📚قصص||روايات||منوعة📚

#الجزء_1

عم تضحك وتنط متل الأرنب من فرحتها واختها عم تضحك ع ولدنتة
_أختها سحر لك بكفي تنطي هلأ بينقطع نفسك
_ليال لك خلي ينقطع ولله كتير فرحانة لك م عم سدق وأخيرا خلص عسكريتو واجا لك اي اجا لح يجي وشوفو اخيرا
_سحر ولله يا اختي م عرفتك هالقد بتحبيه
بتنزل من عن التخت وبضم أختها
_ليال مو بس بحبو بموت فيه
_سحر طب انتي بتحبيه هو شو مشاعرو تجاهك بتعرفي
_ليال م بعرف اذا بحبني بس بعرف اني بحبو
_سحر بضحكة وربي ومجنونة خلينا نروح ناكل امشي
بروحو ع سفرة الأكل وبجتمعو عيلة ليال سوى (ليال عليتها مؤلفة من ٦ اشخاص تنين شباب وليال وسحر سحر عمرها ١٧ وياسر اخوها الكبير ل ليال عمرو ٢٠ واخوها التاني عمر عمرو ١٩ وابوها وامها عيلتهم كتير لطيفة )
الكل بيتنبه ل ليال انو كتير مبسوطة ومو سايعتها الفرحة
_أبوها بمكر بنتي فرحينا معك
_ليال اه اي مو شي ضروري افرح اذا عندي شي
_ ياسر اي يا عمي مو ضروري وبيغمزها
_ليال بزورة ياسر خليك بحالك
_أبوها خلص يا شباب كملو اكل
بكملو اكل وبصير المغرب
_ليال بابا ايمت لح نروح نبارك لعمتي بتسريح ابنها من العسكرية
_أبوها فهم عليه ولله انا م بدي روح لأن تعبان اليوم بلكي بكرة منروح
_ليال لاااا شو بكرة قصدي انو يعني مو حلوة انو نروح بكرا
_أبوها بضحكة اي حاضر قومو جهزو حالكم يلا
وليال من الفرحة قامت تنط وركدت ع ابوها وصارت تبوسو وهي تضحك وبعدا ركدت تجهز حالا
_أبوها بقلبو الله يدوم الضحكة ع وجهك يا بنتي ويتمم فرحتك ع خير
بروحو وهي طايرة من الفرحة واول م بدقو الباب بيفتح هو حسن هي لما شافتو قلبها طار من الفرحة وتلبكت كتير
_حسن هلا بالخال ولله نورتو تفضلو تفضلو
_ابوها نشالله ألف مبروك وعقبال م نفرح فيك يا رب
ليال بتخجل كتير وحسن ضحك
_حسن اي الله يسمع من تمك ي خال
ببلشو يباركو لبعض ويحكو عن حياتهم اليومية وبعدا حسن بيحكي كلمة شلت قلب ليال

#الجزء_2
_حسن م بدك تباركلي ي خال خطبت
كانت ساعقة بالنسبة ل ليال كأن حدا شل حركتها شل دموعها تجمعو بعيونا البنية ونتبه عليها عاصم اي عاصم بكون خيو ل حسن وبحب ليال كتير بس ليال مو منتبه انو بحبها
_ابوها بقهر الف مبروك يا ابني
_حسن الله يبارك فيك خال
وبحضن خالو بفرح بس و كان زعلان ع بنتو يلي قلبها نكسر
ليال م تحملت اكتر طلعت ع البلكونة ونزلو دموعها شلال كانت بتبكي بحرقة اجت اختها وضمتها وصارت تهديها وعاصم كان واقف بشوفها وقلبو كان بيتقطع عليها
بيمر هاليوم يلي كان متل الموت ل ليال وبعدا بروحو ع بيتهم
وليال دخلت غرفتها مكسورة الخاطر بتتمدد ع تختها وبتغرق بدموعها وابوها كان عم يتقطع قلبو عليها بعدا بيمسك تلفونو وبيتصل ع حسن
_حسن حيالله بالخال
_أبوها حسن انا عتبان عليك
_حسن له يا خال معقول تعتب عليي انا شو عملت
_ابوها هيك لكن بتخطب وم بتقلي
_حسن ولله ي خال حقك عليي بس الشغلة صارت بسرعة وانا حبيتها ولهيك فورا خطبتها بس لح تجو ع العرس ترى اذا م بتجو لح ازعل
_أبوها ع التيسير بصير خير
بسكر التليفون وبروح لعند ليال يفوت ع الغرفة بقرب منها بشوفها نايمة بيطبع بوسة ع جبينها وبيهمس
_أبوها سامحيني لأن م قدرت اجمعك مع يلي بتحبيه راح
وانا لما سمعت كلامو غرقت ببحر دموعي نحرق قلبي كنت عم ابكي طول الليل وفقت الصبح عيوني مورمة من البكا وراسي كان بيوجعني كتير
رحت خلصت شغلي واجيت فوت غرفة القعدة بسمع امي بتحكي ع التلفون مع عمتي
_امي ولله م بعرف تركيها ع التيسير منشوف يمكن نقدر نجي
وانا طق قلبي من الوجع دخلت غرفتي وصرت ابكي بعدها دخلت اختي وشافتني بكيت معي من زعلها عليي

#الجزء_3

بمر يومين وبصير يوم العرس لكل بجهز حالو الأ انا كنت مقهورة وم بدها تروح
_امي لك بنتي قومي جهزي حالك هلأ متنأخر
_ليال ماما تركيني منشان الله ولله تعبانة
_امي لك بنتي شو صاير معك
_بابا خلص تركيها بقا
_امي شو أتركها يعني تبقا لحالها بالبيت
_بابا لا م لح تبقى لحالها انا بضل معها
_امي انت بتعرف انو حسن م لح يخطب بدونك
_بابا اذا سئلك عني حكيلو اني ليال تعبانة ولهيك بقيت معها
وانا كنت متل الميتة م عم استوعب شي رحت ع غرفتي وتمددت ع تختي وحاولت خبي شهقاتي
بتدخل اختي لعندي وبتحاول تهديني
_سحر ولله لو فيي ابقا كنت بقيت بس عمتك معندة انو نجي
_ليال بحرقة ولا يهمك اختي انتي روحي وغطي ع غيابي
بروحو ع الحفلة وابوها بيدخل لعندها بيقعد جنبها وبصير يمسح ع شعرها
_بابا بكفي تعملي بحالك هيك الله بكون بالعون يا عمري
ببرم لعندو وبضمو وببكي وهو بهديني بضلني بحضنو عم ببكي وضل يهديني غفيت بحضنو وبعد شي ساعة ندق الباب صحيت من النوم تطلع عليي بابا وحكالي كملي نومتك
قام وفتح الباب واجاني صوت حسن
_حسن هيك يا خال بدك اتزوج بدونك
_بابا ولله يا ابني بنتي مريضة وم خرج اتركها لوحدها بالبيت
حسيت حالي سخنت وحرارتي رتفعت
_حسن خير شو صاير معها سلامتها
_بابا ولله شوية كريب وسخونة
_حسن اي وينها هلأ
_بابا بغرفتها
_حسن فيي شوفها
_بابا م بعرف بس شوف اذا نايمة او لأ ثواني
بيدخل البابا لعندي بشوفني صحيانة
_بابا بنتي حسن بدو يشوفك بدخلو ولأ لا
_ليال بابا بترجاك م بدي خلص انت روح انا منيحة
_بابا مستحيل اتركك لوحدك
_ليال بترجاك بابا روح م بدي يشوفني بهالحالة
_بابا بس يا بنتي
_ليال بحرقة لو سمحت روح
_بابا بيتنهد طيب لح روح بس ديري بالك على نفسك
بيطلع لبرى وبسئلو حسن
_حسن شو نايمة
_بابا اي نايمة بس صحت لما دخلت الغرفة واصرت اني روح
_حسن طيب هي شلون صارت
_بابا بعدها تعبانة بس تحسنت شوي عن مبارحة يلا خلينا نمشي
_حسن طيب بس خليني شوفها
_بابا طيب لح احكيها تحط شال ع راسها
اجا بابا وحكالي بدو يشوفك رفضت بس كان خايف عليي فتح باب غرفتي وشافني ابتسم
_حسن لولو كيف صرتي
_ليال بحاول خبي حزني منيحة الحمدلله
_حسن بقرب وبقعد جنبي صغيرتي تعبانة يا عمري عليكي العافية
_ليال بقهر الله يعافي قلبك مبروك جوازت الدهر
_حسن بفرح الله يسلمك يا البي وعقبال م شوفك عروس
حسيت قلبي نشل من كلمتو

