وفاء : ماعم صدق كل هاد .
مراد : وين اكتر صالون بتحبي تروحي عليه ؟
وفاء : بحارتنا .
مراد : تمام .
وفاء : ليش عم تسأل ؟
مراد : لانو بدي وصلك عليه مشان تعملي تسريحة لشعرك يا عروس .
وفاء : هههه عروس ؟!
مراد : اي عروس .
وفاء : وانت وين بدك تروح ؟
مراد : بنطرك عند الباب .
وفاء : طيب بس يمكن ضل ساعة .
مراد : ضلي قد ما بدك بنطرك .
وفاء : وقف السيارة وصلنا .
مراد : انزلي .
وفاء : روح تطمن على هاني ما تضل ناطرني .
مراد : خلص ما تشيلي هم انزلي انتي هلأ .
وفاء : حاضر .
___________________________________
#بقلم_فتاة_من_ورق_بسمه_السباعي
*راحت عمتو لقاسم .. وقفت امي قبالي معصبة...
فادية : شو هاد يلي عملتيه ؟
حلا : شو عملت ؟
فادية : هيك بتقلبي وجهك بعمتو للعريس ؟
حلا : ما قلبت وجهي بس كنت خجلانة .
فادية : مفكرتيني غبية ؟ بدل ما تحمدي ربك انو اجاكي خطابين لا و العريس دكتور مو حيلا .
حلا : شو اعملو و اذا دكتور .
فادية : ليش هيك عم تحكي شو ناوية تعنسي ؟؟
حلا : كل القصة انو انا ما مرتاحة لهالجماعة افهميني .
فادية : لسا ما منعرف خيرهن من شرهن .
*كانت امي معصبة و عم تحكي بصوت عالي .. دخل ابي عالبيت....
طلال : شبكن ليش صواتكن واصلة لتحت ؟
فادية : من بنتك قليلة الذوق .
طلال : شو صاير ؟
حلا : عن اذنك بابا هلأ امي بتفهمك كلشي .
*رحت على غرفتي .. تغطيت و غطيت وجهي و بكيت .. بكيت من حبي يلي بدون امل .. ليش حبيت انسان ما بيحبني ؟ او بالأصح ما بعرف اذا بيحبني .. ليش القدر هلأ بعتلي هالعريس ؟ كتير اسألة ببالي ما كان الها جواب و ما كان في حدا يفهمني ولا يمسح دمعتي....
طلال : اي طولي بالك عالبنت بتكون متوترة .
فادية : طلال حلا اجتماعية بتبسم بوجه الكل ليش يعني اليوم ما عذبت حالها و ابتسمت ولا شوي
طلال : قلتلك متوترة او خجلانة اعذريها و روقي عليها .
فادية : خير ان شاء الله ، رح جهزلك العشا .
طلال : لا مو جوعان .
فادية : متل ما بدك ، صحيح ايمتا نستقبل العريس و عمتو لازم انت تكون موجود .
طلال : بكرا شو ؟
فادية : تلاتا .
طلال : تمام منستقبلهن بكرا الساعة ٦ .
فادية : متل ما بدك .
___________________________________
#بقلم_فتاة_من_ورق_بسمه_السباعي
*بعد ساعة ونص ...
وفاء : مراد انا جاهزة .
مراد : اي حبيبتي اطلعي انا عند باب الصالون .
وفاء : يلا طالعة .
*طلعت من باب الصالون شفت السيارة مزينة بالورد ...
وفاء : شو عامل ؟ هلأ اهل الحارة بيقولو زوج وفاء تزوج عليها .
مراد : ههههه يقولو شو ما بدهن المهم انتي تكوني سعيدة .
وفاء : اي بس بالي مشغول على هاني .
مراد : قبل شوي حكيت مع امك و خبرتني انو نايم .
وفاء : يا عمري .
مراد : يا عمري انتي مأحلاكي .
*بعد دقايق وصلنا عالبيت ....
مراد : تفضلي .
وفاء : ورد ؟! ايمتا لحقت تعمل كل هاد ؟؟
مراد : هههه وانتي بالصالون .
وفاء : ماعم صدق عيوني مراد ماعم صدق انو هاد انت وهي حياتي .
مراد : صدقي يا عمري الله يقدرني اسعدك اكتر و اكتر .
*كان البيت مليان ورد و شموع .. حسيت حالي عم احلم .. و الفستان يلي لبستو رغم بساطتو شفتو احلى فستان بلبسو بحياتي...
___________________________________
#بقلم_فتاة_من_ورق_بسمه_السباعي
بصباح اليوم التاني
*نزلت من البيت و رحت عالكفتيريا لشوف حازم .. قعدت و نطرتو ...
حازم : صباح الخير .
حلا : صباح النور .
حازم : اول مرة بجي بلاقيكي ناطرتيني .
حلا : فعلا ناطرتك لانو بدي احكي معك .
حازم : احكي عم اسمعك .
حلا : الحكي يلي بدي قولو صعب عليي و على أيا بنت تحكيه بس رح احكيه وشو ما بدو يصير يصير .
حازم : تفضلي .
حلا : حازم انا بحبك ، انت كلشي حلو بحياتي ما بعرف كيف حبيتك بس يلي بعرفو انو ماعم اقدر وقف عن التفكير فيك و هلأ جايني عريس انا ما بدي ياه و ما بدي أيا حدا بهالدنيا غيرك .
حازم : حلا انتي بعدك صغيرة و انا اكبر منك ب12 سنة ، طيش الشباب خلاكي تتخيلي حالك بتحبيني بس هو مجرد اعجاب بينتهي مع الوقت ، تزوجي اذا العريس مناسب الله يوفقك و يتمملك على خير .
*كلمات حازم شعلت النار بقلبي .. دمعت عيوني و قمت من مكاني و مشيت بدون ما رد ولا كلمة....