@rwayate
قيس بتهديد: ماشي يا ليلى (لبس ومشي)
قامت ليلى : هفففف انا اللي عملته صح ولا غلط .. صح لأنه لازم يعرف بقيمتي.. (بخوف) بس هو بهدد.. الله يستر
وصلوا ولادها من الروضة غدتهم وما انتظرت قيس حتى توكل معاه
وصل قيس... وكانت قاعدة ع التلفزيون وما عيرته أي انتباه مثل دايما
قيس باقتضاب: مرحبا
ليلى بلامبالاة: أهلين
قيس: وين الولاد
ليلى: بالغرفة بلعبوا
قيس: قومي حطي أكل
ليلى وعم تنظ للتلفزيون: الأكل بالمطبخ روح كُل
قيس: هيك يعني ... خلصي قومي حطيلي بلا عناد
ليلى عم تصطنع الهدوء: شايفني فاضية عم أحضر .. روح دبر حالك
قيس غضب وطفى التلفاز
ليلى بعصبيه: ليش هيك عملت اهاا
قيس : لما جوزك بحكي معك بتعيريه انتباهك
ليلى: بلا شو .. وانا لما احكي معك بتعيرني انتباهك.. انت كل انتباهك ع التلفزيون واللابتوب والجوال حتى اولادك مابتحكي معهم كلمتين ع بعض.. شو بدك مني اقوم استقبلك حل عني قرفت من هالحياة
قيس بغضب رفع ايدو وضربها كف
ليلى بتبكي وايدها ع خدها: عم تضربني يا قيس .. عم تمد ايدك عليّ لأني بحكيلك الحقيقة ( ركضت وفاتت ع غرفة ولادها)
قيس مع نفسه: شو عملت انا... بس هي زودتها... وانت يا قيس ما زوتها....لأ لأ انا رجال البيت وما إلها حق ترفع صوتها عليّ ( صراع بين العقل والقلب)
ليلى بتبكي
ياسمين: ماما ليش بتبكي
ياسين صار يبكي: ماما
ليلى ببكاء وصريخ: حلوا عن وجهي
ياسمين وياسين قعدوا عند بعض وصاروا يبكوا
مرّ الوقت وليلى بالغرفة ... اطلعت بأولادها
ليلى بحنيه: تعوا ماما
ياسين ببكاء: ما بدي
ليلى: تعال حبيبي أنا آسفي لأني صرخت فيكم ... تعالوا
حضنتهم ليلى ولعبت معهم ونيمتهم
خرجت من الغرفة ما لقيت قيس بالبيت ... فاتت ع غرفة اولادها حطت فرشة ع الأرض ونامت
فاقت كالعادة جهزت أولادها..... اطلعت ع غرفتها لقت قيس نايم
ليلى مع نفسها: أصحي ولا لأ ... امممم بصحي وما بعملوا شي
ليلى قربت عندو: قيس قيس... يلا فيق بدك تلحق تروح ع شغلك
قيس عم يتثاوب: ليكني صحيت
ليلى ما حكت شي ... مشت ودخلت ع غرفة الأولاد..... اما قيس لبس وجهز حالوا وطلع
بعد فتره برن جوال ليلى
ليلى: أهلين أختي كيفك شو أخبارك
عزة: انا منيحة إنتِ طمنيني عنك
ليلى بتنهيده: ماشي الحال
عزة: اسمعي انا شوي وبكون عندك
ليلى : أهلا وسهلا
(( عزة بتكون أخت ليلى الأكبر منها عمرها 32 سنة... متزوجه وعنها بنتين وولدين... وساكنة بطبيعة شغل زوجها ببلاد الخليج))
((قيس عمره 31 سنة زوج ليلى... بشتغل في شركة للتجارة صاحب عيون عسلية وشعر أسود وبشرة بيضاء))