‏ ‏ #الجزء_4

بروحو وانا غرقت بدموعي بعدها بيتصل فيني عاصم ليش هاد عم يتصل شوفي كمان برد
_ليال بتعب اي عاصم
_عاصم كيف صرتي قلقت عليكي انتي منيحة
_ليال اي صرت احسن
_عاصم ليال انا قريب من بيتكم لح اوصل
_ليال عاصم لا تجي م في داعي انا صرت منيحة
_عاصم معلش بدي اطمن عليكي
سكر الهاتف وبعد دقايق ندق الباب قمت وانا حيلي مهدود حطيت شال عراسي وفتحت الباب تطلع عليي وشافني كيف تعبانة
_عاصم وبتحكيلي انك منيحة تطلعي ع حالتك وبيدخل
_ليال عاصم بربك خلص روح م طايقة حالي
_عاصم ولا حرف تعي معي
بيخادني ع الغرفة وبيطلع دوا
_عاصم خدي شربي هاد الدوا لح ترتاحي
_ليال م بدي بكره الدوا
_عاصم مو ع كيفك يلا لشوف
بشربني ياه بالغصب وبعدا بيلمس جبيني بشوف عليي حرارة
_عاصم اوف عليكي حرارة ستني لح جيب مي وقماش
_ليال بتعب عاصم روح انا منيحة
_عاصم قلتيلي منيحة اذا الكلام بتحكي بتعب تمددي لشوف يلا
_ليال عاصم خلصنا بقا روح م بدي
بمددني بغصب عني وبصير يبلل القماش ويخليه ع راسي وانا من التعب نمت م حسيت ع شي بعدها صحيت بالليل الساعة ٣ شفت بابا نايم جنبي شلت القماش من ع راسي وتطلعت عليه وهو صحي
_بابا ليال البي كيف صرتي
_ليال انا منيحة بس شو صاير
_بابا كان هون عاصم عم يعملك كمادات ماء لحتى تنزل حرارتك وانا م طولت جيت وشفتو كانت حرارتك نازلة قعد شوي وبعدها راح وانا ضليت جنبك خفت ترجع الحرارة
_ليال يعني عاصم ضل هون لحتى نزلت حرارتي
_بابا اي بنتي
انا ستغربت كتير ليش ليبقى جنبي ويهتم فيي بس م كنت بعرف انو بحبني كنت مفكرة انو بيهتم فيي لأنو نحنا متل الأخوات وبس

#الجزء_5

فقت الصبح جسمي كلو واجعني كانو كل عيلتي جنبي بيهتمو فيي بس م جابو سيرة لحسن بنوب وبعد الضهر اتصل عليي عاصم
_عاصم كيف صرتي نشالله احسن
_ليال اي احسن الحمدلله لأيمت ضليت عندي
_عاصم ضليت حوالي ساعتين وبعدها اجا ابوكي
_ليال تعبتك معي م كان في داعي يسلمو كتير
_عاصم بلا غلاظة هلأ بعد شوي لح اجي شوفك امي كان بدها تجي بس بتعرفي انتي هلأ في عنا ضيوف كتير
_ليال ولا يهمك عادي وانت م في داعي تعذب حالك تجي انا منيحة
_عاصم يعني تقليعة بالمعروف م بدك اجي
_ليال له يا عاصم معقول قلعك لك انت اخي
حسيتو نزعج كتير من كلمتي
_عاصم بعصبية اي اي اخوكي
سكر الهاتف وبعد اجت اختي
_سحر كيف صرتي
_ليال الحمدلله احسن
_سحر ...............
_ليال في بتمك حكي احكي
_سحر بصراحة
_ليال اي بصراحة
_سحر عاصم بحبك
_ليال بلا غلاظة نحنا اخوة
_سحر اختي انتي لأيمت لح ضلي تفكري هيك لسا كل حدا بتفكري اخوكي اصحي بقا
_ليال ليكي اختي عاصم متل اخي ومستحيل يكون غير هيك انا بعرفو
_سحر أخ منك بس يلا قومي جهزي حالك لح يجو بيت عمك
بجهز حالي وبعدا بيجو بيت عمي بستقبلهم وبعد شوي بيندق الباب بروح بفتح ولا عاصم
_ليال عاصم تفضل اهلا وسهلا
_عاصم في حدا عندكم
_ليال اي في بيت عمي
_عاصم يلا لكن بجي بغير وقت بس حبيت اطمن عليكي
_ليال لك بلا غلاظة فوت يلا
_عاصم لا خلص بغير وقت يلا سلام
بروح عاصم وبقعد مع بيت عمي بعدا رحنا انا وبنت عمي مها ع غرفتي
_مها يا البي انتي الله يعوضك بالاحسن
_ليال حتى لو م لح حبو متل م حبيت حسن
_مها لا تحكي هيك يمكن هيك احسن وعسا ان تكرهوا شيئا وهو خير لكم
_ليال ونعم بالله
مها بنت عمي وانا وهي من نفس العمر كتير قراب من بعض ع عكس اهلها كلن بكرهوني
بعد وقت بروحو بيت عمي وبيتصل حسن ع بابا
_حسن كيفك خال هيك يا منضوم بتروح من دوم م تحكيلي
_ابي ولله يا ابني نشغل بالي ع ليال خفت يكون صاير معها شي
_حسن طيب كيف صارت هلأ نشالله احسن
_ابي لا الحمدلله تحسنت شوي
_حسن طيب وينها عطيها الهاتف بدي عرفها على حلا(حلا مرتو تعرف عليه ايام العسكرية )
انا اشرت ل بابا انو نايمة
_ابي ولله يا ابني نايمة
_حسن يلا سلم عليه
بصيرو يحكو

