلأ صعب .. لانو مامن زمان اخدت جرعة منوم والمسكن
سامي : طيب .. انا رايح شوفا
امجد : تفضل جاي معك ..
فاتو لعند ..
امجد : قالو ضارب فيها كميون كبير
سامي : كيف
امجد : طلعت قدامو .. وهو فات فيها .. منيح ضلت عايشة
سامي : معك حق
امجد : انا بالاذن
طلع امجد وسامي قرب وقعد حدا ومسكلا ايدا
سامي : مع انك ما اكترثتي لمرضي ولاحتى جيتي لجنبي ... بس انا مارح اتركك ... وبعرف انك عملتي هيك مشان ضل جنب زوجتي .. شو قلبك كبير .. رح تضلي حبي الاول والاخير
قرب بسلا ايدا وطلع
اتصل بأختو الاء
سامي : الوو .. كيفك الاء ... اي صرنا بالبلد وانا بالمشفى .... لونا صرلا يومين بالمشفى عاملة حادث ... اي اذا بدك تعي شوفيها واتطمني عليها .. اوك سلام
نزل ع الاستعلامات
سامي : لو سمحتي بدي سدد الفاتورة للونا
الممرضة : الحساب مدفوع .. من قبل الشرطة
سامي : طيب ماشي
المسا
وصل ركان ع المشفى .. ومعو مرتو وامو وكانت هنيك الاء وامها ونوال
سلمى كانت واقفة على جنب واتصلت ع الباشق
سلمى : كيفك معلم
الباشق : كيفا لونا
سلمى : بعدا ع حالا
الباشق : ليش عم تتصلي
سلمى : هون الضابط ركان واهلو والدكتور سامي واهلو .. الظاهر اليوم عرفو
الباشق : منيح انو فطنو ... بس الدكتور سامي شو وضعو
سلمى : يمكن اصدقاء مع لونا
الباشق : طيب حاولي تضلي قريبة منون واسمعي ع شو بدن يحكو
سلمى : حاضر معلم
...................
اجا سامي ع العناي وكان الكل واقف برا
ام سامي : امي بدي شوفا
سامي ؛ شخص واحد يلي رح يفوت هلأ معي .. لانو بدنا نفيقا عشر دقايق ..
امل : انا بدي فوت
ركان : انا بدي فوت وافهم منا كيف صار الحادث
سامي : هي اذا متذكرة
ركان : شو عم تقول دكتور
سامي : الاصابة براسها كبيرة .. والعلم عند الله .. تفضل معي ... انتو بس لحتى تنام بتشوفوها واحد واحد
ركان : تفضل
فاتو لعندا وكان تأسير المسكنات عم تروح من جسما وعم تعن من الوجع
وقف ركان وحس بغصة بقلبو عليها ..
قرب سامي منها وبلش يفيقا
سامي : لونا .. لوناا . عم تسمعيني
عم تعن وهية مغمضة عيونا
صار يضربا ضربات خفيفة على وجها ..
لونا : امممم ...امممممممممم
سامي : لونا .. لووونااا
فتحت عيونا غصب .. وكانت الدنيا عم تفتل فيها ...
لونا : اممممممم ... موجوعة ...
سامي : لونا صحصحي
فتحت عيونا منيح واتطلعت عليهن وهية عم تعض ع شفافا وتعن من الوجع
لونا : سامي موجوعة
سامي بفرح : عرفتيني
لونا بصوت تعبان : ليش لحتى ما اعرفك
ركان : وانا مين
لونا : ااااااااااه .... موجووووووعا
سامي : قولي مين هاد
لونا : لك هاد ركان ...بس الحقني حاسة جسمي عم ينفرم ..
الوجع عم يزيد ولونا صارت تصرخ ..: ااااااخ .. اااامممممممم .. يا ربي .. من الوجع حست جسما عم ينفض .. وبدا تقوم ..
