#الجزء_الاول
#بقلم_نايا
___
= لك تعاااااا وين رااايح لك تعا طلعني من هوووون
-بأحلامك
=لك لييش يا كلب شو علمتلك انااااا
-مع الوقت بتعرفي
=لك يبيااا كلب يا واطي
-قرب منها كتير سحب وجها بأيدو لعند وجهو وعيونو عم تضرب شرار (كلمة تانية بصير شي مابيعجبك)
=بصوت واطي ومرعوب حكت الله يوفقك فهمني انا ليش هون
-قرب من ادنها ( وبصوت واطي حكا ) مع الوقت بتعرفي
(طلع من البيت وسكر الباب )
رجعت بزاكرتهها ل قبل ٢ايام من هلئ
فتحت عيونها بسرعة قامت من التخت غسلت وجها ولبست تيابها تبع المدرسة ولبست حجابها اطلعت على حالها نظرة اخيرة وفتحت باب البيت ونزلت بكل شوفة حال
ثواني والباص كان عم يزمرلها لتستعجل مشيتها ماردت وضلت عم تمشي ع نفس المشية
فتح باب الباص عيون الكل عليها حتى شوفير الباص طلعت بدون ماتهتم لحدا
هي هيك ناره مستحيل تغير شوفة حالهاا
وصلت عالمدرسة
البنات كلها عم تطلع فيها بعظ شوي طلبت اسمها الادارة
€حبيبتي بنات باصك كلهن منتبهين معقول اتتيي مو منتبهة
ناره:انسة والله مو منتبها
€ططيب ديري بللك كتير منيح
طلعت من غرفة الادارة وراحت لمكان فاضي وصفنت بالحكي يلي حكتلها ياه ...كيف هيك معقول طيب واذا مافي شي بخوف عادي بتجاهلو اكتر لسا بس لازم احكي لماما وبابا ..
اجو الباصات وطلعت بالباص كانت خايفة تطلع عالمرايا تتأكد او لا
بس ماعاد تقدر لازم تتأكد رفت عينها ع المرايا وكان فعلا متل ماقلتها الانسة عم يطلع فيها
الدم وقف بعروقها وصل دورها بالنزلة بس مانزلها
فاقت من زكرياتها ع دماعاتها السخنة يلي نزلت ع وجها ..
طلعت من الغرفة يلي هي فيها
كلشي صار معها عم يدور براسها شو بكون تفكير اهلها معقول فكروها غلطانة صرلها يومين غايبة عن البيت اكيد أمها حتموت من الرعبة
زبطت حجابها على راسها صرلها يومين بنفس المنظر تياب المدرسة وحجابها على راسها
قربت ع المطبخ حطيت ايدها ع بطنها والله جعت اووف فاتت فتحت البراد لقتو فاضي رجعت على الغرفة يلي قاعدة فيها حطت راسها عالمخدة وغفلت
___
حط ايدو على راسو عم يوجعو كتير ماعم يعرف شو يعمل صرلو داير بالمكرو ٤ مرات وبعدين ...
ضرب على وجهو كف قوي ليصحصح خلص فييييق عملت عملتك ومشي الحال
رجع لذاكرتو لقبل يومين ..
الكل كان منتبه انو عم يطلع الا هي ماعم تطلع ولا عاطية اي اهتمام لحدا ... مين مفكرة حالها . طبعا ماهية بنت السفير شو لح تكون غير هيك بالنزلة والطلعة نفس الشي بس الفرق انو كانت خايفة بالرجعة اليوم عالحظ ماكان معنا انسة بالباص .فنتهزت الفرصة ...وعملت عملتي .
رجعت من ذاكرتو ع صووت زموور قوي وضو طلع بخلقتو صف ع جنب ماعم يعرف شو يعمل بحالو حاسس حالو ضايع .
___
رفع سماعة التلفون ..
=ثواني وبتكون عندي
-بس انا هلئ مو بالبيت
=مالح عيد كلامي
_امرك
فات بطلتو القاتلة تيابو يلي باللون الاسود وقميصو الاسود يلي ع قد جسمو عاطينو هيبة شعرو الغزير الاسود وعيونو الممكحلة الحادة ولحيتو ونظرتو القاتلة كانت كفيلة تعرف عن اكبر ضابط بالبلد
=شو صار بالمهمة؟
_خلصت
=وينها
_بالبيت
=طيب شو خطوتنا التانية
_هلئ هي الفترة لح ضل عندي لبين ما يصير يلي ببالي
،=بس هاد شي بخالف القانون
_لو سمحت
=تمام.
___
ببيت بعيد عن الانظار بيت فخم وحلو باين لحدا معروف
سمر:ييااربي ياربي شو بكون صاير فيكي يا بنتي اااه
احمد:طولي بالك يا سمر لو سمحتي
سمر:لاااا مالح طول بالي كلووو منك شو بكون صاير مع البنات
أحمد "انا شو دخلني
سمر :انت اكتر حدا دخلو بالحياة سمعني احمد اذا بنتي مابترجع لح يصبر شي ماليعجبك
احمد(وين راحت البنت معقول ...لا لا اكيد غلطاان مو معقول)
___
بعيون متفحصة فات عالبيت دور عليها ومالقاها .وينها معقول قتلت حالها او ععملت شي ركض على غرفتها شافها نايمة مال الملاك ..رجع لورا فات على غرفتو وسكر الباب شلح تيابو ولبس بجامتو دقايق ورن الجرس طلع لبرا
اخد الاكل وفات تفاجأ فيها عم تحك عيونها ع باب الغرفة
=تعالي كلي ..
ناره:شو هاد؟
=اكل شو هاد
ناره"بعرف اكل بس شو؟
=فروج مشوي
ناره :قول والله بلعت ريقها وقربت بسرعة كبيرة عالطاولة شمت الريحة فظيعة صرلها يومين مااكلت تزكرت حالها وين ومع مين لملمت حالها . وقعدت شوي شوي ومدت ايدها واخدت قطعة صغيرة و رغم جوعها حكت
ناره: شبعت
=مو عأساس جوعانة.
ناره ؛ بكيفي بجوع بشبع ماباكل انا حررة
=لا مااانك حرة مانك حرة عم تفهمي
ناره"لا ماعم افهم ومابدي افهم من وين طلعتلي انت ااه هي اخرتي انا مع شوفير باص ..
بثواني كان الاكل كلو ع الارض الطاولة كلها صارت رجليها لفوق وراسها لتحت ماتوقعت يلي صار مو معقول كيف رفع الطاولو شو صرلو
=اذا بترجعي بتحكي شوفير باص مرة تانية بنهيكي عم تفهمي