#الجزء_6

كانت الأيام بتمر بسرعة وحسن يجي كان لعنا وانا كنت حاول اتجنب القعدة معن يجي يسهر عنا وانا م اطلع اقعد معن دائما اشغل حالي بشي وبيوم من الأيام بالليل كنا سهرانين ع السطح كلنا بيندق الباب وبابا حكالي فتحي الباب نزلت وفتحت الباب كان حسن ومرتو لما شفتو غص قلبي
_حسن كيفك لولو وين م عم نشوفك
_ليال تمام ولله مشغولة تفضلو
_حلا مرحبا كيفك انا بكون مرتو وانتي يا حلوة
_ليال بألم انا بنت خالو
_حسن ليال بتكون صغيرتنا ومدللتنا هيا عاشت ايام طفولتها عنا كنا دائما انا وعاصم نلعبها ونهتم فيها متل زينب أختي
قلبي وجعني من كلامو
_حلا امممم معناتو كل اسرارك عند ليال شو ليال وبتغمزني
_حسن اسرار شو م انا اول حدا حبو قلبي هو انتي
نار وشعلت بقلبي من حكيو
نزلو اهلي وستقبلون وانا دخلت غرفتي وصرت ابكي نحرق قلبي بعدها اتصل عليي عاصم مسحت دموعي ورديت
_ليال اي عاصم
_عاصم شبو صوتك انتي بكيانة
_ليال بحرقة لا مو بكيانة في شي
_عاصم اتصلت عليكي لأنو جاي انا وامي لعندكم جهزي حالك
_ليال أهلا وسهلا بس ليش لجهز حالي
_عاصم بتلبك اه اي بس نجي بتعرفي
_ليال عاصم شغلتلي بالي في شي
_عاصم لا ولا شي ليكي انا شوي وبوصل سلام
بسكر الهاتف وانا كنت بدوامة اسئلة قمت وجهزت حالي لبست فستان نيلي ديق من الصدر والخصر وحطيت شال أبيض وطلعت من الغرفة اختي لما شافتني ستغربت
_سحر اختي لا تعزبي حالك اكتر روحي ع غرفتك وانا لح احكيلهم انك مشغولة
_ليال بدي قوي حالي وحاول انسى لهيك لح أدخل واي زكرتيني جاي عاصم وعمتي
_سحر شو عرفك بعدين ليه م اجو مع حسن
_ليال من شوي حكاني عاصم وقلي لح يجي بس حكالي جهز حالي
_سحر شو يعني لك ليكون جاي يطلبك من بابا

#الجزء_7

_ليال اختي بلا حكي فاضي كم لح قلك انو نحنا اخوة وهو م بفكر فيني غير هيك
_سحر اذا حسن بفكر انو انتي اختو ف هاد الشي م بيعني انو عاصم لح يفكر هيك عاصم بحبك فهمي بقا
_ليال بكفي اختي ولله انا تعبت
ونحنا عم نحكي بيندق الباب بروح بفتح بكون عاصم وعمتي
_ليال تفضلو أهلا وسهلا
بدخل عمتي وبتصير تبوسني وضمني
_عمتي شتقتلك كتير لوليتي تعي لحضني يا بنت الغالي تعي
عاصم كان بيشوفني وبيتئملني بعدا بيدخلو وبيتفأجو بوجود حسن ومرتو
_عاصم انتو هون
_حسن بضحكة اي وانتو هون
صارو يضحكو بس عاصم كان باين عليه علامات الأنزعاج بسهرو عنا وبعدها بروحو بدخل ع غرفتي وتمددت ع تختي وصرت اتزكر حسن ضحكتو عيونو وبكيت دخلت اختي لعندي شافتني ببكي
_سحر اه منك يعني رجعتي تعذبي قلبك لك اختي طلعيه من حياتك خلص
_ليال بقهر ياريت بهالسهولة بس م عم بقدر انساه
_سحر لح تنسيه وتكملي حياتك مع شخص يحبك
_ليال حاج ألغاز احكي الدغري
_سحر قصدي عاصم
_ليال بعصبية كم مرة لح قلك نحنا اخوة لك انا وهو م منفكر هيك
_سحر الأيام جاية ولح تعرفي انو كلامي صح تصبحي على خير
بتروح وبتتركني بدوامة اسئلة وبعد تعب طويل نمت
صارت تمر الأيام وحسن ومرتو يجو لعنا أحيانا اقعد معهم واحيانا م اتحمل من ورى حركات مرتو دائما تغيضني وضلها قريبة من حسن جكر فيي وكأنها عرفت بحبي لحسن وعاصم اتصالتو مستمرة عليي ومرقت ايام ووضع البلد تئزم وحسن قرر يسافر ع تركيا لحتى يسكن هو وعيلتو بس عيلتو رفضت انو يسافرو ولهيك قرر يروح هو ويزبط وضعو وبعدا يبعت ياخد مرتو وفعلا سافر وانا كنت موجوعة كتير ع سفرو ع عكس مرت يلي م همها بشي وراحت عند اهلها تزور عندهم وعاصم كانت جياتو لعنا كترانة
وبيوم اجا لعنا وكنت ع السطح عم غني م نتبهت عليه انو اجا وكنت بغني غنية حارمني شوف عيونو انا صوتي حلو وبعد م خلصت الغنية صار يصفقلي تطلعت عليه وابتسم
_ليال انت من ايمت هون
_عاصم امممم من وقت م بلشتي الغنية
منقعد ومنبلش حكي عن حياتنا اليومية بعدها حطيت راسي ع كتفو وتنهدت كنت بتصرف بعفوية و م بعرف انو بحركاتي عم خليه يتعلق فيي اكتر وانا بتصرف معو كأنو اخي
_ليال بتعب ايمت لح ينتهي هالعذاب ي خيي
اطلع عليي بقهر حسيت عيونو عم يحكو عذابو بس كنت غبية و م عرفت انو بجرحو بكلامي وم انتبه
_عاصم بقهر لح يجي يوم وينتهي
وقف ومشي
_عاصم شو م بدك تنزلي
_ليال يلا
سلمت ع عمتي وكان باين عليه التعب
_ابي خير اختي شبك تعبانة
_عمتي بتعب من شغل البيت ولله
_ابي اه بس طب كنتك م بتساعدك
_عمتي اه ليش هي عم تجي بعد م سافر ابني هي مقضيتها عند اهلها