سامي : اهدي .. لا تتحركي في كسور بجسمك ..
قرب بسرعة وعطاها مسكن ومهدء بالابرة يلي داخلى على ايدا ..

اتطلعت على حالا ونفخت
لونا : بس انا مارح ضل هون ورح اطلع
الممرضة : طيب مشان تطلعي من هون كلي وقوي حالك
فكرت لونا وقالت بقلبا كلام الممرضة صح ... انا لازم طيب بسرعة .. وكمان لازم استفيد من وجودي هون واقدر اخد معلومات عن الباشق
الممرضة : شو قلتي
لونا : رح اسمع منك .. واكل
قربت الممرضة وحاولت ترفعلا راسا شوي .. وصارت تطعميها ..
_____________
بعد شهر
ركان عند اللواء
ركان : سيدي شو الحل صرلنا شهر ومابنعرف شي عن لونا
اللواء : ركان لاتكون عاطفي كتير .. لونا احتمال تكون ميتة .. ونحنا مارح نوقف شغلنا بسببا
ركان : شو يعني ..
اللواء : ركان يلي بدو يشتغل معنا احتمال ٨٠% بالمية يموت وهو عم يدافع عن الوطن .. ونحنا اكيد مارح ننسى لونا ومساعدة لونا النا .. ورح تكون عند رب العالمين شهيدة ..
ركان : بس
اللواء : ركان بلا بس وكمان احتمال كبير تكون عايشة .. والا مايجي يوم ونمسك الباشق واذا كانت عايشة بنحررا
ركان : حاضر سيدي ... سيدي بدي قول شي
اللواء : شو
ركان : حاسس هالبلد هديانة اخر فترة ومافي اي تحركات لا للباشق ولا لغيرو
اللواء : لانو الباشق .. برات البلد
ركان بصدمة قال : شوو عرفك
تلبك اللواء وتنحنح وقال : من معارفي .. ومن الجواسيس يلي ع الحدود خبرت انو طلع ومعد رجع
ركان : مزال عندك جواسيس وبيعرفو الباشق ليش لهلأ ماوصلنا للباشق
اللواء : هدول بشمشمو الاخبار من بعيد لبعيد ومابجيبولنا الخبر الا بعد مايكون صار .. يعني بعد ماطلع الباشق من البلد خبروني انو طلع ..
ركان : وشو عم يفيدونا هدول
اللواء : بفيدونا كتير .. وكمان حاج تسأل اسئلة مالها طعمة وروح ع شغلك
مشي خطوتين ورجع ركان
ركان : سيدي ممكن سؤال
اللواء : اسأل
ركان : هدول الجماعة .. لما طلع الباشق شافو معو لونا
اللواء : لا ..
ضربلو تحية وطلع .. وهو حيران انو اللواء شو قصتو
_____________________
بالبيت عند الباشق
لونا : اااه ..صعب صعب
الممرضة ريم : لا مو صعب .. لازم تجلسي ضهرك اكتر من هيك ..
كانت منحنية وماسكة حرف التخت عم تحاول ترفع ضهرا ..
ريم : اي رفعي .. رفعي .. لانو الاعصاب من زمان ماحركت بدك شوية وقت وبترجعي متل اول
لونا :صرلي جمعة عم اعمل تمارين فيزيائي ونفس الوجع
ريم : بالعكس كتير متحسنة .. ليكي رجلك عم تمشي عليها طبيعي .. بس ضهرك لسه شوي وبترجع متل قبل
صارت تحاول لحتى صارت واقفة بشكل مستقيم
لونا : اوووه
ريم : يلا رجعي نزلي
لونا : اوووف كم لسه تمرين
ريم : يلا ٣ مو كتير
لونا : ياربي الصبر
ونزلت شوي شوي وهية مستندة ع خشبة التخت
لونا : ريم شو صار مع معلمكن لسه مارجع
ريم : عم يقولو اليوم راجع
لونا : الله لابجيبو
ماردت ريم
لونا : وين كان مقبور مسافر
صوت من وراها قال : كان مقبور بجهنم يلي تاخدك
التفت وكان هو
لونا : هه ذكرو الديب ..
