زينة : الله يخليلي ياك .
___________________________________
#بقلم_فتاة_من_ورق_بسمه_السباعي
باليوم التاني
*بعد ما رجعت من المكتبة جهزنا حالنا و نزلنا لعند وفاء ...
فادية : شو لسا مافي حدا ؟
وفاء : اي هلأ بيجو .
ميس : عزمتي زينة ؟
وفاء : عزمتها ورح تجي .
حلا : اي زينة حبيبة ميس .
ميس : بلا مسخرة حلا .
وفاء : فادية تعالي شوفيلي هيك الضيافة مرتبة .
*بلشو يجتمعو الضيوف لحتى تعبت الغرفة عالم ...
وفاء : يا مية اهلا وسهلا شرفتوني .
هالة : من زمان حابين نزورك بس بتعرفي مشاغل الحياة .
وفاء : الله يوفقكم ، شو غزل وينها امك ؟
غزل : على الطريق ماعاد الا توصل .
وفاء : توصل بالسلامة ، كيفك زينة ليش ماعم نشوفك ؟
زينة : الصبح بكون نايمة و لما بيرجع ايهم منطلع من البيت يعني وقتي ضيق .
وفاء : الله يسعدك .
زينة : امين .
وفاء : الباب عم يندق هي اكيد امك غزل .
ام رؤوف : مرحبا .
وفاء : اهلا و سهلا ليش تأخرتي ؟
ام رؤوف : غديت ابو رؤوف و الاولاد و اجيت .
وفاء : الله يعطيكي العافية ، تفضلي تفضلي .
ام رؤوف : الله يزيد فضلك ، مرحبا يا صبايا .
فادية : اهلا وسهلا .
وفاء : بعرفكن على خالتي بتكون امها لغزل .
حلا : تشرفنا .
فادية : تشرفنا بمعرفتك .
حلا : ميس تركي هاني هلأ و رحبي بالمخلوقة .
ميس : حاضر .
*رفعت راسي لرحب بخالة وفاء و اول ما اجت عيني بعينها حسيت بخجل و توترت ...
ميس : تتشررفنا .
ام رؤوف : مو انتي ميس ؟؟
ميس : اي انا .
ام رؤوف : هههه اهلا و سهلا فيكي .
ميس : اهلين .
فادية : من وين بتعرفو بعض ؟؟
ام رؤوف : بعرس سلفها لوفاء تعرفت على ميس .
ميس : اي صحيح .
*زاد التوتر على اختي .. قربت منها و حكيت بهمس ...
حلا : مو هي يلي قالتلك السحاب نازل ؟
ميس : اي هي اسكتي هلأ مشان الله .
وفاء : يا مية اهلا و سهلا تفضلو يا جماعة مدو ايدكن الاكل على قد المحبة .
زينة : انا بدي اعتذر منك مو قادرة اكل شي .
وفاء : ليش خير ؟؟
زينة : كلو خير الحمدلله تعبانة شوي من الحمل .
وفاء : انتي حامل !!
زينة : اي .
فادية : الف مبروك الله يتمملك على خير .
ميس : رح يصير عنا بيبي بالبناية .
ام رؤوف : الله يقومك بالسلامة .
وفاء : عن اذنكن .
*تركت الضيوف و ركضت عالمطبخ حسيت حالي مخنوقة و دموعي صارت تنزل غصب عني...
#أوراق_من_هذا_الزمن
#الجزء_السابع
#بقلم_فتاة_من_ورق_بسمه_السباعي
*تركت الضيوف و ركضت عالمطبخ حسيت حالي مخنوقة و دموعي صارت تنزل غصب عني...
غزل : عن اذنكن يا جماعة شوي و برجع .
*بعد لحظات حسيت حدا لاحقني عالمطبخ .. مسحت دموعي بسرعة...
غزل : وفاء شبك ؟
وفاء : ولا شي .
غزل : عم تبكي ؟
وفاء : خلينا نرجع لعند الضيوف ما حلوة نتركهن .
غزل : متل ما بدك .
*رجعت على غرفة الضيوف قعدت و ابتسمت لحتى ما حسس ضيوفي بشي .. و بعد ساعة رجعو على بيوتهن ....
___________________________________
#بقلم_فتاة_من_ورق_بسمه_السباعي
ميس : انتبهتو على وفاء كيف انصدمت لما عرفت انو زينة حامل ؟
فادية : لا ما انصدمت كانت طبيعية كتير .
حلا : بكل الأحوال الله يبعتلها اخ او اخت لهاني .
فادية : آمين .
حلا : انا رايحة بدل تيابي .
ميس : وانا كمان .
فادية : ضبو تيابكن يلي بتبدلوهن ما ترموهن كالعادة .
حلا : حاضر .
*دخلت على الغرفة طالعت بيجامتي و صرت رتب خزانتي ...
ميس : حلا انا كتير خجلانة من خالتها لوفاء .
حلا : ليش تخجلي انتي بس عرفتي عن حالك .
ميس : بس انتي بتعرفي شو فكرت لحتى عرفت عن حالي .
حلا : ميس لا تفكري كتير بالموضوع بالنهاية هي مجرد انسانة عابرة بحياتك ويمكن ماعاد تشوفيها بعمرك .
ميس : هيك رأيك .
حلا : اي ، هلأ يا ريت تخجلي من منظر خزانتك و ترتبيها احسن ما خجلانة من وحدة الله عليم ايمتا لتشوفيها تاني مرة .
ميس : طيب رح رتبها .
*وقت النوم هو الوقت يلي منحن فيه لذكرياتنا الحلوة بالماضي و بنفس الوقت منفكر بمستقبلنا كيف رح يكون وشو رح يصير فيه .. بهاد الوقت بذات بتذكر حازم نظراتو ، هدوءو و طريقة حكيو ، كلشي فيه سرق قلبي و صرت متأكدة اني حبيتو ....
___________________________________
#بقلم_فتاة_من_ورق_بسمه_السباعي
بصباح اليوم التاني
طلال : حبيبتي لا تنطريني عالغدا رح اتأخر اليوم .
فادية : يعني أيا ساعة بترجع ؟
طلال : للتسعة المسا .
فادية : الله يقويك و يرزقك .
طلال : بتوصيني شي ؟
فادية : انتبه على حالك ، الله معك .
*سكرت الباب بنفس اللحظة رن تلفوني....
**************************
فادية : الو .
وفاء : صباح الخير .
فادية : صباح الورد .
وفاء : اسفة اتصلت فيكي بهالوقت .
فادية : ولو وفاء انتي بتتصلي بأيا وقت .
وفاء : بدي احكي معك بموضوع بيخص ميس .
فادية : خير ؟
وفاء : بتتذكري خالتي امها لغزل يلي كانت عندي بالجمعة .
فادية : اي بتذكر .
وفاء : بدها تجي تزوركن لانها حابة تخطب ميس لابنها .
فادية : اهلا وسهلا فيها .
وفاء : في