#الجزء_8

_ابي لا حول ولا قوة الا بالله طيب جوزي عصام
_عمتي اي هو قلي اخطبلو بس م عم افضا
_ابي لكن بكرة بتروحي انتي ومرتي وبتخطبو ل عصام (عصام الأخ الوسطاني بين حسن وعاصم )
وفعلا خطبولو ل عصام وكانو عم يجهزو للخطبة وانا كنت عم لهي حالي بخطبت عصام لحتى انسى حسن وبيوم تحدد الخطبة اجا لعنا عاصم وعزمنا وانا لما عرفت فرحت كتير
_ليال عصومتي بتحكي جد يعني الخطبة بكرة
_عاصم اي لوليتي بكرة يلا جهزي حالك ع الرقص
وصرنا نضحك طبعا هو حكا هيك لأني شاطرة بالرقص كتير والكل بحب رقصي وهون انا تزكرت فستاني
_ليال بشهقة لك لعما
_عاصم شوفي لك شو
_ليال فستاني بعدني م جبتو م عند الكوافير
_ابي خوفتيني فكرت في شي
_ليال بطفولة بابا حبيبي حباب حباب خليني روح جيبو لو سمحت لو سمحت مواه مواه
وصرت بوسو واترجاه وعاصم كان عم صافن فيي وبحركاتي
_ابي بضحكة لك ولله لو كأنو اخواتك هون كنت بعتك بس هون بالشغل
_عاصم خال اذا بتسمح انا باخدها
_ليال بفرح جد عصومتي
_عاصم جد الجد شو خال موافق
_ابي انا م عندي مشكلة المهم م تزعل لوليتي
انا من الفرحة ضميت البابا وبستو وتطلعت ع عاصم
_ليال بفرح عصومتي ثواني وبكون جاهزة
_عاصم يلا عم بستناكي
لبست وجهزت حالي وكحلت عيوني يلي من يوم م رحنا لعند عمتي نباركلها بتسريح حسن م تكحلت و هلأ تكحلت لحتى بلش بنسيان حسن وكانت أول خطوة ببلش فيها
بطلع وبشوفني عاصم
_عاصم بعصبية امشي ساعة لتجهزي حالك
_ليال شبك عصومتي ليه عصبت ولله م تأخرت
_عاصم اي يلا خلينا نروح هلأ
حسيتو نزعج لما شافني مكحلة عيوني
طلعنا ورحنا ع الكوافير ولما شافني الكوافير بلش غزل فيي
_الكوافير يا اهلا وسهلا بحبيبة البي يسلمولي هالعيون المكحلة انا
وعاصم كان باين عليه من وجهو انو عصب
_ليال يخليلي اياك يلا عطيني فستاني خليني روح لسا عندي كتير شغل
بيعطيني الفستان وهو لح ياكلني بعيونو وعاصم جن جنونو وانا متل الغبية مو منتبه ع شي
طلعنا وكملنا ع محل المكياج دخلت وصرنا نحكي انا ورفقاتي البنات وصرت نقي بين قلام الحمرة اي واحد احلا ورفيقتي م شالت عيونها عن عاصم نكشتني بأيدها
_شو لولو م بدك تعرفينا ع الحلو
_ليال بضحكة اي بعرفك هاد عاصم اخي
وعاصم جن جنونو
_عاصم بعصبية ليال خفيها تأخرنا
_ليال يلا انا خلصت
طلعنا وكان معصب وفجأة شباب لمحوني وصارو يلطشو عليي
على يسلمولي هالعيون المكحلة وعلى يسلملي طولك وعاصم جن ع الأخر وبلش فيهم ضرب كانو٥ خمس شباب بس م قدرو على عاصم كان عم يضربهم ويفش خلقو فيهم وانا كنت بحاول بعدو بس م في نتيجة وفجأة اجت الدورية
_ليال بخوف عاصم تركهم بقا اجت الدورية لك يلا

#الجزء_9

تركهم هربنا وصرنا نركد لحد م بعدنا
_ليال بعصبية ليه عملت هيك لك لح تموتهم
_عاصم اي بدي موتهم وموت اي حد بقرب منك
_ليال اخي بعرف انك بتخاف عليي بس
ولسا م كملت كلامي صرخ بوجهي
_عاصم بصراخ لك حاج تقولي اخي انا مو اخوكي بكفي بقا ليال انا بحبك
انا كنت مصدومة م عرفت شو احكي م توقعت يكون بحبني كنت مفكرة انو هو متل اخي
_عاصم لك احكي شي لا ضلي ساكتة
_ليال بتلبك عاصم انا انا
_عاصم بعصبية انتي بحبي حسن مو وصرخ لك جاوبي
_ليال بخوف اي
_عاصم ليه بعد كلشي بعد م تزوج ليه بتحبي ليه م حبتيني الي ليه
_ليال....................
_عاصم لا تضلي ساكتة احكي شي انا بحبك بحبك ليال
كانت كلماتو عم تتردد بأدني
_ليال خدني ع البيت
بيمسكني من ايدي وبقربني لعندو وانا صرت ارجف من البكا
_عاصم ليه احكي شو الفرق بينا لك معقول م نتبهتي عليي طول الوقت كنت حبك وانتي دائما مشغولة بحسن ليه بتعرفي انو بهداك اليوم كنت جاي اطلبك من خالي وبتفاجأ انو حسن كان عندكم لك كل حاول كون قريب منك بكون حسن حاجز بينا
كان بيحكي وانا دموعي نزلو تطلع عليي زعل كتير
_عاصم لا تبكي بترجاكي عم تحرقيني بدموعك
بصير يمسح دموعي
_ليال ببكا لو سمحت خدني ع البيت
بيطلع فيي بقهر وبعدا بيخادني
بوصلني ع البيت وبروح وانا نزلت ودخلت فورا ع غرفتي وتمددت ع تختي وحاولت خبي شهقاتي بتدخل اختي لعندي شافتني ببكي
_سحر يا البي انتي ليه بتبكي شو صاير
_ليال ببكا طلع بحبني يا اختي طلع بحبني
رتمت بحضن اختي وصرت ابكي بقهر
_سحر اه منك شو عم تعملي بحالك اهدي كلشي لح يصير احسن
مسحتلي دموعي وهدتني وحكيتلها ع اللي صار وهي باين ع وجها الخوف
_ليال اختي شبك ليه خايفة
_سحر خايفة من يلي ببالي معقول عاصم م يتركك بحالك
_ليال بخوف لا مستحيل م بيعملا
_سحر اختي حاج تثقي بالناس قسي قلبك شوي وتطلعي حواليكي منيح الكل بدو يوقعك وبغار منك لك حتى مرت حسن صارت تغار منك مجرد خ عرفت انو حسن بيهتم فيكي ك أختو
_ليال اختي انا شو ذنبي اه شو ليش الكل بيكرهني ليش دائمآ بصير معي هيك
_سحر لأن قلبك طيب مسحي دموعك يا البي وسمعي منيح انتي لازم تحددي اذا بدك تبقى علاقتكن انتي وعاصم منيحة لازم تتزوجو
_ليال بصدمة شو انتي جنيتي بتعرفي انا بحب حسن
_سحر اختي انتي لازم معناها تبعدي عنن هن التنين لأن صعب هالموضوع اذا خترتي تبقي مع عاصم لح ضلي تتعذبي وتشوفي حسن واذا خترتي حسن بن تخربي حياتك وحيات عاصم وحيات حسن
انا من زعلي كنت ببكي ومو قادرة اتحمل
_سحر ليكي اختي انا بفهم عليكي بس لازم تبعدي لأن باين انو عاصم م لح يتركك بساهل
نمت هديك الليلة يحضن اختي