الباشق : شو ماعجبتك شوفتي
لونا : بصراحة ماكتير
الباشق : كنت جاي اتطمن عليكي بس مابتستاهلي
لونا : ماني ناطرة منك شي .
Telegram@rwayate
الباشق : بس الظاهر كتير متحسنة .. هههه وهي صار الي عندك وحدة تانية
لونا : لا تاني ولا تالتة ما الك عندي شي ولاتنسى انو انا مخطوفة عندك ياباشق بيك
الباشق : مابعرفك نكارة
لونا : ماني نكارة بس محدا طلب منك
الباشق : انا ماكنت بدي اخطفك بس خفت من طولت لسانك
لونا : انا لحد الان ماعم افهم عليك
الباشق : بعدين بتفهمي كلشي ..
لونا : يعني رح يجي يوم وتفهمني
الباشق : اي
لونا : بدي اطلع
الباشق اشر لريم انو تطلع
الباشق : رح تطلعي بس مو هلأ
لونا : حاسستك متغير
الباشق : مانو الوقت المناسب ابدا لحتى احكيلك ..
لونا : شو بدك تحكيلي
الباشق : يلي لازم تعرفيه ..
طلع وترك لونا بحيرة كبيرة ..
لونا : شبو هاد .. اكيد مخبي شي ... بس انا لازم اعرفو ..
________________
المسا
فاتت ريم لعند لونا
ريم : خير حضرتك بدك شي
لونا : بدي اطلع من الغرفة
ريم : مستحيل
لونا : روحي خبري الباشق
ريم : هلأ صعب
لونا : ليش
سكتت ريم وماحكت
لونا : شبك شوفي
ريم : عندو ضيوف
لونا : طيب لحتى يروح الضيوف
ريم : ماهو مارح يروحو غير للصبح
لونا : اف .. شو هااضيوف
ريم : ماحلك تفهمي علي
لونا : لك والله ماعم افهم
ريم : ضيوف الباشق بيك نسوان فهمتي
لونا تذكرت انو الباشق انقذا من هداك البيت يعني هو كان زبون وكمان لما اجت لعندو اجت ع شكل بنت ليل
لونا : يلعن قرفو
ريم : الباشق بيك هيك من زمان مستحيل يمر يوم بدون مايجيب بنت
لونا : العما شو مقرف .. ومابخاف يجيه شي مرض
رفعت كتافا ريم بمعنى انو مابتعرف ومادخلا
لونا : المهم بدي اطلع مزالو مشغول طقت خلاقي من هالغرفة
ريم : لكن قومي بدون حس
طلعت لونا وريم برات الغرفة .. وكان في حرس بالممرات وعكل باب
اول حارس شافوه : شو عم تعملي برا .. ممنوع تطلعي برات الغرفة
لونا : اخدت اذن من الباشق بيك وفيك تسألو
صفن وماحكي

صارت تتطلع حوليها انو من وين شافا
نزلت لعندو
لونا : صباح الخير
الباشق : صباح النور اقعدي فطري معي
لونا : سحبت كرسي وقعدت وقالت : انت كم الك عين
الباشق : هههه كتيير .. يلا فطري
لونا : صحة ما الي نفس
الباشق : لا مابصير يلا كلي
اخدت فنجان شاي وصارت تشربو
لونا : شو صار مبارح
الباشق : المفروض انا اسألك
لونا : راسي كان عم يوجعني بشكل مو طبيعي .. وبتذكير اخر شي لما اجيت انت والدكتور
الباشق : اي قال الدكتور انو بسبب الاصابة يلي براسك
لونا : وهيدا الوجع بدو يجيني بأستمرار
الباشق: ماعندي علم ..