#الجزء_10

وقت الخطبة والكل عم يجهز حالو انا لبست فستان خمري قصير لفوق الركبة ديق وعليه فتحة عند الصدر وعملت شعري وكيرلي ومكياجي كان خفيف وبجنن بوقتها انا م عرفت حالي كنت بعمر ال 16وقتها واول م دخلت الخطبة الكل يصلي ع النبي ويحكي بسم الله مشالله
_عمتي بسم الله مشالله عليكي الله يحميكي من العين والحسد يا عمري انتي تعي لحضني
وصارت تبوسني
طبعا اختي م كان جمالها اقل مني لبست فستان ازرق قصير ديق وعليه فتحة عند الضهر والصدر كنا طالعين متل الأميرات والكل كانو مبهورين بجمالنا وفي نسوان كأنو بيطلعو عليي وع اختي شكلهم خطابين كنا طول الحفلة منضحك نرقص ومرت حسن كان باين من وجها الحقد والكراهية تجاهي بس م هتميت خلصت الحفلة ورحنا ع البيت غيرت تيابي وتمددت ع تختي واجاني اتصال من عاصم فصلت بوجهو رجع يتصل وانا افصل بعدها بعت مسج
_عاصم انا لح جن ليال شتقتلك كتير اذا م لح تردي ع مكالمات ولله لأجي ع بيتك انا تعبت لك بحبك فهميني
تشوشت كتير واتصل رديت عليه
_ليال عاصم لو سمحت تركني بحالي
_عاصم انا م فيي اتركك لك انتي حياتي انا من دونك بموت م فيي عيش ولله بقتل حالي ولا بتركك
_ليال بخوف عاصم منشان الله لا تعمل فيي هيك انا م بحبك
_عاصم بس انا بحبك عطيني فرصة ولح خليكي تحبيني انا بدي بس فرصة بترجاكي ليال انتي حياتي انا من دونك بموت
بهديك الليلة نقهرت كتير نمت وانا ببكي معقول م يتركني بحالي
صارت تمر الأيام وهو يضل يحاول معي منشان حبو بس م قدرت في بقلبي شخص واحد وهو حسن وبيوم تقدمو لخطبتنا جماعة الي ولا اختي كأنو كتير محترمين وافقنا ع الجماعة يلي جايين يخطبو اختي ويلي جايين منشاني طلبت مهلة نفكر وبوقتها كان عرس عصام بلشو بتحضيراتو ولهيك بابا بعتني نام عند عمتي وساعدها وفعلا رحت بس عاصم م كان موجود ورتحت كتير فكرت انو خلص بس لا كنت غلطانة خلصنا تحضيرات وعمتي تعبت كتير ورحنا ننام هي راحت ع غرفتها وانا رحت نام بغرفة زينب لأن هي متزوجة بدلت تيابي ولبست بيجامة زهر بس ضليت حاطة شال ع راسي لأن كنت بدي اطلع اشرب مي وفجأة باب غرفتي نفتح
الغرفة بسرعة وقفل الباب تطلع عليي وعيونو كانو حمر كتير وباين عليه مو بوعيو خفت منو
_ليال عاصم شو عم تعمل طلاع لبرى
بقرب مني وبسحبني لعندو لزقني بالحيط حسيت بخوف كبير
_عاصم انتي صح وافقتي ع الشب جاوبي
_ليال بخوف اي صح
_عاصم بصراخ ليش
انا حطيت ايدي ع تمو لحتى م حدا يسمعو
_هششش بترجاك اهدي هلأ حدا بيجي بشوفك هون وبتصير مشكلة
_عاصم وانا بدي الكل اليوم يعرف اني بحبك وم حدا لح يفرقني عنك بقرب مني وانا عم حاول بعدو بس كان اقوى مني قرب لحتى يبوس

‏ #الجزء_11

لحتى يبوسني بس لمح دموعي نازلين ع خدي تطلع عليي بقهر مسح دموعي وسند جبينو بجبيني وانفاسو كانو متل النار بوجهي
_عاصم بهمس مع كل قوتي انا قدامك ضعيف لك بعد كلشي بحاول اني كون قوي وم أضعف بس دائما عيونك بخلوني اضعف انا عاصم يلي الكل بيحسبلي ألف حساب وبهابوني الكل بضعف قبالك لك ليش م حبتيني ليه
انا كانو دموعي نازلين متل الشلال
_ليال ببكا بعد عني
بيطلع فيي بقهر ببعد عني وبيطلع من الغرفة وانا سكرت الباب ورتمت ع التخت فرغت كل قوتي بالببكا بعدا نمت وصحيت عيوني منفخات من الببكا طلعت وصرت ساعد عمتي لأن عرس ابنها اليوم خلصنا تحضيرات ورحت جهز حالي لبست فستان دهبي قصير ديق وعليه فتحة عند الضهر كان بجنن وفردت شعري يلي لبعد خصري شعري كان سابل وناعم اجت عمتي وشافتني صارت تقرالي المعوذات وتنفخهم عليي وتحكيلي نيال يلي لح بتكوني حلالو نقهرت كتير م بعرف ليش طلعنا لبرى وبلشت المعازيم توصل وبلش العرس ودق والرقص وبعدها اجت حلا لعندي
_حلا لولو تعي نرقص يلا
_ليال مو جاي ع بالي
_حلا يلا ولو بلا غلاظة
بتقومني ومنصير نرقص بعدها بتقرب مني وبتهمس بأدني طلعتي مو سهلة ومخباية بتيابك
_ليال م فهمت عليكي شو قصدك
_حلا بضحكة خبث ولو يا البي ليلة مبارحة الرومانسية مع عاصم
حسيت بغصة كبيرة جوات قلبي
_ليال انتي فهمانة الموضوع غلط
_حلا بضحكة اي عادي الأغلاط بتصير مع الناس العفيفية
نزلو دموعي غصب عني تركتها وطلعت لبرى كنت بختنق من كلامها لحقتني مها بنت عمي صارت تهديني وتمسح دموعي
_ليال بقهر لك عم تتهمني بشرفي
_مها يا عمري انتي طنشيها ولله من غيرتها منك
_ليال كيف لح طنشها بكرة لح تصير تحكي بين الناس وتفضحني
_مها احكي ل عاصم هو لح بخرسها
_ليال انتي مجنونة لك ممكن يموتها انا بعرفو منيح
_مها لا م لح يموتها بس بهددها لأن م بقا تستحي وعاصم يلي بقدر يخرس الكل مالك غير عاصم
_ليال لا م لح خبرو بشي وانتي م لح تخبريها بكفي انو م عم يتركني بحالي خلص سكري ع الموضوع
بنطلع ومنكمل العرس وبعدها منروح ع البيت انا من التعب تمددت ع تختي ونمت فورا حسيت الساعة ٣ ع اتصال عاصم
_عاصم بعصبية ليه م حكيتي ليه م قلتيلي انو هالكلبة عم تدايقك
_ليال بخوف اصحك تكون عملتها شي ولله م لح سامحك اذا بتعمل شي
_عاصم بجن جنونو لك بعد كلشي لسا بدك اتركها لك هي وحدة واطية وانا بعرف حاسبها منيح
_ليال عاصم بحياتي عندك م تئذيها
_عاصم لك ليش قلبك طيب هالقد بتعرفي اني انا عم حبك كل يوم اكتر واكتر
_ليال عاصم انا لازم سكر تصبح على خير
_عاصم تهربي مني قد م بدك بس بالأخر لح تعرفي اديش بحبك تصبحي علي خير

#‏ ‏ الجزء_12

بمرو ايام وحسن ببعت ياخد مرتو وبتسافر وبلش الأيام تمضا وانا عم حاول انسى حسن والوضع بالبلد عم يتأزم وبيوم من الأيام بتجي عمتي التانية لعنا وكنا بنضحك بعدها حكتلي اروح معها عالسوق بالأول البابا م رضي لأن الوضع م بيطمن بس وافق لما راح معنا ابنها الكبير ونحنا بالسوق عم نمشي ونضحك انا وعمتي هي كانت اقرب عمة ع قلبي وانا اخدة كل صفاتي منها بشبهوني لألها كتير ماشين بأمان الله وبوووووووم توقع قدامنا قذيفة صاروخية اداني صارو يطنو من قوة الصوت تطلعت قدامي كان كتير دخان وفي قطع لحم ودم ع الأراضي قمت وصرت دور ع عمتي وكتفي عم ينزل منو دم تطلعت ع الأرض شفت عمتي مرميا ودمها صفيان وابنها عم يبكي جنبها وانا لما شفتا هيك فقدت الوعي وم عاد حسيت ع شي
بصحى وبلاقي حالي بالمشفى كان فوقي دكتور وعم يطلع عليي ويحكيني وكلامو مو مسموع حسيت الأرض عم تفتل فيني بمرو ايام بخرجوني من المشفى اصابتي كانت بكتفي وتعافيت منها بس نفسيتي تعبت م احكي مع حدا ولا اكل بعد يلي شفتو كيف عمتي مرميا ع الأرض ولا الدم بكل مكان كنت تعبانة كتير بعدها تحسن وضعي شوي وعاصم م كان يتركني يضل حدي دائما وبعد فترة تحدد عرس اختي وعملنها ع السكت لأن عمتي متوفيا اما حسن ومرتو مشاكلهم زادت وقررو يطلقو وفعلا مرتو طلبت الطلاق وطلقها
كنت قاعدة بسرح شعري واجت اختي حضنتني من وراي
_ليال بفرح انتي ايمت اجيتي
_سحر هلأ دخلت حبيت اعملك مفاجئة
بوسنا بعض وقعدنا نحكي ومن حكي لحكي اجت سيرة حسن وحكتلي انو طلق مرتو حسيت بفرحة بس خبيتها
_سحر شو م فرحتي
_ليال ولا شو افرح انا خلص نسيت حسن
_سحر وعاصم
_ليال شبو عاصم ليكي انا م بدي فرق بين الأخوة
_سحر ومين قال لح تفرقي بين الأخوة انتي م ذنبك اذا حبيتي حسن وطلع عاصم بحبك و هلأ انا جيت احكي بغير موضوع
_ليال شو هو
_سحر بيوم عرسي مرت عمو لجوزي شافتك وحبتك وطلبتك مني وحكتلي انو أسأل اهلي اذا موافقين لحتى يجو يطلبوكي رسمي
_ليال اختي انا م بدي اتجوز هلأ سكري ع الموضوع
_سحر اختي انتي لازم تتجوزي حسن طلق مرتو ولح يجي لهون عن قريب وعاصم م لح يتركك بحالك لازم تخلصي بقا
_ليال اختي ولله تعبت تعبت
_سحر يا عمري انتي تعي لحضني خلص اذا م بدك م في اجباري
_ليال خليني فكر
_سحر خدي وقتك يا البي
بمر يومين وبرد خبر لأختي انو م في نصيب لأن عاصم عرف وجن جنونو وانا خفت يئذي الشب وبعد فترة بيجي حسن ع البلد واول وانا كنت زايرة ببيت جدي ولهيك م كان عندي خبر انا كنت شفيانة من جرح حسن وعم كمل حياتي عادي ولما خلصت زيارتي رجعت ع البيت

#الجزء_13

وصلني اخي وراح وانا اول م دخلت ع البيت صرخت بفرح ابو ياسر وصرت غني خلي الي م يسمع يسمع بهواك بهوااااك وعليي ضل ادلع محلااااك محلااااااك وانا عم علي صوتي وغني كنت فرحانة كتير وبعدني بأرض الحوش لسا م دخلت الغرفة صرت صرخ بفرح لك بابا سيف نبيل طلع مو عامل حادث ولا شي طلع إشاعة وصرت هنهن
اوه وياما الناس حسدوك
اوه وياما ناس كادوك
اوه وياما حاولو يتحدوك
اوه وخسرو قدامك عيونك يا روح الروح لللللللللللللللللللللللليش
وانا عم هنهن وزلغط دخلت ع الغرفة وعم بضحك ولا يطلع بوجهي حسن اي حسن م غيرو تطلعت عليه صار يضحك وابي حاطط ايدو ع راسو وانا لحتى كملها رفعت ايدي وصرت لوحلو
_ليال هااااااي
_حسن وهو كاتم ضحكتو وعليكم السلام ورحمة الله وبركاته
وانا من الخجلة رحت اركد ع غرفتي دفنت حالي بالتخت من الخجل وهنن صوات ضحكم وصل لأخر الحارة اجت امي لعندي تضحك
_امي لك أخ من لسانك متبري منك
_ليال بخجل امي تركيني منشان النبي ولله م عاد اطلع قدامو غير اموت
_امي بعيد الشر عنك لك صحي م رحتي لعند اختك
_ليال لك لعما ع هالنسوة بعتت عليي وانا نسيت ولا اضرب من هيك انو ياسر راح هلأ كيف لح روح
_امي يلا هلأ بتروحي مع حسن بيت اختك قريب من بيت عمتك
_ليال مستحيل لا م بدي لك تعي لا تروحي ماما
بتروح وبتحكيلو يوصلني وانا كنت لح موت من الخجلة وهو وافق يوصلني اجت امي تحكيلي قومي روحي معو يلا
_ليال بحياتي م لح سامحك ي نبع الحنان
_امي بضحكة اي بكرة براضيكي بملوخية حاج حكي قومي يلا
طلعت ومن دون م اطلع عليه بسرعة ركبت بالسيارة وهو ضحك عليي طلع ومشي وبعدها حط غنية خلي م يسمع يسمع بهواك وانا وجهي صار احمر من كتر الخجل وهو فرط ضحك وانا خبيت وجهي بأيديا
_حسن بتعرفي صوتك حلو كتير
_ليال بكفي مسخرة ولله ببكي
_حسن ومين حكالك اني بتمسخر فعلا صوتك حلو
تطلعت عليه وتطلع عليي نسحرت بعيونو السود رجعت لوعي بسرعة ودرت وجهي ع الشباك وصلنا وانا نزلت بسرعة وتفشكلت وكنت لح اوقع بس مسكني حسن بسرعة وشافنا عاصم كانت النار عم تطلع من عيونو وانا لمحت عاصم فورا بعدت عن حسن ودخلت ع بيت اختي خفت كتير من هاللحضة بعدا بلشت ساعد اختي بتعزيل الغرف لأن هي حامل بالأشهر الأولى خلصنا وقعدنا بعدها حكتلها كلشي
_سحر هاد اللي خايفة منو انتي لازم تبعدي
_ليال م انا عم ببعد بس انتي شايفة
_سحر انتي لازم تتجوزي وزواجك يتم بسرعة لحتى تخلصي
_ليال اختي انا خايفة كتير
_سحر بعدك بتحبيه
_ليال...............
_سحر اه عليكي يا اختي لسا عمرك١٧ وهيك عم يصير فيكي
_ليال تعبانة اختي تعبانة
بتحضني وبتصير تواسيني بصير الليل