لونا : انا طقت خلاقي بدي اطلع
الباشق : رح تطلعي قريبا
لونا : طيب انت شو ناوي
الباشق التفت حوليه وقال بعد نص ساعة بشوفك بغرفتي
ترك السفرة وقام
____________
بعد نص ساعة
دقت عليه الباب وفاتت
حكي فورا
الباشق : في شخص اسمو الغول .. هاد من اخطر المجرمين .. بس لحدا الان مابعرف هويتو ... وبدي واصلو
لونا : وماقدرت توصل لاي طرف خيط
الباشق : مبلا وصلنا .. اخر اتصال طلع من عندو اتبعنا موقع الاتصال وطلع صارد من الفرع الامن الجنائي
لونا بصدمة : من عنا
الباشق : صح .. مشان هيك انا قلتلك بتلزميني
لونا : يعني ؟
الباشق : انا عم حاول اتواصل معو بصفتي الباشق مشان تتوطد العلاقة بيني وبينو ... وبدي اعرف هويتو
لونا : وهو اذا شافك اكيد رح يعرفك
الباشق : مارح كون انا يلي رح قابلو رح ابعتلو حدا من طرفي
لونا : متل ما انت خايف ع هويتك هوكمان
الباشق : اكيد مارح يجي بس اكيد رح يبعت حدا مقرب منو
لونا : ليش شو الصفقة يلي بيناتكن
الباشق : بدي اهديه هدية محرزة واكيد رح يبعت حدا ثقة مشان يستلم هالهدية
لونا : شو هية الهدية
الباشق : مجوهرة ثمينة بتبلغ قيمتها حوالي مليونين دولار
لونا : افف .. ومن وين هالمجوهرة
الباشق :اجتني هدية ههههه
لونا : هههه السارق من السارق ك الوارث عن ابيه
الباشق : بس انا ماني عم اسرق
لونا : دخلك شو بتفرق كل الطرق وحدة .... بس انا شو مطلووب مني
الباشق : اليوم في حفلة وخلالها رح يتم تسليم المجوهرة ....وانا وانتي رح نقعد ورا الكاميرات وبدي اذا عرفتي شي حدا بخص حدا عنكن بالفرع بتقوليلي عليه
لونا : شو مفكرني بعرف كل يلي عنا بالفرع او بعرف حدا بخصن
الباشق : اكيد الغول مانو شرطي او مساعد .. اكيد حدا رتبتو عالية
لونا : مافي حدا رتبتو علية بالفرع عنا غير ركان واللواء
الباشق : وانا حصرا مخصص هالتنين
لونا : ركان مستحيل يكون هو
الباشق : واللواء
لونا : كمان مستحيل
الباشق: اليوم ببين معنا
___________________
المسا
طلعو ركبو بسيارة الباشق ولونا ووراهم سيارات
لونا : مين يلي رح يسلم الهدية
الباشق : شخص موثوق
لونا : بس يكون كبير شوي بالعمر
الباشق: ليش؟
لونا : مشان يكون مقنع اكتر ... انو اذا بعتت شب اكيد رح يشكو
الباشق : لا اطمني شخص مناسب جدا
لونا : ع فكرة انا ليش راكبة معك بنفس السيارة
الباشق: شو مانك حابة تركبي معي
لونا : ليش لحتى حب بس قصدي انو ليش مانك حاطط علي حرس
الباشق : ليش ناوية تهربي
لونا : ممكن ... لانو انا لسه ماوثقت فيك منيح وكل الخرط يلي عم تقلي اياه مافات لعقلي
شحط فرام واتطلع فيها وقال : خرط؟؟؟؟ خرط يا لونا
لونا : اي شو مفكر ممكن صدقك كم كلمة قلتلي اياها وانا اصلا عم سايرك لحتى شوف لوين بدك توصل
الباشق :معك حق ماتوثقي وانا غلطت لما حطيتك بمحل ثقة
صار يزم بالسيارة ..