#‏ ‏الجزء_14

وبتصير تواسيني بصير الليل وبيجو ولاد بنات حماها لأختي وكلهم صغار بأعمار ٤ ٥ ٦ ٧ سنين قعدو يتابعو مبارة وانا قعدت معن ولحتى خفف عن حالي ندمجت معهم وكل يربحو جولة نصير نصرخ كوووووووووووول😂
دخلو صهري واخواتو الشباب ونحنا تطلعنا عليهم وصرنا نضحك
_صهري لك ليال انتي الواعية بينهم وصواتكم موصلة لأخر الحارة
_ليال بضحكة لك صهر وين المشكلة اذا فرحنا شوي اه وين المشكلة شو يا ولاد انتو معي
الولاد بصراخ ايييي
وصرنا نضحككنا سهرانين وفجأة رن موبايلي طلعت ع البلكونة ورديت
_ليال اي عمتي كيفك
_عمتي مشتاقة للمخباين
_ليال له ي عمتي انا متخبية انا هون بالحارة اجيت ساعد اختي بتعزيل ولح نام عندها لأن اصرت عليي
_عمتي اي بعرف ولهيك اتصلت عليكي جهزي حالك لح ابعت ابني يجي ياخدك لحتى تنامي عندي يلا
_ليال لا عمتي انا م في لا تبعتي ابنك ولله بتزعل كتير اختي م فيي
_عمتي ولا حرف لبسي بسرعة والأ بزعل ولله
_ليال بس عمتي
_عمتي انا شو حكيت يلا لشوف بسرعة
سكرت الهاتف وانا صرت نط ع الأرض نط من قهري وصرت احكي حكي لا انا بعرفو ولا هو يعرفني 🙂وفجأة لمحت حسن عم يطلع عليي من البلكونة ويضحك انا وجهي صار لونو احمر ودخلت بسرعة من خجلي طبعا بيت عمتي كتير قريب من بيت اختي
_سحر بضحكة لك شبك ليش هيك وجهك
_ليال عمتك بدها نام عندا وحاولت كتير اني اتحجج بس لا مصرا
_سحر اي بعرف من شوي حكاني ابي وقلي انو خليكي تنامي عندا لأن هي حكت مع البابا وحس البابا عليها انو مزعوجة انك م نمتي عندها
_ليال بعصبية وليه م خبرتيني اه
_سحر اي هلأ خبرتك
_ليال 🙂
_سحر لك خلصنا هلأ لا تقلبي وجهك فرديها
رحت ولبست واجا حسن فتحلو صهري وطلعت معو بدون اطلع بعيونو وهو كان كاتم ضحكتو بالزور
وصلنا ع بيت عمتي وستقبلتني بالأحضان والبوسات
_حسن احم احم انا بلشت غار
_زينب يلي بيسمعك بفكر انو امي م ستقبلتك بالأحضان
سلمنا ع بعض وقعدنا انا وزينب ندردش لأن صرلنا فترة م حكينا بعد م تجوزت وسافرت حملت بنتها عمرها ١ سنة وصرت لعبها وكاغيلا وتضحكلي واضحكلا وعيون حسن عم تراقبني من تحت لتحت وفجأة اجا عاصم وشاف حسن كيف بيطلع عليي وبين عليه اديش عصب قعد معنا وبلش التوتر بينهم يزيد انا خفت يعلقو سوى بعد شوي
_ليال عمتي بدك شي انت رايحة نام
_عمتي بعد بكير ع النوم
_ليال حاسة حالي تعبانة شوي اذا بنام برتاح
_عاصم بدك اخدك ع دكتور
_ليال لا لا م في داعي للدكتور هلأ بنام وبصير احسن
رحت ع غرفتي لنام ولحقتني زينب
_زينب شبك فيكي شي
_ليال لا م في شي بدي اسئلك سؤال وجاوبيني عليه بصراحة
_زينب اي سئلي يا البي

‏ ‏ #الجزء15

حسن شو جابو من تركيا كان بدو يستقر هيك ليش اجا
_زينب...................................
_ليال لا ضلك ساكتة احكي شي
_زينب خبرتو
_ليال بشو خبرتيه ليكون حكيتيلو اني بحبو
_زينب.......................................
_ليال بعصبية لك ليش عملتي هيك ليه ي الله منك اوف زينب اوف
_زينب يعني هو لازم يخبر حاجتكم هيك هي طلق العقربة وخلصنا منها شو ضل حاجز بينكم وهو لما عرف نزل فورا ع البلد و بدو يصصح غلطو وتتزوجو خلصنا لولو لا تكبري القصة
_ليال لك انتي م عم تفهمي شي لك بعملتك هي شغلتي نار بين اخواتك
_زينب ليش شو دخل هي بهي ..... لا تقوليها عاصم كمان بحبك
_ليال الحمدلله ع السلامة منيح عرفتي
_زينب من ايمتا طيب ليه م حكيتي ليه
_ليال ليش نحنا عم يصرلنا نحكي هو بحبني بس من ايمتا م بعرف
_زينب طيب وكيف عرفتي انو بحبك
_ليال هو قلي وبيعرف انو بحب حسن وانا رفضت اكتر من شب تقدمولي من ورى عاصم هو عم يجن وقت يعرف اني بنخطب
وحكيتلها كلشي
_زينب بصدمة معقول اخي بحبك هالقد اخي يلي الكل مفكر انو قلبو من حجر بحب هالقد معقول
_ليال اه زعلانة كتير من طرف حسن ومن طرف عاصم بتعرفي اديش انا بحبن وم بدي كون السبب بتفرقهم_زينب طيب والحل هلأ
_ليال اني بعد عنهم
_زينب بلا حكي فاضي لك انتي بتعشقي حسن
_ليال وعاصم بيعشقني وحسن م بحبني
_زينب مبلا بحبك ولولا هيك م كان اجا ع البلد
_ليال انتي عم تضحكي ع حالك شي لك هو بيتعبرني متلك وبس بحبني كأخت وبس يعني بربك خلصنا انا تعذبت كتير لحتى نسيت حبو
_زينب كذابة انتي بعدك بتحبيها وبتكذبي ع حالك انك م بتحبي
_ليال ببكا زينب انا تعبت تعبت م بقى فيي
_زينب طيب احكي مع عاصم انو بعدك بتحبي حسن
_ليال بحرقة لك بدك تشعلي نار بين اخواتك جنيتي انتي
_زينب يعني ينحرق قلبك مثلا
_ليال ببكا اي خلي قلبي ينحرق ولا هنن يفترقو
بيحكو شوي بعدا بتنام زينب وبضل ليال سهرانة بتحاكي اختها وبتصير تبكي بتهديها
_سحر لك اختي م بكفيكي عذاب لأيمت لح ضلي هيك
_ليال ببكا لك كل م حاول انساه بيطلع بوجهي وبخليني اتعلق فيه اكتر من اول
_سحر طيب والحل هلأ شو
_ليال م بعرف تعبت مليت
_سحر طيب عندي فكرة شو رائيك تسافري عند خالتي بحلب ضلك عندها فترة وبعدا منحل كلشي برواق
_ليال بتحكي جد اختي لك انتي بتعرفي انو اذا بروح عند خالتك بتزوجني ابنها فورا
_سحر بضحكة طيب ولله حيرتيني شو نعمل
_ليال بتعب لح دبر الوضع م تهكلي هم يلا روحي نامي تصبحي على خير
بتمدد ع تختي وبحاول نام بس م قدرت بعدا صارت تبكي بنت زينب قمت لعندها وعطيتها لهايتها وصرت اتأمل وجها البريئ