نزلو رجالو من السيارات يلي وراه واجو لعندو
الباشق : خدوها وانتبهو عليها منيح
Telegram@rwayate
فتحت السيارة ونزلت
الباشق : شكلك تعودتي عهيك معاملة
لونا : هه
______________________
بمكان تاني
واقف اللواء مع واحد
اللواء : بدي تحفظلي ملامح الباشق كتير منيح ... بدي اعرف مع مين عم اشتغل
_امرك .. وغيرو
اللواء : بدي تنتبه منيح كتير ومابدي اي غلط ... ولا تنسى انت هو الغول
_حاضر ... يلا بتوصيني شي
اللواء : لا الله معك وانتبه ع حالك
_____________________
قاعدة لونا بغرف فيها شاشة عم تراقب قداما ناس وحدا الباشق
لونا بمسخرة : وين بدن يلتقو الغول والباشق
الباشق : في غرفة بالطابق التاني رج يجتمعو فيها .. والباشق رح يسلم الهدية للغول
لونا : هه
الباشق : كأنو ماعجبك
لونا : كلو مسخرة بمسخرة يعني ويمكن هو اكيد بيعرف انو هادك يلي هنيك مو الباشق الحقيقي
الباشق : بعمل يلي علي
بعد شوي صارت تفتل لونا ع الكرسي من كتر الملل
الباشق : لونا
لونا : خير
الباشق : انتي ليش مانك مرتبطة
لونا : هه مافي شب بيستاهل ارتبط فيه
الباشق : قصدك مافي شب يستحملك
اتطلعت فيه نظرة طويلة بعدين دارت وجها
حس انو جرحا
الباشق : لونا انا
قاطعتو وقالت : عنجد انا هيك
Telegram@rwayate
الباشق : طبعا لا بس كنت حكيكي متل الطريقة يلي بتحكيني فيها
لونا : بس هو عنجد هيك .. صار عمري ٢٧ سنة وبعدني وحيدة شو السبب ياترى
الباشق : يمكن نصيبك لسه ما اجا

لونا : الله يسلمك
______________
قاعد ركان عم يفطر مع عيلتو .. رن تلفونو
ركان : اي ... اي (وقف على حيلو ) شوووو... عم تحكي جد ....جاااي ... جاي
دلال : شوفي
ركان : لونا بالفرع
دلال : كيف هيك
ركان : مابعرف بس خبروني انها بالفرع رايح شوفا .. يلا بدكن شي
امو : لا بس طمنا شو بصير معك
ركان : ماشي ... ماشي
وصل ركان ع الفرع وهو متلهف لحتى يشوف لونا .. شاف جميل
ركان : وينا لونا
جميل : هلأ فاتت لعند اللواء وقال رح يحكو عن انفراد
ركان : عن شو
Telegram@rwayate
جميل : مابعرف سيدي
ركان : طيب لونا كيف وضعا
جميل : منيحة كتير بس ضفانة شوي
ركان : طيب انا رايح ع مكتبي اول مابتطلع من عند اللواء فورا بتخبرني
جميل : امرك سيدي
____________
اللواء : الحمد لله عسلامتك لونا
لونا : الله يسلمك سيدي
اللواء : شو صار معك احكيلي
لونا : سيدي ببقا بقلك كلشي بس هلأ في شي مهم لازم تعرفو
قعد اللواء وشبك اديه فوق الطاولة وعطا كل اهتمامو لحديث لونا
لونا : سيدي انت بتعرف انو انا كنت محبوسة عن الباشق
اللواء: اي صح .. وللأسف ماقدرنا نوصلك
قاطعتو وقالت : انا بعرف وضعكن .. وماني جاي عاتبكن انا جاي نبهك منو ...