‏ ‏ #الجزء16

ياريت م كبرت ياريت ضليت صغيرة متلك لا عذاب ولا هم ياريت بتعرفي رغد انا لح وصيكي م تحبي لأن الحب عذاب خليكي هيك بدون حب بترتاحي وهي صارت تضحكلي بستها من خدودها وطلعت ع الصالون لأشرب مي ولمحت حسن بدخن بالبلكونة قربت وصرت اتأملو بعدها دار ضهرو لناحي وانا بسرعة تخبيت ورى الباب تطلعت عليه من ورى الباب م شفتو طلعت لبرى وصرت دور عليه وفجأة ايد نحطت ع خصري وسحبتني بسرعة لورى الباب حط ايدو ع تمي لحتى م اصرخ وتطلع بعيوني تصلب جسمي من لمستو تطلعت بعيونو السود ونسحرت بجمالو
_حسن هاد انتي فكرت حرامي
بعد عني ورجعت لوعي
_ليال بربك حرامي و ورى الباب اذا حرامي بيدخل ع الغرف وبسرق
_حسن بمكر اي وانتي شو كنتي بتعملي ورى الباب
_ليال اه اي انا انا كنت بدي اشرب مي وجيت دور ع مي
_حسن بضحكة ونشالله لقيتي
_ليال اه اي اي يلا تصبح على خير
_حسن لوين
_ليال بدي نام
_حسن مو بدك تشربي مي
_ليال اي خلص م بقى بدي
_حسن اي تعي معي يلا
اخدني ع المطبخ وعطاني كاسة مي وشربت شوي
_ليال يلا بالأذن
_حسن ليش بعدك فايقة
_ليال لأن انا م بقدر نام منيح اذا مو متعودة ع مكاني
_حسن وانا متلك تعودت ع نومتي بتركيا تعي نسهر سوى انت مو جاييني نوم
_ليال لا انا نعسانة اسهر انت
_حسن اوك يلا نامي بكير واصحي بكير لتشوفي الصحا كيف بتصير
هو كان بيستفزني من لما كنت صغيرة بهالكلام ويقول عني صغيرة
_ليال لا انت بدي اسهر
_حسن لا معلش انتي صغيرة ع السهر
_ليال انا مو صغيرة وبدي اسهر يلا
بيضحك وبنطلع ع البلكونة بيطلع سيكارة وبصير يدخن بيصفن بالقمر وبيحكي
_حسن من زمان كنت فكر انو م في بجمال القمر بس من بعد م تعرفت ع هالبنت عرفت اني غلطان
انا تجمعو الدموع بعيوني
_حسن ياريت يرجع الماضي لحتى صلح اغلاضي
تطلع عليي وشاف دموعي نزلو مسحت دموعي بسرعة وقمت لروح بس صوتو وقفني
_حسن سامحيني عذبتك كتير معي
رحت بسرعة ع غرفتي وقعدت ابكي

‏ ‏ #الجزء17

صحيت الصبح وطلعت غسلت وقعدنا ع الفطور كان حسن بيطلع عليي وباين عليه مقهور اما عاصم كانو نضراتو نار تجاه حسن فطرت بسرعة وقمت
_عمتي لك بنتي شو اكلتي كملي فطورك
_ليال متي سدقيني م اقدر تغلبت لا انا لازم روح
_حسن يلا امشي لوصلك
_ليال م في داعي صهري لح يوصلني انا واختي ع البيت لأن اليوم عزيمتكم عنا يلا بالأذن طلعت بسرعة ورحت مع صهري واختي نتبهت سحر عليي اني بكيانة واول م وصلنا حكتني
_سحر رحمي حالك بكفي عذاب
_ليال بتعب اه ي اختي خلينا ندخل امشي
دخلنا وصرنا نجهز للعزيمة طبعا هي العزيمة لأن حسن اجا ع البلد عزمنا عمتي وعليتها وعمي وعلتو واختي وجوزها خلصنا تجهيز الأكل مع اذان المغرب وندق الباب انا ركدت ع الغرفة لأن مو مجهزة حالي بعد ركدت ع غرفت اخواتي الشباب لأن غرفتهم قريبة من المطبخ دخلو الضيوف وانا صرت البس لبست فستان خمري طويل ديق من الخصر وكلوش من تحت ولسا بدي حط الشال ع راسي دخل حسن ع الغرفة وانا لما شفتو فورا درت ضهري هو ضحك وسكر الباب بسرعة حكا مع اخي
_ياسر ليه طلعت فوت
_حسن اختك جوا
_ياسر اكلنها ولله لتموتني
ضحك حسن وراح ع غرفة الضيوف وانا جوا عم بغلي من عصبيتي
دخل اخي ورميت عليه مخدة وصرت ارمي عليه كلشي بالغرفة
_ياسر لك سمعيني شوي ولله م بعرف انك جوا ولو عرفت م كنت اجيت انا وحسن
_ليال لك ليش م دخلت انت بلأول يلعنك ويلعن حياتي تفو تفو نقلع
بعد م خلصت معركتنا لبست شال وطلعت سلمت ع الكل وبعدا حطينا الأكل وقعدنا ع السفرة وانا اجيت لروح بس عمتي وعمي م خلوني واصرو اتعشى معهم اجيت لأقعد وصارت قعدتي مقابل حسن وحسن عيونو م شالن عني وعاصم عيونو حمر متل الجمر اكلت بسرعة وطلعت ع المطبخ وصرت اشتغل بالجلي لحتى م اقعد معن شلنا السفرة وصرت اجلي وفجأة نقطعت المي
_سحر يي ليش نقطعت المي
_ليال بكون الخزان انا طالعة زبطو
طلعت ع الأسطوح لحتى زبطو وفجأة ايد سحبتني بسرعة وحط ايدو ع تمي وسحبني ع لجوى لحتى م حدا يسمعنا اطلع بعيوني وهو عيونو جمر من كتر مو معصب
_عاصم بعصبية ليه عم تعملي فيي هيك
وبصير يصرخ وانا فورا سكرت تمو
_ليال بخوف ولله م عملت شي عم حاول بعد قدر الأمكان
بقرب مني

‏ #الجزء23

مرو ايام وانا عم حاول انسا يلي صار اختي دائما حدي وم تركتيني واهلي يلي عم يحاولو يعرفو ليش رفضت وبيوم اجت اختي
_سحر لأيمت لح ضلي تتعذبي م بكفي عذاب
_ليال بحرقة اه يا اختي
_سحر سلامتك يا عمري انتي بكفي بقا حرام يلي بتعملي بحالك وبأهلك
_ليال تعبت اختي تعبت
_سحر تعي لحضني
ضمتني وصرت ابكي بعدها سمعت حركات ابنها وهو يرفسها ضحكت اطلعت ع اختي
_ليال ليكي بيرفس لك ايمت لح يجي هالفسعون ولله مشتاقه احملو ولعبو
_سحر بضحكة م بقي كتير فترة وبصير بين ايديكي
_ليال يمكن هو يلي ينسيني الحزن يلي عايشتو
_سحر اي معناتو خلص بس اولد لح خليكي انتي يلي تربيه
_ليال اي ولح اخدو صهر
وصرنا نضحك ونحكي بعد شوي حكتلي
_سحر اختي جايبتلك عريس من طرف جوزي شو رأيك
_ليال حلي عني سحر بدي ألعن الحب والزواج وكل شي
صارت تضحك عليي
_سحر بربك ولله الشب منيح وهو شافك وعجبتيه فكري ترى م بيتروح ها
_ليال سحر نقلعي من خلقتي ترى بالزور لحتى عايشة
_سحر ولهيك بدي جوزك لحتى خلصك من عقدتك
_ليال لا معلش تركي عقدتي وجيبي هالفسعون لأن هو يلي لح يفرحني
صرنا نحكي ونضحك مرقو ايام وعاصم حاول يحكيني كتير بس رافضة احكيه وبعدها سمعت عمتي بتحكي انو مريض زعلت كتير بس م كان بدي تشعل نار بيناتهم ولهيك بعدت وبيوم عيد راس السنة 2020 رحنا ع بيت عمي لحتى نحتفل كلنا سوى جتمعنا كلنا وكنا مبسوطين وقبل م تصير الساعة 12بدقيقة بعتلي حسن (الى تلك التي سرقت قلبي صغيرة روحي كل عام وانتي بقلبي مع غنية ي غايب )اطلعت ع رسالتو وتجمعو الدموع بعيوني
سكرت الهاتف واخدت نفس طويل وبعدها قلت
_ليال كل عام وانت نبض لقلبي وعشق عمري احبك ❤

( #النهاية )