اللواء بينت عوجهو علامات القلق : خير ليش
لونا : سيدي هاد الباشق خطفني لانو كنت بدي اوصفلكن شكلو ... ومشان ماتنكشف هويتيو .. والشخصية الحقيقة للباشق هية انو هو ضابط بالمخابرات واسمو حازم
رجع ع كرسيه من الصدمة وقال : شوووو
لونا : متل ماسمعت .. وهو ناوي يوقعك ... انا شفت ابنك مبارح عم يقابلو .. وبصراحة يلي قابلو ابنك مانو الباشق الحقيقي .. وانا بعرف انك عم تحاول توصلو من خلال هي الطريقة ... بس هو ناوي العكس وشومصلحتو مابعرف .. والمجوهرة يلي عطاكن اياها هدية هي مسورقة من متحف .. ورح يخبر عنك ويجو يمسكوك بالجرم المشهود
مانوو عارف شو يحكي او شو يعمل ..
لونا : سيدي انا طول هالسنين عم اخدم معكن وانا بعرفك منيح كتير ومستحيل شك فيك ولا واحد بالمية .. لا تنطر وتحرك فورا ... خصوصا اذا عرف انو انا هربت ... انا رح اخد دورية ورح عمكان يلي كنت فيه وانت حاول تنفد حالك
اللواء : هالكلب انا جيت بهي الطريقة لحتى وقعو وهو عم يحاول يوقعني بنفس الفخ ... بس ماحزر
لونا: سيدي شو ناوي تعمل
اللواء : خدي دورية كبيرة وروحي شوفي... اقتحمي المكان وبدي اياه عايش .. وانا عندي شغل بخلصو ولما اجي

بدي اسمع اخبار حلوة
لونا : امرك سيدي ...
ضربتلو تحية واجت بدا تروح بس وقفت عند الباب .. التفتت لعندو ..
اللواء : في شي لونا
لونا : اي .. بصراحة بدي ضمك
راحت لعندو ضمتو
لونا : الله يخليلنا اياك فوق راسنا وعراس الجميع
اللواء : شكرا كتيير يابنتي
طلعت والابتسامة على وجها .. وفاتت فورا عمكتب ركان بدون ماتدق
لونا : سربرييييسس
قام ركان وهية راحت ضمتو
ركان : اشتقتلك .. اشتقلك ياشقية
لونا : وانا كمان .. كتيير شتقتلك ...
ركان : الحمد لله عسلامتك
لونا : الله يسلمك يارب
بعد عنها ومسكا من كتافا وقال : انتي منيحة ... فيكي شي
لونا : لا لا .. انا كتيير منيحة ..
شافت باكية دخان ع الطاولة بسرعة اخدتا وسحبت سيجارة
ركان : شو هاد
لونا : رح موت ع وحدة ..
Telegram@rwayate
ركان : المهم هلأ حكيلي شو صارمعك بالتفصيل
لونا : امشي بحكيليك ع الطريق ..
ركان : ع وين
لونا : نداهم المكان يلي كنت فيه .. لانو انا هربت وان شاء الله مايهربو
ركان : الباشق ؟؟
لونا : هو بعينو
طلعت هية وركان عم وهية عم تحط مسدس ع خصرا .. اجا جميل
جميل: سنتا تفضلي هاد موبايل وبقلبو شريحة سيم ...
لونا : ميرسييي .. والدورية ؟؟
جميل : الكل ناطر بالسيارات
طلعو لعند السيارات .. قرب ركان ليفتح سيارتو ..
لونا : ركان ممكن
ابتسم وقال : اكيد
رمالا مفاتيح السيارة .. راحت ركبت ورا المقود وهو ركب جنبا
__________________
بسيارة اللواء
ماشي بسرعة ...
اللواء : الووو ياباغل ... بسرعة خود المجوهرة يلي معك واسبقني ع المستودع ..
نورس : خير بابا
اللواء : الباشق .. طلع ضابط بالمخابرات وبدو يوقعني .. بسرعة طلاع من البيت واسبقني ع المستودع ..
نورس : حاضر .. حاضر ..
__________________
وصلو عفيلا الباشق مبين عليها الهوء ومافيها لاحرس ولا اي شي
لونا : الظاهر هربو
ركان : بركي متخبين جوا وعامليلنا كمين
لونا : لا بس خلينا ننزل شو خسرانين
نزلو وفاتو ع الفيلا كانت فاضية فتشوها منيح مالقو شي .. ورجعو ع السيارات
لونا : ركان بتعرف انت ضابط اسمو حازم بالمخابرات
ركان : اكيد بعرفو بس بعرفو بالاسم ... وجهو مابعرفو وهو بضل متخفي مشان يمسك المجريمين ... بس متمني التقي فيه قد مابسمع عنو
لونا : الباشق هو حازم
ركان : شووووو
لونا : هههههه اي هو
ركان : يعني الباشق مجرم
لونا : اي مجرم ... من كم يوم لما اتصلت فيك كنت بدي خبرك عن اسمو بس ع ثانية كانو فوق راسي
ركان : ماعم صدق .. انتي اكيد مخربطة .. لك هاد الضابط صاير ملقط نص مجريمن البلد ...
لونا : اي صدق ... وهلأ بدي اصدمك بشغلة تانية
ركان : شو هية
لونا : هلأ بتعرف كلشي
وتابعو مشيون بالسيارات
_____________________
بالمستودع
اللواء واقف هو ونورس
نورس : شووو في بابا
اللواء : الضابط حازم يلي من المخابرات هو الباشق
نورس : شوووو
اللواء : متل ماسمعت
نورس: مين خبرك
اللواء : هههه الغبية لونا .. كانت مخطوفة عندو وفكرت انو هو المجرم .. اجت تنبهني منو
صفن نورس وقال : يعني هو عرف انها هربت وعرف انها رح تجي وتحذرك ... يعني انت هلأ مراقب ... ليش جبتنا ع المستودع
اللواء : ههههه مابتعرف انت شو عم خطط .... انا بعرف اني مراقب مشان هيك جينا ع المستودع .. هو ناوي يوقعني بس غلطان .. لما يجي انا محضرلو فخ ورح لبسو كلشي بالمستودع الو ورح اطلع انا البطل وهو المجرم ... وهيك بكون تغديت فيه قبل مايتعشى فيني
نورس : هههه طوول عمرك كبييير ياابو نورس
اللواء : يلااا خلينا نطلع البضاعة ع السيارات عأساس عم نهرب
نورس : يلا انا رح قول للشباب ..
وبلشو يطلعو البضاعة بالسيارات ..
كان حازم مع رجالو من المخابرات عم يراقب من بعيد ... وكل شوي يتطلع ع الهاتف ... اجتو رسالة ابتسم وقال : يلاا تحركو
راح هو ورجالوو وحاوطو المستودع
نزلو وهنن مسلحين وهجمو عليهم
اللواء ورجالو ماقاومو ابدا ..
حازم : شو رأيك بهل المفاجئة ياحضرة اللواء
الواء : ههههه كنت ناطرك
حازم صار يتطلع حوليه فجأة لقى المكان وراهن رجال مسلحة .. وقربو وحطو الاسلحة براس رجال المخابرات
اللواء : هههه انا لواااء ولااااك ... وبعرف منيح كيف بفكرو يلي متلك .. وعرفان انك بدك توقعني بس وحياتك مو علي ... ومتل ما انت كنت بدك تمسكني بالجرم المشهود .. ببساطة بخليك انت المجرم
حازم : شو نسيان انو معي كلا رجال من المخابرات
اللواء : ههههههههههه بموتو اثناء الاشتباكات
حازم : ايو اشتباكات
الواء : يلي مارح تصير ههههه
حازم : وكيف بدك تظبطا هية ياحضرة اللواء
Telegram@rwayate